Original subtitles

ಈ ಹಿಂದೆ ದಿ ಪೆರಿಫೆರಲ್ನಲ್ಲಿ

ನನಗಿಲ್ಲಿ ಏನು ಬೇಕಾದರೂ ಸಿಗುತ್ತೆ.

ಆದರೆ ಸ್ವಾರಸ್ಯದ ಸಂಗತಿ? ನಮ್ಮ 'ವರ್ತನಾ ಮಾರ್ಪಾಡಿನ ಇಲಾಖೆ'ಯಿಂದ ಬರುತ್ತವೆ.

ಹೀಗೆ ಮಾಡಲಾರಿರಿ.

ಅವರು ಜನರು. ನಿಜವಾದ ಜನರು.

ಭಯಂಕರವಾಗಿ ಚೆನ್ನಾಗಿದೆ.

ನನಗೆ ರಕ್ಷಣೆಯಿಲ್ಲದೆ ಸಾಕಾಗಿದೆ.

ಹೆಡ್ಸೆಟ್ ಸುರಕ್ಷಿತವಾ ನಮಗೆ ಗೊತ್ತಿಲ್ಲ.

ನೋಡಿರುವುದರಲ್ಲೇ ಅತಿ ವಿಚಿತ್ರ.

ಇಲ್ಲಿ ಎಷ್ಟು ಸುರಕ್ಷಿತ,

ನಮಗಾಗಿ ಯಾರೋ ಬರ್ತಾರೆ ಅಂತ ಕಾಯುವುದು?

ಬಗ್ಗು!

ಶಾಟ್ ಗನ್ ಕೂಡ ಚೆನ್ನಾಗಿ ಹೊಡೆಯಬಲ್ಲೆ. ನೋಡ್ತೀಯಾ?

ಯಾಕಂದ್ರೆ ನನಗಾಗಿ ಬರುವ ಜನರು, ಏನಂದ್ರೆ,

ಅವರು ಯಾವುದನ್ನೂ ಸರಿಪಡಿಸದೆ ಬಿಟ್ಟು ಹೋಗುವವರಲ್ಲ.

ಟೆಕ್ಸಾಸ್ ಹೊರನಾಡು 2028

ಇದಕ್ಕೊಂದು ಸುಲಭವಾದ ಪರಿಹಾರ ಇದೆ.

ನಾನದಕ್ಕೆ ಗುಂಡು ಹೊಡೆಯಲ್ಲ.

ನಿಮ್ಮಲ್ಲಿ ಯಾರಾದರೂ ಪ್ರಯತ್ನಿಸಿದರೆ, ಹಲ್ಲು ಉದುರಿಸಿಬಿಡುತ್ತೇನೆ.

ಯಾರಾದರೂ ಏನಾದರೂ ಮಾಡಿ. ನನಗಿನ್ನು ಈ ದರಿದ್ರ ಸಾಕಾಗಿದೆ.

ಬೇಹುಗಾರಿಕೆ ಪ್ರಕಾರ ಗಾಯಗೊಂಡ ನಾಯಿಗಳಿಂದ

ನಮ್ಮನ್ನು ಬಯಲಿಗೆ ಟೆಕ್ಸನ್ನರು ಕರೆಸುತ್ತಿದ್ದಾರೆ.

ಮತ್ತೀಗ, ಸರಿಯಾಗಿ ನಮ್ಮ ಮುಂದೆ

ಒಂದು ಗಾಯಗೊಂಡ ನಾಯಿ ನರಳುತ್ತಿದೆ.

ಇದನ್ನು ನೋಡಿದರೆ ಎಲ್ಲವೂ ಅರ್ಥವಾಗುತ್ತದೆ, ಅಲ್ವಾ?

ಯಾವನಾದರೂ ಟೆಕ್ಸನ್ನನು ಎಲ್ಲಾದರೂ ಅವಿತು ಕೂತಿದ್ದರೆ, ಒಳ್ಳೆ ವ್ಯಕ್ತಿಗೆ ಕಾಯುತ್ತಾ.

ಮೂರು ಕಿ.ಮೀ. ಆಚೆ ಇರೋ ಸ್ನೈಪರ್ ಗುಂಡು ಹೊಡೆಯಬಲ್ಲ.

ನಿನ್ನ ಪೆದ್ದುತನದ ಅರಿವು ಆಗುವ ಮುಂಚೆಯೇ ಸತ್ತು ಬಿದ್ದಿರುತ್ತೀಯ.

ಇಲ್ಲಿ ಗಾಳಿ ಎಂದು ಕರೆಯುವ ಹಾಳು ಧೂಳಿನ ಬದಲು ಚಂದ್ರನ ಮೇಲಿದ್ದರೂ ಪರವಾಗಿಲ್ಲ.

ಬಾರೋ, ಪುಟ್ಟ.

ನಾವು 19 ದಿನಗಳಿಂದ ಗುಂಡು ಹೊಡೆಸಿಕೊಂಡಿಲ್ಲ.

ಏನಾದರೂ ಕೊಡಿ. ದಯವಿಟ್ಟು?

ಅದರ ಬಗ್ಗೆ ಯೋಚಿಸಲೂ ಬೇಡ. ಕಾನರ್! ಛೆ.

12 ಗಂಟೆ.

ದರಿದ್ರದ್ದು.

ಚಲನೆ, 2 ಗಂಟೆ.

ಅದೊಂದು ಕಾಗೆ ಕಣೋ, ಲಿಯೋನ್.

ಹಾಳಾದ್ದು.

ಹೇ.

ಅರೆ.

ಈ ಸ್ನೈಪರ್ ಗುಂಡುಗಳಿಂದ ಕಷ್ಟವಾಗುತ್ತಿದೆ, ಅಲ್ವಾ?

ಬೇಗ ಮುಗಿಸೋ, ಬೋಳಿಮಗನೇ.

ಇರಪ್ಪ, ಪುಟ್ಟ. ಸ್ವಲ್ಪ ನೋಡ್ತೀನಿ...

ಅಯ್ಯೋ ದೇವರೇ.

ಇಲ್ಲಿದ್ದೇನೆ. ಇಲ್ಲೇ ಇದ್ದೇನೆ. ನಿನಗೇನಾಗಿಲ್ಲ.

ಏನಾಗಿಲ್ಲ. ಚೆನ್ನಾಗಿದ್ದೀಯ.

ಇಲ್ಲಿದ್ದೇನೆ. ಇಲ್ಲೇ ಇದ್ದೀನಿ, ಕಣೋ. ಆಯ್ತಾ?

ಪರವಾಗಿಲ್ಲ, ಕಣೋ.

ದಿ ಪೆರಿಫೆರಲ್

ವಿಹಾರದ ಸಮಯದಲ್ಲಿ ಅಡ್ಡಿಯಾಗುವುದು ನನಗಿಷ್ಟವಿಲ್ಲ

ಅಂತ ನಿನಗೆ ಗೊತ್ತಲ್ಲ, ಬೀಟ್ರಿಸ್?

ಹೌದು, ಮೇಡಂ.

ಇದು ಸಂಶೋಧನಾ ಸಂಸ್ಥೆಯಲ್ಲಿನ ಇತ್ತೀಚಿನ ಗಲಭೆಯ ಬಗ್ಗೆ ಇರಬಹುದು ಅಂದುಕೊಳ್ಳುವೆ.

ಖಂಡಿತ, ಮೇಡಂ.

ಹತ್ತಕ್ಕಿಂತ ಕಡಿಮೆ ಪದಗಳಲ್ಲಿ ಹೇಳು.

ಸ್ಯಾಕ್ವಿಲ್ ರಸ್ತೆಯಲ್ಲಿ ಒಂದು ಪೆರಿಫೆರಲ್ ಮತ್ತು ಕೋಯ್ಡ್ ಒಳಗೊಂಡ ಕೊಲೆ ನಡೆದಿದೆ.

14 ಪದಗಳಾದವು, ಬೀಟ್ರಿಸ್.

ಖಂಡಿತ, ಮೇಡಂ. ಸ್ಪಷ್ಟತೆಗಾಗಿ ಸ್ವಲ್ಪ ಹೆಚ್ಚೇ ಬೇಕಾಯಿತು.

ಆದರೂ ಬಹಳ ಅಸ್ಪಷ್ಟತೆ ಇದೆ.

ಹೆಚ್ಚಿನ ಸಮಯ ಕೊಟ್ಟರೆ ಹೇಗೆ ಬಳಸಿಕೊಳ್ಳುತ್ತೀಯ?

ಬಲಿಯಾದವರು ಸಂಶೋಧನಾ ಸಂಸ್ಥೆಯ ಸುರಕ್ಷತಾ ಮುಖ್ಯಸ್ಥರು ಎಂದು ತಿಳಿಸಬಲ್ಲೆ.

ಡೇನಿಯಲ್ ಕುಕ್ ಅಂತ.

ನನಗೆ ಡೇನಿಯಲ್ ಗೊತ್ತು.

"ಗೊತ್ತಿದ್ದ" ಅಂದರೆ ಸರಿಯಾದ ಕಾಲಮಾನ, ಮೇಡಂ.

ಕೋಯ್ಡಿನಿಂದ ಸತ್ತನಾ?

ಹೌದು. ಕತ್ತನ್ನು ಸೀಳಲಾಗಿ.

ಎಷ್ಟು ಚೆಂದವಾಗಿದೆ, ಅಲ್ವಾ?

ಬಹುತೇಕ ಚಿತ್ರದಂತೆಯೇ ಇದೆ, ಮೇಡಂ.

ಗೌರವ ಇಲ್ಲದೆ ಮಾತಾಡಬೇಡ, ಬೀಟ್ರಿಸ್. ಅದು ಒಳ್ಳೆಯ ಗುಣ ಅಲ್ಲ.

ನಾವು ಕಾರ್ಯನಿಮಿತ್ತರಾಗಬೇಕು.

ನನಗದು ಕಾಣಿಸುತ್ತಿಲ್ಲ, ಟಾಮಿ.

ಲಾಗ್ ಒಳಗೆ ನಾನೇ ಹಾಕಿದೆ.

ಎರಡು ದಿನಗಳ ಹಿಂದೆ.

ಎರಡು ಎಸ್ಯುವಿಗಳನ್ನು ಕೋರಿದೆ.

ಸಂಖ್ಯೆಯೂ ಇಲ್ಲ, ರಂಗೂ ಇಲ್ಲವೇ?

ಅವುಗಳಿಗೆ ವರ್ಣೀಯ ಪದರ ಹೊದಿಸಲಾಗಿತ್ತು.

ಹಾಗಂದ್ರೆ ಏನು ನನಗೆ ಗೊತ್ತಿರಬೇಕಾ?

ಅವು ಅಗೋಚರದವು.

ನಿನ್ನ ಅಗೋಚರ ಕಾರುಗಳು ಕಾಣೆಯಾಗಿವೆ ಅಂತ ಹೇಳುತ್ತಿದ್ದೀಯಾ?

ನಿನ್ನ ತಲೆಗೆ ಎಷ್ಟು ಜೋರಾಗಿ ಪೆಟ್ಟು ಬಿದ್ದಿತ್ತು?

ಕೀಲಿ ತಗೊಂಡು ನಾನೇ ಲಾಟ್ ಒಳಗೆ ಹುಡುಕಲೇ?

ಅದನ್ನು ಮಾಡಲಾಗದು ಅಂತ ನಿನಗೆ ಗೊತ್ತು. ಕಸ್ಟಡಿಯ ಸರಮಾಲೆ.

ನೀನು ನೋಡಬೇಕಂದ್ರೆ,

ಶೆರಿಫ್ ಜಾಕ್ಮನ್ ಜೊತೆ ಮಾತಾಡು.

ಶೆರಿಫ್.

ನಿನ್ನನ್ನು ನಾನು ಮನೆಗೆ ಕಳುಹಿಸಿದೆನಲ್ಲ, ಟಾಮಿ.

ಮಿಕ್ಕಿದ ಕೆಲಸಗಳನ್ನು ಮುಗಿಸುತ್ತಿದ್ದೇನೆ, ಸರ್.

ಅಯ್ಯೋ ದೇವರೇ.

ಖಂಡಿತವಾಗಲೂ ನಿನ್ನನ್ನು ಯಾರೋ ದೇವತೆ ಕಾಪಾಡುತ್ತಿರಬೇಕು.

ನಿನ್ನ ವರದಿಯನ್ನು ಓದಿದೆ.

ನಿನಗೆ ಹೆಚ್ಚಿನದು ನೆನಪಿಲ್ಲದಂತಿದೆ. ಅದೇನಾದರೂ ಬದಲಾಯಿತಾ?

ಅದರ ಮೇಲೇನೇ ಕೆಲಸ ಮಾಡುತ್ತಿದ್ದೇನೆ, ಸರ್. ಎಲ್ಲಾ ಸ್ವಲ್ಪ ಮಬ್ಬು ಮಬ್ಬಾಗಿದೆ.

ನೋಡಿಲ್ಲಿ, ಟಾಮಿ, ನೀನು ಸ್ವಲ್ಪ ಸಮಯ ವಿರಾಮ ತೆಗೆದುಕೋ.

ವೇತನ ಸಹಿತ ರಜೆ. ನೀನು ವಿಶ್ರಾಂತಿ ತೆಗೆದುಕೊಂಡು ನಿನ್ನ ತಲೆಯನ್ನು ಸರಿ ಮಾಡಿಕೋ.

ನಿನ್ನ ಸಂಪೂರ್ಣ ಸಾಮರ್ಥ್ಯದೊಂದಿಗೆ ವಾಪಸ್ ಬಾ.

ಅವನು ನನ್ನ ಪಹರೆಯಿಂದ ತಪ್ಪಿಸಿಕೊಂಡಿದ್ದಾನೆ.

ನನಗೆ ಗೊತ್ತಿದೆ.

ಅದೆಲ್ಲಾ ಸರಿಹೋಗುತ್ತೆ, ನಾನೇ ಅದನ್ನು ನೋಡಿಕೊಳ್ಳುವೆ.

ನಾನು ನಿನ್ನಲ್ಲಿ ಯಾವಾಗಲೂ ಇಷ್ಟಪಡುವ ಗುಣ, ಥಾಮಸ್.

ನಿನ್ನೊಳಗೆ ಆ ಕಿಚ್ಚಿದೆ.

ನೀನು ಹದಿಹರೆಯದ ವಯಸ್ಸಿನಿಂದಲೂ ಹಾಗೆಯೇ ಇದ್ದೀಯ.

ನಿನಗೆ ಸ್ವಲ್ಪ ಸಲಹೆ ಕೊಡಬಹುದಾ?

ಅದನ್ನು ನಿಯಂತ್ರಿಸಲು ಕಲಿ.

ಅತಿಯಾದರೆ ಅಮೃತವೂ ವಿಷವೇ.

ನನ್ನ ತಾತ ಯಾವಾಗಲೂ ಹೇಳೋರು,

ಮೊಟ್ಟೆಯ ಮೇಲೆ ನಡೆಯುವಾಗ ಎಗರಬೇಡ ಅಂತ.

ಗೊತ್ತಾಯ್ತೇನಪ್ಪಾ?

ಒಳ್ಳೆ ಮನುಷ್ಯ.

ನಾನು ಹೋಗಿ ಸ್ವಲ್ಪ ಕೆಲಸ ನೋಡ್ತೀನಿ.

ಶೆರೀಸಳನ್ನು ಎದುರಿಸಲು ನೀನು ಕಾಣೆಯಾದಾಗ ನಾನೆಷ್ಟು

ತಳಮಳಗೊಂಡಿದ್ದೆ ಎಂದು ಹೇಳಿಕೊಳ್ಳಲು ನಾಚಿಕೆ ಆಗುತ್ತದೆ.

ನೀನೊಬ್ಬ ಸಾಮಾನ್ಯ ವ್ಯಕ್ತಿ ಅಷ್ಟೇ ತಾನೇ?

ಅಂದ್ರೆ ಹೇಗೆ?

ಗೊತ್ತಿಲ್ಲ. ನಿನ್ನನ್ನು ನೋಡಿ ಇದನ್ನೆಲ್ಲಾ ನೋಡಿದರೆ,

ನಾನು ಇರುವ ಕಡೆಗಿಂತ ತುಂಬಾ ಭಿನ್ನವಾಗಿದೆ.

ಅಥವಾ ಇರುವ ಕಾಲಕ್ಕಿಂತ.

ಚೆನ್ನಾಗಿರಬಹುದು ಅನ್ಸುತ್ತೆ, ಆದರೆ ನಿಮಗೆ ಕೂಡ ನಮ್ಮಷ್ಟೇ ತೊಂದರೆ ಇದೆ.

ಇನ್ನೂ ಹೆಚ್ಚು ಎನ್ನಬಲ್ಲೆ.

ಇರಬಹುದು.

ಇಲ್ಲಿರುವವರು ಯಾಕೆ ನಮ್ಮಿಂದ ಅಷ್ಟು ದೂರ ಇರ್ತಾರೆ?

ಇದು ಆರೋಗ್ಯಕ್ಕೆ ಸಂಬಂಧಪಟ್ಟಿರುವುದಾ?

ನನ್ನ ಮಾತಿನ ಅರ್ಥ ಏನಂದರೆ ಅವರು ಹತ್ತಿರಕ್ಕೆ ಬರುವುದೇ ಇಲ್ಲ.

ಯಾಕಂದ್ರೆ ಅದು ನಿಜವಲ್ಲ.

ಅದೊಂದು ವರ್ಧಿತ ಮರುಸೃಷ್ಟಿ.

ಹೀಗೆ ಮಾಡು.

ಸಂಶೋಧನಾ ಸಂಸ್ಥೆ ತಯಾರುಪಡಿಸಿದ ತಂತ್ರಜ್ಞಾನ ಇದು.

ದೇವರೇ.

ಯಾಕೆ?

ಮನಸ್ಸಿಗೆ ಹಿತ ಕೊಡಲು ಅನ್ನಬಹುದು.

ಪ್ರಪಂಚದ ಕರಾಳತೆ ಕಡಿಮೆ ಆಗುತ್ತೆ.

ನಿಜವಾಗಿ, ಅದು ನಡೆಯುತ್ತಿದೆ ಅಂತಲೂ ಗೊತ್ತಾಗಲ್ಲ. ಅಲ್ಲೇ ಇರುತ್ತೆ. ಹವಾಮಾನದಂತೆ.

ಆದರೆ ಮಿಕ್ಕ ಎಲ್ಲವೂ ಸತ್ಯ ತಾನೇ?

ಕೆಲವು ಕಟ್ಟಡಗಳನ್ನು ತುಂಬಿಸಲಾಗಿದೆ.

ಅವುಗಳನ್ನು ಇನ್ನೂ ರಿಪೇರಿ ಮಾಡಲು ಶುರುಮಾಡಿಲ್ಲ.

ನೋಡು, ಇಲ್ಲಿ.

ಓ, ದೇವರೇ.

ಮುಕ್ತವಾಗಿಯೇ ಇಂಥ ಕೆಲಸವನ್ನು ಆರ್ಐ ಮಾಡುತ್ತಿದ್ದರೆ,

ರಹಸ್ಯವಾಗಿ ಏನು ಮಾಡುತ್ತಿರಬಹುದು?

ಅಂದು ರಾತ್ರಿ ನಾನು ಮಾಹಿತಿಯನ್ನು ಅವಳಿಂದ ಕಾಪಿ ಮಾಡಿದೆ ಅಂತ ಶೆರೀಸ್ ಹೇಳಿದಳು, ಕದ್ದೆ ಅಂತ.

ಅದು ಸಿಗುವವರೆಗೂ ನನ್ನ ಕೊಲ್ಲಲು ಯತ್ನಿಸುತ್ತಿರುತ್ತಾಳೆ.

ಅದೇನೇ ಆದರೂ, ಇದನ್ನಂತೂ ಸ್ಪಷ್ಟವಾಗಿ ಹೇಳಿದಳು.

ನಾವು ನೋಡಲು ಹೋಗುವ ಫ್ಯಾಬ್ರಿಕೇಟರ್ ನಮಗೆ ಸಹಾಯ ಮಾಡಬಹುದು.

ಎಲೀಟಾಳ ಪೆರಿಫೆರಲ್ ಕಟ್ಟಿದ್ದರಿಂದ, ಎಲ್ಲಿದ್ದಾಳೆಂದು ಗೊತ್ತಿರಬಹುದು.

-ಅವನೇ ಅಂತ ನಿನಗೆ ಹೇಗೆ ಖಾತ್ರಿಯಿದೆ? -ಇವುಗಳ ಆಧಾರದ ಮೇಲೆ.

ಇಂಥದ್ದು ನನ್ನ ಬಳಿ ಇದೆಯಾ?

ಅಂದು ರಾತ್ರಿ ಎಲೀಟಾ ಅದಕ್ಕೆ ನನ್ನ ಕಣ್ಣನ್ನು ಒತ್ತಿದಾಗ, ನನಗೇನೋ ಅನಿಸಿತು.

ಸ್ಟಬ್ ಒಳಗೆ ಮಾಹಿತಿಯನ್ನು ಹೇಗಾದರೂ ಎಲೀಟಾ ಡೌನ್ಲೋಡ್ ಮಾಡಿರಬಹುದೇ?

ಸೈದ್ಧಾಂತಿಕವಾಗಿ.

ಅದನ್ನ ನಿಮ್ಮ ಪ್ರಪಂಚದಲ್ಲಿ ಡೌನ್ಲೋಡ್ ಮಾಡಬೇಕು.

ಅದು ಎಂಥದ್ದು?

ನಿಜವಾಗಿ, ಎಲೀಟಾ ಮಾತ್ರ ಹೇಳಬಲ್ಲಳು.

ಕ್ರೌನ್ & ರೋಸ್ ಚಾಪ್ ಶಾಪ್ ಅತ್ಯುತ್ತಮ ಮಾಂಸ ಸರಬರಾಜುದಾರರು

ಮತ್ತೆ,

ಏನು ಬೇಕಾಗುತ್ತೆ?

ತೂತಿನಲ್ಲಿ-ಕಪ್ಪೆ ಕೊಡಿ.

ಅದು ನಮ್ಮ ಬಳಿ ಇಲ್ಲ.

ಇಂದು ವಿಶೇಷ ಹಂದಿಮಾಂಸ ಇದೆ. ನನ್ನ ಸಲಹೆ.

ಎಂಥ ಅವಮಾನ.

ತೂತಿನಲ್ಲಿ-ಕಪ್ಪೆಯನ್ನು ನಿರೀಕ್ಷಿಸಿ ಬಂದೆವು.

ಇದೇ ನಿಮ್ಮ ವಿಶೇಷ ಎಂದು ಹೇಳಿದರು.

ನಿಮ್ಮಿಬ್ಬರ ಜೋಡಿ ತುಂಬಾ ಚೆನ್ನಾಗಿದೆ.

ಯಾರಿಗಾದರೂ ತೊಂದರೆಯಾಗುವ ಮುನ್ನ ನೀವು ಹೊರಡುವುದು ಒಳಿತು.

ಈಗ, ನನ್ನ ಬಗ್ಗೆ ನಿಮಗೇನನ್ಸುತ್ತೆ, ಮಿಸ್ಟರ್?

ನೀನ್ಯಾರು ಅಂತಲೇ ನನಗೆ ಗೊತ್ತಿಲ್ಲ.

ಸರಿ, ನೋಡಿ, ಇದನ್ನು ಕಟ್ಟಿದವನು,

ನೀವು ಮಾಡುವುದರಲ್ಲೇ ಅತಿ ಶ್ರೇಷ್ಠವಾದದ್ದು ಅದು ಅಂತ ನನಗೆ ತಿಳಿಸಿದ.

ನಿಮ್ಮ ಯಶಸ್ವಿ ದಿನಗಳಲ್ಲೂ.

ನನ್ನ ಯಶಸ್ವಿ ದಿನಗಳಲ್ಲಾ?

ಹೌದು, ನಿಮ್ಮ ಕಲಾತ್ಮಕತೆ ಜಾರುವ ಮೊದಲು.

ಹಾಗಂತ ಹೇಳಿದ ನನ್ಮಗ ಯಾರದು?

ನಾನು ಅವನನ್ನು ನಂಬುವೆ ಎಂದು ಹೇಳುತ್ತಿಲ್ಲ. ಅವನು ಹೇಳಿದ್ದನ್ನು ನಿಮಗೆ ಹೇಳುತ್ತಿರುವೆ ಅಷ್ಟೇ.

ನನ್ನನ್ನು ಸಂತೋಷಪಡಿಸಲೆಂದೇ?

ನಾನು ಅವನನ್ನು ತಪ್ಪು ಎಂದು ಸಾಬೀತುಪಡಿಸಿದರೆ ನನ್ನ ದುಡ್ಡನ್ನು ಅವನು ವಾಪಸ್ ಕೊಡುವನಂತೆ.

ಹಾಗಾಗಿ, ನಿಮಗೊಂದು ಅವಕಾಶ ಯಾಕೆ ಕೊಡಬಾರದು ಅಂತ ನಾನು ಯೋಚಿಸಿದೆ.

ನಿನ್ನಲ್ಲಿದೆ ಅಂತ ತೋರಿಸು.

-ನಾನು ಅಗ್ಗದ ವ್ಯಕ್ತಿ ಅಲ್ಲ. -ದುಡ್ಡು ಸಮಸ್ಯೆ ಅಲ್ಲ.

ಒಳಗೆ ಬನ್ನಿ ತೆರೆದಿದೆ

ಕ್ಷಮಿಸಿ ಮುಚ್ಚಿದೆ

ಸರಿ.

ಕೆಟ್ಟದಾಗಿ ಏನಿಲ್ಲ. ಹೆಚ್ಚು ಶ್ರಮವಿಲ್ಲದೆ ನಿನ್ನ ಹಣವನ್ನು ಕೊಡಿಸಬಲ್ಲೆ.

ಹಾಂ.

ನನಗೇ ಅಚ್ಚರಿಪಡಿಸುವ ಒಂದು ಹೊಸ ವಸ್ತುವಿದೆ.

ಟೈಟಾನಿಯಂ ಉಗುರುಗಳು. ವಾಪಸ್ ಹೋಗುವಂಥವು.

ಬೇಕಾದರೆ ಕಲ್ಲನ್ನು ಕೂಡ ಕೊರೆಯಬಹುದು.

ಮತ್ತೆ ಕಣ್ಣುಗಳು?

ಕಣ್ಣುಗಳನ್ನು ಯಾರು ಬೇಕಾದರೂ ವರ್ಧಿಸಬಲ್ಲರು.

ರಾತ್ರಿಯ ದೃಷ್ಟಿ ಬೇಕಾ? ಶಾಖದ ದೃಷ್ಟಿಯಾ?

ನನಗೆ ಒಂದನ್ನು ಮನುಷ್ಯನ ಕಣ್ಣಿಗೆ ಬದಲಾಯಿಸಬೇಕಾದರೆ?

ಏಳು ಮೇಲೆ.

ದೇವರೇ. ಆಬಿ, ನಮ್ಮಿಬ್ಬರನ್ನೂ ಕೊಲ್ಲಿಸುವ ಮುನ್ನ ಸ್ವಲ್ಪ ಸುಮ್ಮನಿರು.

ಈ ಹೆಂಗಸಿನ ಬಗ್ಗೆ ಹೇಳಿ.

ಮಾತಾಡಲು ಶುರು ಮಾಡು, ರೆಜ್ಜೀ. ಇಲ್ಲದಿದ್ದರೆ ಕತ್ತರಿಸಲು ಶುರುಮಾಡುವೆ.

ಆಯ್ಕೆ ನಿನ್ನದು.

ಅವರು ನನಗೆ ಏನು ಮಾಡುತ್ತಾರೆ ಅಂತೀಯಾ?

ಯಾರು?

ನಿಯೋಪ್ರಿಮ್ಸ್.

ಇಂಥದ್ದರೊಂದಿಗೆ ಅವರು ಆಟ ಆಡಲ್ಲ.

ನನ್ನ ನಾಲಿಗೆ ಕತ್ತರಿಸ್ತಾರೆ.

-ನಿಯೋಪ್ರಿಮ್ಸಿಗೆ ಏನಾಗಬೇಕು? -ಅಯ್ಯೋ, ಹುಡುಗ.

ಅದರ ಕಣ್ಣನ್ನು ಕೊರೆಯಲೆಂದೇ ನನ್ನಿಂದ ಕಟ್ಟಿಸಿದಳು. ಮನುಷ್ಯನ ಕಣ್ಣನ್ನು ಹಾಕಲು.

ನಿಯೋಪ್ರಿಮ್ ಅಲ್ಲದೆ ಅದು ಬೇರೆ ಯಾರಿಗೆ ಗೊತ್ತು?

ಸ್ಕಾಲ್ಪೆಲ್ನೊಂದಿಗೆ ಹಳೆಯಕಾಲದ ಶಸ್ತ್ರಚಿಕಿತ್ಸೆ.

ಇರು, ಇರು. ಹಾಗೆಯೇ ಹೊರಹೋಗಲಾಗದು.

ಎಲೀಟಾ ನಿಯೋಪ್ರಿಮ್ ಅಂತ ನೀನು ನನಗೆ ಹೇಳಲಿಲ್ಲ.

ನನಗೆ ಗೊತ್ತಿರಲಿಲ್ಲ.

ಏನು ಮಾಡಿದೆ ಅಂತ ಅವಳಿಗೆ ಹೇಳಿದ್ಯಾ?

ನಿಮ್ಮ ಶಾಲೆಯನ್ನು ವಶಪಡಿಸಿಕೊಂಡಾಗ?

ಕ್ಷಮಿಸು, ವಿಲ್ಫ್!

ಹವಾನಿಯಂತ್ರಿತ ಜಿಮ್ಮಿಸ್ - ಮಧ್ಯರಾತ್ರಿವರೆಗೆ

ಛೆ!

ದರಿದ್ರದ್ದು.

ಸರಿ, ಸುಮ್ಮನೆ ಹೋಗೋಣ.

ಹೇ, ಗುರು.

ನಾನು ನಿನ್ನನ್ನು ನೋಡಲಿಲ್ಲ. ಬರ್ತಿದ್ದೀಯಾ ಹೋಗ್ತಿದ್ದೀಯಾ?

ಯಾರೋ ನಿನ್ನನ್ನು ಕರೆದರು.

ನಾನಿಲ್ಲಿ, ಇದನ್ನು ತಗೊಳ್ಳೋಕೆ ಬಂದೆ…

ಯಾವುದನ್ನು, ಮೇಕನ್?

ಕಾಫಿ, ಅಂದುಕೊಳ್ಳುವೆ?

ಹಾಂ, ನನ್ನನ್ನು ಕರೆದರು.

ನಾನು ಯೋಚಿಸುತ್ತಿರುವುದು,

ಅವರಾಗಿಯೇ ಯಾಕೆ ಆಚೆ ಬರಬಾರದು?

ಬರೋಕೆ ಭಯ, ಅಂದ್ಕೋತೀನಿ.

ನಿನಗೆ ಭಯ ಇಲ್ವಾ?

ಗೊತ್ತಿಲ್ಲ. ಏನು? ಹೌದು, ಸ್ವಲ್ಪ.

ಆ ಟೋ ಟ್ರಕ್ ಕೆಳಗಡೆ ಎಲ್ಲೋ ಒಂದು ಚಂದ್ರಾಕಾರದ ರೆಂಚ್ ಇದೆ.

ಎತ್ತಿ ಕೊಡಬೇಕಾ?

ನಿನಗೆ?

ಆಯ್ತು, ಸಿಕ್ಕಿತಾ?

-ಸರಿ, ಇಲ್ಲೇನಾ? -ಹೌದು, ಅಲ್ಲಿಯೇ.

-ಅದನ್ನು ಸಿಕ್ಕಿಸು. -ಸರಿ, ತಗೋ.

ಅಷ್ಟೇ.

ಬೇರೆ ಏನಾದ್ರೂ?

ಫ್ಲಿನ್ ಉಪಯೋಗಿಸೋ ತಂತ್ರಜ್ಞಾನದ ಬಗ್ಗೆ ಹೇಳು.

ನಿಜವಾಗಲೂ, ಕಾನರ್, ಇದನ್ನು ತಪ್ಪಾಗಿ ತಿಳಿಯಬೇಡ,

ನಾನು ಹೇಳುವುದರ ಬಗ್ಗೆ ಫ್ಲಿನ್ ಮತ್ತು ಬರ್ಟನ್ನ ಕೇಳಬೇಕು.

ನಾನು ಉಪಯೋಗಿಸಿದೆ. ಹೆಡ್ಸೆಟ್ಟನ್ನು.

ಬರ್ಟನಿಗೆ ಗೊತ್ತು.

ಅದು ನಿಜ, ಅಲ್ವಾ?

ಫ್ಲಿನ್ ಒಂದು ನಿಜವಾದ ದೇಹದಲ್ಲಿ, ನಿಜವಾದ ಸ್ಥಳದಲ್ಲಿ ಕ್ರಮಿಸುತ್ತಿದ್ದಾಳಾ?

ಅಷ್ಟು ನನಗೆ ತಿಳಿದಿರುವುದು.

ಅದರ ಮಿತಿ ಏನು?

ಅಂದರೆ ಯಾವ ಥರ?

ಅಲ್ಲಿ ಎಷ್ಟು ಕಾಲ ಹೋಗಬಹುದು ಅಂತ ಸಮಯದ ಮಿತಿ ಏನಾದರೂ ಇದೆಯೇ?

ನೀನು ಉಚ್ಚೆ ಹೊಯ್ಯಬೇಕು, ಅಲ್ವಾ? ಕುಡಿಯುವುದು, ತಿನ್ನುವುದು, ಅದೆಲ್ಲಾ? ಮತ್ತೆ...

ವಾಲ್ಟರ್ ರೀಡಲ್ಲಿ ಹಾಸಿಗೆ ಮೇಲೆ ಇದ್ದೆ,

ಹೆಚ್ಚೂಕಡಿಮೆ ಎಂಟು ತಿಂಗಳ ಕಾಲ ಕೋಮಾದಲ್ಲಿ.

ಉಚ್ಚೆ ಮಾಡಲು ಕೊಳವೆ ಹಾಕಿದ್ರು. ಕುಡಿಯುವುದಕ್ಕೆ ಐವಿ ಚುಚ್ಚಿದ್ದರು.

ಆಹಾರ ಕೊಡಲು ಕೊಳವೆ ತೂರಿಸಿದ್ದರು.

ನಾನಂದುಕೊಂಡಿದ್ದನ್ನು ಹೇಳುತ್ತಿದ್ದೀಯಾ?

ಯಾರಾದರೂ ನನಗಾಗಿ ಒಂದು ದೇಹವನ್ನು ತಯಾರಿಸಿದರೆ,

ನೀನು ಮತ್ತು ಎಡ್ವರ್ಡ್ ಆ ಜಾಗದಲ್ಲಿ ನನಗೆ ಇರಲು ವ್ಯವಸ್ಥೆ ಮಾಡ್ತೀರಾ? ಶಾಶ್ವತವಾಗಿ?

ನಾನು ವೈದ್ಯನಲ್ಲ, ಕಾನರ್, ಆದರೆ ನಿನ್ನ ಈ ನಿಜವಾದ ದೇಹ, ಇಲ್ಲಿರುವ ದೇಹ,

ಅದನ್ನು ತಡೆದುಕೊಳ್ಳಲು ಆಗುತ್ತಾ ನನಗೆ ಗೊತ್ತಿಲ್ಲ.

ಕ್ಷಮಿಸು, ನನಗೆ…

ನೀನೆಷ್ಟು ಕಾಲ ಬದುಕಬಲ್ಲೆ ಅಂತ ಗೊತ್ತಿಲ್ಲ.

ನೀನು ಇಲ್ಲಿ ಇರುವವರಲ್ಲೇ ತುಂಬಾ ಬುದ್ಧಿವಂತರಲ್ಲಿ ಒಬ್ಬನು, ಅಲ್ವಾ?

ಹೌದು.

-ನನಗೆ ಅದು ಗೊತ್ತಿಲ್ಲ. -ಹೌದು, ಕಣೋ.

ನನ್ನನ್ನು ನಂಬು.

ಎಚ್ಚರಗೊಂಡು ಇಂತಹ ದೇಹದೊಳಗೆ ನಿನ್ನನ್ನು ನೀನು

ಕಂಡುಕೊಳ್ಳುವುದನ್ನು ಊಹಿಸಲಾಗದಿದ್ದರೆ,

ನೀನು ಅದನ್ನು ಅನುಭವಿಸಿಲ್ಲ ಅದಕ್ಕೆ.

ಅದರ ಬಗ್ಗೆ ಸ್ವಲ್ಪ ಯೋಚನೆ ಮಾಡು.

ಆಗ ಮತ್ತೆ ಮಾತಾಡೋಣ.

ಬಯೋಮೆಟ್ರಿಕ್ ಮಾಹಿತಿ ಸಂಗ್ರಹಿಸಲಾಗುತ್ತಿದೆ

ಅಸೆಟ್ ಕಟ್ಟಲಾಗುತ್ತಿದೆ

ಮೌಖಿಕ ವಿಶ್ಲೇಷಣೆ ಜೋಡಿಸಲಾಗುತ್ತಿದೆ

ನರಸಂಬಂಧಿತ ಜೋಡಣೆ ಆರಂಭಿಸಿ ಸಕ್ರಿಯವಾಗಿದೆ

ಸಂರಚನೆಗಳನ್ನು ಅಂತಿಮಗೊಳಿಸಲಾಗುತ್ತಿದೆ

ಪೆರಿಫೆರಲನ್ನು ಸಕ್ರಿಯಗೊಳಿಸಿ ಕಾರ್ಯಗತಗೊಳಿಸಿ

ಸ್ವಲ್ಪ ಭಯಗೊಳಿಸುವಂತೆ ಇರುತ್ತೆ, ಅಲ್ವಾ, ಎಐ ನಿಯಂತ್ರಣ ಪಡೆದಾಗ?

ಸಿಸ್ಟೀನ್ ಚಾಪೆಲ್ ಘಟನೆ.

ಅದಕ್ಕೆ ಖಂಡಿತ ಯಾವುದೋ ಅರ್ಥ ಇರಬೇಕಲ್ಲವೇ?

ದೇವರು ಆಡಂ ಕಡೆಗೆ ಕೈಚಾಚುವುದು, ಜೀವದ ಕಿಡಿಯನ್ನು ಧಾರೆ ಎರೆಯುವುದು.

ನನಗೆ ಗೊತ್ತಾಯ್ತು. ಆ ಚಿಕ್ಕ ಗುಡ್ಡೆಯನ್ನು ಅನುಸರಿಸುವುದಲ್ವಾ?

ಇದು ಆಟ ಅಲ್ಲ, ಟಾಮಿ.

ಪತ್ತೆಮಾಡಬಲ್ಲೆಯಾ?

ಹಾಂ.

ಸಾಕಾ ಇಷ್ಟು?

ನಿನ್ನ ಕಣ್ಣಿನಲ್ಲಿ ಅದುರುವ ಚಲನೆ ಇದೆ.

-ತಲೆ ತಿರುಗುವುದು, ಗುಂಯ್ಗುಡುವಿಕೆ… -ಆರಾಮಾಗಿದ್ದೇನೆ.

ನಿನಗೆ ಏಟಾಗಿದೆ. ಕತ್ತಿನ ಪೆಟ್ಟಾಗಿರಬಹುದು. ಸಿಟಿ ಸ್ಕ್ಯಾನ್ ಮಾಡಬೇಕಾಗಬಹುದು.

ಹೈಸ್ಕೂಲಲ್ಲಿ ಫುಟ್ಬಾಲ್ ಆಡುವಾಗ ದೊಡ್ಡ ಏಟುಗಳನ್ನೇ ತಿಂದಿದ್ದೇನೆ. ವಾಪಸ್ ಹೋಗಬೇಕು.

ತುಂಬಾ ಬುದ್ಧಿವಂತನಂತೆ ಮಾತನಾಡುತ್ತಿರುವೆ. ಸರಿಯಾಗಿ ಯೋಚಿಸುವವರ ಹಾಗೆ.

ಫಿಷರ್ಗಳಿಗೆ ಮಾತು ಕೊಟ್ಟಿದ್ದೇನೆ. ನಿಭಾಯಿಸುತ್ತೇನೆ ಎಂದಿದ್ದೇನೆ.

ಇದೆಲ್ಲಾ ನಡೆದ ಮೇಲೆ ನೀನು ಈಗ ಅದನ್ನು ಬಿಡಬೇಕು.

ಅವನನ್ನು ಬಂಧಿಸಿದ್ದು ನಾನು. ನನ್ನ ವಶದಲ್ಲಿದ್ದ.

ಹಾಗೆ ಸುಮ್ಮನೆ ಬಿಡೋಕಾಗಲ್ಲ.

ನೀನು ಬಿಡಲಿಲ್ಲ. ಆದರೆ ಬಹುತೇಕ ಸಾಯುತ್ತಿದ್ದೆ.

ಅದು ನಮ್ಮ ಮುಂದಿರುವ ದೊಡ್ಡ ಚಿಂತೆ.

ನನಗೆ ಬಹಳ ಚಿಂತೆ ಇದೆ. ಅದಕ್ಕೆ ನಾನು ಅಲ್ಲಿಗೆ ವಾಪಸ್ ಹೋಗಿ,

ಅವನನ್ನು ಹುಡುಕಿ ಒಳಗೆ ಹಾಕಬೇಕು.

ಇದನ್ನು ಮಾಡಿದವರು ಯಾರಂತ ಗೊತ್ತು.

ಚೇಳಿಗೆ ನದಿಯನ್ನು ದಾಟಿಸಿದ ಕಪ್ಪೆಯಂತೆ ವರ್ತಿಸುತ್ತಿರುವೆ.

ಚೇಳು ಕಪ್ಪೆಗೆ ಕುಟುಕಿ ಇಬ್ಬರೂ ಮುಳುಗಿದ್ದು ಯಾಕಂತ ಗೊತ್ತಾಗುತ್ತಿಲ್ಲ.

ನಾನೇನು ಮಾಡಲಿ ಹೇಳು?

ಇಲಾಖೆಯಿಂದ ವೈದ್ಯಕೀಯ ರಜೆ ತೆಗೆದುಕೋ.

ಸುಮ್ಮನೆ ಇರು. ಇಲ್ಲಿ ನನ್ನ ಎರಡು ವರ್ಷಗಳ ಒಪ್ಪಂದ ಮುಗಿಯುತ್ತಾ ಬಂತು.

ನನಗೆ ಎಲ್ಲಾದರೂ ಕೆಲಸ ಸಿಗುತ್ತೆ.

ಮತ್ತೆ ಎದ್ದು ಸಾಗಲು ಒಂದಷ್ಟು ಸಮಯ ಸಿಗುತ್ತದೆ.

ಇದು ನನ್ನ ತವರು, ಡೀ.

ನಾನು ಈ ಊರಿನಲ್ಲೇ ಬೆಳೆದೆ. ಇಲ್ಲೇ ಇಡೀ ಜೀವನ ಕೆಲಸ ಮಾಡಿದೆ.

ಇದನ್ನು ನಿಯಂತ್ರಿಸುವವರು ನಿನಗೆ ಗೊತ್ತು.

ತಾನು ಚೇಳು ಅಂತ ಅವನು ಈಗಷ್ಟೇ ಹೇಳಿದ್ದಾನೆ.

ನಿನ್ನನ್ನು ಮತ್ತೆ ಕುಟುಕುವುದು ಬೇಡ.

ನಾನು ಇದರಿಂದ ಓಡಲ್ಲ.

ವಿಧಾನದ ಪ್ರಕಾರ ಇನ್ನೂ ಹತ್ತು ನಿಮಿಷಗಳಿವೆ.

ಅಡುಗೆ ಮಾಡಲು ನನಗೆ ವಿಧಾನ ಬೇಕಿಲ್ಲ ಅನ್ನುವುದೇ ಒಳ್ಳೆಯ ಸಂಗತಿ ಹಾಗಿದ್ರೆ.

ಒಂದು ವೇಳೆ ಇದ್ದರೆ, ಇದರ ರುಚಿ ಹೇಗಿರುತ್ತೆ ಅಂದ್ರೆ...

ಹೇಗಿರುತ್ತೆ?

ಸರಿಯಾದ ಪದ ಯೋಚಿಸುತ್ತಿದ್ದೇನೆ.

ಸಾಮಾನ್ಯವಾಗಿ ಶೂ ಲೆದರ್ ಅಂತಾರೆ.

ಅದಕ್ಕೆ ಅದನ್ನು ಬೇಡ ಅಂತಿರೋದು.

ಕ್ಲೀಷೆಗಳಲ್ಲಿ ಅಡ್ಡಿಯಾಗೋದು ಬೇಡ ಅಂತ. ರುಚಿ ನೋಡು.

-ಸರಿ. -ಏನು ಸರಿ?

ಸರಿ, ನೀನೇ ಸರಿ ಅಂತ.

-ಅದರ ಕೊನೆಯ ಭಾಗ ಮರೆಯುತ್ತಿರುವೆ. -ಯಾವುದು?

"ಎಂದಿನಂತೆ."

ನಮ್ಮ ಅತಿಥಿ ಎಚ್ಚರಗೊಂಡಿದ್ದಾರೆ.

ಏನ್ಸಾರ್, ನಿಮ್ಮ ಟೈಮಿಂಗ್ ಸಕ್ಕತ್ತು.

ಬಿಸಿ ಇರುವಾಗಲೇ ತಿನ್ನಿರಿ.

ನೀವು ನಿದ್ದೆಯಲ್ಲಿರುವಾಗ ಕೆಲವು ಕೆಲಸ ಮಾಡಬೇಕಾಯಿತು.

ನಿಮ್ಮನ್ನು ನಮ್ಮಲ್ಲಿಗೆ ತಲುಪಿಸಿದಾಗ ನಿಮ್ಮ ಸ್ಥಿತಿ…

-ಅದು ಯಾವ ಪದ ನೀನು ಹೇಳಿದ್ದು? -ಅಹಿತ.

ಸರಿ, ಅದಾದ ಮೇಲೆ, ಶುಭ್ರ ಬಟ್ಟೆಗಳು.

ಈಗ ನೀವು ಒಗ್ಗಿಕೊಳ್ಳಬೇಕಾದ ವಸ್ತು ಅಂದರೆ ಕೊರಳಪಟ್ಟಿ.

ಇದೇನು ಮಾಡುತ್ತೆ?

ಇಂಥ ವಸ್ತುವಿನ ಬಗ್ಗೆ ಎರಡು ರೀತಿಯ ಅಭಿಪ್ರಾಯಗಳು ಕಂಡುಬರುತ್ತವೆ.

ಕೆಲವು ಜನ ಸೇರುವಂತಹ ವರ್ಗ,

"ನೋಡದಿದ್ದರೂ ನಂಬುವಂಥವರೇ ನಿಜವಾಗಿಯೂ ಧನ್ಯರು."

ಜಾನ್ 20:29.

ಮತ್ತೊಂದು ವರ್ಗ ಅನುಸರಿಸುವ ಮಾರ್ಗ,

"ಕೆಟ್ಟದಾಗಿ ಸುಟ್ಟುಕೊಂಡವನಷ್ಟು ಬೇರೆ ಯಾರೂನೂ ಬೆಂಕಿಯನ್ನು ಗೌರವಿಸುವುದಿಲ್ಲ."

ಪೀಟ್ ಟೌನ್ಸೆಂಡ್, ಅಂದ್ಕೋತೀನಿ.

ನಿನ್ನ ಅಭಿಪ್ರಾಯ ವರ್ಗ ಯಾವುದು?

ರಾಕ್ ಅಂಡ್ ರೋಲ್ ವರ್ಗ.

ಅಷ್ಟು ಮಾತ್ರ ಯೋಚಿಸಬೇಕಿತ್ತು.

ಹೌದು. ಗೊತ್ತು.

ಎದ್ದೇಳಪ್ಪ, ದೊಡ್ಡ ಮನುಷ್ಯ. ನನಗೆ ಗೊತ್ತು. ಗೊತ್ತು. ಗೊತ್ತು.

ಹಾಂ. ಸರಿ. ಇಲ್ಲಿ.

ಇಲ್ಲಿ. ತಗೋ.

ಇಲ್ಲಿ.

ಇದನ್ನು ಮಾರ್ಪಡಿಸಬಹುದು. ಒಂದರಿಂದ ಹತ್ತರೊಳಗೆ. ಅದು ನಾಲ್ಕಾಗಿತ್ತು.

ಸತ್ಯವಾಗಿ ಮೂರು.

ಆದರೂ ಇದು ಒಳ್ಳೆಯ ಅನುಭವ ಅಲ್ಲ.

ನನ್ನನ್ನು ಕರೆಸಿದ್ದು ನೀವಾ?

ರೋಸ್ಟ್ ತಿನ್ನಿ. ದಯವಿಟ್ಟು.

ಏನನ್ಸುತ್ತೆ? ಸತ್ಯವಾಗಿ ಹೇಳು.

ಚೆನ್ನಾಗಿದೆ.

ಮಾಂಸವನ್ನು ಮೆತ್ತಗೆ ಮಾಡುವ ಶ್ರೇಷ್ಠ ವಿಧಾನ ಗೊತ್ತಾ?

ಬಹುತೇಕರು ಸುತ್ತಿಗೆ ಉಪಯೋಗಿಸುತ್ತಾರೆ.

ಬೇಗ ಸುಲಭವಾಗಿ ಆಗುತ್ತೆ, ಆದರೆ ಗಲೀಜು ಕೂಡ ಆಗುತ್ತದೆ,

ಅದರ ಫಲಿತಾಂಶ ಹೇಳೋಕಾಗಲ್ಲ.

ಅದಕ್ಕೆ ನನಗೆ ಉಪ್ಪುನೀರು ಇಷ್ಟ.

ನಿಧಾನವಾದ, ನಿಯಂತ್ರಿತ ಕ್ರಿಯೆ,

ನೀನು ತಿನ್ನುವುದರ ಸ್ವರೂಪವನ್ನೇ ನಿನ್ನ ರುಚಿಗೆ ತಕ್ಕಂತೆ ಬದಲಿಸಿಬಿಡುತ್ತದೆ.

ಮತ್ತು ನಿನಗೆ ಸೂಕ್ತವಾದ ಉಪ್ಪುನೀರು ಸಿಕ್ಕಾಗ,

ಬಹುತೇಕ ಬಾರಿ ಅದರ ಭರವಸೆ ಇರುತ್ತೆ.

ಈಗ...

ಇತ್ತೀಚೆಗೆ ನನಗೆ ಗೊತ್ತಾದ ವಿಷಯ,

ಯಾರೋ ನನ್ನ ಅಡುಗೆಮನೆಯಲ್ಲಿದ್ದು ನನ್ನ ಉಪ್ಪುನೀರನ್ನು ಕೆಡಿಸುತ್ತಿದ್ದಾರೆ ಅಂತ.

ಅದು ಯಾರಂತ ನನಗೆ ಗೊತ್ತಾಗಬೇಕು.

ನಿನಗೆ ಫ್ಲಾಶ್ ಬ್ಯಾಕ್ ಆಯ್ತು ಅಂತ ಬರ್ಟನ್ ಹೇಳಿದ. ಕೆಟ್ಟದು.

ಏನಾದ್ರೂ ತಗೋತಿದ್ದೀಯಾ?

ಇಲ್ಲ, ಅದರಿಂದ ಪ್ರಯೋಜನ ಇಲ್ಲ. ಇನ್ನೂ ಹಾಗೇ ಅನ್ಸುತ್ತೆ.

ಸ್ವಲ್ಪ ತೆಗೆದು ಬಿಡುತ್ತೇನೆ.

ಅದು ಇನ್ನು ನಿನ್ನ ಸಮಸ್ಯೆ ಅಲ್ಲ, ಲಿಯೋನ್.

ಮತ್ತೆ ನಾನು ಹಾಡಲೇ?

ನನ್ನ ಧ್ವನಿ ಕೇಳಲು ಹಿತವಾಗಿರುತ್ತೆ ಅಂತ ಎಲ್ಲರೂ ಹೇಳುತ್ತಾರೆ.

ಸಹಾಯವಾಗಲು ನೋಡುತ್ತಿರುವೆ ಅಷ್ಟೇ, ಕಾನರ್. ಹೇಗಾದರೂ ಸರಿ. ನಿನ್ನಿಷ್ಟ.

ನಾನೊಂದು ಉರುಳುವ ಬಂಡೆ

ಒಂಟಿಯಾಗಿ ಕಳೆದುಹೋಗಿರುವೆ

ಈ ಪಾಪದ ಬದುಕಿನಲ್ಲಿ

ಬೆಲೆಯನ್ನು ತೆತ್ತಿರುವೆ

ನಾನು ಉರುಳುವಾಗ--

ಅಯ್ಯೋ, ಸಾಕು ಬಿಡು. ಆಯ್ತು. ಸುಮ್ನೆ--

ಸುಮ್ಮನೆ ಮಾಡು.

ನನ್ನ ಕಾಲುಗಳನ್ನು ತಗೋಬೇಡ!

ದಯವಿಟ್ಟು!

ಇದು ಸಂಕೀರ್ಣಗೊಳ್ಳುತ್ತಿದೆ,

ಅಲ್ವಾ?

ನಿನ್ನ ಮುಖಭಾವನೆ ಸರಿ ಎನಿಸುತ್ತಿಲ್ಲ.

ಪೋಲ್ಟಿನ ಮೂರ್ಛೆಗೆ ಚಿಕಿತ್ಸೆ ನೀಡುತ್ತಿರುವ ವೈದ್ಯೆ,

"ಆಕ್ಸಿಪಿಟಲ್ ಲೋಬ್ ಒಳಗೆ ಸ್ಥಳೀಯ ಬ್ಯಾಕ್ಟೀರಿಯಾದ ಸೋಂಕಿನ" ಬಗ್ಗೆ ಹುಡುಕಿದ್ದಾಳೆ.

ಹಾಗಂದ್ರೆ ಎಲೀಟಾ ಏನಾದರೂ...

ಹಾಗೆಯೇ ಅನ್ಸುತ್ತೆ.

ಅದು ಸಾಧ್ಯವೇ?

ಅವಳ ಕಣ್ಣಿನ ಮೂಲಕವೇ?

ಹೌದು, ಸೈದ್ಧಾಂತಿಕವಾಗಿ.

ಮರ್ಫಿಯವರೇ!

ಕ್ಷಮಿಸಿ, ನಮ್ಮ ಪರಿಚಯ ಆಗಿಲ್ಲ.

ನನ್ನ ವಯಸ್ಸಿಗೆ ನನ್ನ ಬಾಯಿ ನಿಲ್ಲಲ್ಲ, ಮರ್ಫಿಯವರೇ.

ನನ್ನ ಪಾಪಗಳಿಗೆ ಎಷ್ಟೋ ವಿಚಾರಗಳು ನನಗೆ ಲಭ್ಯವಿವೆ, ಅದರಿಂದಾಗಿ

ನಾನು ಭೇಟಿಯಾಗಿರುವವರನ್ನೆಲ್ಲ ಆತ್ಮೀಯವಾಗಿ ಮಾತನಾಡಿಸುವ ಕೆಟ್ಟ ಅಭ್ಯಾಸ ಆಗಿಬಿಟ್ಟಿದೆ.

ಹಾಗೇನಿಲ್ಲ, ಮೇಡಂ. ತೊಂದರೆ ಏನಿಲ್ಲ.

ಹಾಗಿದ್ದರೆ, ಮಾಡ್ತೀನಿ ಅನ್ಸುತ್ತೆ.

ಹೌದು, ಮೇಡಂ, ಹಾಗನ್ನಬಲ್ಲೆ.

ಜ಼ುಬೋವ್ ಮತ್ತು ನೆದರ್ಟನ್ ಅವರಿಗೆ ನನ್ನ ಪರಿಚಯ ಮಾಡಿಸುತ್ತೀರಾ?

ನಾನು ನಗರ ಪೊಲೀಸ್ ಇಲಾಖೆಯ ಇನ್ಸ್ಪೆಕ್ಟರ್ ಏಯ್ನ್ಸ್ಲೀ ಲೋಬಿಯರ್.

ನಗರ ಪೊಲೀಸರು, ಸರ್.

-ಪೊಲೀಸಾ? -ಇನ್ಸ್ಪೆಕ್ಟರ್.

ನನ್ನ ತಂದೆಯ ವಕೀಲರನ್ನು ಕರೆಸಿ.

ತಕ್ಷಣವೇ!

ಫೋನುಗಳನ್ನು ಕಡಿತಗೊಳಿಸಲಾಗಿದೆ.

ಹಿಂಬದಿಯಿಂದ ತಪ್ಪಿಸಿಕೊಳ್ಳುವುದು ಜಾಣತನ.

ಆಕೆಗೆ ನೀವಿರುವುದು ಗೊತ್ತು. ಹೇಳಿದರು.

ನಾನೇನು ಮಾಡಬೇಕು, ಸರ್?

ಒಳಗಡೆ ಬಿಟ್ಟು ಸಾಯಿ.

ಹೆಚ್ಚು ಕಾಲ ಕಾಯಿಸಿದರೆ ತಪ್ಪಾಗಿ ಕಾಣುತ್ತೆ.

ಏನೇ ಮಾಡಿದರೂ ಸುಳ್ಳು ಹೇಳಬೇಡ.

ನಿನಗದು ಅಸಾಧ್ಯವೆನಿಸಬಹುದು.

ಅವರಲ್ಲಿ ಆ ಸಾಮರ್ಥ್ಯ ಇದೆ, ಮೇಲು ಸ್ತರದ ಅಧಿಕಾರಿಗಳಲ್ಲಿ.

ಆಕೆ ನಮ್ಮನ್ನು ಕೇಳುವ ಪ್ರಶ್ನೆಗಳಿಗೆ ಆಕೆಯ ಬಳಿಯೇ ಉತ್ತರ ಇದೆ

ಎಂದು ಭಾವಿಸುವುದು ಒಳ್ಳೆಯದು.

ಛೆ.

ಏನೋ ನಡೆಯಿತು, ನಿನಗೆ ತಿಳಿದಿದ್ದರೆ ಒಳ್ಳೆಯದು.

ಸೇತುವೆಯ ಮೇಲೆ ನಾನು ವಶಕ್ಕೆ ಪಡೆದ ಆ ಮುದುಕ.

ಹಾಂ?

ಇದನ್ನು ಹೇಗೆ ಹೇಳಬೇಕೋ ಗೊತ್ತಿಲ್ಲ, ಆದರೆ ಎಲ್ಲವೂ ಸಂಪೂರ್ಣ ಹಾಳಾಗಿ ಹೋಯಿತು...

ಅವನು ತಪ್ಪಿಸಿಕೊಂಡನೇ?

ಒಂದು ಕ್ಷಣ ಇರು, ಆಯ್ತಾ? ಅದು ಹಾಗಲ್ಲ.

ಮತ್ತೆ ಹೇಗೆ, ಟಾಮಿ?

ನಿನಗಿದ್ದಿದ್ದು ಒಂದೇ ಕೆಲಸ, ತಪ್ಪಿಸಿಕೊಂಡ.

ನನಗೆ ಅಪಘಾತವಾಯಿತು, ಬರ್ಟನ್.

ನಾನು ನಿನಗೆ ಹೇಳೋದು, ಅದು ಆಕಸ್ಮಿಕವಲ್ಲ.

ಯಾರೋ ದಾಳಿ ಮಾಡಿದ ಹಾಗಿತ್ತು.

ದಾಳಿ ಮಾಡಿದ ಹಾಗಿತ್ತಾ?

ದಾಳಿಯ ಬಗ್ಗೆ ಹೇಳ್ತೀನಿ ಕೇಳು, ಬಹಳ ಸಲ ಎರಡೂ ಕಡೆ ಇದ್ದು ಬಂದವನು ನಾನು.

ದಾಳಿಯಲ್ಲಿ ಸಾಮಾನ್ಯವಾಗಿ ಗುರಿ ಮತ್ತು ಚಲಿಸುವ ಮಾರ್ಗದ

ಬಗ್ಗೆ ನಿರ್ದಿಷ್ಟ ಮಾಹಿತಿ ಬೇಕಾಗುತ್ತೆ.

ಅದೇ ನಿನಗೆ ಹೇಳುತ್ತಿರುವುದು,

ನನ್ನನ್ನು ಗುರಿಮಾಡಿದರು, ಅವರಿಗೇನೋ ಗೊತ್ತಿದ್ದಂತೆ.

ಯಾರು? ಏನನ್ನು ಹೇಳುತ್ತಿರುವೆ, ಟಾಮಿ?

ಯಾರನ್ನು ವಶಕ್ಕೆ ಪಡೆದಿದ್ದೆ ಅವರಿಗೆ ಗೊತ್ತಿತ್ತು.

ನಾನು ಬರುವುದು ಗೊತ್ತಿತ್ತು.

-ಶೆರಿಫ್ ಇಲಾಖೆಗಾ? -ಹೌದು.

ಶೆರಿಫ್ ಜಾಕ್ಮನ್.

ಅದರ ಅರ್ಥ ಕೋರ್ಬೆಲ್ ಪಿಕೆಟ್ ಬಳಿ ನಮ್ಮವನು ಇದ್ದಾನೆ.

ಈಗ ನನಗೆ ಅರ್ಥವಾಯಿತು.

ನನಗೆ ಅದೇ ಅರ್ಥವಾಗುತ್ತಿಲ್ಲ.

ನೋಡು, ಬರ್ಟನ್, ಇದೆಲ್ಲಾ ಶುರುವಾದ ರೀತಿ,

ಹೊದಿಕೆ ಉಟ್ಟ ಕಾರುಗಳು, ಕವಚಗಳು,

ಇಲ್ಲಿ ಅಂದು ನಡೆದ ಘಟನೆ, ಲಾಟರಿ, ಈಗ ಇದು?

ಇಲ್ಲೇನು ನಡೆಯುತ್ತಿದೆ, ಬರ್ಟನ್?

ಏನು ಗೊತ್ತಾ?

ನೀನು ಸುಮ್ಮನೆ ನಿನ್ನ ಪಾಡಿಗೆ ನೀನು ಮುಚ್ಕೊಂಡು ಹೋದರೆ ಒಳ್ಳೆಯದು.

ಇಡೀ ಜೀವನ ನಿನ್ನ ಕುಟುಂಬ ನನಗೆ ಗೊತ್ತಿದೆ, ಹೀಗೆ ಹೇಳ್ತೀಯಾ?

ಪಿಕೆಟ್ ಒಬ್ಬನೇ ಅಲ್ಲ. ಬೇರೆ ಶಕ್ತಿಗಳಿಗೂ ನಮ್ಮ ಸಾವು ಬೇಕು--

"ಬೇರೆ ಶಕ್ತಿಗಳು"?

ಅದರೊಂದಿಗೆ ನಾನೇನು ಮಾಡಬೇಕು?

ಅದಕ್ಕೆ ನೀನು ಚೆನ್ನಾಗಿ ಏಟು ತಿಂದು, ಜರ್ಜರಿತನಾಗಿ, ಬದುಕಿರುವುದೇ ಅದೃಷ್ಟ.

ಮುಂದಿನ ದಾಳಿಯಲ್ಲಿ ನಿನಗೆ

ಇಷ್ಟು ಅದೃಷ್ಟ ಇರದಿರಬಹುದು.

ನನಗೆ ಸ್ವಲ್ಪ ಚಿಂತೆಯಾಗಿದೆ, ಶೆರಿಫ್,

ನಿಮ್ಮ ಡೆಪ್ಯೂಟಿ ನಮಗೆ ಬೇಡದ ಭಾರ ಆಗುತ್ತಿದ್ದಾನೆ ಅಂತ.

ಸರಿ, ಕೋರ್ಬೆಲ್, ನೀನು ಅಲ್ಲಿಯೇ ಕುಳಿತುಕೊಂಡು,

ಟಾಮಿ ಕಾನ್ಸ್ಟಂಟೈನ್ ಅವನ ವಶದಲ್ಲಿದ್ದ ಕೈದಿಯನ್ನು

ಕಳೆದುಕೊಂಡ ದೃಶ್ಯ ನೋಡಬೇಕನ್ನು,

ಅದನ್ನು ನೋಡಲು, ಎರಡು ದರಿದ್ರ ಪಾಸ್ವರ್ಡ್ ಹಾಕಬೇಕು.

ನಿಜಕ್ಕೂ ದಡ್ಡತನ ಇದು.

ನಾನು ಯಾವ ಪಾಸ್ವರ್ಡ್ಸ್ ಆಯ್ಕೆಮಾಡಿದೆ ಊಹಿಸು?

ಪಾಸ್ವರ್ಡುಗಳ ವಿಚಾರವೇ ಹಾಗೆ, ಅಲ್ವಾ, ಶೆರಿಫ್?

ಯಾರೂ ಅವನ್ನು ಊಹಿಸದಂತೆ?

"ಹಾಳಾಗಿ ಹೋಗು"

ಮತ್ತು "ಹೇಲು ತಿನ್ನು".

ದೊಡ್ಡಕ್ಷರಗಳು.

ಕೂಗಿ ಹೇಳುವಂತೆ. ಇಲ್ಲಿ ಒಬ್ಬನೇ ಆರಾಮಾಗಿರ್ತೀಯಾ?

ಹೌದು, ಸರ್, ಇರಬಲ್ಲೆ.

ಒಳ್ಳೆಯದು. ಆರಾಮವಾಗಿ ಇರು.

ಅಬ್ಬಾ.

"ಹಾಳಾಗಿ ಹೋಗು".

"ಹೇಲು ತಿನ್ನು".

ನಿನಗೆ ಎಷ್ಟು ವಯಸ್ಸು?

28 ಇರಬಹುದೇನೋ.

ನಿಮಗೆ ಹೆಚ್ಚು ಮಾತನಾಡಲು ಆಗದು ಅಂತ ನನಗೆ ಗೊತ್ತಿದೆ.

ನಿಮ್ಮ ಪರಿಸ್ಥಿತಿ ನೋಡಿದರೇನೇ ನನಗೆ ಅರ್ಥವಾಗುತ್ತೆ.

ನಾನೇನೂ ಬೇಜಾರು ಮಾಡಿಕೊಳ್ಳಲ್ಲ. ಆದರೆ ಒಂದು ವಿಚಾರ,

ನಿನ್ನ ಮಾತನಾಡಿಸಲಾಗದಂತ ಕೋರ್ಬೆಲ್ ಸವಾಲೆಸೆದರು.

ಆದರೆ, ನಾನು ಆಶ್ವಿಲ್ಲಲ್ಲಿ ಕಣ್ಣಿಟ್ಟಿದ್ದ ಒಂದು ತಿಳಿ ನೀಲಿ ಮಸ್ಟಾಂಗ್ ಕನ್ವರ್ಟಿಬಲ್

ನನಗೆ ಕೊಡಿಸಲು ಅವರು ಒಪ್ಪಿದ್ದಾರೆ.

ಇದು ಸ್ವಲ್ಪ ತಾಂತ್ರಿಕತೆ ಅನ್ನಿಸಬಹುದು,

ಆದರೆ ನೀನು ಏನು ಮಾತನಾಡುತ್ತೀಯ ಅಂತ ಕೋರ್ಬೆಲ್ ಹೇಳಲಿಲ್ಲ.

ಮಾತನಾಡುವುದಷ್ಟೇ. ಸರಳ, ಸುಲಭ.

ಹಾಗಾಗಿ, ನನ್ನ ಆಲೋಚನೆ, ನಾವಿಬ್ಬರೂ ಜೊತೆಯಾಗಿ ತಲೆ ಓಡಿಸಿ

ಒಂದು ಒಪ್ಪಂದಕ್ಕೆ ಬರುವುದು.

ಕೋರ್ಬೆಲ್ ವಾಪಸ್ ಬಂದಾಗ ನೀನು ಸ್ವಲ್ಪ ಮಾತನಾಡಲು ಒಪ್ಪಿದರೆ,

ಅದಕ್ಕೆ ಬದಲಾಗಿ ಏನನ್ನೋ ಕೊಡುವೆ.

ನನ್ನ ಬಗ್ಗೆ ಕೆಟ್ಟ ಆಲೋಚನೆ ಬೇಡ. ನಾನು ಅಂಥವಳಲ್ಲ.

ಆದರೆ ನಿನಗೆ ಏನಾದರೂ ಬೇಕಿದ್ದರೆ ಅದನ್ನು ನಾನು ಕೊಡಿಸಬಲ್ಲೆ.

ಅದು ಉಪ್ಪು ನೀರಾ?

ಅದು ಕೋರ್ಬೆಲ್ ಆಯ್ಕೆ.

ಗಂಡಸರ ಆಲೋಚನೆಯಾ ಇದು? ಉಪ್ಪು ನೀರು ಹಾಕಿದರೆ ಇನ್ನೂ ಖದರ್ರಾಗಿರುತ್ತೆ ಅಂತ.

ಆದರೆ ಏನು ಗೊತ್ತಾ?

ಅದರಲ್ಲಿ ಒಂದು ಕಾಯಿಲೆ ಬೀಳುವವರೆಗೂ ನಿಮಗೆ ಏನೂ ಅನ್ಸಲ್ಲ.

24 ಗಂಟೆಗಳ ನಂತರ, ಬೇರೆಯವಕ್ಕೂ ಹಾಗೇ ಆಗುತ್ತದೆ.

ಅಂದರೆ ಎಲ್ಲವೂ, ತೇಲುತ್ತಿರುತ್ತವೆ, ಹೊಟ್ಟೆ ಮೇಲಾಗಿ.

ಟ್ಯಾಂಕ್ ಖಾಲಿ ಮಾಡಿ, ಶುಚಿಗೊಳಿಸಿ, ಮೊದಲಿನಿಂದ ಶುರುಮಾಡಬೇಕು.

ಅದನ್ನು ಮೂರು ಬಾರಿ ಮಾಡಿದೆವು.

ಆಮೇಲೆ ನಾನು ನಿರಾಕರಿಸಿಬಿಟ್ಟೆ. ಖಡಾಖಂಡಿತವಾಗಿ.

ಅದರಲ್ಲಿ ನಿಮಗೆ 200 ಗ್ಯಾಲನ್ ಶುದ್ಧ ನೀರು ಕಾಣುತ್ತಿದೆ.

ನನಗೆ ಹೇಳಲು ಯಾವುದೇ ಅವಮಾನ ಇಲ್ಲ.

ನೋಡಲಾ?

ಅದರಲ್ಲಿ ಕೆಲವು ನೀಲಿ ರ್ಯಾಮ್ಸ್ ಇವೆ. ಚೆರ್ರಿ ಬಾರ್ಬ್ಸ್. ಎಲೆಕ್ಟ್ರಿಕ್ ಬ್ಲೂ ಹ್ಯಾಪ್ಸ್.

ಅವೇ ನನ್ನ ಅಚ್ಚುಮೆಚ್ಚಿನವು. ತುಂಬಾ ಸೂಕ್ಷ್ಮ.

ಮತ್ತು ಜೊತೆಗೆ ಫ್ಯಾನ್ಟೈಲ್ ಗಪ್ಪೀಸ್. ಶುದ್ಧನೀರಿನ ತೊಟ್ಟಿ ಇದ್ದುಕೊಂಡು--

ಹೇ! ಏನೋ ಅಂದುಕೊಂಡಿದ್ದೀಯಾ, ಮುದುಕ?

ನೀನು ನಮ್ಮ ಮನೆಯ ಅತಿಥಿ.

ನನ್ನ ಪೆಡಿಗೆ ಏನು ಮಾಡಿದೆ ನೋಡು!

ಇಲ್ಲ, ಇಲ್ಲ, ಇಲ್ಲ, ಇಲ್ಲ. ಇಲ್ಲ.

ನೀವು ಚೆಸ್ ಆಡ್ತೀರಾ, ಜುಬೊವ್ ಅವರೇ?

ನಮಗೀಗ ಕೃತಕ ಬುದ್ಧಿಮತ್ತೆಯ ಆಸರೆ ಇರುವುದರಿಂದ

ಅದು ಮೊದಲಿನಷ್ಟು ಮಜಾ ಇಲ್ಲ.

ಆದರೆ ಒಂದು ಕಾಲದಲ್ಲಿ ಅದು ಅದ್ಭುತವಾದ ತಿರುವಾಗಿತ್ತು.

ನೀನು ನಡೆಸುವ ಪ್ರತಿ ನಡೆಯುೂ ನಿನ್ನ ಎದುರಾಳಿಯ

ಮುಂದಿನ ನಡೆಯನ್ನು ನಿರ್ಧರಿಸುವಂತಿರುವಾಗ ಒಂದು ರೀತಿಯ ಮೇಲರಿಮೆ ಅನುಭವಿಸಬಹುದಾಗಿತ್ತು.

ಮತ್ತು ನಾವಂದುಕೊಂಡಿರದ ರೀತಿ ಎದುರಾಳಿ ಚಲಿಸಿದಾಗ

ಆಗುವ ಭ್ರಮನಿರಸನದ ರೋಚಕತೆಯೇ ಮಜಾ.

ನನಗೆ ಆಶ್ಚರ್ಯ ಉಂಟು ಮಾಡಬಲ್ಲಿರಾ, ಮಿ. ಜುಬೊವ್?

ದಯವಿಟ್ಟು ಕ್ಷಮಿಸಿ, ಇನ್ಸ್ಪೆಕ್ಟರ್,

ನನ್ನ ಕುಟುಂಬದ ವಕೀಲರು ನಮ್ಮ ಜೊತೆ ಇದ್ದರೆ ಸಮಂಜಸವಾಗಿರಬಹುದೇನೋ?

ಖಚಿತವಾಗಿ ನಾನಂದುಕೊಂಡ ಹಾಗೇನೇ. ನಿರೀಕ್ಷಿಸಿದ ನಡೆಯೇ.

ಇದು ನಿಮ್ಮ ನಿರ್ಧಾರ,

ಆದರೆ ನಿಮ್ಮ ವಕೀಲರನ್ನು ಕರೆಸಬೇಕೆಂದಾದರೆ,

ನಮ್ಮ ಭೇಟಿ ಹೀಗೆ ಮುಂದುವರಿಯಬಹುದು.

ನಿಮ್ಮ ಗೆಳೆಯ, ಮಿ. ನೆದರ್ಟನ್, ಒಂದು ಅಪರಾಧ ನಡೆದ ಸ್ಥಳದಲ್ಲಿ ಕಂಡುಬಂದಿದ್ದಾರೆ.

ಡೇನಿಯಲ್ ಕುಕ್ ಎಂಬ ವ್ಯಕ್ತಿಯ ಕೊಲೆಯ ಸ್ಥಳದಲ್ಲಿ,

ಆತ ಸಂಶೋಧನಾ ಸಂಸ್ಥೆಯ ಸುರಕ್ಷತಾ ಮುಖ್ಯಸ್ಥ.

ಕೋಯ್ಡಿನಿಂದ ಕೊಲ್ಲಲ್ಪಟ್ಟಿರಬಹುದು.

ನೆದರ್ಟನ್ ಅವರನ್ನು ಸಹವರ್ತಿ ಎಂದು ವಿಚಾರಣೆಗೆ ಒಳಪಡಿಸಬಹುದು.

ಅದರ ಅರ್ಥ ಇಲ್ಲಿಯೇ, ನಿಮ್ಮ ಡ್ರಾಯಿಂಗ್ ಕೋಣೆಯಲ್ಲಿ,

ಸುಮಾರು ಏಳು ನಿಮಿಷಗಳಲ್ಲಿ,

ಪಾಪದ ನೆದರ್ಟನ್ನನ ಬಲಿಗೆ ನಾವು ಸಾಕ್ಷಿಯಾಗಬಹುದು.

ಆದರೂ, ಖಂಡಿತ, ಮೀನು ಹಿಡಿಯುವಾಗ ಮರಿಯನ್ನು ಹಿಡಿದರೆ,

ಬುದ್ಧಿವಂತ ಮೀನುಗಾರನು ಅದನ್ನು ಕೊಕ್ಕಿಗೆ ಚುಚ್ಚಿ

ಅದನ್ನು ದೊಡ್ಡ ಮೀನು ಹಿಡಿಯಲು ಬಳಸುತ್ತಾನೆ.

ನಿಮ್ಮನ್ನು ಕೀಳಾಗಿ ನೋಡುತ್ತಿಲ್ಲ, ಮಿ. ನೆದರ್ಟನ್,

ಆದರೆ ನನ್ನ ಲೋಕದಲ್ಲಿ ನಿಮಗೆ ಅಂತಹ ಬೆಲೆಯೇನೂ ಇಲ್ಲ.

ಇದರಿಂದ ನಿಮಗೆ ಅನುಕೂಲವೇ ಆಗಬಹುದು.

ಯಾಕೆಂದರೆ, ನಿಮ್ಮ ವಿಚಾರಣೆ ಶುರುವಾದಾಗ,

ನನ್ನ ಗಮನವನ್ನು ದೊಡ್ಡ ಮೀನುಗಳ ಕಡೆಗೆ ಹರಿಸಿ ನಿಮ್ಮ ಜೀವವನ್ನು

ಉಳಿಸಿಕೊಳ್ಳಬಹುದು ಎಂದು ಸ್ಪಷ್ಟವಾಗಿ ಹೇಳಬಲ್ಲೆ.

ನಿಮಗೆ ಅಂತಹದ್ದೇನಾದರೂ ಗೊತ್ತಿದ್ದರೆ.

ನೀವಿಬ್ಬರೂ ಹಳೆಯ ಸ್ನೇಹಿತರು, ಖಂಡಿತ.

ಮತ್ತು ಅದು ಆತ್ಮದ ಮೇಲೆ ಸೆಳೆತ ಬೀರಬಹುದು.

ಆದರೆ ಒಬ್ಬರ ಕತ್ತಿನ ಮೇಲೆ ಕತ್ತಿ ಇಟ್ಟಾಗ

ಈ ಭಾವನೆಗಳೆಲ್ಲಾ ಹೇಗೆ ಮಾಯವಾಗುತ್ತವೆ ಎನ್ನುವುದೇ ಕುತೂಹಲಕಾರಿ.

ಸಾಲ್ಮನ್, ಧನ್ಯವಾದ.

ಚಹಾದಲ್ಲಿ ಚೂರೇ ಚೂರು ಹಾಲು ಬೆರೆಸಿ, ಸಾಕು.

ಬಹಳ ಒಳ್ಳೆಯ ಕೆಲಸ ಮಾಡಿದ್ದೀರಿ, ಮರ್ಫಿ ಅವರೇ,

ಯೌವ್ವನದಲ್ಲಿ ಕಾನೂನಿನೊಂದಿಗೆ ನಿಮ್ಮ ಭೇಟಿಗಳನ್ನು ಪರಿಗಣಿಸಿದಾಗ.

ನೆನೆಯಲು ಸಂತೋಷವಾಗುತ್ತದೆ.

ನನ್ನ ಅನುಭವದಲ್ಲಿ, ಜುಬೊವ್ ಅವರೇ, ಇಂತಹ ಪರಿಸ್ಥಿತಿಯಲ್ಲಿ,

ನಿಮ್ಮ ಕಡೆಯಲ್ಲಿ ಸ್ವಲ್ಪ ತುಂಬಿದಂತೆ ಭಾಸವಾಗಬಹುದು.

ನಿಮ್ಮ ಕುಟುಂಬದ ವ್ಯವಹಾರಗಳು ವಿಸ್ತಾರವಾಗಿ ಬೆಸೆದುಕೊಂಡಿವೆ, ಅಂದುಕೊಳ್ಳುವೆ.

ಅದರಲ್ಲಿ ಒಂದೇ ಒಂದು ಎಳೆ ನನಗೆ ಸಿಕ್ಕರೆ, ಅದು ಯಾವೆಲ್ಲಾ ರೀತಿಯಲ್ಲಿ

ಬಿಚ್ಚಿಕೊಳ್ಳಬಹುದು ಅಂತ ನನಗೇ ಗೊತ್ತಿಲ್ಲ…

ಮತ್ತೆ ನನ್ನ ರೂಪಕಗಳನ್ನು ಬೆರೆಸುತ್ತಿರುವೆ, ಅಲ್ವಾ?

ಚದುರಂಗ, ಮೀನು ಹಿಡಿಯುವುದು, ಸುತ್ತಿಕೊಂಡ ದಾರಗಳು.

ನೀನು ಅದಕ್ಕೆ ನನಗೆ ಸಹಾಯ ಮಾಡಬೇಕು, ಬೀಟ್ರಿಸ್.

ನೀವು ತುಂಬಾ ಮಜಾ ಅನುಭವಿಸುತ್ತಿದ್ದಿರಿ. ಅಡ್ಡಿಪಡಿಸಲು ಮನಸ್ಸಾಗಲಿಲ್ಲ.

ಹೇಗೇ ಇದ್ದರೂ.

ನೀನು ನಿಮ್ಮ ವಕೀಲರನ್ನು ಕರೆಸಿದರೆ,

ಕಥೆ ಹೀಗೆ ಮುಂದುವರೆಯುತ್ತದೆ. ಏನಂತೀಯಾ?

ನಾನು ಒಪ್ಪುವೆ. ಸುಸ್ತು ಮಾಡುತ್ತೆ. ತಡ್ಕೊಳ್ಳೋಕೆ ಆಗಲ್ಲ.

ನಾವು ಮಿ. ನೆದರ್ಟನ್ ರನ್ನು ಕಳೆದುಕೊಳ್ಳಬಹುದು.

ಇದನ್ನೆಲ್ಲಾ ಒಂದು ಕ್ಷಣ ಬದಿಗಿಟ್ಟು, ಕೆಲವು ಪ್ರಶ್ನೆಗಳಿಗೆ ಉತ್ತರಿಸಿದರೆ,

ಎಷ್ಟು ಚೆನ್ನಾಗಿರುತ್ತೆ?

ಸತ್ಯವಾಗಿ. ನೇರವಾಗಿ. ವಿವರವಾಗಿ. ಮತ್ತು ಯಾರಿಗ್ಗೊತ್ತು?

ಇದು ನಮ್ಮನ್ನು ಒಂದು ಹೊಸ ಕುತೂಹಲಕಾರಿ ಸಾಹಸಕ್ಕೆ ಈಡು ಮಾಡಬಲ್ಲದು.

ಏನಂತೀಯಾ?

ಪ್ರಯತ್ನಿಸೋಣವೇ?

ಸರಿ, ಮತ್ತೆ.

ಕೃತಕ ಬುದ್ಧಿಮತ್ತೆಯಿಂದ ಚಲಿಸುತ್ತಿರುವ ಮೂರು ಪೆರಿಫರಲ್ಗಳನ್ನ ಮೆಟ್ ಪತ್ತೆಮಾಡಿದ್ದಾರೆ.

ಅವರನ್ನು ಕರೆಯುತ್ತೀರಾ? ನಾನಂತೂ ನೋಡಲು ಉತ್ಸುಕಳಾಗಿರುವೆ.

ಮತ್ತು

ಅವರ ಚಾಲಕರನ್ನು ಕೂಡ.

ಅದು ಸ್ವಲ್ಪ ಕಷ್ಟ ಆಗಬಹುದು, ಇನ್ಸ್ಪೆಕ್ಟರ್.

ಕಷ್ಟದ್ದನ್ನು ಪರಿಹರಿಸುವಲ್ಲಿ ನಾನು ನಿಸ್ಸೀಮಳು ಅಂತ ಸ್ವಲ್ಪ ಹೊತ್ತಲ್ಲಿ ನೀವೇ ನೋಡ್ತೀರ.

ಮತ್ತು ನೀವು ಯಾವಾಗ--

ಈಗಲೇ, ಮಿ. ಜುಬೊವ್. ತ್ವರಿತವಾಗಿ.

ಆದರೂ ಸದ್ಯಕ್ಕೆ ಸಾಧ್ಯವಿರುವಂಥದ್ದು ನನ್ನಿಷ್ಟದ ಪ್ರಕಾರ ಆಗಲಿದೆ.

ನಮ್ಮನ್ನು ಹರಸು, ಸ್ವರ್ಗರೂಪಿ ತಂದೆಯೇ,

ಮತ್ತು ನಿನ್ನ ನಿಧಿಯಿಂದ ನಾವು ಪಡೆಯಲಿರುವ ಈ ಎಲ್ಲಾ ಉಡುಗೊರೆಗಳನ್ನು,

ನಮ್ಮ ದೇವನಾದ ಏಸು ಕ್ರಿಸ್ತನಿಂದ. ಆಮೆನ್.

ನನ್ನ ಹುಟ್ಟುಹಬ್ಬ ಅಲ್ಲ, ನೀನು ಹಾಗೆಂದುಕೊಂಡಿದ್ದರೆ.

ಇಲ್ಲ.

ನೀನು ನಿದ್ದೆಯಿಂದ ಎದ್ದ ಆ ಫ್ಲಾಶ್ ಬ್ಯಾಕ್, ನನಗೂ ಸ್ವಲ್ಪ ಚಿಂತೆ ಕೊಡುತ್ತಿದೆ.

ತುಂಬಾ ಭೀಕರವಾಗಿತ್ತು.

ಹಾಗಾಗಿ ಒಮ್ಮೆ ಭೇಟಿ ಕೊಟ್ಟು, ಹೇಗಿದ್ದೀಯಾ ಅಂತ ನೋಡೋಕೆ ಬಂದೆ.

ಆಮೇಲೆ?

ನೀನು ಹೇಳು.

ಕಲ್ಲುಗುಂಡು ಇದ್ದಂಗಿದ್ದೀನಿ.

ಬಿಸಿಬಿಸಿಯಾಗಿ ಫ್ರೆಂಚ್ ಟೋಸ್ಟ್ ಒಲೆಯಿಂದ ಇಳಿಸಿದೆ.

ನೀನು ಸ್ವಲ್ಪ ಗೌರವ ತೋರಿಸಿದರೆ, ನಿನಗೂ ಒಂದು ತುಂಡು ಕೊಡೋಣ ಅಂತಿದ್ದೀನಿ.

ಅಯ್ಯೋ, ಅದು ನನಗೆ ತುಂಬಾನೇ ಕಷ್ಟವಾಗುತ್ತೆ, ಕಾನರ್.

ನಾನು ಈಗಾಗಲೇ ತಿಂದಿರುವೆ. ಧನ್ಯವಾದ. ನೀನು ತಿನ್ನು.

ನೀನು ನನಗೆ ಅದನ್ನು ತಂದುಕೊಟ್ಟರೆ,

ನಾನು ಇಲ್ಲಿಯೇ ಕುಳಿತು, ಈ ಸುಂದರ ವಾತಾವರಣದಲ್ಲಿ ತಿನ್ನುವೆ.

ಅದ್ಭುತ.

ಕಾನರ್ ಪೆನ್ಸ್ಕೆ ಈಗಷ್ಟೇ ನನ್ನ ಸಹಾಯ ಕೇಳಿದ.

ಸಾಬೀತುಪಡಿಸಲು ಸುತ್ತಮುತ್ತ ಒಬ್ಬ ಸಾಕ್ಷಿಯೂ ಇಲ್ಲ.

ನನ್ನ ತಿಂಡಿ ತಣ್ಣಗಾಗಲು ಬಿಡುತ್ತೀಯಾ?

ಬೇಗ ಬೇಗ, ಮಗಾ!

ಇನ್ನೇನಾದರೂ ಬೇಕಿತ್ತೇ, ಮಹಾರಾಜ?

ಹೌದು.

ಡಬ್ಬಿಯಲ್ಲಿ ಏನಿದೆ?

ನಮ್ಮ ಭವಿಷ್ಯದ ಗೆಳೆಯರಿಂದ ಉಡುಗೊರೆ.

ಮೇಕನ್ ಮತ್ತು ಎಡ್ವರ್ಡ್ ಇದನ್ನು ಮುದ್ರಿಸಿದರು. ತೆರೆದು ನೋಡು.

ಫ್ಲಿನ್ ವರ್ಣಿಸುವಷ್ಟೇನೂ ಅದ್ಭುತವಾಗಿಲ್ಲ.

ಫ್ಲಿನ್ ಕಾಲುಗಳನ್ನು ಮುದ್ರಿಸಿದಳಾ?

ಒಳಗಡೆ ಬೇಕಾದಷ್ಟು ಇವೆ.

ಅವುಗಳ ಕೆಲಸವನ್ನೂ ಮಾಡುತ್ತಾಳೆ. ಅವು ಕಲೆ ಇದ್ದಂತೆ.

ಫ್ಲಿನ್ ದು ಒಳ್ಳೆಯ ಮನಸ್ಸು.

ನೀನ್ಯಾಕೆ ಅವನ್ನು ಹಾಕುವುದಿಲ್ಲ?

ಕೆಲವೊಮ್ಮೆ ಇದೆಲ್ಲಾ ನನಗಿಂತ ನಿಮಗೆ ಜಾಸ್ತಿ ಅನ್ಸುತ್ತೆ.

ನನ್ನನ್ನು ಹೆಚ್ಚಿನ ಉಪಯೋಗ ಇಲ್ಲದೆ ಕಂಡಾಗ

ಜನರಿಗೆ ಒಂಥರಾ ಸಮಾಧಾನ ಆಗುತ್ತೆ.

ಗೊತ್ತಾಯ್ತು.

ಆದರೆ ಇವು ಬೇರೆ ಯಾವುದಕ್ಕಿಂತಲೂ ಹೆಚ್ಚು ಉಪಯುಕ್ತವಾಗಿವೆ.

ಆದರೂ ನಕಲಿಯೇ.

ನಿನಗೆ ಹೇಳುವುದು ಬೇಡ ಅಂತಿದ್ದೆ,

ಆದರೆ ಇಷ್ಟರಲ್ಲೇ ನೀನು ನಿಜವಾದದ್ದನ್ನು ಬೆಳೆಯಲಂತೂ ಆಗದು.

ನನಗೆ ನಿಜವಾದವು ಇವೆ,

ನನಗಾಗಿ ಕಾಯುತ್ತಿವೆ, ಭವಿಷ್ಯದಲ್ಲಿ.

ನಾನು ಅದರ ಬಗ್ಗೆ ಕೇಳುತ್ತಿರುವೆ.

ಮತ್ತೊಮ್ಮೆ ಹಳೆಯ ಐವಿ ಮತ್ತು ಕೊಳವೆಯಾ?

ಒಪ್ಪಿಗೆ ಇಲ್ಲದಿದ್ದರೆ ಸೂಕ್ಷ್ಮವಾಗಿ ಸೂಚಿಸು,

ನಾನು ಪ್ರತಿಕ್ರಿಯಿಸಬೇಕಾದರೆ.

ನನ್ನನ್ನು ಸಂತೋಷವಾಗಿ ಕೊನೆಗೆ ಯಾವಾಗ ನೋಡಿದ್ದೆ?

ನಾನೊಂದು ಯೋಚಿಸುತ್ತಿರುವೆ.

ಸಿಡಿತದ ನಂತರ ನೀನು ಆಸ್ಪತ್ರೆಯಲ್ಲಿದ್ದ ಆರಂಭದ ದಿನಗಳಲ್ಲಿ ನಿನ್ನನ್ನು ನಾನು

ನೋಡಲು ಬಂದಿದ್ದು ನೆನಪಿದೆಯೇ?

ಸ್ವಲ್ಪ.

ನೀನು ನನಗೆ ಮಾಡಲು ಹೇಳಿದ ಕೆಲಸ,

ನನ್ನನ್ನು ಕೆಡಿಸಿಹಾಕಿಬಿಟ್ಟಿತು, ಕಾನರ್.

ನಾನು ಕೇಳಿದ್ದಾ?

ನಾನು ಮಾಡಲಾಗದ್ದು.

ಸರಿ, ಅದರ ಬದಲಾಗಿ ನೀನು ಮಾಡಿದ್ದು ನನ್ನನ್ನು ಕೆಡಿಸಿತು, ಹಾಗಾಗಿ ಲೆಕ್ಕ ಚುಕ್ತಾ ಆಯ್ತು.

ನಾನೇನು ಮಾಡಿದೆ?

ನನ್ನ ಮಂಚದ ಪಕ್ಕ ಆ ದರಿದ್ರವನ್ನು ಬರೆದೆ.

ಹಾಂ. ನಿನ್ನನ್ನು ಏನಾದರೂ ಎಬ್ಬಿಸುವಂಥದ್ದು ಇದ್ದರೆ,

ಅದು "ಬರ್ಟನ್ ಇಲ್ಲಿದ್ದ" ಎಂಬ ಬರಹ.

ನೀನಲ್ಲಿ ಮಲಗಿದ್ದು ಅದರ ಮೇಲೆ "ಬೋ.ಮ." ಅಂತ ಬರೆಯುತ್ತೀಯ ಅಂದುಕೊಳ್ಳುತ್ತಿದ್ದೆ.

ಬರೆಯುವ ಮುಂಚೆ ಕಳಿಸಿಬಿಟ್ಟರು.

ನೀನು ಕೊಳವೆ ಮತ್ತು ಐವಿ ಜೊತೆ ಪ್ರಯತ್ನಿಸಬೇಕು ಅಂದುಕೊಂಡಿರೋದು?

ಇದನ್ನು ಒಂದು ರೀತಿ ನೋಡೋದಾದ್ರೆ,

ನಿನ್ನ ಮುಖದ ಮೇಲೆ ತಲೆದಿಂಬನ್ನು ಒತ್ತಿಟ್ಟ ಹಾಗೆ.

ಅಥವಾ ಗುಂಡು ಹೊಡೆದುಕೊಂಡ ಹಾಗೆ.

ಸ್ವಲ್ಪ ನಿಧಾನ ಅಷ್ಟೇ.

ಅಯ್ಯೋ, ಬರ್ಟನ್. ಜೀವನವನ್ನು ಒಂದು ರೀತಿ ನೋಡೋದಾದರೆ,

ಅದು ನಿಧಾನವಾಗಿ ಗುಂಡು ಹೊಡೆದುಕೊಂಡಂತೆ.

ನೀನು ಭಲೇ ಕಣೋ, ಕಾನರ್.

ನಾನು ಹೇಳೋದು, ನಿನ್ನ ಈ

ವಲಸೆ ಕಾರ್ಯಕ್ರಮಕ್ಕೆ ನೆರವಾಗುವ ಮುಂಚೆ ಸ್ವಲ್ಪ ಯೋಚಿಸಬೇಕು ಅಂತ.

ನ್ಯಾಯವೇ.

ಏತನ್ಮದ್ಯೆ, ನೀನು ಇವುಗಳನ್ನೂ ಪ್ರಯತ್ನಿಸಿ ನೋಡಬಹುದಲ್ವಾ?

ಹಾಳಾಗಿ ಹೋಗಲಿ. ನಾಳೆ ನೋಡೋಣ.

ಒಂದು ತಮಾಷೆ ಏನು ಗೊತ್ತಾ?

ನಾವು ಚಿಕ್ಕವರಾಗಿದ್ದಾಗ ಕೊರೆದಿದ್ದ ಇವು ಈಗಲೂ ಮನೆಯ ತುಂಬಾ ಇವೆ.

ನಮ್ಮಮ್ಮನನ್ನು "ಎಮ್ಎಫ್" ಅಂದ್ರೇನು ಅಂತ ಕೇಳಿದ್ರೆ, "ನನ್ನ ಗೆಳೆಯ" ಅಂತ ಹೇಳ್ತಾಳೆ.

ಅಲ್ವಾ?

ಹೌದು. ಹಾಗಾಗುತ್ತೆ, ಬೋಳಿಮಗನೇ.

ನೀನು ಜಾಸ್ತಿ ತಿನ್ನಲಿಲ್ಲ ತಾನೇ?

ಯಾಕೆ?

ಲಂಡನ್ ಕರೆಯುತ್ತಿದೆ. ನಾವು ಮರಳಿ ಹೋಗಬೇಕಂತೆ.

ಫಾರೆವರ್ ಫ್ಯಾಬ್ 3ಡಿ ಮುದ್ರಣ

-ಎಲ್ಲಿಗೆ ಹೋಗುತ್ತಿದ್ದೇವೆ ಗೊತ್ತಾ? -ಇಲ್ಲ.

ನೀವು ಮೂವರನ್ನು ಕಳಿಸಲಷ್ಟೇ ಹೇಳಿದರು. "ತ್ವರಿತವಾಗಿ".

-ಅದರ ಅರ್ಥ ಏನೋ. -ಯೋಜನೆ, ಮಾಹಿತಿ, ಸ್ಥಳಾನ್ವೇಷಣೆಗಳಿಲ್ಲ.

-ಹಾಗಂದ್ರೆ ಏನಂತ ಗೊತ್ತಲ್ಲ? -ವೇಗ, ತೀವ್ರತೆ ಮತ್ತು…

ಕ್ರಿಯೆಯ ಹಿಂಸೆ.

ಹೂರಾ, ಮಗನೇ.

ಮತ್ತೆ, ಈ ಕ್ವಾಂಟಮ್ ಸುರಂಗ, ನೀವು ಕರೆಯುವಂತೆ, ಭೂತಕಾಲವನ್ನು ಸಂಪರ್ಕಿಸಲು ಅನುವು ಮಾಡುತ್ತೆ.

ನಿರ್ದಿಷ್ಟ ಭೂತಕಾಲಕ್ಕೆ, ಯಾಕೆಂದರೆ ನೈಜ ಭೂತಕಾಲದಲ್ಲಿ ನೀನು ಸಂಪರ್ಕಿಸಲಿಲ್ಲ.

ಇದು ನನಗೆ ತಲೆನೋವು ಕೊಡುತ್ತಿದೆ, ಮಿ. ಜುಬೊವ್. ನಿಮಗೆ ನೋವಿಲ್ಲ ಅಂತ ಕಾಣುತ್ತೆ.

ಅದು ತುಂಬಾ ಸರಳವಾದದ್ದು.

ಸಂಪರ್ಕದ ಕ್ರಿಯೆ ಕಾರ್ಯಕಾರಣದಲ್ಲಿ ಕವಲನ್ನು ಸೃಷ್ಟಿಸುತ್ತದೆ,

ಈ ಹೊಸ ಶಾಖೆಯ ಕಾರ್ಯರೂಪ ವಿಶಿಷ್ಟವಾಗಿರುತ್ತೆ.

ಅದನ್ನು ಸ್ಟಬ್ ಎನ್ನುತ್ತೇವೆ.

ನೀವು ಯಾಕೆ ಅದನ್ನು ಹಾಗೆ ಕರೆಯುತ್ತೀರಾ? ಹೆಸರು ಚಿಕ್ಕದಾಯಿತಲ್ವಾ? ಹೊಲಸಾಗಿ. ಕ್ರೂರವಾಗಿ.

ಕವಲಿನ ಹೊಸ ಟೊಂಗೆ ಬೆಳೆಯುತ್ತಾ ಹೋಗಬೇಕು ಅಲ್ಲವೇ?

ನಾವು ಹಾಗೆಯೇ ಅಂದುಕೊಳ್ಳುವುದು. ಆ ಪದ ಎಲ್ಲಿಂದ ಬಂತೋ--

ಸಾಮ್ರಾಜ್ಯಶಾಹಿತ್ವ.

ಇದನ್ನು ಸ್ಟಬ್ ಎಂದು ಕರೆಯುವುದರಿಂದ ಅದರ ಮೇಲೆ ಅಧಿಪತ್ಯ ಸಾಧಿಸಲು ಸುಲಭವಾಗುತ್ತದೆ.

ಈ ವಸಾಹತುಶಾಹಿಯಲ್ಲಿ ಮಿ. ಜುಬೊವಿಗೆ ಅನುಕೂಲ ಮಾಡುವಿರಾ?

-ನೀವು ಮತ್ತು ಮಿ. ಮರ್ಫಿ? -ಹುಟ್ಟಿ ಬರುತ್ತಿದ್ದಾರೆ.

ಮತ್ತು ನೀವು, ನಾನಂದುಕೊಂಡಂತೆ, ಅಸಾಧಾರಣ ಫ್ಲಿನ್ ಫಿಷರ್, ಅಲ್ಲವೇ?

ಇನ್ಸ್ಪೆಕ್ಟರ್ ಏಯ್ನ್ಸ್ಲೀ ಲೋಬಿಯರ್, ನಗರ ಪೊಲೀಸ್ ಇಲಾಖೆಯಿಂದ.

ನಿಮ್ಮ ಪರಿಚಯದಿಂದ ಸಂತೋಷವಾಯಿತು.

ಮೇಡಂ.

ಮುಂದೆ ದಿ ಪೆರಿಫೆರಲ್ನಲ್ಲಿ

ಏನಿದು?

ಪ್ರಾಣಿಗಳು ಇಲ್ಲಿಯೇ ಬಂದು ಆಡುವುದು.

ನನ್ನಿಂದ ಒಂದು ಅಮೂಲ್ಯವಾದ ವಸ್ತುವನ್ನು ಕದಿಯಲಾಗಿದೆ.

ಆಗ ನಾವು ಇದರ ಬಗ್ಗೆ ಮಾತನಾಡಬಹುದು. ಒಂದು ಒಪ್ಪಂದಕ್ಕೆ ಬರಬಹುದು.

-ನಾವು ಹೋಗಬೇಕು! -ಇದನ್ನು ಸರಿಯಾಗಿ ಮಾಡಲು ನನ್ನನ್ನು ನಂಬು.

-ಕೊಲ್ಲಿರಿ. -ದೀಪ ಆರಿತು.

ಉಪ ಶೀರ್ಷಿಕೆ ಅನುವಾದ: ಸುಜಿತ್ ವೆಂಕಟರಾಮಯ್ಯ

ಸೃಜನಶೀಲ ಮೇಲ್ವಿಚಾರಕರು ಮೌರಿಯಾ ಎಸ್ ಅರವಿಂದ್