Original subtitles

Copyright (C) NRK

Far dykkar lever. For tre år sidan blei han sett fri frå krigsfangenskap.

Ho tek skade av elektrosjokkterapien.

Eg skal til Zürich om eit par veker. De kan gjerne bli med.

-Franck junior vil gå ut med deg. -Eg føler meg så skiten, mor!

Ta deg eit bad, då. Sjølv om det berre er onsdag.

Vekk med dei skitne hendene Dykkar!

-Freddy? Sjå her. -"Galskapen frå USA har nådd Berlin."

Dans, baby!

Vi går.

Joachim!

Jenta kunne ha blitt drepen. Og De gav ein god dag i meg òg.

Det er ikkje rart at du ikkje får jobben!

Eg blei ikkje med til Zürich.

Norske tekstar: Signe Bergvoll

Herr Hartmann, ein lyt røre beina sine når ein dansar.

Her må vi passe på posituren.

Eg trur deg ikkje.

Jo, det var henne. Dei tok andreplassen. Du skulle sett henne!

-Ikkje brilleslangen! -Ho er kanskje blind, men ikkje eg.

Frøken Maiwald, kva ser De på? De må ha hovudet med. Vend, vend.

De får unnskylde meg.

Eg skal hente vaskebøtta.

Takk.

Helga ... Det er noko du skal vite.

Eg vil forklare kvifor eg var så ... opprørt.

Eg har mykje å tenkje på, og det er det ein grunn til.

Sjå på meg når eg snakkar til deg!

Det er ein grunn til at Leitmann har valt Korte til etterfølgjar.

Det kommunistiske partiet blir snart forbode.

Då blir alle KPD-funksjonærar arresterte.

Korte og eg skal førebu tiltalen, men eg nekta å gjere det.

-Kvifor? -Eg kjenner ein av dei tiltalte.

Ludwig Hansen. Han var ein nær ven av far. Han var ofte heime hjå oss.

-Far din var då ingen kommunist? -Nei, men han var liberal.

Helga, dette var motstandsmenn! Og no skal vi gjere dei til forbrytarar?

Eg forstår deg, Wolfgang. Men som statsadvokat må du forsvare lover -

- som du kanskje ikkje likar.

Som til dømes at menn ikkje får lov til å elske menn?

Ja. Eller at ein mann har lov til å slå kona si.

Eva? Eg må snakke med deg om Helga.

Fassbender som ung? Kjekk.

Det er Rudi.

Du er forelska.

Det er håplaust, Niki. Han bur i aust.

Han er gift. Med ein pasient.

Og eg er så godt som forlova med Fassbender.

-Eg må gløyme han. -Det går ikkje.

Kva er det med Helga?

Noko er gale mellom Helga og Wolfgang.

Eg såg Wolfgang. Med ein annan mann.

-Det høyrest utruleg ut, men ... -Ja. Han får behandling av Fassbender.

-Eg såg journalen hans. -Vi må fortelje det til Helga!

Fassbender er ein dyktig lege. Han kan gjere han frisk att.

-Kva om Wolfgang ikkje kan kurerast? -Han vil hjelpe han.

Greitt. Då fortel eg det henne sjølv.

-Eg har meir tid att! -Du var andremann oppi!

-Mor bada ti minutt ekstra! -Kom igjen!

Du har blitt så muskuløs. Kva held du på med for tida?

Moralsk forfall til negermusikk

Farleg eller ufarleg?

Eg veit ikkje. Alt er så komplisert.

Farleg, altså.

Kvar fekk du denne?

Det var Føraren sjølv som tatoverte meg.

Eg var yndlingen hans. Nummer 201677.

-Det er lukketalet mitt. -Og difor gav han deg Jernkrossen?

Den fekk eg for å ha vist stort mot den 9. november i 1938.

Han gjorde meir for meg òg.

Han gassa foreldra mine i hel.

Og bror min. Heilt gratis.

-Freddy ... -Eg vil ikkje snakke om velgjeraren min.

-Eg har tenkt ut eit nytt nummer. -Til knullinga? Vi har då prøvd alt?

Eg går ned i bru og så ned i handståande.

Så lyftar du meg opp. Og så set du meg ned att.

Vis meg brua.

Ikkje verst.

No må du bli med.

Eg er så trøytt.

Eg styrer ein falleferdig danseskule.

Ei einsam kvinne, Fritz. Som er i forfall.

Eg likar forfallet. Du veit vel at mogen frukt duftar best?

Har du tenkt på det? På oss?

Ja.

Eg er avhengig av Dykk, herr Assmann.

Og det har eg vore i 20 år. Det byrja på kontoret Dykkar.

-I Riksidrettsdepartementet. -Ja. Og vi ville det, begge to.

Eg selde kroppen min for å få danseskulen.

Og De tvingar meg framleis til å liggje med Dykk.

Slutt å lyge for deg sjølv! Du er ei sensuell kvinne, Caterina!

Elles hadde du aldri vore utru! Og Gerd elska deg aldri!

Han var kanskje forelska i tanken på dykk to som par.

Og no har han forelska seg i sosialismen!

Det er sant! Den perfekte familien var ein illusjon!

Ei boble! Og no har ho sprokke!

Caterina.

Anten kjennest du ved meg, eller så mistar du meg.

Hallo. Kom inn.

-Helga. -Så fint at vi tre endeleg får ein prat.

Og godt å få vere åleine, utan mor.

-Vi har noko med til deg. -Takk. Kom inn.

Takk. Slikt høyrer jo med i alle heimar.

Eg har baka yndlingskakene dykkar. Donaukake og klippekrans.

Kva er det med dykk? Er de på slankekur, eller?

Helga, det var snilt av deg.

-Men vi må snakke med deg. -Ja, det er vel difor de er her?

Eg såg Wolfgang.

Ja?

Han kan ikkje gjere deg lukkeleg. De har ikkje dei same interessene.

Det er mykje stress på jobben.

Eg såg han med ein annan mann.

Det var sikkert ein kollega.

Frå kontoret til statsadvokaten. Eller ein studieven.

Helga. Eg vil ikkje seie kva dei heldt på med.

Herregud, Niki ...

Wolfgang er homoseksuell og går til behandling hjå Fassbender. Beklagar.

Veit de kva? Eg skal saksøkje dykk for bakvaskingar.

Mannen min og eg skal saksøkje dykk. De er berre misunnelege.

De har ingen, og eg er godt gift! Svært godt gift!

Nei! Fysj!

Du er forderva!

Mor har rett. Du er forderva! Du òg! Du flørtar med ein gift mann!

Eg er då ikkje dum! Eg er ikkje dum!

Eg er ikkje dum!

Regnar det? Flott ... Det var berre det som mangla.

-Tenkjer du på utsjånaden no? -Eg har ein avtale.

Det hjelper ikkje Helga om eg grin. Og eg ville ikkje fortelje henne det.

Vi snakkast i kveld.

Eg tek han sjølv. Takk.

Dei kom med han frå skraphandlaren.

Han sa at bilen din var trykt inn som eit trekkspel på førarsida.

-Det er eit under at du overlevde. -Eit under eller ei forbanning?

Livet er urettvist.

Harald var så gåverik. Og eg er udugeleg.

Men himmelen vil ikkje ha meg.

Når kjem du tilbake til fabrikken? På måndag?

No skal vi leggje om til å bruke Atlas-fresaren.

Eg kjem ikkje tilbake, far. Eg flyttar ut.

Kvar har du tenkt deg? Kvar får du pengane frå?

-Kva vil du gjere? -Eg vil skrive ei bok.

Ja, det er jo på moten no. Alle vil skrive bok. Ein roman.

Reine sjele-onanien!

Ha det bra, far.

Du har då ingenting å fortelje! Du har ikkje opplevd noko som helst!

Du var ikkje i krigen, og du har aldri lidd noka naud! Kva skal du skrive om?

Helga?

-God kveld. -God kveld.

Kveldsmaten står på kjøkenet.

-Skal ikkje du ete? -Eg har ikkje matlyst.

Sjå her. Eg ville vise deg dette.

-Kva er det? -Arrestordrar. Eg skreiv dei i dag.

-Ludwig Hansen. -Venen til far.

Eg kan åtvare han. Adressa hans står der.

Nei, det må du ikkje gjere. Dersom nokon får vite det ...

Ja. Eg sender arrestordrane til politiet i morgon.

Eg gjer det for oss to, Helga.

Eg veit det, Wolfgang. Og det er eg svært takksam for.

Det er ein tung lagnad. Alltid ta seg godt ut. Vere sterk, klok og venleg.

-Er det verdt all rikdommen? -Du har alt det, forutan rikdommen.

Det viktigaste er at ein er nøgd.

Høgre eller venstre handa?

Venstre.

Wollankstrasse 44.

-Kva er det? -Adressa til far din.

Skal vedde på at ho veit det, men så har ho ikkje sagt noko til oss.

Ekteskapet var nok ikkje så godt som ho vil ha det til.

-Elles ville han ha kome tilbake. -Kvifor vil han ikkje møte oss?

Vi har ikkje gjort han noko.

Eg skal skrive til han. Eg vil ha ei forklaring.

Far ...

Eg dansa alltid vals med han.

Han lyfta meg opp, og så svevde eg ein meter over golvet.

Det var så fint.

Rundt og rundt ...

Korleis kan du stappe i deg alt det?

Skulle nesten tru du hadde ein bolle i omnen! God natt.

God morgon.

Vel, frøken. Ta det med ro. Len Dykk tilbake og slapp av.

Eg skal ikkje slakte Dykk.

Schöllack ... Frå danseskulen på Ku'damm?

Nei.

Freddy? Freddy!

Monika!

Du, det passar litt dårleg no.

Det er krise!

Kva er det som skjer?

Den fantastiske reisa til den vesle sædcella er ...

Faen. Det var då som faen!

Kva skal vi gjere?

Det er ikkje første gong eg skyt blink.

Vi må få tak i pengar. I morgon opptrer vi på Mutter Brause.

-Freddy, eg ... -10 D-mark kvar! Alt hjelper?

Ikkje ver redd, vesle Monika. Snart er det berre oss to att.

Ja.

Boka handlar om ein fabrikkeigar som samarbeider med nazistane. Våpenhandel.

Han nyttar seg av tvangsarbeid. Og etter krigen vil han produsere våpen att.

De legg ikkje fingrane imellom, nei.

Ein augneblink.

Monika.

God dag.

Er De frisk att?

Nesten. Sjukebesøket Dykkar vekte meg så å seie til liv att.

Eg har tenkt mykje på det.

Eg var så rasande.

Gratulerer med andreplassen, forresten.

-Eg må gå. -Kva har skjedd?

-Ingenting. -Kan eg hjelpe Dykk?

-Ho sluttar på danseskulen! -Unnskyld?

Tenk å utsetje ungane for dette! Før visste ein råd med slikt svineri!

De skal liksom vere så anstendig, men De fordervar jo dotter mi!

Dette er ein hyklersk institusjon! Reine gledeshuset!

Den eine husmora seier: Mannen min kom heim frå reise med ein chinchilla!

Den andre svarer: "Ingen fare. Det ordnar seg med penicillin."

God kveld.

"Fru Monika Donath."

Har de gifta dykk?

Eg skjemmest over at du kan vise deg fram på den måten!

Alle på danseskulen kan sjå trusa di!

Det var ei som slutta i dag, og det blir neppe den siste!

På grunn av meg?

Absolutt ikkje! Dei sluttar fordi du berre tenkjer på disiplin og orden!

Du er gammaldags og snerpete ...

Eg flyttar ut.

Til den arbeidslause casanovaen din?

Ja?

-Eg skal til Gerd Schöllack. Far min. -Kven er De?

Eva? Helga?

Monika.

Kom inn.

-Gerd? -Kva er det?

Først ville dei ikkje la meg få med kofferten.

Dei trudde eg smugla damestrømper eller kaffi.

Vesle Nika.

Riksidrettsdepartementet -

- ville gje oss danseskulen.

Vi visste jo at skulen hadde tilhøyrt ein jødisk familie.

Seinare fortalde Assmann kva som hende med familien Crohn.

Assmann?

Ja, han var rikskommissær for idrett. Det trudde eg du visste?

Mor fortel ingenting. Eller lyg.

Var det difor du ikkje kom heim? Fordi du skjemmest?

Éi natt, Nika. Du ser kor trongt vi har det.

Vi bur åtte stykke her med familien til Sigrid, på tre rom.

-Studerer du russisk? -Ja, eg prøver.

Eg lærte litt då eg var der borte.

Vil du fortelje meg korleis du hadde det?

-Rina. -Eg skal hente dotter mi.

-Høyr her ... -Monika?

Hent kofferten din.

Eg blir ikkje med deg heim. Eg er vaksen, og bestemmer sjølv.

Dokter Grotewohl ringde og sa kor vaksen du er.

-Rina, eg ... -Du er død. Død.

Endå fleire gjester, Gerd? Utruleg! Og alle snakkar om flukta til Vesten!

-Kan eg spørje kven De er? -Eg?

Så dette er altså den aktive antifascismen din?

Bravo!

Vi sest.

Mor.

Du har klart deg godt utan han i lang tid.

Ja.

Kva har du tenkt å gjere?

-Freddy synest eg skal ta det bort. -Fornuftig.

Det har eg gjort sjølv to gonger.

Men du kan òg utnytte dette, Monika.

-Utnytte det? -Ja. Franck junior.

Du lèt han liggje med deg. Blir gravid.

Så giftar han seg med deg. Då er du sikra for livet.

Det er den einaste fordelen vi kvinner har.

Det er inga sak å få ein mann til å tru at barnet er hans.

Ein kan ikkje leve med ei slik løgn.

Det trudde eg òg då eg var like ung som deg.

Då sa eg sanninga til Gerd. Det var mitt livs tabbe.

Kva for ei sanning var det?

Gerd er ikkje far din.

Helga? Eg må snakke med deg.

Du kan ikkje gje meg skulda for dette med Wolfgang.

Du er jo heilt hysterisk!

Eg besøkte far. I aust.

Han vil møte oss.

Ho har ikkje vore psykotisk på to veker. Vi kan skrive henne ut neste veke.

No blir mannen hennar glad.

Det var bra De ikkje blei med. Til Sveits.

De ville ha kjeda Dykk. Det regna heile tida.

Eg hatar regnvêr.

Då tok De den rette avgjerda.

Far min har dukka opp att.

Eg er så rasande på han. Eg er skuffa, og ...

Eg vil helst ikkje sjå han att. Eg må snakke med nokon om dette.

Vil De kome på besøk til meg? Eg kan lage mat til oss.

-De? -Ja.

Det denne fjernsynskokken driv med, har eg drive med lenge.

Bra.

Eg veit om ein lege som gjer slike ting. Men det blir ikkje billeg.

-Kan du bomme pengar av mor di? -Eg veit ikkje.

Du vil vel ikkje øydeleggje livet ditt, Monika?

Kanskje du mistar barnet når du dansar?

Det er ein del av showet!

-Har han lova Dykk ekteskap? -Kven?

Han De flørtar med.

God morgon. Monika Schöllack.

Kan De setje meg over til Joachim Franck?

Er han ikkje der? Er han i Burma?

Har De ei adresse?

Dette var ei overrasking. Kom inn. De ser godt ut.

Har De slanka Dykk?

-Dei sa at herr Franck budde her. -Eg åtvara Dykk jo mot han.

Men dei som ikkje vil høyre, må føle. Jo, fortida har innhenta deg.

Så fint å sjå Dykk.

Limonade?

-Kvifor hengde De det opp? -Fordi det inspirerer meg.

-Handlar boka om dansing? -Nei.

Set Dykk ned.

Herr Marek likar ikkje små hundar. Og er ein overtydd nasjonalsosialist.

Han trur på siger heilt til det siste, sjølv når sonen fell.

Han produserte våpenet som tok livet av sonen.

Og etter krigen vil han produsere endå fleire våpen.

Er ikkje De med i boka?

-Er De eit par, De og ...? -Sonja? Nei.

Ikkje i det heile teke. Vi kan ikkje utstå kvarandre.

Ho gjev meg berre tak over hovudet.

Kva gjer De her?

Brillene Dykkar er øydelagde.

-Ja. -Vent.

Ikkje gå nokon stad.

Første variant.

Nei.

Nei.

Ja?

-Det duftar raffinert. -Mongolsk ryttarkjøt. Namnet er viktig.

Er det kona Dykkar?

Ja. Ho forlét meg.

Ho kom ikkje over at eg har teke livet av menneske.

Ja, eg skaut dei jo ikkje i nakken.

Den gongen trudde ein det var mogleg å kurere sjukleg seksualdrift -

- ved å implantere friske hormonkjertlar.

Eg trur ikkje eg vil vite det.

Eg var assistent. Vi utførte operasjonar.

På mannlege fangar i leirane. Dei fleste døydde av blodforgifting.

-Likevel heldt operasjonane fram. -Ja. Det er frykteleg.

-Men det høyrer fortida til. -Ei fortid som vi skapte.

Ikkje eg.

Fortel meg om far Dykkar. Kva er det siste minnet De har?

Monika.

No? Møtte du han?

God kveld.

-Kva briller er det? -Eg har lånt dei av Sonja Lundi.

Er du full?

Korleis gjekk det?

Han vil nok gifte seg med meg.

Det er den første gode nyheita du nokosinne har kome med.

Eva!

Han spurde. Under desserten.

Dette er jo ...!

Kom hit.

Eg er så glad. Eg er så glad!

-Adressa er dødssikker. -Dødssikker, ja. Det trur eg nok.

Det kostar 500. Men då blir det gjort skikkeleg.

Eg kan bidra med 35.

Freddy ...

Eg treng ikkje adressa.

Ikkje han kynikaren, vel?

Du vil då ikkje bli fabrikkeigarkone? Då er det berre å la seg balsamere!

Kåkane i Grunewald er reine pyramidane! Dei er fulle av koner i sarkofagar ...

Freddy. Han bur ikkje lenger der.

Monika ...

Monika, du veit kva slikt fører til. Då er vi tilbake i urskogen att.

Snart veltar alle seg rundt på golvet.

Mor.

Eg gjer alt du vil.

Men dette er dansekurset mitt.

Greitt. Berre still opp.

No skal eg vise Dykk eit av grunnstega i rock and roll.

Høgre, venstre, bak. Høgre, venstre, bak.

Veldig bra. Så var det stega Dykkar ...

Ja. Tusen takk, professor.

Eg var jo litt skeptisk i byrjinga.

I alle menneske ynskjer det friske å vinne fram. Og vi kan hjelpe på vegen.

Hels syster Eva òg. Ho tok seg godt av meg.

-Eg ynskjer Dykk alt godt. -Takk.

Takk. I like måte.

Borna mine.

Hallo.

-Hallo. -God dag.

Vesle Eva. De har jo blitt damer. Kvar er flettene?

Set dykk ned.

-Kva vil de ha å drikke? Kaffi? -Ja takk, far.

Ver så god.

Takk for at de kom.

Eg har forsøkt å forklare Monika at ...

-At du er ein feiging. -La far snakke ut.

Du har rett.

Eg våga ikkje å seie at eg ikkje ville kome heim att.

Eg valde den enklaste løysinga.

Trudde eg.

Eg vil be dykk om unnskyldning.

Veit du kor tøft det var for mor?

-Og kor tøft ho enno har det? -Du tenkte ikkje på oss heller.

Korleis trur du eit barn føler seg når det blir valt vekk? Verdilaust!

Ein mistar evna til å lite på folk!

Eg er lei for det.

No går vi.

Hei.

-Ein cola og ein Duprès. -Duprès har dei berre på Kempinski.

Ein øl, då.

Forfatningsdomstolen erklærte i dag -

- at det kommunistiske partiet strir mot grunnlova, -

- og løyste opp partiet og alle underavsnitt.

Eg veit ikkje om eg klarer å gløyme det. Synest du eg er urettvis?

Mot far min?

Det som er målet, -

- er å sjalte ut hovudfunksjonærane og dei viktigaste bakmennene ...

Eg er eit svin.

Eg er eit svin!

Slutt! Du skadar deg sjølv!

Helga. Du må ikkje forlate meg!

-Kan De vise meg stjernebileta att? -Beklagar.

Konversasjon etter solnedgang lærer ein først på det vidaregåande kurset.

Men éi stjerne kjenner eg att.

Betelgeuse.

Like etter at bror min fall, såg eg den stjerna på himmelen.

Eg tenkte ei stund at det var sjela hans som lyste der oppe.

Der. Ho som lyser sterkt ved sida av dei fire som liknar på ein pilspiss.

De kler brillene veldig godt.

Eg vil gjerne elske med deg, Monika.

I morgon.

Beklagar, men kurset til frøken Schöllack er fullteikna.

Ja. Eg kan setje Dykk på ventelista.

Alt dette er førehandstingingar. Monika må halde minst to kurs.

Vi er den einaste danseskulen som tilbyr rock and roll-kurs.

Det er ei skam. Men ho kan jo ikkje undervise så mykje lenger.

-Kvifor ikkje? -Syster di er i lukkelege omstende.

-Kva? -Ja. Med slubberten på kontrabass.

Men no er alt i orden. Ho skal gifte seg med Franck junior.

Eg har reservert eit rom til herr og fru Franck.

Det er noko eg må fortelje deg.

Eg veit ikkje om eg klarer det.

Eg har vore i lag med mange kvinner.

Det har aldri betydd så mykje for meg.

Eg har òg noko å fortelje deg.

Eg har ein affære. Med ein god ven.

Vi ligg i lag, og det er kjekt.

No er eg gravid.

Eg hadde tenkt å lyge om farskapen.

Du skulle tru barnet var ditt. Slik at du gifta deg med meg.

Unnskyld, Joachim.

Takk. Kan eg fortelje det til mor?

Berre om ho kan halde det for seg sjølv. Den offisielle utnemninga er i oktober.

Vi har det jammen godt.

Eg har dårleg samvit på grunn av Monika. Ho trong hjelp, og eg ...

Ho er gravid.

Høyrde du, Wolfgang? Nika er ...

Helga.

Dette går ikkje lenger. Eg kan ikkje lyge meir.

Vil du ha meir saus? Det er raudvin i han.

Eg ...

Eg elskar menn.

Du elskar meg!

Vi er gifte! Det er sjukleg!

-Forbode. Perverst! -Eg går til behandling, men ...

Eg er det dei kallar eit håplaust tilfelle.

Det finst éin utveg. Eg kan la meg kastrere.

Du skulle aldri ha fått gifte deg med meg!

Eg veit det.

Eg forstår det om du ikkje lenger kan leve med meg.

Vil du skilje deg?

Wolfgang ... Om du flyttar ut, kva vil folk tru?

-Dei kjem til å gje meg skulda. -Eg skal ta all skulda på meg.

Eg kan ikkje vere ei fråskild kvinne!

Då går eg heller opp på loftet og heng meg!

Kostar annonsen 75 D-mark? I fjor betalte eg ...

I fjor betalte eg 60 D-mark. Ja.

Jo. For ei halv side.

Vi er jo faste kundar. Ja.

Vaskedama har òg fått sparken, ser eg?

Monika.

Eg synest det var bra at ho endeleg fortalde deg det.

Ja.

Mor sa òg at De tvinga henne.

Mor di er heilt utruleg ...

-No ja. -De kasta familien Crohn ut.

Det stemmer.

De er ansvarleg for at dei blei drepne. De og mor.

-Så enkelt er det ikkje ... -Jo.

Så enkelt er det.

Ja. "Ball på danseskulen Galant. Inngangspris: 12 D-mark."

Ja, eg veit det. Åtte D-mark. Men vi skal jo òg ha noko å leve av. Takk.

Og det skal du vite: Ingen rock and roll!

Mor. Eg treng 465 D-mark.

Han skulle jo gifte seg med deg?

-Eg fortalde han sanninga. -Kva for noko?!

-Vil han ha deg om barnet er borte? -Mor, du kan altså vere så vond!

Trur du eg tek bort barnet fordi eg vil gifte meg?

Korleis skulle eit slikt ekteskap bli?

Vil du ikkje gjere eit forsøk med herr Franck?

-Mor. No vil eg vere meg sjølv. -"Vere meg sjølv"?

Monika, du klarte jo ikkje husmorskulen eingong!

Vi treng nokon som kan ta seg av deg.

Og han skal vi finne!

Eg har kome på landslaget!

Herregud!

Eg er så glad på dine vegner.

-I går blei det offisielt. -Så flott!

Eg må snakke med Christa.

Nett no går det bra med henne.

-Eg veit ikkje ... -Jo. Eg vil gifte meg med deg.

Eg vil få barn med deg.

Korleis vil det ta seg ut?

Skilsmissa er di skuld. Du var utru medan kona di låg på sjukehuset.

Elskar du meg? Eller ikkje?

Eg elskar deg. Høgt.

Ja, men vi må gjere det no. Når eg er på landslaget til DDR, -

- blir det ikkje så lett å reise vestover, Eva.

Eg kan ikkje bu i aust. Det går ikkje.

Då dreg vi til München. Dei kan trenge ein god målmann.

Vi finn nok ut av det.

Det viktigaste er at vi er saman.

Du får sjå slik på det:

Somme menn går gjerne på kneipa, på veddeløpsbana eller på bordell.

Dei drikk, speler, slåst og driv hor. Og mannen din?

Han tek seg av og til ein tur i parken.

Kva med meg, då? Kva med mine behov?

Kvinner har ikkje behov, Helga.

Nika?

Skal eg bli med deg i morgon?

Eg klarer det åleine.

Det er best slik.

Ingen barn fortener å bli fødd utanfor ekteskapet.

Har du snakka med Wolfgang?

Eg ...

Eg var urettvis mot deg og Evi.

-Og det er eg lei meg for. -Helga.

Du skal ikkje vere lei deg. Ikkje du.

-Kva var namnet? -Monika Schöllack.

Eg har time hjå dokter Hansmann.

Bli med meg.

Kle av Dykk og ta på Dykk den der.

Christa? Kvifor er du så sein?

Professoren seier at arbeid gjer godt.

Set deg ned.

Eg skal berre vaske meg litt. Berre begynn å ete, du.

Det er noko eg må fortelje deg.

Eg ... Eg har forelska meg.

Det er sjukesystera.

Ja.

Ho er ikkje bra for deg, Rudi. Ho er bereknande.

Eg veit ikkje om det er noko du kan vurdere, Christa.

Dei siste vekene har eg vore meir i lag med henne enn du.

Men ho har sjølvsagt eitt fortrinn.

Ho er frisk.

Christa, om du vil at eg skal bli hjå deg, -

- så blir eg hjå deg.

Og eg ville aldri klandre deg for det.

Eg veit det.

Men kva liv ville det ha blitt, Rudi?

Eg kan jo ikkje kjempe mot ekte kjærleik.

Eg går opp på loftet. Eg må ta ned klesvasken.

-Du må ete først. -Seinare.

I morgon får vi diskutere skilsmissa.

Ungen vår hadde fylt tre år i dag.

Eg veit det.

Christa?

Kva for noko?!

Ja ...

Det er mi skuld.

Det er mi skuld!

Herregud!

-Gode gud! -Ro Dykk ned.

Ja. Eg seier ja!

Eva.

Eg hadde aldri trudd at De kunne bli hysterisk.

Eg er ikkje hysterisk. Eg takkar ja til frieriet Dykkar.

Eg seier ja. Vi kan gifte oss.

Om ein time går flyet mitt til München.

Beklagar, men du må flytte ut seinast måndag.

Det ordnar seg. Eg skal i møte med Kiepenbach. Dei er interesserte.

Jo, kvar har det blitt av rebellen? Svelg stoltheita di.

Tenk om eg ikkje kan elske dette barnet?

Då blir ungen like øydelagd som meg.

Du grublar for mykje, Jo. Gå heller på dans!

BALL PÅ GALANT

Nådige frue.

-Skal seie De strålar i dag. -Ja.

I dag skal eg kunngjere ei forloving.

-Men ikkje vår? -Fritz ...

Kan vi ikkje berre ha det som vi har det?

Dersom vi giftar oss, skjønar alle kva vi har halde på med i 20 år.

Greitt.

Dersom du føretrekkjer einsemda, blir dette avskilsfesten min.

Eg sluttar den 1. Eg har fått ei ny stilling hjå "Rumbablut".

-Monika. -Hei, Wolfgang.

-God kveld, Monika. -God kveld, Joachim.

Det går greitt.

Vil du danse med meg seinare?

-Får eg sjå billetten, unge mann? -Eg har ingen billett.

Eg tenkte meg det. De ville uansett ikkje ha sloppe inn med dei kleda.

-Karnevalsballet er først neste år. -Mor. Han er gjesten min.

-Kva gjer du her? -Eva.

-Veit du kva som har skjedd? -Ja. Ikkje snakk så høgt.

Det var så leitt å høyre.

-Vi kan ikkje snakke saman no. -Eva. Ver så snill ...

-Ikkje her! -Må eg takle dette åleine?

-De får unnskylde oss. -Du kan ikkje ... Eva!

Professor Fassbender. Kan De bli med meg?

Kjære gjester.

Får eg be om merksemda Dykkar?

Eg vil nytte høvet på dette ballet -

- til å kome med ei gledeleg kunngjering.

Eg er svært stolt over -

- å kunngjere forlovinga mellom yngstedotter mi Eva -

- og professor Jürgen Fassbender.

Får eg lov?

Monika.

Dette er stikk i strid med all rasjonell tankegang.

Eg er ikkje eingong i stand til å brødfø ein familie.

Eg er ein blakk og snart huslaus forfattar.

Eg skulle ha gått ned på kne, men ...

Eg har så vondt i kneet.

Eg vil gifte meg med deg. Eg kan krype til krossen hjå far om du vil.

-Vi kan reise til Burma i lag. -Joachim ...

Det passar dårleg no.

Kan du eigentleg danse no?

Eg såg i auga dine at du har behalde ungen.

Legen sa eg kunne tenkje på det i nokre veker til.

Eg har gått i meg sjølv. Vent, eg skal hjelpe deg.

Takk.

Eg trudde eg var den siste. Det skulle ikkje kome nokon etter meg.

Men kanskje det er feil? Eg vil vere far.

Eg kan gjerne gjere det offisielt òg.

Freddy.

Du taklar ikkje å vere innestengd. Du taklar ikkje faste forhold.

Eg er veldig glad i deg.

No går vi ut.

Monika.

Eg treng ikkje pengane lenger.

No går eg.

Men du er jo jenta mi?

Eg vil ikkje skiljast.

Eg skal aldri klandre deg, men eg forventar at du er diskré.

Eg vil ta farvel.

Eg dreg til Köln med Freddy. Til meisterskapen.

Lukke til, alle tre.

Joachim, det er noko eg må forklare.

Eg har forstått alt.

Er du galen? Kvifor gjorde du det?

Joachim!

Eg likar ikkje den historia lenger.

Ho luktar hemn.

Eg skal skrive ei ny historie.

Og ho handlar om ei merkeleg jente -

- som rett og slett ikkje vil gifte seg.

Korleis endar den historia?

Ho gjev sjølvsagt etter for presset og giftar seg med son til godseigaren.

Sonen som var blind i byrjinga.

Eg veit ikkje.

Historia vil ende godt.