Original subtitles

വിധിയാണ് എല്ലാം.

എംസോണ്‍ റിലീസ് - 2642 http://www.malayalamsubtitles.org/ www.facebook.com/msonepage

പരിഭാഷ ഗിരി പി. എസ്.

ദി ലാസ്റ്റ് കിങ്ഡം

നീയാരെന്നതിൽ നിന്ന് നിനക്കൊരു രക്ഷയില്ല, ആർസലിങ്.

രക്തമായും എല്ലായും, നീയിപ്പോഴും ബേബ്ബൻബർഗുകാരനാണ്.

ലോർഡ്.

എന്താ, ഓസ്‌ഫെത്?

ക്ഷമിക്കണം, ലോർഡ്, എനിക്ക് പറയാൻ കഴിഞ്ഞില്ല.

ലേഡി ഗിസ്‌ലായെ, ഞാനൊരുപാട് സ്നേഹിച്ചിരുന്നു.

അതായത് അങ്ങയുടെ ഇഷ്ടം പോലെയല്ല...

അവര് എപ്പോഴും എന്നോട് ദയ കാണിച്ചിരുന്നു, ലോർഡ്.

എപ്പോഴും.

സ്വീകാര്യമെങ്കിൽ ഞാനവരുടെ ആത്മാവിന് വേണ്ടി പ്രാർത്ഥിക്കാം.

വേണം, ഓസ്‌ഫെത്. നന്ദി.

നീയവനെ ഒരു രാജ്യദ്രോഹിയാക്കി.

അവന് എന്ത് വേണമെന്നത് അവന്റെ തീരുമാനമായിരുന്നു...

എന്റെ കാര്യത്തിൽ ഞാനും തീരുമാനിച്ചു.

നീയൊന്നും തീരുമാനിച്ചിട്ടില്ല.

നീയാ പാതിരിയെ കൊന്നില്ലായിരുന്നേൽ, ആൽഫ്രഡിന് അടിമയായി ഇപ്പോഴും നിന്നേനെ നീ.

എങ്കിൽ അവനെ കൊല്ലാൻ കഴിഞ്ഞതിൽ സന്തോഷം.

ഞാൻ ഡെയിനാണ്.

- കഴിച്ച് കഴിഞ്ഞോ, ലേഡി. - ഉവ്വ്, നന്ദി.

തിരിയുടെ വെളിച്ചത്തിരുന്നുള്ള ഈ വായന കണ്ണിന് നല്ലതല്ല.

ഒരു ലോർഡ്, അയാളുടെ പുതിയ ഹാളിന് വേണ്ടി എന്റെ പറമ്പിലെ...

...3 മരം മുറിച്ചോട്ടെയെന്ന് സഹായം ചോദിച്ചിരിക്കുന്നു.

ലേഡി, അവന് 3 മരം അനുവദിക്കുന്നു...

...പിന്നെ അവനും ഭാര്യയ്ക്കും ഒപ്പം അത്താഴത്തിന് ലേഡിയെ ക്ഷണിക്കുന്നു.

ശേഷം നിങ്ങൾ അവനുമായി നല്ല അടുപ്പത്തിലാണെന്ന് പറഞ്ഞു...

...നടക്കുന്നു.

നല്ലൊരു വില കിട്ടാത്ത പക്ഷം ആ മരങ്ങൾ കൊടുക്കേണ്ടതുണ്ടോ?!

ലേഡി, ശബ്ദം ഉണ്ടാകരുത്. ഞാൻ ഉപദ്രവിക്കാൻ വന്നതല്ല.

ഞാൻ അൽദമാണ്. ഞാനിവിടെ വന്നത് ആരുമറിയരുത്.

പറയാനുള്ളത് പറഞ്ഞിട്ട് ഞാൻ പൊക്കോളാം, സത്യം.

ഞാനെന്റെ കൈയെടുക്കുവാണ്.

അതങ്ങനെ പിടിച്ചോള്ളൂ. പക്ഷേ ഉപയോഗിക്കരുത്. അപേക്ഷയാണ്.

എങ്കിൽ പറയ്, വേഗത്തിൽ വ്യക്തമായി പറയാൻ.

ലേഡി, ജീവൻ അപകടത്തിലാണ് ഉടനെ മേഴ്‌സിയ വിടണം.

- എന്തിന് ഞാൻ പോണം? - നിങ്ങളുടെ ഭർത്താവ് നിങ്ങളെ കൊല്ലും.

എന്നിട്ട് ആ കുറ്റം ഡെയ്നുകളുടെ മേലേ അദ്ദേഹം ചുമത്തും.

- അദ്ദേഹമൊരിക്കലും... - സത്യമാണ്, ഞാനെന്തിന് കള്ളം പറയണം?

- ഞാൻ സ്വമേധയാ പോവാൻ? - ഇല്ലാ.

എന്നെ ഇവിടെ വെച്ച് കൊന്ന് ആ കുറ്റം ഡെയ്നുകളുടെ മേലേ വയ്ക്കാൻ?

അല്ല, ലേഡി.

പിന്നെ? നിങ്ങളെനിക്ക് ഒരിക്കലും ഒരു സുഹൃത്തായിരുന്നില്ല.

നിങ്ങളെന്റെ ഭർത്താവിന്റെ വേട്ടനായ മാത്രമായിരുന്നു.

സത്യമാണ്, അല്ലെന്ന് പറഞ്ഞാലത് നുണയാവും.

പക്ഷേ, ഇത് നുണ പറയാനുള്ള സമയമല്ല.

ഞാൻ മേഴ്‌സിയയുടെ മകനായി ആണ് ഇവിടെ നിൽക്കുന്നത്.

മേഴ്‌സിയയുടെ ലേഡി ഇല്ലാത്ത പക്ഷം, ഞങ്ങളൊരു...

...ദരിദ്ര രാജ്യമായി മാറുമെന്ന് ഞാൻ വിശ്വസിക്കുന്നുണ്ട്.

നിങ്ങളുടെ നാക്ക് വഴങ്ങുന്നത് തന്നെ.

പക്ഷേ, ഞാനിത് വിശ്വസിക്കില്ല.

അതില് നിങ്ങളെ തെറ്റ് പറയാനാവില്ല,

പക്ഷേ ദൈവത്തിനാണേൽ, ഞാനീ പറയുന്നത് സത്യമാണ്.

ശരി, ഞാനിവിടുന്ന് പോയി എന്റെ അച്ഛനുമായി മടങ്ങി വന്നാൽ?

വീണ്ടും ഞാൻ കേഴുകയാണ്, ഒരിക്കലുമത് ചെയ്യരുത്.

മേഴ്‌സിയക്ക് വെസ്സക്സിന്റെ സഹായം വേണം. സഖ്യത്തിന്റെ കാര്യത്തിൽ മാറ്റം വരുത്തരുത്.

പിന്നെ വെസ്സക്സിലും മാറ്റങ്ങൾ സംഭവിക്കുന്നുണ്ട്, ലേഡിയുടെ അച്ഛന് വയ്യാ,

ഉട്രേഡ്, രാജ്യദ്രോഹകുറ്റത്താൽ, വടക്കോട്ട് അഭയം തേടി പോയി.

കള്ളം, അത് അസംഭവനീയമാണ്. ഉട്രേഡ് വാക്ക് മാറുന്നവനല്ല.

ലേഡിയെ കൊല്ലാൻ ശ്രമിക്കാൻ അയാൾക്ക് ധൈര്യം നൽകുന്നത് മറ്റെന്തായിരിക്കുമെന്നാണ് കരുതുന്നത്?

ഞാനിവിടെ വന്നിരിക്കുന്നത് മേഴ്‌സിയക്ക് വേണ്ടിയാണ്.

വിശ്വസിക്ക്, ഞാൻ പറയുന്നതാണ് സത്യം.

അപ്പോ നിങ്ങളെന്റെ ഭർത്താവിനെ ചതിക്കുകയാണ്.

നിങ്ങൾക്കും എനിക്കും മാത്രമേ ഈ വിഷയം അറിയൂ.

ഞാനദ്ദേഹത്തിന്റെ ഒപ്പം തന്നെ തുടരും.

അദ്ദേഹമൊരു മേഴ്‌സിയനാണ്, യുദ്ധഭൂമിയിൽ ഭീരുവുമല്ല.

പക്ഷേ ഞാൻ പ്രതീക്ഷിച്ച പോലൊരു രാജാവല്ല അദ്ദേഹം.

നിങ്ങൾ അർഹിക്കുന്നൊരു ഭർത്താവുമല്ലാ അദ്ദേഹം.

ഞാൻ പതിയെ തിരികെ പോകുന്നു,

ലേഡിയും അത് തന്നെ ചെയ്യണം,

നമ്മൾ ഇഷ്ടപ്പെടുന്ന നമ്മുടെ മണ്ണിനായി.

ലോർഡ് അൽദം... നന്ദി.

ലേഡി.

ക്ഷമിക്കണം,ഗോഡ്രിക് ഞാൻ രാവിലെ തന്നെ നിങ്ങളെ വിളിച്ചുണർത്തി.

ചെറിയൊരു പ്രാർത്ഥനക്കായി വിൻകെൽകമ്പിലേ കന്യാസ്‌ത്രീ മഠത്തിലേക്കാണ് നമ്മൾ പോകുന്നത്.

പ്രാർത്ഥന, നിങ്ങളുട അച്ഛന് വേണ്ടിയാണോ?

അതേ.

ഭക്ഷണവും ഏയിലുമെല്ലാം അവിടെ തയ്യാറായിരിക്കും.

ലേഡി, മറ്റന്തേലും പറയാനുണ്ടോ?

ഒന്നുമില്ല.

നന്ദി.

സാബിൾ, ഇതാ കത്തുകൾ. എന്താ വേണ്ടതെന്ന് അറിയാലോ?!

ഉവ്വ്, ലേഡി.

ദൈവം കൂടെയുണ്ടാവട്ടെ.

ഫാദർ ബിയോക്കയെ അല്ലാതെ മറ്റാരെയും കാണാൻ നിൽക്കരുത്.

ശരി, ലേഡി.

ഒരു റാണിക്ക് വേണ്ട മനഃശക്തി നിങ്ങൾക്കുണ്ട്.

ഒരു രാജാവെന്ന നിലയിലെ എന്റെ ജീവിതം മുഴുവൻ ഈ വിവരണത്തിൽ ഉൾപ്പെടും.

മേശയിൽ എഡ്വേർഡിന് പറ്റിയ ചില ബന്ധങ്ങളുടെ വിവരങ്ങളുണ്ട്.

നിങ്ങളുടെ അഭിപ്രായം അറിഞ്ഞാൽ നന്നായിരിക്കും.

ഞാനിതിൽ വിദഗ്ദ്ധനല്ലെങ്കിലും, നോക്കാം, ലോർഡ്.

ലോർഡ്, ഇതിൽ എൽഡോർമാന്മാരുടെയും പ്രഭുക്കന്മാരുടെയും പേരാണല്ലോ?

ഇവർക്കെല്ലാം പെണ്മക്കൾ ഉണ്ടെന്നാണോ?

അറിയില്ല. അത് നിങ്ങൾ ഉറപ്പ് വരുത്തേണ്ട കാര്യമാണ്.

പ്രഭുക്കന്മാർ കെന്റിലേയും വിൽറ്റൺഷ്വറിലേയുമാണ്. വധു കീഴേന്ന് മതി.

എഡ്വേർഡ് ചെയ്ത തെറ്റ് കൊണ്ട് നഷ്ടപ്പെട്ട മാനം...

തിരിച്ചു പിടിക്കണം.

ചെറുപ്പകാരനായ ഏതൊരാൾക്കും...

- സംഭവിക്കുന്ന തെറ്റാണത്, ലോർഡ്. - വെസ്സക്സ്...

വെസ്സക്സ് ഐക്യത്തോടെ തുടരണം.

മൈ ലോർഡിന് സുഖമില്ലേ?

മൈ ലോർഡ് കഴിച്ച പ്രാതൽ പ്രശ്നമായെന്ന് തോന്നുന്നു.

പിന്നീട് സംസാരിക്കാം.

അപ്പോ, ഞാൻ വധുവിനെ തിരഞ്ഞു തുടങ്ങുവാണ്, ലേഡി.

തിരഞ്ഞെടുക്കേണ്ടത് വധുവിനെയല്ല, ഫാദർ ബിയോക്കാ.

വധുവിന്റെ അച്ഛനും അയാളുടെ സ്ഥിതിയുമാണ് ഇവിടെ പ്രധാനം.

എതിൽഹെൽമിനെ തിരഞ്ഞെടുക്കണം. ലോർഡ് എതിൽഹെൽമിനെ.

വിൽറ്റൺഷ്വറിലെ ഒരു എൽഡോർമാനാണദ്ദേഹം.

സമ്പന്നൻ, സൈന്യ ശക്തി ആയിരം സൈനികർക്കും മുകളിലാണ്.

ഭാഗ്യവശാൽ അയാളുടെ മകൾ സുന്ദരിയും ആരോഗ്യവതിയുമാണ്.

- ബന്ധം രാജാവ് അംഗീകരിക്കും. - അംഗീകരിക്കുമോ?

എതിൽഹെൽമിന് എഴുത്.

ആവശ്യമെങ്കിൽ നേരിട്ട് കാണുക. പക്ഷേ ഒട്ടും താമസിക്കരുത്.

ബിയോക്കാ, ഫാദർ ബിയോക്കാ.

ക്ഷമിക്കണം, എനിക്ക് ഇനിയുമീ ഭാരം ചുമക്കാൻ വയ്യ.

- എഡ്വേർഡിന്റെ കാര്യമാണ്. - എന്ത് കാര്യം?

അവന്റെ വിവാഹം കഴിഞ്ഞെന്നാണവൻ പറയുന്നത്.

ആരുമായി വിവാഹം കഴിഞ്ഞെന്ന്?

ആരാ ആ ചടങ്ങ് നടത്തിയത്?

ഒരു പുരോഹിതനായിരുന്നു.

അങ്ങയുടെ മകൻ കള്ളം പറയുകയാണ്, ലോർഡ്.

കള്ളമല്ല.

അദ്ദേഹം പറഞ്ഞ കാര്യം എനിക്കടക്കി വയ്ക്കാൻ കഴിയുമായിരുന്നില്ല, ലോർഡ്.

ഞാൻ വിവാഹം ചെയ്തത് എക്ജ്വിനെയാണ്.

ഇത് ആ കുട്ടിയോട് നേരിട്ട് ചോദിക്കുന്നതാവും നല്ലത്.

സമ്മതിക്കില്ല ഞാൻ. അവൾ വളരെ സൗമ്യയായ സ്ത്രീയാണ്.

പക്ഷേ, ആദ്യ അവസരത്തിൽ തന്നെ...

...അവളെ കാമിക്കുന്നതിൽ നിന്ന് അത് നിന്നെ തടഞ്ഞില്ലല്ലോ?!

ഒന്നുകിൽ നീ ആ പുരോഹിതന്റെ പേര് പറയണം.

ഇല്ലെങ്കിൽ നിന്റെ സൗമ്യയായ വേശ്യയെ ഞാനിവിടെ എത്തിക്കും, ഏത് വേണം?

ഈ വിഷയത്തിൽ ഇനി ഞാനൊന്നും പറയില്ല.

എഡ്വേർഡ്, നിങ്ങൾ രാജ കല്പന അനുസരിക്കണം.

ഇല്ലെങ്കിൽ നിങ്ങളെന്നെ കൊല്ലുമോ?

വാക്കുകൾ സൂക്ഷിച്ചു വേണം.

അടുത്ത രാജാവ് നീയാണെന്ന കാര്യം മറക്കരുത്.

- എനിക്ക് ആ പദവി വേണ്ടെങ്കിലോ? - അത് നിന്റെ കടമയാണ്!

ബിഷപ്പ് എർക്കൻ‌വാൾഡ്, നിങ്ങൾ വെസ്സക്സിന്റെ ഭാവി രാജാവിനെ തൊട്ടടുത്ത മഠത്തിലേക്ക്...

...കൂട്ടി കൊണ്ട് പോണം.

അവിടെ ഇവൻ രാവും പകലും നോക്കാതെ...

- ...പ്രാർത്ഥന തുടരണം... - ഞാൻ കൊട്ടാരത്തിൽ തന്നെ നിന്നോളാം.

...രാജാവാക്കുക എന്നത് വിനോദമോ, തീരുമാനമോ...

...അല്ലെന്ന് ദൈവം ഇവനെ ബോധ്യപ്പെടുത്തുന്ന വരെ ആ പ്രാർത്ഥന തുടരണം.

നിന്റെ ഭാര്യയുടെ കാര്യം ഞങ്ങൾ നോക്കിക്കോളാം.

ഞാൻ നേടിയതൊന്നും നശിപ്പിക്കാൻ നിന്നെ ഞാൻ സമ്മതിക്കില്ല.

വാർത്ത വരുന്നു, ലോർഡ്.

- ലോർഡ്. - എന്തായി?

വീട്ടിൽ ആരുമില്ല. ഒരാളെയും കാണാനില്ല.

ലേഡി എത്തൽഫ്ലഡ് പോയി.

ജോലിക്കാരോ കാവൽക്കാരോ ആരും തന്നെ അവിടെയില്ല, ലോർഡ്.

അവൾക്കാരോ മുന്നറിയിപ്പ് കൊടുത്തിരിക്കണം...

നീയേ അത് ചെയ്യൂ.

ലോർഡ്, പ്രജകളെ ഇത് പോലെ തോന്നിയ രീതിയിൽ ശിക്ഷിക്കരുത്.

ഇത് ഒമ്പതാം നൂറ്റാണ്ടാണ്.

അവളെങ്ങോട്ടാവും പോയിരിക്കുക?

ചോദിക്കാൻ വൈകിപ്പോയി.

തമാശയാണോ?

അല്ല, ലോർഡ്.

ലോർഡ്, ചിലപ്പോൾ എത്തൽഫ്ലഡ് ജീവിച്ചിരിക്കുന്നതാവും നല്ലത്.

ആർക്ക് നല്ലതെന്ന്?

പതിയെ ആൽഫ്രഡ്‌ മരണം വരിച്ചു കഴിഞ്ഞാൽ,

വിഞ്ചെസ്റ്റർ നമുക്കായി തുറക്കപ്പെടും.

- മറിച്ചായാൽ... - അവൾ എവിടെയാണെന്ന് കണ്ടെത്ത്.

എന്നിട്ട് കൊല്ലാനുള്ള തയ്യാറെടുപ്പ് നടത്ത്.

അവളെ വെറുതെ വിടണം, ലോർഡ്. അതാണ് എന്റെ ഉപദേശം.

അവളെ കണ്ടെത്തി സ്ഥലവും സാഹചര്യവും ഏതേലും ഡെയിനെ അറിയിക്കുക.

ശരി, ലോർഡ്.

നീ ഇതുവരെ ചത്തില്ലേ?

ഇത് തീർത്തേക്ക്.

നിന്റെ കഥ ഇവിടെ കഴിയുന്നു, സുഹൃത്തേ.

മറ്റെല്ലാരുടെയും പോലെ തന്നെ.

നമ്മൾ രണ്ട് പക്ഷമായിരിക്കുന്നു. അല്ലേ?!

രണ്ട് വിഭാഗമായിരിക്കുന്നു...

അല്ലേ?!

ഈ പക്ഷത്ത്, വൃത്തികെട്ട, കുളിയും...

...നനയും ഇല്ലാത്ത...

തീട്ട മണം തരുന്ന...

പന്നി മോറൻ...

- തവള നക്കി... - തവള നക്കിയോ?

...റോമിനെ വാഴ്ത്തി നടക്കുന്ന...

വൃത്തികെട്ട തവള നക്കി സാക്സൻ ചവറുകൾ!

അതൊക്കെ ശരി തന്നെ!

പക്ഷേ തവള നക്കികളല്ല.

ഈ പക്ഷത്ത്, യുദ്ധ ധീരർ...

സൗന്ദര്യം നിറഞ്ഞ...

...മധുര മണം തുളുമ്പുന്ന...

...ആപ്പിൾ കവിളുള്ള!

...ആപ്പിൾ കവിളുള്ള,

ഡെന്മാർക്കിനും അതിന് അപ്പുറത്തും നിന്നുമുള്ള സ്വർണമുടിയുള്ള പുരുഷ കേസരികൾ.

റാഗ്‌നർ, നീ യോദ്ധാവല്ല. ഒരു നല്ല കവിയാണ്.

കഴിവുണ്ട്. വേണ്ടെന്ന് വെച്ചിട്ടാണ്.

ഇനി, നിങ്ങൾക്ക് വടം എടുക്കാം.

വാടാ മക്കളെ, എടുത്ത് പിടിക്ക്.

അവന്റെ ആവേശം നോക്കിയേ.

- തയ്യാറാണോ? - എല്ലാ ദിവസവും ഇതാണ് പണി.

കൈയിൽ തുപ്പലാക്കിയോ?

കാലിന് ചുവട്ടിലേ മണ്ണ് നോക്കിയോ?

വേഗം, തുടങ്ങ് റാഗ്‌നർ!

പിടിച്ചോ!

വലിക്ക്!!!

സാക്സനുകളെ, വലിക്കെടാ!

വലിക്ക്! വലിക്ക്!

- നീയൊക്കെ ഡെയിനാണോ, വലിക്ക്! - വലിക്ക്!

മടുക്കുന്നില്ല?!

എല്ലാം യുദ്ധങ്ങളും ഇത് പോലെയാണേൽ ചിലപ്പോൾ!

വലിക്കെടാ, കഴുവേറി!

റാഗ്‌നർ, ഫിയർലെസ്സ് പുത്രനെ വിജയിയായി പ്രഖ്യാപിച്ചിരിക്കുന്നു !

കള്ള് കുടിക്കുന്നതിനിടയിൽ പോലും അവൻ 20 പേരെ വീഴ്ത്തി.

നീയൊരു സംഭവം തന്നെ.

റാഗ്‌നർ!

ഞാൻ കളിയിലാണ്, കണ്ണ് കണ്ടൂടെ?

റാഗ്‌നർ, കാവലിൽ നിന്നാണ്.

കവാടം, തുറക്ക്.

റാഗ്‌നർ?

കാവൽക്കാര് ഒന്നുമില്ലാതെ തിരിച്ചു വരാറില്ല.

- എന്താത്? - ആളുകളും, കുതിരകളും ലോർഡ്.

- പോരാളികൾ. - എത്ര?

നാല്പത് അമ്പത് കാണും, എനിക്കവരെ മനസ്സിലായില്ല.

അവരാര് എന്നറിയും വരെ...

...വില്ലാളികളെല്ലാം കോട്ട മതിലിലുണ്ടാവണം.

- തയ്യാറായിരിക്കുക. - ഫിനൻ.

കവാടം നോക്ക്.

അവനെത്തി.

അവനെത്തി, പക്ഷേ ഞാനവനെ സ്വീകരിക്കില്ല.

അവര് ഡെയിനുകളാണ്.

അതേ.

ഉറപ്പാണ്.

ഒരാളെ മനസ്സിലായി, രണ്ടുപേരെ മനസ്സിലായി.

ഹയ്സ്റ്റണും ബ്ലഡ്‌ഹെയറും.

ഏൾ സിഗർഡ്?

രണ്ടുപേരും ഞാനുമായി അത്ര സുഖത്തിലല്ലാ.

അതെന്തായിരിക്കുമല്ലേ?!

ഏൾ റാഗ്‌നർ, ഞാൻ ഹയ്സ്റ്റൺ.

നീയാരാണെന്ന് ഞങ്ങൾക്കറിയാം, എന്ത് വേണമെന്നതാണ് എന്റെ ചോദ്യം?

കിടക്കാനൊരിടാം, ഭക്ഷണം, ഏൽ, വിലപേശൽ, എന്ത് പറയുന്നു?

വിലപേശലോ? നമ്മളെന്താ യുദ്ധത്തിലാണോ?

നമ്മളെ നമ്മളാക്കുന്നത് അതല്ലേ, ലോർഡ്.

"ചർച്ച" എന്ന് പറഞ്ഞാലോ?!

നീ ബ്യാംഫ്ലിയോട്ടിൽ നിന്ന് ഒരുപാട് ദൂരെയാണല്ലോ, ഹയ്സ്റ്റൺ.

ഉട്രേഡ്?

നിങ്ങളെ ഇവിടെ കാണാൻ കഴിഞ്ഞതിൽ സന്തോഷം.

അപ്പോ കേട്ടത് സത്യമാണ്.

നിങ്ങൾ ആൽഫ്രഡിന് കൊടുത്ത വാക്ക് പിൻവലിച്ചിരുന്നു, അല്ലേ?

അതേ, ശരിയാണ്.

നീയോ? നീയിപ്പോഴും ആൽഫ്രഡിന്റെ വിശ്വസ്തനല്ലേ?

അയാള് അങ്ങനെയാണ് കരുതുന്നത്.

ഏൾ സിഗർഡ്, ബ്ലഡ്‌ഹെയർ, നിങ്ങൾക്കെന്താ പറയാനുള്ളത്?

ഞങ്ങൾക്ക് നല്ല വിശപ്പുണ്ട്, എന്നാണ് എനിക്ക് പറയാനുള്ളത്.

ഇവരെ കണ്ടില്ലെന്ന് വയ്ക്കാനാവില്ല, റാഗ്‌നർ.

നിങ്ങൾക്ക് എന്നോടെന്തെങ്കിലും പറയാനുണ്ടോ, ബ്ലഡ്‌ഹെയർ?

അവസാനം നിങ്ങളെ ഞാൻ കണ്ടപ്പോൾ നിങ്ങൾ ജീവനും കൊണ്ടോടുകയായിരുന്നു.

അതേ, എനിക്ക് അവകാശപ്പെട്ട ഒന്നാണ് നീ തട്ടിയെടുത്തത്. പരിഹരിക്കേണ്ട ചിലതുണ്ട്.

അതെല്ലാം പരിഹരിച്ചതാണ്.

അത് സമാധാനപരമായി പരിഹരിക്കാനും കഴിയും.

ബ്രിഡാ പറഞ്ഞതാണ് ശരി. ഇവരെ ഉപേക്ഷിക്കാനാവില്ല.

വാളുകൾ കവാടത്തിന് പുറത്ത് വയ്ക്കുക, ഞങ്ങളെ വിശ്വസിക്കാം.

ഒരു പ്രശ്നവുമുണ്ടാവില്ല, ഉറപ്പ്.

കവാടം തുറക്കൂ.

കവാടം തുറക്കൂ!

ആൽഫ്രഡിന് എതിരായുള്ള യുദ്ധത്തിന് വേണ്ടി തന്നെയാണ് അവരും വന്നിരിക്കുന്നത്.

ലോർഡ്. എതിൽവൽഡ്.

ഉട്രേഡ്, ഞാൻ നിന്നെ കാണാൻ വരുകയായിരുന്നു.

നീ എന്താ ഈ കാണിച്ചു കൂട്ടുന്നത്?

നിനക്കത് നന്നായി അറിയാല്ലോ?!

ഞാൻ എനിക്ക് അർഹതപ്പെട്ടത് തിരിച്ചു പിടിക്കാൻ നോക്കുന്നു.

എതിൽവൽഡ്, നിനക്ക് ഇതൊക്കെ ഒരു രസമാണ്, അത്രേയുള്ളൂ.

വിഞ്ചെസ്റ്ററിലെ ഏതേലും ഒരു മദ്യശാലയിൽ കൂടുതലൊന്നും നീ അർഹിക്കുന്നില്ല.

അതിനും മുകളിലാണ് നീയെന്ന ചിന്തയെ വേണ്ട.

നിനക്ക് ബേബ്ബൻബർഗിൽ എന്ത് അവകാശമുണ്ടോ അത് തന്നെ എനിക്ക് വെസ്സക്സിലുമുണ്ട്.

അമ്മാവന്മാരാല്‍ ചതിക്കപ്പെട്ടവരാണ് നമ്മൾ രണ്ടും.

ഈ അവസരം വെറുതെ കളയാൻ...

നിനക്ക് മാനം എന്നൊന്നില്ലേ?!

നീ വെസ്സക്സിന്റെ ഒരു രാജാവിന്റെ മകനെന്ന നിലയിൽ നിൽക്കേണ്ടവനാണ്.

ഇതല്ല നിന്റെ സ്ഥാനം.

എന്റെ കിരീടം മോഷ്ടിക്കപ്പെട്ടു. ഇപ്പോ ഞാനത് തിരിച്ചു പിടിക്കുന്നു.

നമ്മൾ രണ്ടും ഒരേ വഞ്ചിയിലെ യാത്രക്കാരാണ്.

നല്ലതിന് വേണ്ടി വെസ്സക്സിന്റെ രാജ്യ ദ്രോഹികളായവർ

നമ്മൾ ഒരേ പോലെയല്ല. ഒരിക്കലും ആവുകയുമില്ല.

നമുക്ക് രണ്ടുപേർക്കും ഇനിയൊരു തിരിച്ചു പോക്കില്ല, സുഹൃത്തേ.

പക്ഷികൾ പറന്നുയർന്നിരിക്കുന്നു. കുതിരകൾ, കുതിച്ചു പാഞ്ഞിരിക്കുന്നു.

രാജക്കന്മാർ സൃഷ്ടിക്കപ്പെടും, രാജക്കന്മാർ മരിച്ചു വീഴും.

നീ കാരണം.

ലോർഡ്...

ഞാൻ വീട്ടിലേക്ക് മടങ്ങുകയാണ്.

ഇന്നിനി മറ്റെന്തെങ്കിലും ഉണ്ടോ?

- ശുഭരാത്രി, ലോർഡ്. - ഉട്രേഡിന്റെ കുഞ്ഞുങ്ങൾ.

അവനവരെ ഉപേക്ഷിച്ചോ?

ഇല്ലാ, ലോർഡ്.

സിസ്റ്റർ ഹിൽഡാണ് അവരുടെ കാര്യങ്ങൾ നോക്കുന്നത്.

കൊക്ക്ഹം ഇനിയവരുടെ സ്ഥലമല്ല.

അതിനി ഉട്രേഡിന്റെ ഭൂമിയല്ല. അവന്റെ വിത്തുകൾക്കുള്ള മണ്ണല്ല.

അവരെ വിഞ്ചെസ്റ്ററിലേക്ക് കൊണ്ട് വരിക...

...അവർക്ക് വിദ്യാഭ്യാസവും സൗകര്യങ്ങളും ചെയ്ത് കൊടുക്കുക.

ദൈവത്തിനെ അവർക്ക് പരിചയപ്പെടുത്തുക.

ശുഭരാത്രി, ഫാദർ ബിയോക്കാ.

ശുഭരാത്രി, ലോർഡ്.

ആൽഫ്രഡ്‌ പറഞ്ഞത് കേട്ടാൽ നീ ഞെട്ടും.

ബിയോക്കാ, ഇത് സാബിൾ.

എത്തൽഫ്ലഡിൽ നിന്നൊരു വാർത്തയുമായി വന്നതാണ്.

- അവൾ സുരക്ഷിതയല്ലേ? - അതേ.

അവർ വിൻകെൽകമ്പിലേ ഒരു മഠത്തിലേക്ക് യാത്രയായിട്ടുണ്ട്.

മേഴ്‌സിയയിലെ കഠിന ഹൃദയരായ ചില കന്യാസ്ത്രീകളുടെ സംരക്ഷണയിൽ, അല്ലേ?

രാജാവ് ഇതറിയാൻ പാടില്ല.

എത്തൽഫ്ലഡിന്റെ ജീവൻ അപകടത്തിലാണെന്ന് ഇപ്പോ...

...അദ്ദേഹത്തിനോട് പറഞ്ഞില്ലെങ്കിൽ അതൊരു വഞ്ചനയായി മാറും.

പക്ഷേ ലേഡി അതാണ് ആഗ്രഹിക്കുന്നത്.

അവൾ ആഗ്രഹിക്കുന്നതാണ്, ഞാൻ ആഗ്രഹിക്കുന്നതല്ല.

ഫാദർ, രാജാവിന്റെ മനസ്സ് വിഷമിപ്പിക്കാൻ അവരാഗ്രഹിക്കുന്നില്ല.

രണ്ട് രാജ്യങ്ങളുടെ ബന്ധവും നശിക്കാൻ അവരാഗ്രഹിക്കുന്നില്ല.

എനിക്കറിയാം, അവൾക്ക് ഈ സഖ്യം തുടരണം എന്നാണ്.

പക്ഷേ രാജാവിന്റെ ആരോഗ്യത്തെപ്പറ്റി കിംവദന്തികൾ ഇനിയും പരന്നാൽ,

വെസ്സക്സിന് ശത്രുകൾ കൂടിയാൽ. പിന്നെ ഇതിനാവുമെന്ന് തോന്നുന്നില്ല.

ഫാദർ, ഞങ്ങളെ സഹായിക്കില്ലേ?

സഹായിക്കും.

എങ്ങനെ? ഞാനെന്താ വേണ്ടത്?

ഞാനൊറ്റയ്ക്ക് ആ മഠത്തിലേക്ക് പോണോ?

അതിന് മറ്റൊരു കത്തുണ്ട്.

പക്ഷേ അത് തരണമെങ്കിൽ...

...രാജാവ് ഇതറിയരുതെന്ന ലേഡിയുടെ ആവശ്യം നിങ്ങൾ സമ്മതിക്കണം.

ഇതൊരു പരിഹാര മാർഗ്ഗമാണ്.

എപ്പോഴും, എല്ലാറ്റിനും അവനാണ് പരിഹാരം.

എന്താ?

എത്തൽഫ്ലഡ്, തെംസ് നദികരയിൽ നമുക്കായി ഒരു കപ്പൽ തയ്യാറാക്കും.

അതാണ് വേഗവും സുരക്ഷിതവും എന്നാണ് ലേഡി കരുതുന്നത്.

അത് നമ്മളെ എങ്ങോട്ട് എത്തിക്കും?

വടക്കോട്ട്, ആ പരിഹാരത്തിലേക്ക്.

മലയാളം പരിഭാഷകൾക്ക് സന്ദ൪ശിക്കുക www.malayalamsubtitles.org www.facebook.com/groups/MSONEsubs

അതിഥികൾ എന്ത് പറയുന്നു? ആപ്പിൾ കവിളുള്ള ഡെയിനുകൾ?

അവരെന്റെ മദ്യവും ഭക്ഷണവും കഴിക്കുന്നു.

ഇതുവരെ നിന്റെ വാള് ചോദിച്ചില്ലേ അവര്?

അവരും പറയുന്നത് ആൽഫ്രഡിന്റെ മരണം അടുത്തെന്നാണ്.

കിരീടധാരണത്തിനായി അയാൾ മകനെ തയ്യാറാക്കുന്നത്രെ.

സത്യമാണ്.

അതൊരു പയ്യനാണ്.

ആൽഫ്രഡിന് ഇപ്പോ സൈന്യാധിപനെയും നഷ്ടമായിരിക്കുന്നു.

അതും സത്യമാണ്.

നമ്മുടെ മുത്തച്ഛൻ എപ്പോഴും വെസ്സക്സിനെപ്പറ്റി പറയുമായിരുന്നു.

തെംസ് നദി മുതൽ സമുദ്രം വരെ നീളുന്ന ആ സമ്പന്നമായ മണ്ണിനെപ്പറ്റി.

- ഈ ജീവിതത്തിലെ വൽഹല്ല. - അതേ.

"ഈ ജീവിതത്തിലെ വൽഹല്ല." അദ്ദേഹം അങ്ങനെ പറയുമായിരുന്നു.

ഒന്നിച്ച് നിന്ന് ഒരു വലിയ സൈന്യമായി...

...നമ്മളാ മണ്ണ് പിടിച്ചെടുത്താൽ അദ്ദേഹമതിൽ ഒരുപാട് അഭിമാനിക്കും.

അഭിമാനിക്കും, സംശയമില്ല.

നീ...

നീയാണിത് സാധ്യമാക്കിയത്.

ആൽഫ്രഡിനെ ഉപേക്ഷിച്ചതിലൂടെ...

വെസ്സക്സിനെ വിട്ട് വന്നതിലൂടെ, നീയാണിത് സാധ്യമാക്കിയത്.

സംശയം വേണ്ട, വിധിയാണെല്ലാം.

നീ എന്നെ കൊല്ലുമോ, ആർസലിങ്?

എന്നെ പോലുള്ള മറ്റാളുകളെയോ?

- പുറത്ത് പോ. - എനിക്കാവില്ല, ലോർഡ്.

ബ്രിഡായുടെ വാക്കുകൾ എനിക്ക് അനുസരിച്ചേ പറ്റൂ.

നിങ്ങൾ രോഗമുക്തി നേടി, ലോർഡ്. എനിക്ക് സന്തോഷമായി.

നിനക്കെന്താ വേണ്ടത്? എന്റെ ജീവിതമാണോ?

അതേ, നിങ്ങളുടെ ജീവിതത്തിന്റെ ഭാഗം.

എപ്പോഴും നിങ്ങളുടെ അരുകിൽ.

നിങ്ങൾക്ക് ഒരിക്കലും എന്നെ ഒഴിവാക്കാനാവില്ല.

അത് സമ്മതിക്കൂ.

എന്നെ സ്വീകരിക്കൂ.

വെസ്സക്സിനും ആൽഫ്രഡിനും എന്ത് സംഭവിക്കും?

ആൽഫ്രഡും അവന്റെ രാജ്യവും...

...ദൈവങ്ങളും, ജനങ്ങളും എല്ലാം മരിക്കും.

വെസ്സക്സ് ഒരു പഴങ്കഥയായി തീരും.

ഡെയിനുകൾ ഭരിക്കും.

നിങ്ങൾ, ഉട്രേഡ് റാഗ്‌നർസൺ...

...നിങ്ങളുടെ ഇപ്പോഴത്തെ സ്ഥിതി അതിനായുള്ളതാണ്.

നിങ്ങളാണ് അത് ഭരിക്കേണ്ടത്.

സാക്സനുകളുടെ നല്ലതിന് വേണ്ടി ആൽഫ്രഡിന്റെ സ്ഥാനം നിങ്ങളേല്ക്കണം.

ഈ രണ്ട് സമൂഹത്തെയും ഒന്നിച്ച് നിർത്താൻ നിങ്ങൾക്കേയാവൂ.

ആൽഫ്രഡിന് ആഗ്രഹം മാത്രമായി പോയത് നിങ്ങൾ നേടും.

നമ്മൾ നേടും, മൈ ലോർഡ്...

മൈ കിംഗ്.

നിങ്ങളുടെ റാണി ആകുക എന്നതാണ് എന്റെ ആവശ്യം.

വേണമെന്ന് വെച്ചാൽ, ഈ ഹൃദയം നിങ്ങളുടേതാവും.

അവൾ എന്റെയാണ്, എനിക്കവളെ തിരികെ തരണം.

- സ്വന്തം ജീവന് വേണ്ടി ഇവളെ ഉപേക്ഷിച്ചവനല്ലേ നീ. - അവളെന്റെയാണ്.

അതിന് വേണ്ടി നിന്നെ കൊല്ലണം എങ്കിൽ ഞാനതിനും മടിക്കില്ല.

ഇപ്പൊ തന്നെ.

നീയെന്റെ സഹോദരന്റെ അഥിതിയാണ്, ഈ ഒരു തവണ ഞാൻ വേണ്ടെന്ന് വയ്ക്കും.

ഇനിയിത് ആവർത്തിച്ചാൽ, വെട്ടിയരിഞ്ഞ് പട്ടിക്ക് ഇട്ടുകൊടുക്കും.

ഒന്നും ചെയ്യരുത് ലോർഡ്. എനിക്ക് അങ്ങയെ കൊല്ലേണ്ടി വരും.

തമാശയല്ല.

സ്ക്കേഡ് എന്റെയാണ്.

അരുത്, ഞാൻ യാചിക്കുകയാണ്.

നിനക്ക് മനസ്സിലാവുന്നില്ല.

സ്വന്തമാക്കാൻ അവൾ നിന്റെയല്ല.

നീയാണ് അവളുടേത്.

അവളുടെ രക്തം നിന്റേതായിത്തീരുന്നു.

നമ്മളിനിയും കാണും, ഉറപ്പ്.

നന്ദി, ലോർഡ്.

നിന്നെ കൊല്ലാനുള്ള അവകാശം എന്റെയാണ്.

റാഗ്‌നർ, സമാധാനം നിലനിർത്തുമെന്ന് നിനക്ക് ഞാൻ വാക്ക് തന്നതാണ്,

പക്ഷേ എനിക്ക് ഉട്രേഡിനെതിരെ പോരിനിറങ്ങണം.

അവനെന്റെ പെണ്ണിനെ തട്ടിയെടുത്തു, എന്റെ സീറിനെ.

എന്നെ നാണകെടുത്തി, എനിക്കവനെ കൊന്ന്...

ഇതല്ല അതിനുള്ള സമയം.

സ്ക്കേഡിനെ വിലയായി വെച്ചൊരു പോരാട്ടമാണ് ഞാനുദ്ദേശിക്കുന്നത്.

ബ്ലഡ്‌ഹെയർ...

ഇത് അതിനുള്ള സമയമല്ല.

പറ്റില്ലെന്നാണ് ഞാൻ പറയുന്നത്.

വെള്ളത്തിന്റെ മേലേ നിന്നുള്ള ഈ പരിപാടി എനിക്ക് വെറുപ്പാണ്.

ഇത് ദൈവഹിതമായിരുന്നെങ്കിൽ അദ്ദേഹമെന്നെ ഒരു മീനായി ജനിപ്പിക്കുമായിരുന്നു.

അല്ലെങ്കിലൊരു ഡെയിൻ.

കൊടുങ്കാറ്റിൽ ജീവൻ പണയം വെച്ചുള്ള ഈ യാത്ര വെറുതെയാവില്ല എന്നാണ് എന്റെ പ്രതീക്ഷ.

ഇത് കൊടുങ്കാറ്റല്ലാ.

ഞാനും അമ്മയും ഇത് പോലൊരു കപ്പലിലാണ് ഇവിടേക്ക് വന്നത്.

അന്ന് ആ കപ്പലിലെ പകുതി ജീവനുകളെ ഞങ്ങൾക്ക് ഈ കടലിൽ നഷ്ടമായി.

ഒരു വലിയ തിരമാല അവരെ ആഴങ്ങളിലേക്ക് കൊണ്ടുപോയി.

ഈ സമയത്ത് കേൾക്കാൻ പറ്റിയ കഥ ഇതല്ല.

യഥാർത്ഥ കൊടുങ്കാറ്റിനെ ഡൻ‌ഹോമിൽ കാണാൻ കിടക്കുന്നതേയുള്ളു.

ഞാൻ തെക്കോട്ട് പോയി,

ബ്ലഡ്‌ഹെയറിന്റെ ആളുകളെയും കപ്പലുകളെയും ഔസ് നദിയിലേക്ക് എത്തിക്കാം.

നിങ്ങളെന്നെ പിന്തുടർന്നു വരണം, ഒന്നിച്ച് നിന്ന് നമ്മൾ മേഴ്‌സിയ പിടിച്ചടക്കും.

വെസ്സക്സ് പിടിച്ചെടുത്ത്...

...ആൽഫ്രഡിന്റെ തല അറുത്തെടുക്കും!

സുന്ദരിയായ എന്റെ എത്തൽഫ്ലഡിനെ കണ്ടെത്തി...

...ഈ ഇരിക്കുന്നവർക്കെല്ലാം അവളെ അനുഭവിക്കാൻ കൊടുക്കും.

വെള്ളികൾ വാരി നമ്മൾ വടക്ക് നിന്ന് തെക്കോട്ട് നീങ്ങും.

കിഴക്കുനിന്ന് പടിഞ്ഞാറിലേക്ക് പോവും. നമ്മുടെ വഴികളിലെ സകലതും നമ്മൾ നേടും.

അവസാനം ഒരിടത്ത് വെച്ച് നമ്മൾ തമ്മിൽ തല്ലി...

...പദ്ധതി ഇല്ലാതെയാവും.

തമ്മിൽ തല്ലാനോ? എന്തിന്?

അത് സംഭവിക്കും.

ഉറപ്പായും സംഭവിക്കും.

എന്തിന്? കാരണം പറയ്.

കാരണം ഇവിടിരിക്കുന്ന ഓരോരുത്തരും, അവരാണ്...

...ഡെയിനുകളിൽ മുഖ്യൻ എന്ന് കരുതിയിരിക്കുന്നവരാണ്.

നായകനായി ഒരാളെ പാടുള്ളു.

ഞാൻ നയിക്കും. എനിക്ക് കപ്പലുകളുണ്ട്, സൈന്യമുണ്ട്.

ഞാനൊരു കോട്ടയ്‌ക്കുള്ളിൽ മടിപിടിച്ചിരിക്കുന്ന ഒരു...

എന്നെയാണോ മടിയനെന്ന് ഉദ്ദേശിച്ചത്?

ഹയ്സ്റ്റനെ പോലെ എനിക്കൊപ്പം ചേരാനാണ് ഞാൻ നിന്നോട് ആവശ്യപ്പെട്ടത്, റാഗ്‌നർ.

ഞാനെപ്പോഴാണ് നിങ്ങൾക്ക് ഒപ്പം ചേർന്നത്?

ഞാൻ നിങ്ങൾക്ക് ഭക്ഷണം തന്നു. പക്ഷേ വാഗ്ദാനമൊന്നും തന്നിട്ടില്ല.

- നിനക്ക് സൈന്യത്തെ നയിക്കണം എന്നാണോ? - അതേ.

- എന്ത് കൊണ്ട് പറ്റില്ല? - നീയേത് യുദ്ധമൊക്കെ ജയിച്ചിട്ടുണ്ട്.

രോഗിയായ ഒരു രാജാവിന്റെ മുന്നിൽ തോറ്റ് ഓടിയ ആളാണോ എന്നെ പറയുന്നേ?!

മൂഞ്ചിയ വർത്താനം നിർത്ത്.

അടുത്ത തവണ ഏറ്റവും വലിയ സാമാനത്തിന്റെ പേരിൽ തർക്കിക്കണം.

- നായകൻ ഒന്നേ പാടുള്ളു. - അത് നീയായിരിക്കണം , റാഗ്‌നർ.

എന്തെ? നിന്റെ സഹോദരനായത് കൊണ്ടാണോ?

കാരണം അവനെ മാത്രമാണ് നമുക്ക് എല്ലാം വിശ്വാസമുള്ളത്.

അവനെ മാത്രം.

നിനക്കെന്നെ വിശ്വാസമില്ലേ, ഡെയിൻ കൊലയാളി?

എനിക്ക് നിന്നെ അറിയില്ല.

റാഗ്‌നറിന്റെ ബന്ധുവാണെന്ന് അറിയാം.

നേതൃത്വം അല്ല പ്രശ്നം, ലാഭ വിഹിതം പങ്കുവയ്ക്കുന്നത് എങ്ങനെ എന്നതാണ് വിഷയം.

കൈയിൽ കിട്ടുന്ന വരെ ഞങ്ങൾ അതിനെപ്പറ്റി ആലോചിക്കാറില്ല.

നമ്മളൊന്നിച്ചു വലിയൊരു സൈന്യം ആകണമെന്നാണ് ഉട്രേഡ് പറയുന്നത്.

അത് പറ്റില്ലെന്ന് പറയാൻ മാത്രം വിവരം ഇല്ലാത്തവന്മാർ ഈ കൂട്ടത്തില്ലില്ല.

നിങ്ങൾക്കെല്ലാം എന്നെ അറിയാം.

എന്റെ അച്ഛനെ അറിയാം മുത്തശ്ശനെ അറിയാം.

ഈ മഹാ സൈന്യത്തിന്റെ നേതൃത്വം വഹിക്കാൻ കഴിയുന്നത് എനിക്ക് അഭിമാനമാണ്.

പക്ഷേ നിങ്ങൾ ഓരോരുത്തരും സമ്മതിച്ചാൽ മാത്രേ അത് നടക്കൂ.

നിങ്ങളുടെ വിശ്വാസത്തിന് പകരമായി ഞാനെന്റെ വാക്ക് തരുന്നു.

ആൽഫ്രഡ്‌ പരാജയപ്പെട്ടു കഴിയുമ്പോൾ, അവൻ പരാജയപ്പെടുക തന്നെ ചെയ്യും...

...വെള്ളികൾ കുമിഞ്ഞു കൂടും.

അതിനേക്കാളുപരി...

ഈ ജീവിതത്തിലും അടുത്ത ജീവിതത്തിലേക്കുമുള്ള കീർത്തിയും പ്രശസ്തിയും നമ്മൾ നേടും.

അപ്പോ, ആരൊക്കെ തയ്യാറാണ്?

ബ്ലഡ്‌ഹെയർ?

അതേ, ഞാൻ തയ്യാറാണ്.

ഞാനെന്റെ വാള് വാഗ്ദാനം ചെയ്യുന്നു.

ഹയ്സ്റ്റൺ?

തർക്കം വേണ്ട. ഞാനും സമ്മതിക്കുന്നു.

പിന്നെ ഞാൻ, അറിയാല്ലോ, എപ്പോഴും നിന്റെ കൂടെയുണ്ട്.

ഞാനും.

ആൽഫ്രഡിന്റെ സകല സാക്സൺ...

...ശത്രുകളെയും അറിയുന്നവനാണ് ഞാൻ.

അവരൊരുപാടുണ്ട്.

നിങ്ങൾക്കെന്നെ ആവശ്യം വരും.

ഉട്രേഡ് ഒന്നും പറഞ്ഞില്ല.

എന്റെ വാള്, എന്റെ സഹോദരനുള്ളതാണ്.

അപ്പോ തീരുമാനമായിരിക്കുന്നു.

വെസ്സക്സ് മഹാരാജ്യം കീഴടങ്ങും...

ഇല്ലെങ്കിൽ നിന്ന് കത്തും!

നമുക്ക് വെസ്സക്സിലെ നമ്മുടെ ആളുകൾക്ക് എതിരെ യുദ്ധം ചെയ്യാനാവില്ല.

- മിണ്ടാതിരിക്ക്. - അവര് നമ്മുടെ ആളുകളാണ്.

- ഫിനൻ, നമ്മുടെ സുഹൃത്തുക്കൾ. - ഓസ്‌ഫെത്, നിർത്താൻ.

ഇനിയെന്റെ ഉടവാൾ.

- അങ്ങ് അനുവദിക്കുകയാ... - പുറത്ത് പോ.

മൈ ലേഡി, മൈ ലോർഡ്.

ലോർഡ്, ഇതിപ്പോ എന്തിനാ? പ്രശ്നമൊന്നും ഇല്ലല്ലോ?

സംശയമുണ്ട്, പ്രിയേ.

ഇത് ഇംഗ്ലണ്ടിനെ ബാധിക്കുന്ന കാര്യമാണ്.

ഈ ഭാരമാവും ഞാൻ വഹിക്കേണ്ടി വരുക.

ദൈവം അനുവദിച്ചാൽ, എനിക്ക് ഇത് സാധ്യമാവും.

എന്റെ സാധ്യത എനിക്ക് അറിയണം.

ഞാനറിഞ്ഞു.

അത് ശരിയാവരുതേ എന്ന് ഞാൻ പ്രതീക്ഷിക്കുന്നു...

എന്നാൽ ഉയർത്തെഴുന്നേറ്റുള്ള അങ്ങയുടെ നിൽപ്പ്...

...ആ അവിശ്വാസികളുടെ നെഞ്ചിൽ ഇടിമിന്നലായി വീഴുമെന്ന് എനിക്കുറപ്പുണ്ട്.

ആൽഫ്രഡ്‌...

എന്നെ വിട്ട് പോവരുത്.

ബിയോക്കാ, നിങ്ങളിന്ന് ഒരു വാക്ക് പോലും സംസാരിച്ചിട്ടില്ല.

അതേ, സംസാരിച്ചിട്ടില്ല.

പക്ഷേ എന്റെ മനസ്സ് ചിന്തകളാൽ നിറഞ്ഞിരിക്കുകയാണ്.

ഡൻ‌ഹോം...

നിന്നെ ഇങ്ങോട്ട് ഞാൻ തിരികെ കൊണ്ടുവരാൻ പാടില്ലായിരുന്നു.

പഴയ ഓർമകൾ നിനക്ക് പ്രശ്നമാകുമോ എന്നാണെന്റെ പേടി.

അത് മറ്റൊരു ജീവിതമായിരുന്നു, ബിയോക്കാ.

ഞാനിപ്പോ മറ്റൊരു സ്ത്രീയാണ്.

ഞാനിപ്പോ നിങ്ങളുടെയാണ്.

ആളുകൾ.

നമുക്ക് മറഞ്ഞിരിക്കാം.

ഹയ്സ്റ്റൺ.

ബ്യാംഫ്ലിയോട്ടിൽ നിന്ന് മാറി, ഇവന് ഇവിടെ വടക്ക് എന്താ കാര്യം?

- ആരാ? - കച്ചവടക്കാര് ആണെന്ന് തോന്നുന്നു.

- ഒരാണും പെണ്ണും. - കവാടം തുറക്കൂ.

ആരാന്ന് നോക്കാം.

അവനിവിടെ ഉണ്ടാവില്ലെന്ന് എന്റെയൊരു ഭാഗം പ്രതീക്ഷിച്ചിരുന്നു.

തൈറാ.

മോളേ, നീ എന്താ ഇവിടെ?

എന്താ ഇഷ്ടായില്ലേ?

എന്റെ കുട്ടി സുന്ദരിയായല്ലോ.

- ചിരിയാണല്ലോ മുഖത്ത്. - ഞാൻ സന്തോഷവതിയാണ്.

നീ ഇത്രയും ദൂരം വന്നല്ലോ.

- നിന്നെ കാണാൻ. - ഇങ്ങേരും അതിനാണോ വന്നേ?

ബ്രിഡാ, എന്നാ മോളേ നിന്റെ ഈ പരാതി പറച്ചിൽ അവസാനിക്കുന്നെ?

ബിയോക്കയ്ക്കും ഒപ്പം വരണമെന്ന് നിർബദ്ധം.

അത് ശരിയാണ്, കുറച്ച്.

ഉട്രേഡിനെ വെസ്സക്സിൽ നിന്നും ഔദ്യോഗികമായി...

...നാടുകടത്തുന്നുവെന്ന രാജകല്പന നൽകാനും കൂടെയാണ് ഞാൻ വന്നത്.

നിയമപ്രകാരം അതാവശ്യമാണ്.

തൈറയ്ക്ക് സഹോദരരുമായുള്ള ഇടപാടുകൾ കഴിഞ്ഞാൽ ഉടൻ...

...ഞങ്ങൾ തിരികെ പോകും.

ഉട്രേഡിന് അറിയാവുന്ന ഒരു കാര്യം പറയാനാണോ ഇത്രയും ദൂരം നിങ്ങൾ വന്നത്?

ആ ചെറുക്കനെ അവസാനമായി ഒന്ന് കണ്ട്, പറ്റുമെങ്കിൽ അവന്റെ ചങ്ക് ഇടിച്ചു കലക്കണം.

- സത്യാണോ? - മുഴുവനും.

തൈറാ.

നീ വന്നതിൽ സന്തോഷം.

എന്റെ കുഞ്ഞുങ്ങൾ, അവർക്ക് സുഖമാണോ, വിവരം വല്ലതുമുണ്ടോ?

അവർ വളരെ സുരക്ഷിതരാണ്. സുഖമായിരിക്കുന്നു.

ഉടനെ ഞാനവരെ ഇങ്ങോട്ട് കൂട്ടും.

നീയൊന്ന് വിശ്രമിക്ക്.

പാതിരിയുമായി ഞാൻ പിന്നീട് സംസാരിക്കാം.

അപ്പോ ഈ പാതിരിയാണോ നിന്റെ സന്തോഷം?

അതേ.

അദ്ദേഹമില്ലാതെ ഞാനില്ല.

നീയില്ലാതെ ഞാനും.

വരും വഴി, ഹയ്സ്റ്റണെന്ന സുന്ദരനെ ഞങ്ങൾ കണ്ടിരുന്നു.

അയാളെ വിഞ്ചെസ്റ്ററിൽ വെച്ച് കണ്ട് എനിക്ക് പരിചയമുണ്ട്.

ആൽഫ്രഡിനെ പോലെ അയാൾ നിങ്ങൾക്കും സഖ്യമാണോ?

ഹയ്സ്റ്റണൊരു ഡെയിനാണ്.

അതേ.

ഉട്രേഡിനെ പോലെ.

ഫാദർ ബിയോക്കാ...

ഡൻ‌ഹോമിലേക്ക് സ്വാഗതം.

നിന്നെ ഇവിടെ കണ്ടതിൽ അതിശയിക്കാനില്ല.

ഇവരെന്റെ സുഹൃത്തുകളാണ്.

- ഫിനൻ. - ഫാദർ ബിയോക്കാ.

- കണ്ടതിൽ സന്തോഷം. - ഓസ്‌ഫെത്.

- എലിയെ പോലിരിക്കുന്ന ഡെയിൻ. - എന്റെ പേര് സിഹ്‌ട്രിക്കെന്നാണ്.

സിഹ്‌ട്രിക്, നിന്റെ ഭാര്യ. അവൾ കൊക്ക്ഹം വിട്ടു.

അവളിപ്പോ വിഞ്ചെസ്റ്ററിലെ ഒരു സത്രത്തിലാണ്.

അതേയോ? അവൾക്ക് കുഴപ്പമൊന്നുമില്ലല്ലോ?

ഓഹ്, അവൾ സുഖമായിരിക്കുന്നു.

ഒരല്പം ഒച്ച കൂടുതലാണെന്ന് മാത്രം.

- ഞങ്ങൾക്കല്പം സ്വകാര്യത വേണം. - ഫാദർ, ഇരിക്ക്.

ഞങ്ങളെല്ലാം മുള്ളാൻ പോകുവാണ്.

എന്താ ഇതെല്ലാം?

ഒരു യുദ്ധത്തിനുള്ള പുറപ്പാടാണല്ലോ?!

നിങ്ങളെ ബാധിക്കുന്ന കാര്യമല്ല.

അധികം താമസിയാതെ അതെന്നെയും ബാധിക്കുമല്ലോ.

വന്ന കാര്യം പറഞ്ഞിട്ട്, പോവാൻ നോക്ക്.

ദയവായി, ഒന്ന് പറയ്.

നിന്നെ ആശ്വസിപ്പിക്കാനോ, രക്ഷിക്കാനോ ഒന്നുമല്ല ഞാൻ വന്നത്.

ആൽഫ്രഡിന് വേണ്ടിയുമല്ല.

എത്തൽഫ്ലഡിന് വേണ്ടിയാണ് ഞാൻ വന്നത്, അവൾ ഒളിവിലാണ്.

- ആരിൽ നിന്ന് ഒളിച്ച്? - അവളുടെ ഭർത്താവിൽ നിന്ന്.

അയാളവളെ കൊല്ലാൻ ശ്രമിക്കുന്നുണ്ട്.

ഇതെന്റെ വിഷയമല്ല.

അവൾക്ക് കാവൽക്കാരുണ്ട്, രാജാവുണ്ട്...

- സ്റ്റേയാപ്പയുണ്ട്. - പക്ഷേ അവൾക്കാവശ്യം ഉട്രേഡിനെയാണ്.

എതിൽവൽഡ് ഇങ്ങോട്ട് ഒറ്റക്കണോ വന്നേ?

ഹയ്സ്റ്റണും ബ്ലഡ്ഹെയറും ഉണ്ടായിരുന്നു.

എത്തൽറെഡിനെ ആദ്യം സന്ദർശിച്ചിട്ടുണ്ടാവും.

അതേ, അവനാണ്.

വെസ്സക്സിന്റെ അടുത്ത രാജാവാകാനുള്ള പദ്ധതിയാണെന്ന് തോന്നുന്നു.

ഹയ്സ്റ്റൺ പോയിരിക്കുന്നത് തെക്കോട്ട് ആണേൽ,

എത്തൽഫ്ലഡ് എവിടാണെന്ന് അവൻ വൈകാതെ അറിയും.

ബിയോക്കാ, വെസ്സക്സിന് വേണ്ടി പകുതി ജീവിതം ഞാൻ കളഞ്ഞതാണ്.

- ഇനി എനിക്ക് പറ്റില്ല. - അവളുടെ ഭർത്താവ് അവളെ...

...ബുദ്ധിമുട്ടിച്ചാൽ സഹായിക്കാമെന്ന് നീ സത്യം ചെയ്‌തെന്ന് അവൾ പറഞ്ഞു.

ഇത് അടവാണ്, ഇതിന്റെ പിന്നിൽ ആൽഫ്രഡാണ്.

നീ അവളോട് ചെയ്ത സത്യത്തിൽ നിന്ന് നീ ഇതിലൂടെ മോചിപ്പിക്കപ്പെടും.

അതേ.

പക്ഷേ ആ സത്യം മാത്രമല്ല ഇതിന് കാരണം, ഉട്രേഡ്.

അവളേറ്റവും അധികം വിശ്വസിക്കുന്നയാൾ നീയാണ് എന്നൊരു കാരണവും ഇതിനുണ്ട്.

ഞാനിനി ഒന്നും പറയുന്നില്ല.

ഞാൻ വെസ്സക്സിൽ തുടർന്ന്, എഡ്വേർഡിന് സത്യം ചെയ്തില്ലായിരുന്നു എങ്കിൽ...

- ആൽഫ്രഡ്‌ എന്നെ കൊല്ലുമായിരുന്നു. - ഞാൻ വന്നത് എത്തൽഫ്ലഡിന് വേണ്ടിയാണ്.

നിന്റെ വഴി തിരഞ്ഞെടുക്കാൻ നിനക്ക് സ്വാതന്ത്ര്യമുണ്ട്.

ദൈവം നിന്നെ അനുഗ്രഹിക്കട്ടെ, നയിക്കട്ടെ.

ഒന്നും പറയേണ്ട.

ഞാനൊന്നും പറഞ്ഞ് ബുദ്ധിമുട്ടിക്കുന്നില്ല, ലോർഡ്.

പക്ഷേ സിഹ്‌ട്രിക്, ഈ പറയുന്ന മഹാ സൈന്യം...

...അതിനൊരു നിലനിൽപ് ഉണ്ടെന്ന് എനിക്ക് തോന്നുന്നില്ല.

സത്യം.

ഓസ്‌ഫെത്, നീ ഒരു കാര്യം മനസ്സിലാക്കണം, ഞാൻ വടക്കോട്ട്...

...വന്നത്, തെക്കോട്ട് പടപ്പുറപ്പാടിന് വേണ്ടിയല്ല.

ഞാനുമല്ല, ഫിനൻ.

ലോർഡ്, അങ്ങ് പോകുന്നത് എവിടേക്കാണേലും ഒപ്പം ഞാനുമുണ്ട്,

പക്ഷേ വെസ്സക്സിലെന്നെ കാത്ത് എന്റെ ഭാര്യയുണ്ട്.

പിന്നെ ഈ ഹയ്സ്റ്റണും ബ്ലഡ്‌ഹെയറുമെല്ലാം ക്ജാർട്ടനെയൊക്കെ പോലെ തന്നെയാണ്.

ഇനി നിങ്ങളുടെ ജന്മസ്ഥലം വടക്കാണ് എന്നുണ്ടേൽ...

...എന്ത് കൊണ്ട് നമുക്ക് ബേബ്ബൻബർഗിനെ പറ്റി ചിന്തിച്ചൂട?

അതിന് വേണ്ടിയുള്ള യുദ്ധത്തിനൊരു അർത്ഥമുണ്ട്.

ഉട്രേഡ്... നിന്റെ സുഹൃത്തായാണ് ഞാൻ പറയുന്നത്, ഇത് വേണ്ട.

നമുക്ക് ഇവിടുന്ന് പോകാം.

അപ്പോ ഞാനെന്റെ സഹോദരനെ ഉപേക്ഷിക്കണോ?

എനിക്ക് എങ്ങനെ അതിന് കഴിയും?

കഴിഞ്ഞേ തീരു.

ആൽഫ്രഡ്‌ ചെറുപ്പത്തിൽ, കണ്ണിൽ കാണുന്നതിനെയെല്ലാം പിടിച്ച് പൂശുമായിരുന്നു.

സത്യം.

അവന് നിയന്ത്രിക്കാൻ കഴിഞ്ഞിരിക്കില്ല, ഇനിയതല്ല കഴിഞ്ഞിരുന്നെങ്കിലും,

അവനതെല്ലാം ചെയ്തു.

ഉട്രേഡ്.

നീ എത്തൽറെഡിനോട് എന്താ പറഞ്ഞേ?

എന്താ? മനസ്സിലായില്ല.

നീ എത്തൽറെഡിനെ കണ്ടു. എന്താ നിങ്ങൾ സംസാരിച്ചത്.

ഞങ്ങൾ സംസാരിച്ചു. അവസരത്തെപ്പറ്റി.

എന്തിനുള്ള അവസരം?

അവന് മേഴ്‌സിയയുടെ രാജാവാക്കാനുള്ള അവസരത്തെപ്പറ്റി.

ആൽഫ്രഡിനെ എതിർത്ത്, പുതിയ രാജ്യം ഉണ്ടാക്കുന്നതിനെപ്പറ്റി.

- പരസ്പരം സഹായമാകാൻ. - അവന്റെ ഭാര്യയെ കൊല്ലാനോ?

ഈ രാത്രി നീ ഉറങ്ങരുത്.

നാളെ ചിലപ്പോൾ നീ എണീക്കില്ല.

ഒരു രാത്രിയും നീയിനി ഉറങ്ങരുത്.

ശരി, ഞാൻ ചിലപ്പോൾ എത്തൽറെഡിനെ കണ്ട്...

...അവളെ കൊല്ലാനും പറഞ്ഞിരിക്കാം, പക്ഷേ അതിനിപ്പോ എന്താ?

അവൾ ആൽഫ്രഡിന്റെ മകളാണ്, അത് പോരേ അവളെ കൊല്ലാൻ?

- അതിലെന്ത് കാര്യമുണ്ട്? - കാര്യമുണ്ട്.

എന്ത് കാര്യം? അവൾ ശത്രുവാണ്.

അപ്പോ ഫാദർ ബിയോക്കാ ഇത്രയും ദൂരം വന്നത് അവളെ രക്ഷിക്കണമെന്ന് പറയാനാണോ?

നീ ഏറ്റവും നന്നായി ചെയ്യുന്നതും അതാണല്ലോ, കുമാരിമാരുടെ രക്ഷകൻ.

റാഗ്‌നർ, എനിക്ക് അനുവാദം വേണം.

എനിക്ക് ഇവനെ മടുത്തു.

- അവനെ വകവയ്ക്കേണ്ട. - പറ്റില്ല.

ഇവനെ എനിക്ക് ഇപ്പോ കൊല്ലണം.

എന്തിന്? ഞാൻ സത്യം കണ്ടെത്തിയത് കൊണ്ടോ?

ഉട്രേഡ്, നമ്മളൊരു സൈന്യം ആകേണ്ടവരാണ്, സുഹൃത്തേ.

ഞാൻ പറയുന്നു, ലോർഡ് ഉട്രേഡ് ഈ സൈന്യത്തെ ഉടനെ ഉപേക്ഷിക്കും.

എത്തൽഫ്ലഡ് വിളിച്ചു, ഇനിയവളുടെ വാലാട്ടി പട്ടിക്ക്...

അവനതിന് ഉള്ളതൊന്നുമില്ലെടാ.

ഇതാ, ഇതാണ് അതിനുള്ള തെളിവ്.

- എന്തിനുള്ള തെളിവ്? - രണ്ട് കൂട്ടരിലാരെന്ന് നിനക്കിപ്പോഴും ഉറപ്പായിട്ടില്ല.

റാഗ്‌നർ, അവൻ പറഞ്ഞത് ശരിയാണ്. ഇവൻ നമ്മുടെ ഒപ്പം തന്നെയാണോ?

ഉട്രേഡ്, നീ എന്ത് പറയുന്നു? എന്താ നിന്റെ മറുപടി?

എന്താണെന്ന്?

ഞാൻ പറയുന്നു, ഈ സൈന്യത്തിന് നിലനിൽപ്പില്ല.

റാഗ്‌നർ, നീയൊന്ന് ചുറ്റും നോക്ക്. അത്യാർത്തിയുടെ പേരിൽ ഒന്നിച്ച് നിൽക്കുന്ന ശത്രുക്കളാണ് നമ്മൾ.

- ഇവിടെ സ്നേഹബന്ധമില്ല, ബഹുമാനമില്ല... - സ്നേഹബന്ധം ഇല്ലന്നോ?

പിന്നെ ഞാനാരാ?

എന്റെ സഹോദരൻ.

അത് ബന്ധമല്ലേ? അതോ അതിലും വലുതാണോ ആ രാജകുമാരിയുടെ ബന്ധം?

കണ്ടിട്ട്, അങ്ങനെ തോന്നുന്നു.

താൻ, എന്തായിരുന്നു തന്റെ വരവിന്റെ ഉദ്ദേശം?

റാഗ്‌നർ. റാഗ്‌നർ! തർക്കം നമ്മൾ തമ്മിലാണ്.

ഉട്രേഡിന് അവന്റെ പാത തിരഞ്ഞെടുക്കാനുള്ള സ്വാതന്ത്ര്യം ഉണ്ട്, റാഗ്‌നർ.

എങ്കിൽ തിരഞ്ഞെടുക്ക്.

നീ ഞങ്ങൾക്കൊപ്പമുണ്ടോ, ഈ നിൽക്കുന്ന ഓരോരുത്തർക്കും ഒപ്പമുണ്ടോന്ന്?

ഡെയിൻ കൊലയാളി, നീ ഇതിന് ഉത്തരം പറയണം, ഞങ്ങൾക്ക് അത് കേൾക്കണം.

ഞാനിവിടം വിടുവാണ്.

പക്ഷേ തിരികെ വെസ്സക്സിലേക്ക് അല്ലാ.

എന്നെ ആവശ്യമുണ്ട്.

ഒരു രാജകുമാരിക്ക്.

നീയൊരു ഡെയിനല്ലാ, ഇയാളെ പോലെയൊരാൾ മാത്രമാണ് നീ.

ആൽഫ്രഡ്‌ എന്ന രാജാവിന്റെ വാലാട്ടി പട്ടിയാണ് നീ.

നീ എന്നോടിത് ചെയ്യുമോ?

വീണ്ടും?

- ഞാനിത് ചെയ്തേ തീരൂ. - അതേ, നീയിത് ചെയ്യണം.

നീ സത്യം ചെയ്തതാണ്.

വാക്ക് കൊടുത്തതാണ്.

മാനവും മര്യാദയുമെല്ലാം അതിലാണ്.

എന്റെ അച്ഛൻ നിനക്ക് തന്നത്, ഞാൻ തിരികെ എടുക്കുവാണ്.

നീയിനി ഉട്രേഡ് റാഗ്‌നർസൺ അല്ല.

- റാഗ്‌നർ, അങ്ങനെയൊന്നും പറയരുത്... - നീയിനി എന്റെ സഹോദരനല്ല!

നിനക്കിത് കളിയായിരുന്നു.

ഒരിക്കലുമല്ല.

പോ... നിന്നെ ഞാൻ കൊല്ലുന്നതിന് മുൻപേ പോ.

സ്ക്കേഡുമായി അവൻ പോവില്ല, റാഗ്‌നർ, അവളെന്റെയാണ്.

അതേ, ബ്ലഡ്‌ഹെയർ. തീരുമാനം ഉണ്ടാക്കാം.

ആ മന്ത്രവാദിനിയെ വേണമെങ്കിൽ നീ പോരിന് ഇറങ്ങണം.

- സമ്മതം. - ലോർഡ്, വേണ്ട.

സമ്മതം.

പോര് ആരംഭിക്കാം.

പരിഭാഷ ഗിരി പി. എസ്.

മലയാളം പരിഭാഷകൾക്ക് സന്ദ൪ശിക്കുക www.malayalamsubtitles.org www.facebook.com/groups/MSONEsubs

ഇൻഫോ: EBF6F5E39D0AFE8EB34B33403CEA0596AD3D5ADB