Original subtitles

Trenera!

TIROKATZAILE BATEN HERIOTZA

Eguzkiaren distiraz izadiak irribarre egin zuen.

Eta orduan landu genuen esan ziguten uzta handia.

Eta zer bihurtu da uzta hori?

Arto pixka bat...

...olo pixka bat...

...eta hori dena elkartuta ere, ezin da erosi...

...ez gurinik, ez arrautzarik.

Horra zer bihurtu zen uzta.

Politikariek esan ziguten gehiegi ekoizten genuela.

Dirua nahi dugu...

...lurrak...

...eta garraioa.

Banku nazionalak ezeztatzea nahi dugu.

Gabon, sheriff.

Zer dugu, Dan?

Zer ari zara hor?

Hau freskoagoa duk.

-Gau beroa! -Bai.

Ordu honetan ohean egongo hintzela uste nian.

Hemendik pasatu naiz eta...

Jakina.

Ikusi nahi huen ea lo hartu dudan nire azken erronda ahazturik.

Ez, jauna.

Zer moduz bota berriak?

Oso ondo. Mila esker opariagatik.

Ez dauzkak estuegi?

Ez. Asko gustatzen zaizkit.

Gauza bat jakin nahi duk, Dan?

Zer?

Ez dakik gezurrik esaten.

Mundu honetan arrakasta izateko, gezurrak esaten ikasi beharko duk.

Ohera joan, Dan.

Gabon, sheriff.

Orain hobe duzu etxera joatea, maitale!

Zoaz etxera sheriffak gaueko erronda bukatu baino lehen...

...4 egun baitaramatzazu mozkortuta eta emaztea utzi baituzu...

...atsegin-gosez.

Ez duzu kontatu beharrik, dena hor daukazu.

Tori.

Ez diot inori kobratzen nire maindireetan negar egiteagatik.

-Gehiegi edan dut. -Bai horixe, maitale.

Har ezazu dirua.

Zeren truk?

Zure negarrak entzuteagatik?

Lanez aldatu behar nuke.

Ospa hemendik, Luke...

...zer maitale txarra zaren denei kontatzea nahi ez baduzu.

Nire emazteagatik zin dagizut hilko zaitudala, Patch.

Frank!

Beldurrez zaude?

Bai, beldurtuta nago.

Orain, jaitsi zaitez hortik; ez niri tiro eginarazi.

Ni hiltzeko beldurrez zaude?

Tira, hil nazazu, Frank!

Hil nazazu, beste zerri horiek hil zenituen bezala.

Beste norbait hil, eta herritik botako zaituzte.

Ez ote zaizu berandutzen ariko zeregin garrantzitsu bat egin gabe?

Nire emaztearekin maindire azpian ibili gabe, adibidez?

Ez zaitut horrelako gauzak egitetik berandutuko, ezta?

Buruhausteren bat, sheriff?

Luke gaixoak inori minik eman ez!

-Adams doktorea zure etxean dago? -Ene bada! Nola gertatu da?

-Adams doktorea zure etxean dago? -Bai, han dago.

Alde hemendik.

Ospa.

Sheriffak bere eginbeharra bete du!

Mozkor arriskutsuengandik babestu gaitu.

Zuk eta udalbatzak egizue zerbait gu sheriffarengandik libratzeko!

Egingo dugu, beharbada.

Doktore!

Barkatu esnatzeagatik.

Ez dio axola. Zer gertatzen da?

Zurekin hitz egin behar dut.

Sartu.

Pozten naiz zu ikusteaz.

Oso bakarrik geratzen naiz bera mozkorkerian dabilenean.

Badakit.

Kafe pixka bat egingo dut.

Ezin naiz geratu.

Zer gertatu da, Frank?

Lukeri tiro egin diote.

Tiro?

Bizirik dago oraindik.

Non dago?

Alamon.

Ondo da.

Sentitzen dut.

Zer moduz dago, doktore?

A zer sargoria!

Frank.

Hil egin da?

Oraindik ez.

-Zer ari zara? -Zuri musu ematen.

Jainkoarren, Hilda!

Jainkoaren izena alferrik ez aipatu, Dan.

Erotu egin zara.

Hilda!

Bai, ama?

6ak paseak dira, zer ari zara?

Ohean nago Dan Joslinekin.

Ez esan txorakeriarik eta jaitsi. Zure beharra daukat.

Bai, ama.

Hemendik botako naute zure erruz!

Zu gabe, amak ezingo luke ostatua gobernatu.

Baina amak abisatu zidan.

"Dan Joslin umezurtza da, Hilda...

...eta seduzitu nahiko zaitu, emakumea zarenez gero".

-Ez hitz egin horrela. -Zergatik ez?

Zergatik ez?

Erotzen ari naiz.

Goazen, Frank. Goazen orain.

Ez dakit zer frogatu nahi duzun, baina ergelkeria bat iruditzen zait.

Zuk nahi duzuna egingo dut.

Baina goazen hemendik.

Ez duzu nirekin ezkondu behar. Ezta ni maitatu behar ere.

Oso ikaratuta nago nire harrotasunean pentsatzeko.

-Nekatuta nago, Claire. -Orduan entzun, Frank...

...mesedez.

Denbora luzea daramazu hemen.

Aitak dioenez, sheriffak ez zuen hil beharrik.

Zure aitak isilik egoten ikasi behar du.

Barkatu, Oxley jauna, nahigabe esan dut.

Jakina.

Sheriffak ez luke inor hilko horretara behartuta egon gabe.

Zuk badakizu hori, Oxley jauna.

-Komisarioa etortzekoa omen da... -Will!

Ospa hemendik, mutilok.

Eta zuk, seme...

...ahaztu entzun duzuna.

Bai, jauna.

Aita.

Andrea.

Doktore.

-Aurrera, Ben. -Prentsa nahi duzu?

Eskerrik asko.

Prest?

Bat.

Bi.

Hiru.

Kito!

Ahal dudanean emango dizut.

Mila esker, Benny. Roy, ekarri ohol hori.

Ez dizut esan beharrik zure samina gurea ere badela.

Zenbat balio du hiletarik merkeenak?

50 dolar merkeenak.

Dena barne, jakina.

Hilkutxa...

...lore-koroa bat...

...lurperatzea...

-...hilarria. -Tori 10 dolar.

Gainerakoa lana aurkitzen dudanean emango dizut.

-Ez duzu asegururik? -Ez, batere.

Mills andrea.

Badakit une latza dela zuretzat.

Baina alkatearengana joan eta sheriffa salatu behar zenuke.

Zergatik?

Zurrumurru batzuengatik.

Zer zurrumurru?

Sheriffak ez omen zuela zure senarra hil beharrik.

Alkateak bilera batera deitu ditu aberatsak eta lur-jabeak.

Zalapartaka aritu ondoren...

...lege ergel baten izenean sheriffarengana joango dira denak.

Sheriffak aurre egingo die eta oiloak bezala joango dira etxera.

Ahaleginduko dira, behintzat, ezer egin gabe geratu ordez.

Zergatik nahiko dute horiek sheriffaz libratu?

Luke Mills hil behar izan zuelako?

Edo hemen dagoenez geroztik hil dituen hamabi zerri horiengatik?

Edo pistolarekin azkarra delako?

Edo zaharkituta dagoelako eta aurrerabidean gaudelako? Ez!

Patchez libratu nahi dute Patchek badakielako.

Zer daki?

Beste inork baino hobeto dakizki herri honetako kontuak.

Ondo ezagutzen ditu herri honetako zikinkeria eta ustelkeria.

Ondo ezagutzen ditu puta bakoitza, eta putetxe bakoitza.

Bera hizketan hasiz gero, inor ez legoke seguru.

Herritar guztien kontu zikin guztiak dakizki.

Zureak ere bai, Lester?

Badaki zuk trago baten truke salduko zenukeela ama. Mozkorra!

Aho nazkagarria duzu.

Ordaindu beharreko kontu luze bat daukazu tabernan. Gogoratzen?

Zuk whiskia behar duzu...

..ume txikiak amaren esnea behar duen bezalaxe.

Kontuz zer esaten diozun Lesterri, aitu?

Aizu.

Zer?

Hor dago.

Hara!

Nor aipatu, hura agertu!

Patch jauna!

Patch jauna!

Sheriff!

Barkatu, baina jakin behar zenuke...

...zu Quintana andere�oarekin lotan ari zinen bitartean...

...Luke Mills hil egin dela.

Sartu.

Laguntza behar duzu?

"Annie Laurie txikia".

Horrela deitzen zidan.

Gauetan, belaunikatu egiten nintzen Luke alda zedin.

Kementsua izan zedin...

...eta ulertzen ez zuen mundu honetaz beldurtu ez zedin.

Tiro egin behar izan nuen, Laurie.

Bestela, bizirik harrapatuko zenuen.

Badakit.

Kafea nahi duzu?

Bai, eskerrik asko.

Ondo egongo zara?

Saiatuko naiz.

-Begiradazu. -Ez.

Begiradazu!

Begiradazu.

Ahalegin guztiak egin nituen Luke hil behar ez izateko.

Zer axola du horrek?

-Zuk niri sinestea axola dit. -Ez zaizu besteek sinestea axolako?

Bost axola zer sinesten duten!

Bart, tabernan, Luke hilzorian, gauza asko entzun nituen.

Hizketan aritu ziren...

...gizon desarmatu asko hil omen dituzula orain artean.

Pistola erabiltzeko gauza ere ez ziren mozkorrak.

Entzun...

...gizonei gauza bitxiak sinestea gustatzen zaie.

Azken 16 urteotan Luke gorrotatu duzula, adibidez.

Badakizu hori ez dela egia.

Beharbada...

...huts egingo nuen duela 16 urte...

...baina hutsegite hori onartzen ikasi nuen.

Orain onartzen dut Luke hilda dagoela.

Eta onartzen dut ez ditudala bere gezur politak inoiz entzungo.

Gezurrak eta gezurrak...

...urrea aurkituko zuela...

...eta esmeralda-koroa bat erosiko zidala.

Laurie, saiatu lo egiten.

Gauza bera esaten didazue denek.

Gau osoan esan didate: zergatik ez duzu lo egiten, Laurie?

Hileta polit bat egin behar omen nioke Lukeri.

Luke dotore-dotore jantzi...

...eta bera orraztu eta txukundu denak bera ikustera joateko...

...argizarizko panpina bat balitz bezala.

Ez hitz egin horrela.

Barkatu, Frank, zure betebeharra egin duzu...

...baina gorroto dizut horregatik.

Ene, nola gorroto zaitudan!

Legerik gabeko herria da hau; bera da legea!

Berak kondenatzen ditu denak. Herriak izan behar du legea...

...eta hala izango du Frank Patchez libratzen garenean.

Ederki, jaunok...

...erabaki behar dugu ea aurrera goazen edo atzera.

Ea bat egingo dugun gaurko garaiekin...

...edo ez dugun eboluzionatuko.

Badakizue zenbat kostatu zitzaigun trena hona ekartzea.

Horrek asko poztu gintuen...

...negozio eta industria berriak hemen kokatuko zirelakoan.

Demagun hemen inbertitu nahiko luketela.

Aurrena, gure berri galdetuko lukete.

Zatozte, gauza bat erakutsiko dizuet.

Hori da gure herriko sheriffa.

Patch zaharra.

Horrela jantzita lo egingo zuen, hala egiten baitu beti.

Begiraiozue.

Nobela merke baten azala dirudi.

Behizain harroputz bat, pistolak ketan dauzkala.

Non sartu gizon hori marrazki honetan?

Hau herri moderno bat da.

Eta bera zaharkituta dago.

Zer dugu, Andrew?

Nik ez dut istilurik nahi.

Nire iritzia nahi baduzue...

Jakina, zure iritzia jakin nahi dugu.

Sentitzen dut...

...baina, nonbait, Patch harroegia eta egoskorregia da alde egiteko.

Zure ustez, zer egin behar genuke?

Ez dakit ba.

Hala ere...

...erabakitzen duzuena onartuko dut.

Duela 20 urte ezagutzen zaitut.

Eta ez duzu inoiz sententziarik sinatu...

..."sentitzen dut" edo "nonbait" esan gabe.

Haserreak ez du ezer konpontzen, Rosenbloom.

Ez nago haserre...

...triste baizik.

Oso triste.

Sinatu, Chester, eta goazen aurrera.

Sheriff.

Badakizu zerbait sexuaz?

Baietz uste diat.

Hilda?

Bai.

Bere erruz erotzen ari naiz...

...zeharo.

Zaila da ulertzen, baina...

...ezin burutik ondo egon bere aurpegi goxoa ikusita.

Bai horixe.

Badakizu, sheriff?

Zer?

Umea izan nahi nuke berriz.

Jakina.

Pipa horrela errez, zorabiatu egingo haiz.

Neurriz jokatu dut Hildarekin, badakizu.

Benetan?

-Jakina! -Bai horixe.

Eta ez uste nahi ez nuenik, e?

Jakina, ulertzen diat.

Nola eutsi daiteke...?

...nola eutsi diezaioke gizonak bere buruari?

Tira.

Jarri al duk lepoa kanila azpian ur hotzetan?

Ez, laguntzen al du?

Niri ez zidak inoiz lagundu.

Hara!

Bisita izango diagu, nonbait.

Gelditu motorra, Paul, eta etorri gurekin.

Kaixo, Frank. Zer dugu, mutiko?

Doktoreak esan digu hemen egongo zinetela.

Goazen beste aldera, Chester.

Zer edo zer harrapatu duzue?

Hori da suertea hori!

Ene bada, aspaldi arrantza egin gabe!

Horregatik, gustura egingo nuke arrantza zuen ondoan.

Horretara etorri zara, Chester?

Arrantza egitera?

Ez.

Zera...

...kontu ofizial batengatik etorri gara.

Zure lana oso gogorra da.

Jende asko hil behar izan duzu, ezta?

Ohitu egiten zara.

Beraz, ez zaizu axola.

Ez dut hori esan.

Esan duzu ez zaituela nahigabetzen.

Andy...

...zer esan nahi didazu, ni horrelakoa naizela?

Tira ba...

...ez al da hala?

Horrelakoa ez banintz, orain ez nengoke bizirik.

Luke Mills, ordea, bere hilobian datza.

Profesionala izatearen abantailak.

Tira...

...nire ustez...

...nire lana ondo egingo ez banu, ez ninduzuten kontratatuko.

Eta ondo egingo ez dudanean, bota egingo nauzue.

Koplarik gabe.

Ondo esana, Frank.

Orain, zezenari adarretatik helduko diot.

Egia esan...

...ez dugu jadanik nahi lana hain ondo egingo duen gizonik.

Zu bezalako gizonekin, atzokoak bezalako istiluak baizik ez ditugu.

Ez dugu horrelako ezer nahi.

XX. mendean sartu nahi dugu.

Jakina.

Eta hori egiten duzuenean, denak aldatuko zarete.

Izugarri gustatuko litzaidake hori ikustea.

Egizue kontu hemen edukiko nauzuela...

...begira.

Emaiozu papera, Chester, ez dezagun astirik galdu.

75 dolar ordaindu dizkidazue gaur, hileroko nire soldata.

Duela 20 urte bezala, lana hartzeko eskatu zenidanean.

Zu kontratatzeko eskubidea genuen...

...eta zu botatzeko eskubidea ere badugu. Legezkoa da.

-Gauza bat ahaztu zaizu. -Ez.

Hitzeman zenidan nik nahi izan arte izango nuela lana.

Eta oraindik lan hau nahi dut.

Andrewek kasua aztertu du: promesa horrek ez omen du garrantzirik.

Ezta, Andrew?

Promesek ez dute indar handirik izaten epaitegian.

Auzi hau epaitegira eraman nahi baduzue, lehenbailehen hobe.

Zitala! Ezin didazu hori egin!

Ez zara ni hiltzen saiatuko, ezta, Andy?

Bizkarrez nago.

Aita, altxa.

Mugi...

...altxa zaitez!

-Noiz iritsiko da komisarioa? -Arratsaldeko trenean.

-Patchek gaur gauean joan behar du. -Primeran. Baina nola egingo dugu?

Ez baduzu bere dimisioa lortzen, joanaraz ezazu nola edo hala.

Ikusi duzu, ordea!

Zer nahi duzu nik egitea?

Eskatu sei kutxa Kentuckyko bourbon...

...eta lau kutxa tabako ere bai.

-Bai, Claire. -Kaixo, doktore.

Egun on, Claire.

Zer edango duzu?

Ezer ez. Bisita profesional bat da.

Negozio-kontu bat.

Zer negozio?

Agindu bat dakart udaletik, Claire.

Osasun-ikuskatze bat egitera nator.

Gaixotasunen bat baldin badago...

...lokala itxi beharko duzu.

Zoaz gora eta ikuskatu.

Baina ez itzazu kutsatu.

Ezin duzu alde egin, seme.

Ez dut hori merezi.

Will!

Erantzuidazu.

Beti maitatu eta errespetatu izan zaitut, aita.

Eta ez naiz lotsatzen.

Baina lehengo horrek goragalea eman dit.

Kontu hori argitu nahi dizut.

Saia zaitez, aita.

Argituidazu zergatik Frank Patchek lurrera bota zaitzakeen.

Zergatik dardar eginarazten dizue berak nahi duenean?

Jainkoak badaki ez naizela sekula indartsua izan.

Saiatu izan naiz, baina ezin izan dut.

Ezin didazu alde egin.

Entzuten didazu?

Ez.

Ezingo nioke jende horri aurpegira begiratu.

Ezingo nuke.

Will...

...asko maite zaitut.

Eta hitz ematen dizut...

...ez duzula sekula...

...nitaz berriz lotsatu beharko.

Zuretzat bereziki prestatua.

Eskerrik asko.

Barkatu, baina joan beharra daukat.

Sheriff.

Kaixo, Dan.

Oxley jauna ikusi dut Alamora joaten.

Eta horrek zer du txarretik?

Errifle bat zeraman.

Eta zer?

Willekin ehizara joaten denean baizik ez du erabiltzen erriflea.

Bai.

Konpontzera eramango du, beharbada...

...eta baliteke, gero, ehizara joatea.

Bero handia dago ehizarako.

Bai, egia da.

Tira...

...ez kezkatu horretaz.

Ondo da.

-Dan. -Zer?

Eskerrik asko.

Ez dut ulertzen, sheriff.

Zer ez duk ulertzen?

Komisarioa etorriko omen da zu atxilotzera.

Zergatik?

Inoiz ez zieat kasu handirik egin jendearen esamesei.

Masailezurrak mugitzea izaten da jende askorentzat kirol bakarra.

-Kontuz ibili. -Bai.

Sheriff.

Han, ibaian, zergatik jo zenuen?

Nire onetik ateratzeko ohitura txarra izaten diat.

-Ez didazu erantzun. -Egia da, ez diat erantzun.

Eskerrik asko, doktore.

Eskerrak zuri, Doll.

Zenbat da?

Zure osasun-azterketa, zenbat da?

Etxearen kontura.

Etxearen kontura.

Jake!

Oxley jauna sheriffa hiltzera joan da.

Frank!

Ez kezkatu.

Umeok! Goazen! Goazen!

Hau interesgarria izango da.

Andy!

Ez ergela izan! Irten hortik!

Andy!

Andy!

Demontre, ez nion deitu behar!

Zoaz etxera.

Ezin duzu ezer egin.

Ez ezazu ukitu.

Utz nazazu berarekin bakarrik.

Aita!

Pozten naiz zu hemen egoteaz, Lou.

-Kaixo. -Kaixo, Lou.

Kaixo, sheriff.

-Lagundu egin behar diguzu. -Uste osoa izan dugu beti zugan.

Arazo hau konpondu behar diguzu, konderriko arazo bihurtu baita.

Hemen egindako krimena zuri dagokizu guri bezainbat.

Ez da guk ezin dugulako konpondu...

...legearen ordezkari batek konpondu behar duela uste dugu.

Bera arrazoira ekarriko duen norbait.

Zerbait edan beharra daukat.

Zinpeko salaketa bat baldin badago, zuk konpondu egin behar.

Zer nahi duzue?

Garagardoa.

Zinpeko salaketa bat egiten bada, zuk konponbidea eman behar diozu.

Sentitzen dut, jauna.

Baina hemen ez dugu mexikar whiskirik.

Hau hemengoa da, eta oso ona, probatu nahi baduzu.

-Zure laguntza behar dugu, Lou. -Barkatu tartean sartzea.

Baina arazo garrantzitsuez hitz egin behar baduzue...

...hitz egizue bakarrean, nire bulegoan.

Ez baita egokia gure herriko jende gailena...

...eta konderriko komisarioa...

...hau bezain leku jendetsuan biltzea.

Kaixo, Chester.

Salaketa baterako ekarri nauzue, zein da salaketa?

Hilketa.

Luke Millsen hilketa.

Bera atxilotu eta epaitu nahi dugu.

Eta epaiketaren zain, poliziak zaindu dezala, ezta?

Horrelako zerbait.

Sina ezazu...

...eta eramaiozu berari.

Estimatuko genizuke zuk emango bazenio.

Horrela, gehiago errespetatuko du legea.

Beldur diozue oraindik?

Zergatik, Chester?

Kontzientziagatik?

Zer arraio esan nahi duzu?

Frank Patch zuen kontzientzia da eta zuek beldur diozue.

Hemendik kanpo ikusi nahi dugu berehala!

Eta zuk lortzen ez baduzu, guk geure erara egin beharko dugu.

Hara...

...barkatu horrela sartzeagatik...

...baina mutiko honek zerbait esan behar dizue.

Zer?

Tira, esaiezu.

Hil egingo dut, alkate.

Neuk bakarrik hilko dut.

Zentzuduna izan; badakigu zer sentitzen duzun, baina...

Baina norberak ezin du inolaz ere bere zigorra ezarri.

Hori esan behar al didazu?

Hori al da?

Inork ezin du zigorra ezarri...

...legearen baliabide guztiek huts egiten ez duten artean.

Zure aita zenak ez al zizun justizia zer zen irakatsi?

Utz diezaiegun jaun hauei erabakitzen.

Niri iritzian, Patch hiltzeko eskubidea duzu.

Auzitegiak ez zintuzke kondenatuko herri honek dakiena baleki.

Will.

Zure aita gizon bikaina izan zen. Ezin duzu aita berpiztu.

Hilik nahi dut gizon hori.

Sheriff.

Kaixo, Dan.

Izugarria da bere burua hil duen gizona ikustea.

Arestian bizirik zegoen...

...eta orain, berriz, hilik.

Odola, bolbora-usain pixka bat...

...eta bukatu da dena.

Ikaragarria da.

Zergatik hil nahi zintuen berak?

Kaixo, Frank.

Kaixo, Lou.

Salaketa bat dakart.

Atxilotu egin beharko zaitut.

Badakizu ez zela hilketa izan.

Errugabea naizen arren, giltzapetu egin nahi nauzu.

Eta askatzen nautenean, beste bat egongo da nire postuan!

Badakit nola sentitzen zaren.

Nik baino gehiago dakizu orduan.

Entzungo al diozu norbaiti, behin baizik ez bada ere?

Entzuten ari natzaizu.

Zer egin nahi duzu?

Zure heriotza sinatu?

Mesede batzuk egin zenizkidan, eta zerbait zor dizut...

Zuri esker onartu ninduten amerikar horiek sherifftzat.

Duela hamar urte, joan egingo ziren arrotz bati obeditu baino lehen.

Eta duela bost, zuri esker aurkeztu nintzen konderriko sheriff.

Ez didazu ezer zor.

Nik baietz uste dut.

Baina beste mesede bat eskatuko dizut.

Dimisioa eman ezazu horiek zu hil baino lehen.

Ospa hemendik, Lou.

-Dimisioa eman. -Ospa!

Dimisioa eman, ergela!

Zu esker gaiztoko...

...arrotza, Frank?

Komisarioa naiz, indarrez behartu zenituelako ni izendatzera.

Nire herrian, nik eman nahi diedana hartu behar dute.

Gogoratzen?

Bigarren mailakoa nintzela uste zenuen zuk ere.

Bizimodu ona dut.

Eta nire seme-alabak ere ondo bizitzea nahi dut...

...baina ez duzu jadanik batere aginpiderik.

Ez zaituzte behar eta nik zure dimisioa lortzea nahi dute.

Sheriff!

Lasaitu zara?

Ez ni berriz jo.

Zoaz berengana, Lou.

Aginpideari eutsi behar zaio.

Bai, baina hitzez bakarrik askoz hobeto.

Dan.

Barkatu.

Barkatu.

Baina beldurra da horiek ulertzen duten gauza bakarra.

Ai ene, zer gertatzen ari da?

Nekez hilko duzu zuk bakarrik Patch.

Laguntzarik gabe, alegia.

Entzun diezu; udabaltzak babestuko nau.

Motel!

Nik ez nieke kasu handirik egingo lotsagabe horiei.

Entzun...

...auzi honetan burua argi eduki behar da...

Eta zuk ezin, aitaren burmuinak lehertuta ikusi ondoren.

Badakizu asko sentitzen dudala.

Ezer esan behar baduzu, atera kanpora eta esan.

Zer ikusi duzu zuk kontu honetan?

Zergatik zaude hain interesatuta?

Zer du horrek harritzekorik?

Zure alde egoteak, alegia.

Arrazoi asko ditut Pachez libratu nahi izateko.

20 urte bete arrazoi ditut.

Konbentzitu egin nahi zintudan.

Ez dut ezer nahi zugandik.

Badakit neure burua gobernatzen.

Lasai.

Kontua aztertzen duzunean...

...proposamen bat egingo dizut.

Baina ordu arte, ez.

Irtenbide bakarra dago.

Zer esan nahi duzu?

Bera hil.

Hau ez da leku egokia niretzat.

Zer egin nahi duzue?

Sutan erre nahi duzue?

Txakur bat bezala hil?

Zaku batean sartu eta ito?

Zoaz beste nonbaitera! Hemen traba egiten duzu eta!

-Ixo, Ivan. -Ez.

Hau da ergel horrengandik entzuten dudan azken iraina!

Nahikoa da!

Ez eztabaidatu. Udabaltzakoak gara eta aurre egin behar diogu egoerari.

Ez dugu beste aukerarik.

Zibilizazioa gauza handia da, ezta, doktore?

Lanera joan beharra daukat.

Amen.

6etako trenean abiatuko naiz, Frank.

Etorri nirekin.

Mesedez, Frank.

Ezin dut, Lou.

Agur, Frank.

Agur, Lou.

Sartu.

Zurekin ezkondu nahi dut.

Zer diozu?

Zertarako?

Zer du horrek harritzekorik? Jendea etengabe ezkontzen da.

Eseri, Frank.

Hainbeste urteren ondoren, zergatik eskatzen didazu orain?

Ez dakit.

Bizitza bukatzen ari zaidala irudituko zaidalako.

Ez hitz egin horrela.

Alde egin genezan eskatu nizun, baina oker nengoen.

Hemengo zure aldia oraindik ez da bukatu.

Hor kanpoko askok aldi hori laburtu nahi didate ba.

Benetan esan didazu?

Benetan, zer?

Nirekin ezkontzearena.

Bai.

-Noiz, Frank? -Oraintxe bertan.

Emango didazu ordubete neure burua txukuntzeko?

Hainbeste behar duzu?

Ondo da.

Bizkor ibili, ordea.

-Frank. -Bai?

Apaiza zer?

-Hemen egon nahiko du. -Bai noski.

Frank!

Lekukoak?

Lekukoak, ondo da.

Berdin dio.

Utzi nire kontu.

Neska jatorra zara.

Maude!

Jainkoaren aurrean bildu gara bikote hau ezkontzeko.

Frank Patch, emaztetzat onartzen duzu emakume hau...

...berarekin bizitzeko gaixoaldian eta osasunaldian...

...eta bera maitatzeko eta ohoratzeko...

...eta bera babesteko gaurtik hasi...

...eta heriotzak banantzen zaituzteten arte?

Onartzen dut.

Claire Quintana...

...senartzat onartzen duzu gizon hau...

...berarekin batera bizitzeko osasunaldian eta gaixoaldian...

...eta bera maitatzeko eta ohoratzeko...

...eta berari obeditzeko gaurtik hasi...

...eta heriotzak banantzen zaituzteten arte?

Onartzen dut.

Eraztuna, mesedez.

Errepikatu nire ondoren.

Eraztun honekin...

Eraztun honekin...

...hartzen zaitut emaztetzat.

...hartzen zaitut emaztetzat.

Senar-emazte izendatzen zaituztet.

Zer?

Beste parrokian.

Legez egiten ari dira.

Tira ba.

-Hori kargatuta dago? -Bai.

Ezkon-opari polita egingo diozu.

Kendu erditik.

Emadazu erriflea.

Goazen, motel. Utzi hori. Nahikoa edan duzu jadanik.

Goazen.

Goazen.

Goazen.

Entzun.

Hobe duzu atzetik ateratzea.

Minutu gutxi barru elkartuko gara.

Utz nazazu.

Ondo da, gizona.

Hemen duzu erriflea.

Tira.

Goazen.

Aurrera, mutiko, aurrera.

Tamalez, ezin gara Luke Millsen hiletara joan.

Bai.

Jainkoak eman diezaiola atseden.

Suerte ona izan.

-Eskerrik asko. -Agur.

Mila esker.

Jainkoak bedeinka zaitzatela.

Eskerrik asko.

Frank.

Axola ez badizu, geratuko naiz. Ez zaizkit hiletak atsegin.

Eta are gutxiago, nire ezkontza egunean.

Ederki. Gero elkartuko gara.

Ondo zainduidazue.

-Dan. -Bai, jauna?

Sar zaitezte biak barrura.

-Zerbait gertatzen da? -Sartu barrura.

Aitaren eta Semearen eta Espiritu Santuaren izenean.

Sinesten dut Aita Guztiahalduna, Zeruaren eta Lurraren sortzailea.

Ez!

Gurutziltzatu, hil eta lurperatu zuten, eta infernura jaitsi zen.

Mutikoak ez du itxoin!

Zergatik hil zuen nire aitak bere burua?

Ez dakit.

Esadazu.

Esadazu!

Duela asko, gizon bat hil zuten...

...bizkarrean tiroa jota.

Nire aitak hil zuen?

Inork ez zekien ziur nork hil zuen.

Zuk bazenekien, ordea.

Zergatik ez zenuen urkatu?

Hura urkatzeak ez zuelako ezer konponduko.

Hildakoak seme bat zuen.

Zure aitak semetzat hartu zuen, berea balitz bezala.

Sheriff, zuk beti...

...zure modura egiten dituzu gauzak.

Beste inor ez dagoenez, hala egin beharra daukat.

Gaizki edo ondo...

...norbaitek...

Gera zaitez hemen!

Emaizkidazu balak!

Goian geratzeko esan dizut. Goazen!

Dan!

Atera kaletik!

Nire bulegora!

Hil ezazu!

Emadazu pistola.

Jainkoak bedeinka dezala.

Ni banoa hemendik.

Ez joan, Phil.

Esan dizut banoala hemendik.

Kendu erditik!

Frank, nora zoaz?

Hiletara.

-Ez, mesedez, ez joan. -Joan beharra daukat.

Mesedez.

-Joan beharra daukat. -Mesedez.

Frank.

Erruki zakizkio.

AZPITITULUAK: Jon Mu�oz