Original subtitles

Basoaren airea dastatzeko asmoa daukat.

Nirekin etorriko zara?

Badakizu beste batzuk egongo direla.

Ez bera bezalakoak.

Chevalier traidore bat da.

Ez nuen aukerarik izan.

Etorri!

Lauhazka batek beti umorea hobetzen dizu.

Irabaz zenezakeen!

Erregea galduko zukeen.

Ezin dugu orain hori eduki, ezta?

Arazoa hain estu ez hartzea izango litzateke nire aholkua.

Nire lagunik onena kartzelan sartu duzu.

Nola nahi zenuen arazoa hartzea?

Zure lagunik onena, Chevalier, nire aurka konspiratzen zegoen.

Nola nahi zenuen ni hori hartzea?

Azpikeria egin diote.

Nik bezain ondo dakizu.

Sineskorra da eta erraz eragin ahal zaio.

Ez zuen kalterik egin nahi.

Erabakia errege bezala hartu nuen, ez zure anaia bezala.

Nire anaia zara oraindik?

Batzutan zalantzan jartzen dut.

Zer esan nahi du hau?

Gorentasuna gaixorik dago, jauna.

Nire medikua berarekin dago?

Bere bila nihoan orain.

Eta... bere itxurari dagokionez?

Arazoa kontuan hartu dugu, jauna.

Oso ondo.

Barregarria da!

Onargarria da.

Ahoa irekitzen dudan arte.

Orduan ahalik eta gutxien hitz egitea gomendatzen dizut.

Berehala desestaliko naute.

Zure kezka ulertzen dut, baina ezer gutxirako balio du.

Zer gertatu da?

Abortu bat.

Suspertuko da?

Bai, berorren gorentasuna...

lo eginez eta atsedena hartuz.

Zergatik gertatu da?

Ez dakit, berorren gorentasuna.

Naturaren sekretu asko misterio bat dira oraindik guretzat.

Ingalaterratik datorren bisitari baten zain nago gaur.

Ekarri niregana iragarpenik gabe eta modu pribatuan.

Bai, jauna.

Eta non dago Fabien?

Bere bila ibili naiz, jauna, baina orain arte ez dut aurkitu.

Chevalier galdeka dezan nahi dut.

Mihi solte bat dauka eta ziur nago asko duela esateko.

Memelo bat zara.

Zer nahi duzu nitaz?

Zure isiltasuna.

Urkatuko naute!

Erregea ez da ausartuko bere anaiaren amorantea hiltzera.

Libre utziko zaitu...

baina lehenengo torturatuko zaitu.

Baina gure talde txikiari buruz zerbait esaten baduzu...

ez zaitut ez torturatuko ezta libre utziko ere.

Labana sartuko dizut eztarritik iztarteraino.

Argi dago?

Bai.

Konspirazioan nahastuta zeuden preso guztiak...

Bastillara eraman ditugu.

Marchal jaunaren zain gaude galdeka ditzan.

Haien larrua salbatuko duen edozer esango dute.

Galdera da: beraien kabuz jarduten ari dira...

edo beste inor al dago haien atzean dena zuzentzen?

Ez dut uste asko kezkatu beharko zinatekenik nobleei buruz, jauna.

Harrokeria da dena, alfer eta koldarren talde bat da.

Ez al zara zu ere noble bat, Rohan?

Horrexegatik. Alferra eta koldar nabarmen bat naiz.

Nire ustez, jauna, exekutatu beharko genituzke.

Hori da traidore bat tratatzeko modu bakarra.

-Zer esaten dute aretoetan? -Izututa daude.

Ongi. Izututa egon daitezen nahi dut.

Askatu beharko zenituela uste dut, jauna.

Eta zergatik egin beharko nuke hori?

Haien eskertasuna obedientzia eta fideltasun bihurtuko litzatekelako.

Beharbada.

Baina lehenengo kartzelako zoru hotza pixka bat gehiago...

dasta dezaten nahi izango nuke.

Ez duzu beldurrik izan behar.

Ez borrokatu.

Atseden hartu.

Atseden hartu!

Atseden hartu, maitea.

Zer eman zenidan?

Edabe txiki bat gure pasioari gatz pixka bat emateko.

Nik ere pixka bat hartu nuen.

Gogoratzen duzu?

Orain itxi begiak.

-Lo egin behar duzu. -Ura!

Ura behar dut!

Jakina behar duzula, laztana.

Orain ez kezkatu.

Ez zaitut utziko erabat suspertzen zaren arte.

Kalte egin dizun zerbait jan duzula uste dut.

Zuk zeuk esan zenuen faisaia zapore arraroa zuela.

Horrek izan behar izan du. Ez duzu uste?

Fabien?

Erregeak bisitatu nau?

Mesedez, esaiozu berarekin hitz egin nahi dudala.

Erregea estatuko arazoetaz arduratzen ari da...

baina ziur nago zugan bakarrik pentsatzen duela.

Ez zaitut ikusi hor.

Etorriko zara nire ondoan esartzeko?

Pozten nau ikusteak ez dituzula zure lehentasunak ahaztu.

Egun on.

Haurra galdu dut?

Bai, gorentasuna.

Baliteke onena izatea.

Erregea zurekin egongo da gutxi barru, William jauna.

Hauek dira jauregirako planak?

Bai, William jauna.

Ez zaio anbiziorik falta.

Eskerrik asko etortzeagatik, William jauna.

Ohore bat da, berorren maiestatea.

Etortzeko eskatu dizut zure erregearentzako proposamena baitut.

Eta interes handiarekin entzungo dut.

Zer esanik ez dago hizketa honen muina...

ez zaiola erregeari eta bere konfiantza osoa dutenei...

besterik esan behar.

Jakina.

Holanda inbaditu nahi dut.

Ulertzen dut.

Geldiarazi nintzaken bakarra bere aliatu nagusia da...

Ingalaterra.

Baina, nola konbentzitu nezake Ingalaterra nirekin bat egin zezan?

Dirua? Baliteke.

Holandako merkataritza bideak partekatzea? Ia dudarik gabe.

Baina hori ez da nahikoa.

Zer eman behar dio inork ia guztia duen errege bati?

Bere familiak ganorarik gabe bota zuen zerbait ematen diozu...

bere fedea.

Berorren maiestatea, ez da nire asmoa zu kontraesat..

Zure erregea jendaurrean protestantea dela esaten du...

baina bihotzez, katolikoa da.

Ez dezagun beste gauza baten itxurak egin.

Erromarekin harremanak berritu nahi ditu...

baina ezin du haientzat heretiko bat delako.

Proposatzen dudan hitzarmena erraza da.

Guk Holanda inbaditzen dugu.

Ingalaterrak tropen eta ontzien herena jartzen du.

Kostu guztiak Frantziak ordainduko ditu...

eta nik Ingalaterra eta Erromaren arteko adiskidetzea gauzatuko dut.

Bueno...

Ez al da lagunen arteko aliantza ixteko modurik onena?

Gaur hamar topaketa bat proposatzen dut Dover gazteluan.

Berorren maiestatea etorriko da?

Ez dut oraindik erabaki.

Esnatu!

Pozoindu naute?

Bai, hori uste dut.

Zerekin?

Begi hanpatuak...

seinaleak eskuetan...

oka...

Sintoma horiek ikusi ditudanean osagai nagusiena artsenikoa zen.

Biziko naiz?

Antidotoa aurkitzen badut, bai.

Baina lehenengo, belar ukendu bat jarri behar dizut begietan.

Ez duzu hori egingo.

Orduan, bi begietan ikusmena gal zenezake...

eta hori desabantaila litzateke zurea bezalako lanbidean, ezta?

Ez du inork jakin behar hemen nagoenik.

Oso ondo.

Berorren maiestatea zoriondu nahi dut plan horren azkartasunagatik.

Azkartasun hori ikustear dago oraindik.

Axola diona da Charles erregea aliatu bihurtzea eta ez etsai.

Nor bidaliko duzu hizketak zuzentzera, jauna?

-Zu zeu joango zara? -Ez.

Ez dut nahi haien laguntza irrikatzen dudala pentsa dezaten.

Barkaidazu ausartzea, jauna...

nik Feuquière bidaliko nuke.

Diplomazialari eskarmentuduna da eta Frantzia bakarrik du gogoan.

Metodikoegia. Zer deritzozue Chanuti buruz?

Suediara egin zuen azken bisita arrakastatsua izan zen.

Erloju-bonba bat.

Croissy, agian?

Anglofilo konprometitua da.

Dirudienez janaria ere gustatzen zaio.

Henriette joango da.

Barkatu, jauna. Txarto entzun ez badut...

-aipatu duzuna da... -Bai, ondo entzun duzu.

Henriette joango da.

Zer esan nahi du honek?

Baliteke erregea oraindik erabat sendatuta ez egotea?

Erabat sendatuta nago, eskerrik asko.

Jauna, errespetu osoarekin, ez du esperientziarik halako kontuetan.

Jokoan dagoena oso garrantzitsua da...

eta bere bertute guztiekin, dukesa da, dudarik gabe...

Emakume bat?

Gertatera hortaz konturatu naiz.

Baina hemengo gizonen bezalako sen ona dauka eta adorea gainera.

Are gehiago, Charles erregearen arreba da.

Bere ahultasunak ezagutzen ditu.

Diplomazialari frantses batek ez duen zerbait dauka...

erregearen belarria.

Zer pentsatzen ari zara, Bontemps?

Ez dugu kontuan hartuko dukesa ahul egon daitekela...

eta baliteke indar nahikorik ez edukitzea bidai hori egiteko?

Bere burua egiteko prest egon daiteke, baina bere gorputza...

Prest dago ere.

-Eta hilabete batzuk barru? -Ezin dugu.

William of Orangeri toki bat eman berri diote Holandako gobernuan.

Errepublikanoak atzera egiten ari dira...

Orange Etxeak gora egiten duen bitartean.

Erregea izango da bi urte barru.

Guk ez badugu Ingalaterrarekin negoziatzen, berak egingo du.

Louvois, zuk antolatuko duzu garraioa.

Colbert, zuk ziurtatuko duzu biharko Kazetan agertzea...

dukesak Vichyra doala gaixotasun arin batetik suspertzeko.

Marchal jauna ikusi duzu?

Clermont andrea!

O! Arratsalde on, andrea!

Maitea, kezkatuta zaudela dirudi.

Benetan?

Aurreko egunean Marchal jaunarekin ikusi zintugun.

Bikote ederra osatzen zenuten.

Bai, egia da aurreko egunean ikusi gintuzula...

baina ez da egia errespetua ez den besterik dagoenik gure artean.

Bai tamalgarria!

Bai!

Bueno, begira, iduneko bat galdu nuen duela egun batzuk...

familiako iduneko bat...

eta berari galdetu nion ea aurki zezakeen...

lapurtua izan ez ote zenaren beldur bainintzen.

-Zentzuzko erabakia. -Bai.

Karta-jokoan arituko gara gero. Gurekin elkartuko zara?

Eskerrik asko, baina... ez naiz oso ondo sentitzen.

Bihar, beharbada?

Asko gustatuko litzaidake.

Arratsalde on, andreak!

Hau ohore handia da, jauna.

Esan nahi nizuke zenbat sentitzen dudan...

zein lotsatuta nagoen, zein...

Emaidazu zure bizitza barkatzeko arrazoi bat.

Ezin dut, jauna.

Nigan jarri zenuen konfiantza traizionatu dut.

Bide txarretik eraman nintzatela utzi dut.

Errukitasuna apalki erregutzen dizut.

Emaidazu orduan bide txarretik eraman zintuen gizonaren izena.

Ezin dut, jauna...

-nire ohorezko hitza duzu. -Zure ohorea?

-Bai kontzeptu berritzailea. -Zin egiten dizut, jauna.

Ez dut inoiz gizon hori ikusi.

Ez dakit nor den edo zer nahi duen.

Nire anaiari laguntzen diozula uste duzu nire aurka konspiratuz?

Ez, jauna.

Ez, pentsatu gabe eta beldurrez beteta nik bakarrik jardun dut.

Benetan, zu baino ausartagoak ziren untxiak hil ditut.

Nire anaiak zerbait hobea merezi du.

Bai, jauna.

Kontua da zer egin zurekin.

Arratsalde on!

Parisen dudan jostunaren izena eman behar dizut.

Zergatik gaude hemen?

Ez dakit.

Deitu ziguna zu zinela uste nuen.

-Ez. -Ni izan naiz.

Berri onak ditut gure kausarako.

Erregeak bere ezkonarreba bidaliko du Ingalaterrara...

-Charles erregea ikus dadin. -Zergatik?

Arrazoia edozeina dela, ez dio bidaiatik bizirik irtengo.

Nola hilko duzu?

-Hori gure arazoa da. -Eta orduan zer?

Laster jakingo duzue.

-Erregea hiltzea diot nik. -O, tira ba.

-Zuk bezainbeste gorrotatzen dut. -Ez dut uste.

Erregeak zure gaztelua suntsitu zuen.

Bere aitak nire familia osoa suntsitu zuen...

eta milaka higanot ere.

Clermont andrea...

lehenengo boteretik kanporatzea bilatzen dugu.

Gure laguna eta aliatua Orangeko William gero eta indar gehiago du.

Nahi duguna emango digu, dirua zein gizonak izan.

Joan zaitezte orain. Ordua heltzen denean...

zuetako bakoitzari gortean limur daitezkenen izenak...

emango dizkizuegu.

Ez dut gogoko emakume hori.

Arriskutsua da.

Denok gara arriskutsuak. Jarri arreta zure eginbeharretan.

Oso ondo.

Zer ordutan irtetzen da konboia?

Egunsentiaren ondoren.

Berarekin joango dira sei guardia armatu zaldiz...

eta bi bizkartzain zalgurdiaren barruan.

Marlyn bigarren konboi batekin elkartuko dira.

Orduan basoan hilko dut.

Ziur zaude egin dezakezula?

Toki ezin hobea ezagutzen dut. Askotan erabili dut.

Ondo.

Williami esan diot hil bezain laster, eraso egin behar dugula.

-Eta Williamez fidatzen zara? -Bai.

Gure helburuak desberdinak izan arren...

bideak berdinak dira.

Oso ondo.

Zertarako ikusi nahi du erregeak?

Hori ez da nik esan beharrekoa.

Bere senarra naiz. Jakiteko eskubidea dut.

Ez nago ados. Galdetzeko eskubidea duzu, ez jakitekoa.

Azpikeriatan dabil, horretaz ziur nago.

Henriette, utzi niri hitz egiten.

Erregeak berarekin bakarrik hitz egingo du.

Zure nebak indar posizio batean dagoela uste du.

Baina ez dago.

Zuk uzten diozun bezain ahula edo indartsua izango da.

Ituna bere alde egiteko ahaleginak egingo ditu.

Irmo eutsi behar diozu.

Gure aliatua izateari uko egiten badio...

hitzarmenak ez du ezertarako balio.

Bere sinadurarik gabe itzultzen bazara...

zure misioa porrota izango da.

Zer nahi duzu nire emaztearengandik?

Kanpora bidaltzen ari naiz.

-Zertara? -Itun bat negoziatzera.

Ez dut ulertzen.

Atzerrira bidaltzen ari naiz nire enbaxadore bezala.

-Frantziako enbaxadorea? -Bai.

-Nora? -Ez dizut nik esango...

ezta bera ere.

Egia al da hau guztia?

-Nola uzten diozu hau egitea? -Egin zer?

Zu erabiltzea.

Hori da egiten ari dena, nahiz eta zuk ez ikusi.

Hori da benetan amorratzen zaituena...

edo zuk desiatuko zenukeen paper bat berari eman diodala?

Amorratzen nauena da...

zuk kenduko zeniezadala nirea dena...

edo nirea izan zitekena.

Zure laguna, Chevalier, kartzelatik irten berri da.

Zure geletan aurkituko duzuela uste dut.

Berriro traizionatzen banau...

jendaurrean urkatuko dut.

Zure ardurapean uzten dut ziurtatzea ez duela egingo.

Indartsu zaude abiatzeko?

Baietz uste dut.

Sentitzen dut zure galera.

Gure galera.

Maitea!

Nire itzulera atsegin emango zizula uste nuen!

Etsipena bakarrik.

-Nola da hori? -Zure erregea traizionatu duzu...

eta baita ni ere.

Azaltzeko aukeraren bat emango didazu edo ez?

Ez.

Oso ondo.

Kasu horretan, jateko zerbait bilatzera noa...

harrik gabe bada hobe.

Ez, itxaron!

Baina ez nazazu uki.

Berriro egiten baduzu...

erregeak urkatuko zaitu.

Ziur egon ez duela egingo.

Eskarmentua hartu dut.

Eta urkatuta izatearen pentsamendua...

jendaurrean...

Ez dut utziko hori gerta dadin.

Eskerrik asko, maitea.

Nik neuk hilko zintuzket.

Mezu bat daukat Marchal jaunarentzat.

Primeran!

Zorte osoa nirekin dago gaur!

Beste partida bat?

-Nahi baduzu. -Bai, hala da.

Sinesten hasi naiz kartetan jokatu nahi duzula...

ni makurrarazteko asmoarekin.

Eta zergatik makurrarazi nahi izango zintuzket?

Besteak sufritzen ikusteak atsegin ematen dizulako.

Eta horretan zu benetako aditua zara, ondo gogoratzen badut.

Marchal jauna?

Kanpoan dago lanean. Niri eman diezadakezu mezua.

Barkatu, jauna, baina Marchal jaunari bakarrik eman behar diot.

Erregearen ganberaria naiz eta arduraduna bera ez dagoenean.

Emaidazu mezua.

-Nondik zatoz? -Pautik, jauna.

Beatrice, maitea...

pikak jokatu dituzu eta bihotzak jokatzen ari gara.

Hau nahastea nirea!

Laztana!

Paukoa zara, ezta, Beatrice?

Bai.

Zer ba?

Ezer. Mezulariak Pautik zetorrela esan du...

eta Marchal jaunarentzako informazioa zuela.

Eta arrazoiren bategatik, zu etorri zatzaizkit burura.

Ez naiz Pautik datorren pertsona bakarra.

Ziur!

Jakina!

Kointzidentzia bat, ziur nago.

Bai.

Zer dakizu amodio edabeei buruz?

Amodio edabeak?

Bai...

sexu harremanetarako bizigarriak.

Badakit zer diren.

Zergatik galdetzen duzu?

Imajinatu...

bi pertsonek amodio edabe bera edaten dutela.

Eta imajinatu edabe hori pozoinduta dagoela.

Nola gerta litzateke pertsona batek...

pozoiaren ondorioak sufritzea eta besteak ez?

Pertsona horrek pozoia bota duelako eragina izan aurretik...

edo antidotoa hartu duelako pozoia hartu baino lehen.

Bontempsi mezu bat bidal diezaiozun nahi dut...

-erregearen ganberariari. -Badakit nor den.

Bai.

Esaiozu ikusi behar dudala.

Oso ondo.

Ba al dakizu zergatik bidaltzen zaitudan Ingalaterrara?

Ni frogatzeko?

Ez dago horretarako beharrik.

Joan zaitezen nahi dut zure desioa delako...

ez niri atsegin emateko.

Ezberdintasunik al dago?

Ez dakit. Ba al dago?

Ezer txarrik egin al dut?

Oso hurbil geunden bata bestearengandik, eta orain...

Ez al gaude hurbil orain?

Ez dakit.

Bagaude?

Gure konfiantza dutenen hurbil gaude.

Zure nebarekin zaudenean, zure mugimendu eta keinu guztiek...

autokontrola adierazi behar dute.

Ibiltzean, gela batean sartzean, aulki batean esertzean.

Ez duzu emoziorik adierazi behar.

Isiltasuna hitzaldia baino garrantzitsuagoa da.

Eta hitz egiten duzunean, bere begiradari eutsi behar diozu.

Begirada aldentzeak amore ematea esan nahi du.

Jokatu bere ahultasunekin. Lausengatu, liluratu.

Izan indartsu izan behar duzunean...

eta onartu bere eskaerak jokoan ezer ez dagoenean.

Misio honetan ez zara bere arreba, ezta nire anaiaren emaztea.

Frantzia zara.

Zu ni zara.

Gogoratzen duzu elkarrekin igaro genuen lehenengo gaua?

Bai.

Eta gogoratzen duzu zer esan nuen goizean esnatu ginenean?

Ez.

Hemendik aurrera...

ukitzen ez zaitudan...

dastatzen ez zaitudan...

sentitzen ez zaitudan...

egun bakoitza...

heriotz eta dolu eguna izango da.

Garai hartan sentitzen nuen eta orain sentitzen dut.

Akats bat egin dut.

Erregea iraindu dut...

eta zu iraindu zaitut...

baina elkar ezagutu genuen egunean bezala maite zaitut.

Eta, Philippe...

egia da...

zuk ez banauzula maite...

inork ez nauela maite.

Asko sentitzen dut!

Montcourt da!

-Zer demontre egiten duzu hemen? -Ni ere pozten naiz zu ikusteaz.

Erregeak hilko zaitu hemen zaudela jakiten badu.

Ez.

Batez ere nire eskuetan erori den informazioa ematen diodanean.

Zein motakoa?

Erregearekin bakarrik hitz egingo dut.

Eta zergatik emango zenioke informazio hori?

Ni Versaillesera itzultzearen truke.

Non entzun duzu hau?

Taberna batean, jauna.

Ondoko mahai bateko elkarrizketa entzun nuen.

Eta zer da zehatz-mehatz esan zutena?

Batek bakarrik hitz egin zuen, jauna.

Berorren maiestatearen ezkonarreba Ingalaterrako bidean...

hiltzera zihoala harrokeriaz esaten zuen.

Gizona ezagutzen duzu?

Bai, jauna...

aurreko bizitza batetik.

Lapurra eta erailtzailea da.

Eta non aurki dezakegu?

Berorren maiestatearen poliziaren kide bat da.

Atxilotuta izan behar da.

Hitz egin banezake, jauna...

hori ez egitea aholkatuko nuke.

Kontu honi buruzko guztia ezeztatuko du.

Saltsaren erdian harrapatzea aukera bakarra da.

Eta nola lortuko dugu hori?

Bere metodoak ezagutzen ditut.

Badakit non kokatuko den.

Esaten duzuna egia bada, Frantzia zorretan egongo da zurekin...

baina ordura arte, zaintzapean egongo zara.

Ulertzen duzu?

Noski, jauna.

Honek esan nahi du traidore bat dagoela gure artean.

Jauna, ez litzateke ideia ona izango bidaia atzeratzea?

Eta etsaiak nortzuk diren jakiteko aukera galtzea?

Ez.

Hitz egin Montcourtekin.

Aurkitu dakien guztia.

Marchal jauna ez dagoen bitartean...

bidaiaren segurtasuna zure eskuetan erori da.

Ez dizut gogoratu behar egon daitezkeen ondorioak...

Ingalaterrako erregeak jakiten badu...

bere arreba hil dutela bera ikusteko bidean zegoela.

Marchal jaunak ikusi nahi zaitu.

Zure bulegoetara joan nintzen baina han ez zegoen inor.

Laguntzaile bat izan ohi zenuen.

Ez dugula berriko ikusiko uste dut.

Zer gertatu zaizu?

Katarro bat dut.

Eta nork kutsatu dizu... katarroa?

Gortetik joan naizela nabaritu da, ezta?

Erregeari ez zaio asko gustatu.

Eskertuko nizuke...

erregeari esango bazenio...

Parisera joan naizela premiazko arazo bategatik.

Oso ondo.

Ahaztu baino lehen...

mezu bat daukat zuretzat.

Nongoa da?

Paukoa.

Irakurri duzu?

Bai.

Gezurti bat da?

Bai, bada.

Benetako Clermont andrea duela hamar urte hil zen sute batean.

Zerk bihurtu zuen susmagarri?

Papera.

Ez dut ulertzen.

Bere froga dokumentuen data...

idazteko erabili ziren paperena...

baino hogeita hamar urte lehenagokoa zen.

Fabrikazioa modernoa zen.

Paper zaharragoak zuntz gehiago ditu.

Tinta modu desberdinean nahasten da.

Nola jakin dezakezu hori?

Nire aita inprimatzailea zen.

Zergatik ez duzu atxilotu?

Nire usteak zalantzan jarri nituen...

baina ez da berriro gertatuko.

Ez da beranduegi ezetz esateko.

Joan nahi dut.

Baina zergatik?

-Eskatu didalako. -Ez dizu eskatu. Agindu dizu.

Pozik nago baliagarria izateaz erregea eta Frantziarentzat.

Ez duzu bera itzultzerik lortuko.

Badakizu, ezta?

Hori ez da nire asmoa.

Bidai eroso bat opa dizut.

Ama, zer egiten duzu hemen?

Dukesarekin nago, ezin naiz aldendu.

Kontuz ibiltzea gogorarazi nahi nizun.

Zer esan nahi duzu?

Arriskuak daude nonahi.

Ulertzen duzu?

Baina oso babestuta gaude, erabateko segurtasunarekin.

Zerbait gertatzen bada...

jar ezazu zure segurtasuna...

dukesaren segurtasunaren gainetik.

Zer...

Ongi pasatu Ingalaterran.

Baina... Ingalaterra? Vichyra noa.

Miresten dut.

Zergatik?

Alde egiteagatik ondo ez dagoen arren.

Alde egiten du hobeto jartzeko.

-Ez duzu egunkaria irakurtzen? -Jakina!

Vichyra doa.

Bai leloa naizen.

Ohorea da niretzat bat berorren maiestateak ni aukeratzea.

Zure faborea galdu izanak kezkatzen ninduen.

Ahalegin gehiago egin beharko dituzu nire faborea galtzeko.

Nire aita nork hil zuen dakizu?

Oraindik ez, baina hurbil nago.

Zure eskuineko begia ondo sendatu dela dirudi.

Ezkerrekoak pozoiaren seinalea du oraindik.

Zer ikusten duzu?

Egia.

Erailtzailea harrapatu dute, jauna.

Gruaud jauna, mago bat zara.

Dastatu!

Dastatu! Sendotasuna eta fintasuna ezin hobe nahasten ditu.

Nire lagun ona, Montcourt!

Gizon hau gortetik erbesteratu nuen...

berriz ez ikusteko desioarekin.

Besoak zabalik...

ongi etorria ematen diot orain.

Eredu distiratsua da denontzat...

eta leialtasunak saria duela frogatzen du.

Gora, berorren maiestatea!

Gora! Gora!

-Laguna! -Zer demontre egiten duzu hemen?

Nire etxea da.

Nola lortu duzu erregearen barkamena?

Erregutu nion.

Bizitza bat Versaillesetik urrun bizitzea ez zuela merezi esan nion.

Eta zer gertatzen da ditugun beste jarduerekin?

Eztabaida hau modu pribatuan edukiko dugu.

Barkatzen badidazu, kaixo esan behar diet lagun zahar batzuei.

Aukera duzu...

arrazoia edo indarkeria.

Has gaitezen arrazoiarekin.

Zein da zure izena?

Ahaztu dut.

Noren aginduz saiatu zara dukesa hiltzen?

Ez duzu sinetsiko...

baina hori ere ezin dut gogoratu.

Nor?

Zaharregia zara honetarako...

eta prestutasun gehiegi duzu.

Bai?

Marchal jauna.

Gabon, jauna.

Ez bazara orain arte ohartu...

Frantziako erregea naiz.

Konspirazio bat desestali dugu...

nire etxean bertan, bai ni...

bai eraiki dudan guztia suntsitzeko asmoarekin.

Nire anaiaren emaztea ia erail du...

zure poliziaren kide batek.

Orangeko William, hitz egiten ari garenean ere...

ni suntsitzeko bideak bilatzen ari da.

Eta nire segurtasunaren buruzagia...

ni bizirik mantentzeko ordaintzen dudan gizona Parisen zegoen.

Ondo pasatu duzula espero dut.

Ez nengoen Parisen, jauna.

Hori da esan zidatena.

Errua nire da, jauna.

Ni hiltzeko ahalegina egin dute...

eta ez nuen nahi pertsona erantzuleak...

nire egoerari buruz ezer jakiterik.

Noren ahalegina?

Ez daukat oraindik froga ziurrik, jauna...

beraz zure barkaberatasuna eskatzen dut...

ikerketa burutu arte.

Baliteke Henriette ez itzultzea.

Noski itzuliko dela.

Hori esaten duzu...

bestelako pentsamendu bat porrota onartzea izango litzatekelako.

Itzuliko da.

Badakit.

Sortzen ari zaren tokia zein motakoa den dakizu?

Zuk esango didazula dakit.

Zure ametsetako jauregia konspirazio, traizio, ustelkeria...

desleialkeria eta ezmoraltasunaren babesleku bihurtzen ari da.

Zerbait ahaztu zait?

Gai horri buruz hitz egitera etorri naiz.

Haserre zaude nirekin zure emaztea Ingalaterrara bidaltzeagatik.

Henriettek orain helburu bat dauka bizitzan.

Zuk ez.

Bat ematera etorri naiz.

Lan bat?

Bai.

Ez da izango zure inguruan ibiltzea denari bai esaten, ezta?

Barkatu.

Hori heldugabea izan da.

Zer darabilzu buruan?

Etiketa.

Etiketa.

Nobleak arrastoan sartu nahi ditut.

Nire aurka konspiratzen dute...

eta hau haien etxea balitz bezala jokatzen dira.

Ez dakite errege familiako kideei zuzentzeko modua egokia...

ezta bata besteari zuzentzeko modua ere...

ez dakite nola jan afarian, ez dakite nola egon Versaillesen.

Aurrerantzean, denek jakin beharko dute dagozkien tokia eta maila.

Egun bakoitzaren minutu bakoitza egituratuta egotea nahi dut.

Hemendik aurrera...

denak arau sorta berdinen menpean egongo dira.

Erregea baita ere?

Batez ere erregea.

Eta nor da egokiena erregea kontrolatzeko...

bere anaia ez bada?

Bai?

Marchal jauna!

Zutaz kezkatuta nengoen.

Ni ere bai.

Hemen zeunden...

ur pixka baten bila joan nintzen eta itzultzean ez zeunden.

Zure bila ibili naiz toki guztietan azken bi egunetan.

Eldarnioak nituen.

Ez nekien non nengoen edo zer egiten ari nintzen.

Eskerrak norbaitek aurkitu...

eta medikuarengana eraman ninduela.

Ongi!

Bai, pozoindu nindutela pentsatu nuen.

Ene!

Baina zuzen zeunden.

Faisaia izan zen.

Nik ere pixka bat jan nuen eta ez nenbilen oso ondo.

Gero Parisera joan behar izan nuen...

erregearen izenean...

eta orain itzuli naiz.

Zerbait pentsatzen ari zara?

Egia esan, bai.

Ni...

Edozer gauza esan dezakezu.

Ez da ezer. Aurrerago esango dizut.

Geratuko zara, ezta?

Ez, eskerrik asko.

Nire galtzamotzen bila etorri naiz.

Jakina.

Garbitu ditut.

Oso adeitsua izan zara.

Pozten nau zure sendatzeak.

Gau on bat opa dizut.

Gabon.

Lehen dena argi eta garbi zegoen...

ez duzu uste?

Bai.

Nor ginen genekien...

zer nahi genuen genekien, nora gindoazen genekien...

gure etsaiak eta lagunak ezagutzen genituen...

baina orain...

Ez dago atzera joaterik?

Ez.

Bidea estuegia da bira emateko.

Erabaki guztiak aurrera doaz eta ezin dira ezeztatu.

Zein da zure beldurrik handiena?

Bakarrik egotea.

Ez zara inoiz bakarrik egongo.

Benetako lagun batek esaten du.

Ahalik eta hoberen egiten dut.

Atzean utzi ditugun gauza eta jendearengatik.

Eta etorkizun distiratsu batengatik.

"Eusko Jaurlaritzako Hezkuntza, Hizkuntza Politika eta Kultura...

Sailaren Hizkuntza Politikarako Sailburuordetzaren...

laguntzarekin egindako azpitituluak"