Original subtitles

Tidlegare

Bror min vart drepen i fjor. Far din var dansk. Vi treng vår eigen mann på staden.

Finne ut noko utan ransakingar eller avhøyr?

Vi har avhøyrt folk i eit år.

Alle kjenner alle. Ligg lågt, og skaff dykk jobb.

Kva slags par skal vi vere? Det er no vi må spele ektepar.

-Det er eit år sidan i dag. -Kanskje det er ei minnestund.

"Natteramnen kjenner mordaren."

Molly! Finn Thomas!

Eg følgjer etter dei.

Takk for turen.

Kanskje eg skal helse på kona di. For å vere sikker på at alt er i orden.

Ja ... Det kan du godt. Eg skal hente henne.

Helene?

Ho er heilt vekke der inne. Og naken, så ...

Heilt vekke, og naken? Ja, då ...

-Pass på dykk sjølve i Hvide Sande. -Ja, takk. Vi sest nok.

Takk for turen.

Du har ringt til Helene. Legg igjen beskjed.

Kvar pokker er de?

Helene?

Helene?

Hei, Molly.

Hei, du. Kvar er ho?

Kvar er ho?

Molly? I svarte!

Hei, Molly.

-Thomas? Kva har skjedd? -Lang historie.

-Kvifor er de ikkje i campingvogna? -Vi er ikkje åleine.

Det er Ulrik.

Unnskyld, altså. Kven finn på å gå opp i tårnet på denne tida av døgnet?

-Thomas er mannen min. -Hei, hei.

-Du får halde kona innandørs om natta. -Ja, eg veit det.

Ho er heilt galen. Trenar dag og natt.

Var det trappene som lokka no? Det kan eg tenkje meg.

-Det er kanskje du som passar fyret? -Ulrik bur i nærleiken.

Var du ute og gjekk nattetur?

-Eg høyrde jo eit skrik. -Eg ropte på Molly.

Som den natta han skreik òg.

Eg har alltid sagt at det går gale ein dag.

Kven var det som skreik? Har det hendt ei ulykke her?

Eg snakkar for mykje.

Ein blir jo nysgjerrig når du seier at nokon skreik.

God tur heim.

-Unnskyld. -Takk for hjelpa, Ulrik.

Norske tekstar: Kari Lyngstad

-Kan du halde noko hemmeleg? -Ja.

Då skal eg ha ein fransk hotdog med ostepølse og vanleg dressing.

-Kvar kom du frå? -Eg såg det. Hit med det.

Eg har ikkje fått frukost.

Det er hundemat. Vi avtalte at du skal ete ordentleg.

-Skulle ikkje Hans kome? -Eg vil vere tett på.

Har du dårleg samvit? Det er ei umogleg oppgåve vi har fått.

Tyskarane har fått sin mann med, og deler fiaskoen etter tusen arbeidstimar.

Du høyrest så kynisk ut.

Det er min jobb å vere kynisk. Du skal ha håp og tru.

Då trur eg Sebastian vart drepen i fyrtårnet. Det er åstaden.

Vi har vore der. Dei unge brukar det som ein romantisk møtestad.

Vi fann ingenting.

Ein gamling som bur rett ved, høyrde noko den kvelden. Seint.

-Vi ser gjerne på det igjen. -Bra.

Sjå her. Vi sende kortet til teknikarane.

Ingen fingeravtrykk, men dei fann noko anna under mikroskopet.

-Ei sol? Det liknar ei barneteikning. -Vi trur det er ein keramikarsignatur.

Noko som er rissa inn i botnen av ein kopp før han blir brend.

På handlaga keramikk set ofte keramikaren ein signatur.

Så vi ser etter ein kaffikopp?

Vi har sjekka dei store keramikkmerka, og keramikarane i området.

Ingenting passar, men teknikarane er sikre.

Kva med dykk to? Korleis har "mannen din" det?

Han fekk nok ein litt ublid start.

-Kva er det med dykk menn og smerte? -Vi likar det ikkje.

Det er det ingen som gjer. Kvinner er betre til å abstrahere.

-Prøv å tenkje på noko anna. -Kva skal eg tenkje på?

Byfesten i kveld. Prøv å finne ut kva du skal ha på deg.

Det hjelper neppe å tenkje på den sparsame garderoben min.

Du er ferdig.

-Blir de lenge på ferie? -Eg veit ikkje heilt.

Men eg trur vi prøver å finne arbeid her. Det er noko ved Hvide Sande.

-Kva? -De må kunne seie det ordentleg.

-Nesten. -Greitt. Er du herifrå?

Ja. Fjerde generasjon.

Oldefar var med å grave slusa mellom havet og fjorden.

Heile byen er bygd opp kring slusa.

Eg prøvde å kome meg vekk, men det går ikkje.

-Kva fekk deg til å bli? -Kjærleik.

Dei burde ha ei åtvaring som på sigarettane.

"Romansen knuser hjartet, gjer deg einsam og sender deg i grava."

Vent til dei byrjar å forske på kjærleikens biverknader.

Då blir han forboden.

Trur du det var kjærleik som drap han her?

Eg veit ikkje.

Det var den verste dagen i livet mitt.

Som lege.

Var du med på ... Oppklaringa?

Eg hadde akuttvakt då dei drog han opp av slusa.

Så kom politiet og legane som har greie på lik.

Eg føretrekkjer dei levande. Dei er du ein av.

Ja, det er eg enno, takk vere deg.

Men viss det var alt, så ...

Kva slags jobbar ser de etter?

-Kva som helst, eigentleg. -Eg skal forhøyre meg.

Er det kanskje kona til Thomas?

Er det normalt her ute at politiet ikkje bankar på?

-Ingen lét opp. -Og det tok du som ein invitasjon?

Eg lova kona å sjå til at alt stod bra til med dykk.

Peter. Betjent på staden. Eg køyrde Thomas heim etter uhellet.

Thomas er oppe og får fjerna stinga. Kan eg ...?

Og han er ikkje komen i tankar om kven som slo han ned?

Det må i så fall ha skjedd medan eg var ute.

-Har de funne dykk til rette? -Så godt ein kan på to kvadrat.

-Då ser eg saka som avslutta. -Du har vel viktigare ting å gjere.

-Thomas overlever. -Fint.

Herregud. Han busar berre inn.

Kva seier du, Molly?

Kva er det med deg og fyrtårnet, Ulrik?

Eg trur vi skal opp hit. Kom.

Ulrik?

Hallo!

Når ingen lèt opp i Hvide Sande, kan ein jo berre gå inn. Blir du med?

Er det nokon her?

Hallo?

Ulrik, er du heime?

Hallo?

Ulrik?

Unnskyld. Eg banka på. Eg ville ikkje ...

Det er Helene. Du hjelpte meg ved fyret.

Du må verkeleg unnskylde.

Eg ville berre gi deg denne og seie takk.

-Her kjem det ikkje mange. -Har du budd her lenge?

-Heile livet. Eg vart fødd inne i stova. -Jøss.

Du har veldig mange ting der inne.

-Du er ikkje frå politiet, vel? -Frå politiet?

Det er berre ...

Ei pen dame dukkar opp med ei flaske vin. For godt til å vere sant.

Slapp av. Eg smuglar sjølv når eg får sjansen.

Då må det vere fordi eg ser bra ut.

Kan flaskene drikkast, eller er det noko gammalt piss?

Viss ikkje, vil eg gjerne ha eit par flasker.

Piss?

Det går bra. Eg er ikkje fin på det.

-Whiskyen desinfiserer jo. -Jo, jo ...

Klarar du korken? Eg slit litt med høgre kloa.

Takk.

-Skål. -Skål.

-Eg har aldri fått klager. -Eg vil gjerne ha med eit par flasker.

Der var de.

Jøss. Fin skjorte og greier. Skal du ut?

Eg har fått eit tips.

-I saka? -Om ein jobb.

-Som bankmann? -Nei, men no har eg kjøpt henne.

Er du full? Har du drukke?

-Klart eg ikkje har. -Jo, det ser eg.

Mor mi drakk. Eg er allergisk mot fulle kvinner, og no klør heile kroppen.

Det var i tenesta. Eg var nede hos Ulrik. Han fortalde noko interessant.

Er det sånn de avhøyrer folk i Danmark? Ikkje rart de ikkje får til noko.

Har nokon sagt at du er arrogant?

Ikkje første gong ei sak ikkje blir løyst. Kom deg ned frå din høge kamel.

-Meiner du høge hest? -Nei. Sjå ut.

Vi er omringa av sand. Dette er ein ørken.

-Du er verkeleg full. -Berre litt.

-Får eg mykje meir, blir eg ... -Søvnig? Aggressiv?

-Vil du høyre kva eg fann ut? -Ja.

Den natta Ulrik høyrde skrik frå fyret, var han nede på stranda.

Han får smuglarvarer som han sel til restaurantar og kioskar.

Difor ringde han ikkje politiet.

Han lossar kassar med falske Prince Light og heile fat med whisky.

Og så høyrer han det. Skriket. Og ein bil som køyrer vekk.

-Men gjer ingenting? -Han har smuglarvarene å ta seg av.

Og det er eit stykke opp til fyret.

Men han har tenkt på det sidan. Han hadde alle avisutklippa.

Og du trur ikkje han kan vere mistenkt?

Sebastian kjem gåande og ser at det blir smugla.

Ulrik og nokre polakkar eller russarar drep han og hiv han på havet.

Ikkje Ulrik. Ikkje for eit par kassar sigarettar.

Han er plaga. Difor kom han til fyret den kvelden.

Han er redd for å kome for seint igjen. Han har samvit.

Kanskje. Men dette må vi ta seinare, elles kjem eg for seint.

Eg skal ut og sjå på ein kafé. Det er far til Michelle som eig han.

Kjærasten til Sebastian?

Han er ein av dei mistenkte. Det kan vere ein fin måte å kome innpå han på.

-Ved å leige ein kafé av han? -Det gjeld å kome tett på.

Sentralt med havutsikt. Overtaking med det same.

Sov godt. Kom, Molly.

Vi er forresten inviterte på hamnefest, så du veit ... Opp på kamelen.

Sentralt?

Det er vel snarare avsides. Kva seier du?

Bli.

-God dag. -God dag, god dag.

Jøsses. 75 000 på forskot for ein kafé som har omsett for ...?

Du kan ta inn fleire hundre tusen på ein sommar. Og skattefar viser seg ikkje her.

-Førre eigar gjekk konkurs. -Klovnen hadde ikkje det tyskarane likar.

Fatøl og pølse "mit Pommes". Ingen grunn til å blande grønsaker inn.

-Er du interessert, eller? -Eg må berre snakke med kona først.

Med kona? Ja ja.

-Noko du kjenner til? -Det er alltid noko aggerwas med dei.

-Agger...? -Aggerwas.

-Sørjysk for plunder. Det sa kona alltid. -Aggerwas.

Var det ikkje ein tysk surfar som vart drepen her ute i fjor?

-Det må ha påverka omsetninga. -Ingen snakkar om den saka meir.

-Det var jo eit uhell. -Vart han ikkje drepen?

Det er vel eit uhell å bli drepen.

Det var mange som sa at han bad om det sjølv.

Korleis ber ein om å bli drepen? Det forstår eg ikkje.

Ein kan jo spele litt for smart.

Eg vil unngå å hamne i den situasjonen, så korleis gjer ein det?

Michelle?

-Ei du kjenner? -Dotter mi.

Eg kjenner henne snart ikkje lenger.

Er du interessert, så ringjer du berre.

Michelle! Kvifor vankar du med dei og surfar heile tida?

Pass dine eigne saker, så passar eg mine. Vi sest seinare.

-Var det herleg? -Hei! Ja, det var feitt.

-Blir vi berre fem i kveld? -Kraul er kanskje klar.

Er eg paranoid, eller har vi sett han der før?

-Det er du som er paranoid. -Det er noko kjent med han.

-Så då blir det i kveld? -Ja. Etter havfesten.

-Eg køyrer og ordnar med signalet no. -Ja vel. Vi sest.

Molly, kom!

Du blir her, Molly.

-Thomas? -Hei. Er du oppe?

Eg har sete og sett på saka. Kva gjer du?

-Ser på damer. -Du kastar ikkje bort tida.

I tenesta. Ta det med ro. Kva står det om Michelle i rapporten?

Her.

Michelle Dreyer Nielsen, dotter av verftseigar Thorbjørn Dreyer Nielsen.

Og kjærast med Sebastian til han blir drepen.

-Er du der? -Ja, eg les.

Sebastian vart funnen med restar av ei tokomponent skipsmåling i håret.

-Interessant. -Han kan ha måla dagen eller veka før.

-Skipsmåling går ikkje lett av. -Nei, men likevel.

-Båtbygging, Thorbjørn, måling, Michelle. -Det har andre tenkt, ser eg.

Michelle er avhøyrd seks gonger. 20 timar over åtte månader.

Det same gjeld Thorbjørn, utan at dei fann noko.

Ja, kom her.

Unnskyld.

Det går bra.

-Det er slangar her. -Og brennmaneter.

Hoggorm og straumar. Vesterhavet er farleg.

Eg hatar slangar. Ein slange kravla over beina mine.

Kan du snu deg?

Kva skulle du seie?

At du fann ut noko? Du var ute og såg på damer.

Eg følgde etter Michelle, som du veit. Eg trur dei skjuler noko.

Surfarane. Ho heiste dette flagget opp i ei gammal signalmast.

Kva er det?

Eit gammalt sjømerke dei brukte til å kommunisere med folk på havet.

No har ho heist eit flagg der.

Får eg sjå? Når er hamnefesten? Eg må føne håret.

Eg skiftar berre når du er ferdig.

Det er bortkasta tid.

OK. Takk.

Havfest er då ikkje noko for deg. Du ser jo ... fin ut.

Ser eg fin ut? Kult. Takk for komplimenten.

Noko gale med "fin"? Det er vel det same som pen.

-Nei, det er det ikkje. -Du veit ... "Wow! Fin kjole."

Du kan ikkje redde det, Thomas.

Dette gir oss alibi. Innflyttarar går på hamnefest.

-Du sa at eg har misforma bein. -Det har eg aldri sagt.

Dessutan synest eg du har fine bein.

Du har fine, fine, superfine bein. Fin, fin, fin.

Han der, derimot ...

-Kva med han? -Han har lekre bein. Skal vi gå?

-Skal vi ta ein øl? -Eg bør la vere.

Sikker? Ein øl.

-Han. -Kva er det med han?

Eksen til Michelle.

-Kraul, ja. Han hadde motiv. -Diverre også eit alibi.

Men det var han eg rende på, ser eg.

-Sikker? -Ja. Eg kjenner att yin yang-ringen.

Yin yang? Noko med harmoni eller kinesisk filosofi?

-Ingenting for meg. -Filosofi?

Jimmy var oppteken av sånt. Filosofi whatever.

Ekskjærasten?

-Det var han eg fekk sett i fengsel. -Er du ei farleg dame?

Her var det han som var farleg.

Spør ein Jimmy, var det du som var farleg.

Filosofisk sett. Eg prøver å kome innpå han.

-Unnskyld. -Skal de òg på havfest?

Du får passe på han. Vi vil ikkje ha fleire uhell.

-Hei. Helene. -Susanne. Velkomen.

Helene er gift med den uheldige herren du lappa saman.

-Korleis går det? -Heilt fint. Eg har jo byens beste lege.

-Thomas sa at de ser etter jobb. -Ja.

-Høyrer de meg? -Ja!

Då er vi komne til det alle har venta på.

Årets høgdepunkt for oss som er fødde med musikk og rytme i kroppen.

Kom. Vi må sikre oss plass.

-Er det lov å sleppe? -Nei, og de blir med òg.

-Om de vil vere ein del av Hvide Sande. -Der har du jobbspesifikasjonen.

-Ikkje gjer det meir. -Ligg unna!

Eg går bort der.

Det er vi som har hjelpt deg i gang.

-Det kan hende du treng meir. -Kva vil du?

-At du er litt hjelpsam. -Det hjelper ikkje å ringje meg ned.

Eg veit ingenting, Thorbjørn.

"Det hjelper ikkje å ringje?" -Noko i den duren.

-Det kan bety kva som helst. -Men stemninga var under frysepunktet.

Ja. Takk.

-Men kven var han? -Eg veit ikkje, men vi ser han nok igjen.

Byen er liten.

Han var ein sånn halvstudert røvar som aldri blir vaksen.

Roskilde, utan barn ... I den gata.

Kvifor fekk ikkje du barn?

-Katarina døydde jo. -Men før det?

Eg veit ikkje.

-Ville ho ikkje? -Det er ei litt lengre historie.

Ho var utru, så ...

Kvifor vart de ikkje skilde?

Litt vanskeleg å snakke om i avdelinga for frysevarer.

Eg har ingenting med det.

Eg fekk ikkje vite det før rett etter at ho var død.

Det var leitt å høyre.

Kva med deg? Kvifor fekk de ikkje barn når de var så fysiske?

-Eg ville ikkje ha barn. -Med han, eller ikkje med nokon?

Barn blir alltid svikta på ein eller annan måte.

Vart du det? Vart du svikta?

Alle blir svikta.

Eg kjem snart.

Kva er det?

Det var han Michelle avtalte noko med nede på stranda.

-Kva skal du? -Eg set meg på stranda og følgjer med.

OK, Sebastian. Det er seint, som no, og du er på veg opp til fyret.

Ein romantisk møtestad. For å møte kven?

Er det Michelle?

Er det nokon som er etter deg?

Kva driv du med?

Einish?

-Thomas. Kvar er du? -Nede på stranda.

"Einish", er det noko på jysk?

Det trur eg ikkje. Det høyrest ut som ei blanding av tysk og engelsk.

-Det er det dei gjer på vestkysten. -Det trur eg ikkje.

-Gi meg eit døme, då. -Aggerwas.

-Det er ikkje eit ord. -Jo, du. Aggerwas betyr plunder.

-Ein kan ha aggerwas med kona. -No diktar du opp berre for å få rett.

Ein augeblink.

Hallo? Thomas?

-Hallo. Kva skjer? -Berre vent litt.

-Det står "Finish line". -Det gir meir meining.

-Vi sest heime. -Ja. Ha det.