Original subtitles

[lalaki sa altar] Dumating na ang bagong panahon ng peligro, mga kapatid.

Kaya nararapat lang

na lahat tayo'y manatiling matatag.

[lahat] Tama!

Ngunit kailangang makasigurado tayo sa ating katipunan

na walang ni isang traydor

o ahas.

[lahat] Tama!

Ngayon, kung meron mang isa sa inyo ay

hindi naniniwala sa ating adhikain, puwede n'yo nang itaas ang…

[nakakakilabot na tunog]

[humiyaw]

[hiyaw tila nasasaktan]

-[mga tao] Si Ka Gaston! -[Gaston] Tulong! Ang sakit!

-Ka Gaston! -Ka Gaston!

[umuungol sa sakit]

[tumutugtog ang malagim na musika]

[tumutugtog ang palaisipang musika]

[lalaki] Iyan ang lihim ng mga babaylan para makita ang agarang hinaharap.

Ihahalo ko lang itong dahon ng samba-samba.

Lukut-lukutin mo nang humalo sa tubig ang katas.

Tapos, haluin mo nang maigi na parang orange juice.

Hi, Kuya Pedro!

Ba't mo siya kinukuya?

Mas matanda pa kaya tayo d'yan nang ilang siglo.

Ang iingay nitong mga duwende.

Ano, puwede ko na bang inumin 'to?

Sulitin mo ang bisa niyan.

Hindi madali ang pagtunton ng mga iyan sa gubat.

[tumutugtog ang mapaglarong musikang pamperya]

-Labas kayo. -Nakataya na ba kayong lahat?

-[tindero 1 sa perya] Okay, sige. -[tindero 2] Taya na kayo, taya!

-[tindero 1] O, 'ayan na. Abang. Tara na. -[tindero 2] Sige.

Sige. Okay na.

[tindero 1] Abang, abang.

-[tindero 1] Okay. -Color blue.

-Isa lang nanalo. -[tindero 1] Isa lang.

[tindero 2] Ayan, taya!

-Bilisan n'yo. Taya! -[tindero 1] Puwesto, sige na!

-Panalo tayo, bro? -Panalo ba 'to palagi?

[tindero 2] Talo ulit? Sige, taya.

Walang susuko. Taya, taya!

Sige.

Subukan n'yo. Isa pa.

Uy, uy, uy!

Ano meron? Uy!

-Yayari tayo dito, kuys. -Dalian mo na kuya. Bola mo na.

-Kalma, oy. -Tagal naman.

[lalaking tumataya] Wari ko'y tumama tayo?

-Pahingi nga kami ng suwerte mo, boy. -Para manalo.

[lalaki] Kailan ka ulit maglalaro, lods?

Punta 'ko, ha?

-Ako rin. Sabay-sabay tayo. -Sama. Ako rin!

-Uy. Sama ako. -Sabay tayo.

Suwerte ang kamay mo.

Balato?

-Mapagbiro ka naman lods, e. -Ano'ng balato?

Ikaw talaga, o.

Balato?

Kung hindi dahil sa 'kin, hindi lalago pera n'yo.

-Seryoso? -Balato!

Seryoso?

-Balato. -Grabe naman.

-Grabe naman 'yan. -Pambihira, ang laki na nga ng panalo mo.

Nanalo ka na nga, nanghingi ka pa ng balato sa 'min.

Grabe. Naaasar ako sa 'yo.

Kuys.

Baka puwede namang wag na 'ko.

Sakto lang kasi 'tong pera ko pambayad ng matrikula…

Di puwedeng wala kang maibigay na kahit ano.

[tumutugtog ang nakakakabang musika]

[nauutal] Hindi 'yan ang ibig kong sabihin, a.

Hindi 'yan.

Ang ibig kong sabihin…

Bastos!

O, 'ayan!

[tumutugtog ang "Yugto" ni Rico Blanco]

Ah… Sarap naman n'on.

Sa'n gawa 'to?

Tubig-ulan sa Bundok Banahaw.

Sinabuyan ng apog galing sa isang sagradong kuweba sa Catbalogan.

Parang may nalasahan akong katas ng pandakaki.

Napakatalas talaga ng pandama mo.

Sayang lang, nabubuhay ka na parang patapon.

Subukan mo kayang nguyain ang mala-tanglad na halaman sa kaliwa mo?

Magdamag kang makakakita ng naggagandahang babae sa isipan mo.

Sobra-sobra 'tong dinala n'yo sa 'kin. Magkano lang binigay ko sa inyo.

E, kung bilang isang dagdag na kapalit,

bakit di mo na lang kaya ibigay sa 'min 'yong kabal na nasa estante?

-Kuya, wag. -Shh!

Paulit-ulit na lang tayo?

-Sa 'kin nga 'yan, e. -Di mo naman ginagamit.

Di ko nga kailangan.

Kaya nga akin na lang, e.

Hindi porke't hindi ko kailangan, e, gusto ko nang ipamigay.

Mabebenta ko nang mahal 'yan sa duwendeng itim.

-Balatuhan kita. -Sige na.

Alis ka na. Magpapahinga na 'ko dito.

E, kung ipagdala kaya kita ng gayuma tapos…

Tama na nga!

Ang sabi ko, alis na kayo!

-Napakalupit mo naman! -Alis na kayo!

-Tingnan mo ginawa mo sa mga kapatid ko! -Alis ka na nga!

-Ginaganyan mo kami ng mga kapatid ko! -Alis! Alis na!

Alis! Kunin n'yo ang pera n'yo! Lumayas na kayo dito!

[Pedro] Lintik na mga duwende! Kabago-bago ng bombilya ko.

[nagsasagutan sina Pedro at Dumdom]

-[Pedro] Alis! Umalis na kayong tatlo! -[Dumdom] Oo, aalis na kami!

-[lalaki 1 sa kalesa] Dito ba nakatira? -[lalaki 2] Oo. Dito daw.

Alis!

[tumutugtog ang musika ng panganib]

Masyado kang suwerte sa beto-beto.

Kung hindi 'yon pandaraya, siguro may kakaiba kang kakayahan.

Sigurado.

Anong klaseng pagbibintang 'to?

Ano ako,

may sa demonyo?

Ah, wala 'to. Pumutok lang 'yong bombilya ko

kaya nagkakandila ako. Wala naman 'tong kinalaman sa kahit anong

demonyo, magic, o kahit anong mga powers.

Ang totoo,

naubos na ang savings ko sa pagkapanalo n'yo nang dire-deretso.

Di ako makakain kasi kailangan ko ng pera para may ipakain sa mga anak ko.

-Di ba, Bruno? -Oo, e.

Kaya please, ibalik mo na.

Wag tayong maglokohan dito.

Alam ko naman galing kayo sa mayamang pamilya

at ginagamit n'yo lang ang color game

para pagkakitaan ang pangkaraniwang tao sa perya.

[suminghap si Pedro sa sakit]

[tindero 2] Sige, bugbugin na 'yan para matutong rumespeto.

[Bruno] Matigas ka, ha?

[tindero 2] Mas gusto mo pang nasasaktan…

Kaysa sumuko.

[nagtatawanan ang mga tagaperya]

Pag di mo binalik ang pera ko,

dudurugin namin 'yang mukha mo.

[tindero 2] O? Lalaban ka pa?

Sa 'yo ba 'to?

Akin 'yan, ah!

[bumubulong ng dasal]

[Bruno] Oy, ano'ng ginagawa mo?

[bumubulong ng dasal]

[umuungol si Bruno sa sakit]

[Bruno] Tara na!

-[Pedro] Ano? -Demonyo ka!

-[Pedro] Gusto n'yo pa? -[Bruno] Demonyo ka!

Gusto n'yo pa, ha?

Lumayas na kayo dito.

Lumayas ka na dito.

Aling Marian, kakabayad ko lang po ng renta.

Kung ano-anong kababalaghan daw ang pinaggagagawa mo sa unit mo, e.

Pedro, kung ikaw wala kang takot sa Diyos,

ibahin mo ako.

Grabe ka naman makahusga, Aling Marian. Ano ba?

Walong linggo.

[Pedro] Pesteng buhay naman 'to.

-P're, una na kami sa loob. -Sige. Sunod lang ako.

[naiinis na buntong-hininga]

Buwisit na larong 'to.

[babae] Hello, Pedro.

Magandang umaga.

Sino ka?

Teka.

Nasa perya ka rin, di ba?

Pero hindi ka tumaya.

Mapagmasid ka.

Matalas din ang memorya.

Ano'ng meron?

Sinusundan mo ba 'ko?

Alam kong isa kang May-galing

Ha?

Sino ka ba?

Parehas tayong May-galing.

Alam kong litawin ka,

nakakakita ng mga anito't lamanlupa.

May alam ka rin sa panggagaway

kaya ibig sabihin,

may kakayahan ka rin sa pananambal.

Wala akong alam sa mga sinasabi mo.

Paano kung sabihin ko sa 'yong may isang underground na kumpanya

na nagbibigay-pahintulot sa mga taong tulad natin

na maghanapbuhay?

Hatinggabi.

Hatinggabi?

Tanging mga taong may-galing lang ang nakakabasa ng nakasulat d'yan.

Wag mo nang ikaila.

Kung interesado ka, i-scan mo ang QR code na nasa likod ng card na 'yan.

Malalaman mo ang address ng Hatinggabi.

QR?

Teka!

Ah… Sira ang camera ng phone ko, e.

Phone?

Gamitin mo lang ang galing mo.

[tumutugtog ang mapaglaro at palaisipang musika]

Sa wakas, dumating din.

O, 'asa'n 'yong service water?

Automatic na sana 'yon pag may customer kayo.

Pasensiya na ho. Saglit lang.

-[lalaki] Waiter! -Teka lang, sir.

Kaya kayo, ayusin n'yo ang pag-aaral n'yo, ha?

Kung ayaw n'yong matulad lang sa waiter na 'yon.

[tumutugtog ang "Tersera" ng Mayonnaise]

♪ Wag sa 'king makinig ♪

♪ Itikom ang 'yong bibig ♪

♪ Di bale na lang, di bale na lang, di bale na lang ♪

♪ Wag sa 'king makinig ♪

♪ Itikom ang 'yong bibig ♪

♪ Di bale na lang, di bale na lang ♪

♪ Di bale na lang ♪

[umiiyak sa sakit]

[umiiyak ang babae]

[nakakakilabot na tunog]

Ayos ka na?

[babaeng nakahiga] Nawala na po 'yong sakit.

Maraming salamat po, Apo Tisot.

Kayo lang ang nakapagpabuti ng pakiramdam nitong anak ko.

Walang anuman.

-[Apo Tisot] Sino po ang susunod? -[lalaki sa labas] Kami po, Apo.

Gusto kong mag-aral sa siyudad, 'Tang.

Di natin kaya ang gastos.

Siguro,

kung sinisingil mo nang tama 'yong mga pasyente mo,

di tayo mamumuhay nang busabos sa barong-barong na 'to.

Sa atin sila lumalapit dahil hindi nila kayang bayaran ang mga doktor.

-Pero, 'Tang… -Tadhana natin 'to, Pedro!

Ipinagkaloob sa 'tin ni Bathala ang galing na meron tayo

kaya kailangan nating gampanan ang tungkulin natin sa lipunan.

Sa 'yong tadhana 'to,

di sa 'kin.

[tumutugtog ang madramang musika]

[tumutugtog ang palaisipang musika]

[mahinang sigaw]

[nag-uusap ang mga tao sa paligid]

[lalaking tindero] O, bili na kayo. Kuwan ni kuwan!

Nahanap mo.

Pasado ka sa test.

Ito ang Hatinggabi? Ang normal, ha.

[natatawa] Bakit? Ano ba'ng in-expect mo, palasyo?

Wag mong husgahan sa panlabas na anyo.

Ikaw? Ano ka ba dito?

Recruiter.

Ah…

Hi, Miss Wendy. Siya po ba si Pedro Penduke?

-[natatawa] Penduko. -Ah, sorry po.

[tumutugtog ang masigla at mabilis na musika]

Parang pugad 'to ng ilegal na serbisyo, ah.

'Yan ang mga bookers natin.

Sila ang nag-a-assess sa mga inquiries,

inaalam kung supernatural ang dinudulog na kaso ng mga kliyente.

Sila na rin ang nagne-negotiate ng presyo.

-May galing din sila? -Oo.

Pero ang expertise nila ay pagtatawas.

Confirmed ang case n'yo, ma'am. Paki-settle nalang po ang downpayment

then, idi-dispatch agad sa location n'yo ang agents namin. Thank you.

Sir Fred. Code green. Case EP-295.

[sa English] Tinatawagan ang Team Uwang. Code green. Case EP-295.

Inuulit ko, Team Uwang. Code green. Case EP-295.

-Ito 'yong nabarang sa Ortigas, 'no? -Mismo.

Sana walang ipis.

Si Jude at Ivy, a.k.a Team Uwang.

Bukod sa mag-buddy, mag-jowa din.

Ate Wends!

O, bagong recruit?

Yes, si Pedro.

Sheesh! May bago na naman akong kaagaw sa raket.

-Hoy, ano ba? -Joke lang.

Welcome, brother.

Si Jude at Ivy

ang highest-earning agents natin sa Hatinggabi.

May hinuhulugan kasi kaming mga sports car kaya kailangan todo raket.

Anyway, nice meeting you.

Sana alam mo ang pinasok mo. Tara na.

Astig.

Lahat ng bagong recruit, dumadaan muna sa training.

Pag pumasa at gumraduate, at saka bibigyan ng posisyon.

-Klase ba 'to? -[guro 1] Ngayon naman…

Anong subject?

Pag-aanito.

Marami na ring kaso kung saan

namamatay na lang basta-basta ang tao habang natutulog.

Minsan, hindi maipaliwanag ng mga doktor ang sanhi.

Pero kung isa kang Litawin,

malamang, makikita mo ang Bangungot na nakaupo sa dibdib ng taong tulog.

Ganito ang hitsura ng Bangungot.

Sa mga Ilokano, "Batibat."

Ang madalas nilang target ay mga taong pumuputol ng punong tirahan nila.

May anito po sa likod n'yo! 'Yon!

Salamat sa pag-aalala, iho.

Siya ang abyan ko.

Spirit guide.

Pasensiya na po, Dayang Esther.

Bagong recruit?

Opo.

Nakita niya ang abyan ko.

Wala pa sa mga estudyante sa batch na ito

ang nakakakita sa kanya.

Aantayin ko ang pagpasok mo sa klase ko.

[guro 2] Ang kabal ay nalilikha,

ngunit, subalit, datapwa't…

wala itong bisa 'pagkat patay pa ito.

Upang magkabisa,

kailangan ng isang rituwal.

Kung hindi mo alam ang tamang rituwal,

maaari mo 'tong dalhin sa isang makapangyarihang May-galing.

Gagawin niyang buhay at mabisa ang agimat.

[guro 2] Mukhang may bago kayong kaklase.

Magandang gabi, Gat Nimuel.

Si Pedro po pala.

[Gat Nimuel] Magandang gabi, Pedro.

Sa aking klase,

pinag-aaralan ang tungkol sa mga agimat,

anting-anting, tawa, tagibulag,

at kung ano-ano pang mahihiwagang abubot.

Kagaya niyang kabal na nasa bag mo.

Ho?

Pambihira.

Umaalingasaw ang diwa ng kabal na ito.

Saan mo ito nakuha?

At bakit hindi mo ito suot?

Nabili ko lang ho sa palengke. Pasensiya na ho.

Nakakaistorbo po 'ko dito. Pasensiya na ho.

Ang kulam ay paggamit ng diwa o life force

para manipulahin ang katawan o kaluluwa ng isang tao.

Gusto kong malaman ninyo na hindi ito likas na masama.

[guro 3] May dalawang klase ng kulam.

Ang panggagaway at ang pananambal.

Kapag ginamit mo ang kulam para makapanakit ng iba,

ang tawag dito'y panggagaway.

Ngunit kapag ginamit mo ang kulam

para magpagaling ng isang pasyente,

ang tawag dito'y pananambal.

At 'yan ang pag-aaralan natin sa klaseng ito.

Madaling makapanakit ng ibang tao.

Ang magpagaling

ang mas, at higit na mapanghamon.

Saki.

Puwede n'yo po bang i-discuss ang paghuhuklob?

Ang paghuhuklob…

Bibihira ang May-galing

na may kakayahan sa paghuhuklob.

Ang tawag sa kanila ay

hukluban.

Isang bati…

isang hawak…

mula sa kanila

ay maaaring…

Hindi 'yan parte ng ating leksiyon.

Pananambal ang ating pag-uusapan.

Kailangan ko ng dalawang volunteer.

Isang manggagaway at isang gagaway.

Liway, ikaw ang manggagaway.

Bernie, ikaw ang gagawayin.

At ako naman ang magiging mananambal.

Pahiram ng iyong panyo.

-Banayad lang, ha. -Opo.

[malagim na tunog]

'Ayan.

Nakikita n'yo.

Ginagaway ngayon ni Liway si Bernie.

Ang misyon ng mananambal

ay pagalingin ang pasyente.

Kailangan ko ngayong komprontahin

at kalabanin

ang kaluluwa ni Liway

na sa kasalukuyan

ay naghahasik ng lagim

sa loob ng katawan ni Bernie.

Iba't ibang paraan ang puwedeng gamitin

para madaling makapasok sa katawan ng pasyente.

Puwedeng halaman, puwede tubig.

Para sa 'kin,

espesyal na lana.

[hirap na paghinga ni Liway]

[pagdaing ni Bernie]

Tapos.

Magaling na ang pasyente.

Kumusta ang 'yong pakiramdam, iho?

Parang nabunutan po ng tinik.

Liway…

Dahan-dahan.

Maaari mo bang isalaysay sa klase kung ano'ng iyong naranasan?

Bale, natagpuan ko ang sarili ko sa…

ibang daigdig.

[Liway] Ibang dimensiyon.

Ang kakaibang daigdig na binabanggit ni Liway

ay manipestasyon ng kaluluwa ni Bernie.

Tapos?

Biglang lumitaw si Dayang Aurora doon,

tapos, nagtuos kami.

Naglaban nang pisikal na parang may halong

magic.

Parang panaginip lang talaga.

Si Dayang Aurora, nakakalundag nang mataas.

Ako naman, biglang may sandata.

[Liway] Ayun,

natalo ako sa pagtutuos.

Pagtutuos…

Kung ang kakaibang daigdig na binanggit ni Liway kanina

ay manipestasyon ng kaluluwa ni Bernie,

ang pagtutuos naman namin ni Liway ay manipestasyon ng pagsasalpukan

ng isang mananambal at manggagaway.

Ako po, susubukan ko po.

Bakit?

Meron ka bang karanasan sa pananambal?

Ah…

Wala pa po, pero…

nakapanood na po 'ko ng albularyo.

[mahinang tawa ni Aurora]

Paano mo naman masasabi

na magiging mahusay ka sa ganito?

[Pedro] Ah, ma'am,

mahusay po 'kong makipaglaban.

Hindi porke't mahusay kang makipaglaban sa pisikal na mundo,

ang ibig sabihin nito ay mahusay ka ring makipaglaban

sa dimensiyon ng mga kaluluwa.

Sige na po. Subukan ko lang po.

Liway,

gawayin mo 'ko.

[pumapalahaw sa sakit si Aurora]

Ano pa'ng hinihintay mo?

Ha?

[patuloy na pagdaing sa sakit]

[bumubulong ng dasal]

Bilisan mo.

Pedro!

[kalansing ng sandata]

Liway?

-[sigaw ni Liway] -[pag-igik ni Pedro]

Halatang wala ka pang karanasan sa pananambal.

[sigaw ni Pedro]

Alam mo ba

kung bakit ka natalo, ha?

Kasi baliko ang layunin mo.

Imbes na pagalingin mo ang pasyente,

mas higit ang hangarin mo

na manalo sa pagtutuos.

Pa'no ka manggagamot

kung wala sa puso mo ang pagkalinga sa kapwa, ha?

Alam mo ba na 'yon ang pangunahing sandata

ng isang mananambal?

Isang buwan na lang bago ang culmination ng batch na 'to ng trainees,

kaya kung gusto mong makapasa, kailangan mong humabol sa lessons.

Okay ka lang?

Anong klaseng tanong 'yan?

Ayos na ayos nga!

Astig!

Corny man pakinggan,

pero dito ako belong.

Sa wakas,

may saysay na ang pagiging May-galing ko.

[lalaki sa harapan] Pagkakitaan natin kung gano'n.

[Wendy] Ah… Gat Blanco, magandang gabi po.

Tapos na ang mga araw na ang mga May-galing,

nabubulok lang sa nayon.

Oo.

Gusto nating tumulong sa lipunan.

Pero hindi naman puwedeng

hindi tayo makinabang

dahil meron tayong mga materyal na pangangailangan, tama?

Si Gat Blanco, ang nagtatag ng Hatinggabi.

Ako po si Pedro, sir.

Nagsasanay ka ba nang maayos?

Bukas pa po siya magsisimula.

Galingan mo kung gano'n.

Ang mga Hatinggabi agents,

mabilis umasenso 'yan at yumaman…

kung mahusay sila't masipag.

[tumutugtog ang determinadong musika]

[tunog ng pagbuwelo]

[tunog ng kulog]

Pagalingin ang pasyente,

sa halip na talunin ang manggagaway.

[Pedro] 'Yon nga ginawa ko.

May apat na grupo ng mga aghoy

o kung tawagin ngayon, duwende.

Ano-ano ang mga ito?

Yes?

Puti, itim, pula, berde.

Ang itim at puti, magkaaway.

At ang berde, mahiilig maglaro at masayahin.

At ang mga pula?

Mahilig mangalakal at mangolekta ng kayamanan.

Lagi ka na lang talo.

Ba't di ka na lang kaya mag-booker?

O kaya recruiter?

Para di mo na kailangang makipagtuos.

Di ba, Pedro?

Pagalingin ang pasyente ang layunin…

hindi tagumpay sa labanan.

Oops, checkmate.

Congrats.

Pero wag kampante.

Nakakamangha, di ba?

Ngunit, subalit, datapwa't,

hanggang limang minuto lang ang bisa ng anting-anting na ito.

Para patagalin ang bisa, kanino puwedeng ipabasbas?

-Sa diwatang tubig. -Puwede.

Ngayon na!

[pumapalahaw sa sakit si Liway]

Saki!

'Yon ba 'yong kulelat na mananambal?

[tumutugtog ang musika ng labanan]

[malakas na sigaw ni Saki]

May ipapakita ako sa 'yo.

[tawa ni Saki]

[tumutugtog ang malagim na musika]

Pulang kandila!

[malakas na hiyaw ni Liway]

[pagtigil ng musika]

Mahusay, Pedro.

Napagaling mo si Liway.

[palakpakan ng mga kaklase]

At ikaw, Saki,

hindi mo ba naintindihan ang ibig sabihin ng banayad?

Sumunod ka sa opisina ko. Dali!

Solid ng laban, p're.

Nanalo ka lang dahil hindi tayo pinahintulutang

manggaway dito nang todo-todo.

Nililimitahan ng lugar na 'to ang potensiyal natin.

Galing-galing.

Siyempre naman. Ikaw ang pasyente, e.

Ano?

Ano'ng kinalaman n'on?

[nauutal]

-[ilang na tawa] Wala. -[tawa ni Bernie]

[masayang sigaw] Nakagawa ako nang tama. Ang sarap manambal. Apir.

-Apir. -[Bernie] Tama.

[lalaki] Nice, 'tol.

-Dalawampu't apat kayong trainees. -[musika ng pagtatapos]

[Gat Blanco] Tatlo ang gustong maging booker.

Ang lima, recruiter.

At 'yong anim ay researchers.

Sana, meron na tayong sampung agents sa Hatinggabi.

Sa sinamang palad,

ang isa sa inyo…

hindi nakapasa.

Sino kaya?

-Saki. -[Gat Blanco] Dayang Aurora…

At ngayon naman, iaanunsiyo natin ang pangalan ng mga bagong team ng agents

at kung sino ang magiging buddies nila sa bawat team.

Simulan natin sa Team Bubuli.

Gretchen Diaz, Liza Quintana.

[patili] Yey!

[kaklase] Congrats!

Team Alitaptap.

Walter Ang.

-Resty Sigun. -Nice.

Ang susunod, Team Kuwago.

Jaime Vidal, Odette Calilung.

Siyempre, last but not the least,

Team Buot.

Liway Basa, Pedro Penduko.

Team ano daw?

Buot, wild rat.

-[Dayang Aurora] …bagong team… -Pambihirang pangalan naman 'yan!

Buot?

-At least mag-buddy tayo. Tara. -[Dayang Aurora] …Team Kuwago

at Team Buot.

Mag-buddy tayo. Yes!

Bernie Cabuhat,

ikaw ang nakatanggap ng pinakamababang grado sa batch na ito.

Sa halip na ibagsak ka namin,

aming napagdesisyunan na gawin kang isang…

reserve agent.

Ang ibig sabihin ng reserve agent, pag merong agent na hindi available,

ikaw ang hahalili.

Sa ngalan ng aming pinuno na si Gat Blanco,

at sa mga kapwa ko mga guro dito sa Hatinggabi,

pagbati sa inyong lahat.

Sana'y mahanap ninyo ang inyong papel sa mundong ito

sa pamamagitan ng Hatinggabi.

[tumutugtog ang "Lunatiko" ng Jom & Crakky]

Congrats sa 'tin!

Wala nga 'kong team at buddy, e.

Di ibig sabihin, wala kang puwedeng kaibigan dito.

Oo nga.

-Sige, halika na. Tara na, dito tayo. -Tara na.

Case IS-103.

Isang binata sa Quezon City, tila nakakaramdam ng matinding init

at alinsangan sa katawan.

Confirmed na ng booker natin na kinukulam siya.

Woo! Buena mano.

Sir Fred. Code green. Case IS-103.

Tinatawagan ang Team Buot. Code green. Case IS-103.

Inuulit ko, Team Buot. Code green. Case IS-103.

[tumutugtog ang musika ng labanan]

Dahan-dahan lang, anak.

Anak…

Ma'am, nandito na po sila.

Ano naman ang magagawa ng mga 'yan?

Ilang doktor na ang pinuntahan natin, hon.

Iwan n'yo muna kami.

Sino sa 'tin ang mananambal?

Di ba tayong dalawa?

Kaya nga buddy system, di ba?

Kasi 'yong isa,

babantayan at aalalayan kung sinuman ang papasok sa katawan ng pasyente.

[Liway] Ano, ako na?

Bato, bato, pik.

Bato, bato, pik!

Kailangan ko ng malinis na tubig.

Akala ko ba, alalay ang isa?

Thank you.

[tawa ng manggagaway]

[Pedro] Hoy, tukmol!

Wag kang makikialam, mananambal!

Trabaho ko ang makialam.

Bakit mo kinakampihan ang batang 'yon, ha?

Alam mo bang sinunog ng batang 'yon

ang punong tinitirahan ng aking mga alagad?

Ang dapat sa kanya, parusahan!

Abo…

sa tiyan.

-Ayos na? -Anak?

-Anak! Okay ka na? -Opo.

[nanay] Kumusta ang nararamdaman mo?

-Okay na po. -Salamat sa Diyos.

[masayang hiyawan]

Congratulations, brother!

[Pedro] Isa pa!

Congrats sa bago mong bahay, Pedro.

-Ang ganda! -Oo naman! Katas sa pagiging agent!

Pero grabe ang Team Buot, 'no? Doseng kaso sa loob ng isang buwan.

-[tawa ni Pedro] -Iba!

Pero, guys, siyempre…

di mangyayari 'to

kung di dahil sa nagpasok sa 'kin dito sa Hatinggabi.

Si… Miss…

Wendy!

-Yeah. -Siyempre!

hindi ako aasenso dito

kung di dahil sa napakatalino,

napaka-sexy kong buddy sa Team Buot, si…

Liway.

[malakas na hiyawan]

Wait!

May sasabihin ako.

Parang bagay si Pedro at Liway.

[nanunudyong asaran]

[hiyawan ng mga bisita]

[tumutugtog ang dance pop na musika sa malayo]

Nagsosolo ka, ah.

Cheers.

Masaya ka?

[mahinang tawa ni Pedro]

Sobra.

Hindi na 'ko latak sa mundong ito.

Grabe naman 'yong latak.

Oo.

Pakiramdam ko,

puwede ko nang gawin lahat ng mga pinapangarap ko lang dati.

Gaya ng?

Makikipag-date.

Yayayain mo 'ko?

Bukas ng gabi.

Kailangang gusto mo muna 'yong tao bago mo yayaing makipag-date.

Pero at least, interesado.

Ako, gusto kita.

E, ikaw?

I guess, malalaman ko bukas pagkatapos ng date kung gusto kita o hindi.

Pero sa ngayon…

interesado 'ko.

[malakas na tunog ng puwersa]

[babae] Kumusta, Saki?

Siya pa rin ang nakatuos mo?

[Saki] Tama po kayo.

Pinoprotektahan siya ng isang makapangyarihang mananambal.

Pero nakatago ang kanyang mukha.

Kailangan mo pang magsanay.

[Saki] Kakayanin ko po.

Hayaan n'yo lang akong kumitil ng isang buhay.

Kahit isa lang. Para lumakas ang aking galing.

Alam mo ba ang kapalit ng pagkitil ng buhay sa pamamagitan ng kulam?

Isang kahindik-hindik na sumpa.

Hinding-hindi mo aasamin na dalhin ang sumpa na 'yon habambuhay.

[tumutugtog ang musika ng labanan]

[Pedro] Di pa ba kayo natuto ng leksiyon?

Akala mo gano'n-gano'n na lang?

[Bruno, natatawa] Kuryente lang pala ang katapat mo, e.

Kita mo 'to?

Binili pa namin 'to sa isang albularyo sa Tarlac.

Subukan mo kami ngayong kulamin kung uubra!

Ayaw mo pa kasing ibalik ang pera ko, e.

[Pedro] Akin na 'yan. Akin 'yan.

Yayamanin!

Tarantado ka, pinaghirapan ko 'yan!

Ibalik n'yo 'yan!

Ulol!

[tawanan]

[Bruno] Wala pala siya, e!

[malagim na tunog]

Boss!

Boss! Huy, boss!

[Liway] Pedro!

Ano'ng ginagawa mo?

Gumaganti!

Baka matuluyan mo siya!

Wala 'kong pakialam!

Akin na 'yan!

Bitawan mo!

Matutuluyan mo siya!

Akin na 'yan!

[malagim na tunog]

Liway…

[humahangos] Demonyo ka!

Demonyo… Demonyo ka!

Demonyo ka!

[Gat Blanco] Alam mo bang ang samba-samba ay magagamit para makita ang nakaraan?

'Yong huling 17 oras

to be exact.

Kailangan lang lagyan

ng espesyal na sangkap.

[tumutugtog ang nakakakabang musika]

[pagtatapos ng musika]

Totoo nga.

Muntik ka ngang makakitil ng isang buhay.

Hindi 'yan ang katangian ng

isang Hatinggabi agent.

Kahit naman no'ng estudyante ka,

halatang mas kumikiling ka sa karahasan.

Hindi likas sa 'yo ang pagkalinga.

Marami din akong napagaling, ah!

Kung makahusga naman kayo, parang wala 'kong ginawang tama!

Ganito na lang.

Sagutin mo 'yong tanong ko.

Sa kaibuturan ng puso mo,

pinagsisisihan mo ba ang ginawa mo?

Hindi.

[tumutugtog ang "7777-2-3" ni Because]

♪ Sa'n ako dadalhin ♪

♪ Ng aking katawan? ♪

♪ Di na mahahatid ♪

♪ Sa 'king pinagmulan ♪

♪ Gusto nang mamanhid ♪

♪ 'La nang maramdaman ♪

♪ Mata sa salamin ♪

♪ Utak sa kawalan ♪

♪ Lumilipad na naman ang isip ko Masyado nang mainit at titirik ♪

♪ Agos ay hindi na tumitigil, oh ♪

-♪ Nalulunod kahit di sumisid ♪ -[umuungol, umaatungal]

[pigil na paghiyaw]

Ayokong bumalik sa paghuhugas ng pinggan!

Kung bumalik ako do'n, hindi sapat ang sahod ko!

Paano ko babayaran ang buwisit na bahay na ito?

[babaeng nakaputi] Sa Takipsilim…

Pa'no… Sino ka?

Bukod sa mas mahusay ka sa panggagaway,

malakas ang pag-aasam mo sa hustisya.

Ganyang mga May-galing ang nararapat sa Takipsilim.

Gaya ni Saki.

[pagtawa ni Saki]

Akala n'yo siguro, hindi ako pumasa sa Hatinggabi, 'no?

Sa Takipsilim ako dinala, Pedro…

para maging vigilante.

Vigilante?

Tagaparusa ng masasamang tao sa lipunan sa pamamagitan ng kulam.

[Saki] Kikita ka pa!

Mas malaki ang makukuha mo kaysa sa nakukuha ng Hatinggabi agent.

Sabi mo, dinala ka sa Takipsilim

imbes sa Hatinggabi?

Nino?

Si Gat Blanco.

[gulat na sigaw]

Siya mismo ang nagpapasya kung sino

sa taga-Hatinggabi ang nababagay sa Takipsilim.

Ayon na rin 'yon sa rekomendasyon ni Dayang Aurora.

Hala.

Ang ibig sabihin, may koneksiyon

ang Hatinggabi at Takipsilim?

Parehong pag-aari ni Gat Blanco.

Astig!

[tumutugtog ang rock music]

Pedro Penduko.

Nagkita tayong muli.

Handa ka na bang gamitin ang galing mo

para pabagsakin ang mga tarantado sa lipunan?

May pa-uniform ba kayo sa mga vigilante?

[babaeng nakaputi] Gaston Sacramento, alyas Ka Gaston.

Village leader ng Sitio Calamundin.

Nagtatag ng kulto.

Binrain wash ang mga residente sa pamamgitan ng indoctrination

na siya ang sugo ng Diyos.

Matatag, pinagpala, kaya hindi tinatablan ng kahit na ano.

Ang mga residente ay nagnanais na umalis para makapaghanap ng magandang buhay.

Pero mariin na pinipigilan ni Ka Gaston at ng kanyang mga masugid na tagasunod.

Hina-harass,

ini-intimidate,

at ang malala sa lahat

ay ginagamitan ng dahas.

Tarantado pala talaga 'yon.

Sabado, ala-una ng hapon ay magdadaos ng induction ceremony

ang mga bagong miyembro.

Ang misyon ninyo

ay ipakita sa mga dadalo, lalong-lalo na sa mga bagong miyembro,

na mahina at sakitin si Ka Gaston.

Sirain ang imaheng itinanim niya

sa isipan ng kanyang mga tagasunod.

Ano'ng game plan?

Buhok ni Ka Gaston.

Ikaw, Pedro, ang manggagaway sa kanya.

Ako?

Naipamalas mo no'ng isang gabi

na kayang talunin ng diwa mo ang mga pangontra.

Sa tingin ko, kaya mong lusutan ang anting-anting ni Ka Gaston.

FYI lang,

may malakas na mananambal na dumedepensa kay Ka Gaston tuwing ginagaway siya.

Ihanda mo ang iyong sarili sa pagtutuos na ito.

-Panis sa 'kin 'yan. -[pagtawa ni Saki]

Tingnan natin kung ganyan ka pa rin kayabang kapag nakalaban mo na siya.

Trauma ka na, Saki?

Gano'n ba siya kalakas?

Mas magaling ka sa 'kin, di ba?

Good luck.

[babae] Para sa inyo.

What the fudge?

[babae] Ang hawak ninyo ay pagmamay-ari

ng iba't ibang residente ng Sitio Calamundin.

Ang misyon ninyo, QJ, Wayne, at Saki

ay maghasik ng gulo sa mga dadalo habang ginagaway ni Pedro si Ka Gaston.

Paano n'yo nakuha ang mga 'yan?

Nangontrata ng pulang duwende, duh!

[babae] Speaking of duwende, ay meron tayong espiyang duwende on-site.

Siya ang magsasabi sa 'tin real-time kung ano'ng nangyayari doon.

Nagsisimula na.

[Dumdom] Nandito na rin 'yong mga panauhin.

Puwede n'yo nang simulan ang panggagaway sa kanya.

Pedro…

Mga kapanalig,

[Ka Gaston] maraming salamat sa inyong pagdalo sa ating pagtitipon

na tunay namang napakahalaga sapagkat nakapag-imbita tayo

ng mga karagdagang tao na maaaring makatulong sa ating ipinaglalaban.

Walang nangyayari.

-[Dumdom] Ginagaway n'yo na ba? -Wala.

[bumubulong ng dasal]

[malagim na tunog]

[humihiyaw sa sakit]

Gumagana na.

Sige pa!

'Ayan na naman siya!

[Ka Gaston] Tulong!

[sabay-sabay na nagsasalita ang mga tao]

[impit na tunog ng pag-ihip]

Apo Tisot, mukhang ginagaway na naman po si Ka Gaston.

Nakalimutan na naman ba niyang isuot ang kabal niya?

Ipinasuot ko po kanina, e.

Ilabas mo siya rito.

[Dumdom] Kasalukuyan siyang dinadala sa labas para gamutin.

Humanda ka, Pedro. Dadalhin na siya sa mananambal.

Sige lang!

[Apo Tisot] Ihiga n'yo't hawakan.

-[pagdaing ni Ka Gaston] -[Serafin] Dahan-dahan lang.

[namimilipit sa sakit] Aray!

Serafin, mukha.

Pedro!

[babae] Pedro!

Wala pang isang minuto, olats na kaagad?

Hindi pa tayo tapos!

Hindi pa!

'Tang…

[nauutal] Ano'ng ginaga…

Bakit mo ginagaway ang taong ito?

Ikaw, 'Tay, e…

Bakit mo ba pinoprotektahan ang hudas na 'to?

Anong hudas?

Ipinagtatanggol ni Ka Gaston ang mga ka-sitio niya

laban sa korporasyon

na kumakamkam sa lupa nila!

Ha?

'Tang, ang sabi nila sa 'kin,

-pinuno siya ng kulto. -At naniwala ka naman?

Di mo man lang siniyasat kung totoo.

Inorganisa ng mga taga-Sitio Calamundin

ang pagpupulong na ito sa pangunguna ni Ka Gaston

upang idulong sa mga mamamahayag

ang pang-aaping nararanasan nila.

Sa tagal nilang nakikipaglaban,

ngayon lamang sila binigyang-pansin ng mga taga-media.

At napurnada ang lahat ng ito nang dahil sa 'yo!

'Yan ba ang tadhanang ipinagmamalaki mo, Pedro?

Gatungan ang paghihirap ng mga api?

Pedro?

Nanalo ka ba?

[tunog ng kulog]

Walang kulto!

Hindi lider ng kulto si Ka Gaston!

Ipinagtatanggol lang niya 'yong mga taga-Sitio Calamundin.

Alam namin.

Hmm!

Nilinlang ninyo ako?

Akala kasi namin, uubra ka sa mananambal na 'yon.

E, hindi!

Ano'ng balak n'yong gawin ngayon?

Makapagtatag ng isang

eksklusibong lugar

kung nasa'n ang mga pantas na manggagaway.

Tulad n'yo ni Saki, puwede kayong manirahan, magpayaman,

gamit ang inyong kapangyarihan.

Napakagandang plano, hindi ba?

Pero hindi mangyayari 'yon

kung magpapatuloy na magmamatigas ang mga taga-Sitio Calamundin

na pinamumunuan ni Ka Gaston.

Sinubukan naming bayaran,

alukan ng malilipatan sa siyudad.

Pero ayaw talaga nila.

Kaya dinadaan ninyo ngayon sa intimidasyon!

Kaysa naman pumatay.

Ayaw nating umabot do'n.

Ang bait n'yo, ah!

Ang bait n'yo talaga!

Pero bakit Sitio Calamundin pa?

Ba't hindi na lang kayo maghanap ng bakanteng lupa

na wala nang kailangang paalisin?

[Gat Blanco] Panahon pa lamang ng mga ninuno natin,

espesyal na ang lupang kinatatayuan ng Sitio Calamundin, hitik sa diwa.

Sinumang May-galing ang mamalagi do'n,

mararamdaman niya ang paglakas ng kanyang enerhiya.

Iyon ang dahilan ba't ang lakas ng mananambal na umaalalay kay Ka Gaston.

Kailangan nating do'n pumuwesto para magawa natin nang maayos

ang negosyo ng Takipsilim.

Anong negosyo?

Mahirap patunayan ang panggagaway sa modernong lipunan, Pedro.

Kung merong isang indibidwal o grupo

na merong matinding kagustuhan na…

pahinain,

saktan,

o pahirapan ang isang tao,

na walang bakas ng ebidensiya,

kakailanganin nila ang serbisyo

ng manggagaway.

Ang kaibahan ng plano ko,

malalaking kliyente ang pagsisilbihan natin.

International corporations,

armed governments,

kahit lokal, puwede.

Basta…

kaya nila 'yong presyo.

Maging foundation man 'yan o mga terorista,

basta tayo, magpapayaman.

Magpapayaman tayo.

Nando'n naman talaga ang tunay na kapangyarihan…

sa yaman.

Hindi ba?

Hindi 'yan ang sinabi mo sa 'king misyon ng Takipsilim.

Ang sabi mo sa 'kin,

paparusahan natin lahat ng mga tarantado sa lipunan.

Wag na tayong maglokohan, Pedro.

Sumali ka dito dahil gusto mong yumaman.

Kung di man yaman,

gusto mong patunayan kung ano ang kabuluhan mo sa mundong ito.

Kaya magpahinga ka,

magpalakas,

aatake ulit tayo bukas.

[pagtawa ni Gat Blanco]

[patuloy na pagtawa ni Gat Blanco]

[nag-uusap ang mga residente]

[Serafin] Paumanhin po. Wala po ngayon si Apo Tisot.

Pero wag po kayong mag-alala, nandito po ako para asikasuhin kayo.

Kaya mo ba? Di ba alalay ka lang ni Apo Tisot?

Gagawin ko po ang aking makakaya ayon na rin sa natutuhan ko kay Apo Tisot.

[Pedro] Tutulungan ko siya.

Titiyakin ko, magagamot kayo.

Sino'ng mauuna?

Bakit, sino ka ba?

Pedro Penduko.

Anak ni Apo Tisot.

HATINGGABI

[Pedro] Ikaw na ba ang bagong anak ng tatay ko?

Ah… Bale, parang apprentice niya 'ko.

Pero ulila na 'ko, kaya parang tatay ko na rin siya.

[Pedro] Pinalitan na niya 'ko bilang anak.

Itong kuwarto ko, pinasa niya sa 'yo.

Sabi niya sa 'kin,

suklam na suklam ka daw sa ganitong buhay.

Suklam na suklam ka daw sa kanya.

Ba't gano'n, Kuya?

Dakila ang tatay mo.

Ang dami niyang taong natutulungan.

Sobrang matulungin niya, inampon niya 'ko at ginawa niya 'kong apprentice.

Para may magtuloy ng ginagawa niya kung sakali mang mamatay siya.

'Yon ba talaga ang gusto mong gawin? Ha?

Wala ka bang sariling pangarap?

Bata pa lang kasi talaga 'ko, inabandona na 'ko ng mga magulang ko.

Pero dahil dito sa daan na ibinigay sa 'kin ni Apo Tisot,

ramdam ko na may halaga 'ko sa mundo.

E… [bumuntong-hininga]

Ikaw ba, Kuya Pedro?

Ano'ng daang pinili mo pagkaalis mo dito?

[taga-sitio] Di kaya mas makakabuti kung tanggapin na lang natin ang pera?

[Ka Gaston] Pa'no tayo mamumuhay?

Nandito lahat ng sinasaka natin.

Lahat ng mga lupain na pinamana sa 'tin ng mga ninuno natin.

Di po ba may inaalok po silang relocation site?

Pero sa libis 'yon ng siyudad, napakalayo.

At pa'no tayo magpapatubo do'n ng mga gulay natin?

Magpatubo ng puno?

-Puro semento do'n. -Sa totoo lang, Ka Gaston,

natatakot na rin ho kami.

Sunod-sunod po 'yong kamalasan.

Oo, Ka Gaston. Kaninang umaga, sobrang hilo ko.

Pati asawa ako, biglang nagsuka ng kalahating litrong apdo.

Ako naman, nanakit ang kalamnan ko. Halos isang oras, hindi ako makatayo.

Ang dating, parang pati mga anito, sinesenyasan na tayong lumayas dito.

[Apo Tisot] Ginagaway kayo.

Hindi nila matinag si Ka Gaston,

kaya ang mga mamamayan ang inaasinta nila.

Hindi n'yo ba nakikita? 'Yon ang gusto nilang mangyari.

Ang matakot kayo hanggang bumigay.

Nasasabi n'yo lang 'yan,

palibhasa protektado kayo ni Apo Tisot. E, pa'no naman ho kami?

-Oo, tama. -Pa'no naman ho kami?

[sabay-sabay na nagsasalita ang mga residente]

Galing ba 'yan kay Apo Tisot, Kuya?

Oo.

Ba't di mo sinusuot?

Kaya kong protektahan ang sarili ko.

Sana ipinamigay mo na lang sa iba nang napakinabangan.

Apo!

[Apo Tisot] Magpunta ka sa Sitio Calamundin.

Gamutin mo lahat do'n na nakakaranas ng panggagaway.

Bakit po? Ano po'ng nangyari?

Hindi na lamang si Ka Gaston ang pinupuntirya nila,

pati na rin mga ordinaryong tao.

-Hala! -Kaya magbantay ka muna roon.

Gagawa ako ng mga kabal para lahat, protektado.

Sige po. Kunin ko lang po 'yong bag ko.

Pupunta 'ko sa kakahuyan,

mangangalap ng materyales pangggawa ng kabal.

Gusto kong tumulong.

[Apo Tisot] Buong akala ng lahat,

gusto lamang kamkamin ang Sitio Calamundin,

pero gusto pala nilang tayuan ng bagong subdibisyon.

Oo, 'Tang. Si Gat Blanco.

Palihim niyang gagawing international

na paupahan ng mga manggagaway ang buong sitio.

[Apo Tisot] Bakit sinasabi mo sa 'kin 'yan ngayon?

Kita mo naman, 'Tang.

Ayokong maging parte ng ginagawa niya.

Gaya ng sinabi ko,

-gusto kong tumulong, 'Tang. -Pero bakit nga?

Hindi naman ikakasagana ng buhay mo kung tutulong ka.

Hindi ba 'yan ang dahilan kung bakit ka naglayas?

'Tang, hindi naman ibig sabihin, okay lang manakit ng inosenteng tao,

lalo na 'yong mababait, 'Tang.

Hindi mo dapat ginagamit ang galing mo

para atakihin ang kahit na sinuman!

Kahit masasama sila, 'Tang?

Hindi 'yan tungkulin ng isang mananambal. Ang tungkulin natin…

ay magpagaling at magtanggol ng mga may karamdaman,

lalo na ang mga ginagaway.

Ano ka ba talaga, Pedro?

Mananambal o manggagaway?

Sino kayo?

Ano'ng kailangan n'yo sa 'kin?

[tumatawang nananakot]

Hindi pa tayo tapos, Pedro.

Ikaw na naman?

Ano ba'ng kailangan mo sa 'kin?

Kinuha mo na lahat ng pera ko, e.

Oo nga, boss.

Ba't ba natin siya inaano?

Kasi kinulam niya 'ko dati.

-Oo. -Pinahiya niya ako,

kaya magbabayad siya.

Oo nga.

Subukan mo kaming kulamin ngayon.

Tingnan natin kung uubra.

Ang dami nito, o. Ang dami, o!

[tawanang nang-aasar]

Hay.

Ang sabi kasi ni Tatang,

hindi ko dapat gagamitin ang galing ko para manakit ng ibang tao.

Kaya pisikal na lakas na lang ang gagamitin ko sa inyo.

[tumutugtog ang rock music]

Demonyo ka talaga! Demonyo ka!

Demonyo ka talaga!

Bukas, Bernie, ah? 'Yong ugat ng banaba.

Oo, may alam akong lugar, e. Naaalala mo 'yong sa…

Pedro.

Kailangan ko ng tulong n'yo.

[Liway] Ano?

Mahabang kuwento.

[Gat Blanco] Pasensiya.

Hindi nasunod ang time table.

Promise, makukuha rin natin ang Sitio Calamundin.

To be honest, Blanco, nawawalan na kami ng ganang mag-invest dito sa Takipsilim.

Ang dami na naming nakausap na mga potential clients

mula sa iba't ibang panig ng mundo.

Pero napapahiya kami kapag nagpa-follow up sila.

Malapit nang bumigay ang mga tao sa Sitio Calamundin.

Bigyan n'yo pa 'ko ng panahon.

Six weeks.

[galit na paghiyaw]

[babae] Sinabi ng pulang duwende na gagawan ng kabal

ang bawat residente ng Sitio Calamundin.

Hindi na natin sila magagaway.

Pumanig na rin si Pedro sa kanila.

Ano'ng mga susunod nating hakbang?

Kailangan nating ligpitin si Ka Gaston

at 'yong mananambal na nagpoprotekta sa kanya…

sa tradisyonal na paraan!

Kapag ginawa mo 'yan,

baka mas lalong tuunan ng mas maraming tao ang nangyari sa Sitio Calamundin.

Mga politiko, mga pulis, mga concerned citizen.

Mas lalo tayong mahihirapan na kunin ang lupain nila.

[sumisinghal sa inis]

Ano'ng nangyari?

Hindi kayo dapat pumasok dito nang basta-basta! Labas!

Alam n'yo ba

na ako ay…

isa ring May-galing,

pero walang kakayahang manambal,

manggaway?

Alam n'yo kung bakit?

Dahil galing ako sa isang angkang

tangi nilang gawin ay

ang panghuhuklob.

[nakagigimbal na tunog]

Isa kayong hukluban?

[Gat Blanco] Oo.

Isang huklubang

ubos na ang pasensiya.

Gat Blanco, wag…

-Huminahon kayo. -Ano ba'ng kapangyarihan ng hukluban?

Di ba sila 'yong kayang pumatay ng isang hawak o kumpas lang ng kamay?

Ipapakita ko sa inyo.

[Saki] Kumitil ka ng buhay.

Ang sumpa!

[babae] Ano'ng ginagawa mo, Gat Blanco?

Paano mong maaatim ang buhay

na uhaw sa pagkitil ng buhay?

[Saki] Gat Blanco…

Gat Blanco, wag!

'Tang, nandito po 'yong mga kaibigan ko para tumulong.

Magandang gabi po.

Ano'ng maipaglilingkod ninyo?

Kung sabay-sabay po tayong kikilos,

makakagawa tayo ng sapat na kabal para sa mga tao.

Bukas ng umaga lang, makakagawa po tayo ng mahigit 100.

-Maupo kayo. Tuturuan ko kayo. -Let's go, Team Buot.

[tumutugtog ang may pag-asang musika]

[sabay-sabay na nag-uusap at nagtatawanan]

[Ka Gaston] Napakagandang lalaki pala ng anak mo. Puwedeng artista.

-'Yon! -[tawanan]

[nag-aasaran]

[sabay-sabay na nag-uusap]

Siya ang nanggaway nang malala sa 'yo no'ng isang araw.

-Pasensiya na. Hindi ko kasi alam na… -Pero nagbago na siya.

Kaya wag kang mag-alala.

'Yon naman pala, e.

Di naman baleng magkamali,

-basta naman bumawi. Tara po, kain pa po. -Sige.

[Apo Tisot] Siya nga pala,

mas higit na magiging makapangyarihan laban sa panggagaway

ang mga kabal na ipinamigay natin sa mga tao.

Iniugnay ko ang bisa nila

sa sarili kong diwa.

Puwede pala 'yon?

Bale po,

bawat pagkakataon na may kinokontrang panggagaway

ang mga kaban na ipinamigay namin,

diwa n'yo ang nalilimas?

Hindi po ba 'yon ikakaubos ng lakas n'yo, Apo?

Kakain na lang ako ng maraming gulay

para hindi ako maubusan ng lakas at matigok.

-Oo nga naman. -[tawanan]

Hindi nakakatawa 'yon, ha!

[tumutugtog ang nagbabadyang musika]

Hukluban.

Sa'n po?

Serafin, protektahan n'yo si Ka Gaston.

Pedro, anak,

patawarin mo 'ko sa lahat ng mga naging pagkukulang ko sa 'yo.

'Tang!

'Tang!

'Tang!

'Tang!

[umiiyak, sumisigaw] 'Tang! Gising, 'Tang!

'Tang!

'Tang! 'Tang…

Ano'ng nangyayari sa kanya?

'Yan ang nangyayari kapag kumitil ng buhay ang May-galing.

Lumalakas ang kanyang kapangyarihan, pero nagiging lulong sa pagpatay.

[Pedro] 'Tang!

Pedro, kailangan nating magtago!

[humihingal sa tila paghihirap]

Ramdam na ramdam ko na ang lakas!

Parang kaya ko nang tupukin ang buong Sitio Calamundin!

[halakhak ni Gat Blanco]

Para sa'n ba 'to? Suot ko naman 'yong bagong kabal na gawa ni Tisot.

Nakalimutan n'yo na po ang sinabi ni Apo? Nakaugnay po ang bisa no'n sa buhay niya.

Ibig mong sabihin, wala na 'tong bisa?

Ka Gaston, kailangan ka naming ilikas.

Hindi ko puwedeng iwan ang nasasakupan ko.

Wala tayong magagawa.

Isa siyang hukluban.

Kung gayon, mamamatay akong pinoprotektahan ang mga tao ko.

Hindi ako tatakas!

Liway.

Bernie, itago mo si Ka Gaston.

-Ano ba! Sinabi nang… -At pa'no kung namatay kayo?

Sino na ang lalaban para sa kanila?

Ako na'ng bahala sa mga residente.

Sisiguraduhin ko na makakalikas ang lahat.

[tumutugtog ang maaksiyong musika]

Pagbabayaran mo ang kasamaan mo, Blanco!

[natatawa] Ang bait mo bigla, ha?

[Gat Blanco] Akala mo, matatakbuhan mo 'ko?

[nakakagulat na tunog]

Huli ka!

Maliksi ka, bubwit ka.

Pero walang makakatalo

sa galing ng hukluban.

Duwag! Lumaban ka sa 'kin nang patas!

Makipagtuos ka sa 'kin nang malapitan!

Patas?

Walang patas-patas sa digmaan.

Ang meron lang,

'yong malakas at mahina.

Pero sige,

paglalaruan muna kita

bago kita patayin.

[tumutugtog ang nakakakilabot na musika]

[Gat Blanco] Akala ko ba, malapitan?

Aabot pala nang ganito?

Di pa tayo nababayaran ng assistant ni Blanco

sa pag-espiya kina Pedro't Apo Tisot.

Di ba natin tutulungan si Pedro, Kuya?

Pulang duwende tayo, Yapyap. Hindi tayo kikilos nang walang kapalit.

Bakit, Kuya?

Ano ba'ng nakuha nating kapalit sa pagsisilbi kina Blanco?

E, kung tulungan natin si Pedro,

tapos, singilin natin pagkatapos?

Sige na nga. Isang beses lang 'to, ha.

[Gat Blanco] Tama na 'tong habulan.

Tapusin na natin 'to!

Mga pakialamerong duwende!

May utang ka pa sa 'min!

Eto'ng bayad ko sa inyo!

[Dumdom] Sisingilin ka pa namin kaya wag ka munang mamamatay.

Ano'ng gusto mong gawin? Ha?

Patayin ako?

Sige! Patunayan mo kung ano ka talaga!

Isa kang malupit na manggagaway!

[pagtatapos ng musika]

'Tang.

Isuot mo.

Hindi na kailangan, 'Tang.

Alam kong ayaw mong isuot ito,

bilang simbolo na gusto mong tumayo sa sarili mong paa.

Pero wala ka nang dapat patunayan, anak.

May sarili ka nang isip at paninindigan.

Tanggapin mo na lamang ito

na tila ba pamana ng isang magulang sa kanyang anak.

[tumutugtog ang madramang musika]

[paghagulgol ni Pedro]

Sorry, 'Tang…

Bagong kabal ba 'to, 'Tay?

Oo.

Gawa sa bulot 'yan na ipinamana pa sa akin ng lolo mo

na namana pa niya sa…

mga kanunununuan niya, at ang sabi,

bigay ng isang makapangyarihang diwata.

Astig.

Pero hindi lamang 'yan pangkaraniwang kabal.

Kaya kang proteksiyunan niyan

sa kapangyarihan ng mga anito,

hukluban.

[tumutugtog ang may pag-asang musika]

May hangganan pala ang kabal mo.

Hala!

May hangganan naman din pala ang lakas mo!

Humanda ka, hukluban.

[bumubulong ng dasal]

[galit na hiyaw ni Pedro]

[pumapalahaw sa sakit si Gat Blanco]

Pinatay mo ang tatang ko!

[Serafin] Kuya!

[galit na sigaw] Serafin!

Ano'ng ginagawa mo, bata?

Bakit mo ginagamot ang halimaw na 'to?

Ikaw, kuya, ano'ng balak mo?

Tatapusin ko si Blanco ngayon!

Hindi ito 'yong daan na gugustuhin ni Apo Tisot para sa 'yo, Kuya.

Isa kang mananambal, hindi manggagaway.

Ako ang gagawa ng sarili kong daan.

Kapag hindi ko tinapos si Blanco ngayon,

mas maraming tao ang mapapahamak niya.

[tumutunog ang maaksiyong musika]

[Serafin] Nakita mo na, Kuya,

kung pa'no naging halimaw ang taong ito pagkatapos niyang makakitil ng buhay.

Gusto mo rin bang masumpa katulad niya?

Kung 'yon ang kailangan para matigil ang kasamaan ni Blanco.

Para maipaghiganti ko si Tatang.

[Pedro] Pagkapaslang ko kay Blanco,

lalayo ako…

magtatago, at iiwas mula sa lipunan.

Ipangako mo sa 'kin, Serafin,

kung sakaling maging halimaw ako tulad ni Blanco,

pipigilan mo ako…

hangga't makakaya mo.

Kahit mamatay ako.

[sigaw na malakas]

[tunog ng kulog]

[humihiyaw]

Kuya!

[halakhak kasabay ng tunog ng nasusunog]

[pag-ubo ni Serafin]

[hinihingal] Kuya!

Ipagpatuloy mo

ang nasimulan ni Tatang.

[umuungol na tila nagpipigil]

Ang sumpa!

[nahihirapang ungol na tila hayop]

[Serafin] Kuya!

Kuya!

[pagtapos ng musika]

[tumutunog ang malungkot na musika]

Di ko 'ata kayang punan 'yong puwang na iniwan niya.

Tiyak naman na hindi hasa si Tisot sa pananambal no'ng kabataan niya.

Pero dahil gusto niyang tumulong sa mga taong nangangailangan sa kanya,

sinikap niyang hasain ang kanyang kapangyarihan.

[Ka Gaston] Nawa'y tularan mo ang kabayanihan ni Tisot.

O, Bernie.

May naiwan ka pa bang gamit dito?

Wala naman.

Ano pa ginagawa mo dito?

Ngayong magsasarado na 'yong Hatinggabi…

di ko na alam sa'n ako pupunta, e.

Kung ano'ng gagawin ko sa buhay ko.

'Yong iba, sa'n na sila nagpunta?

[Liway] Nagkalat sa iba't ibang lugar.

'Yong iba, nangibang-bansa.

Kanya-kanyang diskarte para makaraket.

Ang tanong,

sino-sino sa kanila ang gagamit ng galing

para makatulong?

Sino-sino sa kanila ang gagamit ng galing

para sa pansariling interes?

Ikaw, Liway, ano na'ng balak mo?

Hahanapin ko si Pedro.

Hindi mo ba narinig ang kuwento ni Serafin?

Mapanganib siyang kitain.

[sa English] Tingnan natin.

Isang sakong tubo at kabal na gawa ni Apo Tisot,

kapalit ng eksaktong kinaroroonan niya sa gubat.

Di ba niya tayo papagalitan, Kuya?

Ano, tigil-kalakal na tayo?

Di ka ba natatakot sa kanya, Kuya?

Napakalakas ng kapangyarihan niya.

[Dumdom] Nasa'n na 'yong ibang ganito? Di ba ang dami n'yong ginawa nina Apo?

Aanhin mo pa 'yan?

Wala nang bisa 'yan.

Mabebenta ko pa 'to sa mga duwendeng itim nang malaking halaga.

Ba't hindi na lang kasi sa mga puting duwende, Kuya?

Maarte 'yong mga 'yon.

Malayo pa ba?

Tinitingnan mo ba?

Pedro…

[tumutugtog ang "Dagundong" ng Alamat]

♪ Ilabas ang mga kalasag ♪

♪ Wag ka karag-karag Humandang pumalag ♪

♪ Di mo ba nakikita 'yong mga nasa laot? ♪

♪ Mga balangay na dala-dala'y mga salot ♪

♪ Mga katawa'y nakatapal ng bakal ♪

♪ Wala tayong laban kung kawal sa kawal ♪

♪ Pero pag sama-sama nating palibutan ♪

♪ Ewan ko na lang kung hindi sila kilabutan ♪

♪ Patalasin mga pana't balaraw ♪

♪ Sumigaw hanggang lupa ay gumalaw ♪

♪ 'Tong mga mapupusyaw, nag-iinaso ♪

♪ Kapag kanilang baluti'y balutin ng palaso ♪

♪ Pulutong, humanay ♪

♪ Pasulong, 'kad ♪

♪ Maghintay ka lang Ang mga gimbal ♪

♪ Ay dadagun-dadagun-dadagundong ♪

♪ Papau-papau-papaugong ♪

♪ Nagsusumigaw kahit na pabulong ♪

♪ Dahil pusong mandirigma Di papakutsa, di papapugong ♪

♪ Pusong mandirigma, di papadikta At dadagun-dadagun-dadagundong ♪

♪ Sila 'yong napugutan ♪

♪ Sila 'yong naghalo ang balat sa tinalupan ♪

♪ Kami 'yong panalo pero ba't parang kulang ♪

♪ Para bang sila 'yong naghikayat, namuhunan ♪

♪ Teka sandali ♪

♪ Mga gawi ko 'yong nabura Ako na'ng magpapalakad ♪

♪ Ako 'yong nakatira ♪

♪ Bueno, esto es para ti tambien po Paga tus aportes al ayuntamiento ♪

♪ Teka nga, sino kang nagpapapapel? Mga pangalan namin, tinala sa papel ♪

♪ Ayaw kong makibahagi Wag ka nang pumapel ♪

♪ Punitin ang sedulang gawa sa papel ♪

♪ Pulutong, humanay ♪

♪ Pasulong, 'kad ♪

♪ Maghintay ka lang Ang mga gimbal ♪

♪ Ay dadagun-dadagun-dadagundong ♪

♪ Papau-papau-papaugong ♪

♪ Nagsusumigaw kahit na pabulong ♪

♪ Dahil pusong mandirigma Di papakutsa, di papapugong ♪

♪ Pusong mandirigma, di papadikta At dadagun-dadagun-dadagundong ♪

♪ Daming nasawi Daming mga buhay nawala sa paggapi ♪

♪ Mga bayaning di mailibing mga labi ♪

♪ Pero may dalawang nobela'ng Nakapukaw ng mithi ♪

♪ Pagdating ng bukang-liwayway Sa wakas ay ♪

♪ Naiwawagayway na rin natin Ang tatlong bituin at isang araw ♪

♪ Sa wakas, at tayo ri'y nagkaisa nga raw ♪

♪ Pero di natin namamalayan Meron na palang ugnayan ♪

♪ Magpalit-kamay ang mananakop ♪

♪ Ngayon, di mo ba nakikita 'Yong mga nasa laot? ♪

Bagong bapor, dala-dala'y mga salot

♪ Pulutong, humanay Pasulong, 'kad ♪

♪ Maghintay ka lang, ang mga gimbal Ay dadagun-dadagun-dadagundong ♪

♪ Papau-papau-papaugong ♪

♪ Nagsusumigaw kahit na pabulong ♪

♪ Dahil pusong mandirigma Di papakutsa, di papapugong ♪

♪ Pusong mandirigma, di papadikta ♪

♪ At dadagun-dadagun-dadagundong ♪

♪ Papau-papau-papaugong ♪

♪ Nagsusumigaw kahit na pabulong ♪

♪ Dahil pusong mandirigma Di papakutsa, di papapugong ♪

♪ Pusong mandirigma, di papadikta ♪

♪ At dadagun-dadagun-dadagundong ♪

♪ Sila 'yong napugutan ♪

♪ Sila 'yong naghalo ang balat sa tinalupan ♪

♪ Kami 'yong panalo pero ba't parang kulang ♪

♪ Parang sila 'yong naghikayat, namuhunan ♪

♪ Teka sandali ♪

♪ Mga gawi ko 'yong nabura Ako na'ng magpapalakad ♪

♪ Ako 'yong nakatira ♪

♪ Bueno, esto es para ti tambien po Paga tus aportes al ayuntamiento ♪

♪ Teka nga, sino kang nagpapapapel? ♪

♪ Mga pangalan namin, tinala sa papel ♪

♪ Ayaw kong makibahagi Wag ka nang pumapel ♪

♪ Punitin ang sedulang gawa sa papel ♪

♪ Pulutong, humanay Pasulong, 'kad ♪

♪ Maghintay ka lang Ang mga gimbal ♪

♪ Ay dadagun-dadagun-dadagundong ♪

♪ Papau-papau-papaugong ♪