Original subtitles

എംസോൺ റിലീസ് - 3406 http://www.malayalamsubtitles.org/ www.facebook.com/msonepage

ഒഡീഷയിലെ മാൽക്കൻഗിരി ജില്ലയിലുള്ള ചിത്രകൊണ്ട ബ്ലോക്കിലെ, ഒറ്റപ്പെട്ടൊരു പ്രദേശത്തിന്റെ യഥാർത്ഥ കഥയെ ആസ്പദമാക്കിയുള്ളതാണ്"ദമൻ" എന്ന ചിത്രം.

ബലിമേല അണക്കെട്ടിന്റെ നിർമ്മാണം 151 ഗ്രാമങ്ങളെ, പ്രധാന ഭൂമിയിൽ നിന്ന് വേർതിരിക്കുന്ന, 60 കിലോമീറ്റർ നീളമുള്ളൊരു ജലപാത സൃഷ്ടിച്ചു.

കഴിഞ്ഞ നാൽപത് വർഷങ്ങളായി ഭൂപടത്തിലേ ഇല്ലാത്ത ഈ പ്രദേശങ്ങൾ മുഴുവൻ നക്സലൈറ്റുകളുടെ വിഹാരകേന്ദ്രമായി മാറി.

സർക്കാർ അധികാരികൾ പോലും ഇവിടേക്ക് വരാൻ ധൈര്യപ്പെട്ടില്ല.

ദമൻ

പരിഭാഷ : വിഷ് ആസാദ്

ചേട്ടാ, ഒരു ചായ.

ജാൻബായിലേക്കുള്ള വണ്ടി എപ്പോഴാ?

ജാൻബായിലേക്കാണോ?

ആ വണ്ടിയിൽ കേറിക്കോ.

ഏതാ?

ആ വണ്ടിയോ?

അടുത്ത വണ്ടി എപ്പോഴാ?

ഈ ഒരു വണ്ടിയേയുള്ളൂ. ആൾക്കാരെ കൊണ്ടുവിട്ടിട്ട് തിരിച്ചുവരും.

ഇതെപ്പോ തിരിച്ചുവരും?

ആൾക്കാർ നിറയുവാണേൽ 3-4 മണിക്കൂറിനുള്ളിൽ തിരിച്ച് വരും, അല്ലെങ്കിൽ വൈകിട്ടാവും, അല്ലേ?

ബാക്കി വാങ്ങിയിട്ട് പോ, മോനേ.

ഭായ്, കുറച്ച് ഒതുങ്ങാമോ?

കണ്ണ് കണ്ടൂടെ? സ്ഥലം ഇല്ലെടോ. മുന്നോട്ട് പൊയ്ക്കോ.

ഞാനെങ്ങനെ കേറും? എന്തായിത്? എന്റെ ഭായ്, ഞാനൊന്ന് കേറിക്കോട്ടെ?

വേണേൽ മുകളിൽ ഇരിക്കെടോ.

വീഴുമെടോ.

ഭായ്, ഈ ജാൻബായി PHC എവിടെയാ?

ഈ നദിയുടെ അക്കരെയാ.

എങ്ങനെ പോകും?

ബോട്ട് വരും.

ബോട്ടോ?

അപ്പുറം കൂടെ, വൃത്തിയായി തുടയ്ക്ക്...

ശരി.

നിനക്ക് കണ്ണ് കണ്ടൂടെ?

തുടയ്ക്കുവല്ലേ.

ശരി, ശരി, തുടയ്ക്ക്. ആ വശം കൂടെ തുടയ്ക്ക്.

ഭുവനേശ്വറിൽ നിന്ന് വരുന്ന സിദ്ധാർത്ഥ് സാറല്ലേ?

അതെ.

നമസ്തേ, സാർ, ഞാൻ രവി, രവീന്ദ്ര മുദുലി, ഫാർമസിസ്റ്റാണ്. ഇത് ലാബ് അറ്റൻഡന്റ് രമേശ്.

സാർ, നമസ്കാരം.

സാർ, ഞാൻ കുളിച്ചിട്ട് വരാം.

എന്റെ ചേംബർ എവിടെയാ?

ഇത് തന്നെയാ, സാർ.

കുറച്ച് വെള്ളം കിട്ടുമോ?

ശരി സാർ, ഇപ്പൊ കൊണ്ടുവരാം.

ആ ഫാൻ ഇട്ടേക്ക്.

ഇതാ, വെള്ളം.

തണുത്ത വെള്ളമില്ലേ?

ഇല്ല സാർ, ഇത് മൺക്കലത്തിലെ വെള്ളമാ, കുടിച്ച് നോക്ക്, ഇഷ്ടമാകും.

ഇവിടെ മിനറൽ വാട്ടറൊന്നും കിട്ടില്ലേ?

ഇല്ല സാർ, മിനറൽ വാട്ടർ വാങ്ങണേൽ ചിത്രകൊണ്ട വരെ പോകേണ്ടിവരും.

ഇത് ആരോഗ്യത്തിന് നല്ലതാ. കുടിച്ചോളൂ, നിറയെ മിനറൽസാ.

ഇവിടെ നെറ്റ്‌വർക്കും ഇല്ലേ?

ഇല്ല സാർ, ഇവിടെ നെറ്റ്‌വർക്കൊന്നുമില്ല.

ടവറില്ലാതെ നെറ്റ്‌വർക്കെങ്ങനെ കിട്ടാനാ?

ഒരു നെറ്റ്‌വർക്കുമില്ലേ?

ഇല്ല, സാർ.

വൗ!

സ്റ്റാഫായിട്ട് നിങ്ങൾ രണ്ടാളെയുള്ളോ, അതോ വേറെയാരെങ്കിലുമുണ്ടോ?

ഒരു സ്റ്റാഫ്‌ നേഴ്സ് കൂടിയുണ്ട്, സാർ.

എന്നിട്ടെവിടെ?

ഈയിടയ്ക്കാ കല്യാണം കഴിഞ്ഞത്, നാളെ മുതൽ വരും.

എന്റെ ക്വാട്ടേഴ്സ് എവിടെയാ?

ഇവിടെ അടുത്താ സാർ, ഞാൻ കാണിച്ചുതരാം.

അതുശരി, താൻ ക്വാട്ടേഴ്സ് കാണിക്കാൻ വരുമ്പോൾ പേഷ്യന്റ് വന്നാൽ ആര് നോക്കും?

ഇല്ല, സാർ. ഈ ഗ്രാമത്തിൽ, പട്ടണത്തിലെയത്ര പേഷ്യന്റ്സൊന്നും വരില്ല.

വന്നാൽ തന്നെ ഇവിടെ ഇരുന്നോളും.

നല്ല ക്ഷീണമില്ലേ, കുറച്ച് വിശ്രമിച്ചോളൂ.

അടിപൊളി, പോകാം!

സാർ, ഇരിക്കാൻ ബുദ്ധിമുട്ടുണ്ടോ?

ഇല്ല.

സാർ, ഞാൻ കഴിഞ്ഞ മാസം ഭുവനേശ്വറിൽ വന്നിരുന്നു.

സിറ്റിയാകെ മാറിപ്പോയി.

ഒരു 21 ഗിയർ സൈക്കിൾ വാങ്ങാമെന്ന് കരുതിയപ്പോൾ ഒടുക്കത്തെ വില.

പതിയെ പോ... പതിയെ പോ...

കേറി ഇരുന്നോളൂ, സാർ.

ഒന്നും പറ്റില്ല, സാർ. ഞങ്ങൾക്ക് ഇതൊക്കെ ശീലമാണ്.

പക്ഷേ എനിക്ക് ശീലമല്ലല്ലോ.

കുറച്ചൂടെ കേറിയിരുന്നോ, ഒന്നും സംഭവിക്കില്ല.

വേഗം പോ... വേഗം പോ...

സാർ, ഇതുപോലൊരു ക്വാട്ടേഴ്സ് ഈ ഏരിയയിലെങ്ങും കിട്ടില്ല.

വളരെ സന്തോഷത്തോടെയാണ് ഇവിടെ താമസിച്ചവരൊക്കെ കഴിഞ്ഞിരുന്നത്.

കൊള്ളാം... അല്ലേ?

സാർ, വീടിനു പുറകിൽ ചെടികളും മരങ്ങളും നടാൻ പറ്റിയ വലിയൊരു മുറ്റമുണ്ട്.

മുമ്പുണ്ടായിരുന്ന നന്ദ സാറില്ലേ... പുള്ളി കത്തിരിയും വെണ്ടയും, തക്കാളിയും, മുളകുമൊക്കെ നട്ടിരുന്നു.

അയാളിവിടെ കൃഷിപ്പണിക്ക് വന്നതാണോ?

എപ്പോഴാ പേഷ്യന്റ്സിനെ നോക്കിയിരുന്നത്‌?

ഒഴിവുള്ളപ്പോൾ വേറെന്ത് ചെയ്യാനാ, സാർ? കുറച്ച് ചെടികൾ നട്ടുനോക്ക്.

സാറിനും ഇഷ്ടപ്പെടും. വരൂ, സാർ.

സാർ.

സാറ് വരുമെന്ന് അറിഞ്ഞപ്പൊത്തന്നെ ഞാൻ രമേഷിനെയും കൂട്ടിവന്ന് വീടൊക്കെ വൃത്തിയാക്കി.

സാർ, സാർ,സാർ, ആ ജനാലയൊന്നും തുറന്നിടരുത്.

അതെന്താ?

മലമ്പ്രദേശമല്ലേ, പാമ്പ് കേറി വരും.

പാമ്പ്‌ വീടിനുള്ളിൽ കേറുമോ?

ചിലപ്പോഴൊക്കെ കേറും, സാർ.

സാർ, ഒന്ന് ഫ്രഷായിക്കോ. ഞാൻ കഴിക്കാനുള്ളത് കൊണ്ടുവരാം.

ശരി.

സാർ, ഇവിടെ നാടൻ കോഴിയേ കിട്ടുള്ളൂ, കഴിക്കുവല്ലോ, അല്ലേ?

എല്ലാം കഴിക്കും ഭായ്, എല്ലാം കഴിക്കും. പൊയ്ക്കൊ, പൊയ്ക്കൊ.

ചിയേഴ്സ്, എല്ലാ പുതിയ ഡോക്ടർമാർക്കും.

ചിയേഴ്സ്!

Dr.സുമിത്, ഭാവി പരിപാടിയെന്താ?

PG ചെയ്യണം, അതുകഴിഞ്ഞാൽ അങ്കിളിന്റെ ഡൽഹിയിലുള്ള ഹോസ്പിറ്റലിൽ പ്രാക്ടീസ് ചെയ്യണം.

ബാക്കിയൊക്കെ വിധി പോലെ നടക്കട്ടെ.

നീ വല്യ കോടീശ്വരനാല്ലേ, അളിയാ?

ഒന്ന് മിണ്ടാതിരിക്കെടാ.

അതിരിക്കട്ടെ, സിദ്ധാർത്ഥ്... ഡോക്ടർ സിദ്ധാർത്ഥ്..

- യെസ്? - എന്താ നിന്റെ പരിപാടി?

എനിക്കൊരു കാർഡിയോളജിസ്റ്റ് ആകാനാണ് ആഗ്രഹം.

എയർപോർട്ടിനടുത്ത് വലിയൊരു...

...ഹോസ്പിറ്റൽ കെട്ടണം. അതാണെന്റെ ആഗ്രഹം.

പ്ലാനിങ്ങൊക്കെ കൊള്ളാം, പക്ഷേ എന്തെങ്കിലും നടക്കണമെങ്കിൽ 3 വർഷത്തെ റൂറൽ സർവ്വീസ് കഴിയണം.

സർക്കാരിന്റെ പോളിസികളൊക്കെ വെറും ഊളത്തരമാണ്.

വീടിനടുത്ത് പോസ്റ്റിംഗ് നൽകിയിരുന്നെങ്കിൽ സമാധാനത്തോടെ വന്ന് ജോലി ചെയ്യാമായിരുന്നു.

പക്ഷേ ഇവരെങ്ങോട്ടാ വിടുന്നത്, മൽക്കൻഗിരി, ഫുൽബനി, കോരാപുട്ട്.

ഒരുപയോഗവുമില്ലാത്ത ഓരോ പൊട്ടത്തരങ്ങൾ.

നിയമം ഉണ്ടാക്കുന്നവർ തന്ത്രശാലികളാണ്.

അവർക്കറിയാം, സമ്പാദിക്കാൻ തുടങ്ങിയാൽ പിന്നെയാരും ഗ്രാമത്തിലേക്ക് പോകില്ലെന്ന്.

അതുകൊണ്ടാണ് ഈ നിയമം ഉണ്ടാക്കിയേക്കുന്നത്.

ഇതൊരു നല്ല നിയമമാണെന്നാ എനിക്ക് തോന്നുന്നത്.

താൻ വലിയ ആളാണ്, പ്രണാമം.

ശ്ശേ, എന്തായിത്!

നീ ടെൻഷനടിക്കണ്ട.

നമുക്ക് എന്തെങ്കിലും വഴിയുണ്ടാക്കാം.

സാറിനോട് പറഞ്ഞ്, എന്റെ അമ്മാവൻ, നിനക്ക് ഇഷ്ടമുള്ളിടത്ത്‌ തന്നെ പോസ്റ്റിങ്ങ് വാങ്ങിത്തരും.

അതാലോചിച്ച് വിഷമിക്കണ്ട, എല്ലാം നമുക്ക്‌ ശരിയാക്കാം.

കാര്യം നടക്കുമല്ലോ, അല്ലേ?

നടക്കാതെ പിന്നെ? ടെൻഷൻ അടിക്കാതെ.

എല്ലാം ഞാൻ ശരിയാക്കിത്തരാം

ഉറപ്പാണോ?

ഇതാര് സൗരഭോ?

സാർ, നമസ്കാരം.

നമസ്കാരം. പപ്പയ്ക്ക് സുഖമല്ലേ?

പപ്പ സുഖമായിരിക്കുന്നു

ഇരിക്ക്... ഇരിക്ക്...

അമ്മാവാ, ഇതെന്റെ കൂട്ടുകാരനാ, സിദ്ധാർത്ഥ്.

നമസ്തേ, മാമാ.

നമസ്കാരം.

ഇവനിപ്പൊ MBBS കഴിഞ്ഞതാ, പോസ്റ്റിങ്ങൊരു പട്ടിക്കാട്ടിലാ കിട്ടിയത്‌,

ജാൻബായിയിൽ.

ജാൻബായിയോ, അതെവിടെയാ?

മാൽക്കൻഗിരിയിലാ.

മാൽക്കൻഗിരിയോ?!

കോരാപുട്ട്-മാൽക്കൻഗിരിയോ?

അത് കിടിലൻ സ്ഥലമാ.

അമ്മാവാ, മാൽക്കൻഗിരി ഒത്തിരി ദൂരെയാ.

ഭുവനേശ്വറിന് അടുത്തെവിടെയെങ്കിലും മതിയെന്നാ ഇവന്റെ ആഗ്രഹം.

സാറിനോട് സംസാരിച്ച്, സ്ഥലമൊന്ന് മാറ്റി നൽകാമോ?

ഏത് സാറിനോട്‌, സെക്രട്ടറി സാറിനോടോ?

അതെ, ഇവൻ നമ്മുടെ പയ്യനല്ലേ?

ശരി, ശരി, സംസാരിക്കാം. ലെറ്റർ കൊണ്ടുവന്നിട്ടുണ്ടോ?

കൊണ്ടുവന്നിട്ടുണ്ട്.

ഇങ്ങെടുക്ക്.

കാശ് കൊടുക്ക്.

ശരി, ഇപ്പൊ ഞാനൽപ്പം തിരക്കിലാണ്. ഇതൊക്കെ നമുക്ക് ശരിയാക്കാം, ഒരു കുഴപ്പവുമില്ല.

ഇത് അമ്മാവനുള്ളതാ.

വച്ചോളൂ...

എന്തായിത്?

വച്ചോളൂ, അമ്മാവാ.

ഇതൊരു ടോക്കണാ. ബാക്കി കാര്യം നടന്നിട്ട് തരാം.

ഉളുപ്പുണ്ടോടാ നിനക്കൊക്കെ? കൈക്കൂലി തരാൻ നോക്കുന്നോ?

നീയെന്താ കരുതിയേ, ഞാനും സെക്രട്ടറിയെപ്പോലെയാണെന്നോ?

അങ്ങനൊന്നുമില്ല.

എങ്ങനെയല്ലെന്ന്? നീയിനിയൊരു കോപ്പും പറയണ്ട.

അല്ല, ആ സ്ഥലം മാറ്റേണ്ട കാരണം എന്താ?

നീയൊരു ചെറുപ്പക്കാരനല്ലേ.

പുതിയ സ്ഥലവും ആളുകളെയും ഒന്ന് കാണ്.

ഇത്ര വിഷമിക്കാൻ ഒഡീഷയ്ക്ക് പുറത്തേക്കൊന്നുമല്ലല്ലോ അയക്കുന്നത്.

പൊയ്ക്കോ.

ആ സ്ഥലമൊക്കെ ആസ്വദിക്ക്.

ഗുഡ്മോണിങ്, സാർ.

സാറിന്ന് നേരത്തെ വന്നോ?

രവി...

എന്നെ ആ ബോട്ട് വരുന്നിടത്ത് ഒന്ന് കൊണ്ടാക്ക്‌.

എന്തുപറ്റി, സാർ?

ഒന്നും പറ്റിയില്ല, ഞാൻ റിസൈൻ ചെയ്യുകയാ.

ഇതൊരു റെക്കോർഡാകുമല്ലോ.

ഒറ്റ ദിവസം കൊണ്ട് രാജിവെക്കുന്ന ആദ്യത്തെ ഡോക്ടറാണ് നിങ്ങൾ.

അതൊരു വലിയ കാര്യമല്ലേ.

വന്നാട്ടെ, പോകാം.

സാർ, പറ്റില്ല, പറ്റില്ല. സാറിന് പോകാൻ പറ്റില്ല.

അതെന്താ?

ബോട്ടിന്റെ എഞ്ചിൻ കേടായി, ശരിയാക്കാനായി മാൽക്കൻഗിരിയിലേക്ക് കൊണ്ടുപോയേക്കുവാ.

നാളെയെ കൊണ്ടുവരുള്ളൂ.

വൗ!

സാർ... സാർ ടെൻഷനടിക്കേണ്ട.

ഇവിടെ പുതിയതായോണ്ടാ, ഒറ്റപ്പെടലൊക്കെ തോന്നുന്നത്‌.

ഞാൻ കൂടെത്തന്നെ നിൽക്കാം, അപ്പൊ ബോറടിക്കില്ല.

ഞാൻ ഭക്ഷണം കൊണ്ടുവന്നിട്ടുണ്ട്. ചൂടാറും മുമ്പ്‌ കഴിച്ചാട്ടെ.

വരൂ, സാർ.

ചിയേഴ്സ്.

സാർ, ഇവിടെ ഇരുന്നടിക്കുന്നത് ഒരു പ്രത്യേക സുഖമാ.

നീയല്ലേ പറഞ്ഞത്, മാർക്കറ്റൊക്കെ അടച്ചെന്ന്...

പിന്നെ ഇതൊക്കെ എങ്ങനൊപ്പിച്ചു?

നേരത്തേ വാങ്ങിവെക്കും, സാർ.

അല്ലെങ്കിൽ ഇതുപോലുള്ള സ്ഥലത്ത് വട്ടായിപ്പോകും.

അവിടെ വലിയ സൗകര്യങ്ങളൊക്കെ കാണുമല്ലേ?

ബാറിലും പബ്ബിലുമൊക്കെ പോകാറുണ്ടോ?

ചിലപ്പോഴൊക്കെ പോകും.

പക്ഷേ ഇതാണ് പൂർണ്ണമായും...

...പ്രകൃതിദത്തമായ ബാർ.

താഴെ വെള്ളം, മുകളിൽ ആകാശം,

വെളിച്ചത്തിന് നിലാവും റാന്തലും.

സംഗീതമായി വെള്ളത്തിന്റെയും തവളകളുടെയും ശബ്ദം. എല്ലാം നാച്ചുറൽ.

എല്ലാത്തിനും ഒരു താളമുണ്ട്.

ശരി, ഒരെണ്ണം കൂടെ ഒഴിക്ക്.

പിന്നെന്താ സാർ, ഒഴിക്കാല്ലോ.

സർ, ഇവിടെ എല്ലാമൊരു പുതിയ അനുഭവമാണ്.

റോഡില്ലാതെ നടക്കുന്നത്, നെറ്റ്‌വർക്കില്ലാതെ ജീവിക്കുന്നത്, കറണ്ടില്ലാതെ ഉറങ്ങുന്നത്.

ഇങ്ങനെയൊക്കെ ആണേലും ഒരു കാര്യം അടിപൊളിയാണ്.

ഇവിടെ രാജാവിനെ പോലിരുന്ന് മൂന്നാല് പെഗ്ഗടിക്കാം.

എനിക്ക് ഇതുവരെ ഉണ്ടായിട്ടുള്ളതിൽ വച്ച് ഏറ്റവും മികച്ച അനുഭവമാണിത്.

രാത്രിയിലത്തേക്ക് വേറെ സ്റ്റോക്കുണ്ടോ?

ഉണ്ട്, സാർ, ഉണ്ട്.

ഞാനൊരു കാര്യം പറയട്ടെ,

ഇത്രയും അനുഭങ്ങൾ ഉണ്ടെങ്കിലും...

ഒരു ദിവസത്തെ കാര്യമോർക്കുമ്പോൾ എനിക്ക് രോമാഞ്ചം വരും.

ഒരു ദിവസം ഞാനൊറ്റയ്ക്ക് ഇവിടെയിരുന്ന് അടിക്കുകയായിരുന്നു.

പെട്ടെന്ന് എന്റെ നോട്ടം ആ വശത്തേക്ക് പോയി.

മൂന്നാല് പേർ ഒരു വലിയ ചരുവവും ചുമന്ന് വരുന്നു.

അടുത്ത് ചെന്ന് നോക്കിയപ്പോൾ, ഞാൻ ഞെട്ടിപ്പോയി.

ചരുവത്തിനുള്ളിൽ ഒരു ഗർഭിണിയായിരുന്നു.

ചരുവത്തിനുള്ളിൽ ഗർഭിണിയോ?

അതേപ്പറ്റി പറയുമ്പോൾത്തന്നെ രോമങ്ങൾ എണീറ്റുനിൽക്കുന്നു, സാർ.

ഗുരുതരാവസ്ഥയിലായിരുന്നു.

നേരെ മാൽക്കൻഗിരി ആശുപത്രിയിലേക്ക് വിട്ടു.

പിന്നെന്തുണ്ടായി?

അമ്മയും കുഞ്ഞും...

...രണ്ടാളും മരിച്ചുപോയി, സാർ.

വിശ്വസിക്കാൻ പറ്റുന്നില്ല.

വിശ്വസിക്കാനേ പറ്റുന്നില്ല.

സാർ...

ഭുവനേശ്വറിന്റെയും മാൽക്കൻഗിരിയുടെയും വികസനത്തിലുള്ള വ്യത്യാസം...

ഇന്ത്യയും അമേരിക്കയും പോലെയാണ്, സാർ.

നദിയുടെ അക്കരെ 151 ഗ്രാമങ്ങളുണ്ട്.

ഉള്ളിലേക്ക് പോകുന്തോറും വ്യത്യാസം അറിയാനാകും.

ഇന്ത്യ അമേരിക്കയ്ക്ക് 50 വർഷം പിന്നിലാണെങ്കിൽ,

സാർ, ഈ മാൽക്കൻഗിരി 500 വർഷം പിന്നിലാണ്.

അതിനെ എന്താ പറയുന്നേ? കട്ട് ഓഫ് ഏരിയ, സാർ. മാറ്റിനിർത്തപ്പെട്ട പ്രദേശം.

അറിയില്ല, എന്നാണ് കട്ട് ഓഫ് ഏരിയ കണക്റ്റഡ് ഏരിയയായി മാറുന്നതെന്ന്.

ഒരു പാലത്തിന്റെ പണി 1982-ൽ തുടങ്ങിയതാ, സാർ.

82-ഉം... 18-ഉം 15-ഉം... 33 വർഷമായി.

ചിലപ്പോൾ നക്സൽ ആക്രമണങ്ങൾ, ചിലപ്പോൾ പേമാരി,

അപ്പോഴൊക്കെ സാധാരണക്കാർ എന്തുചെയ്യാനാ, സാർ.

- നാളെ ബോട്ട് എത്ര മണിക്ക് വരും? - സാർ?

ബോട്ട് എത്ര മണിക്ക് വരുമെന്ന്?

രാവിലെ 7 മണിക്ക് വരും, സാർ.

കൃത്യസമയത്ത്‌ വരുമല്ലോ, അല്ലേ?

ബോട്ട് മിസ്സാകരുത്.

താങ്ക്സ്, രവി.

സാർ, കുറച്ച് നേരം കൂടെ നിൽക്ക്.

വൈകിട്ട് അവിടുന്ന് ഡയറക്ട് ബസ് കിട്ടും.

കാറ് വിളിച്ച് പോയാൽ കാശ് കുറേയാകും.

അതൊന്നും സാരമില്ല.

ആ പിന്നേ,

- ഭുവനേശ്വറിൽ വരുമ്പോൾ എന്നെ അറിയിക്കണം, കേട്ടോ. - ശരി.

ഒരു പാർട്ടി കടമുണ്ടല്ലോ.

ശരി, സാർ.

പരിചയപ്പെട്ടതിൽ വളരെ സന്തോഷം.

എനിക്കും.

ടേക്ക് കെയർ.

ഞാൻ ഉറപ്പായും വരും, സാർ.

സാർ, എനിക്കൊരു സെക്കൻഡ് ഹാൻഡ് 21 ഗിയർ സൈക്കിൾ ഒപ്പിച്ചുതരണം.

അതെടുക്കാൻ വരുമ്പോൾ ഉറപ്പായും കാണാൻ വരാം.

ശരി, ശരി, പോട്ടെ. ടേക്ക് കെയർ.

സാറേ... സാറേ... മോള് എണീക്കുന്നില്ല. നല്ല പനിയുമുണ്ട്, ഡുമാ കേറിയതാ.

പൊട്ടനാണോ താൻ?

ഡോക്ടർ പോകുന്നത് കണ്ടില്ലേ.

കുറച്ച് നേരത്തേ വന്നിരുന്നെങ്കിൽ, ഡോക്ടർ പരിശോധിച്ചേനെ.

എന്റെ മോള്... ഇനിയെന്ത് ചെയ്യും.

സാർ... സിദ്ധാർത്ഥ് സാർ...

സാറേ... മോള് എണീക്കുന്നില്ല. ഡുമാ കേറിയതാ, രക്ഷിക്കണം

രവി...

ഒന്ന് നോക്ക്, സാറേ. ഒന്ന് നോക്ക്. ഇല്ലെങ്കിലെന്റെ മോള് മരിച്ചുപോവും.

ഞാൻ കാലുപിടിക്കാം.

ചേട്ടാ... ചേട്ടാ... ചേട്ടാ... ചേട്ടാ...

രവി...

എന്റെ കുഞ്ഞിനെ രക്ഷിക്കണേ.

എന്റെ കുഞ്ഞിനെ രക്ഷിക്കണേ.

ഒരേയൊരു മോളാ. രക്ഷിക്ക്, സാറേ.

രവി...

സാർ.

തിളക്കുന്ന പനിയാണ്.

തണുത്ത വെള്ളത്തിൽ തുണി മുക്കി ദേഹം തുടയ്ക്കണം. വേഗം വേണം.

ആ പിന്നേ,

തെർമോമീറ്റർ എടുത്തോണ്ട് വാ.

- ശരി, ശരി. - വേഗം വാ.

ഛർദ്ദി ഉണ്ടായിരുന്നോ?

ഇല്ല സാറേ, ഛർദ്ദിച്ചൊന്നുമില്ല.

രാവിലെ എന്തെങ്കിലും കഴിച്ചോ?

ഇല്ല, ഒന്നും കഴിച്ചിട്ടില്ല.

ഒന്നും കഴിച്ചിട്ടില്ല.

- ഒന്നും കഴിച്ചില്ലേ? - ഇല്ല.

തിരിച്ചു കിടത്തിയേ.

തിരിഞ്ഞേ, മോളെ.

തെർമോമീറ്റർ വയ്ക്ക്.

ശരി, സാർ.

ടെമ്പറേച്ചർ ചെക്ക് ചെയ്യ്‌.

രവി ഭായ്‌.

എന്തുപറ്റി? രോഗികൾ രാവിലെതന്നെ വന്നോ?

സാർ, ഇതാണ് നമ്മുടെ സ്റ്റാഫ്‌ നേഴ്സ്‌.

നമസ്കാരം, സാർ.

- സാർ, എന്റെ പേര് കനകലത മുർമു. - ശരി.

സാർ, മിഠായി എടുക്കണം.

ഒരെണ്ണം എടുത്തോ, മാമാ.

രവി...

എത്രയാന്ന് നോക്ക്.

104° സാർ.

കുട്ടിക്ക്‌ 104° പനിയുണ്ട്.

ശരീരമൊക്കെ നല്ല ചൂടാ. ഫിറ്റ്സ് വന്നിട്ടുണ്ട്.

ഇതുവരെ താനെവിടെയായിരുന്നു?

ദിസാരിയുടെ അടുത്ത് കൊണ്ടുപോയിരുന്നു.

അയാൾ തന്ന മരുന്നൊക്കെ കൊടുത്തു, എന്നിട്ടും കുറഞ്ഞില്ല.

എന്റെ മോളെ രക്ഷിക്ക്, സാറേ.

ഇയാളെന്താ പറയുന്നത്?

സാർ, ഇവരുടെ ഗ്രാമത്തിൽ ചികിത്സയ്ക്കുള്ള സൗകര്യമില്ല.

മന്ത്രവാദം കൊണ്ട് രോഗശാന്തി നടത്തുന്നവരാ ദിസാരിമാർ.

തന്ത്രമന്ത്രവാദമെന്ന പേരിൽ, ദിസാരി എന്ത് നാട്ടുമരുന്ന് നൽകിയാലും ഇക്കൂട്ടർ അതൊരു മടിയും കൂടാതെ കഴിക്കും.

ഡുമ ആവേശിച്ചതാ--

സാർ, ഇവിടെ ഭൂതങ്ങളെ വിളിക്കുന്ന പേരാ, ഡുമ.

ഫിറ്റ്സ് വരുന്നത്, ബാധ കേറുന്നതാണെന്നാ ഇവരുടെ വിശ്വാസം.

ചീട്ടെടുക്ക്, ദിസാരി എന്തൊക്കെ മരുന്നാ തന്നതെന്ന് നോക്കട്ടെ.

ചീട്ടൊന്നും തന്നിട്ടില്ല, സാറേ.

താനൊക്കെ എന്ത് പൊട്ടനാടോ? കുറച്ചുടെ കഴിഞ്ഞെങ്കിൽ ഈ കുട്ടി മരിച്ചുപോയേനെ.

നിങ്ങളുടെ ആശാ വർക്കർ എവിടെയാടോ?

ആശാ വർക്കാർ വന്നിട്ട് രണ്ടുമാസമായി. അവരുടെ മോനും മരിച്ചുപോയി.

സാർ, മലേറിയയാണ് ഈ പ്രദേശത്തെ ഏറ്റവും വലിയ പ്രശ്നം.

ഇതും മലേറിയയാണെന്നാ തോന്നുന്നത്.

ടെസ്റ്റ്‌ ചെയ്യട്ടെ, സാർ?

വേഗം, ടെസ്റ്റ് ചെയ്യ്‌.

കോപ്പ്!

സാർ, മലേറിയ പോസിറ്റീവാണ്.

രവി, കുട്ടിക്ക് പാരസെറ്റമോൾ കൊടുക്ക്.

ഒരു ടോസ്‌ ആർട്ടിസുനേറ്റ് കൊടുക്ക്, വേഗം ട്രിപ്പ്‌ ഇടണം.

ചേച്ചി, ഒരു സലൈൻ ബോട്ടിലെടുത്തേ.

ഇപ്പൊ കൊണ്ടുവരാം.

ഇങ്ങോട്ട് നോക്ക്,

കൊച്ചിന്റെ ദേഹത്ത് ഡൂമയും കൂമനുമൊന്നുമില്ല.

മലേറിയയാ... മലേറിയ!

എന്തൊരു മണ്ടനാ? അൽപ്പം താമസിച്ചിരുന്നേൽ കുട്ടി മരിച്ചുപോയേനെ.

ബോട്ട് ഇനിയെപ്പോ വരും, രവി?

രണ്ടു മണിക്കൂർ കഴിയും, സാർ.

ഔഷധ രീതിയെ ബഹുമാനിക്കുന്നിടത്ത്, വാസ്തവത്തിൽ മാനവികതയാണ് ബഹുമാനിക്കപ്പെടുന്നത്.

പ്രതീക്ഷകളെല്ലാം അസ്തമിക്കുമ്പോൾ, ജീവനെ തിരിച്ചുപിടിക്കാനുള്ള മാന്ത്രികശക്തി ഡോക്ടർക്ക് മാത്രമേയുള്ളൂ.

ഒരു നല്ല ഡോക്ടർ മരുന്നിനൊപ്പം ശരിയായ ഉപദേശവും നൽകുന്നു.

ഡോക്ടർ സാറെ.

ഞങ്ങളുടെ ഗ്രാമത്തിൽ ഇതെല്ലാം ബാധകേറിയതാന്നാ പറയുന്നത്.

പക്ഷേ എങ്ങനെയൊക്കെയോ ഞാനെന്റെ മോളെ ഇവിടെയെത്തിച്ചു.

സാർ, ഞങ്ങളുടെ ഗ്രാമത്തിലേക്ക് വന്നൊന്ൻ പറഞ്ഞാൽ,

ജനങ്ങൾ അനുസരിക്കും. സാറ് വന്നാൽ വളരെ നന്നായിരിക്കും.

അല്ലെങ്കിൽ അവരെന്നും ഇതൊക്കെ ഡുമ കേറിയതാന്ന് വിശ്വസിക്കും.

സാർ, കുട്ടിക്ക്‌ ബോധം വന്നു.

സാർ, കുട്ടിയുടെ കണ്ടീഷൻ മെച്ചപ്പെട്ടിട്ടുണ്ട്.

എന്റെ മോള്... എന്റെ മോള് രക്ഷപ്പെട്ടു.

എല്ലാവരെയും രക്ഷിക്കാൻ ദൈവത്തിനാവില്ല, അതിനാലവൻ ഡോക്ടർമാരെ ഭൂമിയിലേക്കയച്ചു.

രവി, മലേറിയ ടെസ്റ്റിംഗ് കിറ്റ് എടുത്തിട്ട് വാ. ഇയാളുടെ ഗ്രാമത്തിൽ പോയി എല്ലാവരെയും ടെസ്റ്റ് ചെയ്യണം.

സാർ, ബോട്ട് വരാനുള്ള സമയമായി.

ബോട്ട് എന്നും വരുമല്ലോ.

ചെയ്യേണ്ടത്, ചെയ്യേണ്ട സമയത്തുതന്നെ ചെയ്യണം.

സാർ... സാർ... ഒരു മിനിറ്റ് ഒന്നുവരാമോ?

സാർ... സാറിത്‌ എന്താ പറയുന്നത്?

അയാളുടെ ഗ്രാമത്തിലേക്ക്‌ പോകാൻ പോകുവാണോ?

ആ ഗ്രാമം എവിടെയാന്നറിയോ?

ദൂരെയൊരു മലമുകളിലാ.

സാർ, അവരിങ്ങോട്ടു വരികയാണെങ്കിൽ നമുക്ക് ചികിത്സിക്കാം, അങ്ങോട്ടൊന്നും പോകണ്ട.

അയാൾ പറഞ്ഞത്‌, നീയും കേട്ടതല്ലേ?

ആ ഗ്രാമത്തിൽ നിന്നാരും ചികിത്സയ്ക്ക് വരാൻ തയ്യാറല്ല.

അപകടകരമായ സാഹചര്യമാണ്.

അങ്ങോട്ട്‌ പോകേണ്ടത്‌ നമ്മുടെ ഉത്തരവാദിത്തമാണ്.

സാറിന് അറിയാത്തതുകൊണ്ടാ.

അങ്ങോട്ട്‌ പോയാൽ, നമ്മുടെ അവസ്ഥ ക്രിട്ടിക്കലാവും, സാർ.

പിന്നെ എന്താവും?

എന്റെ സാറേ, സാറവിടെച്ചെന്ന് എത്ര പറഞ്ഞാലും ഇവന്മാരാ മന്ത്രവാദികൾ പറയുന്നതേ കേൾക്കൂ.

പോരാത്തതിന് നക്സലുകളുമുണ്ട്, സാർ.

എവിടെ നിന്നൊക്കെ വെടിയുണ്ട വരുമെന്നുപോലും പറയാനാകില്ല.

സാർ, നാലഞ്ച് ദിവസം മുമ്പ്‌ പോലും വെടി ശബ്ദം കേട്ടതാണ്.

അതും നട്ടുച്ചയ്ക്ക്!

സാർ, അവർ നമ്മളെ ബന്ധികളാക്കിയാൽ എന്തുചെയ്യും?

സാർ, പറയുന്നതൊന്നു കേൾക്ക്. അവരോട് ചികിത്സയ്ക്ക് ഇങ്ങോട്ട് വരാൻ പറയണം.

ഞങ്ങൾ എക്സ്ട്രാ ടൈം ജോലി ചെയ്തോളാം.

സാർ, രവിഭായ്‌ പറയുന്നതാ ശരി.

മറ്റുള്ളവരെ ഇങ്ങോട്ട് കൊണ്ടുവരാൻ അയാളോട് പറയണം.

നമുക്കിവിടെ ചികിത്സിക്കാം.

പ്ലീസ്‌, സാർ.

മനുഷ്യന്റെ ഏറ്റവും വലിയ ശത്രു ആരാണെന്ന് നിങ്ങൾക്കറിയാമോ?

ഭയം...

എന്താടോ?

ഡോക്ടർ സാർ ചികിത്സിക്കാൻ വന്നിട്ടുണ്ട്.

എന്ത് ചികിത്സ?

നിന്റെ കൊച്ചിന് വയ്യാതിരിക്കുവല്ലേ?

അതെ.

സാറ്, മരുന്ന് കൊടുത്ത്,

അസുഖം ഭേദമാക്കും.

ചെറിയ സൂക്കേടെയുള്ളൂ. ഞങ്ങളുടെ മന്ത്രവാദി പറഞ്ഞല്ലോ വേറാരെയും കാണിക്കേണ്ട കാര്യമില്ലെന്ന്.

ഇവിടെ ഡോക്ടർ ഒന്നും വേണ്ടാ,

പൊയ്ക്കോ.

നിൽക്ക്, നിൽക്ക് ഞാൻ പറയുന്നതൊന്ന് കേൾക്ക്.

ഞാൻ പറഞ്ഞതല്ലേ സാർ,

ഇവർ സാർ പറയുന്നതൊന്നും കേൾക്കില്ല.

ഇവൻ ദിസാരി പറയുമ്പോലെ ചെയ്ത്, ചത്ത്‌ തൊലയത്തേയുള്ളൂ.

നമ്മൾ വെറുതെ സമയം കളഞ്ഞു.

ഹേയ്, കഴുതയെ കൊണ്ടുവാ.

എന്താടോ?

ഈ ഏരിയയിലെ ഡോക്ടറാ.

ഡോക്ടർ എന്നാലെന്താന്ന് അറിയാമോ?

ഈ ദിസാരിമാരുടെയൊക്കെ തന്ത!

അൽപംകൂടി താമസിച്ചിരുന്നേൽ ഇയാളുടെ കുട്ടി മരിച്ചുപോയേനെ.

കുട്ടിക്ക്‌ ഡുമാ കേറിയതൊന്നുമല്ല.

കൊതുക് കടിയേറ്റത് മൂലം മലേറിയ പിടിപെട്ടതാണ്.

ഈ ഏരിയയിൽ ഒരുപാട് പേർ ഇങ്ങനെ മരിച്ചെന്ന് ഇയാൾ പറഞ്ഞു. അതുകൊണ്ടാ ഞാൻ വന്നത്.

ചികിത്സ വേണ്ടവർ, മലയിറങ്ങി അങ്ങ് വന്നോളും.

തന്നെ ആരേലും വിളിച്ചോ?!

എന്താ പറഞ്ഞത്‌?

ഇങ്ങോട്ട് ആരേലും വിളിച്ചോന്ന്?

പതിമൂന്ന് കിലോമീറ്റർ കഴുതപ്പുറത്തിരുന്ന് മലയും കേറി വന്നത് പിക്നിക്കിനല്ല.

ഇങ്ങോട്ട് ആര് വിളിച്ചു പോലും.

സമയത്ത്‌ ചികിത്സിച്ചില്ലെങ്കിൽ എല്ലാരും മരിച്ചുപോകും.

ഡുമായാണ് കൊന്നതെന്ന് പറയാൻപോലും ആരും ബാക്കിയുണ്ടാവില്ല.

ഇനിയും സമയമുണ്ട്.

ടെസ്റ്റ് ചെയ്യണം.

ചികിത്സിക്കണം.

തരുന്ന മരുന്ന് കഴിക്കണം.

ഇതിനൊന്നും ചില്ലിക്കാശ് തരണ്ട.

- രവി. - സാർ! - കിറ്റ്‌ എടുക്ക്.

- വലിക്കല്ലേ. - ഒന്നും പറ്റില്ല, ഒന്നും പറ്റില്ല ഞാനല്ലേ പറയുന്നത്.

ചെറിയ കുട്ടിയല്ലേ, മരുന്ന് കൊടുക്കാനാവില്ല. നല്ലോണം ശ്രദ്ധിക്കണം കേട്ടോ.

വേണ്ട, സാർ. എനിക്ക് സൂചി പേടിയാ.

- പേടിക്കണ്ട... ഒന്നും പറ്റില്ല. - വേണ്ട.

- വേണ്ട. - കഴിഞ്ഞു.

ഒന്നൂല്ല, ഒന്നൂല്ല. ഇപ്പൊ കഴിയും.

- വേദനിച്ചോ? - ചെറുതായിട്ട്.

പേടിക്കണ്ട, മുത്തശ്ശീ. ഒന്നും സംഭവിക്കില്ല.

ഒന്നും സംഭവിക്കില്ല.

നിങ്ങൾ എന്നെ നോക്ക്, എന്നെ നോക്ക്. ഒന്നും സംഭവിക്കില്ല.

ചെറിയ വേദനയേ ഉണ്ടാകൂ. ഇപ്പൊ കഴിയും.

- ഇത് പിടിക്കാൻ പറ. - അമർത്തിപ്പിടിച്ചോ.

നിങ്ങളുടെ പേരെന്താണ്? പേര്... പേര്...

പേരാ ചോദിക്കുന്നത്. പറഞ്ഞുകൊടുക്ക്.

ഇത്തി ശിഷാ.

വയസ്സെത്രയാ?

നാൽപത്‌.

നാൽപ്പതോ, ഏതുവകയിൽ? എനിക്കുതന്നെ നാൽപ്പതായി, നിങ്ങൾ എന്നേക്കാൾ മൂത്തതല്ലേ?

അറുപത് എഴുതിക്കോ. നാൽപത്‌ പോലും.

എത്ര എഴുതണം നാൽപതോ അറുപതോ?

അറുപത്‌ എഴുതിക്കോ.

നാൽപത്‌ വയസ്സ് പോലും!

ഇതാ, ദിവസം ഓരോ ഗുളിക വീതം. കേട്ടല്ലോ.

ആഹാരത്തിന് മുമ്പോ ശേഷമോ?

ആഹാരം കഴിച്ചിട്ട് കഴിച്ചാമതി.

സാർ...

ഇവിടുത്തെ ആൾക്കാർ ആര് പറഞ്ഞാലും അനുസരിക്കാത്തവരാ.

സാർ പറഞ്ഞത്‌ അനുസരിച്ചത് എങ്ങനെയാന്നാ അത്ഭുതം!

ഇവർക്ക്‌ മനസ്സിലാകുന്ന രീതിയിൽ പറഞ്ഞുകൊടുക്കാൻ ഇതുവരെ ആരും ശ്രമിച്ചിട്ടില്ലായിരുന്നു.

ഞാൻ പേടിക്കാതെ അവർക്കെല്ലാം പറഞ്ഞുകൊടുത്തു.

ഈ ബഹളത്തിനിടയ്ക്ക് സാറൊരു കാര്യം മറന്നു.

എന്താ?

ഇന്നിനി ബോട്ടൊന്നുമില്ല. നാളെ രാവിലെവരെ കാത്തിരിക്കേണ്ടിവരും.

ബോട്ടിന്റെ കാര്യമൊക്കെ വിട്ടേക്ക് മരുന്നൊക്കെ സ്റ്റോക്കുണ്ടോ?

ഇതൊക്കെ ചോദിക്കേണ്ട കാര്യമാണോ?

ഹേയ് ഭായി, സൂക്ഷിച്ച് പോണേ.

സാർ..

ഞാനൊരു കാര്യം പറയട്ടെ?

പറഞ്ഞോ.

ആദ്യ ദിവസം തന്നെ തിരിച്ചുപോയെന്ന റെക്കോർഡ്‌ ഉണ്ടാക്കാൻ പറ്റിയില്ല.

സാർ...

എന്നാലും സാറെന്താ പോകാതിരുന്നത്?

ഇന്നലെ രാത്രിവരെ,

ഞാനിവിടെ വന്നു പെട്ടുപോയല്ലോ എന്നാ തോന്നിയത്‌.

ഇവിടെ കറണ്ടോ നെറ്റ്‌വർക്കോ ഇല്ല.

വിശറി രാത്രി മുഴുവൻ വീശിക്കൊണ്ടേയിരിക്കണം.

അതും പോരാഞ്ഞിട്ട് ഒരായിരം കൊതുകുകളും.

പക്ഷേ സത്യം പറഞ്ഞാൽ,

ആ പെൺകുട്ടിയുടെ നിഷ്കളങ്കമായ മുഖമാണ് എന്നെ പിടിച്ചുനിർത്തിയത്.

പോയിരുന്നെങ്കിൽ,

എനിക്ക്, എന്നോടൊരിക്കലും ക്ഷമിക്കാൻ കഴിയുമായിരുന്നില്ല..

നീയും കണ്ടതല്ലേ?

ആ ഗ്രാമീണർക്ക് ഒരു സൗകര്യങ്ങളുമില്ല.

എന്നിട്ടും അവരൊക്കെ എത്ര സന്തോഷത്തിലാണ്.

ഈ ദിസാരിമാരുടെ അന്ധവിശ്വാസത്തിൽ നിന്ന് ഒരിക്കലവർ പുറത്തുകടന്നാൽ,

ഇനിയും സന്തോഷത്തോടെ ജീവിക്കാം.

പക്ഷേ അവർക്കൊക്കെ ദിസാരിമാരാണ് ഡോക്ടർ.

ഈ ദിസാരിമാർ പണത്തിനായി ഗ്രാമീണരെ മണ്ടന്മാരാക്കുകയാണ്.

മാവോയിസ്റ്റുകളെ ഭയന്ന് നമ്മൾക്കും അവരിലേക്കെത്താൻ കഴിയുന്നില്ല.

പക്ഷേ സാർ, നമ്മൾ ഒരു ഗ്രാമത്തിലല്ലേ പോയിട്ടുള്ളൂ.

ഇതുപോലത്തെ 150 ഗ്രാമങ്ങളുണ്ട് ഈ കട്ട് ഓഫ്‌ ഏരിയായിൽ.

ദിവസവും എത്ര പേർ മരിക്കുമെന്നതിന് കണക്കില്ല.

പുതിയ സ്ഥലമൊക്കെ എങ്ങനെയുണ്ടെടോ?

നല്ല സ്ഥലമാ, സർ.

കൈലാഷിനോട് വണ്ടിയെടുക്കാൻ പറ.

ഈ ഫയലൊക്കെ വണ്ടിയിലേക്ക് വച്ചേക്ക്.

ആ, താനെന്താ പറഞ്ഞോണ്ടിരുന്നത്?

സർ, അവിടെ 151 ഗ്രാമങ്ങളുണ്ട്.

പക്ഷേ ഒരേയൊരു PHC-യേയുള്ളൂ.

മന്ത്രവാദികൾ കാരണം രോഗികൾ അവിടേക്ക് വരാറില്ല.

അവരെ ചികിത്സിക്കാൻ ഒരു മൊബൈൽ ടീം ആവശ്യമാണ്.

മൊബൈൽ ടീം?

മൊബൈൽ ടീം എങ്ങനെ അവിടെയെത്തും?

വഴി ഉണ്ടെങ്കിലല്ലേ, അങ്ങോട്ട്‌ പോകാൻ പറ്റുള്ളൂ.

വഴിയൊക്കെയുണ്ട്, സാർ. കഴുതപ്പുറത്ത്‌ കേറിപ്പോകാം.

നദി കടക്കാൻ ബോട്ട് വരെയുണ്ട്.

ഞാൻ ധൗളിപൂരിൽ പോയിരുന്നു.

എവിടെ?

ധൗളിപൂരിലോ?

ശരിക്കും?

കൊള്ളാല്ലോ.

താൻ അലക്സാണ്ടറെപ്പറ്റി വായിച്ചിട്ടുണ്ടോ?

അയാളെ വിട്ടേക്ക്.

മഹാത്മാ ഗാന്ധി?

ഒറ്റയ്ക്ക് വഴിവെട്ടിയ ആളാണ്‌.

അദ്ദേഹം മുന്നിൽ നടന്നു,

ബാക്കിയുള്ളവർ പിന്നാലെ നടന്നു.

ഓർമ്മയുണ്ടോ?

മോനെ... നീയിപ്പൊ ചെറുപ്പമാ.

പോ...

അവിടെച്ചെന്ന് ചികിത്സിക്ക്.

അവിടെ ഒരുപാട് കാര്യങ്ങൾ ചെയ്യാനുണ്ട്. ഓക്കെ?

പക്ഷേ സൂക്ഷിക്കണം.

അപകടസാധ്യതയുണ്ട്.

എന്താ ഇവിടെ?

ഗുനിയാമേളയാ, സാർ.

എന്തോന്ന്?

ഗുനിയാമേള... ഗുനിയാമേള...

എല്ലാക്കൊല്ലവും ഈ സമയത്താണ് ഈ മേള നടക്കുന്നത്.

ഒരുപാടുപേർ കാണാൻ വരാറുള്ളതാ.

പക്ഷേ ഇക്കൊല്ലം ആള് കുറവാ.

സാർ, അത് നോക്കിയേ.

പ്രഭോ!!

കുട്ടിക്ക്‌ എന്താ പറ്റിയത്?

എന്തോന്ന്?

പാമ്പ് കടിച്ചെന്നോ?

ഏയ്‌...

ഇവളെ പാമ്പ്‌ കടിച്ചതാ.

പാമ്പോ...

രക്ഷിക്കണേ... രക്ഷിക്കണേ...

108 കുടം വെള്ളം കൊണ്ട് ഇവളെ അഭിഷേകം ചെയ്യ്‌.

അയാളെന്താ പറയുന്നത്‌? ആ കുട്ടി മരിച്ചുപോകും.

സർ... സർ... സർ...

- എന്നെ വിട്... - സർ... സർ... സർ...

നിൽക്ക്, ഇവരോടൊന്നും ഇടപെടരുത്.

ഇവിടെയാരും സാറ് പറഞ്ഞാൽ അനുസരിക്കില്ല.

പ്ലീസ്‌, സാർ. പ്ലീസ്‌... പ്ലീസ്‌...

സാർ...

ആ കുട്ടി മരിച്ചു, സാർ.

രവി, നമ്മൾ വിചാരിച്ചിരുന്നേൽ അവളെ രക്ഷിക്കാമായിരുന്നു.

സാറിന് ഇനിയും കാര്യങ്ങൾ മനസ്സിലായിട്ടില്ല.

സാർ, ഈ ഗ്രാമീണരും ദിസാരികളും തമ്മിലുള്ള ബന്ധം ആഴത്തിലുള്ളതാണ്.

പണ്ടു മുതലേ, ഇക്കൂട്ടർക്ക് അവരെ വലിയ വിശ്വാസമാണ്.

ഞാനോ നിങ്ങളോ വിചാരിച്ചാൽ ആ വിശ്വാസം ഇല്ലാതാക്കാൻ പറ്റില്ല.

അവർ കൊടുക്കുന്ന മരുന്നുകൾ കഴിച്ച് ആൾക്കാർ മരിച്ചാലും ഒരു പ്രശ്നവുമില്ല.

കാരണം വിശ്വാസത്തെ ചോദ്യം ചെയ്യാനാവില്ല.

ഇവർ ദിസാരിമാരെ ദൈവത്തെപ്പോലെയാണ് കരുതുന്നത്.

സർ... സർ, എന്നെയൊന്ന് നോക്ക്.

സ്വയമൊന്ന് നോക്ക്.

സാർ ഇവരെ സംബന്ധിച്ച് വിദേശിയെപ്പോലെയാണ്.

അവരുടെ നല്ലതിനുവേണ്ടി പറഞ്ഞാലും, ഇവർ നമ്മളെ വിശ്വസിക്കില്ല.

എന്നെ രക്ഷിക്കണേ!

രവിഭായ്‌...

ഈ കല്യാണമൊക്കെ വൻ ചൊറയാണ്.

കെട്ടാതിരിക്കുന്നതാ നല്ലത്.

എന്തേ? എന്തുപറ്റി?

എന്താന്നോ?

15 ദിവസം ആ വീട്ടിൽ നിന്നേയുള്ളൂ. അടുക്കളപ്പണിയെടുത്ത് ഞാനാകെ മെലിഞ്ഞുപോയി, നോക്കിയേ.

ഹലോ, ഭായ്‌. എങ്ങോട്ട് പോകുവാ. ഡോക്ടർ വന്നിട്ടില്ല.

സാറായിരുന്നോ?

ഞാൻ വിചാരിച്ചു ഗ്രാമത്തിലുള്ള ആരെങ്കിലും ആയിരിക്കുമെന്ന്.

ഇപ്പൊ എന്നെക്കണ്ടാൽ വിദേശിയാന്ന് തോന്നില്ലല്ലോ, അല്ലേ?

ഇല്ല സാർ, ഒരിക്കലുമില്ല.

രവി,

ഇന്നുമുതൽ നമ്മൾ എല്ലാ ഗ്രാമത്തിലും പോകും.

പിന്നെ ചേച്ചി, നിങ്ങളും രമേഷും ഇവിടെയുണ്ടാകണം.

പക്ഷേ സാർ, ഏതെങ്കിലും പേഷ്യന്റ് വന്നാലോ?

ദിസാരിമാരുള്ളപ്പോൾ ഇങ്ങോട്ടാര് വരാനാ.

ഒരു പ്രശ്നവുമില്ല.

അവരുടെ എല്ലാ രോഗവിവരങ്ങളും അഡ്രസ്സും എഴുതിവയ്ക്ക്‌.

ശരി, സാർ.

ഞാൻ വന്നിട്ട് നോക്കാം,

അത്യാവശ്യമാണെങ്കിൽ അവരുടെ വീട്ടിലേക്ക്‌ പോകാം.

ഓക്കേ, സാർ.

ഓക്കെ?

ഓക്കേ, സാർ.

സാർ, ഇവിടെ 151 ഗ്രാമങ്ങളുണ്ട്. ഒരുപാട് ഉള്ളിലേക്ക് പോകേണ്ടിവരും.

അതൊക്കെ വലിയ അപകടമാണ്, സാർ.

ഏയ്‌ ചേച്ചി, സാർ പറഞ്ഞത്‌ മറന്നോ?

ഭയമാണ് മനുഷ്യന്റെ ഏറ്റവും വലിയ ശത്രു.

രാവിലെയും രാത്രിയും ഭക്ഷണശേഷം ഈ മരുന്ന് കഴിക്കണം.

മനസ്സിലായോ?

പറഞ്ഞത്‌ മനസ്സിലായോ?

എംസോൺ പരിഭാഷകൾക്ക് സന്ദർശിക്കുക www.malayalamsubtitles.org/ www.facebook.com/groups/MSONEsubs

ഇന്ന് ഭക്ഷണം കഴിച്ചതിന് ശേഷം ഈ മരുന്ന് കഴിക്കണം.

ഇത് നാളെ കഴിക്കണം, ഇത് മറ്റെന്നാൾ കഴിക്കണം.

- മനസ്സിലായോ? - മനസ്സിലായി.

ഇതാ, പോയ്ക്കോളൂ.

അമ്മായി, ഇരുന്നാട്ടെ.

എന്തായിവിടെ?

സൈഡിലേക്ക് നിൽക്ക്.

എണീക്കെടാ.

ആ സൈഡിലേക്ക് നിൽക്ക്.

നീ അവിടെപ്പോയി നോക്ക്‌.

നീ ഈ ഭാഗത്ത് പോ.

വീടിനുള്ളിൽ പതിയിരിക്കുന്നവരെല്ലാം മര്യാദയ്ക്ക് പുറത്തേക്ക് വാ.

ഞാൻ ഒരിക്കൽക്കൂടി പറയുകയാ...

വീടിനുള്ളിൽ പതിയിരിക്കുന്നവരെല്ലാം മര്യാദയ്ക്ക് പുറത്തേക്ക് വാ.

രഘു, ഇങ്ങോട്ട് വാടാ.

ഏയ്‌, പോയി പിടിച്ചോണ്ട് വാ.

അണ്ണാ ഇതാണ് രഘു, ഇവൻ കാരണമാണ് നമ്മുടെ നാലുപേർ മരിച്ചത്‌.

നമ്മുടെ ഒളിത്താവളം കാട്ടിക്കൊടുത്തത് ഇവനാണ്.

നീയാണോടാ ഇൻഫോർമർ?

ഞാൻ ആരോടും ഒന്നും പറഞ്ഞിട്ടില്ല.

എനിക്കറിയില്ലാരുന്നു, അവരങ്ങനെ ചെയ്യുമെന്ന്.

നിങ്ങളുടെ താവളം പോലീസിന് നേരത്തേതന്നെ അറിയാമായിരുന്നു, ഞാനൊന്നും പറഞ്ഞിട്ടില്ല.

ഞാൻ അബദ്ധത്തിൽ അവിടെ വന്നുപെട്ടതാണ്.

ഞാനൊന്നും പറഞ്ഞിട്ടില്ല.

എന്നെ വിട്ടേക്ക്, ഞാനൊന്നും പറഞ്ഞിട്ടില്ല.

അവരെങ്ങനെ വന്നെന്ന് എനിക്കറിയില്ല.

എന്നെ ഒന്നും ചെയ്യരുതേ.

മാറെടാ അങ്ങോട്ട്‌.

നീയിനി വാ തുറക്കരുത്.

നീയിനി വാ തുറക്കരുത്.

എന്നോട് കള്ളം പറയുന്നോ?

ഞങ്ങളുടെ താവളത്തെപ്പറ്റി ഈ ഊരിൽ നിനക്കേ അറിയുള്ളൂ.

നീ അവരോട് എന്താ പറഞ്ഞത്‌. പറ.

സത്യം പറയെടാ, ഇല്ലെങ്കിൽ നിന്നെ കൊല്ലും ഞാൻ.

എന്തൊക്കെയാടാ പറഞ്ഞത്? പോലീസ്‌ നിനക്കെത്ര രൂപ തന്നെടാ?

സത്യമാ പറയുന്നേ, ഞാനൊന്നും പറഞ്ഞു കൊടുത്തിട്ടില്ല.

എന്നെ ഒന്നും ചെയ്യരുത്‌.

എന്റെ ഭാര്യക്ക്‌ പേറ്റുനോവ് തുടങ്ങി, എന്നെ വിട്ടേക്ക് ഭായി.

മിണ്ടരുത് നീ.

ഇവന്മാരൊക്കെ ആരാന്ന് ചോദിക്ക്.

ഏയ്‌, ഇങ്ങോട്ട് വാ.

ആരാടാ നീ?

സിദ്ധാർത്ഥ് മൊഹന്തി.

എവിടുന്ന് വരുന്നതാ?

ഭുവനേശ്വർ.

ഇവിടെന്താ പരിപാടി?

ഞാൻ ജാൻബായി PHC-യിലെ ഡോക്ടറാണ്.

ഡോക്ടറോ? കണ്ടാൽ ഡോക്ടറാന്ന് പറയില്ലല്ലോ?

നിനക്കെത്ര രൂപ ശമ്പളം കിട്ടും?

50,000.

ഞാൻ രവീന്ദ്ര മുദുളി, അടുത്ത ഗ്രാമത്തിലെയാ.

നാല് വർഷമായി ജാൻബായി ഹോസ്പിറ്റലിൽ ഫാർമസിസ്റ്റാണ്.

പിടിത്തമെല്ലാം കഴിഞ്ഞ് മാസം 20000 കൈയിൽ കിട്ടും.

നിന്റെ പെരെന്താന്നാ പറഞ്ഞത്‌?

സിദ്ധാർത്ഥ്.

എവിടുന്നാ വരുന്നത്?

ഭുവനേശ്വർ.

ഡോക്ടറാല്ലേ? എത്രയാ ശമ്പളം?

50,000.

നേരത്തേ 60000 എന്നല്ലേ പറഞ്ഞത്‌?

അല്ലല്ല, 50000... 50000...

ഞാൻ രവീന്ദ്ര മുദുളി, ജാൻബായി ഹോസ്പിറ്റലിലെ ഫാർമസിസ്റ്റാണ്.

ശമ്പളം, പിടിത്തമെല്ലാം കഴിഞ്ഞ് മാസം 20000 കൈയിൽ കിട്ടും.

സാർ...

ആ ഇൻഫോർമറുടെ ഭാര്യക്ക്‌ പേറ്റുനോവ് തുടങ്ങി.

ഇന്ന് പ്രസവമുണ്ടാകുമെന്നാ തോന്നുന്നത്‌.

ഞാനെന്ത് ചെയ്യാനാ?

ഇവർ വീട്ടിലല്ലേ പ്രസവിക്കാറ്.

അത് ശരിയാ.

പക്ഷേ ഭർത്താവ് ഇൻഫോർമറായതുകൊണ്ട്, നക്സലുകളെ പേടിച്ചിട്ട് ആരും സഹായിക്കുന്നില്ല.

ഈയൊരവസ്ഥയിൽ ഇങ്ങനെചെയ്യാൻ അവർക്കെങ്ങനെ തോന്നുന്നു?

വാ, അവരെപ്പോയി വിളിക്കാം.

സാർ... സാർ... സാർ...

ഞാൻ നല്ലോണം ശ്രമിച്ചതാ.

എല്ലാർക്കും ജീവനിൽ കൊതിയുണ്ടാകില്ലേ?

ഈ സ്ത്രീയെ സഹായിക്കുന്നത് നക്സലുകളെ എതിർക്കുന്നതിന് തുല്യമാണ്.

അവസ്ഥ വളരെ ഗുരുതരമാണ്.

മലേറിയ റിപ്പോർട്ട് ചെയ്തിട്ടുണ്ടോ?

ഇല്ല സാർ, ഇവർ ടെസ്റ്റ് ചെയ്തിട്ടില്ല..

ടെസ്റ്റ് ചെയ്തിട്ടില്ലേ?

നല്ല പനിയുണ്ട്. വേഗം പ്രസവമെടുക്കണം.

പക്ഷേ സാർ, ഇവിടെങ്ങനെ പ്രസവമെടുക്കാനാ?

ഇവിടെയല്ല, മാൽക്കൻഗിരി ഹോസ്പിറ്റലിൽ എത്തിക്കണം.

അതെങ്ങനെയാ, സാർ?

സാർ...

മാനം ഇരുണ്ട് തുടങ്ങി.

വലിയ മഴ പെയ്യുമെന്ന് തോന്നുന്നു.

എന്തുസംഭവിച്ചാലും മുന്നോട്ട് പോയേപറ്റൂ.

സാർ... സാർ.. സാർ... ഇപ്പുറത്തെ തോളിലേക്ക് മാറ്റണം.

ഈ തോൾ വേദനിക്കുന്നു.

മാറ്റിയോ? പോകാം.

പതിയെ... പതിയെ...

പേടിക്കണ്ട, ഒന്നും സംഭവിക്കില്ല.

രവി, ബോട്ട് കൊണ്ടുവാ. പോ, വേഗം.

സാർ, ബോട്ട് ഇവിടെങ്ങുമില്ല.

എന്താന്ന്?

സാർ, ബോട്ട് ഇവിടില്ല.

ബോട്ട് ഇല്ലെന്നോ?

കാലാവസ്ഥ മോശമാതിനാൽ വരാത്തതാവും.

എന്നുവച്ചാൽ ബോട്ട് ഇല്ലെന്നോ?

ഇവളുടെ അവസ്ഥ കണ്ടോ?

ഇവൾ ചത്തുപോകും.

ബോട്ട് ഇല്ലെന്നാണോ പറഞ്ഞത്‌?

ബോട്ട് ഇല്ലെന്നാണോ പറഞ്ഞത്‌?

എങ്ങനെയാണേലും, എത്രയും പെട്ടെന്ന് ഇവൾ മാൽക്കൻഗിരി ഹോസ്പിറ്റലിൽ എത്തിയിരിക്കണം.

മനസ്സിലായോ നിനക്ക്?

മനസ്സിലായോന്ന്?

പോയി ബോട്ട് കൊണ്ടുവാ.

മനസ്സിലായോന്ന്?

കരയാതെ... കരയാതെ...

ഈ കാലാവസ്ഥയിൽ ബോട്ടെടുക്കാൻ ആരും തയ്യാറല്ല, സാർ.

ചേച്ചീ, വേറെ വഴിയൊന്നുമില്ല. ഇവിടെത്തന്നെ നോർമൽ ഡെലിവറി ചെയ്യേണ്ടിവരും.

കാലൊന്ന് ഉയർത്തിവച്ചേ.

ഉയർത്തിക്കേ.

ശ്വാസം വലിച്ചു വിട്ടേ.

സാർ... വരുന്നില്ല, സാർ.

നോക്കിയേ... നോക്കിയേ... ഇങ്ങോട്ട് നോക്കിയേ...

ശ്വാസം വലിച്ചു വിട്ടേ.

എനിക്ക് പറ്റുന്നില്ല.

പുഷ് ചെയ്യ്‌. കുറച്ചൂടെ ശക്തിയിൽ.

ഒന്നൂല്ല... ഒന്നൂല്ല... ഒന്നൂടെ ശ്രമിച്ചേ.

ശക്തിയിൽ പുഷ് ചെയ്യാൻ പറ. പ്രഷർ കൊടുക്കാൻ പറ.

ശക്തിയിൽ ശ്രമിക്ക്...

ചെക്ക് ചെയ്യ്‌... ചെക്ക് ചെയ്യ്‌...

പേടിക്കണ്ട, ഒന്നും സംഭവിക്കില്ല. ആഞ്ഞ് ശ്രമിക്ക്... ആഞ്ഞ് ശ്രമിക്ക്...

ചേച്ചീ, ശക്തിയിൽ പുഷ് ചെയ്യാൻ പറ. പ്ലീസ്‌.

നോക്കിയേ, ശ്വാസം പിടിച്ച് ആഞ്ഞ് ശ്രമിച്ചേ.

നല്ല ശക്തിയിൽ ശ്രമിച്ചേ.

ശക്തിയിൽ... ശക്തിയിൽ... ആഞ്ഞ് ശ്രമിച്ചേ.

ശക്തിയിൽ ശമിക്കാൻ പറ.

ആഞ്ഞ് ശ്രമിച്ചേ.

സാർ, ഇവൾക്ക് നല്ല ക്ഷീണമുണ്ട്. അതിനുള്ള ശക്തിയൊന്നുമില്ല.

ഇനിയെന്ത്‌ ചെയ്യും, സാർ.

- അതേയ്... - സാർ... - എപ്പിസോട്ടമി ചെയ്യേണ്ടിവരും.

കത്രികയും മറ്റും എടുത്തിട്ടുവാ. കുറച്ച് വെള്ളവും ചൂടാക്കിക്കോ. വേഗമാകട്ടെ.

ആര് സ്റ്റിച്ചിടും, സാർ?

- നീ ചെയ്യും, അല്ലാതാര് ചെയ്യാനാ? വേഗം പോ. - ശരി, സാർ.

ഒന്നും സംഭവിക്കില്ല. ഒന്നും സംഭവിക്കില്ല.

ചേച്ചി, ആഞ്ഞ് ശ്രമിക്കാൻ പറ.

കത്രിക തന്നേ. വേഗം താ.

ചേച്ചി, ആഞ്ഞ് ശ്രമിക്കാൻ പറ.

ഇനിയും ശക്തിയിൽ...

പഞ്ഞി താ.

ശക്തിയിൽ...

ശക്തിയിൽ...

വരുന്നുണ്ട്... വരുന്നുണ്ട്...

ശക്തിയിൽ... ശക്തിയിൽ...

സാർ, കുഞ്ഞിനെ ഇങ്ങുതാ.

പൊക്കിൾക്കൊടി മുറിക്ക്. വേഗം.

സാർ, ബാക്കി ഗ്രാമങ്ങളിലേക്കുള്ള മെഡിസിനും കിറ്റുകളും റെഡിയാ.

സാർ, ഇന്ന് ജൊഡാമ്പാ ഗ്രാമത്തിൽനിന്ന് തുടങ്ങാം.

ഫീൽഡിൽ പോയിട്ട് ഏഴ് ദിവസമായില്ലേ, എന്തോപോലെ തോന്നുന്നു.

അതൊക്കെ എന്തേലുമാകട്ടെ...

നിനക്ക് പോകണമെങ്കിൽ രമേഷിനെയും കൂട്ടി പൊയ്ക്കോളൂ.

ഞാൻ വരുന്നില്ല.

സാർ, ഞങ്ങൾക്ക് കഴിയുമായിരുന്നെങ്കിൽ, എന്നേ ചെയ്തേനെ.

സാർ, ഈ പ്രോഗ്രാം സാർ വരാതെ നടക്കില്ല.

ഗ്രാമീണർ വേറാരെയും അനുസരിക്കില്ല.

സാറ് പറഞ്ഞാലേ കേൾക്കൂ.

അവരെന്താ അനുസരിച്ചത്‌?

എന്ത് അനുസരിച്ചെന്നാ?

ആരും അനുസരിക്കുന്നുമില്ല, മനസ്സിലാക്കുന്നുമില്ല.

കഷ്ടപ്പെടുന്നവരെ സഹായിക്കാത്തവരെ ഭഗവാൻ പോലും തിരിഞ്ഞുനോക്കില്ല.

നിനക്ക് പോകണമെങ്കിൽ പൊയ്ക്കോ,

അല്ലെങ്കിൽ മിണ്ടാതെ എവിടേലും പോയിരിക്ക്‌.

എന്നെ ശല്യപ്പെടുത്തരുത്.

സാർ... സാർ... പത്ത് നാൽപ്പതുപേർ ഇങ്ങോട്ട് വരുന്നുണ്ട്.

നക്സലുകൾ!

സാർ, പുറത്ത്‌ ഒരുപാട് പേരുണ്ട്.

സാർ... സാർ... പുറത്തേക്ക് പോകല്ലേ സാർ... അതപടമാണ്, സാർ.

ഞാൻ തിരിച്ചുവരുമെന്ന് കരുതിയതല്ല.

എന്റെ ഭാര്യയേയും കുഞ്ഞിനേയും രക്ഷിക്കണേന്ന് ഭഗവാനോട് അപേക്ഷിച്ചു.

കാട്ടിൽ, നക്സലുകളും പോലീസും തമ്മിൽ ഏറ്റുമുട്ടലുണ്ടായി.

രണ്ടുഭാഗത്ത്‌ നിന്നും വെടിവെപ്പുണ്ടായി.

എങ്ങനെ രക്ഷപ്പെട്ടെന്ന് എനിക്കറിയില്ല.

ഗ്രാമത്തിൽ തിരിച്ചെത്തിയപ്പോഴാ ഞാനെല്ലാം അറിഞ്ഞത്‌.

നക്സലുകളെ പേടിച്ച് ആരുമെന്റെ ഭാര്യയെ സഹായിക്കാൻ വന്നില്ല.

സാറ് മാത്രമേ..

എണീക്ക്..

നന്ദിയുണ്ട് രവി ഭായ്‌.

എന്താ ഇതൊക്കെ?

എന്റെ ഭാര്യ, കുഞ്ഞിനെന്ത് പേരായിട്ടതെന്നറിയോ?

സിദ്ധാർത്ഥ്...

സാറിനെ ഒരിക്കലും മറക്കാതിരിക്കാൻ വേണ്ടിയാ.

ഇത് ഞങ്ങളുടെ വക ചെറിയൊരു ഉപഹാരമാണ്.

- ഇതൊന്നും വേണ്ട. - കൊണ്ടുവയ്ക്ക്‌.

രവി...

എനിക്കറിയാം, ഡോക്ടർ സാർ,

നിങ്ങൾക്ക്‌ ഞങ്ങളോട് ദേഷ്യമാണെന്ന്.

എങ്ങനെ ദേഷ്യം വരാതിരിക്കും?

ഞങ്ങൾ നേരത്തെ ഇവിടെ വരേണ്ടതായിരുന്നു.

പേടിച്ചിട്ടാ, ആരും വീടിന് പുറത്തിറങ്ങാത്തത്.

ഒരു ഭാഗത്ത്‌ പോലീസ്‌, മറുഭാഗത്ത്‌ നക്സലുകൾ.

ഇവരുടെ ഇടയിൽക്കിടന്ന് നട്ടംതിരിയുന്നത് ഞങ്ങളാ.

ഇത്രയും വർഷങ്ങൾ കഴിഞ്ഞിട്ടും, ഞങ്ങൾക്കിതുവരെ സ്വാതന്ത്ര്യം കിട്ടിയിട്ടില്ല.

മോനെ, നീ ധീരനാണ്.

ഞങ്ങൾ സാറിൽനിന്ന് ഒരുപാട് പഠിച്ചു.

ഞാൻ ഗ്രാമത്തലവനാ, മോനെ.

ഞങ്ങൾ ചെയ്ത തെറ്റിന് അങ്ങയോട്‌ ഞാൻ മാപ്പ് ചോദിക്കുന്നു.

ഞങ്ങളോട് ക്ഷമിക്കണം.

പോകാമോ, രവി?

ശരി, സാർ.

സാർ, സാർ... നമസ്തേ സാർ.

എന്തുപറ്റി?

തിളയ്ക്കുന്ന പനിയാ, ഒന്ന് നോക്ക് സാറേ.

വീണ്ടും പനി പിടിച്ചോ?

അതെ... അതെ...

ഇവിടെ ഇരിക്ക്.

ചേച്ചീ...

ചേച്ചീ...

സാർ...

സാർ...

ഈ കുട്ടിക്ക്‌ വേഗം മലേറിയ ടെസ്റ്റ്‌ ചെയ്തേ.

ചെയ്യാം, സാർ.

തനിക്ക്‌ ചുമ തുടങ്ങിയിട്ട് എത്ര നാളായി?

അഞ്ച് ദിവസമായി, സാറേ.

ഇയാളെയും ടെസ്റ്റ്‌ ചെയ്യണം.

വന്നേ.

എന്നെയെന്തിനാ ടെസ്റ്റ് ചെയ്യുന്നേ? എനിക്കെന്താ അസുഖം? എനിക്കൊരു കുഴപ്പോമില്ല.

സൂചി പേടിയാണോ?

ഇല്ലില്ല, എനിക്കൊരു പേടിയുമില്ല.

എങ്കിൽ വന്നേ, ടെസ്റ്റ് ചെയ്യട്ടെ.

വേണ്ട, വേണ്ട. എനിക്കൊരു കുഴപ്പോമില്ല.

മര്യാദയ്ക്ക് വാ, ടെസ്റ്റ് ചെയ്യണം.

വേണ്ടന്നേ, എനിക്കൊരു കുഴപ്പോമില്ല.

ഇങ്ങോട്ട് വന്നേ.

സാർ, രണ്ടുപേരും മലേറിയ പോസിറ്റീവാണ്.

നിങ്ങൾക്കൊക്കെ വർഷത്തിൽ എത്ര തവണ മലേറിയ വരും?

വീട്ടിൽ കൊതുകുവലയൊന്നുമില്ലേ?

ആ... അതൊക്കെയുണ്ട്. പക്ഷേ കൊതുക് ഭൂതങ്ങളെപ്പോലെയാണ്.

രാത്രി പെടുക്കാൻ പോകുമ്പോ, കൊതുകെല്ലാം അകത്തേക്ക്‌ കയറും, പിന്നെ രാത്രി മുഴുവൻ കടിച്ചുപറിക്കും.

ഇത്തിരിയുള്ള കൊതുക് ഞങ്ങളുടെ ജീവൻ ഊറ്റിയെടുക്കും.

നാട് മൊത്തം കൊതുകാ. എന്തുചെയ്താലും ഈ കൊതുക് പോകില്ല.

ഇവിടെ ഉള്ളിടത്തോളം കാലം ഇങ്ങനെ ബാഡ്മിന്റൺ കളിക്കേണ്ടിവരും.

അതേയുള്ളൂ വഴി, സാർ.

സാർ, എന്തിനാ രണ്ടുപേരെയും ടെസ്റ്റ് ചെയ്തത്? കുട്ടിയുടെ അച്ഛന് പനിയൊന്നുമില്ലായിരുന്നല്ലോ.

നോക്ക് രവി,

ചിലപ്പോഴൊക്കെ മലേറിയ പാരസൈറ്റ് ശരീരത്തിനുള്ളിൽതന്നെ കാണും.

അതൊരു കാരിയറായി പ്രവർത്തിക്കും.

ലക്ഷണങ്ങളൊന്നും കാണില്ല.

കുറഞ്ഞ കാലയളവിൽ ആ കുട്ടിയ്ക്ക് രണ്ടുതവണ മലേറിയ വരണമെങ്കിൽ,

എന്തോ പ്രശ്നമുണ്ടെന്ന് തോന്നി.

അതുകൊണ്ടാ രണ്ടുപേരെയും ടെസ്റ്റ് ചെയ്തത്.

ലക്ഷണങ്ങൾ പ്രകടിപ്പിക്കാത്ത ആളുകൾ ഗ്രാമങ്ങളിൽ ഇനിയുമുണ്ടാകുമെന്നല്ലേ അതിനർത്ഥം.

സാധ്യതയുണ്ട്.

അത് വളരെ അപകടമാണ്.

അതുകൊണ്ട് എല്ലാവരെയും നിർബന്ധമായും ടെസ്റ്റ് ചെയ്യണം.

ഇതിനുള്ള ശാശ്വത പരിഹാരമാണ് കൊതുകുവലകൾ.

പക്ഷേ സാർ, കൈയും കാലും വലയ്ക്കുള്ളിൽ തന്നെ ഉണ്ടാകണ്ടേ.

ചിലപ്പോഴൊക്കെ കൈയും കാലും വലയ്ക്ക് വെളിയിലാകൂല്ലേ,

അപ്പൊ കൊതുക് കടിക്കും.

കൊതുകുവല ഈ റാക്കറ്റ് പോലെ ആയിരുന്നേൽ നന്നായിരുന്നല്ലേ?

ജീനിയസ്‌.

LLIN...

ലോങ്ങ്‌ ലാസ്റ്റിംഗ് ഇൻസെക്റ്റിസിഡൽ നെറ്റ്. (*ഈടുനിൽക്കുന്ന കൊതുകുവല)

പക്ഷേ അത് ഇന്ത്യയിൽ കിട്ടില്ലല്ലോ?

മാൽക്കൻഗിരി ജില്ല മുഴുവൻ LLIN കൊടുക്കാൻ കാശെത്രയാകുമെന്ന് വല്ല പിടിയുമുണ്ടോ?

മരുന്നും ചികിത്സയും നൽകുന്നതിനേക്കാൾ ശാശ്വതപരിഹാരമായിരിക്കും അത്.

LLIN മാത്രമാണ് ഏക പരിഹാരം.

താൻ പറയുന്നത് എനിക്ക് മനസ്സിലാവുന്നുണ്ട്.

പക്ഷേ...

ഇതത്ര എളുപ്പപ്പണിയല്ല.

ഗാന്ധിജിയെപ്പോലെ ഒറ്റയ്ക്ക് നടക്കണമെന്ന് പറഞ്ഞ് പ്രോത്സാഹിപ്പിച്ചത് സാറല്ലേ.

BSF-നും പോലീസ് ഡിപ്പാർട്ട്‌മെന്റിനും ജീവൻ രക്ഷിക്കാൻ കഴിയുമെങ്കിൽ, നമുക്കെന്താ പ്രശ്നം?

നമ്മുടെ ഡിപ്പാർട്ട്മെന്റിലും ആൾക്കാർക്ക് കുറവൊന്നുമില്ലല്ലോ.

ഒരു അപേക്ഷയാണ്, സർ. കളക്ടർ സാറിനോട്‌ സംസാരിക്കണം. പ്ലീസ്‌, സർ.

മലേറിയ കേസുകൾ ഗണ്യമായി കുറഞ്ഞു.

ഒഡിഷയിൽ മലേറിയ കേസുകൾ കുറഞ്ഞു.

മാൽക്കൻഗിരിയിൽ ഇനി മലേറിയ മരണങ്ങൾ ഉണ്ടാകില്ല.

ഒറീസ്സയിലെ LLIN ഇടപെടൽ- വിജയങ്ങളും വെല്ലുവിളികളും.

മാൽക്കൻഗിരിയിലെ 151 വിദൂരഗ്രാമങ്ങളിൽ കീടനാശിനി പുരട്ടിയ കൊതുകുവലകൾ വിതരണം ചെയ്‌തു.

മാൽക്കൻഗിരി നിവാസികൾ കൊതുകിനെ തുരത്തും.

സാർ, 151 ഗ്രാമങ്ങളിലും കൊതുകുവല കൊടുത്തു കഴിഞ്ഞു.

എന്തൊരാശ്വാസം.

സർ, ഈ PHC അടച്ചുപൂട്ടേണ്ടി വരുമോ?

അതെന്താ?

രോഗമില്ലെങ്കിൽപ്പിന്നെ ആരും ചികിത്സിക്കാൻ വരില്ലല്ലോ.

നമ്മൾ പിന്നെന്തുചെയ്യും?

ചിരിക്കുന്നത് എന്തിനാ?

അതാ സംഭവിക്കാൻ പോകുന്നത്.

മാൽക്കൻഗിരിയുടെ ഈ പ്രദേശം മരണമേഖലയായി മാറിയിരിക്കുന്നു.

അഞ്ഞൂറോളം രോഗികളാണ്, മാൽക്കൻഗിരി ഹോസ്പിറ്റലിൽ ചികിത്സയിലുള്ളത്.

ഇപ്പോഴും അമ്പതിൽപ്പരം രോഗികൾ ജാൻബായി PHC-യിയിൽ ചികിത്സയിലാണ്.

പ്രിയപ്പെട്ടവരുടെ വിയോഗത്തിൽ വിലപിക്കുന്നവരാണ് പലരും.

പ്രദേശമാകെ ശോകമൂകമാണ്.

സാവധാനം സ്ഥിതിഗതികൾ ഗുരുതരമാകുകയാണ്.

സാർ,

എന്തുപറ്റി?

ഇവിടെയിനി സ്ഥലമില്ല. ഇയാളെ എന്തുചെയ്യും?

ആ സൈഡിലേക്ക് മാറ്റ്, വേഗം. വൈറ്റൽസ് ചെക്ക് ചെയ്യ്‌.

ഈ രോഗിക്ക്‌ പനി കൂടുതലാണ്, സാർ. ടെമ്പറേച്ചർ കുറയുന്നേയില്ല.

നിങ്ങൾക്കൊന്നും സംഭവിക്കില്ല.

ചേച്ചി, ഇയാൾക്ക്‌ വേഗം പാരസെറ്റാമോളും ആർട്ടിസുനെറ്റും സ്റ്റാർട്ട് ചെയ്തോ.

സർ, ഞങ്ങൾ പതിവായി LLIN വിതരണം ചെയ്യുന്നുണ്ട്.

മലേറിയ ടെസ്റ്റുകൾ ചെയ്യുന്നുണ്ട്. പക്ഷേ പ്രതീക്ഷിച്ച ഫലം കിട്ടുന്നില്ല.

ഇത് വളരെ ഗൗരവമുള്ള കാര്യമാണ്.

നമ്മൾ കാശും അധ്വാനവും ഒരുപാട് ചെലവാക്കുന്നുണ്ട്. പക്ഷേ റിസൾട്ട് ഇപ്പോഴും സീറോയാണ്.

നിങ്ങളൊക്കെ എന്താണ് ചെയ്യുന്നത്‌?

സാർ, അവിടെ കൂടുതലും വനമേഖലയാണ്.

എത്തിച്ചേരാനാവാത്ത പ്രദേശങ്ങളിൽനിന്ന്‌ പോസിറ്റീവ് റിപ്പോർട്ട് കിട്ടാൻ ബുദ്ധിമുട്ടാണ്, സാർ.

എന്നിട്ടും ഞങ്ങൾ പരമാവധി ശ്രമിക്കുന്നുണ്ട്.

ഏറ്റവും കൂടുതൽ മലേറിയ കേസുകളുള്ള സംസ്ഥാനങ്ങളിലൊന്നാണ് ഒഡീഷ.

കൊതുക് കടിയേൽക്കുന്നതിൽനിന്ന് ഏതുവിധേനെയും ജനങ്ങളെ രക്ഷിക്കണം.

എല്ലാവരുടെയും കണ്ണ് നമ്മളിലാണ്.

WHO മുതൽ ICMS വരെ.

നിങ്ങളത് സൂക്ഷ്മമായി നിരീക്ഷിക്കണം.

ചെയ്തേപറ്റൂ.

ഓക്കേ, സാർ. തീർച്ചയായും ചെയ്യാം.

രവിഭായി, വേഗം വാ. ഇവിടെ സലൈൻ ബോട്ടിൽ തീർന്നു.

ദാ വരുന്നു.

വേഗം കൊണ്ടുവാ.

വരുന്നു, വരുന്നു.

ഇപ്പൊ എങ്ങനെയുണ്ട്?

ചേച്ചി, ഒന്നിങ്ങ് വന്നേ.

വരുന്നു, വരുന്നു.

ഇന്ന് പേഷ്യന്റ്സ്‌ കൂടുതലാ. നിൽക്ക്, ഞാൻ വരാം.

പറഞ്ഞേ, പറഞ്ഞേ, ഇപ്പൊ എങ്ങനെയുണ്ട്? ചർദ്ദി ഉണ്ടോ?

ശരി, ഇങ്ങനെ കിടത്താതെ. എണീപ്പിച്ച് ഇരുത്ത്.

കുടിക്കാൻ ഇത്തിരി വെള്ളം കൊടുക്ക്.

രവി, ഇയാളുടെ വൈറ്റൽസ് ചെക്ക് ചെയ്യ്.

പൾസ് റേറ്റ് കൂടെ നോക്ക്.

ചെയ്യാം, സാർ.

സിസ്റ്റർ, ഇങ്ങോട്ട് വരൂ. ഇദ്ദേഹത്തിനെ ഒന്ന് നോക്കൂ.

എന്തുപറ്റി?

രവിഭായ്‌...

രവിഭായ്‌... ഇതെവിടെയാ?

വേഗം ഓക്സിജൻ കൊണ്ടുവാ.

ഇപ്പൊ കൊണ്ടുവരാം.

പേടിക്കണ്ട, ഒന്നും സംഭവിക്കില്ല കേട്ടോ.

രവിഭായ്‌, വേഗം വാ.

പേടിക്കണ്ട കേട്ടോ. ഒന്നും സംഭവിക്കില്ല.

- സിദ്ധാർത്ഥ് സാർ... - സാർ...

- എമർജൻസിയാണ് സാർ... - സാർ...

സാർ... നോക്ക്, സാർ.

സാർ, ചായ.

നിനക്കറിയോ രവി,

MBBS പഠിച്ചാൽ രോഗികളെയെല്ലാം രക്ഷിക്കാൻ പറ്റുമെന്നായിരുന്നു എന്റെ വിശ്വാസം.

പക്ഷേ അത് സാധ്യമല്ല.

ഇരുപത്തിയൊന്നാം നൂറ്റാണ്ടിലാണ് നമ്മൾ ജീവിക്കുന്നത്.

എല്ലാത്തരം സാങ്കേതികവിദ്യകളും ലഭ്യമാണ്.

ചികിത്സിക്കാൻ പലതരം സൗകര്യങ്ങളുണ്ട്.

വിദേശത്തുനിന്നുള്ളവർ ചികിത്സയ്ക്കായി ഇന്ത്യയിലെത്തുന്നുണ്ട്.

എന്നാൽ ഇന്നെനിക്ക് മനസ്സിലായി,

ഈ സൗകര്യങ്ങൾ എല്ലാവർക്കുമുള്ളതല്ല.

പണമുള്ളവർക്ക് മാത്രമുള്ളതാണ് ഈ സൗകര്യങ്ങൾ.

ഈ സൗകര്യങ്ങൾ ആവശ്യമുള്ളവരുടെ കൈയിലാകട്ടെ, പണവുമില്ല.

ഞാൻ വേറേതോ ലോകത്ത്‌ എത്തിയതുപോലാ തോന്നുന്നത്‌, രവി.

ഇവർക്കൊരു നല്ല ഹോസ്പിറ്റലില്ല.

ഉള്ള ഹോസ്പിറ്റലിൽ പോകാനൊരു വഴി പോലുമില്ല.

പിന്നെങ്ങനെ ഇവർ ജീവിക്കും?

ഇങ്ങനെ ചത്തൊടുങ്ങത്തേയുള്ളൂ.

പക്ഷേ നമുക്കെന്ത് ചെയ്യാനാകും, സാർ?

എന്ത് ചെയ്യാനാന്നോ?

മംഗൾയാൻ ചൊവ്വയിൽ എത്തിയിരിക്കുന്നു.

ആർട്ടിഫിഷ്യൽ ഇന്റലിജൻസിന്റെ സഹായത്തോടെ റോബോട്ടുകളെ നിർമിക്കുന്നു.

അപ്പോൾ നമുക്ക് വെറുമൊരു കൊതുകിനെ കൊല്ലാൻ കഴിയില്ലേ?

ഈ ചെറിയ കൊതുക് വകുപ്പിന് മുഴുവൻ പേരുദോഷം ഉണ്ടാക്കിയിട്ടുണ്ട്.

സാർ,

എനിക്കൊരു കാര്യം മനസ്സിലാവുന്നില്ല.

നമ്മൾ എല്ലാവർക്കും കൊതുകുവലകൾ നൽകിയതല്ലേ.

അതും LLIN.

അതിൽ തൊട്ടാൽ, പരമാവധി 3 ദിവസത്തിനുള്ളിൽ കൊതുക് ചത്തു പോകും.

ഈ LLIN ശരിയായി പ്രവർത്തിക്കില്ലേ?

നീയത്‌ ഉപയോഗിക്കുന്നില്ലേ?

ഇല്ല സാർ... ശീലിച്ചിട്ടില്ല. ഉറക്കം വരില്ലെന്നെ.

ഞാൻ ഫാനിട്ടിട്ടാ ഉറങ്ങാറ്.

ജെന,

കഴിഞ്ഞ തവണത്തെപ്പോലെ മുറുകെ കെട്ടിയിട്ടുണ്ടോ?

സാർ, ആ കയറല്ല, മറ്റേ കയറാ വലിക്കേണ്ടത്.

ശരി.

താനെന്താ പറയുന്നത്?

താൻ അവരുടെ വീട്ടിൽച്ചെന്ന് കൊതുകുവല കെട്ടികൊടുത്ത്‌ കിടത്തി ഉറക്കുമോ?

വേണ്ട സർ,

ജനങ്ങൾക്ക് മുന്നറിയിപ്പ് നൽകിയാൽ മതി.

വീണ്ടും വീണ്ടും പോയി അവരെ പറഞ്ഞു മനസ്സിലാക്കണം.

അതിന് നമ്മുടെ ഡിപ്പാർട്ട്‌മെന്റിൽ ഉള്ളതിനേക്കാൾ ആൾക്കാർ വേണം.

ആളുകളെ എവിടുന്ന് എടുക്കാനാ?

താൻ ശമ്പളം കൊടുക്കുമോ? എന്തായീ പറയുന്നത്?

ആളുകളൊക്കെയുണ്ട്, സർ.

അവരെയൊക്കെ ഉൾപ്പെടുത്താനായാൽ, ഇതൊക്കെ സാധിക്കും.

നമ്മുടെ സെൻസസും ഇലക്ഷൻ ഡ്യൂട്ടിയുമൊക്കെ നോക്കൂ.

ഇത്രയധികം ആളുകൾ എവിടെ നിന്നാണ് വരുന്നത്?

നമ്മളതൊക്കെ ചെയ്യുന്നില്ലേ?

സർ, എല്ലാ വകുപ്പുകളിലെയും ജീവനക്കാരെ ഏകോപിപ്പിക്കണം.

പക്ഷേ മറ്റ് വകുപ്പുകളിലെ ജീവനക്കാർ നമ്മൾ പറഞ്ഞാൽ അനുസരിക്കുമോ?

സർ, കളക്ടർ സർ പറഞ്ഞാൽ,

എല്ലാവരും അനുസരിക്കും.

ഒന്ന് റിക്വസ്റ്റ് ചെയ്തുനോക്കണം, സർ.

പക്ഷേ കളക്ടർ നമ്മൾ പറയുന്നത് കേൾക്കുമോ?

സർ, നമ്മളിന്ന് സ്വാതന്ത്ര്യദിനം ആഘോഷിക്കുകയാണ്.

നമ്മുടെ സ്വാതന്ത്ര്യം ആഘോഷിക്കുകയാണ്.

പക്ഷേ ഉൾഗ്രാമങ്ങളിൽ,

ആളുകൾ ഇപ്പോഴും കൊതുകിന്റെ അടിമകളാണ്.

സർ, അവർക്കും കൊതുകിൽ നിന്നും മലേറിയയിൽ നിന്നും മോചനം വേണം.

അടുത്ത മീറ്റിംഗിൽ താനും കൂടെ വരണം. അതിന് തയ്യാറായിക്കോ.

തീർച്ചയായും.

സർ, മാൽക്കൻഗിരിയിലെ 60% ജനങ്ങളും ആദിവാസികളാണ്.

പൂർണ്ണമായും മലയോരമേഖലയാണിത്.

ഈ പ്രദേശത്തിന്റെ 50%-60%-വും നദിയും തടാകവും ജലസംഭരണിയുമാണ്.

അതിനാൽ മലേറിയ പടരാനുള്ള സാധ്യത വളരെ കൂടുതലാണ്.

സർ, ഇവിടെയുള്ള മലേറിയയുടെ വിഭാഗമാണ്, ഫാൽസിഫെറം മലേറിയ.

ഈ വിഭാഗത്തിലുള്ള പാരസൈറ്റുകൾ വളരെ അപകടകാരികളാണ്,

കാരണം ഇവയുടെ വിഭജന നിരക്ക് വളരെ കൂടുതലാണ്.

സർ, ഫാൽസിഫെറം മലേറിയ മാൽക്കൻഗിരിയെ മുഴുവൻ വിഴുങ്ങിയ...

...ഒരു തീ പോലെയാണെന്ന് മനസ്സിലാക്കണം.

ഇവിടെ വെള്ളം തളിച്ചതുകൊണ്ട് കാര്യമില്ല, പേമാരി തന്നെ വേണ്ടിവരും.

CDMO സർ,

സർ...

നിങ്ങളുടെ മെഡിക്കൽ ടീം എന്താണ് ചെയ്യുന്നത്?

സർ, ഞങ്ങൾ...

മെഡിക്കൽ ടീം, അവരുടെ ജോലി ചെയ്യുന്നുണ്ട്, സർ.

പക്ഷേ അവർക്ക് ഒരുപാട് കാര്യങ്ങൾ ഒരുമിച്ച് ചെയ്യേണ്ടിവരുന്നുണ്ട്.

ബോധവൽക്കരണ പരിപാടി,

DDT സ്പ്രേ,

നിർബന്ധിത പരിശോധന, ചികിത്സ, ശുചിത്വ പരിപാടികൾ..

ഈ ദുഷ്‌കരമായ ഭൂപ്രദേശവും മറികടക്കണം.

അതിനാൽ ഈ പ്രോഗ്രാമിനൊരു പേരിട്ടിട്ടുണ്ട്.

DAMaN

വിദൂര പ്രദേശങ്ങളിലെ മലേറിയ നിർമാർജനം.

സംഭവം കൊള്ളാം.

തുടങ്ങിക്കോ. എത്രയുംവേഗം തുടങ്ങിക്കോ.

അതിനുള്ള ഉപകരണങ്ങളും സൗകര്യങ്ങളുമൊക്കെ ഉണ്ടല്ലോ.

സർ,

സത്യം പറഞ്ഞാൽ,

ഞങ്ങളുടെ പക്കലൊരു സൗകര്യങ്ങളുമില്ല.

ഇതിന് ഞങ്ങൾക്ക് എല്ലാ വകുപ്പുകളിലെയും...

...ജീവനക്കാരുടെ സഹായം ആവശ്യമാണ്.

ഓരോ ജീവനക്കാരനും ദിവസവും രണ്ട്-മൂന്ന് മണിക്കൂർ മാറ്റിവെച്ചാൽ,

ഈ പ്രോഗ്രാമിൽ ആൾക്കാരുടെയും സൗകര്യങ്ങളുടെയും ഒരു കുറവുമുണ്ടാകില്ല.

പക്ഷേ അവരെങ്ങനെയാണ് സഹായിക്കേണ്ടത്?

സർ, എല്ലാ ജീവനക്കാരും ഗ്രാമംതോറും പോയി...

കൊതുകുവല ഉപയോഗിക്കാൻ ബോധവൽക്കരണം നൽകിയാൽ,

കൊതുക് വലയുടെ പ്രാധാന്യത്തെ കുറിച്ച് അവർ ചിന്തിക്കും.

നോക്കൂ, സർ.

അങ്ങനെ ചെയ്‌താൽ "ദമൻ" ഒരിക്കലും പരാജയപ്പെടില്ല.

പക്ഷേ സർ, അതിന് നമ്മൾ ഒറ്റക്കെട്ടായിരിക്കണം.

VT സാർ, താങ്കൾക്ക് ഇതിനെപ്പറ്റി എന്താ പറയാനുള്ളത്?

സർ, ഈ മേഖലയിലെ എല്ലാ വകുപ്പുകൾക്കും ജോലിസമ്മർദ്ദം വളരെ കൂടുതലാണ്.

ഈ പുതിയ ജോലി കൂടി...

എനിക്ക് തോന്നുന്നത്‌,

ജീവനക്കാരുടെ ജോലിഭാരം വളരെയധികം വർദ്ധിക്കുമെന്നാ.

എന്തായാലും, നാളെ എല്ലാ വകുപ്പുകളുടെയും ഒരു യോഗം വിളിക്കാം.

ഏയ്‌, അവിടെയുള്ള എല്ലാ വീടുകളും നന്നായി പരിശോധിക്കണം.

ശരി, സാർ.

ഒരു വീടും ഒഴിവാക്കരുത്‌. പൊയ്ക്കോ.

ഹേയ്, വന്നേ.

നമസ്കാരം, സാർ.

ഇവിടെ കൊതുകുവലയുണ്ടോ?

പെട്ടിയിൽ ഇരിപ്പുണ്ട്.

പെട്ടിയിലെന്തിനാ വച്ചേക്കുന്നത്?

അതിനെ കൊതുക് കടിക്കാതിരിക്കാനോ?

പോയി, എടുത്തോണ്ട് വാ.

പെട്ടിയിൽ അടച്ചു വയ്ക്കരുത്.

ഇത് കിടക്കയ്ക്ക്‌ മുകളിൽ തൂക്കിയിട്ട് ഉറങ്ങണം, കേട്ടോ?

ശരി.

അല്ലെങ്കിൽ ഫൈനടിക്കും.

പിടിച്ചോണ്ട് പോകും.

മനസ്സിലായോ?

അമ്മൂമ്മ കൊതുകുവലക്കുള്ളിൽ ആണോ ഉറങ്ങുന്നത്?

മോനെന്താ സ്കൂളിൽ പോകാത്തത്?

സാർ, ഇവിടെ കൊതുകുവലയുണ്ട്.

അതിനെപ്പറ്റി പറയാൻ രാവിലെ ഒരാള് വന്നല്ലേ.

ഒരാളല്ല സാർ, പലരും വന്നു. പഞ്ചായത്തുകാരും പോലീസുകാരും ആശാ ദീദി...

അങ്ങനെ കുറേപേർ വന്ന് പറഞ്ഞു.

കൊതുവലയ്ക്കുള്ളിലാണോ ഉറങ്ങുന്നത്?

ഗ്രാമത്തിൽ പോയി എല്ലാവരെയും ചെക്ക് ചെയ്യണം,

...കൊതുകുവലക്കുള്ളിലാണോ അവർ ഉറങ്ങുന്നതെന്ന്?

കൊതുകുവല ഉപയോഗിക്കാത്തവരെ ഞങ്ങൾ വെടിവച്ച്‌ കൊല്ലുമെന്ന് പറഞ്ഞേക്ക്.

മനസ്സിലായോ?

സാർ,

എല്ലാ വകുപ്പുകളിലെയും ജീവനക്കാർ രാപ്പകലില്ലാതെ ഇവരെ രക്ഷിക്കാനുള്ള കഠിനപരിശ്രമത്തിലാണ്,

പക്ഷേ ഇവർ ആരുപറഞ്ഞിട്ടും അനുസരിക്കുന്നില്ല.

ഹേയ്, എണീക്ക്... എണീക്ക്...

എന്താ കൊതുകുവല ഉപയോഗിക്കാത്തത്?

എന്താ കൊതുകുവല ഉപയോഗിക്കാത്തതെന്ന്?

നിങ്ങളോടൊക്കെ പറഞ്ഞ് ഞങ്ങൾ ചാവാറായി,

ഈയൊരു ചെറിയകാര്യം പോലും നിങ്ങൾക്ക്‌ ചെയ്യാൻ വയ്യല്ലേ?

- കൊതുകുവല എടുത്ത് കെട്ട്. - ശരി. - വേഗമാകട്ടെ.

ശ്രദ്ധിക്കൂ... ശ്രദ്ധിക്കൂ... ശ്രദ്ധിക്കൂ...

എല്ലാവരും കൊതുകുവല കെട്ടിയേ ഉറങ്ങാവൂ.

സാർ, അവരിപ്പോൾ ഉറങ്ങുവല്ലേ. ഉണർത്തിയാൽ ദേഷ്യപ്പെടും.

ദേഷ്യപ്പെടട്ടെ.

ഉറങ്ങുമ്പോൾ കൊതുകുവല ഉപയോഗിക്കാൻ തുടങ്ങുന്നതുവരെ, അവരെ ഉറങ്ങാൻ ഞാനനുവദിക്കില്ല.

ശ്രദ്ധിക്കൂ... ശ്രദ്ധിക്കൂ... ശ്രദ്ധിക്കൂ... എല്ലാവരും കൊതുകുവല കെട്ടിയേ ഉറങ്ങാവൂ.

നമ്മൾ ചെയ്യാൻ പോകുന്നത് ലോകത്താരും ചെയ്യാത്ത കാര്യമാണ്.

ഒറ്റയടിക്ക്‌ നൂറുകണക്കിന് പേരെ മനസ്സിലാക്കിക്കാൻ പോവുകയാണ്.

ഉറങ്ങുകയാണെങ്കിൽ, നമ്മൾ മണിയടിച്ച് അവരെ അറിയിക്കണം.

വേണമെങ്കിൽ, നമ്മൾ അവരുടെ വീട്ടിൽ കയറി കൊതുകുവല കെട്ടും.

സർ, എത്ര ദിവസത്തേക്ക് നമ്മൾ മണി അടിക്കേണ്ടിവരും?

21 ദിവസം.

21 ദിവസം മണിയടിച്ച ശേഷം, ഒരു മൃഗത്തിന് തീറ്റ കൊടുത്താൽ അത് അതിനൊരു ശീലമാകും.

പക്ഷേ ഇവർ മനുഷ്യരാണ്.

ഒരു കാര്യം ഓർക്കണം,

നിങ്ങളിവിടേക്ക് വന്നത്, കടമ നിർവഹിക്കാൻ വേണ്ടിയല്ല.

ഇവിടെയുള്ളവരുടെ ജീവൻ രക്ഷിക്കാനാണ്.

അസുഖമില്ലാതെ കിടന്നുറങ്ങാൻ,

അവരെ ഉറക്കത്തിൽ നിന്ന് ഉണർത്തേണ്ടതുണ്ട്.

നിങ്ങൾക്കതിന് കഴിയില്ലേ?

കഴിയും...

ഒരു ആവേശമില്ലല്ലോ, നിങ്ങൾക്കതിന് കഴിയില്ലേ?

കഴിയും!

എല്ലാവരും കൊതുകുവല കെട്ടിയേ ഉറങ്ങാവൂ.

ശ്രദ്ധിക്കൂ... ശ്രദ്ധിക്കൂ... ശ്രദ്ധിക്കൂ...

ഉറങ്ങേണ്ട സമയമാണ്. എല്ലാവരും കൊതുകുവല കെട്ടിയേ ഉറങ്ങാവൂ.

ഇങ്ങനെ കെട്ടണം.

എന്നിട്ടിങ്ങനെ അടിയിലേക്ക് കയറ്റി വയ്ക്കണം.

കുറച്ച് ദിവസങ്ങൾക്ക് മുമ്പ്, സ്ഥിതി അതീവഗുരുതരമായിരുന്ന...

...മാൽക്കൻഗിരി പ്രദേശത്താണ് ഞാനിപ്പോഴുള്ളത്.

എന്നാലിന്ന് ഇവിടുത്തെ അവസ്ഥ വളരെ വ്യത്യസ്തമാണ്.

മലേറിയ കേസുകൾ ഏതാണ്ട് ഇല്ലാതായിരിക്കുന്നു.

ആളുകൾ ഇവിടെ മണിയടിച്ച്,

കൊതുകുവല ഇടാൻ ആവശ്യപ്പെടുന്നു.

കൂടാതെ പരിസരം മുഴുവനും വൃത്തിയാക്കിക്കൊണ്ടിരിക്കുകയാണ്.

അസാധ്യമായ എന്തും സാധ്യമാക്കാനാകുമെന്ന്...

മാൽക്കൻഗിരി ലോകത്തിന് മുന്നിൽ തെളിയിച്ചിരിക്കുകയാണ്.

മാൽക്കൻഗിരിയിൽ കൊതുകുകളെ തുരത്തി.

മലേറിയ നിർമ്മാർജ്ജനത്തിന് മാൽക്കൻഗിരി ഒരു മാതൃകയാണ്.

സാർ, നിങ്ങൾ കാരണം, എനിക്ക് ഇതൊരു ജോലിയായിട്ടല്ല വലിയ ഏതോ മിഷനായിട്ടാ തോന്നുന്നത്‌.

സാർ, ഓരോ ദിവസവും സാറിൽ നിന്ന് ഒരുപാട് കാര്യങ്ങൾ പഠിക്കുന്നുണ്ട്.

വളരെ നന്ദി, സാർ.

അതെ സർ,

ചേച്ചി പറഞ്ഞത് ശരിയാ.

ഇന്ന് മാൽക്കൻഗിരി എല്ലാ മാധ്യമങ്ങളിലും ചർച്ച ചെയ്യപ്പെടുന്നു.

ഞാനും ഒരു വലിയ ദൗത്യത്തിന്റെ ഭാഗമാണെന്നതിൽ സന്തോഷം തോന്നുന്നു, സാർ.

സാറിന്റെ പരിശ്രമവും ആശയങ്ങളും കൊണ്ടാണ് ഇതെല്ലാം സാധ്യമായത്.

രവി, എനിക്ക് ഒറ്റയ്ക്ക് ഒന്നും ചെയ്യാനാവില്ലായിരുന്നു.

തന്റെ പ്രയത്നവും ഇതിലുണ്ട്.

മാഡത്തിന്റെ പ്രയത്നവും ഇതിലുണ്ട്.

കലക്ടർ സർ, CDMO സർ... നമ്മുടെ എല്ലാ വകുപ്പുകളുടെയും പ്രയത്നമുണ്ട്.

അതുകൊണ്ടാണ് ഈ മിഷൻ വിജയിച്ചത്.

ഞാനൊരു കാര്യം പറയട്ടെ, സാർ?

"ദൈവത്തിന് എല്ലായിടത്തും എത്താനാവില്ല, അതിനാൽ അവൻ ഡോക്ടറെ അയച്ചു.”

സാറിനെ കാണുമ്പോൾ, എനിക്കത് സത്യമായിട്ടാ തോന്നുന്നത്.

ഞാൻ ഭഗവാനോട് പ്രാർഥിക്കാറുണ്ട്, സാർ.

ഏറെ നാളുകൾക്ക് ശേഷം ഇന്ന് കേസൊന്നുമില്ല.

എന്നും ഇങ്ങനെ തന്നെയാകട്ടെ.

സുധാകർ.

ഹലോ.

ഇരിക്കൂ.

യാത്രയൊക്കെ എങ്ങനെയുണ്ടായിരുന്നു?

ഇതൊക്കെ പതിവാണ്. എനിക്കിത് പുത്തരിയൊന്നുമല്ല.

മിസ്റ്റർ റോയ്‌,

നിങ്ങളുടെ മാൽക്കൻഗിരി മാധ്യമങ്ങളിൽ നിറഞ്ഞുനിൽക്കുവാണല്ലോ?

അതിന് മാത്രമെന്താ ചെയ്തത്?

നോക്കൂ, ഇത് എല്ലാ വകുപ്പുകളുടെയും ഒരുമിച്ചുള്ള പ്രവർത്തനമായിരുന്നു,

അതിനാൽ ഞങ്ങൾക്ക് മലേറിയയെ ഉന്മൂലനം ചെയ്യാൻ കഴിഞ്ഞു.

വിജയിച്ചെന്ന് പ്രതീക്ഷിക്കുന്നു.

എന്നാലും എല്ലാ വിവരങ്ങളും ശേഖരിച്ച് പരിശോധിച്ച്...

സത്യമാണോ അല്ലയോന്ന് നോക്കേണ്ടത് എന്റെ ജോലിയാണ്.

തീർച്ചയായും. നിങ്ങൾ ജോലി തുടങ്ങിക്കോളൂ.

എങ്ങനെയുണ്ട്? വേദനിച്ചോ?

മലേറിയ ടെസ്റ്റ് ചെയ്തിട്ടുണ്ടോ?

രാജേന്ദ്ര സിഷ.

- പേരെന്താണ്? - സുരേന്ദ്ര സാന്ത, സാർ.

ഇപ്പൊ എങ്ങനെയുണ്ട്?

സുഖമാണ്.

മലേറിയ ടെസ്റ്റ് ചെയ്തിട്ടുണ്ടോ?

നീയോ?

- ആ, ചെയ്തു. - ചെയ്തോ?

വാഹ്, കൊള്ളാം, കൊള്ളാം.

നിങ്ങളെ സിദ്ധാർത്ഥ് സാർ അയച്ചതാണോ?

സിദ്ധാർത്ഥോ? ഏത് സിദ്ധാർത്ഥ്?

അദ്ദേഹമാ എന്റെ മോളെ രക്ഷിച്ചത്‌.

അല്ലായിരുന്നെങ്കിൽ എത്രയോ കുട്ടികൾ മരിക്കുമായിരുന്നു.

അദ്ദേഹം ഞങ്ങൾക്ക്‌ ദൈവത്തെപ്പോലെയാണ്.

പ്രേതബാധ ആണെന്നാണ് ഞങ്ങൾ നേരത്തെ കരുതിയിരുന്നത്.

എന്നാൽ അദ്ദേഹമാ വന്ന് പറഞ്ഞത്, ഇത് കൊതുക് കടിയാൽ ഉണ്ടാകുന്ന മലേറിയ രോഗമാണെന്ന്.

കൊതുകുവല ഉപയോഗിക്കുന്നത് വരെ, ഞാൻ ബെല്ലടിച്ചുകൊണ്ടിരിക്കും എന്നദ്ദേഹം പറഞ്ഞു.

സിദ്ധാർത്ഥ് സാറിനെ അറിയോ?

ആരാ അവൻ?

നിങ്ങൾക്ക്‌ സിദ്ധാർത്ഥ് സാറിനെ അറിയില്ലേ?

എന്റെ കഴുതയ്ക്ക് പോലും സിദ്ധാർത്ഥ് സാറിനെ അറിയാം.

ഈ പ്രദേശത്ത് മലേറിയ കുറഞ്ഞിട്ടുണ്ടെങ്കിൽ, അതിന് കാരണം സിദ്ധാർത്ഥ് സാറാണ്.

നടക്ക്... നടക്ക്...

സുധാകർജി,

എല്ലാ വകുപ്പ് മേധാവികളും എത്തിയിട്ടുണ്ട്.

താങ്കളുടെ റിപ്പോർട്ട് തന്നാലും.

താങ്ക്യു, സർ.

എല്ലാവർക്കും ഗുഡ്‌ മോർണിംഗ്.

എല്ലാവരുടെയും മുന്നിൽവച്ച് റിപ്പോർട്ട് പ്രഖ്യാപിക്കാൻ പോവുകയാണ്.

എല്ലാത്തിനുമുപരി, ഇതൊരു ടീം വർക്കാണ്.

നിങ്ങളെല്ലാവരും ഒത്തൊരുമിച്ച് പ്രവർത്തിച്ചു.

നിങ്ങൾ ചെയ്തത്തിന്റെ ഫലമെന്താണെന്ന് തീർച്ചയായും നിങ്ങൾ അറിയണം.

കളക്ടർ സർ, താങ്കളുടെ പ്രസ്താവന അനുസരിച്ച് മലേറിയ കേസുകൾ പൂജ്യമാണ്.

മാധ്യമങ്ങൾക്കും സാധാരണക്കാർക്കും ഇത്തരം പ്രസ്താവനകൾ മതിയാകും.

ഞങ്ങൾക്ക്‌ അതുപോരാ.

ഈ റിപ്പോർട്ടിൽ മറ്റൊരു കാര്യം കൂടിയുണ്ട്.

ഈ റിപ്പോർട്ട് പ്രകാരം,

മാൽക്കൻഗിരി ജില്ലയിലെ കേസുകളുടെ എണ്ണം പൂജ്യമല്ല.

പക്ഷേ...

എനിക്ക് ഒന്നറിയണം.

40% കേസുകളല്ലേ ഉണ്ടായിരുന്നത്‌,

ഇത്രയും ചുരുങ്ങിയ സമയത്തിനുള്ളിൽ നിങ്ങളെങ്ങനെയാണ് അത് 4%-മായി കുറച്ചത്?

വനമേഖലയാണ്, നല്ല വഴികളില്ല, നക്സൽ ഭീഷണി. അത്തരമൊരു സാഹചര്യത്തിൽ,

ഇത്രയും ചുരുങ്ങിയ സമയത്തിനുള്ളിൽ വീടുവീടാന്തരം കയറിയിറങ്ങി...

ജനങ്ങളോട് വിശദീകരിച്ച് ഇത്രയും വലിയ നേട്ടമെങ്ങനെ കൈവരിച്ചു?

കളക്ടർ സാർ, നിങ്ങളുടെ ടീം അസാധ്യമായത് സാധ്യമാക്കിയിരിക്കുന്നു.

നന്ദി. നിങ്ങളുടെ റിപ്പോർട്ടിന് നന്ദി.

യഥാർത്ഥത്തിൽ, മാൽക്കൻഗിരി ജില്ലയിലെ എല്ലാ വകുപ്പുകളിലെയും ജീവനക്കാരുടെ കഠിനാധ്വാനം കൊണ്ടാണ്...

...ഞങ്ങൾക്കീ വിജയം നേടാനായത്.

സത്യം പറഞ്ഞാൽ,

നിങ്ങൾ ചെയ്ത കാര്യങ്ങൾ...

...മറ്റുള്ളവർക്ക് ഉത്തമ മാതൃകയായി നിലനിൽക്കും.

ഈ മിഷന് പിന്നിൽ പ്രവർത്തിച്ചവരുടെ പേരുകൾ പറയാൻ ഞാനാഗ്രഹിക്കുന്നു.

ഡോക്ടർ സിദ്ധാർത്ഥ്.

ഡോക്ടർ സിദ്ധാർത്ഥ്?

സർ, ഞാനാണ്.

ഓ... ഡോക്ടർ സിദ്ധാർത്ഥ്!

- ഞാൻ നിങ്ങളെപ്പറ്റി കേട്ടിട്ടുണ്ട്. - താങ്ക്യു, സർ.

നിങ്ങളെപ്പോലുള്ള ഡോക്ടർമാരാണ് ഇനി ഉണ്ടാകേണ്ടത്.

ഞാൻ ഗ്രാമങ്ങൾ തോറും പോയി, ആദിവാസികളെ കണ്ടു.

അവർക്ക്‌ നിങ്ങളോടുള്ള ബഹുമാനം ഞാൻ നേരിട്ട് അനുഭവിച്ചു.

നല്ല വഴികളില്ല,

നക്സലൈറ്റുകളോടുള്ള ഭയം, വന്യമൃഗങ്ങളോടുള്ള ഭയം.

ഇങ്ങനെയൊക്കെയാണെങ്കിലും, നിങ്ങളെപ്പോലുള്ള ഒരു യുവ ഡോക്ടർക്ക് ഇതെല്ലാം എങ്ങനെ ചെയ്യാൻ കഴിഞ്ഞു?

എവിടെ നിന്നാണ് ഇതിനുള്ള പ്രചോദനം ലഭിച്ചത്?

സർ, എനിക്ക് വിശ്വസിക്കാനാവുന്നില്ല.

ആദ്യദിനം തന്നെ തിരിച്ചുപോകാൻ തോന്നിയ സ്ഥലത്ത് നിൽക്കാൻ തുടങ്ങിയിട്ട്,

കുറച്ച് നാളുകൾ കൂടി കഴിഞ്ഞാൽ മൂന്ന് വർഷമാകും.

അതുകഴിഞ്ഞാൽ PG ചെയ്യാൻ പോവുകയാണ്.

സർ, സത്യം പറഞ്ഞാൽ,

സർക്കാർ ബോണ്ടിനെ പേടിയില്ലായിരുന്നുവെങ്കിൽ,

ഞാനീ സ്ഥലത്തേക്ക് വരില്ലായിരുന്നു,

ഇതൊന്നും അനുഭവിക്കാനും കഴിയില്ലായിരുന്നു.

പ്രചോദനത്തെപ്പറ്റി പറയുവാണേൽ, അത് ആദിവാസികളോടുള്ള അടുപ്പം മാത്രമാണ്.

നമ്മളൊക്കെ സൗകര്യങ്ങൾക്ക് പിന്നാലെ ഓടുകയാണ്.

ഇത്രയും സൗകര്യങ്ങൾ ഉണ്ടെങ്കിലും,

നമ്മൾ കൂടുതൽ സൗകര്യങ്ങൾ പ്രതീക്ഷിക്കുന്നു.

അവരെ ഒന്ന് നോക്കൂ.

എത്ര സിമ്പിളാണ്.

ഒരു തരത്തിലുള്ള സൗകര്യങ്ങളുമില്ല,

എന്നാലും എന്ത് സമാധാനവും സന്തോഷവുമാണ്.

ഈ മലകളും നദികളും കാടും...

അവയെ ശരീരമായി കണക്കാക്കിയാൽ,

ഈ ആദിവാസികൾ അവയുടെ ആത്മാവാണ്.

എന്തൊക്കെ ചെയ്തു, എന്തൊക്കെ ചെയ്തില്ല എന്നൊന്നും എനിക്കറിയില്ല.

ഒരു ഡോക്ടർ എന്ന നിലയിലുള്ള കടമകൾ മാത്രമേ നിറവേറ്റിയിട്ടുള്ളൂ, കൂടുതലൊന്നും ചെയ്തിട്ടില്ല.

ഞാനെവിടെയോ വായിച്ചിട്ടുണ്ട്...

ഒരു നല്ല ഡോക്ടർ രോഗം സുഖപ്പെടുത്തുന്നു,

എന്നാൽ മികച്ച ഡോക്ടർ രോഗിയെ സുഖപ്പെടുത്തുന്നു.

ഞാൻ എങ്ങനെയുള്ള ഡോക്ടറായിരിക്കുമെന്ന് എനിക്കറിയില്ല.

പക്ഷേ സർ, ഒരു ഡോക്ടർ എന്ന നിലയിലുള്ള...

എല്ലാ കടമകളും നിറവേറ്റുമെന്ന് ഞാൻ വാക്ക് തരുന്നു.

നിങ്ങളോടൊപ്പം ജോലി ചെയ്യാനായതിൽ സന്തോഷമുണ്ട്, സർ.

നന്ദി. വളരെ നന്ദി.

ഗംഭീരം!

ഈ ഊർജ്ജസ്വലനായ യുവഡോക്ടർക്ക് ഒരു കൈയടി കൊടുത്തേ.

എങ്ങോട്ടാ പോകുന്നത്, സാറേ?

സാർ പോയാൽ, ഞങ്ങളെയാര് ചികിത്സിക്കും?

പോവല്ലേ.

ഏയ്‌, രഘു?

നിങ്ങളെപ്പോലൊരു ഡോക്ടറെ കിട്ടിയ ഞങ്ങൾ ഭാഗ്യവാന്മാരാണ്.

മകന് സിദ്ധാർത്ഥ് എന്നല്ലേ പേരിട്ടിരിക്കുന്നത്,

ഇവനെ നന്നായി പഠിപ്പിക്കണം.

വലിയൊരു ഡോക്ടറാക്കണം.

സാർ...

സാർ...

നിങ്ങളെ പോലൊരാളെ ഞങ്ങൾക്കിനി കിട്ടില്ല, സാർ.

ഒരിക്കലും കിട്ടില്ല...

ശ്രദ്ധിക്കണം കേട്ടോ, ചേച്ചി.

രവി...

നീ ഭുവനേശ്വറിലേക്ക് വരണം.

ഒരു 21 ഗിയർ സൈക്കിൾ ഞാൻ റെഡിയാക്കി വയ്ക്കും.

എന്റെയൊരു സമ്മാനം.

സെക്കൻഡ് ഹാൻഡ് ഒന്നുമല്ല,

പുതുപുത്തൻ സാധനം!

പരിഭാഷ : വിഷ് ആസാദ്

2018 ജൂലൈയിൽ ഗുരുപ്രിയ പാലത്തിന്റെ നിർമ്മാണം പൂർത്തിയായത്‌,

ഈ ഒറ്റപ്പെട്ട പ്രദേശത്തെ മുഖ്യധാരയിലേക്ക്‌ സമന്വയിപ്പിക്കുന്നതിന്റെ ആദ്യപടിയായിരുന്നു.

ഇന്ത്യയിലെ അതീവസുരക്ഷവലയത്തിലെ നിരവധി പാലങ്ങളിൽ ഒന്നാണ് ഗുരുപ്രിയ പാലം,

ഈ പ്രദേശത്തെ മറ്റ് സ്ഥലങ്ങളുമായി ബന്ധിപ്പിക്കുന്ന സംസ്ഥാനത്തെ ഏക പാലവും ഇതാണ്.

ഈ പ്രദേശം "സ്വാഭിമാൻ അഞ്ചൽ (ആത്മാഭിമാന മേഖല)" എന്നറിയപ്പെടുന്നു,

കൂടാതെ ഇവിടത്തെ നിവാസികൾക്ക് ഇപ്പോൾ വൈദ്യുതി, കുടിവെള്ളം, റോഡുകൾ,ടെലികമ്മ്യൂണിക്കേഷൻ, സ്കൂളുകൾ എന്നിവ,

വിവിധ സാമൂഹിക സാമ്പത്തിക വികസന പദ്ധതികളിലൂടെ ലഭ്യമാകുന്നു.

ഇപ്പോൾ രണ്ട് മൂന്ന് മണിക്കൂറിനുള്ളിൽ പ്രധാന ഭൂമിയിലെത്താനും,

അടിയന്തര ആരോഗ്യ സേവനങ്ങളും മറ്റ് സർക്കാർ സേവനങ്ങളുടെ ആനുകൂല്യങ്ങളും നേടാനും,

ജീവിതശൈലി മെച്ചപ്പെടുത്താനും ഈ സൗകര്യങ്ങൾ അവരെ പ്രാപ്തരാക്കുന്നു.

എംസോൺ പരിഭാഷകൾക്ക് സന്ദർശിക്കുക www.malayalamsubtitles.org/ www.facebook.com/groups/MSONEsubs