Original subtitles

എംസോണ്‍ റിലീസ് - 2195 http://www.malayalamsubtitles.org/ www.facebook.com/msonepage

അത് കെട്ടിയിട്ടിട്ട് വാ.

ചേട്ടന്മാരെ, ചേട്ടന്മാരെ, നമുക്ക് തിരിച്ചു പോകാം.

എന്നിട്ട് അത്രേം കാശ് കളയാനോ? നടക്കില്ല!

കൂടെ തന്നെ നടക്ക്.

എത്തിപ്പോയ്!

അവന്റെ മുതുകത്ത് കേറ്.

വേഗം.

ഓ!

ഓ!

ഓ!

ദേ അവൻ. ചെന്ന് പിടിക്ക്!

നിന്നെ ശരിയാക്കിത്തരാടാ!

അരുത്, അരുത്, പ്ലീസ്‌!

അരുത്, ഒന്നും ചെയ്യരുത്!

അവിടെ നിൽക്ക്.

ഒന്നിനെയേ കിട്ടിയുള്ളൂ...

എങ്കിലും ഒന്നാന്തരം പഠനവസ്തുവാണ്.

- ഇതേ ഉള്ളോ? - ങാ.

ആ കൂണെന്നെ രണ്ടുതവണ കടിച്ചതാ.

ശ്മശാനപുഷ്പം!

പണ്ടൊരിക്കൽ...

അല്ലെങ്കിൽ, വീണ്ടുമൊരിക്കൽ എന്നു പറയാം.

കാരണം, നിങ്ങൾക്ക് ഈ കഥ ഓർമയുണ്ടാകാമല്ലോ!

മലഫിസെന്റ് എന്ന് പേരുള്ള, അതിശക്തയായ ഒരു ഫെയറി ഉണ്ടായിരുന്നു.

മലഫിസെന്റ് മിസ്ട്രസ് ഓഫ് ഈവിൾ

ചില കാരണങ്ങൾ കൊണ്ട്, വിനാശത്തിന്റെ നായികയും,

മൂർസിന്റെ സംരക്ഷകയുമായ അവൾ...

ഇക്കാലമൊക്കെയും കഴിഞ്ഞിട്ടും ഇന്നും വെറുക്കപ്പെട്ടിരുന്നു.

അവൾ അറോറ രാജകുമാരിയെ ശപിച്ചിരുന്നു എന്നുള്ളത് ശരിതന്നെ,

എന്നാലത് അവൾ ആ മനുഷ്യക്കുഞ്ഞിന്റെ...

...ഹൃദയത്തിൽ വെളിച്ചം കണ്ടതിനും,

അവളെ സ്വന്തമായി വളർത്തിയത്തിനും മുൻപാണ്.

എന്തൊക്കെയായാലും, മലഫിസെന്റിന്റെ സ്നേഹം തന്നെയാണ്...

...അതേ ശാപം മോചിപ്പിച്ചതും.

എന്നാൽ ആ വിശദാംശങ്ങൾ എങ്ങനെയോ നിഗൂഢമായി മറക്കപ്പെട്ടു.

ആ കഥ രാജ്യത്തിലുടനീളം...

...വീണ്ടും വീണ്ടും പറഞ്ഞുകഴിഞ്ഞപ്പോൾ,

മലഫിസെന്റ് ഒരിക്കൽ കൂടി വില്ലനായി മാറി.

ദേ, സമയമായി, കേട്ടോ. വാ, നമുക്ക് എല്ലാരേം കൂട്ടാം.

ഇന്നാണാ വലിയ ദിവസം!

- വാ. - നമുക്ക് പോകാം!

എഴുന്നേൽക്ക്! എഴുന്നേൽക്ക്!

വാ.

ഒന്ന് വേഗമാകട്ടെ, വാളർബോഗുകളേ. സമയമായി!

ആ രഹസ്യ പദ്ധതി രണ്ടുപേർക്കും ഓർമയില്ലേ?

അതെല്ലാം ദേ, ഇവിടെയുണ്ട്.

രാജ്ഞിയോട് എപ്പോഴാ ഞാനാ രഹസ്യം പറയുക?

നീ ഒന്ന് ക്ഷമയോടെ പറക്ക്, തിസിൽവിറ്റ്.

അറോറ രാജ്ഞി ഉണർന്നു കാണുമോ?

അതിന് അവൾ ഇപ്പോഴും "ഉറങ്ങുന്ന സുന്ദരി" അല്ലല്ലോ!

കളിയാക്കിയതാണെന്ന് മനസ്സിലായി!

അടുത്തതായി, കാണാതായ ഫെയറികളുടെ കാര്യം.

ശ്മശാനപുഷ്പത്തിന്റെ തോട്ടത്തിൽ,

ഒരു തിരച്ചിൽ നടത്താൻ ഞാൻ ആളുകളെ അയച്ചിട്ടുണ്ട്.

ഇരുട്ടും മുൻപേ അവർ വന്നെനിക്ക് വിവരങ്ങൾ തരും.

അവരെ കണ്ടെത്തുന്നത് വരെ നമ്മൾ തിരച്ചിൽ തുടരും.

എന്റെ നേരെ വേര് ചൂണ്ടരുത്, ലീഫ്.

ശാഖകൾ വെച്ച് മനുഷ്യരെ ചതച്ചിട്ട് ഗുണമൊന്നും ഉണ്ടാവില്ല.

ഡീവൽ, നിങ്ങൾ എന്റെ കൂടെ നിൽക്കേണ്ടതല്ലേ!

ശരി, ഞാനാണ് മൂർസിന്റെ രാജ്ഞി, ഞാനൊരു മനുഷ്യനുമാണ്.

കുറച്ചൊക്കെ ദയ, നമ്മൾ എല്ലാവരും പഠിക്കണം.

ഇടയിലൂടെ വരുന്നുണ്ടേ...

ഒന്ന് വിട്ടേക്ക്.

ഒരിത്തിരി ഔദ്യോഗിക കാര്യമാ.

ഒരു കാര്യമുണ്ട്, മഹാറാണീ.

- രണ്ടെണ്ണം ഉണ്ടാവാം. - അമ്മായിമാരേ...

എല്ലാവരെയും പോലെ തന്നെ നിങ്ങളും നിങ്ങളുടെ ഊഴത്തിനായി കാത്തിരിക്കണം!

- ഇല്ല! - ഇത് കാത്തിരിക്കാൻ പറ്റില്ല, മഹാറാണീ.

ഒരു നിമിഷം പോലും.

ഇല്ലേൽ ഞാൻ പൊട്ടിത്തെറിച്ചു പോകും, ശരിക്കും പൊട്ടിത്തെറിക്കും.

അത്...?

പിന്റോ!

സമ്മാനങ്ങളുമായാണ് ഇവൾ വന്നിരിക്കുന്നത്.

ഉഷ്ണമരങ്ങളുടെ ആദ്യത്തെ നീര്.

ആ വലിയ ദിവസത്തിനു വേണ്ടി!

മിണ്ടല്ലേ, തിസിൽവിറ്റ്.

എന്ത് വലിയ ദിവസം?

ഹേയ്, എന്റെ കിരീടം!

ഞാനിപ്പോ ഇതിനുള്ള മാനസികാവസ്ഥയിലല്ല.

പിന്റോ!

ഓ!

എന്തൊരു കഷ്ടമാ!

നിങ്ങളെങ്ങോട്ടാ പോകുന്നേ, അമ്മായിമാരേ?

ഓ!

എനിക്ക് കളിക്കാനുള്ള നേരമില്ല, പിന്റോ!

നിങ്ങൾക്കൊക്കെ ഇത് എന്തിന്റെ കേടാ?

രാജ്ഞി അങ്ങോട്ടു തന്നെയാ.

ഇങ്ങോട്ട് തിരികെ വാ.

പിന്റോ! ഇന്നത്തെ നിന്റെ കളി ആവശ്യത്തിലും കൂടുതലായിട്ടുണ്ട്.

എന്നെ നോക്ക്!

ഓ.

ഫിലിപ്പ്, നീ ഇവിടെ എന്തു ചെയ്യുവാ?

നിന്നെ അന്വേഷിക്കുകയായിരുന്നു.

- ഓ, ഹലോ. - ഹലോ.

ക്ഷമിക്കണം കേട്ടോ, എനിക്കിപ്പോ സംസാരിക്കാൻ പറ്റില്ല.

മൂർസിന് ആകെ ഭ്രാന്തുപിടിച്ചിരിക്കുവാ.

കോട്ടയിൽ മുഴുവൻ പരാതികളാ.

- നീ എത്ര തിരക്കിലാണെന്ന് എനിക്കറിയാം. - ഓ!

എനിക്ക് നിന്നോട് ഒരു കാര്യം ചോദിക്കാനുണ്ടായിരുന്നു.

ചോദിക്കൂ.

ഉൾസ്റ്റഡിനേയും മൂർസിനെയും തമ്മിൽ...

...ഒന്നിപ്പിക്കാൻ കഴിയുമെന്ന് തോന്നുന്നുണ്ടോ?

ഒന്നിപ്പിക്കാനോ?

രണ്ട് കരകളും തമ്മിൽ ബന്ധിപ്പിക്കാൻ!

സമാധാനവും ഐക്യവും കൊണ്ടുവരാൻ.

ഒരു പാലം ഞാൻ സങ്കൽപ്പിക്കുകയായിരുന്നു.

ഓ, പാലം!

അതേ, ഒരു പാലം!

ഇരുകൂട്ടർക്കും സമ്മതമാണെങ്കിൽ...

...ഒരു ഒന്നുചേരൽ, നല്ലൊരു ആശയമാണ്.

ഞാൻ അതിനുവേണ്ടി പരിശ്രമിച്ചുകൊണ്ടിരിക്കുകയാണ്.

ഇവനിത് കുളമാക്കും.

അവന് സമയം കൊടുക്ക്. ഒന്ന് ചൂടായി വരട്ടെ.

അല്ലാ...

ഇത് നിന്റെ ഔദ്യോഗിക വസ്ത്രമാണ്!

ഇതിലൊക്കെ നിന്റെ കയ്യും ഉണ്ടല്ലേ?

നീ തിരക്കിലാണെങ്കിൽ, ഞാൻ പിന്നെ വരാം.

അല്ല. അല്ലല്ല.

എനിക്ക് തിരക്കേ ഇല്ല!

അല്ല, തിരക്കുള്ളപ്പോ പറയുന്നത്...

സത്യമായിട്ടും! കേൾക്കാൻ ഞാൻ തയ്യാറാ.

നിനക്ക് എന്തിനെ കുറിച്ചായിരുന്നു സംസാരിക്കാനുണ്ടായിരുന്നത്?

നീ പറഞ്ഞത് ശരിയാ. അവൻ കുളമാക്കുവാ.

അഞ്ചുവർഷം മുൻപ്, എന്നെന്നേയ്ക്കുമായി നിന്നെ നഷ്ടപ്പെട്ടു എന്ന് ഞാൻ കരുതിയതാണ്.

ഈ ദിവസം നമുക്കുവേണ്ടി വീണ്ടെടുക്കാൻ ഞാൻ തീരുമാനിച്ചു.

നിന്നെ കണ്ട നിമിഷം മുതൽ, പിന്നീടുള്ള ഓരോ ദിവസങ്ങളും...

...ഞാൻ നിന്നെ സ്നേഹിക്കുകയായിരുന്നു.

സ്നേഹത്തിൽ സത്യമുണ്ടെങ്കിൽ, ഇതാണ് എന്റേത്.

ഒരു ഇന്ദ്രജാലത്തിനും ശാപത്തിനും...

...എന്നെ നിന്നിൽ നിന്ന് അകറ്റാനാവില്ല, അറോറ.

ഇത് ശരിയായ സമയമാണെന്ന് ഉറപ്പാണോ?

ഓ, ഫിലിപ്പ്.

അവൻ മുട്ടിൽ നിന്നു!

അതിന് വേണ്ടി അവൻ ആവശ്യത്തിന് സമയമെടുത്തതാ!

എന്നെ കല്യാണം കഴിക്കാൻ നിനക്ക് സമ്മതമാണോ?

ആണ്.

- ആണോ? - ആണ്.

അതേ! അതേ! എഴുന്നേൽക്ക്! എനിക്ക് ഉമ്മ താ.

പരിഭാഷ : ഫ്രെഡി ഫ്രാൻസിസ്.

നമുക്കൊരു കല്യാണം വരുന്നുണ്ട്!

പ്രതീക്ഷിക്കാതെ ഒരു രഹസ്യക്കല്ല്യാണം!

നമ്മൾ രക്ഷകർത്താക്കളോട് എന്തായാലും പറയണം.

പറയണോ?

അങ്ങുന്നേ!

എന്താ?

ഒരു ചെറിയ വാർത്തയുണ്ട്!

എന്നാൽ പറയ്!

അങ്ങനെ വലിയ പ്രശ്നം ഉണ്ടാക്കുന്നതൊന്നുമല്ല...

പിന്നെ വലിയ കോലാഹലം ഉണ്ടാക്കാനും വേണ്ടിയുള്ളതൊന്നുമില്ല.

അത് പിന്നെ...

ഫിലിപ്പ് രാജകുമാരൻ...

അവനെ കാണാതായോ?

അല്ല. അല്ല. ഫിലിപ്പ് രാജകുമാരൻ...

മഞ്ഞപ്പനി പിടിച്ചോ? അല്ല, നിൽക്ക്!

കുഷ്ഠം!

അല്ല, അങ്ങുന്നെ!

ഫിലിപ്പ് രാജകുമാരൻ അറോറയോട് അവനെ...

വേണ്ട...

എന്റെ ഈ പ്രഭാതം നശിപ്പിക്കേണ്ട!

അങ്ങുന്നേ, ദയവുണ്ടാവണം!

ശാന്തയായിരിക്കണം!

അപ്പോൾ, പറഞ്ഞാലും പ്രഭോ...

ബെസ്റ്റ് മാൻഞാനായിരിക്കുമോ, (വരന്റെ പ്രധാന സുഹൃത്ത്, വിവാഹമോതിരം സൂക്ഷിക്കുന്ന ആൾ)

അതോ അങ്ങ് മൂർസിൽ നിന്ന് ഏതെങ്കിലും ജന്തുവിനെ തിരഞ്ഞെടുത്തോ?

ജനറൽ, അവൾ സമ്മതമറിയിച്ചോ എന്നറിയാനാണ്...

...നിങ്ങൾ ഇങ്ങനെ വളഞ്ഞു മൂക്കിൽ പിടിക്കുന്നതെങ്കിൽ, ഞാൻ...

അവൾ സമ്മതം അറിയിച്ചെന്ന് എനിക്കറിയാം, പ്രഭോ.

മനുഷ്യനായി പിറന്ന ആരാണ് അവിടം വിടാൻ ആഗ്രഹിക്കാത്തത്?

മൂർസ് സമൂഹത്തിനോട് നിങ്ങൾക്കിത്ര എതിർപ്പെന്താണ് പെർസിവിൽ?

മൂർസ് സമൂഹമോ? അങ്ങനെയാണോ നമ്മളിപ്പോൾ അവരെ വിളിക്കുന്നത്?

പറക്കുന്ന സത്വങ്ങൾ, കൊലയാളി മരങ്ങൾ.

സൂക്ഷിച്ച് സംസാരിക്കണം, ജനറൽ.

അവരെക്കുറിച്ച് നിങ്ങൾക്ക് ഒന്നുമറിയില്ല.

എനിക്കറിയാം, മലഫിസെന്റ് മനുഷ്യരെ കൊല്ലുന്നവളും,

സേനയെ തകർക്കുന്നവളും ആണെന്ന്. കഥകൾ അങ്ങനെ നീളുന്നു.

അവരങ്ങനെ അല്ല.

ഈ രാജ്യത്തെ സംരക്ഷിക്കേണ്ടത് എന്റെ കടമയാണ്.

അത് ഞാൻ ചെയ്യും, പൊന്നു ചങ്ങാതീ...

ഒരു മടിയും കൂടാതെ.

നടക്കാം.

കവാടങ്ങൾ തുറക്കൂ!

പ്രഭോ, നമ്മൾ പിടിച്ചെടുത്ത ഉൾനാടുകളിൽ നിന്നുമുള്ള മൂല്യവസ്തുക്കൾ...

...കോട്ടയിലെത്തിയിട്ടുണ്ട്.

ആയുധങ്ങൾ.

വേണ്ട. ആയുധങ്ങളുടെ ഉപയോഗമൊന്നും നമ്മൾക്കില്ല.

നമ്മുടെ യുദ്ധത്തിന്റെ നാളുകൾ അവസാനിച്ചിരിക്കുന്നു.

ഇൻഗ്രിത്ത്...

ഞാൻ നിന്നെ എവിടെയാണ് സ്ഥാപിച്ചതെന്ന് കണ്ടോ?

എന്റെ തൊട്ടു പിന്നിൽ.

ഞാൻ എന്നും അവിടെത്തന്നെ ആയിരിക്കും.

ഇൻഗ്രിത്ത്, നമുക്ക് ആയുധങ്ങൾ ആവശ്യമില്ലെന്നാണ് ഞാൻ പറഞ്ഞത്.

ഒരാൾക്കും ഒരിക്കലും ആവശ്യത്തിന് ശ്രദ്ധയോടെയിരിക്കാനാവില്ല.

മഹാറാണീ, അതിൽ അമ്പ് നിറച്ചതാണ്.

ഇപ്പോഴോ?

- അച്ഛാ, അമ്മേ. - എന്തായി?

അവൾ എന്തുപറഞ്ഞു?

അവൾ സമ്മതം പറഞ്ഞു.

സമ്മതം!

ഇത് വളരെ നല്ലൊരു വാർത്തയാണ്!

അവസാനം രണ്ടുരാജ്യങ്ങളും ഒന്നിക്കുന്നു.

അതേ.

അതേ.

ഒരുപക്ഷേ ഇതിനെ ഞാൻ തെറ്റായ രീതിയിൽ കണ്ടത്...

...എന്റെ സ്വാർത്ഥത കൊണ്ടാവാം.

നീ നിന്റെ തീരുമാനം എടുത്തു കഴിഞ്ഞു.

ഇനി ആഘോഷിക്കാനുള്ള സമയമാണ്.

അവസാനം അമ്മ സമ്മതിച്ചല്ലോ, എനിക്ക് സന്തോഷമായി.

സമ്മതം മാത്രമല്ല,

രണ്ടു കയ്യും നീട്ടി നിന്റെ പെണ്ണിനെ സ്വീകരിക്കാൻ ഞാൻ തയ്യാറാണ്.

അവളൊരു അത്താഴത്തിന് വരട്ടെ.

അത് വളരെ നന്നാവും.

ഒരു നിബന്ധനയോടെ,

അവൾ അവളുടെ തൊട്ടമ്മയെയും കൊണ്ടുവരണം.

മഹാറാണീ, ഞാൻ ശക്തമായി...

അവളെ വളർത്തിയ സ്ത്രീയെ...

...നമ്മൾ ഈ കോട്ടയിൽ വെച്ചുതന്നെ കാണും.

അതെ. മഹാറാണി പറയുന്നത് ശരിയാണ്.

അവളുടെ തൊട്ടമ്മ വരുമോ എന്ന് എനിക്ക്...

ഇല്ല, ഞാൻ നിർബന്ധിക്കുകയാണ്.

ഒന്നുമില്ലെങ്കിലും, നമ്മളെല്ലാം ഉടനേ തന്നെ ഒരു കുടുംബമാകുകയല്ലേ!

രാജ്യത്തിലുടനീളം വിളംബരം ചെയ്യൂ,

എന്റെ മകൻ, അറോറയെ വിവാഹം കഴിക്കാൻ പോകുകയാണെന്ന്.

മലഫിസെന്റ് അത്താഴത്തിന് വരുന്നുണ്ടെന്നും.

ഇപ്പോൾ തന്നെ വിളംബരം ആരംഭിക്കാം.

വരുന്നുണ്ട്.

പെറ്റിക്കോട്ടിൽ മുറുകെ പിടിച്ചോ!

കൊള്ളാല്ലോ!

അപ്പൊ?

അപ്പൊ!

തൊട്ടമ്മേ...

ഫിലിപ്പ് എന്നോട് അവനെ വിവാഹം കഴിക്കാൻ സമ്മതമാണോ എന്നു ചോദിച്ചു.

പാവം!

അവന് സുഖമായിക്കോളും.

എന്റെ ഉത്തരം 'ആണ്' എന്നായിരുന്നു.

- അല്ല. - ആണ്.

അല്ല.

ഞാൻ അനുവാദം ചോദിച്ചതായിരുന്നില്ല.

ഞാനും അല്ല.

അടുത്തതെന്താ?

നിങ്ങളവനെ ഒരു ആട് ആക്കി മാറ്റുമോ?

നിർത്ത്!

നിങ്ങൾക്ക് ഫിലിപ്പിനെ ഇഷ്ടമല്ലാത്തതെന്താ?

ഒരൊറ്റ കാരണം കൊണ്ട്, അവൻ മനുഷ്യനാണ്.

ഞാനും മനുഷ്യനാണ്.

അതിന്റെ ഇഷ്ടക്കേട്, ഞാൻ ഇന്നുവരെ നിന്നോട് കാണിച്ചിട്ടില്ലല്ലോ!

ഞാൻ പ്രണയത്തിലാകുന്നത് വരെ.

പ്രണയം എപ്പോഴും നല്ലവണ്ണം അവസാനിക്കില്ല, കുട്ടിപ്പിശാശേ.

ഞാൻ അറിയിക്കട്ടെ, രാജകുമാരൻ ഫിലിപ്പ്, ഒരു രാജകുമാരനാണ്.

സുന്ദരനും, മനം കവരുന്നവനുമായ ഒരു രാജകുമാരൻ.

എന്നെ വിശ്വസിക്കാനാണ് ഞാൻ നിങ്ങളോട് പറയുന്നത്.

ദയവായി അവനൊരു അവസരം കൊടുക്കൂ.

നിങ്ങളുടെ ധാരണ തെറ്റാണെന്ന് ഞങ്ങൾ തെളിയിക്കട്ടെ.

ഫിലിപ്പ് ചിന്തയുള്ളവനാണ്...

അവൻ വളരെ ദയാലു...

എന്തിനോട് ദയാലുവാണ്?

രാജാവും രാജ്ഞിയും ഇന്ന് രാത്രി ഒരു ആഘോഷം ഒരുക്കുന്നുണ്ട്,

അവർ നമ്മളെ രണ്ടുപേരെയും കോട്ടയിലേയ്ക്ക് ക്ഷണിച്ചിരിക്കുകയാണ്.

ഞാൻ അവന്റെ അച്ഛനമ്മമാരെ കാണണം എന്നാണോ?

വെറുമൊരു അത്താഴമാണ്.

ഞാൻ ഉൾസ്റ്റെഡിൽ ചെല്ലണമെന്ന് അവർക്ക് ആഗ്രഹമുണ്ടാകില്ല.

എന്തു കാരണത്തിന്റെ പുറത്ത് ഞാൻ അവിടെ പോകണം?

കാരണം, അവന്റെ അമ്മയ്ക്ക് എന്റെ അമ്മയെ കാണണമെന്നുണ്ട്.

പ്ലീസ്‌.

ഫിലിപ്പ്.

ഇന്ന് രാത്രി നീ ഇത് ധരിക്കണം.

അങ്ങയുടെ വാളോ?

നീ കാരണമാണ്,

അവസാനം ഉൾസ്റ്റഡും മൂർസും ഒന്നിക്കുന്നത്.

അച്ഛാ, അറോറയോടുള്ള എന്റെ സ്നേഹത്തിന്...

...രാഷ്ട്രീയവുമായി ഒരു ബന്ധവുമില്ല.

അതേ, പക്ഷേ നിന്റെ സ്നേഹം...

...തലമുറകളോളം സമാധാനം ഉറപ്പാക്കും.

ഇത് വാങ്ങ്. എന്നിട്ട് ധരിക്ക്,

ഒരിക്കലുമിത് ഉപയോഗിക്കേണ്ടിവരില്ലെന്ന് അറിയാനായി ധരിക്ക്.

എന്റെ പൊന്നു മോനെ...

ഒരിക്കലും എനിക്കിത്ര അഭിമാനം തോന്നിയിട്ടില്ല.

അമ്മയുടെ കാര്യമോ?

അമ്മയ്ക്ക് ഇതിൽ തൃപ്തിയാണോ?

നീ സ്നേഹിക്കുന്നവളെ സ്നേഹിക്കാൻ നിന്റെ അമ്മ പഠിച്ചുകൊള്ളും.

ശ്മശാനപുഷ്പം! ശ്മശാനപുഷ്പം!

എന്റെ ക്ഷമ നശിക്കുകയാണ്.

മഹാറാണീ.

നീ എല്ലാം വേഗത്തിലാക്കണം, ലിക്‌സ്പിറ്റിൽ.

ഉവ്വ്, മഹാറാണീ.

അറോറ സമ്മതം പറഞ്ഞു.

എല്ലാം ഒരുമിച്ച് വളരെ കൃത്യമായി...

...നമ്മുടെ വഴിയ്ക്ക് വരികയാണ്.

ഹലോ.

ഹലോ.

ഹലോ.

ദംഷ്ട്ര അധികം കാണിക്കാതെ ഒന്ന് ശ്രമിക്ക്.

ഇതെങ്ങനെയുണ്ട്?

ഉപചാരം ഒന്ന് പറഞ്ഞു നോക്കിക്കേ.

എന്തുനല്ല മനസായിട്ടാണ് ഞങ്ങളെ ഇന്നിങ്ങോട്ട് ക്ഷണിച്ചു വരുത്തിയത്!

മറക്കണ്ട, ഇതൊരു ഭീഷണിയല്ല.

ഞങ്ങളെ ഈ അത്താഴത്തിന് ക്ഷണിച്ചത് നിങ്ങളുടെ നല്ല മനസുകൊണ്ടാണ്.

- ങാ. മെച്ചമുണ്ട്. - ഓ.

ഒന്ന് വണങ്ങിക്കൊണ്ട് ശ്രമിച്ചു നോക്കിക്കേ.

അത് വിട്ടേക്കാം.

അവൾക്ക് ആ ചെക്കനെ ഒരുപാട് ഇഷ്ടമാണെന്ന് അറിയാല്ലോ.

നിങ്ങൾ അവളോട് വലിയൊരു ദയവാണ് കാണിക്കുന്നത്.

ദയവോ?

അങ്ങുന്നേ...

ഇവളെ കാണാൻ ഓമനയായിരിക്കുന്നല്ലേ?

ഞാനൊരു കൂട്ടം കൊണ്ടുവന്നിട്ടുണ്ട്.

ഉം?

കൊമ്പുകൾക്ക് വേണ്ടിയാണ്.

നിങ്ങൾ ഇത് അണിയുന്നത് ഫിലിപ്പിന്റെ കുടുംബാംഗങ്ങൾക്ക്...

...കുറച്ചു കൂടി സുഖകരമായിരിക്കും എന്നു തോന്നി.

പിന്നെ, നിങ്ങൾക്കും.

അല്ലെങ്കിൽ വേണ്ട, ശരിയാവില്ല.

അല്ല, അത്...

അത് സാരമില്ല.

ഞാൻ നല്ല ആവേശത്തിലാ.

എനിക്ക് സഹിക്കാവുന്നതിലും അപ്പുറമാണ്.

അത് മലഫിസെന്റ് ആണ്!

കൈമാന്തിയോ?

മനുഷ്യരുടെ കാര്യം വലിയ തമാശയാണ്.

നന്നായിവരുന്നുണ്ട്.

സ്വന്തം സ്ഥാനത്തു നിന്ന് മാറുന്ന ആരെയും, തൂക്കിക്കൊല്ലുന്നതായിരിക്കും.

ഉത്തരവ്!

അവർ എത്തി.

എന്നെ എപ്പോഴെങ്കിലും ഒരു കരടിയാക്കി മാറ്റുന്നതിനെ കുറിച്ച് ആലോചിച്ചിട്ടുണ്ടോ?

ഞാൻ ഒന്നാന്തരം ഒരെണ്ണം ആകുമെന്ന് തോന്നുന്നു.

അതിന്റെ പല്ലുകള് നോക്ക്, എന്തൊരു ശക്തിയാ!

നമ്മളെന്തിനാണ് കരടികളെ കുറിച്ച് സംസാരിക്കുന്നത്?

മൂർസിലെ രാജ്ഞി അറോറ എഴുന്നള്ളുന്നു.

താങ്ക് യൂ.

കാണാൻ വളരെ നന്നായിട്ടുണ്ട്.

എനിക്കിവിടെ വന്നത് ഒരുപാട് സന്തോഷമായി.

അറോറ, ഇത് ശരിക്കും ഒരു ബഹുമതിയാണ്.

ഉൾസ്റ്റഡിലേയ്ക്ക് സ്വാഗതം.

സുന്ദരിയാണല്ലോ.

നീ എങ്ങനെയാണ് ഫിലിപ്പിന്റെ ഹൃദയം കവർന്നതെന്ന് എനിക്ക് കാണാം.

മഹാറാണീ!

നിന്റെ മുടിയിലെ പൂക്കൾ.

എനിക്ക് അവ അസ്വസ്ഥതയുണ്ടാക്കും.

ക്ഷമിച്ചാലും.

ഓ, അല്ല. അല്ല. അത് സാരമില്ല.

മനോഹരമായിട്ടുണ്ട്.

മലഫിസെന്റ് എഴുന്നള്ളുന്നു.

മലഫിസെന്റ്, നിങ്ങളെ വീണ്ടും കാണാൻ കഴിഞ്ഞതിൽ സന്തോഷം!

ഇത് എന്റെ അച്ഛൻ, ഉൾസ്റ്റഡിലെ, ജോൺ രാജാവ്.

ഇതെന്റെ അമ്മ, മഹാറാണി ഇൻഗ്രിത്ത്.

ഞങ്ങളുടെ ഭവനത്തിലേയ്ക്ക് സ്വാഗതം.

ഞങ്ങളെ ഈ അത്താഴത്തിന് ക്ഷണിച്ചത് നിങ്ങളുടെ നല്ല മനസുകൊണ്ടാണ്.

ചിരിക്കണ്ട.

ഞാൻ ഡീവലിനെ പരിചയപ്പെടുത്തട്ടെ!

കോട്ട കണ്ടുപിടിക്കാൻ നിങ്ങൾക്ക് ബുദ്ധിമുട്ടൊന്നും ഉണ്ടായില്ലെന്ന് വിശ്വസിക്കുന്നു.

എനിക്ക് എന്തിന് ബുദ്ധിമുട്ടുണ്ടാവണം?

അദ്ദേഹം കുശലം ചോദിക്കുന്നതാണ്.

ഞാനത് പിന്നീട് വിശദീകരിക്കാം.

ഒരു ബുദ്ധിമുട്ടും ഉണ്ടായില്ല.

മഹാരാജൻ, റാണീ, മറ്റു മാന്യവ്യക്തിത്വങ്ങളേ...

അത്താഴം വിളമ്പുകയാണ്.

ദയവായി സ്വന്തം ഭവനം പോലെ കണ്ട് ആസ്വദിച്ചാലും.

പക്ഷി.

സ്വാദിഷ്ടം!

എന്തെങ്കിലും കുഴപ്പമുണ്ടോ?

ഇത് ഇരുമ്പാണ്.

മഹാറാണീ, അങ്ങേയ്ക്ക് പൂക്കൾ അസ്വസ്ഥതയുണ്ടാക്കുന്നത് പോലെ,

തൊട്ടമ്മയ്ക്ക് ഇരുമ്പിനോടും വിരോധമാണ്.

എനിക്കറിയില്ലായിരുന്നു.

അവ ഇപ്പോൾ തന്നെ എടുത്ത് മാറ്റൂ.

കൈകൾ ഉപയോഗിച്ച് കഴിക്കുന്നതായിരിക്കും നിങ്ങൾക്ക് സൗകര്യം എന്നു വിശ്വസിക്കുന്നു.

കാലാവസ്ഥ വളരെ നന്നായിരിക്കുന്നല്ലേ?

തീർച്ചയായും.

ഫിലിപ്പിനും അറോറയ്ക്കും അവരൊന്നിച്ചുള്ള സുന്ദരമായ ഭാവി ആഘോഷിക്കാൻ...

...ഞങ്ങൾ അവർക്കായി ഒരു ചെറിയ സമ്മാനം ഒരുക്കിയിട്ടുണ്ട്.

ഈ കോട്ടയിലൂടെ വീണ്ടും...

...കുഞ്ഞുങ്ങൾ ഓടിനടക്കുന്നത് കാണാൻ എനിക്ക് കൊതിയായി.

ഈ കോട്ടയിലൂടെയോ?

അതെ, തീർച്ചയായും.

ഇതാവും അവരുടെ വീട്.

അറോറയ്ക്ക് സ്വന്തമായി ഒരു കോട്ടയുണ്ടെന്നു ഞാൻ കേട്ടു.

അതേ, പ്രഭോ. എനിക്കുണ്ട്.

അതേ...

എനിക്ക് ആകാംക്ഷയുണ്ട്, അറോറ എങ്ങനെയാണ് മൂർസിലെ റാണിയായത്?

- ഞാൻ അവളെ റാണിയാക്കിയതാണ്. - അവളുടെ കോട്ട...

...വളരെ മനോഹരമാണ്. ഒന്ന് കാണേണ്ടത് തന്നെയാണ്.

അതേ, പക്ഷേ വാസ്തവത്തിൽ അറോറയ്ക്ക് മറ്റൊരു കോട്ടയും കൂടി ഉണ്ടല്ലോ.

ഇല്ലേ?

അമ്മേ...

ഒന്ന് മൂർസിലും,

മറ്റൊന്ന്, അവളുടെ അച്ഛന്റെ പാരമ്പര്യത്തിൽ കിട്ടിയതും.

സ്റ്റെഫാൻ രാജാവ്, അല്ലേ?

ആ കോട്ട ഒരിക്കലും എന്റെ വീട് ആയിരുന്നില്ല. അത് ജനങ്ങൾക്ക് വിട്ടുകൊടുത്തു.

അപ്പോൾ, നീ യാഥാർത്ഥത്തിലുള്ള ഒരു രാജകുമാരി കൂടിയാണ്.

സ്റ്റെഫാൻ മരിച്ചെങ്കിലും... അല്ല, കൊന്നതല്ലേ?

എങ്ങനെയായിരുന്നു? മരിച്ചതോ അതോ കൊന്നതോ?

രണ്ടുമാണ്.

അതേ, ശരിയാണ്. ചൂടോടെ പരക്കുന്ന കഥകളാണ് അതൊക്കെ.

കാരണം, ഒരു കുഞ്ഞിന്റെ കഥ എനിക്ക് ഓർമയുണ്ട്.

മരണനിദ്രയിലാവാൻ ശപിക്കപ്പെട്ട്...

...ഒരിക്കലും ഉണരാഞ്ഞ ഒരു കുഞ്ഞിന്റെ കഥ.

ശരിക്കും?

അത്രയും ഭീകരമായ ഒരു കാര്യം...

...നിഷ്കളങ്കയായ ഒരു കുഞ്ഞിനോട് ആര് ചെയ്യും?

നിഷ്കളങ്കരെ വേട്ടയാടുന്നവർ ഒരുപാടുണ്ട്.

നിങ്ങളുടെ തരക്കാർക്ക് അതിനോട് യോജിപ്പായിരിക്കും എന്നെനിക്ക് ഉറപ്പാണ്.

എന്റെ തരക്കാരെന്ന് ഉദ്ദേശിച്ചതെന്താ?

മനുഷ്യരുടെ കാര്യമാണ് അവൾ പറഞ്ഞത്.

മൂർസിൽ നിന്ന് ഫെയറികളെ കാണാതാകുന്നുണ്ട്.

എനിക്ക് നോക്കിയിട്ട് കാണാത്തത് വൈൻ ആണ്.

മനുഷ്യരായ വേട്ടക്കാർ മോഷ്ടിക്കുന്നതാണ്.

ഞാനാദ്യമായിട്ടാണ് ഇങ്ങനെ ഒരു കാര്യം കേൾക്കുന്നത്.

ആരോ ഉത്തരവിട്ടിട്ടുണ്ട്.

കേട്ടിട്ട് രാജാവിനെ കുറ്റരോപിതൻ ആക്കുന്നത് പോലെയുണ്ടല്ലോ.

അല്ല, അവരങ്ങനെ പറഞ്ഞിട്ടില്ല.

നിൽക്ക്... മനസ്സിലായില്ല. ഫെയറികളെ ആര് മോഷ്ടിക്കാനാണ്?

പ്രഭോ, ഞാൻ ബോധിപ്പിച്ചുകൊള്ളട്ടെ,

രണ്ടു ഗ്രാമീണരെ, മുർസിന് വെളിയിലായി...

...മരിച്ച നിലയിൽ കണ്ടെത്തിയിട്ടുണ്ട്.

കുറച്ചു നാളുകളായി അവരെ കാണാനില്ലായിരുന്നു.

അതെയോ.

അതെ, എല്ലാവർക്കും അറിവുള്ളതാണ്.

അതിർത്തികൾ തുറന്നു കിടക്കുകയാണ്,

പക്ഷേ മനുഷ്യർക്ക് പ്രവേശനമില്ല, ശരിയല്ലേ?

അങ്ങെന്താണ് പറഞ്ഞുവരുന്നത്, മഹാറാണീ?

മൂർസിൽ നിഷ്കളങ്കരായ മനുഷ്യർ കശാപ്പ് ചെയ്യപ്പെടുമ്പോൾ...

...ഇവർ ഫെയറികളെ കുറിച്ചാണ് സംസാരിക്കുന്നത്.

നിങ്ങളുടെ മൃഗത്തെ അടക്കി നിർത്ത്,

അല്ലെങ്കിൽ ഞാനത് ചെയ്യും.

എനിക്ക് മനസ്സിലായിടത്തോളം,

നിങ്ങളിപ്പോൾ ഭീഷണി മുഴക്കിയതാണ്.

ഓ, ആയോ?

- എന്ത് ആയോന്ന്? - നിങ്ങൾക്ക് മനസ്സിലായോന്ന്?

മതി.

അതിനെ താഴെയിട്.

ദയവായി, അതിനെ താഴെയിട്.

നമ്മളിവിടെ ആഘോഷിക്കാനാണ് വന്നത്.

ക്ഷമിച്ചാലും, അദ്ദേഹം പറഞ്ഞത് ശരിയാണ്.

നമ്മളിവിടെ ഒരുമിച്ചു കൂടിയത് എന്തിനാണെന്ന് നമുക്ക് മറക്കാതിരിക്കാം.

അറോറയുടെ പുതിയ ജീവിതത്തിന്റെ തുടക്കത്തിന്.

- ചിയേഴ്സ്. - ചിയേഴ്സ്.

സ്തുത്യർഹമായ ഒരു ജോലിയാണ് നിങ്ങൾ ചെയ്തത് മലഫിസെന്റ്,

സ്വന്തം പ്രകൃതത്തെ തിരസ്കരിച്ച് ഇവളെ വളർത്തിയത്.

പക്ഷേ, ഇപ്പോൾ...

...എല്ലാത്തിന്റെയും അവസാനം, അറോറയ്ക്ക്...

...ഒരു യഥാർത്ഥ കുടുംബത്തിന്റെ സ്നേഹം ലഭിക്കും.

ഒരു യഥാർത്ഥ അമ്മയെ ലഭിക്കും.

കാരണം, എനിക്കിന്നും വിഷമമുള്ള ഒരു കാര്യമാണ്...

...സ്വന്തമായി ഒരു മകൾ ഇല്ലാതെ പോയത്.

പക്ഷേ ഇന്ന് രാത്രി ആ വിഷമം മാറും.

ഇന്ന് രാത്രി, അറോറയെ ഞാനെന്റെ സ്വന്തമായി കരുതുകയാണ്.

അംഗരക്ഷകരേ!

ഒരു യക്ഷിണിയ്ക്കാണ് നമ്മൾ നമ്മുടെ വീട് തുറന്നു കൊടുത്തത്.

നിർത്ത്!

ഒന്നുചേരലും ഉണ്ടാവില്ല,

വിവാഹവും ഉണ്ടാവില്ല!

- മലഫിസെന്റ്! - രാജാവിനെ സംരക്ഷിക്കണം!

മലഫിസെന്റ്, ദയവായി ഇത് നിർത്തിയാലും.

ജോൺ എനിക്കൊരുപാട് പേടിയാവുന്നു!

അവളെന്നെ എന്താണ് ചെയ്തത്?

അച്ഛാ!

ജോൺ!

നമ്മൾ വീട്ടിലേയ്ക്ക് പോകുന്നു!

ജോൺ!

ഇത് ശാപമാണ്!

ഇത് ശാപമാണ്!

മലഫിസെന്റ് രാജാവിനെ ശപിച്ചിരിക്കുന്നു!

നിങ്ങളെന്താണ് ചെയ്തത്?

ഞാൻ ഒന്നും ചെയ്തിട്ടില്ല.

അറോറ, നമ്മൾ വീട്ടിലേയ്ക്ക് പോകുകയാണ്.

അറോറ!

അറോറ!

ഇദ്ദേഹത്തെ ഉണർത്ത്!

ദയവായി ഇദ്ദേഹത്തെ ഉണർത്തൂ.

മാറി നിൽക്ക്!

കിടപ്പറയിലേയ്ക്ക്!

ഈ മന്ത്രവാദത്തെ ഇല്ലായ്മ ചെയ്യാനുള്ള ഉപകരണങ്ങളൊന്നും നമുക്കില്ല.

ഒരു മുറിവേറ്റിട്ടുണ്ടാവണം.

അവളുടെ ആഭിചാരത്തിന്റെ തെളിവ്!

ദയവായി എല്ലാവരും മഹാരാജാവിന്റെ മാന്യതയെ മാനിക്കണം.

മലഫിസെന്റ് അദ്ദേഹത്തിനോട് ചെയ്തത് എന്താണെന്ന് നാമെല്ലാവരും കണ്ടതാണ്.

എന്നോട് ക്ഷമിക്കൂ.

രാജാവിന് മേലുള്ള ശാപം ഈ രാജ്യത്തിനു മേലുള്ള ശാപമാണ്.

അദ്ദേഹത്തിന് ആകെ വേണ്ടിയിരുന്നത് സമാധാനമായിരുന്നു.

ഇതെല്ലാം എന്റെ തെറ്റാണ്.

നീ ക്ഷമചോദിക്കേണ്ട കാര്യമൊന്നുമില്ല, മോളേ.

മലഫിസെന്റ് എല്ലാവർക്കും ഒരു ഭീഷണിയാണ്.

പ്രത്യേകിച്ച് നിനക്ക്.

നിന്നെ സംരക്ഷിക്കാൻ ഞങ്ങളാൽ കഴിയുന്നതൊക്കെ ഞങ്ങൾ ചെയ്യും.

ഇത് തിരിച്ചെടുക്കാൻ ഒരു വഴിയുണ്ടാവാതിരിക്കില്ല.

അമ്മേ, അമ്മ അച്ഛനെ ഒന്നു ചുംബിച്ചു നോക്ക്.

ഈ ആത്മാർത്ഥ സ്നേഹമൊക്കെ.

അതുകൊണ്ട് ശരിയാകുമോ എന്ന് എനിക്ക് സംശയമാണ്.

അതിന് അദ്ദേഹത്തെ രക്ഷിക്കാൻ കഴിഞ്ഞേക്കും.

- ഒരു ചുംബനം, വെറും ചുംബനമല്ലേ! - ദയവായി ചെയ്യൂ, അമ്മേ.

ആയിക്കോട്ടെ.

നിങ്ങൾക്ക് സമാധാനം വേണമായിരുന്നില്ലേ..

ഇനിയിപ്പോ സമാധാനത്തിൽ അന്ത്യവിശ്രമം കൊള്ള്!

ഞാൻ പറഞ്ഞതല്ലേ!

ഇത് മുത്തശ്ശിക്കഥയൊന്നുമല്ല.

എനിക്ക് മൂർസിലേയ്‌ക്ക് തിരിച്ചു പോകണം.

അതാണ് ഒരേയൊരു വഴി.

നിൽക്ക്. നിൽക്ക്. ഇവിടെ വാ...

എനിക്ക് തൊട്ടമ്മയെ കണ്ടുപിടിക്കണം.

ഇത് പാതിരാനേരമാണ്.

തൊട്ടമ്മ ഈ ശാപം ഇല്ലാതാക്കും. എനിക്കറിയാം, അങ്ങനെ ചെയ്യും.

ശരി, എങ്കിൽ, ഞാനും കൂടെ വരട്ടെ.

വേണ്ട. നീ നിന്റെ കുടുംബത്തിന്റെ കൂടെ നിൽക്കണം.

നീയാണ് എന്റെ കുടുംബം.

അവള് പോകട്ടെ, ഫിലിപ്പ്.

അവൾക്ക് ഒരുപക്ഷേ ഇദ്ദേഹത്തെ രക്ഷിക്കാൻ കഴിഞ്ഞേക്കും.

മലഫിസെന്റ്!

മലഫിസെന്റ്!

തൊട്ടമ്മേ!

തിരിച്ചു വരൂ.

യജമാനത്തി മൂർസിൽ ഇല്ല.

ഡീവൽ.

ആരും അവരെ കണ്ടിട്ടില്ല.

നിങ്ങളെ കണ്ടത് നന്നായി.

യജമാനത്തിയെ കാണാനില്ല.

ഇനി ഒരിക്കലും തിരിച്ചു വന്നില്ലെങ്കിലോ?

ഞാൻ എന്നന്നേക്കും ഈ മനുഷ്യരൂപത്തിൽ പെട്ടുകിടക്കുമല്ലോ!

എനിക്ക് തൊട്ടമ്മയെ കണ്ടുപിടിക്കണം.

അവർക്കു മാത്രമേ ഈ ശാപം ഇല്ലാതാക്കാൻ കഴിയൂ.

അവള് മരിച്ചെന്ന് പറയ്.

ഇരുമ്പ് അവളുടെ മാംസത്തെ തുളച്ചിട്ടുണ്ട്.

അവൾ നദിയിലേക്ക് വീണ്, നീർച്ചാട്ടത്തിലേയ്ക്ക് ഒഴുകിപ്പോയി.

എന്നിട്ട് അവളുടെ തലയെവിടെ?

മറ്റൊന്ന് കൂടി ഉണ്ടായിരുന്നു.

മറ്റൊരു ജന്തു.

അത് അവളെ കടലിന്റെ ആഴങ്ങളിൽ നിന്ന് ഉയർത്തിയെടുത്തു.

അതിനെ കാണാൻ എങ്ങനെയുണ്ടായിരുന്നു?

അവളെപ്പോലെ.

അത് അവളെയും വഹിച്ചുകൊണ്ട് ആകാശത്തിലേയ്ക്ക് ഉയർന്നു.

മുറിവേറ്റ മൃഗം അടങ്ങില്ല.

മാത്രമല്ല അവളിപ്പോൾ ഒറ്റയ്ക്കുമല്ല.

നമ്മൾ യുദ്ധത്തിന് തയ്യാറായിരിക്കണം.

മലഫിസെന്റ് രാജാവിനെ ശപിച്ചു.

അകത്തു തന്നെ നിൽക്ക്!

മലഫിസെന്റ് രാജാവിനെ ശപിച്ചു.

കോണൽ കണ്ടെത്തിയില്ലായിരുന്നെങ്കിൽ അവൾ മരിച്ചുപോകുമായിരുന്നു.

അവർ അവളെ ഇതുപയോഗിച്ച് കൊല്ലാൻ ശ്രമിച്ചു.

നിങ്ങൾ കേൾക്കുന്നുണ്ടോ?

നിങ്ങൾ കേൾക്കുന്നുണ്ടോ?

മനുഷ്യരിൽ നിന്നുള്ള സന്ദേശമാണിത്.

ഉച്ചത്തിൽ, വ്യക്തമായി എനിക്കിത് കേൾക്കാം.

നമ്മുടെ മരണത്തിനുള്ള സമയം!

മനുഷ്യർ നൂറ്റാണ്ടുകളായി, ഇരുമ്പ് നമുക്കെതിരായി ഉപയോഗിക്കുന്നതാണ്.

അതുകൊണ്ടു തന്നെ നമുക്ക്, ഏതാണ്ട് വംശനാശവും സംഭവിച്ചു കഴിഞ്ഞു.

മൂർസിൽ ഗ്രാമീണരെ കൊല്ലുന്നത്...

...കൂടുതൽ സംഘർഷങ്ങളിലേയ്ക്ക് നയിക്കുകയെ ഉള്ളൂ, ബോറാ.

അവർ ഭൂമിയിൽ നിന്ന് ഇരുമ്പ് വേർതിരിച്ചെടുത്ത്...

...വാളുകളും കവചങ്ങളുമുണ്ടാക്കി, നമ്മെ പാതാളത്തിലേയ്ക്ക് ഓടിച്ചു.

എന്നാൽ ഇത്...

ഇത് നമ്മെ ഇല്ലാതാക്കും.

ഇപ്പോഴത്തേയ്ക്ക് നമ്മുടെ ആളുകൾ ഇവിടെ സുരക്ഷിതരാണ്.

പക്ഷേ എത്ര നാളത്തേക്ക്?

മനുഷ്യർ നമ്മെ കണ്ടെത്തും. അവർ അടങ്ങില്ല.

ഞാൻ യുദ്ധം ആവശ്യപ്പെടുന്നു!

ഞാൻ യുദ്ധം ആവശ്യപ്പെടുന്നു!

ഇപ്പോൾ തന്നെ!

അനേകം മനുഷ്യരുണ്ട്.

അനേകം രാജ്യങ്ങളുണ്ട്.

കോണൽ, നമ്മെ നശിപ്പിക്കാൻ, അവർ...

...പുതിയ വഴികൾ കണ്ടുപിടിച്ചുകൊണ്ടേയിരിക്കും.

നമുക്ക് ജയിക്കാനാവില്ല.

നമുക്ക് ജയിക്കാനാവില്ല.

ഇങ്ങനെ സാധിക്കില്ല.

അല്ല. നിങ്ങൾക്ക് തെറ്റി, കോണൽ.

അവർ ആലോചിച്ചിട്ടുപോലുമില്ലാത്ത ഒന്ന് നമ്മുടെ ഭാഗത്തുണ്ട്.

നമുക്ക് അവളുണ്ട്.

നമുക്കാർക്കുമില്ലാത്ത ശക്തികൾ അവൾക്കുണ്ട്.

അവൾക്ക് മുറിവേറ്റിരിക്കുകയാണ്, ബോറ.

നിങ്ങളാരാണ്?

നിനക്ക് മനുഷ്യന്റെ നാറ്റമുണ്ട്.

ചിലപ്പോൾ നിന്നെക്കുറിച്ചുള്ള എന്റെ ധാരണ തെറ്റിപ്പോയതാവാം.

ചിലപ്പോൾ കോണൽ നിന്നെ ആ കടലിന്റെ അടിത്തട്ടിൽ വീണ്...

...മരിക്കാൻ വിടണമായിരുന്നിരിക്കും.

അല്ല.

അത് അവിടെ ഉണ്ട്, അല്ലേ?

നിന്റെയുള്ളിൽ.

കണ്ടോ?

അവളുടെ ഉള്ളിലുള്ളത് നിങ്ങൾ കണ്ടോ?

അതാണ് നമ്മെ രക്ഷിക്കാൻ പോകുന്നത്.

നിങ്ങളെന്നെ രക്ഷിച്ചു.

വരൂ.

ഞങ്ങളാരാണെന്ന് നിനക്ക് ഞാൻ കാണിച്ചുതരാം.

ഞങ്ങൾ ഡാർക്ക് ഫേകളാണ്.

നിന്നെ പോലെ തന്നെ.

നമ്മളാണ് ആകെ അവശേഷിക്കുന്നവർ.

ആരുടെയും കണ്ണിൽ പെടാതെ, മനുഷ്യകുലത്തിൽ നിന്ന് ഏറെ അകലെ.

നോക്കൂ!

കൂടുതൽ മനുഷ്യരാജ്യങ്ങൾ ഉയർന്നുവന്നതോടെ,

ഭൂമിയുടെ എല്ലാ കോണുകളിൽ നിന്നും...

...നാം ഓടിയൊളിക്കാൻ തുടങ്ങി.

അതിജീവിക്കാൻ വേണ്ടത് ചെയ്തുകൊണ്ടിരുന്നു.

എന്നാൽ ഒരുപാട് പേരെ നമുക്ക് നഷ്ടപ്പെട്ടു.

ഏതാനും തലമുറകൾ മുൻപ് വരെ...

...ലോകത്തിന്റെ എല്ലാ കോണിലും നമ്മുടെ ആളുകളുണ്ടായിരുന്നു.

തുന്ദ്ര പ്രദേശങ്ങൾ.

വനങ്ങൾ.

കാടുകൾ.

മരുഭൂമികൾ.

ഇപ്പോൾ, ഇത് മാത്രമാണ് നമ്മുടെ അഭയസ്ഥാനം.

ഈ ഗുഹ.

നമ്മുടെ ഉത്ഭവത്തിന്റെ കൂട്.

ശ്രദ്ധിക്ക്. കാറ്റിൽ കളിക്ക്.

ചെല്ല്!

ആ കുട്ടികൾ മരങ്ങളിലൂടെയും അരുവികളിലൂടെയും...

...കുതിച്ചുയരേണ്ടവരാണ്.

അതിനുപകരം, ബഹിഷ്‌കൃതരായാണ് അവർ വളരുന്നത്.

എനിക്കവരെ സംരക്ഷിക്കാനാവും.

എങ്ങനെ? മനുഷ്യർക്കെതിരായി യുദ്ധം ചെയ്തിട്ടോ?

എന്റെ ജീവിതകാലം മുഴുവൻ ഞാൻ അവരോട് യുദ്ധം ചെയ്തിട്ടുണ്ട്.

എല്ലാവരോടുമില്ല.

നീ സ്വന്തം പോലെ വളർത്തിയ ഒരാളുണ്ടായിരുന്നു.

ഒരുപക്ഷേ നമുക്ക് മനുഷ്യരിൽ നിന്ന് ഒളിക്കേണ്ടതില്ലായിരിക്കും.

ഭയവും യുദ്ധവും കൂടാതെ...

...നമുക്ക് നിലനിൽക്കാൻ കഴിഞ്ഞേക്കും.

ഒരുമിച്ചു നിൽക്കാൻ ഒരു വഴി കണ്ടുപിടിക്കാൻ കഴിഞ്ഞേക്കും.

അത് ഒരിക്കലും സംഭവിക്കില്ല.

കിട്ടിപ്പോയി!

നിന്റെ പുതിയ വീട്ടിലേയ്ക്ക് സ്വാഗതം.

ഞങ്ങൾ നിന്നെക്കുറിച്ച് വേവലാതിപ്പെട്ടിരിക്കുകയായിരുന്നു, മോളേ.

മഹാറാണീ,

എനിക്കവരെ കണ്ടെത്താനായില്ല.

നിന്റെ കാര്യമോർത്ത് എന്റെ ഹൃദയം തകരുകയാണ്.

നിന്റെ സന്തോഷങ്ങൾക്കു മുകളിലാണ്...

...അവൾ കരിനിഴൽ വീഴ്ത്തിയത്.

അവൾക്ക് ഈ വിവാഹത്തോട് എതിർപ്പായിരുന്നു എന്നെനിക്കറിയാം.

ഒരു റാണിയെന്ന നിലയിലുള്ള നിന്റെ ജന്മവാസനകളെ അവൾ വിശ്വസിച്ചിരുന്നില്ല.

അത്താഴത്തിന് അവൾ...

...ആ കൊമ്പുകളുമൊക്കെയായിട്ട്...

...പതുങ്ങി വരുന്നത് കണ്ടപ്പോൾ...

അവൾ അക്രമം അഴിച്ചുവിട്ടത്തിൽ അത്ഭുതപ്പെടാനില്ല.

എന്തു ചെയ്യണമെന്ന് എനിക്കറിയില്ല.

നീ അവനെ സത്യസന്ധമായി സ്നേഹിക്കുന്നില്ലേ?

എന്റെ മകനെ.

ആഴത്തിൽ.

സ്നേഹമാണ് നിന്നെ സുഖപ്പെടുത്തുക.

അതാണ് നമ്മെയെല്ലാം സുഖപ്പെടുത്തുന്നത്.

നമുക്ക് ഒന്നിച്ച് മുന്നോട്ട് നീങ്ങാം...

ഒരു കുടുംബമായിട്ട്.

മൂർസിൽ ജീവിക്കുന്ന എല്ലാവരുടെയും...

എന്താണീ ഒച്ച?

...അതിനും അപ്പുറത്തെ രാജ്യങ്ങളിലും ഉള്ളവരുടെ ശ്രദ്ധയ്ക്ക്,

രാജാവും രാജ്ഞിയും ഏവരെയും മൂന്ന് ദിവസത്തിന് ശേഷം നടത്താനിരിക്കുന്ന...

...അവരുടെ മകൻ ഫിലിപ്പിന്റെയും...

...രാജകുമാരി അറോറയുടെയും വിവാഹത്തിന് ക്ഷണിച്ചുകൊള്ളുന്നു.

എല്ലാവർക്കും ക്ഷണമുണ്ടായിരിക്കുന്നതാണ്.

എല്ലാവരേയും പ്രതീക്ഷിക്കുകയും ചെയ്യുന്നു!

നീയത് കേട്ടോ? നമ്മളെ കോട്ടയിലേയ്ക്ക് ക്ഷണിച്ചിരിക്കുന്നു.

അറോറ നമ്മളെ കയ്യൊഴിയില്ലെന്ന് എനിക്കുറപ്പുണ്ടായിരുന്നു.

എന്നെ എന്തായാലും ക്ഷണിക്കുമെന്ന് എനിക്കറിയാമായിരുന്നു.

നിങ്ങൾക്കും കൂടി കയറിപ്പറ്റാൻ കഴിഞ്ഞതിൽ സന്തോഷമുണ്ട്.

ആരാണ് കല്യാണം കഴിക്കാൻ പോണത്?

അറോറ, നമുക്ക് ഇപ്പോൾ തന്നെ വിവാഹത്തെ കുറിച്ച് ചിന്തിക്കണമെന്നില്ല.

മഹാറാണി പറഞ്ഞതാണ് ശരി.

ഇതിനുള്ള കടപ്പാട് നമുക്ക് എല്ലാവരോടുമുണ്ട്...

പ്രത്യേകിച്ച് രാജാവിനോട്.

മലഫിസിന്റോ?

അവര് പോയി.

ഫീനിക്സ് പക്ഷി.

ഡാർക്ക് ഫേ, ഇവളിൽ നിന്ന് ഉൽഭവിച്ച്...

...നൂറ്റാണ്ടുകളായി പരിണമിച്ചു എന്നാണ് പറയപ്പെടുന്നത്.

നീ അവളുടെ പിൻതലമുറക്കാരിൽ അവസാനത്തെ കണ്ണിയാണ്.

നിന്റെ സ്വന്തം രക്തമാണ് അവൾ.

നീ അവളാണ്.

നിന്റെ കൈകളിൽ നീ വഹിക്കുന്നത് ജീവൻ-മരണങ്ങളുടെയും,

സംഹാര-പുനർജന്മങ്ങളുടെയും ശക്തിയാണ്.

പക്ഷേ പ്രകൃതിയുടെ യഥാർത്ഥ ശക്തി...

...ഉത്തമമായ പരിവർത്തനത്തിന്റെ ശക്തിയാണ്.

അറോറയെ വളർത്തിയപ്പോൾ നിനക്ക് പരിവർത്തനമുണ്ടായി.

നിന്റെ വേദനയുടെ ഇടയിൽ...

...നീ സ്നേഹം കണ്ടെത്തി.

നിന്നിലെ മുഴുവൻ ദേഷ്യവും, മുഴുവൻ വേദനകളും...

...എടുത്തുമാറ്റി, അവ ഒരിക്കലും...

...ഉപയോഗിക്കാതിരിക്കാനാണ് ഞാൻ ആവശ്യപ്പെടുന്നത്.

മനുഷ്യരുമായി സമാധാനം പുനഃസ്ഥാപിക്കാൻ നീ ഞങ്ങളെ സഹായിക്കണം.

കാരണം, സമാധാനം...

...ഡാർക്ക് ഫേകളുടെ അവസാനത്തെ പരിവർത്തനമാകാം.

മൂർസ്, ഭൂമിയിലെ നമ്മുടെ അവസാനത്തെ യഥാർത്ഥ പ്രകൃതിയാണ്.

എന്നിട്ടും നീ ഒരു മനുഷ്യനെ അതിന്റെ റാണിയാക്കി.

നീ സ്നേഹിച്ചിരുന്ന ഒരു മകളെ.

എനിക്കൊരു മകളില്ല.

അവൾ അവളുടെ പക്ഷം തിരഞ്ഞെടുത്തു കഴിഞ്ഞു.

ഇപ്പോൾ കേട്ടതാണ്.

കോട്ടയിൽ ഇന്നേക്ക് മൂന്നാം ദിവസം ഒരു വിവാഹം നടക്കുന്നുണ്ട്.

എല്ലായിടത്തുനിന്നും മനുഷ്യർ വരും.

അപ്പോഴാണ് നമ്മൾ ആക്രമിക്കുന്നത്.

ഉൾസ്റ്റഡിലെ രാജാവിനെയും, റാണിയെയും,

യുവരാജകുമാരനെയും നമ്മൾ കൊല്ലും.

അവരുടെ രാജ്യം നിലം പതിക്കും.

ഫേകൾ വീണ്ടും ഉയരും.

ഫെയറികൾ തുന്നിയതാണ്.

രാജാവിനെ വിവാഹം ചെയ്തപ്പോൾ ഞാൻ ഇതാണ് ധരിച്ചത്.

ഇത് എല്ലാം തികഞ്ഞതാണെന്ന് എനിക്കുറപ്പാണ്.

എനിക്കും.

മഹാറാണീ, കുമാരി വളർന്ന സാഹചര്യങ്ങൾ വെച്ചു നോക്കിയാൽ...

ഇവൾ വളരെ ഓമനയാണ്.

ഇവളെ ശപിച്ച ആ യക്ഷിണി തന്നെയാണല്ലേ, ഇവളെ വളർത്തിയത്!

ഫിലിപ്പ് രാജകുമാരന് ഇവളെ ഇഷ്ടമായത് ഒരു അത്ഭുതമാണ്.

ശരിക്കും ഇതൊരു അത്ഭുതമാണ്.

ആ പാവം പെൺകുട്ടിയ്ക്ക് ഇപ്പൊഴും ജീവനെങ്കിലും ഉണ്ടല്ലോ.

ഒരുപാട് നന്ദി.

ഇത് വളരെ രുചികരമായിട്ടുണ്ട്.

ഞാൻ വളർന്നു കഴിയുമ്പോൾ...

...ഞാനിവിടെ, ഈ മൂർസിൽ തൊട്ടമ്മയുടെ കൂടെ താമസിക്കാൻ പോകുവാ.

അപ്പോൾ നമുക്ക് പരസ്പരം സംരക്ഷിക്കാമല്ലോ.

- എന്താണ് നിന്നെ വിഷമിപ്പിക്കുന്നതെന്ന് എന്നോട് പറയ്. - ഒന്നുമില്ല.

അറോറ, എനിക്ക് നിന്നെ നന്നായി അറിയാം.

ഈ ആഭരണങ്ങൾ...

എന്റെ മൂടിക്കെട്ട്...

...പിന്നെ ഈ നിയമങ്ങൾ!

എനിക്ക് ശ്വസിക്കാൻ പോലും കഴിയുന്നില്ല.

ഞാനിപ്പോൾ മൂർസിലെ രാജ്ഞി അല്ലാതായതുപോലെ!

മറ്റൊരാളായി മാറിയതുപോലെയാണ് എനിക്ക് തോന്നുന്നത്.

ഞാൻ പറയുന്നത് കേൾക്ക്,

വനത്തിൽ വെച്ചു കണ്ട ഒരു പെൺകുട്ടിയോടാണ്...

...ഞാൻ പ്രണയത്തിലായത്, അവളോട് മാത്രം.

നീ മാറേണ്ട ആവശ്യമില്ല.

നീ മാറണമെന്ന് എനിക്ക് ആഗ്രഹമില്ല.

ഞാൻ തൊട്ടമ്മയോട് ആ സ്‌കാർഫ് ധരിക്കാൻ പറയാൻ പാടില്ലായിരുന്നു.

അതുതന്നെ!

അപ്പോൾ...

കാര്യം നടന്നോ?

ആകെ വിരലിലെണ്ണാവുന്ന...

...ഫെയറികളേ എന്റെയടുത്തുള്ളൂ.

പിന്നെ, വേർതിരിച്ചെടുക്കുന്ന പ്രക്രിയ പ്രയാസമേറിയതാണ്.

എന്തിൽ നിന്ന് വേർതിരിച്ചെടുക്കുന്നത്?

ശ്മശാനപുഷ്പങ്ങളിൽ നിന്ന്.

ഫെയറികളുടെ കുഴിമാടങ്ങളിൽ വളരുന്ന ഇവയിൽ...

...അവയുടെ സത്തുക്കൽ അടങ്ങിയിട്ടുണ്ട്.

ഈ പൂക്കളുടെ പൂമ്പൊടി ഇരുമ്പുപൊടിയുമായി ചേർക്കുമ്പോൾ...

...ലഭിക്കുന്ന ഭസ്മം ഫെയറികളുടെ ജീവനെടുക്കും.

നമുക്ക് ഇനിയും ആയിരങ്ങൾ വേണം.

കാണിക്ക്.

എന്നെ കാണിക്ക്.

കൊള്ളാല്ലോ!

അപ്പോൾ...

അവസാനം, മൂർസ് എന്റേതാകും.

ഫെയറികൾ ഇനി ഉണ്ടാവുകയുമില്ല!

ജാഗ്രത പാലിക്കണം.

ആഹാ!

ഇവിടെയാണ് ഞാനവ കണ്ടെത്തിയത്.

കൊള്ളാം!

പക്ഷേ അവൾ മടങ്ങിയെത്തിയാലോ?

അതോർത്ത് വിഷമിക്കേണ്ട.

ഞങ്ങൾ തയ്യാറായിരിക്കും.

ശ്മശാനപുഷ്പങ്ങൾ പറിച്ചെടുത്തോളൂ

ജോലി ആരംഭിക്കട്ടെ!

ഭടന്മാരേ, ജാഗ്രതയോടെയിരിക്കണം.

ആയുധങ്ങൾ കയ്യിലുണ്ടാവണം.

മുന്നോട്ട് നീങ്ങ്.

മലഫിസെന്റ്...

ഇവിടെയാണ് ഞങ്ങളുടെ മരണപ്പെട്ടവരെ അടക്കുന്നത്.

അവരിത് നശിപ്പിച്ചു.

ഇതാണ് മനുഷ്യർ ചെയ്യുന്നത്.

ഭൂമിയെ കാർന്നു തിന്നുന്ന വെട്ടുക്കിളികളാണവർ.

നമ്മൾ അവരെ തടയണം.

ഒരുപാട് വർഷങ്ങൾ നീ മനുഷ്യരെ പരിപാലിച്ചു...

...ഇനി നിന്റെ സ്വന്തം ആളുകളെ പരിപാലിക്കാനുള്ള സമയമാണ്.

നിറയൊഴിക്ക്!

നിറച്ച്, വീണ്ടും നിറയൊഴിക്ക്.

നിറയൊഴിക്ക്!

വീണ്ടും നിറയ്ക്ക്! അതാ, മറ്റൊരെണ്ണം കൂടി!

എല്ലാവരും ഒരുമിച്ചു നിൽക്ക്.

നമ്മൾ മൂർസിന് പുറത്തുകടക്കുകയാണ്.

അടുത്തുള്ള ആളുടെ കയ്യോ,

ചിറകോ, വാലോ പിടിച്ചേക്കണം.

ഹേയ്, ഇവിടെ. ഇവിടെ.

അണി നിരന്ന് നിൽക്കൂ, ഭടന്മാരേ. അണി നിരന്ന് നിൽക്കൂ.

- ക്ഷമിച്ചാലും. - അവിടെ നിൽക്ക്.

ഞാൻ വധുവിന്റെ ആളാണ്.

ഞങ്ങളോട്, ഫെയറികളെ ആദ്യമിരുത്താനാണ്...

...പറഞ്ഞിരിക്കുന്നത്.

പക്ഷേ ഞാൻ മനുഷ്യനല്ല.

- ഞാനൊരു കരിങ്കാക്കയാണ്. - എന്ത്?

കരിങ്കാക്ക. കറുത്ത പക്ഷി.

ഉം... ഈ അരിയ്ക്ക് നല്ല രുചിയുണ്ട്.

ഇത് വധൂവരന്മാരുടെ മേൽ...

...എറിയാനുള്ളതാ.

എന്ത്? ഈ നല്ല അരി പാഴാക്കാനോ?

എന്താണിത്ര താമസം?

ഞാനൊന്ന് പൊയ്ക്കോട്ടെ!

മനുഷ്യന്മാർക്ക് എന്തേ അകത്ത് പോകാൻ പറ്റാത്തേ?

ഞങ്ങൾക്ക് അകത്ത് പോകാൻ പറ്റാത്തതെന്താ?

അശുഭകരമാണെന്നറിയാം...

പക്ഷേ എനിക്ക് നിന്നെ കാണണമായിരുന്നു.

നിനക്കുവേണ്ടി.

ശ്മശാനപുഷ്പമോ?

ഇതെവിടുന്നാ കിട്ടിയേ?

അമ്മയുടെ അടുത്തുനിന്ന്.

ഉച്ചയാവുന്നു. വിവാഹ മുഹൂർത്തം ആവാറായി.

അമ്മയുടെ അടുത്തുനിന്ന്.

നമ്മള് എവിടെയാ ഇരിക്കേണ്ടത്, ഫിറ്റിൽ?

ഇടതുവശത്ത്. നമ്മൾ വധുവിന്റെ കൂട്ടരല്ലേ.

അതേ. വധുവിന്റെ കൂട്ടരാണ്.

പക്ഷേ വരനും കൊള്ളാം, കേട്ടോ.

ഉം.. അതെയതെ.

ഞാൻ രണ്ടാളുടെയും കൂടെയാണ്.

ങേ?

ഇനി...

എന്താണിത്?

ഇവിടെ എനിക്കല്ലാതെ വേറെയാർക്കും പ്രവേശനമില്ല.

മാത്രമല്ല ഞാനിവിടെ ഉണ്ടുതാനും! ദൂരെ പോ!

മലഫിസെന്റ്, ദയവായി ഇത് നിർത്തിയാലും.

മലഫിസെന്റ്.

തൊട്ടമ്മയല്ല ഇത് ചെയ്തത്.

പുറത്തു പോ.

ഞാൻ ഭടന്മാരെ വിളിക്കുന്നതിന്‌ മുൻപ് പോ!

കാണാതായ ഫെയറികൾ!

ഞാൻ പറഞ്ഞത് കേട്ടില്ലേ? പുറത്തു പോകാൻ!

നിങ്ങളെന്താണ് ചെയ്തത്?

നിങ്ങളൊരു ഫെയറിയാണ്.

എന്നെ അങ്ങനെ വിളിക്കാൻ നിനക്കെങ്ങനെ ധൈര്യം വന്നു?

ഞാൻ ലിക്‌സ്പിറ്റിൽ എന്ന കുലീനനാണ്,

രാജ്ഞിയുടെ സേവകൻ.

രാജ്ഞി നിങ്ങളുടെ ചിറകുകളെടുത്തു.

നമുക്ക് അവരെ പുറത്തുവിടണം.

അവരുടെ സ്ഥാനം മൂർസിലാണ്.

നിന്റെയും, അറോറ.

സ്വന്തം വംശത്തെ ഒറ്റിക്കൊടുത്ത ഒരു മനുഷ്യൻ!

നിങ്ങളാണ് രാജാവിൽ ആ ശാപം ഏൽപ്പിച്ചത്.

ഓ, പൊന്നേ!

നീ രാജ്ഞിയായിരിക്കാം...

...പക്ഷേ നീ വളരെ ചെറുപ്പമാണ്.

മനുഷ്യരെ ഭരിക്കുന്നത്, മുടിയിൽ പൂവും ചൂടി,

പാദുകങ്ങളില്ലാതെ ഓടിനടക്കുന്നതിലും ഒരുപാട് സങ്കീർണമാണ്.

എന്റെ ചെറുപ്പകാലത്ത്...

...എന്റെ മാതൃരാജ്യമായിരുന്നു മൂർസുമായി അതിർത്തി പങ്കിട്ടിരുന്നത്.

അതികഠിനമായ ഒരു ശൈത്യകാലത്ത്...

...ഞങ്ങളുടെ വിളകൾ നശിക്കുകയും...

...ജനങ്ങൾ ദുരിതത്തിലാഴുകയും ചെയ്തു.

ഞങ്ങളുടെ മതിൽക്കെട്ടുകൾക്ക് മുകളിലൂടെ നോക്കിയപ്പോൾ...

...സമ്പന്നരായി വിഹരിക്കുന്ന ഫെയറികളെ ഞങ്ങൾ കണ്ടു.

ആവശ്യമുള്ളത് ഞങ്ങളെടുക്കണമെന്ന്, ഞാനും എന്റെ സഹോദരനും കരുതിയപ്പോൾ...

...ഞങ്ങളുടെ അച്ഛൻ, രാജാവ് തേടിയത് അവരുടെ ദയാവായ്പായിരുന്നു.

ജനങ്ങളുടെ അഭിപ്രായത്തെ നിരാകരിച്ച് സമാധാനത്തിന്റെ വഴി തിരഞ്ഞെടുത്തുകൊണ്ട്...

...അദ്ദേഹത്തിന്റെ ആവശ്യമറിയിക്കാൻ അദ്ദേഹം എന്റെ സഹോദരനെ അയച്ചു.

അവൻ ഒരിക്കലും തിരിച്ചു വന്നില്ല.

ആ നിഷ്ഠൂരർ,

കഷ്ടിച്ച് മുരളുക മാത്രം ചെയ്യുന്ന ആ ജന്തുക്കൾ,

ഒന്ന് സംസാരിക്കാൻ പോലും കൂട്ടാക്കാതെ, അവനെ കൊന്നു.

ഞാനിത് വിശ്വസിക്കില്ല.

ജനങ്ങൾ പരിഭ്രാന്തരായി.

എന്റെ അച്ഛനെ അവർ സ്ഥാനഭ്രഷ്ടനാക്കി.

രാജ്യം അരക്ഷിതാവസ്ഥയിലേക്ക് വീണു. ഞാൻ പുറത്താക്കപ്പെട്ടു.

വിധിയുടെ നിർബന്ധത്തിനു വഴങ്ങി ഞാൻ, ഉൾസ്റ്റഡിലെ രാജാവ് ജോണിനെ വിവാഹം കഴിച്ചു.

ബലഹീനനായ മറ്റൊരു രാജാവ്;

നാഗരീകതയുടെയും സഹിഷ്ണുതയുടെയും കാര്യത്തിൽ!

പിന്നെ, ഇപ്പോൾ, എന്റെ സ്വന്തം മകനും...

...ഒത്തൊരുമയുടെ വീക്ഷണത്താൽ ദുഷിച്ചു പോയിരിക്കുന്നു.

എന്നാൽ സമാധാനം ഞങ്ങളുടെ പതനമാകില്ല.

ഇവളെ പൂട്ടിയിട്.

ഒരു യുദ്ധമാണ് വരുന്നത്.

അരുത്! അരുത്!

അച്ഛൻ എന്റെ കൂടെയുണ്ടായിരുന്നെങ്കിൽ എന്ന് ആഗ്രഹിച്ചുപോകുകയാണ്.

കോണൽ ആഗ്രഹിച്ചത് സമാധാനമാണ്...

അവരവനെ ഇരുമ്പ് കൊണ്ടു നിറച്ചു.

ഇനി നമ്മുടെ യുദ്ധമാണ്.

നമ്മുടെ പോരാട്ടം ഇപ്പോൾ തുടങ്ങുന്നു!

ഒന്നായ് നാമുയരും!

ഒന്നായ് നാം പോരാടും.

നമ്മളവരോട് ഒരു ദയയും കാണിക്കില്ല!

വരൂ! പോകൂ!

പോകൂ! പോകൂ!

പോകൂ! പോകൂ! പോകൂ!

ഫിലിപ്പിന്റെ അതിഥികളൊക്കെ എവിടെ?

മനുഷ്യർക്ക് ഒരു കൃത്യനിഷ്ഠയുമില്ല.

സംഗീതം ആരംഭിക്കട്ടെ.

വേഗം വാ. വേഗം!

അവൾ പോയി.

ഹേയ്!

ഇതൊരു കെണിയാണ്. അടിയിലൊളിക്കൂ.

മഹാറാണീ...

അവർ കടലിലൂടെ വരികയാണ്.

അവൾ രക്ഷപെട്ടു!

ഇതിലേ! വേഗം വരൂ!

മഹാറാണീ!

ഞാൻ കല്പിക്കുമ്പോൾ!

എല്ലാ മുറികളും പരിശോധിക്ക്.

ഒരുപാട് അകലെ പോയിട്ടുണ്ടാവില്ല!

നിൽക്ക്.

നിൽക്ക്.

എന്താ ഇതൊക്കെ?

ഇപ്പോൾ!

നിറയൊഴിക്ക്!

അയ്യോ!

അവരെ കാണാൻ തൊട്ടമ്മയെ പോലുണ്ട്.

പിന്മാറ്.

പിന്മാറ്.

പിൻവാങ്ങ്.

മലഫിസെന്റ് യുദ്ധം ആരംഭിക്കുകയാണ്.

ആദ്യം എന്റെ അച്ഛനെ. ഇപ്പോൾ ഇത്.

ഫിലിപ്പ്! അവരല്ല അച്ഛനെ ശപിച്ചത്.

- മലഫിസെന്റ് അല്ല. - എന്താ?

അവർ അദ്ദേഹത്തെ ഒരിക്കലും ശപിച്ചിട്ടില്ല.

നിന്റെ അമ്മയാണ്.

നീ എന്താ ഈ പറയുന്നത്?

ആ സൂചിമുനയാണ്.

ആ ശാപം ഇപ്പോഴും അതിലുണ്ട്.

നിന്റെ അമ്മ നിന്റെ അച്ഛനെതിരായി അത് ഉപയോഗിച്ചതാണ്.

നോക്ക്.

ഒരുപോലെ തന്നെ!

മൂർസ് സമൂഹത്തെ മുഴുവൻ അവർ ദേവാലയത്തിൽ പൂട്ടിയിട്ടിരിക്കുകയാണ്.

ഇതൊരു വിവാഹമല്ല.

ഇതൊരു കെണിയാണ്.

നീ വന്നത് എവിടെ നിന്നാണെന്ന് ഓർക്കൂ!

നീ ആരാണെന്ന് ഓർക്കൂ!

എന്റെ തീരുമാനം ഞാനെടുത്തു കഴിഞ്ഞു.

ഇനി നിന്റെ തീരുമാനം നീയെടുക്കണം.

താഴ്ന്ന് പറക്കൂ!

വേർതിരിഞ്ഞു വരൂ.

എന്നെ പിന്തുടര്.

ആക്രമിക്കൂ!

ആക്രമിക്കൂ!

- കൊളുത്ത്! - കൊളുത്ത്!

ഇല്ലാ!

അമ്മായിമാരേ! അമ്മായിമാരേ!

ഒരുപാട് ഭാരമാണ്!

അറോറ!

ഡീവൽ! നിങ്ങളെത്തിയോ!

എന്തൊക്കെയാണ് നടക്കുന്നത്?

ആയുധം മാറ്റൂ!

ആയുധം മാറ്റ്! വേഗം!

അമ്മേ!

നിങ്ങളിത് നിർത്തണം.

നമ്മൾ യുദ്ധത്തിലാണ്.

ഇത് യുദ്ധമല്ല. ഇത് കൂട്ടക്കൊലയാണ്.

ഫിലിപ്പ്, നിനക്ക് മനസ്സിലാകില്ല.

നമുക്കും, നമുക്ക് നിലനിൽക്കാൻ ആവശ്യമായതിനും...

...ഇടയിലാണ് ഈ ജന്തുക്കൾ തടസമായി നിൽക്കുന്നത്.

നിങ്ങൾക്ക് തെറ്റി.

നമുക്ക് ഒരുമിച്ച് നിൽക്കാൻ കഴിയും!

അത് വിശ്വസിക്കുന്ന നീ ഒരു വിഡ്ഢിയാണ്.

നമ്മുടെ വംശത്തിന് വേണ്ടി പോരാടാൻ വേണ്ട യോഗ്യതകളെ കുറിച്ച് നിനക്കറിയില്ല.

നിങ്ങളെന്നോട് കള്ളം പറഞ്ഞു.

ഞാൻ ഈ രാജ്യവും...

...നിന്റെ സിംഹാസനവും സംരക്ഷിക്കുകയാണ്.

അപ്പോൾ അച്ഛന്റെ കാര്യമോ?

നിങ്ങൾ അച്ഛനെയും സംരക്ഷിക്കുകയായിരുന്നോ?

രാജകുമാരന് നല്ല സുഖം തോന്നുന്നില്ല.

അവനെ അവന്റെ കിടപ്പറയിലേയ്ക്ക് കൊണ്ടുപോകൂ.

ഇപ്പോൾ തന്നെ.

പ്രഭോ, നിൽക്കൂ!

കീഴടങ്ങൂ! കീഴടങ്ങൂ!

എന്റെ അമ്മയാണ് അച്ഛനിൽ ശാപം ഏൽപ്പിച്ചത്,

അവർക്ക് മൂർസമൂഹത്തെ മുഴുവൻ കൊല്ലാൻ വേണ്ടി.

നിങ്ങളുടെ ആളുകൾ അതിനിപ്പോൾ വലിയ വില കൊടുത്തുകൊണ്ടിരിക്കുകയാണ്.

നമ്മളെന്തെങ്കിലും ചെയ്തേ മതിയാകൂ.

വിട, ചങ്കുകളേ!

അരുത്, തിരിച്ചു വാ!

ഫിറ്റിൽ! അരുത്!

ഇല്ലാ!

ഏയ്! നീ നിന്റെ കൂട്ടരോടൊപ്പം നിൽക്ക്!

ഓട്, അറോറ! ഓട്!

അയാളെ വിട്!

അരുത്! അരുത്!

തൊട്ടമ്മ!

ഫിറ്റിലിന് വേണ്ടി!

അവൾ പിടിയിലുണ്ട്.

പോകൂ! പോകൂ!

ഇതിലേ! ഇതിലേ!

പോകൂ!

പിൻവാങ്ങ്!

ഇതെന്റെ പോരാട്ടമല്ല.

എന്റെ അമ്മയ്ക്ക് ഒരു യുദ്ധം ആവശ്യമായിരുന്നു, നിങ്ങൾ അവർക്ക് അത് കൊടുക്കുകയാണ്.

അവരുടെ വെറുപ്പ് എന്റേയോ നിങ്ങളുടെയോ രാജ്യം തകർക്കാൻ ഞാൻ അനുവദിക്കില്ല.

ഫേകളുടെ രക്തം എന്റെ കയ്യിൽ പുരളില്ല.

ഇതിലേ! ഇതിലേ!

മലഫിസെന്റ് തിരികെ വന്നു!

മലഫിസെന്റ് മഹാറാണിയുടെ അടുത്തേയ്ക്കാണ്.

ആയുധം ഉപേക്ഷിക്ക്! ആയുധം ഉപേക്ഷിക്ക്!

മുട്ടുകുത്ത്!

ആയുധങ്ങൾ താഴെ വെയ്ക്ക്.

ഇതാണ് ഞാൻ അവർക്ക് വാഗ്ദാനം ചെയ്ത വിനാശം!

നിന്റെ തരക്കാർ മനുഷ്യരേക്കാൾ പ്രവചനവിധേയമാണ്.

അരുത്!

അരുത്!

ഏതാണ്ട് എത്തിയതാണ്!

അരുത്!

നിങ്ങളെ സംശയിച്ചതിൽ എന്നോട് ക്ഷമിക്കണം, പക്ഷേ ഇത് നിങ്ങളല്ല.

മറ്റൊരു വഴിയുണ്ട്.

നിങ്ങളാരാണെന്ന് എനിക്കറിയാം.

എനിക്കറിയാം നിങ്ങളെ.

നിനക്കറിയില്ല.

അറിയാം, എനിക്കറിയാം.

നിങ്ങളെന്റെ അമ്മയാണ്.

ഇല്ലാ!

ഒരാളെ മഹത്തായ ഒരു നേതാവാക്കുന്നത് എന്താണെന്നറിയാമോ, അറോറ, നിനക്ക്?

സ്വന്തം പ്രജകളിൽ ഭയം നിറയ്ക്കാനും,

ആ ഭയത്തെ, ശത്രുവിനെതിരായി...

മഹാറാണീ.

...ഉപയോഗിക്കാനുമുള്ള കഴിവ്.

അതുകൊണ്ട്...

ഞാൻ വിനാശകാരിയായ ഒരു യക്ഷിണിയുടെയും, അവൾ ശപിച്ച...

...ഒരു രാജകുമാരിയുടെയും കഥ പറഞ്ഞു പരത്തി.

ഉറങ്ങുന്ന സുന്ദരിയെ ഉണർത്തിയത് ആര് എന്നത് പ്രസക്തമായിരുന്നില്ല.

എല്ലാവരും ഭയന്നു വിറച്ചിരുന്നു!

ആ കഥ ഇതിഹാസമാകുകയും ചെയ്തു.

ഞാനൊരു രാക്ഷസിയാണെന്ന് നിനക്ക് തോന്നുന്നുണ്ടെന്ന് എനിക്കറിയാം.

പക്ഷേ ഞാൻ രാജാവിനോടും, മലഫിസെന്റിനോടും, എന്റെ മകനോടുമൊക്കെ ചെയ്തത്...

...ഉൾസ്റ്റഡിനുവേണ്ടി ആയിരുന്നു.

നിന്റെ വംശത്തിന് തന്നെ നീയൊരു വിശ്വാസവഞ്ചകിയാണ്.

അതിനുള്ള ശിക്ഷ നിനക്ക് കിട്ടും!

മലഫിസെന്റ് ചത്തു!

നമ്മളിനി ഒരിക്കലും ഭയത്തിൽ ജീവിക്കില്ല.

ഇങ്ങോട്ടു വാ.

അവസാനം ഉൾസ്റ്റഡ് സ്വതന്ത്രമായി!

എന്നെ വിട്!

എന്താ ഈ സംഭവിക്കുന്നത്?

കൊള്ളാല്ലോ!

ഹലോ, കുട്ടിപ്പിശാശേ!

നിന്നെ മിസ് ചെയ്തു, കേട്ടോ!

അതിന് തലയും കുത്തി ചാടിയോ?

ചാടി!

ഫിലിപ്പ്.

എന്തോ?

നീയെന്റെ മകളെ സ്നേഹിക്കുന്നുണ്ടോ?

എന്റെ ജീവന് തുല്യം!

നല്ലത്.

ഇത് അങ്ങയുടേതാണെന്ന് വിശ്വസിക്കുന്നു.

ശാപങ്ങൾ അവസാനിക്കില്ല.

മോചിക്കപ്പെടാറേ ഉള്ളൂ.

അവസാനിച്ചു!

ഇനി പോരാട്ടങ്ങൾ ഉണ്ടാവുകയില്ല.

ഉൾസ്റ്റഡ് ഇനിയൊരിക്കലും മൂർസിനെ ആക്രമിക്കില്ല.

ഈ ദിവസം മുതൽ...

...നാം മുന്നേറും,

നമ്മുടെ വഴി കണ്ടെത്തും..

...സമാധാനത്തിൽ,

ഒരുമിച്ച്.

ഇന്ന്, ഒരു വിവാഹമുണ്ടാകും.

രണ്ടു വ്യക്തികളുടെ ഒന്നുചേരൽ മാത്രമല്ല,

രണ്ടു രാജ്യങ്ങളുടെയും ഒന്നുചേരൽ.

എല്ലാവർക്കും ക്ഷണമുണ്ട്...

എല്ലാവരും സുരക്ഷിതരാണ്...

എല്ലാവരെയും സ്വാഗതം ചെയ്യുകയും ചെയ്യുന്നു.

ഹലോ!

രാക്ഷസരുടെയിടയിൽ നമുക്ക് ജീവിക്കാനാ...

ഒരാള് എന്തായാലും കൊമ്പുകൾ മറയ്ക്കേണ്ടിവരും!

കോണലിന് നിന്നെ ഇപ്പോൾ കാണാൻ കഴിഞ്ഞിരുന്നെങ്കിൽ!

ബോറ...

വീട്ടിലേയ്ക്ക് വരാൻ നേരമായി!

ഹലോ.

ഒന്നിവിടെ വരെ വരാമോ?

എന്താ?

എന്നെ കന്യാദാനം ചെയ്യുമോ?

ഒരിക്കലുമില്ല!

അതല്ല.

അൽത്താരയിലേയ്ക്ക് എന്നെ കൈപിടിച്ചു നടത്തുമോ?

നടത്താം.

ഞാനിന്ന് ഇടിച്ചു ചതച്ച എല്ലാവരോടും മാപ്പു ചോദിക്കുന്നു, കേട്ടോ!

അത്...?

മലഫിസെന്റിന് അവരെ തിരിച്ചു മനുഷ്യസ്ത്രീയാകാൻ കഴിയും!

എന്ന് തോന്നുന്നു!

നമുക്ക് വേണമെങ്കിൽ മാത്രം!

അച്ഛാ.

എനിക്കൊരുപാട് സന്തോഷമായി.

ഞാൻ ഈ നിമിഷം സ്വപ്നം കണ്ടതാണ്.

അവസാനം രണ്ടു രാജ്യങ്ങളും ഒന്നായി.

അതും നീ കാരണം.

എനിക്ക് നിന്നെക്കുറിച്ച് ഒരുപാട് അഭിമാനമുണ്ട്, മോനെ.

പച്ച നിറത്തിൽ അവൾ കൂടുതൽ സുന്ദരിയായിരിക്കും.

പിങ്ക് അല്ലേ ഉദ്ദേശിച്ചത്.

അല്ല, പച്ച.

പിങ്ക്.

- പച്ച. - പിങ്ക്.

ഫിറ്റിൽ!

ഇതാണ് ഏറ്റവും നല്ലത്!

അവൾ പോട്ടെ.

കരഞ്ഞു കുളമാക്കാതെ!

ഭയത്താൽ ഭാഗിക്കപ്പെട്ട രണ്ടുരാജ്യങ്ങളെ ഒന്നിപ്പിക്കാനാണ്...

...നാം ഇന്നിവിടെ ഒത്തുകൂടിയിരിക്കുന്നത്.

നാം എവിടെനിന്നാണ് എന്നുള്ളതല്ല,

മറിച്ച് നാം ആരെ സ്നേഹിക്കുന്നു എന്നുള്ളതാണ് നമ്മെ നിർവചിക്കുന്നതെന്ന്...

...നിങ്ങൾ ഞങ്ങളെ പഠിപ്പിച്ചു.

മോതിരങ്ങൾ കൊണ്ടുവരൂ.

ഫിലിപ്പ്, അറോറയെ...

സമ്മതമാണ്.

അറോറ, ഫിലിപ്പിനെ...

സമ്മതമാണ്.

ഇതിനാൽ ഞാൻ നിങ്ങളെ ഭാര്യയും ഭർത്താവുമായി പ്രഖ്യാപിക്കുന്നു.

വധുവിനെ ചുംബിച്ചാലും.

നിങ്ങൾ ചിരിക്കുകയാണല്ലോ!

ഇതൊരു പുതുദിനമാണ്.

അതേ.

സുപ്രഭാതം.

കുറച്ചു നാൾ ഇവിടെയുണ്ടാകുമോ?

കുറച്ചു നേരം.

പക്ഷേ വിഷമിക്കേണ്ട!

ജ്ഞാനസ്നാനത്തിനു ഞാൻ നിങ്ങളെ കാണുന്നുണ്ട്!

പരിഭാഷ : ഫ്രെഡി ഫ്രാൻസിസ്.

മലയാളം പരിഭാഷകൾക്ക് സന്ദർശിക്കുക www.malayalamsubtitles.org www.facebook.com/groups/MSONEsubs

ഇന്‍ഫോ : AC66DD4247A84C25D85415C7AF8A1CEA19A8E4BB