Original subtitles

Harrigarria, ihes egitea lortu duzue.

- Lady Igande. - Nor da Lady Igande?

Barrokoen bigarrena agintean. Maltzurra da oso.

Utzi ni apuntatzeari.

Min har dezakezue.

Ez urduri jarri.

Hil nahi bazintuztet, hilda egongo zinatekete.

Pozten nau zu ikusteak, Lady Asteazken. Edo Vivi printzesa da?

Sentitzen dut Lord 8 hil izana.

Ezta okurritu ere Igarami buruz hitz egitea!

Ez jarri horrela, neska.

Lastotxapelen kapitaina zara, e?

Monkey D. Luffy.

Itzulidazu txapela oraintxe bertan!

Zoritxarrekoak zuek.

Log Pose-ak Lorategi Txiki uhartera zaramatza.

Hango arriskuek zuen heriotza ekarriko dute.

Marra Handiak dakarren edozeri aurre egingo diogu. Itzulidazu txapela!

Proposamen bat daukat.

- Eternal Pose bat? - Zer?

Uharte bakar bateranzko bidea adierazten duen Log Pose bat da.

Eternal Pose honi esker uharte urrun batera iritsiko zarete

eta Lorategi Txikik edo nire erakundeak dakartzaten arriskuak saihestu.

Han ezkutatuz gero, ez zaituztete aurkituko.

Salbu egongo zarete.

Ederki! Ba erabakita.

- Eta gurekin zatoz? - Kontrolatu. Gure etsaia da.

Amarrua dirudi.

Zer diozue?

Ez dut errepikatuko.

Luffy, ez!

Ez duzu ontzi honen norabidea erabakiko.

Lastima.

Printzesa iheslaria ontzian hartzean,

itu bihurtu zarete.

Geldiezina zarela uste duzu,

Monkey D. Luffy,

baina zure lagunak

ez dira gomazkoak.

Zorte on.

Zer demontre gertatu da?

Ezezagun misteriotsu eta eder batek bisitatu gaitu.

Ez duzue ulertzen. Badaki non gauden.

Laster beste agenteek ere aurkituko gaituzte.

Ez dute etsiko denok hilda egon arte.

Agian arinegi esan diogu ezetz ezkutatze planari.

- Ni ez naiz ezkutatzen. - Ongi da.

Baina ni agian bai?

Ez.

Besteok ez duzue serio hartuko ala?

- Barrokokoek ez gaituzte izutzen. - Zorok ehun hil ditu.

Lord 5 eta Lady Valentin bezalakoak askoz ahaltsuagoak dira.

Askok fruituen ahalmenak dituzte.

Ez kezkatu. Nik babestuko zaitut.

- Ez gezurrik esan. - Ez diet damei gezurrik esaten.

Luffy, Whisky Peaketik atera ninduzun eta beti eskertuko dizut.

- Nire hitza eman nuen. - Eta bete duzu.

Baina ez naiz geratuko zuen atzetik etor daitezen.

Lorategi Txikin Alabastara iristeko modua aurkituko dut.

LORATEGI TXIKI

Honetarako etorri ginen Marra Handira!

Ez dut sekula parekorik ikusi.

Zergatik deitzen da Lorategi Txiki? Ez dirudi oso txikia.

Auskalo, baina esploratzeko irrikaz nago.

Uhartea ez da mapetan agertzen.

Hortaz, ez da habitatua egongo.

Arrazoi on batengatik.

Ez dago etxera eramango nauen barkurik.

Gurekin geratu beharko.

Bitartean, abentura zain dugu!

Goseak nago.

Eskerrak tuperrak prestatu ditudala esploratzera joan ahal izateko.

Primeran!

Kaixo, Lorategi Txiki!

Irrikaz nago zer ezkutatzen duzun ikusteko!

Entzun egin dit.

Erraldoia dirudi.

Afaria dirudi.

- Banoa ehizatzera. - Nola? Ostikoka?

- Hobeto egingo duzulakoan? - Zuk baino?

Noski.

Apustu egingo dugu. Afaria ehizatzen duena, irabazle.

Konforme.

Goazen, lagunok!

Vivi, bazatoz?

Goazen ba!

Ez banandu.

Eta oihanean korrikarik ez, bale?

Hemendik!

Luffy!

Bananduko gara?

Ideia ona da?

Landare hauek liburuetan ikusi ditut,

baina desagertutzat ematen dira.

Honek usain ederra du.

Hau goseak dago.

Entzun dugun animalia hori,

hemendik joan da.

Hortik da, nik uste.

- Nire ehiza abilezia dudan jartzen? - Ez daukazu-eta.

- Hortik. - Hortik.

Lasai, Vivi.

Hurrengo uhartean Alabastara bidaliko zaitugu.

Lady Iganderi ezetz esatean, Luffyk arriskuan jarri du taldea.

Eta zuri ondo iruditu zaizu. Zergatik?

Badakit Luffyk ematen duen irudia, baina…

Luffy oso…

Ez dakit nola azaldu,

baina ikustean, jakingo duzu.

Hau probatu behar duzue!

Hil nahi gaituzu ala? Jaitsi hortik eta utzi txorakeriak egiteari.

Non dago Usopp?

Ontzira itzuliko zen.

Bere bila joango naiz. Zuk…

zaindu Luffy.

Zer ote dago hemen?

Zatozte, neskak!

Ikusi al duzu inoiz halakorik?

Iratzea?

Bai, baina normalean ez dira hain handiak.

Eta hauek? Inoiz ikusi duzu horrelakorik?

Bai, Luffy. Baiak ikusi ditut.

Ziur jan daitezkeela?

Eta hori?

Noizbait ikusi al duzu

horrelakorik?

Ez, Luffy.

Ez dut inoiz halakorik ikusi.

Uharte prehistorikoa da.

Marra Handian nabigatzea han zaila denez,

ziur aski uharteak milaka urte daramatza bisitaririk gabe.

Dinosauroen garaitik…

Dinosauroan igo nahi dut!

- Zergatik diozu hemendik joan dela? - Badakit zertan ari naizen. Hemendik da.

Onartu ba. Galduta zaude.

Badakizu zeren bila gabiltzan?

Aztarna hauek ikusita,

animaliak atzapar handiak dauzka.

Oilasko salda afaltzeko.

Galduta zaude.

Isilduko zara, goroldioburu?

- Aitzurtzera etorri gara? - Ehizak pazientzia eskatzen du.

Ez didazu azaldu behar.

Pirata-ehiztaria. Gogoratzen?

Piratak eta animaliak ezberdinak dira.

Orokorrean.

Zerbait hil nahi badut, hiltzen dut eta kito.

Bai, ez daukazu sotiltasunaren dohaina.

Sotiltasunari esker Whisky Peaken lotua amaitu zenuen?

Ihes egitear nengoen.

Noski. Jarraitu galletatxoak egiten.

Labekatzea eta kozinatzea diziplina erabat ezberdinak dira.

Ez da oilaskoa.

Ez horixe.

Itzuli zara? Zer ba? Zer gertatu da?

Usopp?

Zer ari zara?

Baranda garbitzen.

Ez nekien horren beharrik zuenik.

Bai, bueno,

orain ja ez.

Entzun, badakit beldur zarela.

Ez naiz beldur.

Alergikoa naiz.

Uharte arriskutsu eta esploratu gabeei.

Abenturak bizitzeko itsasoratu ginen, ezta?

Bai, bueno.

Baina Barrokoko andreak gu baino gehiago daki uharteari buruz.

"Zorte on".

Beldurtu nahi gintuen!

Begira leku honi. Noiz ikusiko dugu berriz halakorik?

Luffy dirudizu.

Tira.

- Zer izan da hori? - Ez dakit.

Baina hilda banago ez nau hilko.

Baduzue garagardorik?

Garagardoa?

Edan ostean, badakizue zer gogoko dudan?

Bazkaltzea.

Kontuz! Ez!

Luffy!

Hortik jaitsi behar zenuke.

Lasaia ematen du, baina dinosauroa da!

Jaisteko?

Bai zera! Ez!

Hemendik uharte osoa ikusten da. Zatoz ikustera!

Ez, eskerrik asko!

Luffy! Zer zabiltza?

Lasai. Eutsiko dizut.

Paisaia ederra, ezta?

Nola disfruta dezakezu?

Barroko Taldea atzetik dugu, eta zu dinosauroz ibiltzen!

Nola ibiltzen zarete Arrabiatan?

Alabastan ahatez ibiltzen gara.

Nire ahate adiskide leialak Karoo du izena.

Ahateak!

Ez dut inoiz ikusi zamalkatu daitekeen ahaterik.

Bueno, printzesarik ere ez nuen ezagutzen.

- Gaztelu batean bizi zara? - Hiriburuko jauregi batean, Alubarnan.

Pasadizo sekretuak ditu

eta teilatuan inoiz ikusi duzun lorategirik ederrena.

Janari sofistikatuak jaten dituzue?

Jauregiko chefak nahi duzuna egiten dizu edozein ordutan.

Ordu txikitan izozkia jan dezakezu?

Ez.

Ez naiz ume bat.

Barkatu.

Etxera itzuli behar dut.

Itzuliko zara.

Usaintzen duzu?

Zer?

Janaria.

Dino!

Hortik!

Ederki.

- Dinosauroak daude uhartean. - Bat gutxiago orain.

Herri bati jaten emango lioke! Ez dut inoiz dino bat kozinatu.

Nik ez nuen inoiz bat hil. Egun handia biontzat.

Zuk…

Zuk ez duzu ezer hil. Neuk hil dut dinosauroa.

Tiranosauro Rex bat ostiko batez hil duzu?

Zuk zeuk ikusi duzu.

Hementxe moztu du nire ezpatak, arma batek. Ikusten?

Azaleko zauria da.

Baina hemen jo du nire ostikoak,

eta piztia lurrera bota du.

- Entzuten duzu? - Nire garaipenaren soinua?

Namik T-Rex tartarra probatzeko irrikaz nago.

Nor dabil hor?

Gertu gaude.

Nola dakizu?

Sudurrak ez dit huts egiten.

Inoiz ikusi dudan gauzarik ederrena da!

Luffy?

Uste dut janaria hori baten batena dela.

Nor ausartu da nire janaria lapurtzera?

Lorategi Txikin gizakiek ez dute bizirik luze irauten.

Bai. Erraldoiek jaten dituztelako.

Dedio, goseak amorratzen nago.

Nami, ez dut gisatua izan nahi.

Ez gara honaino iritsi leize batean hiltzeko.

Alde egin behar dugu.

Gerlari moduko bat dirudi.

Edo harakina.

Entzun, hemendik ateratzeko ihesbideren bat aurkituko dut.

Distraitu ezazu Usopp kapitainaren balentria istorio batekin.

Bale?

Luzea izan dadila.

Ongi.

Bale.

Bai.

Gerlaria naiz.

Gerlaria da.

Gerlaria naiz.

Gauza bera da.

Berdinak gara.

Gauza zorrotz asko dituzu!

Barkatu, zer esan duzu?

Sekulako aizkora daukazula.

Lantzak, arpoiak eta mailuak heldu ditut,

baina Bruiser aizkora da nire arma gogokoena.

Zein… polita.

Armak interesatzen zaizkizu?

A, bai.

Behin bost tonako mailu bat astindu nuen sator-munstro baten aurka borrokan.

Esan. Nola garaitu zenuen piztia hura?

Bueno, ba…

Piztia beldurrak hartua zeukan, noski, eta lurpera ihes egin zuen.

Horrek ez zuen Usopp kapitaina geldiarazi!

Lurra zeharkatu nuen piztia harrapatu arte.

"Zatoz hona!".

Zart!

Eta dena lasaitu zenean,

ingurua zeharo suntsitua zegoen.

Eta hartara izendatu ninduten…

Hondamenaren Jauna!

Hondamenaren Jauna?

Oso ausarta izen behar duzu.

Eta gogorra.

Nire muskuluak bezalaxe. Gihartsua.

Zaporerik gabea, bai horixe.

Hain gerlari indartsu batek

apetitu handia izan behar du.

Gisatua nahi?

Itxaron.

Ez gaituzu jango?

Hori uste zenuten? Jango zintuztedala?

- Ba bai, noski. - Argi zegoela zirudien.

Nik ez dut gizakirik jaten!

Solas-gose besterik ez naiz.

Eta zuek bazkaltzera gonbidatu nahi zintuztedan.

Zuek

bazkaltzera.

Orain ulertzen dut.

Barkatu.

Neure burua aurkeztuko dut.

Brogy Ogro Gorria naiz,

Elbafeko gerlaririk onena!

Ni Nami naiz!

- Eta ni… - Usopp kapitaina, Hondamenaren Jauna!

Bai.

Urte askotarako.

- Mugi! - Lagundu dezakezu, e?

Zer?

Sentsazioa daukat

baten bat begira dugula.

Ez hasi.

Ez nazazu paranoiko jarri.

Printzesa eta Lastotxapel madarikatuak besterik ez daude uhartean.

Hil egingo ditugu…

Lord 0k huts egin dugula jakin eta gu hiltzeko agindua eman aurretik?

Pin, pan…

tiro.

Uharte tropikalak gorroto ditut.

Eguzkiak azala hondatzen dit.

Beinke! Izerditan blai nago.

- Berokia kentzea duzu. - Bai zera. Look-aren parte da.

Kaka.

Psikopatak bidali ditu.

Hara, hara.

Arazoetan, bikote?

LORD 3

Ez zenuen hona etorri behar. Lan hau guri dagokigu.

Orain ez.

Lord 0 kezkatsu zegoen

printzesak ihes egin dizuelako

eta pirata talde oso bat etsai zerrendara gehitu duzuelako.

- Plan bat dugu. - Mesedez.

Ez hitz egin.

Orain niri dagokit eginkizuna.

Nire bikotekidea oihanean dago jada

gure plana martxan jartzen.

Zuei dagokionez…

Pixka bat dibertitu naiteke.

Zuen gorpuak hondartzan utzi ditzaket Zoritxarrekoek lana amai dezaten.

Ez dut uste Lord 0ri axolako zaionik.

Saiatu ba.

Edo…

Erraldoi jator pare batekin topo egin dute piratek,

eta nire plana…

arriskuan jar dezakete.

Lagundu erraldoi horiez libratzen

eta Lord 0ri zuek ez hiltzea aholkatuko diot.

Oraingoan ez, behintzat.

Mundiala dago!

Pixka bat probatu nahi?

Aizu! Pixka bat esan dut!

Txiki samarra, baina oso goxoa.

Ez dakit zer zen, baina.

Bœuf bourguignon deitzen da. Gure chefaren espezialitatea.

Bejondeiola zuen chefari.

Unetxo bat. Pirata zara?

Bai, Pirata Gerlari Erraldoien kapitaina naiz.

Haragia maite dugu eta pirata kapitainak gara.

A zer kasualitatea!

Monkey D. Luffy dut izena eta piraten erregea izango naiz.

Ez nekien piratok erregea genuenik.

Baina denbora asko daramat uharte honetan.

Dorry naiz,

Ogro Urdina.

Elbafeko gerlaririk onena.

Hau Vivi da, benetako printzesa.

Luffy.

Berorren gorentasuna.

Burua makurtuko dut?

Ez.

Eta mesedez,

Vivi soilik deitu.

Pozten nau zu ezagutzeak, Vivi Soilik.

Etxera doa bere erreinua salbatzera.

Asmoa hori da.

Baina ez dakit garaiz iritsiko naizen, eta…

Igaram gabe…

Nor da Igaram?

Nire laguna.

Ni babesten hil zen.

Zure lagun hori heroia da.

Ohorez hil zen.

Berdin dio nola hil zen.

Hilda dago, eta ezin izan nuen ezer egin.

Elbafen badugu erritu bat.

Gerlari bat hiltzean,

gorputza su-meta batean erre egiten dugu

bere arima zeruetara igo dadin.

Beharbada hori egin dezakezu zure lagunarekin.

Ez daukat bere gorpua.

Vivi.

Eta hau zer?

Igaram,

ez dugu ahaztuko zure sorterriari zuzendutako leialtasun hauskaitza.

Baina, are gehiago,

nire euskarri izan zinen.

Nigan sinetsi zenuen beti,

baita neure buruaz zalantzak nituenean ere.

Bigarren aita bat izan zinen niretzat.

Eta etxetik urrun bidaiatu nuenean,

nire aitagandik urrun,

etxe izan zinen.

Beraz, eskerrik asko.

Ez bakarrik zure zerbitzuagatik,

zure maitasuna eta zure babesagatik ere bai.

Bizia zor dizut.

Gizon bikaina zen.

Sentitzen dut.

Oso polita izan da.

Goxo-goxoa zegoen, Brogy.

Eskerrik asko.

Postrerako semla pixka bat izango banu!

Zer da semla?

Espeziaz onduriko Elbafeko opiltxo goxo bat.

Semla katilukadak jaten genituen neguko solstizioaren jaialdia baino lehen,

eguzkiaren jainkoari gure esker ona emateko.

Behin, mahai osoa jan nuen.

Nik dakidan batek bezala.

Elbafen denak erraldoiak zarete?

Bueno, guretzat, normalak gara.

Atzerrira bidaiatu nuen lehen aldian,

harritu egin nintzen denak hain txikiak zirela ikustean.

Nolakoa da Elbaf?

Uharte ederra da,

mendi lerdenak ditu, eta erdian zuhaitz handi bat.

Eta gerlari ausartak, euren ohore eta indarragatik ospetsuak.

Gogoko izango nuke.

Bai noski.

Hiltzean, gure gerlariek istorioetan bizirik jarraitzen dute.

Zeure istorioetan bezala, Usopp kapitaina.

Eta heroikoki borrokan hiltzea, ausardiaren adierazpide gorena da.

Nola egiten diozue aurre heriotzari beldurrik gabe?

Zer izan da hori?

A, sumendia da.

Sumendia? Arriskuan gaude?

A, ez ba.

Bueno, hil arte borrokatzeko ordua da.

Elbafen,

borroka hasi eta inork amore ematen ez badu,

jainkoek ematen dute epaia,

eta duintzat jotzen dutenari,

biziraupena bermatu eta babesa emango diote.

Badago beste erraldoi bat uhartean,

eta aspaldi berarekin liskartu nintzen.

Egunero, sumendia pizten denean,

hil arte borrokatzen gara.

Guztira 73 466 duelu.

Eta egunero berdinketan amaitu dira.

A zer duelu mordoa.

Dorry eta biok ehun urte daramatzagu borrokan!

Ehun urte?

Zenbat urte dituzu?

Erraldoiok 300 urteetara irits gaitezke.

Eta ehun urte borrokan eman dituzue?

Zergatik?

Honezkero, ahaztu egin zait!

Ez duzu gogoratzen?

Hainbeste gorroto diozu

ehun urtez arrazoirik gabe borrokatzeko?

Kontua ez da gorrotoa.

Ohorea baizik.

Eta uste sendoak!

Hala da, Usopp kapitaina.

Borrokaren arrazoia ahaztu izan arren,

garaile bat egon behar du.

Elbafen ohore handia da bai garaipena lortzea

bai gerlari gisa hiltzea.

Goazen!

Serio? Bi erraldoi hil arte borrokan ikusi nahi dituzu?

Ez dirudi segurua ezta zentzuduna ere.

Abenturak bizitzeko itsasoratu ginen, ezta?

Bai horixe!

Hemen zaude.

Zer arraiotan zabiltza?

Entrenatzen. Granada aurkari beldurgarria da.

Mazedonia egiten ari zinen bitartean, bakar-bakarrik T-rex bat zatikatu dut.

A zer femurtzarra, gogor sartu diot erreminta.

Zer erreminta?

Bost urte dituzu ala zer?

Aizu, zer duzu?

Ez dakit.

Baina ezin dut…

barre egiteari utzi.

Ongi.

Hil dudan dinosauroaren haragia Merryra eramango dut.

Zu geratu hemen txotxolokeriak egiten.

Ez, itxaron!

Paso.

Erreminta.

Erraldoien arteko duelua? Sinestezina da, ezta?

Ez dago gaizki.

Epikoa izango da!

Zer?

Horregatik da Lorategi Txiki.

Haientzat txikia delako.

Zorte on dueluan!

Ez dut zorterik behar, lagun, jainkoek nire alde egitea baizik.

Nami! Usopp!

Ipotx gehiago! Kaixo!

- Kaixo, erraldoi jauna! - Zer zabiltzate hemen?

Beste erraldoi bat dago. Leku hau mundiala da!

- Horixe diot nik. - Bai!

Erraldoiak!

- Dorry! - Brogy!

Ez dute elkar gorroto.

Lagunak dira.

Arrazoiaren ahotsa zara.

Hemen geratuko gara bi erraldoi elkar hiltzen ikusteko?

Dena ongi aterako da, neska.

Hor sartu duzu?

Bai.

Has dadila festa.

Gaur loriaren amildegiaren aurrean gaude,

ausardia eta patua batzen diren lekuan.

Garagardo honek gure bihotzeko sua piztu dezala

borroka besarkada batean batzen garen bitartean!

Skål!

Hau bai arroka leuna.

Defendatzen dugun ohorearengatik,

bilatzen dugun loriagatik

eta benetako gerlarien adiskidetasunagatik!

Nika jainkoak irribarre egin dezala ikusten duenaren aurrean

eta eman diezagula leku bat heroi handien aretoan.

- Skål! - Skål!

BILATUA: HIL ALA BIZIRIK

Bai! Eman egurra!

Animo, Brogy!

Animo, Dorry!

- Elbafeko gerlaririk onena! - Elbafeko gerlaririk onena!

- Aizu! - Aizu!

Dorry!

Aurrera! Animo! Gisatua amai dezan!

Oso indartsuak dira!

Dorry, txikitu!

Emaiozu egurra, Brogy!

Dorry! Bai!

Hau mundiala da! Eta ia-ia ontzian geratu naiz.

Bai.

Inspiratua sentitzen naiz.

Haiek bezalakoa izan nahi dut.

- Erraldoia? - Ez.

Baina hauexek dira itsasoko gerlari ausartak.

Halaxe bizi nahi dut,

harro eta adoretsu, Brogyk eta Dorryk bezala.

Elbaf horrelako gerlariez beteriko uhartea bada,

bisitatu nahi nuke.

Nik ere bai.

Joango gara, zin degizut.

Elkarrekin.

Hodeiek katua dirudite.

Nami? Ondo zaude?

Hobeto egongo nintzake katua ukitzerik banu.

Ez dute amore ematen!

Ez nau harritzen urteak horrela eramateak.

Bai!

- Brogy! - Dorry!

Ez du funtzionatzen.

Itxaron pixka bat.

Belarriko Argizari Bonba guztiz disolbatzean lehertuko da.

- Garagardoan sar… - Ulertu dut.

Bale. Badaezpada.

Zart.

Brogyk zerbait du.

Begira! Kea dario pitxerrari.

Baina Dorryk eman dio.

Ez dakit, agian Dorryk pozoitu egin du.

Zer? Bai zera.

Zintzotasunez borrokatzen dira. Ez lukete pozoirik erabiliko.

Bai ba. Uharte honetan inork ez luke halakorik egingo!

Eta bakarrik ez bagaude?

Barroko Taldea.

Mukien tipoa!

Zure mukizko bonba madarikatu bat izan da!

Itxaron, Luffy!

Gelditu!

Utzi borrokatzeari!

Ez da borroka orekatua. Brogy ez dago ondo!

Brogy.

Brogy!

Ez.

Ez!

Ezpataren ahoaz

nire garaipena odolez aldarrikatzen dut!

Mende bat igaro ondoren,

akabo borroka.

Planaren arabera doa dena.

Aizu, nik ezagutzen zaitut.

Ahaztezina naiz-eta.

Nami?

Agur, Usopp.

Aio.

Nami!

Brogy.

Ez! Brogy!

Brogy. Ez.

Jainkoen erabakia izan da.

Heriotza guztiz noblea eduki du.

Ez.

Ez! Ez zara konturatu?

Ez zen borroka orekatua!

Barrokoko tipoak bonba bat jarri du pitxerrean.

Bere tripan lehertu da!

Nik eman nion pitxerrean?

Borroka geldiarazten saiatu naiz.

Baina Brogyk aurrera jarraitu du.

Nik ez nekien ezer.

Nola ez naiz konturatu?

Nire adiskide kuttuna hil da.

Eta zergatik?

Ohoreagatik ez.

Alferrik hil da!

Itxaron! Nire laguna eraman dutenak uhartean daude!

Lagundu, mesedez!

Ezin dut bakarrik egin.

Gogoan izango zaitut beti, Brogy.

Elbafeko gerlaririk onena.

Ezin izan zaitut salbatu.

Baina Nami salba dezaket.

Aupa.

Nor zara zu?

Norbaiten zain nengoen.

Baina bakarrik eta galdua nago.

Nik lagunduko dizut.

Noren zain zaude?

Luffy!

Luffy, urrundu neska horrengandik!

LADY URREZKO ASTE

Korri!

Zertarako? Alferrik da.

Harrapatu dut.

Orain, zure txanda.

Nami!

Nami!

Nami, non zaude?

Nami?

Ba al dago norbait?

Aupa, Lady Asteazken.

Ene adiskidea,

zure etxea huts egongo da betiko.

Guztira 73 466 berdinketa.

Porrot…

Berdin dit nola hil zinen.

Gerlari harro baten gisa borrokatu zinen eta gerlari gisa ehortziko zaitut.

Baina lehendabizi,

errudunak aurkituko ditut

eta garesti ordainduko dute.

Halako larrimina.

Zein sufrimendu ederra.

Zer da hau?

Argizaria.

Argizarizko Fruituak argizaria sortu eta maneiatzeko ahalmena eman zidan.

Borrokatu nahi duzuna,

baina hozten denean, altzairua baino gogorragoa da.

Zergatik egiten duzu hau? Zer nahi duzu?

Badakit ez dirudiela bidezkoa, baina, sinetsidazu,

zure sufrimenduak helburu bat dauka.

Hara,

ni artista naiz,

eta zu, erraldoi gizagaixo hori,

nire hurrengo artelana izango zara.

O, ez.

Azpitituluak: Loinaz C. A.