Original subtitles

-Hvað starfarðu? -Ég er í leiklistarnámi. Þú?

-Ég er hafnarverkamaður. -Nei, í alvöru.

Í alvöru.

En frá og með mánudeginum

verð ég í glæsilegra starfi.

Hvað er það?

Næturgjaldkeri í kaffiteríu.

Ég meina ekki hvernig þú aflar tekna. Ég meina... á hverju hefurðu áhuga?

Vina, ef ég ætti svar við því

dræpi ég okkur bæði úr leiðindum á hálftíma.

Guði sé lof að þetta er búið.

Ekki glæsileg frumsýning hjá Lárviðarleikurunum.

Og hún olli miklum vonbrigðum.

-Frank! Mjög fínt, Frank. -Takk, frú Givings.

Við skemmtum okkur mjög vel. Þú átt mjög hæfileikaríka konu.

Ég skila því til hennar.

-Frank! -Sæl.

Hún er þarna inni. Ég er tilbúin fyrir drykkina!

Eftir nokkrar mínútur.

April? Elskan?

Sæll.

-Ertu tilbúinn að fara? -Já.

Ég þarf bara að taka farðann af mér.

Þetta var líklega enginn stórsigur, var það?

Líklega ekki. Ég verð tilbúin eftir andartak.

Gefðu þér nægan tíma.

Viltu gera mér greiða?

Milly og Shep vildu að við færum út með þeim.

Viltu segja að við getum það ekki? Kenndu barnfóstrunni um eða eitthvað.

Ég sagði að við gætum það.

Ég var að hitta þau og sagði...

Segðu að þér hafi skjátlast.

Það er sáraeinfalt.

Er það ekki dónaskapur?

-Ég segi þeim það þá sjálf. -Þá það, vertu róleg.

Ég segi þeim það.

Í alvöru, þú varst eina manneskjan í leikritinu.

Takk.

Við hefðum bara ekki átt að flækja þig í þetta.

Allt í lagi.

Viðvaningar. Ég meina, þú ert leiklærð.

Getum við hætt að tala um þetta?

Ég vil bara ekki að þér líði illa

því þetta er ekki þess virði.

Nógu slæmt að þurfa að búa hér á meðal þessa fólks...

-Hvað sagðirðu? -Ég sagði: "Já."

Viltu hætta að tala um þetta áður en þú gerir mig brjálaða?

Hvað ertu að gera?

April, elskan, tölum um þetta.

-Ekki gera þetta. -Svona nú.

-Ekki snerta mig. -April...

Viltu láta mig í friði!

Allt í lagi.

Mér finnst talsvert mikið kjaftæði liggja í loftinu

og mig langar að koma nokkrum hlutum á hreint.

Það er ekki mín sök að leikritið var ömurlegt.

Það er svo sannarlega ekki mín sök

að þú reyndist ekki vera efni í leikkonu.

Því fyrr sem þú jafnar þig á því

því betur verðum við bæði stödd.

Ég passa ekki í hlutverk

heimska, tillitslausa úthverfaeiginmannsins.

Þú hefur sakað mig um það frá því við fluttum hingað

en ég hafna því alfarið!

April!

April!

Komdu aftur inn í bílinn!

Nei. Leyfðu mér bara að standa hér í smástund.

Fjandinn hafi það.

Komdu inn í bílinn og tölum um þetta

í stað þess að hlaupa um allan þjóðveginn.

Hef ég ekki gert það ljóst? Ég vil ekki tala um þetta.

Ég er að reyna

að vera almennilegur.

En fallegt af þér! En hræðilega fallegt!

Ég verðskulda þetta ekki!

Þú veist alltaf svo vel

hvað þú verðskuldar og hvað ekki!

Bíddu hæg! Bíddu fjandans... April, hlustaðu á mig!

Í þetta sinn færðu ekki

að snúa út úr öllu sem ég segi!

Í þetta fjandans skipti

veit ég að mér skjátlast ekki!

Þú hefðir átt að vera heima í kvöld.

Veistu hvernig þú ert þegar þú ert svona?

Þú ert sjúk!

Og veist hvað þú ert?

Þú ert viðbjóðslegur!

Þótt þú hafir fest mig í þessari gildru

stjórnarðu ekki tilfinningum mínum!

-Þú í gildru? -Já, Frank, ég!

Drottinn minn dýri. Ekki koma mér til að hlæja!

Aumkunarverði sjálfsblekkingarstrákur.

Líttu á sjálfan þig og segðu mér hvernig það getur hvarflað að þér

að kalla þig karlmann!

Drottinn minn dýri!

-Ekki horfa svona á mig. -Getum við farið heim núna?

BYLTINGARSINNAVEGUR

Fimmtánda hæð.

Ég þarf aðstoð þína núna, lagsmaður.

Næstu tímana áttu að vara mig við því ef Bandy nálgast

og gæta þess að enginn sjái mig

ef svo líklega vill til að ég kasti upp.

Þetta er svo slæmt.

Góðan dag, Jack.

Það er ekkert gott við hann.

Þegar þið stiguð út úr lestinni

vissi ég að hverju þið leituðuð.

Lítil, uppgerð hlaða eða hestvagnahús.

Því miður

er slíkt ekki lengur til.

En ekki örvænta.

Það er einn staður hér sem mig langar að sýna ykkur.

Þetta er ekki mjög æskilegt hérna megin.

Crawford-vegur er aðallega með múrsteins-

og pallbílahúsum. Píparar, trésmiðir

og annar almúgi.

En að lokum liggur hann að

Byltingarsinnavegi sem er miklu geðþekkari.

Mig langar að sýna ykkur

huggulegt hús í huggulegu umhverfi.

Einfaldar, hreinar línur. Góðar grasflatir. Dásamlegar fyrir börn.

Það er handan við næstu beygju.

Nú sjáið þið það. Þarna. Sjáið þið þetta litla hvíta? Er það ekki huggulegt?

Hvernig það situr þarna í brekkunni. Er það ekki hrífandi?

Ó, jú.

Vildirðu hitta mig?

Þetta kom til þín frá Toledo, það þriðja í þessum mánuði.

Afsakaðu. Ég hélt að ég...

Ég vil ekki ræða þetta aftur, Frank.

Ég var bókstaflega...

Fólkið í dreifbýlinu lítur upp til okkar.

Svona skeytasendingar fram og til baka ganga ekki.

Það er ekki skilvirkt. Er það rétt hjá mér?

Já.

-Hvað var þetta? -Toledo.

Útibússtjórinn vill endurskoðaðan bækling

fyrir ráðstefnuna um Knox 500.

"Það er ekki skilvirkt. Er það rétt hjá mér?"

Hljómar æðislega.

Ég veit ekki einu sinni hvað Knox 500 gerir. En þú?

Ekki móðga mig.

Ef þú leitar í óvirku skránni undir SP-1 1 09...

finnurðu afrit af öllu sem við höfum sent umboðsskrifstofunni.

Þannig getum við rakið hlutinn til baka til upphaflegra gagna.

Vonandi ætlaðirðu ekki snemma í mat.

Nei, ég er ekki svöng.

Gott. Ég lít þá til þín á eftir.

Veistu hvað, Maureen?

Þú ert heppin að þú hittir mig.

Hvernig þá?

Ég get kennt þér á hlutina.

Það er ákveðin list að komast af hjá Knox.

Ég skal sýna þér hvað ég á við.

Þjónn? Færðu mér síma og tvo martíní til viðbótar.

Ja hérna.

Klondike 5-5566, takk.

Halló, frú Jorgensen? Frank Wheeler.

Ég vildi láta þig vita að ég þurfti að senda Maureen Grube

niður í nýsigagnadeild.

Ég þarf líklega á henni að halda það sem eftir er dagsins.

Sömuleiðis. Hafðu það gott.

-Ég hef aldrei heyrt um nýsitækjadeild. -Það er vegna þess að hún er ekki til.

-Hæ-hó! -Sæl, Helen. Komdu inn.

Ég get ekkert staldrað.

Ég vildi bara koma með þessa hnoðraafleggjara

fyrir tætingslega blettinn við enda heimreiðarinnar.

Þeir eru eins og evrópski húslaukurinn

nema hvað þessir bera gullfalleg, gul blóm.

Hann þarf bara örlitla skvettu

af vatni fyrstu dagana og þá blómstrar hann alveg.

Takk, Helen. Þetta er fallegt af þér.

Má bjóða þér kaffi?

Er eitthvað sem ég get gert fyrir þig, Helen?

Æ, ég var næstum búin að gleyma!

Mig langar að biðja um einn lítinn greiða.

Það snýst um... um son minn, John. Hann hefur verið á sjúkrahúsi.

Það er leitt. Er allt í lagi?

Í augnablikinu er hann á Pleasant Brook... geðsjúkrahúsinu.

-Ég skil. -Það er ekkert alvarlegt.

Hann er bara úttaugaður. Stundum verða hlutirnir okkur ofviða.

-Ertu ekki sammála? -Jú. Auðvitað.

Það er dásamleg stofnun.

Og meðferðin hefur haft undraverð áhrif á hann.

Þau sögðu að það myndi gera honum gott

að komast út einn eftirmiðdag.

Ég held að honum finnist vinir mínir of hversdagslegir.

Ég meina, hann er víðförull. Hann er með doktorsgráðu

í stærðfræði. Það má segja að hann sé menntamaður.

Það myndi gera honum gott að hitta hjón eins og ykkur.

Okkur þætti gaman að hitta hann.

-Virkilega? -Já.

Okkur þætti það gaman.

Þakka þér fyrir, vina.

Þakka þér fyrir.

Jæja, ég verð að fara.

Ég man fyrsta daginn sem þið komuð úr lestinni.

Þið voruð ólík hinum skjólstæðingum mínum.

Þið virtust bara einstök.

Þið eruð það auðvitað enn.

Mundu, bara skvettu. Ég verð að þjóta. Bæjó.

Ég held að þú hafir gert mig dálítið drukkna.

Veistu hvaða dagur er?

Mánudagur?

Afmælisdagurinn minn. Ég er þrítugur í dag.

-Til hamingju með afmælið! -Takk.

Hvað hét aftur deildin sem þú bjóst til?

Nýsitækjadeild.

Hvílíkur brandari.

Hvílíkur brandari. Ja hérna.

-Viltu heyra ósvikinn brandara? -Já.

Pabbi minn vann hjá Knox.

Hann var sölumaður í Yonkers.

Einu sinni á ári fór hann með mig inn í borgina til hádegisverðar.

Það átti að vera sérstakt lífsheilræðatilefni.

-Indælt. -Nei. Í raun ekki.

Ég sat þar og hugsaði:

"Ég vona til Guðs að ég endi ekki eins og þú."

Nú er ég hér, þrítugur Knox-maður.

Geturðu toppað það?

Ég held að ég hafi misst þráðinn.

Faðir þinn vann hjá Knox.

Fyrirgefðu. Allt er eiginlega... að detta úr fókus.

Fáum okkur ferskt loft. Þú og ég?

Ert þetta þú?

Já.

-Hefurðu komið til Parísar? -Ég hef aldrei farið neitt.

Kannski tek ég þig með mér.

Ég fer þangað við fyrsta tækifæri.

Fólkið þar er lifandi. Ekki eins og hér.

Ég veit það eitt, April... að ég vil skynja hlutina.

Virkilega skynja þá. Skilurðu?

Hvernig líst þér á þann metnað?

Frank Wheeler. Mér finnst þú

áhugaverðasta manneskja sem ég hef hitt.

Þú hafðir þetta líklega ekki í huga þegar fórst í vinnuna í morgun.

Nei, svo sannarlega ekki.

Áttu sígarettu?

Já, auðvitað.

Gjörðu svo vel.

Get ég fært þér drykk eða eitthvað?

Nei, takk, Maureen. Reyndar...

er orðið áliðið. Ég ætti að fara að drífa mig.

Það er rétt. Misstirðu af lestinni þinni?

Það er í lagi. Ég tek þá næstu.

Heyrðu. Þú varst stórfín.

Farðu vel með þig.

-Frank. -Af hverju ertu uppáklædd?

Í fyrsta lagi, ég saknaði þín í allan dag og vil biðjast afsökunar.

Mér þykir leitt hvernig ég hef látið eftir leikritið.

Mér þykir fyrir þessu öllu. Og ég elska þig.

Hitt getur beðið.

Jæja... bíddu hér þar til ég kalla á þig

Allt í lagi, Frank, þú getur núna komið inn.

Hann á afmæli í dag,

hann á afmæli í dag,

hann á afmæli hann pabbi,

hann á afmæli í dag.

Til hamingju með afmælið, elskan.

-Ég elska þig, pabbi. -Og ég elska þig.

Frank?

Ég fékk dásamlega hugmynd.

-Ég hef hugsað um hana í allan dag. -Hvað er um að vera?

Við eigum næga peninga

til þess að þú þurfir ekki að vinna í hálft ár.

Með því sem við myndum fá fyrir húsið og bílinn, jafnvel lengur.

Fá fyrir húsið?

Hvað áttu við? Hvar myndum við búa?

Í París.

Hvað þá?

Þú sagðir að það væri eini staðurinn

sem þig langaði að fara aftur til.

Svo því förum við ekki?

-Þér er alvara. -Já. Hvað stöðvar okkur?

Hvað stöðvar okkur? Mér detta nokkrir hlutir í hug.

Til dæmis, hvernig starf gæti ég mögulega fengið?

Þú færð ekki neitt starf því ég geri það.

Einmitt það.

Ekki hlæja að mér. Hlustaðu aðeins.

Veistu hvað ritarar fá í laun

-hjá opinberum stofnunum í Evrópu? -Nei.

Mér er alvara. Heldurðu að ég sé að spauga?

Gott og vel, ég er með nokkrar spurningar.

Fyrsta, hvað á ég að gera

á meðan þú aflar allra þessara tekna?

Skilurðu ekki? Það er stóra hugmyndin.

Þú gerir það sem þú hefðir átt að gera fyrir sjö árum.

Þú færð tíma.

Í fyrsta sinn í lífinu færðu tíma til að uppgötva

hvað þú vilt gera.

Og þegar þú hefur áttað þig á því

hefurðu tíma og frelsi til að gera það.

Elskan, það er bara ekki mjög raunsætt.

Nei, Frank. Þetta er það sem er óraunsætt.

Það er óraunsætt fyrir afburðagreindan mann

að vinna ár eftir ár í starfi sem hann þolir ekki.

Að koma heim til staðar sem hann þolir ekki...

til eiginkonu sem þolir ekki sömu hlutina.

Viltu vita hvað er það versta?

Öll tilvera okkar hér byggir á þeirri forsendu

að við séum einstök og æðri þessu öllu.

En við erum það ekki.

Við erum eins og allir aðrir.

Líttu á okkur. Við trúðum bæði sömu fáránlegu sjálfsblekkingunni

um að maður þurfi að hætta að lifa og fara

að búa um leið og maður eignast börn.

Og við höfum refsað hvort öðru fyrir það.

Við ákváðum að flytja hingað.

Enginn neyddi mig til að þiggja starfið hjá Knox.

Hver sagði að mér væri ætlað að vera merkilegur?

Þegar við kynntumst fyrst voru þér allir vegir færir.

Þegar við kynntumst fyrst var ég

borubratt merkikerti.

Það varstu ekki! Hvernig geturðu sagt það?

Gott og vel. Svo ég hef þá tíma.

Guð veit að það heillar. Það heillar mjög mikið.

Það væri vit í því sem þú segir

ef ég hefði hæfileika. Ef ég væri rithöfundur eða listamaður.

Hlustaðu nú, Frank. Hlustaðu á mig.

Það er verið að bæla það sem þú ert.

Það sem þú ert fær stöðuga höfnun í svona lífi.

Og hvað er það?

Veistu það ekki?

Þú ert það fallegasta og dásamlegasta sem til er í heiminum.

Þú ert karlmaður.

Þetta er tækifærið okkar, Frank. Þetta er eina tækifærið okkar.

Allt í lagi.

Allt í lagi?

Því ekki? Því í fjandanum ekki?

Góðan daginn.

Franklin, gott að sjá skínandi andlitið þitt.

-Hvað er fréttnæmt? -Piltar, ég ætla að flytja til Parísar.

Einmitt það. Og ég flyt til Tangiers.

Innanfyrirtækisbréf til Toledo.

Athugið: B. F. Chalmers, útibússtjóri.

Varðandi nýleg og endurtekin bréfasamskipti

er þetta ritað til að kunngera að málið

hefur verið afgreitt á fullnægjandi hátt.

Punktur. Greinaskil. Við erum fyllilega

sammála því að núverandi bæklingur sé óviðunandi.

Í því skyni höfum við þróað, tilvitnun:

"Varðandi framleiðslustjórnun."

Gjörðu svo vel, frú Wheeler. Ferðaávísanirnar þínar.

Og gufuskipsfarmiðarnir.

Ég sendi þetta til sendiráðsins fyrir þig.

-Gangi þér vel. -Takk.

September. Í síðasta lagi október.

Ég tel bara að fólk sé betur sett

í starfi sem því líkar.

Já, einmitt.

En segjum að það bíði þín einhver sönn köllun,

værirðu ekki eins líklegur til að finna hana hér og þar?

Ég held að það sé ekki hægt að finna neitt

á 1 5. hæð Knox-byggingarinnar.

Ég held að enginn ykkar telji það hægt.

Og alla leið... hingað.

Við förum í langa siglingu yfir hafið til að komast þangað.

-En ég þekki engan þar. -Ég veit það. Ekki ég heldur.

Manstu hvernig þér leið þegar skólinn byrjaði?

Sjáðu alla vini þína núna.

Þið getið aldrei upp á því hvað þeir borða í París.

Þið getið aldrei upp á því.

Slímuga snigla.

Slímuga snigla og ógeðslegar froskalappir!

Milly! Hvar ertu, ljúfan?

Þú ættir að skipta um föt. Þau fara að koma.

-Ætlarðu að vera í þessu? -Líkar þér hann ekki?

Jú. Þú ert glæsileg, ljúfan.

Ég ætti líklega að drífa mig.

Hæ, strákar.

Á hvað eruð þið að horfa?

Shep!

Ég er búin að margkalla á þig.

Sæl.

Gjörið svo vel. Bara dálítið smáræði.

-Þetta lítur vel út. Ég er glorhungruð. -April,

þú lítur út eins og kötturinn sem át kanarífuglinn.

Hefurðu eitthvað að segja okkur? Örlítil tíðindi?

Reyndar erum við með mikilvægar fréttir.

Ég vissi það.

Því segirðu þeim það ekki?

Við ætlum til Evrópu. Til Parísar.

Til að búa þar.

-Hvað þá? -Hvenær?

-Í september. -En til hvers?

Til hvers? Ja, af því okkur hefur alltaf langað til þess,

af því krakkarnir eru nógu ungir, af því borgin er falleg.

Shep, þú hefur komið þangað. Segðu henni.

Já, það er frábær borg.

Hvenær ákváðuð þið þetta?

Fyrir viku. Það er erfitt að muna.

Við ákváðum bara allt í einu að fara.

-Fyrir viku. Þið segið okkur það núna. -Við þurftum að venjast hugmyndinni.

Svo hvað er málið, Frank? Fékkstu starf þar?

-Nei. Ekki beinlínis. -Hvað meinarðu, ekki beinlínis?

Frank fær sér ekki starf því ég geri það.

Hvað gerir þú þá?

Ég ætla að læra og ég ætla að lesa.

Ég átta mig líklega loksins á því hvað mig langar að gera í lífinu.

Á meðan hún framfleytir þér.

Já. Á meðan hún framfleytir mér.

Til að byrja með.

Þið myndið ekki trúa hvað ritarar

hjá opinberum stofnunum fá í laun þar.

NATO, Efnahagssamvinnustofnun og þannig stöðum.

Og það er hræódýrt að lifa þar.

Það er svo ódýrt.

Við þurfum bara eitthvað frábrugðið.

Við erum ekki að yngjast. Við viljum ekki að lífið hlaupi hjá.

Einmitt.

Það hljómar dásamlega, krakkar.

Í alvöru. Það hljómar alveg dásamlega.

Takk, Milly.

Við munum bæði sakna ykkar, er það ekki, ljúfur?

Við munum líka sakna ykkar.

Auðvitað.

Við ættum að skála. Fyrir París!

Fyrir París.

Skál.

Veistu hvað mér finnst?

Hvað?

Mér finnst öll þessi áætlun hljóma frekar barnalega.

Mikið er mér létt.

Mér líka. Ég hugsaði það allan tímann.

Hvernig maður situr

og borar í nefið

-á meðan konan hans fer út að vinna? -Ég veit það ekki, Shep.

Ég bara veit það ekki.

Af hverju ertu að gráta?

Hvað er að?

Ekkert. Mér er bara svo létt.

Ekki gráta. Þetta er í lagi. Allt verður í stakasta lagi.

Hamingjan góða, svipurinn á þeim! Almáttugur.

Almáttugur.

Veistu hvernig þetta er, April?

Að tala um þetta, hugmyndina

að fara svona til Evrópu.

Svona leið mér þegar ég fór fyrst að víglínunni í stríðinu.

Ég var líklega alveg jafn hræddur og allir aðrir

en innra með mér hefur mér aldrei liðið betur.

Mér fannst ég lifandi. Blóðið ólgaði.

Allt virtist raunverulegra.

Mennirnir í einkennisbúningunum,

snjórinn á ökrunum, trén og við allir á göngu.

Ég var vitaskuld hræddur, en...

ég hugsaði stöðugt, þetta er það. Þetta er sannleikurinn.

Mér leið einu sinni þannig.

Hvenær?

Í fyrsta sinn sem þú naust ásta með mér.

April.

-Hvað er títt? -Bart Pollock er hér.

Hann er á skrifstofu Bandys.

Merkilegt, ha?

Hann virðist vilja tala við þig.

Haltu nafni mínu utan við þetta.

Frank! Gott að sjá þig! Þekkirðu Bart Pollock?

Við höfum aldrei hist, en ég... Gott að hitta þig, Frank.

"Varðandi framleiðslustjórnun"?

Frank, þetta er dúndur!

Þeir eru himinlifandi í Toledo.

Virkilega?

BERLITZ FRANSKA

Þessi Pollock var forstjóraefni í versta skilningi þess orðs.

Milljóna dala bros og hálft annað kíló af vöðvum á milli eyrnanna.

Þú hefðir átt að heyra í honum.

"Frank, þetta er dúndur." Hvílíkur hálfviti.

Ég hefði viljað sjá svipinn á honum þegar þú sagðist vera á förum.

Þau eru að koma.

-Afsakaðu hvað við erum sein. -Þið eruð ekkert sein.

-Umferðin var hræðileg! -Þetta var óþarfi.

Var hún ekki hræðileg, Howard?

Vegur 1 2.

Þegar þeir loksins klára veginn

þurfa þeir að byrja á honum aftur.

-Þú hlýtur að vera John. -Heilsaðu, John.

Gleður mig að kynnast ykkur. Ég hef heyrt margt um ykkur.

-Hvar eru elskulegu börnin ykkar? -Í afmæli.

Mér þykir leitt að þau gátu ekki verið hér.

Ef ég ætti von á brjálæðingi í heimsókn

myndi ég líka forða börnunum mínum.

Sjáið allan þennan mat. Þú þurftir ekki að ómaka þig svona.

Bara nokkrar samlokur.

John, viltu samloku?

Helen hefur talað vel um ykkur mánuðum saman.

Indælu, ungu Wheeler-hjónin á Byltingarsinnavegi.

Indælu, ungu Byltingarsinnarnir á Wheeler-vegi.

-Má bjóða einhverjum sérrí? -Ekki hafa fyrir því, Frank.

Mig langar í sérrí.

Og ég drekk Helenar líka ef hún verður ekki á undan mér.

Áttu hátt glas?

Settu eins og þrjá klaka í það og fylltu upp að brún.

-Þannig vil ég hafa það. -Ég ætti að ráða við það.

Ljúffengt eggjasalat. Þú verður að segja mér uppskriftina.

-Ertu lögmaður, Frank? -Nei, það er ég ekki.

Ég þarf lögmann.

John, byrjum ekki aftur á lögmannstalinu.

Pabbi,

borðaðu bara eggjasalatið og hættu þessari afskiptasemi.

Ég er með margar spurningar

og er fús til að borga fyrir svörin.

Það þarf ekki að segja mér að maður sem ræðst á móður sína

með kaffiborð að vopni sé í slæmri, lagalegri stöðu.

Það er augljóst. John, komdu og líttu út um þennan dásamlega glugga.

Ef hann drepur hana með því er það glæpamál.

-Sjáðu! Sólin er farin að skína. -Ef hann brýtur bara borðið

og skapraunar henni

og hún fer fyrir dóm vegna þess er það einkamál.

Það gæti komið regnbogi! Komdu að sjá, John!

Mamma, gerðu öllum greiða og þegiðu!

Stilltu þig nú.

Ég get kannski kannað málið. Mælt með einhverjum.

Jæja, hvað starfarðu, Frank?

Ég vinn hjá Knox viðskiptavélum.

Hannarðu vélarnar?

Nei.

Býrðu þær til? Selurðu þær? Gerirðu við þær?

-Allar þessar spurningar. -Ég hjálpa líklega til við að selja þær.

Ég vinn á skrifstofunni.

Reyndar er það frekar heimskulegt starf.

Það er ekkert áhugavert við það.

Hvers vegna gerirðu það þá?

Kannski vill Frank ekki láta spyrja sig.

Ég veit. Það kemur mér ekki við.

Auk þess veit ég svarið.

Til að eignast hús þarftu starf.

Til að eignast fallegt hús, mjög huggulegt hús,

ferðu í starf sem þér líkar ekki!

Hver sá sem spyr "af hverju gerirðu það"

er eflaust með fjögurra tíma leyfi frá vitleysingahælinu!

-Eru allir sammála? Mamma? -Mér þykir þetta leitt, Frank.

Það er óþarfi. Reyndar er ég sammála öllu sem þú sagðir.

Við bæði. Þess vegna er ég að hætta í vinnunni. Við erum á förum.

Við flytjum til Parísar.

Vissirðu þetta, mamma?

Ja hérna. Hvað finnst þér um þetta, mamma? Ungu, indælu Wheeler-hjónin.

Ungu, indælu Wheeler-hjónin eru á förum.

-John, ég bið þig. -Slakaðu á, væni.

John. John! Hvað um ferskt loft?

Ef þér er sama.

-Það er kannski óráðlegt. -Ef John vill það, hvað sakar það?

-Gott. -Á eftir þér.

-Ég heyrði að þú værir stærðfræðingur. -Þér misheyrðist. Það er allt farið núna.

Farið?

Veistu hvað raflostsmeðferð er?

Já.

Ég hef farið í 37.

Þær eiga að stuða út tilfinningavandann.

-Þær stuðuðu út stærðfræðina. -En hræðilegt.

En hræðilegt. Hvers vegna? Af því stærðfræði er svo áhugaverð?

Nei, af því að raflostin hljóta að vera hræðileg

og af því að það er hræðilegt að geta ekki gert það sem maður vill.

Ég held að stærðfræði hljóti að vera leiðinleg.

Ég kann vel við stúlkuna þína, Frank.

Ég líka.

Af hverju þarf fólk á borð við ykkur að flýja?

-Við erum ekki að flýja. -Hvað er í París?

-Öðruvísi líf. -Kannski erum við að flýja.

Flýja frá vonlausum tómleika lífsins hér.

"Vonlausum tómleika"?

Þarna komstu með það. Fullt af fólki veit af tómleikanum, en...

það þarf mikinn kjark til að sjá vonleysið.

Ja hérna.

Veistu, hann er fyrsta manneskjan sem skildi

það sem við vorum að tala um.

Já. Það er satt, er það ekki? Kannski erum við jafnbrjáluð og hann.

Ef brjálæði þýðir að lifa lífinu líkt og það skipti máli

þá skiptir mig engu máli þótt við séum kolklikkuð.

En þig?

Nei.

Ég elska þig svo mikið.

Ég skal segja þér eitt, Frank. Þessi Ted Bandy er alveg ágætur.

Ágætis deildarstjóri,

en ég er dálítið sár út í hann

fyrir að hafa þig í felum.

-Ertu sáttur við þennan stað? -Hann er fínn. Alveg stórfínn.

Ég hef áhuga á einu, Frank:

Að selja bandarískum kaupsýslumönnum tölvur.

Þess vegna er ég að safna saman hópi. Mönnum eins og þér.

Ekki venjulegum sölumönnum.

Það þýðir hærri tekjur

og, svo ég sé hreinskilinn, kannski lengri vinnutími, en...

þú verður hluti af dálitlu spennandi, Wheeler.

Tölvum.

Ja, herra... það hljómar spennandi.

Bart.

Bart, segðu mér eitt.

Manstu eftir Earl Wheeler? Frá Yonkers?

-Ég get ekki sagt það. Ættingi þinn? -Faðir minn.

Hann vann sem sölumaður hjá Knox í næstum 20 ár.

Earl Wheeler.

Earl Wheeler.

Það er engin ástæða til að ætla að þú myndir muna eftir honum.

Hann hefur áreiðanlega verið góður maður.

Heyrðu, Bart, það er... dálítið sem ég hefði átt að nefna fyrr.

Ég fer frá fyrirtækinu í haust.

-Til annars fyrirtækis? -Nei, það er ekki annað fyrirtæki.

Frank, er þetta spurning um peninga?

Ef svo er

þá ættum við að geta...

Ég met það mikils, en, nei. Það eru ekki peningarnir.

Þetta er miklu frekar... persónulegar ástæður.

Ég vona að þú skiljir það.

Persónuleg ástæða.

Ég skil.

Leyfðu mér að segja þér dálítið sem faðir minn sagði mér.

Maður fær aðeins örfá tækifæri í lífinu.

Ef hann grípur þau ekki heljartökum

situr hann einn daginn og veltir fyrir sér

af hverju hann endaði sem annars flokks.

Ég býst við því.

Svo gerðu mér greiða. Sofðu á þessu.

Ræddu þetta við konuna þína.

Verum hreinskilnir. Hvar værum við

án eiginkvenna okkar?

Frank, í hreinskilni sagt, ef þú gengur til liðs við okkur

held ég að þú munir aldrei sjá eftir því.

Og ég held líka dálítið annað.

Ég held að þetta yrði góður minnisvarði fyrir föður þinn.

Hugsaðu málið, Frank. Hugsaðu það vandlega.

Að vita hvað þú átt. Komma.

Að vita hvað þú þarft. Komma.

Að vita hvers þú getur verið án. Þankastrik.

Það er birgðastjórnun.

Að vita hvað þú átt. Komma.

Að vita hvað þú þarft. Komma.

Að vita hvers þú getur verið án. Þankastrik.

Það er birgðastjórnun.

Sæll, Frank.

Ertu að vinna fram eftir?

Já. Ég þarf að grafa mig héðan.

Ég frétti að þú fengir stöðuhækkun.

Stórlax.

Pabbi þinn hefði eflaust orðið stoltur.

Já, eflaust.

Kannski ætti ég að bjóða þér upp á drykk eða eitthvað.

Þú veist, til hátíðarbrigða.

Já, kannski.

Ég sæki dótið mitt.

Ég tek með dúkkuvagninn minn,

páskakanínurnar þrjár, gíraffann minn

og allar dúkkurnar mínar og dúkkuhúsið mitt og...

Gefum Madeline dúkkuhúsið.

Ég vil það ekki.

En ég sagði þér

að það yrði erfitt að pakka niður stórum hlutum.

Hún getur fengið bangsann minn

-og... -Nei, bara stóru hlutina.

Viltu ekki frekar leika við Michael?

-Mig langar ekki til þess. -Þú hefur verið inni í allan dag.

Mig langar ekki til þess!

Ég nenni ekki að útskýra hlutina fimmtán sinnum

fyrir einhverjum sem leiðist of mikið og lætur of illa til að hlusta!

-Hvað er að? -Ekkert.

Ég trúi þér ekki. Gerðist eitthvað í morgun?

Ekkert sem ég hef ekki vitað um dögum saman.

Hvað?

Hamingjan góða, Frank. Ekki vera svona tregur.

Hefurðu ekki getið þér til um það?

Um hvað ertu að tala?

Ég er ólétt, það er allt og sumt.

Hvað þá?

Ég ætlaði ekki að segja þér það fyrr en krakkarnir væru komnir í rúmið.

Ég var nokkuð viss

og í dag fór ég til læknisins.

Nú get ég ekki látið sem það sé ekki satt.

-Hve langt á leið? -Tíu vikur.

Tíu vikur? Tíu vikur og þú segir mér það fyrst núna?

Ég hélt... Ég veit ekki hvað ég hélt. Mér þykir þetta leitt, Frank.

Ég veit það. Allt í lagi?

Við getum gert ýmislegt.

Þetta þarf ekki að stöðva för okkar.

Manstu eftir stúlkunni í skólanum?

Ef við sjáum um þetta áður en

Við verðum að vera samstíga í þessu, Frank.

Við finnum út úr þessu

Komdu hingað.

Tólf vikur. Við höfum tíma til að ákveða okkur.

Já.

Ég elska þig.

Ég elska þig líka.

Júlí 1 955

Jæja, Frank, hvernig er í vinnunni? Munu þeir komast af án þín?

Reyndar gerðist dálítið skondið.

Ég vann asnalegt verk til að losna úr ónáð hjá Bandy

og allt í einu er ég orðinn unga vonarstjarnan.

-Þannig er það alltaf. -Það er ótrúlegt.

Ég barði þessu saman á nokkrum mínútum

og nú vilja þeir fá mig í hóp sérfræðisölumanna.

Hálfvitar.

Það væri fyndið ef þeir byðu ekki

svona fjandi mikla peninga.

Freistar það þín?

Þetta er bara kaldhæðnislegt, finnst þér ekki?

Ég hélt að þú hefðir hafnað starfinu.

Ekki enn.

Það er bara valkostur, það er allt og sumt.

Með þannig laun gætu hlutirnir breyst til batnaðar fyrir okkur.

Við gætum fengið okkur betra hús. Ferðast.

Við gætum verið hamingjusöm hér, a.m.k. um tíma.

Parísarbúar eru ekki endilega þeir einu

sem geta lifað áhugaverðu lífi.

Ertu búinn að ákveða þig?

Nei. Eins og ég sagði þá er þetta bara valkostur.

Og ef þú hefur rétt fyrir þér

og þú aflar allra þessara tekna og við lifum áhugaverðu lífi.

Verðurðu ekki enn að sóa lífinu í starfi sem þér finnst fáránlegt?

Látum það vera mitt mál.

Þitt mál?

Það er of heitt fyrir þetta. Ég ætla að bleyta mig.

-Þú vilt ekki fara, er það? -Auðvitað vil ég það.

Nei. Því þú hefur aldrei reynt neitt.

Og ef þú reynir ekki mistekst þér aldrei.

Hvað meinarðu með að ég reyni ekki?

Ég framfleyti þér! Ég borga af húsinu!

Ég stunda starf sem ég þoli ekki!

-Þú þarft þess ekki! -Kjaftæði.

Ég er ekki ánægður

en hef þó dug til að hlaupa ekki frá ábyrgð minni!

Það þarf dug til að lifa lífinu sem maður vill, Frank.

Hvert ertu að fara?

Ef þér er sama þá ætla ég að nota baðherbergið.

Hvern fjandann ætlarðu að gera með þetta?

Hvað ætlar þú að gera?

-Stöðva mig? -Svo sannarlega!

Reyndu bara.

Ef þú gerir þetta, April, þá sver ég að ég...

Hvað? Ferð frá mér? Er það hótun eða loforð?

Hve lengi hefurðu átt þetta?

Drottinn minn dýri,

þú ert einum of hástemmdur.

Ef það er gert á fyrstu 1 2 vikunum er það fullkomlega óhætt.

Það er núna, April! Fæ ég ekkert að segja?

Jú, auðvitað!

Þetta væri fyrir þig.

Svo þú fengir tíma, líkt og við töluðum um.

Hvernig getur það verið fyrir mig

ef mér býður við tilhugsuninni?

Þá er það fyrir mig!

Segðu mér að við getum átt barnið í París.

Að við getum eignast öðruvísi lífi. Ekki láta mig vera hér!

-Við getum ekki átt barnið í París. -Því ekki?

Ég þarf ekki allt sem við höfum hér. Mér er sama hvar við búum.

Hver samdi þessar reglur?

Við fluttum hingað af því ég varð ólétt.

Svo eignuðumst við annað barn til að sanna að það fyrsta væri ekki mistök!

Hve lengi heldur þetta áfram?

Frank, viltu í alvöru annað barn?

Viltu það? Svona nú. Segðu mér það.

Segðu mér sannleikann. Manstu eftir því?

Við lifðum samkvæmt því.

Veistu hvað er svo gott við sannleikann?

Allir vita hver hann er, sama hve lengi þeir hafa lifað án hans.

Enginn gleymir sannleikanum! Fólk verður bara færara í að ljúga.

Segðu mér það. Viltu í raun og veru annað barn?

Ég veit bara hvernig mér er innanbrjósts.

Allir með réttu ráði væru sama sinnis.

En ég á tvö börn. Telst það mér ekki til tekna?

Almáttugur, April, að þú skulir orða þetta þannig.

Þú lætur í veðri vaka að barneignir séu einhvers konar refsing!

Ég elska börnin mín, Frank.

Ertu viss um það?

Hvern fjandann áttu við?

April, þú varst að segja að dóttir okkar væri mistök.

Hvernig veit ég að þú hafir ekki reynt að losna við hana

eða Michael?

Kannski reyndirðu að sturta allri fjölskyldunni okkar

í klósettið!

Það er ekki satt! Auðvitað gerði ég það ekki!

Hvernig veit ég það?

Hættu. Hættu þessu, Frank!

April, eðlileg kona, móðir sem er heil á geði

kaupir ekki gúmmíslöngur til að eyða fóstri sínu

svo hún geti upplifað einhvern helvítis draum!

Heyrðu. Ég er bara að segja að þú tekur þessu ekki af skynsemi.

Við ættum að finna einhvern til

að hjálpa þér að fá botn í líf þitt.

Og mun nýja starfið borga fyrir það líka?

April, ef þú þarft sálfræðing verður borgað fyrir hann.

Augljóslega.

Gott og vel. Það er þá líklega ekkert meira um þetta að segja.

Ég býst við að París hafi þá verið barnaleg hugmynd.

Kannski var hún það.

April, við getum verið hamingjusöm hér.

Ég get gert þig hamingjusama hér.

Við höfum átt nokkra frábæra mánuði. Því þarf ekki að ljúka.

Þetta verður í lagi hjá okkur. Ég lofa því.

Ég vona það, Frank.

Ég vona það innilega.

Takk fyrir að bíða. Pollock tekur á móti þér núna.

Kærar þakkir.

Stöðvaður af gallaðri getnaðarvörn.

Ég get ekki sagt að mér þyki það leitt.

Þín hefði verið sárt saknað í gamla hólfinu þínu.

Þetta hefði ekki verið eins án þín.

Auk þess...

Hvað?

Áætlunin virtist alltaf dálítið óraunhæf, finnst þér ekki?

Það kemur mér líklega ekki við.

Nei. Líklega ekki.

Þær munu fagna á ritarasvæðinu.

Frank! Manstu þegar þú komst með okkur hingað fyrst?

Auðvitað.

Þú sagðir að það þyrfti sérstakan smekk til að njóta Bjálkakofa Vitos!

Hann er svo hræðilegur að hann er eiginlega ágætur.

Lítið á mig. Ég er svo hamingjusöm. Litla klíkan okkar er aftur saman!

Er ekki fín sveifla hjá strákunum í kvöld?

-Evrópa fer ekki neitt. -Það er rétt.

April, elskan? Hvað um dans?

Ekki núna. Kannski á eftir.

Ég skal dansa!

Er hún enn döpur vegna Parísar?

Heldurðu að hún jafni sig?

Auðvitað. Gefið okkur stelpunum nokkra daga og við komumst yfir hvað sem er.

Frank?

Er allt í lagi með þig? Milly?

Mér þykir þetta mjög leitt.

Hafðu mig afsakaða, Frank.

Þetta er frábært.

Hvernig í fjandanum eigum við að komast burt?

Ja hérna.

Hafðu ekki áhyggjur. Við getum beðið.

Hvað um barnapíuna?

Því ekurðu ekki Milly heim og ferð svo heim?

Það bjargar báðum barnapíunum. Shep getur ekið mér heim á eftir.

-Ég er sáttur við það. -Allt í lagi.

-Verður í lagi með þig? -Auðvitað.

Góða nótt.

Láttu þér batna.

Mér þykir leitt að þið farið ekki burt.

Ég veit að það skipti þig miklu máli.

Ekki misskilja þetta, en... ég hef verið þar.

Þeir hafa ekki svo margt sem við höfum ekki hér.

Það þurfti ekki að vera París.

Vildirðu bara... komast inn?

Ég vildi komast inn.

Ég vildi að við lifðum aftur.

Árum saman hélt ég að við deildum leyndarmáli.

Að við yrðum dásamleg í heiminum.

Ég vissi ekki nákvæmlega hvernig, en...

bara möguleikinn hélt í mér voninni.

Hve aumkunarvert er það?

Svo heimskulegt.

Að binda allar vonir sínar... við loforð sem var aldrei gefið.

Frank veit hvað hann vill. Hann fann sinn sess.

Hann er alveg sáttur.

Giftur. Tvö börn.

Það ætti að nægja.

Það nægir honum.

Og hann hefur rétt fyrir sér.

Við vorum aldrei sérstök eða var ætlað að verða neitt merkileg.

Víst eruð þið það.

Þið eruð...

þið eruð Wheeler-hjónin.

Þið eruð frábært par. Allir segja það.

Ég sá allt aðra framtíð.

Ég get ekki hætt að sjá hana.

Get ekki farið.

Get ekki verið um kyrrt.

Gagnast ekki neinum.

Komdu.

Gerum það.

Ég skal fara með þig eitthvað.

Nei, gerðu það hér. Núna.

April...

þetta er það sem ég hef alltaf þráð.

Ég elska þig.

Ekki segja það.

Nei, mér er alvara. Ég elska þig.

Vertu svo vænn að hafa hljótt um stund.

Svo geturðu farið með mig heim.

Það er fallegt úti.

Já.

Veistu hvaða dagur er?

-Það eru tólf vikur. -Það er rétt.

Heyrðu. Þetta hefur verið brjálæðislegt sumar.

Við höfum bæði verið undir álagi.

Ég skil af hverju þú ert í uppnámi.

Ég sef ekki hjá þér og þú vilt vita ástæðuna.

Fyrirgefðu, Frank, en mig bara... Iangar ekki að tala um það.

Hvað eigum við þá að tala um, April?

Væri í lagi ef við töluðum ekki um neitt?

Getum við ekki tekið einn dag í einu, gert okkar besta

án þess að hafa þörf fyrir að tala stöðugt um allt?

Ég er ekki að leggja til að við tölum stöðugt um allt.

Við höfum bæði verið undir álagi.

Við ættum að hjálpa hvort öðru eins mikið og við getum.

Mitt eigið háttalag hefur verið undarlegt upp á síðkastið.

Það er dálítið sem mig langar að segja þér.

Ég hef verið með stúlku nokkrum sinnum. Í borginni.

Stúlku sem ég þekki lítið.

Það hafði ekkert gildi fyrir mig.

En því er lokið núna. Endanlega lokið.

Ef ég væri ekki viss um það hefði ég ekki sagt þér frá því.

Hvers vegna gerðirðu það?

Elskan, ég veit það ekki.

Ég held að ég hafi bara viljað vera karlmaður aftur

eftir allt fóstureyðingarmálið.

Taugaveiklunarþörf til að sanna eitthvað.

Nei. Ég á ekki við: "Af hverju varstu með stúlkunni?"

Af hverju sagðirðu mér frá því?

-Hvað áttu við? -Hver er tilgangurinn?

Á það að gera mig afbrýðisama?

Á það að láta mig verða aftur ástfangna

af þér eða fara aftur í rúmið til þín eða hvað?

Hvað viltu að ég segi?

Því segirðu mér ekki hverjar tilfinningar þínar eru?

Ég finn ekki fyrir neinu.

Með öðrum orðum, þér er sama hvað ég geri og hverri ég ríð?

Já. Það er líklega rétt.

Mér er sama. Ríddu þeim sem þú vilt.

April. Skilurðu ekki að ég vil að þú látir þig þetta varða?

Ég veit að þú vilt það.

Og það myndi gera það ef ég elskaði þig.

En ég var að uppgötva að ég geri það ekki.

Þess vegna vil ég helst ekki tala núna.

Ekki koma með þessa dellu, April!

-Þú veist vel að þú elskar mig. -Heldurðu það?

Þú veist það fjandi vel!

Hæ-hó! Er einhver heima?

Mér þykir leitt að kvöldverðurinn er seinn. Vill einhver annan drykk?

Hafðu ekki áhyggjur. Það er indælt að sitja bara og skrafa saman.

Þú hefðir ekki átt að ómaka þig.

Út af öllum fráganginum

hefurðu líklega meira en nóg á þinni könnu.

Reyndar hefur áætlunin breyst.

Ég hélt að það væri kannski augljóst

en April er ólétt.

-Til hamingju! -April,

ég get ekki lýst því hvað ég er glöð.

Ég vænti þess að þið þurfið stærra hús.

Bíddu aðeins, mamma. Bíddu aðeins.

Ég skil þetta ekki. Hvað er svona augljóst við það?

Hún er ólétt. Hvað með það? Eignast fólk ekki börn í Evrópu?

Það er óráðlegt fyrir fólk

hvar sem er að eignast börn

nema það hafi efni á þeim.

Þetta er þá spurning um peninga. Peningar eru góð ástæða.

En þeir eru sjaldnast raunverulega ástæðan.

Hver er raunverulega ástæðan? Taldi konan þín þér hughvarf?

Ákvað litla konan að hún væri ekki tilbúin að hætta í húsmóðurhlutverkinu?

Nei, það er ekki ástæðan. Ég sé það.

Hún virðist of harðger og fjandi dugmikil.

Gott og vel. Það hlýtur að hafa verið þú! Hvað gerðist?

John, þú ert mjög dónalegur! Hvað gerðist, Frank?

Guggnaðirðu?

Ákvaðstu að þú værir betur settur hér eftir allt saman?

Reiknaðist þér til að það væri

þægilegra hér í gamla, vonlausa tómleikanum?

Ja hérna. Þetta hitti í mark. Sjáið svipinn á honum.

Er ég að hitna, Wheeler?

-Sonur sæll, ég held að við... -Vitið þið hvað?

Það kæmi mér ekki á óvart þótt hann hefði barnað hana vísvitandi

til að geta falið sig á bak við óléttukjól.

Þá þyrfti hann aldrei að komast að því úr hverju hann er gerður!

Heyrðu mig! Ég held að þú hafir sagt meira en nóg.

Hver í fjandanum heldurðu að þú sért?

Þú kemur hingað og segir

alla brjáluðu hlutina sem þér detta í hug.

Það er tímabært að einhver segi þér að steinþegja!

-Hann er ekki heill heilsu, Frank. -Kjaftæði!

Mér er sama hvort hann er veikur eða ekki, dauður eða lifandi!

Hann ætti að geyma skoðanir sínar

á geðveikrahælinu þar sem þær eiga heima!

-Förum, væni. -Komdu, John.

Þú átt mikinn mann þarna, April.

Mikinn fjölskyldumann.

Ég vorkenni þér.

En kannski verðskuldið þið hvort annað.

Miðað við svipinn á þér núna er ég farinn að vorkenna honum líka.

Þú hlýtur að vera honum erfið

fyrst barneignir eru eina leiðin fyrir hann til að sanna karlmennsku sína.

-Helvítis... -Nei! Hann er ekki heill heilsu, Frank!

John, förum núna út í bíl.

April, mér þykir þetta leitt.

Allt í lagi! Fyrirgefið, fyrirgefið, fyrirgefið!

Mamma, hef ég beðist fyrirgefningar nógu oft?

Fjárinn! Mér þykir þetta líka leitt.

Enginn er leiðari yfir þessu en ég!

En þegar öllu er á botninn hvolft hef ég ekki margt til að gleðjast yfir!

En vitið þið hvað?

Ég er feginn einu.

Veistu hverju ég er feginn?

Ég er feginn að ég verð ekki þessi krakki.

Gott og vel. Ekki segja mér það.

Leyfðu mér að geta.

Ég sýndi á mér viðbjóðslega hlið, ekki rétt?

Rétt.

Og allt sem hann sagði er satt.

Ætlaðirðu að segja það?

Ég þarf þess ekki.

-Þú ert að segja það fyrir mig. -Þér skjátlast.

-Virkilega? Af hverju skjátlast mér? -Af því maðurinn er geðveikur!

Veistu hver er skilgreiningin á geðveiki?

Nei! Veist þú hana?

Já! Það er vangeta til að mynda tengsl við aðra manneskju!

Það er vangeta til að elska!

Van... Vangeta...!

Frank, þú ert mikill mælskusnillingur.

Ef svart gæti orðið hvítt með mælsku

værir þú rétti maðurinn í starfið!

Er ég núna brjáluð af því ég elska þig ekki?

Nei! Rangt!

Þú ert ekki brjáluð. Og þú elskar mig. Það er málið.

En ég geri það ekki. Ég hata þig.

Þú ert bara drengur sem kom mér til að hlæja í samkvæmi

og núna býður mér við þér.

Ef þú kemur nær eða snertir mig

held ég að ég öskri.

Hættu þessu, April.

Farðu til fjandans, April!

Til fjandans með þig og hatursfulla, montna...

Ætlarðu að slá mig til að sýna mér

-hvað þú elskar mig mikið? -Vertu óhrædd!

Þú ert ekki virði ómaksins sem þyrfti til að lemja þig!

Þú ert ekki virði púðursins sem þyrfti til að sprengja þig í loft upp!

Þú ert innantóm, hol konuskel!

Hvern fjandann ertu að gera í húsinu mínu ef þú hatar mig svona mikið?

Því ertu gift mér?

Því berðu barnið mitt?

Því losaðirðu þig ekki við það þegar þú gast?

Af því ég hef fréttir að færa.

Ég vildi óska þess að þú hefðir gert það!

April!

April!

April!

Farðu burt frá mér.

Hlustaðu á mig!

Kemst ég ekki einu sinni burt frá þér í helvítis skóginum?

April, ég meinti þetta ekki!

-Ég meinti ekki... -Ertu enn að tala?

Er engin leið til að láta þig hætta að tala?

Ég þarf að hugsa! Sérðu það ekki? Ég þarf að hugsa!

Komdu aftur inn í hús.

Viltu að ég öskri aftur?

Því ég geri það! Mér er alvara!

Allt í lagi. Allt í lagi.

Góðan dag.

Góðan dag.

Viltu hrærð egg eða spæld?

Ég veit það ekki.

Það skiptir ekki máli. Hrærð, býst ég við, ef það er ekki fyrirhöfn.

Ágætt. Ég fæ mér líka hrærð.

Það er indælt að borða saman morgunverð án barnanna.

Já.

Ég hélt að þú vildir góðan morgunverð í dag.

Þetta er mikilvægur dagur fyrir þig, er það ekki?

Er ekki ráðstefnan þín með Pollock í dag?

Jú, það er rétt.

-Stórmál. -Ég held að þetta sé stórmál.

Að minnsta kosti fyrir þá.

Hvað muntu gera í nýja starfinu?

Þú hefur ekki sagt mér mikið um það.

Er það ekki?

Það snýst um að Knox býr sig undir

að kaupa mjög stórar tölvur.

Jafnvel stærri en 500.

-Sagði ég þér það ekki? -Nei.

Því segirðu mér það ekki núna?

Í raun er þetta bara stór og fljót samlagningarvél.

En í staðinn fyrir vélræna hluti...

er maður með... þúsundir stakra rafeindalampa.

Ég skil.

Eða ég held að ég skilji.

Já, þetta er ansi áhugavert, er það ekki?

Ég veit ekki.

Þetta er líklega áhugavert á vissan hátt.

Þú ættir að meta það sem þú gerir, Frank.

Þú ert greinilega fær í því.

Ég þarf að fara að drífa mig.

Heyrðu, April.

Þetta var mjög indælt.

Þetta var stórfínn morgunverður.

Ég veit ekki hvenær ég hef átt indælli morgunverð.

Þakka þér fyrir. Ég naut þess líka.

Og þú... þú hatar mig ekki, er það nokkuð?

Nei. Auðvitað geri ég það ekki.

Hafðu það gott í dag.

Allt í lagi, þá. Vertu sæl.

Halló? Milly? Er allt í lagi?

Mér líður ekkert betur. Þess vegna hringdi ég.

Ef það er ekki mikil fyrirhöfn þá væri það fínt í kvöld.

Hvað?

Nei. Nei. Ekki ef þau eru úti að leika sér.

Ekki kalla á þau.

Bara... kysstu þau bæði fyrir mig...

og segðu þeim...

segðu þeim...

þú veist. Allt í lagi. Þakka þér fyrir, Milly. Bless.

Ég held að ég þurfi hjálp.

Byltingarsinnavegur 1 1 5.

-Frank, hvað gerðist? -Almáttugur.

Ég skildi ekki helminginn sem hann sagði.

Fóstrið var komið út áður en hún kom hingað og þeir gerðu aðgerð

til að fjarlægja... hvað heitir það? Fylgjuna.

Og henni blæðir enn.

Hún hafði misst mikið blóð

og þeir eru að reyna að stöðva það.

Hann sagði margt sem ég skildi ekki um háræðar.

Hann sagði að hún væri meðvitundarlaus.

Því sestu ekki niður?

Af hverju í fjandanum ætti ég að vilja sitja?

Slakaðu á, Frank. Slakaðu á.

-Fáðu þér sígarettu. -Hún gerði sér þetta sjálf, Shep.

Hún gerði sér þetta sjálf!

Ég sæki kaffi handa þér.

Þau voru svo dásamlegt fólk, var það ekki, Shep?

Þetta er svo mikið áfall. Veslings April.

Frank býr núna í borginni. Hvar starfar hann?

-Hjá Bart Pollock systurfyrirtækinu. -Tölvur.

Áhugavert fyrirtæki.

-Hafið þið séð hann eftir það? -Nei. Ekki hér.

Of margar minningar, held ég. Shep hefur hitt hann í borginni.

Er það ekki, gæskur?

Frank helgar sig börnunum.

Hann er með þeim í öllum frístundum.

Hafið mig afsakaða.

Er í lagi með þig?

Ég vil ekki tala lengur um Wheeler-hjónin.

Allt í lagi.

Við þurfum þess ekki.

Við þurfum þess ekki.

Pabbi, sjáðu! Sjáðu, pabbi!

Ég er svo ánægð með húsið

á Byltingarsinnavegi, Howard.

Alltaf þegar ég ek hjá lyftist ég öll upp

að sjá það aftur í toppstandi og tandurhreint.

Öll ljósin í öllum gluggunum.

Ég hef unnað þessu litla húsi árum saman.

Brace-hjónin eru eina viðeigandi fólkið sem ég hef fundið fyrir það.

Þau eru svo indæl og viðkunnanleg.

Fyrir utan Wheeler-hjónin.

Mér þótti mjög vænt um Wheeler-hjónin.

Þau voru of dyntótt fyrir minn smekk. Dálítið taugaveikluð.

Ég sagði það aldrei

en þau voru oft erfið í umgengni.

Og helsta ástæðan fyrir því að húsið litla var svona erfitt í sölu

var að þau létu það drabbast hræðilega niður.

Skakkir gluggarammar, blautur kjallari, vaxlitaför á veggjunum,

kámug för á hurðarhúnunum og öðrum föstum hlutum.