Original subtitles

DANTZA Parisko Operako balleta

"Plié". Leun, leun.

Ireki.

"Dégagé".

Barrura.

Tente egon. Tente, tente, tente.

Ondo. Hanka atzera.

Atzera. Hasierako posiziora.

"Plié".

Hankak, leun-leun. Oinak, leun.

Leun. Bat, bi, hiru.

"Plié". Tente gelditu. "Balance". Tente gelditu.

Orpoak aurrera.

Beste aldea, mesedez.

Prest. Lehenengo posizioa.

Horrela zaudetenean, kanpora…

Horrela. Ederki.

Erne, horrek irekiago behar du.

Ederki.

Gehiago.

Bai. Ondo. Eta gero?

Trantsiziotik hasi berriz.

-Horrela? -Bai.

Gurutzatuago, hankarekin.

Hanka gurutzatuago.

Gehiago… Ondo.

Atzeraxeago.

-Atzerago? -Bai, pixka bat.

Ekin.

Julie, burua hor!

Lerroari eutsi!

Berriz zuen lerroetara!

Eta bat, eta bi, eta hiru!

Tira, Carole, aurrera!

Atayane!

Ez dago gaizki.

Orain hasieratik berriz, xehetasun batzuk lantzeko.

Poliki, ordea.

Arnasa hartu pixka batean.

Ez dago gaizki lehenengo aldia izateko.

Aparta.

Geldi. Zoragarria.

Ez du erortzeko astirik, bizkorregi da.

Igoera oso ederra egin duzue, baina jaitsierak zama handiagoa behar du.

Ulertzen didazue?

Besoen zama, behean daudenena, batez ere…

Igo… Ondo…

Eta berriz jaitsi.

Aparta.

-Deseroso dirudizu, Émilie. -Ez.

Horrelako zerbait egin duzu…

Berriz.

Zama…

Eta arnasa hartu…

"Soutenu" eginez. Arin.

"Relevé".

Diagonalago.

Hara begiratu.

"Temps levé!"

Ederki.

Bat! "Passé".

Belaunez.

Lehenengo taldea bakarrik.

Gehiago aurreratu zaitezte.

Honela.

Baina zu hor geratzen zara, eta gero ixten duzu.

Horrela behar du. Jaitsieran!

Zuk hau egiten duzu, eta gero saiatzen zara.

Hau dela uste baduzu… Hau da garrantzitsua!

Pasatu, eta aurrekoa da garrantzitsua.

Ez pasatu gehiegi hemendik, Laetitia.

Hori da! Jaitsieran aurreratu!

Ez! Begira!

-Ikusten duzu zer egiten duen? -Nik ez dut hori egiten.

Nik honela egiten dut.

Horra! Jaitsieran.

"Arabesque" bat egiten dut.

Jaisterakoan, orpoa aurrera.

Jaisterakoan, orpoa aurrera.

Hori da! Jaisterakoan, orpoa aurrera.

Bai, baina ez hortik.

Honela pasatu.

Aurrean.

"Volée" baten antzera.

"Arabesque"a pasatze huts bat besterik ez da.

Altxatu egin behar duzu.

-Hor ez dago "arabesque"rik. -Zergatik egiten duzu hau?

"Arabesque sur point" egiten ari dela uste du, baina ez.

Ia ez dago "arabesque"rik. Jaitsi!

Ez. Hau egitean, jaitsi.

Ez, ba. Jaitsi!

Ez. Laetitia, begira.

Zuk hau egiten duzu…

Nik, berriz, hau egiten dut, hau…

Eta, orain, nire jaitsiera hor dago.

-Bai, baina besoak… -Hor dago.

Honela egin behar duzulako.

Jaisterakoan, hortik pasatzen duzu hanka.

-Hor gelditu ordez… -Gehiegi estutzen nauzu.

Logikoa irudituko zaizu, egin ahala.

Ikusiko duzu, automatikoki egingo duzu…

Automatikoki egingo duzu, gorputza hor geratuko zaizulako.

Hori da, atzean utzi.

Askatu besoak, zeure kasa. Bai! Hori da!

Bai? Gustatu al zaizu?

2012rako edo 2011rako utziko dugu.

Astia behar da horretarako, baina Operako Balleta ohituta dago.

Denbora behar da horretarako…

"Coach" handia ere beharko da…

Elisabethi ere etortzeko eskatu diot.

Patrice Bart eta Clotilde Vayer…

…oso rol garrantzitsua izango baitu ballet hori berregiten.

Ballet-maisua da.

Asko entsaiatu ditu balletak.

Ballet-maisuen arteko jakinduria trukatze bat da, nolabait.

Patrice hor dago, noski, baina Clotilde ere gogotik ariko da.

Viviane Descouturesek ere parte hartuko du.

Inbertsio handi-handi bat dago hor…

Talde lan handia behar da ballet maisuen eta laguntzaileen artean.

Lan bateratua izan behar du.

Kontua ez da batzuk eta besteak adostea.

Elkartuta egon beharra dago obraren inguruan.

Ahalik eta lanik onena egin behar dugu denon artean.

Elkarren arteko emaitza hori ikusleei eskainiko zaie…

…haiek senti dezaten, esplikaziorik gabe.

Geldi. Gauza bera. Begira.

Horrela bukatu duzu: berarekin zeunden… horrela.

Oina ondo erakutsi.

Hanka tolestu, oina erakutsi eta, gero, "piqué" gainean.

Erne, hau gehiegi da.

Hemen, eta eskua luzatuago; ez gelditu, bi koilara dirudite eta.

Zer esan behar nuen?

Lehentxeago jaitsi, Hervé.

"Croisé"…

"Déboulé"…

Txikia, baina gurutzatuagoa.

Ikusten dut kontrastea nahi duzula.

Baina zorua ukitzea ere ederra da, bestela lauegia gelditzen da…

-…lehengo dantza bezala. -Ez, ez.

Zure dantza kalitate handikoa zen, dena ikusten zen.

Nire "plié"a oso sakona zen, baina hau ere polita da.

Chauvirék eta Noëlla Pontoisek ere orpoak jartzen zituzten.

Ukitze-errebote hori ez zait itsusia iruditzen.

Niri ez zait batere gustatzen.

-Ezta Balanchinek egina ere. -Niri, bai.

-Dantzatzeko modu berri bat da. -Badakit.

Emilie Saiguen eta Maria Tallchief, haiena oso bestelako kontua zen.

Zertxobait astuna, ordea…

Erraztasuna, horra.

Suzanne Farrellen akatsak dohainak ziren beste batzuentzat.

Hori da.

"Plié", geratu hor.

Hori da.

Ez du inoiz tolesten.

Hori da!

"Plié" egin beharko luke gelditzean.

-Hor ere bai, jaisten denean. -Bai, ba.

Agnes tentetu egiten da, ikusten?

Badakit zer esan nahi duzun.

Ederki.

Ondo, ondo.

Oso ondo, baina gauza bat…

Hor "jeté"…

…eta "plié"n iristea polita da.

Hanka altxatu behar duzu, metatarsoa baino aurrerago egoteko.

"Développé" bat egin…

"Développé" bat zoruan, ederragoa izan dadin.

Berandu zoazela irudituko zaizu, baina oso polita da.

Bai, berandu zabiltzalako irudipena izango duzu.

-Baina nota bakoitzak pauso bat du. -Nola?

Nota bakoitzak pauso bat du, baina lotu egin behar dira pausoak.

Ulertzen? "Jeté"tik zatoz… Erakutsidazu, bera gabe.

-"Glissade", "jeté" -Jarrerarik egokiena!

Orain zoruan, "plié"!

-Aurrean, errazago ateratzeko. -Hori da.

Bat.

Aurkeztu.

Bi, hiru.

Lau bigarrenean.

Bost. Sei.

Itxaron! Ikus dezagun hori.

Ez abiatu musika baino lehen. Badakit oin puntetan zaudetela.

Ez abiatu musika baino lehen.

"Relevé" 1ean edo 4ean baldin bada, ez da 1 eta gero "relevé".

Zehatzak izan horretan.

Erne egon zenbaketari.

Har ditzakegu bi…?

Alexandra, badakizu non zauden?

Hemendik hasita.

Mathilde!

Besoa goregi duzu. Beheraxeago.

Prestakuntzan, eta lehenengo diagonalean ere bai.

Hortik hasiko gara, neskak. Ikusten duzu non gauden, Caroline?

Eta gero, bi lerro osatu behar dituzue.

Bat, bi, hiru…

…lau, elkarrekin, geldi.

Bost, besoen irekiera harmonizatu.

Hiru, elkarrekin. Lau.

Bat, bi.

Gelditu hor.

Elkarrekin.

Besoak kontrolatu aldi bakoitzean, eta posizio berari eutsi zutitzean.

Zazpi.

Zortzi. Eta orain heda zaitezte.

Zertxobait luzatu, Caroline.

Zehatz!

Zehatz. Geldi.

Leun, orain. Aurrekoari jarraitu.

Besoa azpitik, Marie-Solène.

Denak batera… Hori da.

Bost, sei.

Horrela, ez, inolaz ere. Lehenengo aldia da eta.

Iritsi, eta horrela heldu: zuzen.

Eskuina, eta "pirouette".

Ez. Zuzen helduiozu.

Bai. Zuzen helduiozu, eta orain egin…

Beheregi daukazu hor. Beheregi.

Goragotik heldu behar diozu.

Horrela, horrela, eta gero igo egin behar duzu.

Horrela hartzen baduzu…

Hori da.

Baina ez duzu hain goian jarri behar.

-Urduri jartzen nau. -Zuzen eta eskuinera.

Poliki.

Hankak estuago, Malory.

Zabaldu "arabesque"ak, Marc.

Zuzen.

Pausoa aurrera.

Oso polita da zoruan bukatzea, ezta?

Eta ateratzen zaretenean, ia lortu duzue.

Ondo. Oharrak behar ditut, itxaron pixka batean.

Primeran.

Mugimendu hau ondo dago, baina gero lotura-arazo bat egon da.

Lehenengo aldian?

Bigarrengoan, atzera mugitzean. Honen ondoren.

Bai, hor.

Ikusagun zorura itzultzen zarenean.

Hori baino lehen. Barkatu.

Honen ondoren.

Erakar al dezakezu zuregana?

Hori da. Hori polita da.

Ez hain goiz.

Ikusi dut. Edo zu uzkurtu baino lehen.

Polita litzateke bereizten zareten lehen aldian…

…hau egin ondoren, zuk soinetik helduiozu…

…eta gero urrundu ezazu.

-Lehenengo aldian… -Zer?

-Hau egitean… -Bai.

-Elkarrengandik bereiziko gara. -Bai.

Elkarrengandik bereizi…

Saia zaitez bera harrapatuta edukitzen…

…eta gero aska ezazu; une batez besterik ez.

Arestian egin duzuna gustatu zait. Oso polita da.

-Behera? -Hortik ibiliko gara.

Bera helduko bazenu bezala.

Agresibo samarra da, eta ondo dago.

-Horrela, ez. -Ez da horrela?

Saiatu albo batetik heltzen.

Hori da. Naturala izan dadila. Tinkoa da, hala ere.

Zorura jaistea landuko dugu; baina ondo zegoen.

-Azkena? -Bai, azken pausoa.

Irristatu, irristatu…

Besoa azpian, polita da.

Hortik atera behar duzu.

Dantzariak nola aukeratu.

Gu egitura jakin batean sartuta gaudenez…

…ezin zara eskolara etorri eta hau esan: "Zu, zu, zu…"

Baina esan diezadakezu: "Hori nire gustuko dantzari mota da".

Eta ni, jakina, zure nahira hurbilduko naiz.

Nik honela dihardut hona datozkigun koreografo guztiekin.

Dantzari talde bat proposatzen diet.

Eta zuk esango didazu: "Hau gustatzen zait, hau gutxiago".

Talde batekin lanean has naiteke, eta gero…

-Bai, haiekin jatorra izateko… -Bizkor.

Ezin zara luzaroan aritu, haientzat ez baita atsegina…

Esan diezadakezu, baita ere, zer dantzari mota nahi duzun…

-Baina ezin bada, ezin da. -Kontua ez da ezin dela…

Ez duzu ideia garbi bat.

Bat ikusi, eta gustatzen zait, eta ez dakit zergatik.

Hau bai eta hau ez.

Kontua da… ez dakit.

Zu prest egongo al zinateke? Adibidez, hemen 15 dantzari…

Hainbat dantzari "izar" ere har ditzakezu, libre badaude.

"Libre badaude" ez da oso esapide egokia, baina tira…

Oraingoz, oro har… 15 dantzariz ari gara.

Baina gutxixeago izan litezke, gauzak nola doazen ikusita.

Ballet-taldeko dantzariez gainera…

…hainbat dantzari bakarlari ere izan litezke.

Koadro orokor horretara zuk zeure sormena ekar dezakezu.

Egiteko gogoz zaudena.

Ez zaitut ondo ezagutzen, zure lana ikusi eta gustatu zait…

Ez dakit, ezta ere, nola lan egiten duzun.

Nola lan egiten duzu?

Bai, baina ez dakit… Galdetuidazu zuk zerbait.

Nola lan egiten dudan?

Ez dut metodorik. Aldatu egiten da aldi bakoitzean.

Ez zait interesatzen gauza bera egitea.

Sormen-lan bakoitza desberdina da.

Dantzariak aukeratzeari dagokionez…

…zuek proposatzen didazuen metodoa jakin beharra daukat.

Nola izan behar duen jakin behar dut; ni, gero, moldatuko naiz.

Ez dut ondo ulertu zer alde dagoen ballet-taldearen eta…

-Oso konpainia hierarkikoa da. -Bai, ulertzen dizut.

Eskatzen baduzu, adibidez, ez dakit ba…

…Laetitia Pujol edo Aurélie Dupont…

…nahiz eta eskuzabalak diren eta onartuko duten…

…izan behar du zerbait oso…

…karrera-auto bat eduki eta orduko 10 kilometrora gidatzea litzateke.

Ez gara nahitaez emaitzaz ari…

Zerbait gehiago emango dizun jendea da.

Ballet-dantzari ikaragarriak dauzkagu hemen.

Oso-oso onak dira.

Orduan, ba…

Adibidez, Mats Ek-en errepertorioko ballet bat egingo dugu…

Berak ikusi du, eta pentsatzekoa da…

Eta dantzari-taldeko dantzariak hartu ditu rol garrantzitsuetarako.

Eta niri ondo iruditzen zait.

Batzuetan badira…

Lehendik bazeuden balletak dira.

Eta berak hurbildu nahi izan du…

…rol hori sortua zuten dantzariengana.

Garrantzitsua da talde bilaketa izatea.

Gero zatikatu egiten da, baina hasieran talde lana da.

Elkarrekin zerbait ulertzen saiatzen ari den talde bat.

Honetarako, saiatu honela jartzen…

Eta horrela jarri, tente geldituta.

Zorrotzagoa izan.

Ez jaramonik egin oinari.

Eta hortik, abiatu… eta hori da.

Ez egin hau.

Horra joan eta berriz itxi.

Ez.

Jar zaitez bigarren jarreran.

Joan!

Honek jirarazten zaitu.

Zuk, Émilie, hau egiten duzu.

Eta gero… Esajeratzen ari naiz.

Honela behar luke: hemendik…

Besoa ixten baduzu, gorputz osoa eramango dizu.

Ate batek bestera daraman bezala.

Hori da. Eta, bat-batean, batera iritsiko zara…

Har ezazu ondo hemendik.

Hortik horra joateko.

Hori da!

Lasai utzi gorputz osoa.

Beste behin egingo dugu.

Gelditu hor.

Ederki.

-"Attitude" atzera. -Bai.

"Attitude" aurrera makurtua.

Hori da!

Hori oso ondo dago.

Burua makurtu, aldiro.

Bizkor samar eta lehor samar.

Hor, hor, eta hor, besoa atzera.

-Eta burua, aldiro. -Saiatu burua kulunkatzen.

Min emango dizu, baina oso polita da.

-Horrela da, baina. -Oso latza da.

-Zergatik emango dio, ba, mina? -Horrela egin, bestela.

Bat, bi, hiru.

Oso ondo dago hori.

Horrela, oso ondo.

Jaitsi eta igo.

-Horrela, hobeto. -Esajeratu jaitsiera eta igoera.

Agnes, bira horiek belaunetik beheraxeago hasi.

Hori esaten didazun lehen aldia da hau!

"Beheregi" esaten didazu denbora guztian.

Ez, hain zuzen, beherago oraindik.

-Jaitsi aurretik? -Bai.

Ez dizut igotzeko esan, aitzitik.

Bira gehiago eta bizkorragoak egingo dituzu beheragotik hasita.

Saiatu behin, musikarik gabe.

Saiatu, musikarik gabe. Dibertigarria baita horrela egitea.

Lastertasuna da kontua.

Jaitsi, jaitsi, jaitsi! Hori da!

-Bikaina! -Oso ondo.

Hau da zure umeekin egin zenuen lehen esaldia, dena ondo zegoenean.

Hau, berriz, haiekin jolasten zinenean.

Eta, beharbada, hau…

…patua da, tragedia da, zure bizitza da, zuk egindakoa da…

Horren kontra ezin da ezer egin.

Horretaz balia zaitezke, beharbada.

Garrantzi handia du zuri une horretan buruan dabilkizunak.

Horrela, guk…

Eutsiozu kontaktu horri. Baina zure eskema ona da.

Orain dena bere lekuan dago. Orain zuri dagokizu dena.

Zure lana da, zure erantzukizuna. Gu lagun izango gaituzu…

…baina zure erantzukizuna da nola eraikiko duzun jakitea.

-Pertsonaia. -Dena daukazu.

Bikaina da, benetan…

Bukaeran keinu hau egitean, ez dakit zer daukadan buruan.

Une jakin batzuetan ezin da dena esplikatu.

Astuna dela sumatzen dut, neska honek dena berregin behar du…

Cocteauk badu esaldi bat, artistei merezimendurik ematen ez diena…

…baina "ikusleei dagokie batzuetan esplikatzea".

Batzuetan ezin da jakin. Zehatz definitu gabeko egoera bat da.

Baina testuinguruan sartuko zarela uste dut…

…odolez blai, aurpegia desegina egongo zaren orduko.

Piezaren segidak ere testuinguruan kokatuko zaitu.

"Pas de deux" arestian Wilfridekin egin duzun bezala egiten baduzu…

…gauzak dagoeneko maila jakin batean ezarrita dauzkazu…

…gainerakoa guk marraztu ahal izan dezagun…

…eta zuk ere bai. Hasieratik eraiki behar duzu zeure pertsonaia…

…eta, gero, geruzak erantsi.

Aurrera doala sumatzen dut.

Mailaz maila koherentzia bat sortzen da…

…eta azkenean gaian erabat sartuta zaude…

…piezak horra eraman zaituelako.

"Paquita"n rol mordo bat daukat.

Dantzari-banaketa hartuko dugu, ba.

Gehiegi direla iruditzen zait.

Ondo da. Ikusiko dugu.

Kasu honetan, "pas de trois" niretzat gehiegi dela uste dut.

Zer gertatzen da?

Gustatu ez zaizun liburu bat irakurri duzu?

-Nork irabazi du Ikaslearen Saria? -"Brodeck-en txostena"k?

Bai, Ikaslearen Goncourt Saria irabazi du.

Ez ginen horretaz ari, ordea.

-Deituko diot… -Literaturaz hizketan hasiz gero…

"Paquita"ren dantzari-banaketa nahi dut.

Dena konponduta edukiko duzu, noski.

Ez horixe! Aurrena zuregana etorri naiz; aurrena Jainkoarengana.

-"Pas de trois"… -Ez duzu egin nahi.

Ez, egia esan. Egiteko dudan guztiarekin…

Egin behar dudan guztiarekin, eta gainera hori…!

Rénaudek atzo deitu zidan…

…eta abenduan Mats Ek-en entsaioak hasi behar omen ditut.

Horrekin jota geratu nintzen! Esan nion: "Zer?"

"Ni?".

-"Hori ere bai?" -Ederki, ederki.

"Paquita"n "pas de trois" egin behar dut. Benetan, Brigitte…

-Ulertu dizut, ez kezkatu. -Ez dut nahi, zeren eta…

Ondo da. Hori konponduko dut.

-Eta zer gehiago? -Beste guztiarekin moldatuko naiz.

Beste guztiarekin moldatuko zara?

Baduzu trabaren bat.

Beldurra ematen dit…

Ez ditut jadanik 25 urte.

Ez dirudi, ba.

Egia esan, orain behar dut…

Ez duzu hori esan beharrik, gauza pila egiten duzu.

Bai, baina gauza batzuetan pragmatikoagoa izan behar dut.

Badakit hori ballet zaila dela, eta ez dut inoiz egin.

Badakit hori ballet zaila dela, eta ez dut inoiz egin.

Badakit ballet zaila dela, eta punta eta jauzi asko ditu.

Puntek eta jauziek izugarri zailtzen dute kontua.

Orain badakit hori…

…eta erne ibili behar dut lana tentuz egiteko eta ez pilatzeko.

Hor egin behar ditut ijitoa, bi bakarlari espainiarrak…

…gorteko dama, eta "grand pas" klasikoa.

Nik ez dut hori egin, baina egin duten neskei entzun diedanez…

…"grand pas"era iristerako, oso gogorra omen da.

Aurreko guztiaren zamak ikaragarri gogortzen omen du pauso hori.

Baina ez dituzu denak emanaldi berean egingo.

-Ez nuke nahi. -Ulertzen didazu? -Bai.

Ondo.

Ondo!

Oso ondo.

Honela egin: bat, bi, hiru…

Eta, gero, hau.

Ez da erraza.

Hemen zaude…

Eta bat, bi, hiru… Hau, eta ireki.

Ondo sartu zangoa, aldaka ere bai.

Aldaka jiratzen baduzu, oina jiratu eta aldaka ekarriko dizu. Hori da.

Lasaiago ere egin daiteke.

Honen ondoren… ea nola egiten duzuen…

Kontuz: hau egiten duzunean, beste hau hor dago jadanik.

Pixka batean arrastaka… Egizu.

Bai.

Baina…

Muriel, zu hona etortzean, beso hau erori egin behar zaizu.

Beranduago nahiago duzu?

Nire etxera etorriko zara?

Harreman baten hasiera!

Hori ez dago gaizki: "nire etxera etorri!"

Ikusten? Hori da.

-Baina badago zera bat… -Goregi egiten dut jauzia?

Bai, baina berarengan bermatu behar duzu.

Horrelako zerbait. Luzeago egin behar nuen, noski.

Hori da.

Horrela.

Biribil bat egin.

Natacha, hau ondo egiten duzu, baina gero… Ez.

Hemendik aurrera ere bibirila da. Dena biribila da.

Hori da.

Hemendik hasi behar duzue.

Hemendik, horrela egin behar da.

-Arraina? -Bai.

Zerekin? Saltsarekin?

Barazkiak.

Zerekin?

Semolarekin.

Hau ere bai?

Nik zer dakit.

Egun ona pasa.

Gazte, kaixo.

Hori nahi dut, barazki pixka batekin.

Oilaskoa barazki pixka batekin.

-Tori. -Leka gutxi batzuk.

Semola pixka bat. Eta couscousa.

Bai, ba. Tarteka, gorputza goxatu beharra dago.

4,14€.

Mila esker.

5 edo 4 eguneko bidaia bat salduko diegu "American Friends"i.

Alegia, 17an, 18an, 19an eta 20an.

Ados jarri gara bidaia honetarako.

17an "Welcome Opening Night Party" egingo dugu guztientzat.

18an, arratsean, gala izango da.

19an, "New York City Ballet" Bastille-n.

Eta 20an, "Robbin's emanaldia", hemen.

Hori guztia osatzeko, beste gauza batzuk antolatu ditugu…

…ikuskizunak ez baitira nahikoa.

Nik ere kontu batzuk esan nahi ditut horri buruz.

Non dago gure papera?

Hemen dago: "Welcome Dinner".

Harrera handi bat egin nahi diegu Estatu Batuetako enbaxadan.

Ba al dituzu entsaioak?

Mezenasek nahi dute…

Harrera bikaina egingo diegu Operan, jakina.

Era desberdinetako harrerak egin ditzakegu.

Estatu Batuetako enbaxadara ere joan nahi dute.

Ministerio batera…

Noiznahi eta berehala joaterik ez duten lekuetara, alegia.

Jende horrek, etorriz gero, horrelako gauzak nahi ditu.

Guk "Welcome Dinner" bat egingo dugu asteazken arratsean.

Buffet-afari bat gure amerikar guztientzat.

Ostegunean… egun horretarako enbaxadaz ahaztuko gara.

Ostegunean… amerikarrei asko guztatuko litzaieke, nonbait…

Hori ongileentzat da. Baina asteazkenean.

Hori asteazkenean da. Asteazkena ahaztu zait. Barkatu.

Esan zuk zer bururatu zaizun asteazkenerako.

Zuri bururatu zaizu eta.

Ongile handien talde bat izango da: 25.000tik gora dolarren emaileak.

Zerbait behar dugu haientzat.

Taldeko besteek baino zerbait gehiago.

-Pentsatu dugu… -Esan, ba.

-Otordu bat. -Oso ondo.

-Baina otordua baino lehen… -Zerbait gehiago sumatzen nuen.

Otordu eder bat emango diegu, bai horixe!

Talde hori goiko entsaio batera eramatea.

-"New York City Ballet"ena? -Ez, Parisko Operarena.

-Zenbat dira? -Ez dakigu.

-20 bat. -Hori oso zaila da.

Hori ondo sal dezakegu.

Zer ari dira entsaiatzen orain?

Robbins.

Izena nola du goiko aretoak?

-Petipa. -Goikoa Petipa al da?

Ez dugu lekurik hori behar bezala egiteko.

Oso estua da.

Eta Galako Piano Aretoa?

Batek edo bik eskatzen badute Petipa Aretora igotzea?

Bisita gidatu pribatu bat egiten badugu?

Aretoan zehar pasatuta.

Olivierrek oso ondo egiten du hori.

Aise imajina daiteke horrelako bisita bat…

Bi taldeak izango ditugu horrela.

Hori da. Horrela, ondo.

Ez dago gaizki.

Horrela, bisita gidatu bat egingo dugu estudioetan zehar…

…hori ez baitute ezagutzen.

Minutu batzuetako geldialdia egingo dugu balkoian…

Segundo batzuetakoa.

Balkoian, Piano Galako entsaioa ikusteko.

Otordua horren ondoren egin daiteke…

Ideia on hori honela laburbildu daiteke:

Bisita gidatu bat egin…

…estudioan geldialdi bat egin…

…eta Piano Aretoko entsaioan bukatu eta han nahi hainbat gelditu.

Hori irailaren 17an izango da, asteazkena, "Ongile Handientzat".

-Beraz, "Ongile Handiak"… -20 bat?

25.000 dolar amerikar dira…

…eta horren barruan: bi "trip package"…

Aipatu dizuedan "trip package"ak 5.000 dolar balio du bakoitzeko.

Beraz, horren barruan: bi "trip package"…

…eta, gainera, palku bat galarako, 6 aulkirekin.

Beraz, 4 lagun gehiago gonbida ditzakete galako emanaldirako.

-25.000 dolarreko ongileak. -Bai, haietaz bakarrik ari naiz.

5.000 dolarreko 2 "package" dituzte…

…eta 6 lagunentzako palku bat.

Beraz, galara 4 lagun gonbida ditzakete.

Dokumenturen bat baduzue?

Ez dugu ezer egin. Biok aritu gara lanean, dokumenturik gabe oraingoz.

Baina beste batzuei ere proposatuko diegu.

Bihar, otordu bat dugu Lehman Brothers-ekoekin.

Galan parte hartu nahi dute, nola edo hala.

"Robbins egitaraua" proposatu diegu Lehman Brothers-ekoei.

Baina "Robbins"ekoa osorik hartzen ez badute ere…

…bizpahiru "package" hartu ahal izango dituzte, beharbada…

…harreman publikoko operazio bat egiteko.

Hor jartzeko esan dizutelako mugitu ordez besoa…

…zentzu bat izan behar du zuretzat.

Bere buruari eusten saiatzen den jendea, alegia…

Horrelako jendea, eta, halako batean… badoa!

Hau horrelako zerbait da. Zu hor zaude…

Imajina ezazu hori.

Horrek zure umeak oroitzen dizkizu, eta, bat-batean, zu haiekin zaude.

Bai. Ondo. Hori da.

Hori daukat buruan. Oso ondo.

Hori da!

Jauzia garrantzitsua da, baina zure mugimenduaren ondorioa da.

Jauzi egitea, ez, zerbait bidaltzea da garrantzitsuena.

Hori da!

Ikusiko duzu. Orduan, ez duzu hainbeste indar egin beharko.

Une batzuetan, behin eta berriz jarri behar duzu…

Eta gero berriz.

"Hartuko banitu…

…horra zer egingo diedan".

Horretaz ere elika zaitez.

Mugimendu bakoitzari ezin zaio esaldi bat jarri…

…koherentzia bat du eboluzioan.

Bukatu da astea.

Hasteko, mila esker ballet hau ikusi duten guztiei…

…atseginez gozatu izana opa diet.

Niretzat, hau ere ballet bat baita.

Mila esker nire dantzari izarrari, Gergiev jaunari.

Bere zuzentzeko eran musika, dantza eta antzerkia erakusten baititu.

Mila esker Aurélie Duponti.

Hervé Moreauri.

Nicholas Pauli…

…sukarra zuenez, ez dago hemen.

Beste dantzari bati ere bai…

…bikain ageri baita hor.

Zuen baimenarekin, bat egingo duzuelakoan nago…

…Sasha Waltzi esan behar diodanarekin.

Sasha, eskerrik asko berriz ere. Eskerrik asko, eskerrik asko!

Ederki, erdiko lerroan.

Saiatu horraxeago egoten…

…eta gero, erabakitasunez, diagonalean.

Hori da.

Hori da. Hori ez geneukan.

Aparta!

Hori da. Oso ondo.

Hastera goaz.

Hasiko gara, bai.

Bai, hori da. Bikaina!

Askoz hobeto. Erabatekoa da!

Horrela egingo dut.

Hitz egin behar diozu.

Egiten duzun guztiak hau esaten duela dirudi:

"Etorri zara. Nik zainduko zaitut. Nik sendatuko zaitut".

Baina beharbada…

Baina aldi berean Medea zara.

Seinale bitxiak edo keinu anbiguoak egiten dituzu…

…laztanak izan daitezkeenak baina, baita ere, ebakiak.

Ez. Ebakiak izan litezke, baina…

X-gizonen historietan bezala.

Hor badira pertsonaia batzuk halako zerbait badutenak…

Maitatu egin nahi lukete, baina arriskutsuak dira, eta ezin dute.

-"Edorta Guraizeatzapar" bezala. -Horixe da!

Niri izugarri gustatzen zait musika mota hau dantzatzea.

Bost, sei, zazpi…

Zortzi…

Bat, bi, hiru, lau…

Bat, bi, hiru, lau…

Bost, sei.

"Pas de bourré" besterik gabe.

"Arabesque".

Bat, bi, hiru, lau, bost, sei.

Neskak erakarri, mutilok, zuek daramatzazue eta.

Eduki eskua bere gerrian, Stéphane.

Berarekiko kontaktuari eutsiozu.

Hirugarren aldiz.

Neska biraka.

Neska makurtzen.

Atzean gelditu…

…eta diagonalean desager zaitezte.

Hori da.

Azkar samar egin dut erakustaldia, baina aurrera egin behar dugu.

Jarri alfa horiek guztiak 50en.

-Segundoak? -114 2 segundotan.

12.

12 segundotan.

Gorri eta urdin pixka bat.

Gorria?

-Eta beste pixka bat… -Urdina.

72, 73, 74.

502.

200 5 kilotan.

Zer da alfa hori?

Ikusi duzu alfa hau? Zenbakia…

Alfa bat falta zaigu.

2213.

Ez, argia, ez.

Zein minututan daude?

Emaizkidazu alfa oso guztiak eta utz itzazu geldialdian.

Geldialdian utz itzazue.

Berriz hasiko al gara?

Itzuli 103ra.

"Piqué", "raccourci", "posé", "saut de chat".

"Piqué", "raccourci", "posé", "saut de chat".

"Piqué", "raccourci", "posé", "saut de chat".

Ezkerretara, 2, 3, 4, 5. 6.

Kaka!

1, 2, 3, 4, 5, 6, 7, 8.

Besorik gabe, erakutsi dizuedanaren kontrara.

Besorik gabe, batez ere.

1, 2, 3, 4, 5, 6, 7, 8.

Korrika!

Hobeto.

Ezkerretara gurutzatu.

Aurpegia eskuineko sorbaldara, Laetitia.

Ederki.

Biribilago, gurutzatuago.

Bai.

Aurrena gora, belauna altxatu ahal izateko.

Izterrak gurutzatu.

Atera ezkerreko hanka, Laetitia.

Bi hankak bizirik daude, lanean ari dira.

Jirabira oso ondo egin duzu.

Kanpora-kanpora joan beharra daukazu. Hori da.

Kalitate goreneko "pirouette" bat aterako zaizu.

Eduki.

Eduki.

Ederki.

Eutsi.

Eutsi.

Ez jarri gorputza goizegi zoruan.

Ez dakit zenbaketan galdu zaren…

…baina mugimenduaren kalitatea erabat aldatzen du.

Dena aldatzen du.

1, 2, 3, 4, 5, 6, 7, 8.

1, 2, 3, 4.

"Côté".

Txilinak!

Hor, bederen, buruarekin ezin baduzu.

5, 6, 7, 8.

2. zatian polikiago, hankak gehixeago altxa ditzaten.

Eskuinetara hasiko gara.

Behatz txikiekin egin hau.

Itxaron pixka bat, Simonet.

Ondo dago, Cora.

Goraxeago jauzi egingo zenuela espero nuen.

Gehixeago lehertu zaitez.

Ondo egina dago, alegia…

Eta hau honantzago ekarri.

Horrela, oso ondo. Atzean egon gabe.

Aldea dago: horrela eginez, zuretzat egiten duzula dirudi…

…baina horrela egiten baduzu, beste guztientzat ere egingo duzu.

Besoa gehiegi askatu gabe.

Horrela egotearen eta jarrera egokian egotearen artean…

…gutxiago interesatzen zait jarrera egokian egotea…

…harago joatea baino.

Baita besoa aldentzen bada ere honekiko.

Erritmo kontua da.

Hori da! Primeran!

Cora, gehiago luzatu besoak koroa egitean.

Hau ez da kritika bat edo akats bat…

…baina besoa gehiago luza dezakezu koroak egiterakoan.

Besoak ondo jarrita dauzkazu, baina lana hankek bakarrik egiten dute.

Ukondoak ere erabil ditzakezu.

Eta biratzen hastean, gauza bera, gorputza baizik ez duzu erabiltzen…

Ez duzu hau erabiltzen…

Ekin. Ireki. Hori da! Aparta!

Berriz egizu. Eta gero segida egingo dugu, Simonet.

Erabili musika, arnasa hartu.

Bizkarra tente.

Ekin.

Ederki. Ez dago gaizki, Simonet. Ez da erraza.

Eskuinetara egingo al dut?

Gure taldea XXI. mendekoa da.

Nire ustez, zuzendari artistikoa naizenez…

…nahitaez aurkeztu behar ditugu errepertorioko ballet handiak.

Obra-aukera zabal samar bat dugu.

Baina ez zintuzket mutilatu edo geldiarazi nahi…

…gaurko koreografoekin lan egiten zuei ez utziz…

…alegia, bizirik dauden koreografoak, ezagunak edo ez…

Guk ere parte hartuko dugu koreografo baten aurrerapenaz…

…eta harentzat ere ona da gurekin aritzea. Elkarrekikotasunez.

Ba, "kargu hartu didate", argotean esaten den bezala.

Nire ustez, jendeak estudioan dagoenean, orduan ulertzen du…

…horrek duen interesa.

Eta hori hitzaldiak baino garrantzitsuagoa da.

-Giroa eta joera, oro har… -Ez, ez…

Talde garrantzitsu bat da, artisten komunitate bat…

Aski da batek esatea: "Kezkatuta gauzkate gazteek".

Gazteak zoratzen daude Sasharekin lanean.

Gauza pila ikasi omen dute.

Hori entzun ondoren, gauza bat errepikatu nahi dut:

Gure programa hiru urterako da, arrazoi askorengatik.

Hasteko, eskubideen kontuagatik.

Gure errepertorioa 3tik 5 urterakoa da.

Etekina atera behar diegu Olivierek egiten dituen negoziazio sotilei…

…eta ballet horiek dantzatzen jarraitu beharrean gaude.

Ballet batzuk berritu egiten dira.

Beste arriskatuago batzuei berriz ekin behar diegu.

Gaur egungo dantza-ikastaro erregularrak badaude…

…eta oso gazte gutxi, oso jende gutxi joaten dela ikusten dut nik.

Jakin nahi nuke ea ikastaro horiek egokiak diren…

…edo ez diren egokiak, ea eboluziorik egon den…

Hori dena interesatzen zait.

Ez da salaketa, jendeak zer sentitzen duen jakin nahi nuke.

Nola kezkatu ballet klasikoaren oso mintzaira desberdin bat ikasteaz…

…ez baduzu inoiz gaur egungo dantza ikasi?

Nola lan egin jakiten denean…

…zer den "twist"a, zer den bihurgunea…

…eta orduan berotze-ariketak egiteko gauza ere bada dantzaria…

Nolanahi ere, koreografoei dagokienez…

Gure taldeak dena egin dezake? Bai eta ez.

Gauza batzuk ez nituzke egingo, nahiz izugarri gustatu.

Garbi esanda…

Gazteak teknika berriak ikasteko beldur omen dira.

Ez omen dira joaten teknika berriak ikasteko ikastaroetara.

Beraz, trukeak daudenean, eta hala behar du gure taldean…

…gogorarazi gazteei, nik egin dudan bezala…

…badutela baliabide eta informazio berriak eskuratzeko modua.

Hori existitzen da. Astean behin da, ezta?

Ondo dago hori gogoraraztea.

Carole, erdian!

Zoaz aurrera, Carole! Hori da.

Horrela, hobeto. Puntak goraldietan, neskak!

Ninon, puntak!

Atzera, Ninon!

Bigarrena, pasa.

Erne, ez daude ondo lerrokatuta. Hasi berriz hortik.

Geldi! Geldi!

Zeharo sakabanatu zarete.

Uste dut…

-Erdian egon behar du? -Ez, Ninon lerroaren gainean.

Zure kidea ikusten duzunean… orduan irten zaitez.

Eta lautasunez ez bukatu, neskak.

Eta igotzean, diagonalean denak.

Nabaritu dizuet handik ateratzean lautu egiten zaretela.

Elkartu zaitezte!

Hori da!

Hori da! Ondo!

Mugi! Mugi! Mugi!

Tira! Tira! Tira!

Hobeto.

Begira, Christine pozik dago!

Lerroa.

Jaitsi!

Ez igo gehiegi! Biribilduz!

Bizkarra atzean utzi, Aurélie.

Utzi bizkarra atzean "entrelacé" egin bitartean.

Besoak berandu, Christine!

-Geldi! Geldi! -Eskerrik asko.

Jendeak ez du ulertzen zer alde dagoen taldearen…

…taldea eskola batean oinarritzen baita…

…eta talde horrek bikaina izan nahi du.

Gilloten argazkia erakutsi nuen McGregoren balleta dantzatzen…

…neska puntetan dago, irekiera handi bat eginez…

Eta hori egiten saiatzea 45 urterekin…

Salbuespenak beti egoten dira, baina…

Eta horrek Maurice Béjarten esapidera garamatza:

"Erdi moja, erdi boxeolari".

Horretara emana egon eta aldi berean indar fisikoa izan…

…eta sasoia eta kemena izan…

Dantzaria aldi berean da lasterketako zaldia eta jockeya…

…edo lasterketetako autoa eta pilotoa aldi berean.

Beste gauza pila dago…

Hori dena irakatsi gabe gelditu da, eta nahaspila handia dago.

Kantariekin antzekoa da. Luzeagoa. Adin jakin batean, kitto.

Gu, berriz, 40 urterekin…

Gure taldeko dantzari batzuk 40 urtera ere ez dira iristen.

-Haiek 25 urterekin hasten dira. -Ez naiz karreraz ari…

…a zer tartea dagoen 65 urtetik dantzariaren erretiro-adinera.

Gelditu. Gelditu.

Marie-Agnès?

Michel, bigarren alditik has zaitezke?

-Hasiko al gara, Marie-Agnès? -Bai.

Ikaragarria da neska hau!

Ez al da lekuz aldatu?

Ez, lehengo lekura joan da.

Ez dago norabide egokian.

Diagonalaren ertzean egon behar du, Julien!

Estuegi! Ez dago lekurik!

Hori da. Hor leku egokian dago.

Berriz egingo dugu?

Besoak… Ez al diegu esan?

Motel, Julien.

Audricen bira ere motelegia da.

Alister, kaka! Aldi bakoitzean hori egiten duzu!

Gelditu! Gelditu!

Berriz lekuz aldatu zara, Alister?

Demontre!

Julien, eskema bera da beti!

Aurretik ondo ikasi, beti pasarte honetan gelditzen gara eta.

Diagonala han atzean hasi beharra dago.

Diagonala goragotik abiatu diagonal handi bat egiteko.

Julien, mutilen artetik pasatzean, garbi eduki non jarri behar duzun.

Benjamin, norabidea… Ez dakizu non duzun lekua. Ez duzu kontatzen…

Badakit ez dela erraza, baina aurre egin beharko diozu.

Barruko galtza hain luzea jantzi behar al zuen? Tira ba!

Zertxobait berandutu da.

Hori ez da nahikoa.

Bat nator.

Ez al da beheregitik hasten?

Utziozu, ea nola moldatzen den.

Behe samar dago.

Baina hiru bira egin ditu.

Hori bai ederra!

Begiraiozue horri!

Aparta!

Hain erraz, lotsagarria da!

Lan bikaina da!

Eta musikala da, gainera.

Punta erdia egiten dute denek lehenengo pausoan. Begira!

Den-denek.

Ondo!

Itxaron! Txantxa al da, Lucie?

Puskaka erortzen ari zaizu…

-Bera erori da? -Ez.

Ez, erori egin zaio.

Berriz hasiko gara. Azkenekotik.

Moztu dezala, eta kitto.

Ondo finkatu. Gelditu!

Zuzendu. Gelditu.

Ez altxatu hainbeste atzeko besoa, Sofia.

Progresiboa da, abiatu ahal izateko, bizkarrez.

Luzatu!

Urrun.

Behera.

Azentua beherago dago, bai.

Bosgarrena.

Bi horiek ikaragarriak dira…

Entxufatzea aski dute, hainbeste aldiz egin dute eta!

Pixka bat gehiago "bidaiatu" behar zenuke lehenengo gurutzaldian.

Geldi. Hortik hasiko gara. Muriel, ulertzen didazu? Zu Fannyrekin.

Aurrean zaudenean, gurutzaldia zabalago egin.

Lehenengo oinarri nagusia:

Enpresa publikoetako erregimen bereziak erreformatu egingo dira…

…alegia, erregimen bereziko erretiroei dagozkienak.

Ez bakarrik Opera:

Baita ere Comédie Française, Frantziako Gasa, Burdinbideak…

Erreforma hori, berez, ez da negoziagarria.

Erreforma egin egingo da, zernahi gertatzen dela ere.

Hala uste dut nik, beharbada zuek beste iritzi bat izango duzue.

Baina badira berezitasun batzuk guri dagozkigunak.

Beste batzuentzat ere badaude, baina ez ditugu orain aipatuko.

Gure berezitasunak, ordea, balia ditzakegula uste dut.

Zuen ordezkariek erakutsiko zizueten dokumentua…

…lan-ministerioak banatutakoa…

Eta hor ikusiko duzue negoziatuko diren gaien artean…

…1. atalak lanbideen berezitasunez diharduela.

Eta horregatik ezin dizuet gaur erantzun zehatz eta ziur…

…zer estatus izango duzuen erretiroa hartzen duzuenean.

Bi gauza esan diezazueket, ordea.

1: Brigittek eta nik landu genuenean…

…Parisko Operako Balleteko dantzarien estatusa…

…nahiko ondo moldatu ginen…

…eta ahalik eta estatus hobekiena lortu genuen.

Bigarren kontua: eztabaidan ari gara lan-ministerioarekin…

…dantzarien estatu bereziaz.

Baina hori ez da Operako beste lan kategorien egoera. Desberdina da.

Hau zuei bakarrik dagokizue.

Bi parametro horien arabera, uste dut…

…irtenbide bat aurkituko dugula erreforma horren baitan.

Eta erreforma hori egin egingo da, edozein kasutan, hori garbi eduki.

Zehaztapen bat esango dizuet zuen galderei erantzun aurretik.

Jakin beharra daukazue…

…erreforma horretan, bai gaur egun eta bai bihar…

…erretiro-pentsioaren kalkulua…

…eskubidea hasten den adinaren araberakoa da.

Eta dantzarientzat 40 urte da. Hori ez da aldatuko.

Ez dugu beste gauza bat negoziatuko hori ez baita aldatuko.

Hori eskuratua duzue.

Hori da gaur ziur esan diezazuekedan gauza bakanetako bat.

Eskubideak hasteko adina 40 urtekoa da eta izango da…

…balleteko guztientzat.

Zuek hau jakitea nahi nuke: zuek bezala nago, ez dakit.

Badakit, ordea, bai zuzendaritzak zer nahi duen…

…eta bai ahalegin guztiak egiten ari garela…

…ahalik eta estatusik onena lortzeko.

Nik ez jakiteak ez du esan nahi gauzak gaizki aterako direnik.

Aldi berean, eta orain "zuen kontrolpean" hitz egiten dizuet…

…estatusaren kontuak garrantzi handia du dantzari bakoitzarentzat…

…baina kontuan hartu behar da, eta hala esan izan didazue zuek…

…talde hau defendatu beharra, talde honen kalitatea, alegia.

Norberaren estatusa oso-oso garrantzitsua da, noski…

…inork ez baitu egoera desegokian erretiratu behar…

…baina badago beste kezka bat, garrantzi handikoa…

…gure dantza-eskolaren kontzientzia, alegia…

…zuetako gehienak hortik atera zarete eta…

…edo beste eskola batzuetatik ere bai…

Gure irakasbidearen indarra, belaunaldien eraberritzea…

…horri esker lortu baitu gure taldeak gaur egun…

…sasoiz sasoi eta aspalditik…

…ospea, arrakasta eta 300.000tik gorako ikusle kopurua.

Gure taldea munduko onena omen da.

Gu apalagoak gara, eta badakigu badaudela beste talde on-on batzuk.

Gu munduko onenetakoak izango gara eta hori ez da zori hutsez gertatu.

Uste dut bilera honetan garrantzitsua dela…

…dantzariek norberaren egoeraz kontzientzia hartzea…

…baina, baita ere, Parisko Operako dantzaria izatearen kontzientzia…

…eta horri dagokion kalitatearena.

Eta orain zuzendari artistiko gisa ari natzaizue…

…eta ez kanpoko administrazioekin jardun behar duen zuzendari gisa.

Balletak noizbait gaur egun duen kalitatea galtzen badu, akabo…

…bere berezitasunak ematen dion zama ez da existituko.

Ez, ez txalotu!

Horren berri eman jendeari, hori baita zuen indarra.

Eska ezazue ikuskizunaren egitarau osoa!

Atezaina, esan?

Denek ulertu zuten. Oso gauza ederra egin zuten.

Deskribatzerakoan oso bitxia gertatzen da…

…hilkutxa agertokian jarri zuten…

…eta Mauricerenak ziren objektu ederrak ipini zituzten.

Liburuak, sukaldeko aulkitxo bat…

…hori ez zen hain polita, baina dibertigarria zen.

Besaulki bat ere bazegoen…

…Molièrek "Irudizko gaixoa"n erabilitako besaulkiaren kopia.

Bazegoen Budaren estatua eder bat, Mauriceren aitarena omen zena.

Eta zer gehiago…?

Pailazo-janzki bat, berak ballet batean jantzi zuena.

Eta ez dakit zer gehiago…

Baina gauza ederra izan zen.

Ondo zegoen.

Ez geunden kritikatzeko jarreran, elkartasunezkoan baizik.

Bitxia zen, nolanahi ere… ez zegoen loturarik…

Hori zen berak nahi zuena.

Errausketa gaur goizean izan da, 9etan.

Nik joan egin behar izan dut, arazoak zeuden, greba zela eta…

…dantzariekin egon beharra neukan gertatzen dena ulertzeko.

Beraz, berehala etorri naiz, eta besterik ez.

-Kontuz, ez egin horrela. -"Arabesque"n?

Ez, "temps levé"n, diagonalean.

Bizkarra tente.

Bai, hori da.

"Assemblé" diagonalean egitean, aurreko hanka kanpoan geratzen da.

Gehiegi jiratzen duzu gorputza.

Horrela geratzen zara.

Ohiko tempoa baino motelxeago.

Bai.

Hobeto, José.

Lurreratu ere hobeto egiten zara, gorago joatean.

Bestela, behartu egiten duzu, berez etortzen utzi ordez.

Lehenengo aldiz normala da, honekin lotuta baitago.

Baina bigarrena…

Biak saia ditzaket.

-Heldu eta zorua zapaltzen duzu. -Bestearekin lotzen dut.

Horrela iristean… ba, ez naiz ondo geratzen.

Orpoarekin egiten duzun lana, berriz, asko gustatzen zait.

-Hau? -Bai, hori ondo dago.

-Segundo bat hartu hori egiteko. -Bai, bai.

Ikusagun ea birak lehenengo jarreran bukatzen dituzun.

Ondo dago. Hori ere bai.

Hobea dela uste dut.

Horrek zorua zapaltzeko arrazoia ematen dizu eta.

Behin goian egonez gero, hau egin dezakezu…

Ez da hau, hau eta hau… honela da: hau, eta gero hau…

Eskuineko eskua aurrera datorrenean bestea behera irristatzen da.

Besoek zaramatzate; hankek laguntzen dizute, noski.

Gutxiago da hau… hau baino. Hori da.

Ondo pentsatu beharra daukat.

Egizu beste behin, musikalki ziur egoteko…

…eta gero hasierari ekingo diogu berriz.

Horrela, ez…

Philippe, igo berehala Lifar aretora.

Philippe, igo berehala Lifar aretora…

…Benjamin Pech zain daukazu.

Laure Muret-ekin hitz egin dut, zeregin pila ditu eta.

Gauzak berriz orekatu nahian ari naiz, ez nahitaez zurekin…

…asko baitzarete egoera…

Eskaini zenidan agerraldi txikia eskertu nahi dizut.

Bada zerbait, aukera bat da.

Arrazoi duzu. Ederra al da bizitza?

Bai, ondo nabil.

Nire ahalmen guztiak hemen erakutsi nahi ditut.

Baliabideak badituzula uste dut, dohain handiak dituzu.

Lanean jarraitu behar duzu, baina ez lan egite hutsez…

…ahalik eta gehiena baliatuz lan egin behar duzu.

Besteei begira asko ikas dezakezu.

Ez da ona autokritikoegia izatea.

Ezta ere besteak gehiegi kritikatzea.

Begiratu, begira egon…

…halako artistaren edo bestearen gauza interesgarriak zureganatu…

"Intxaur-kraskagailua"ren entsaio nagusia oso interesgarria izan zen.

Gustatu zitzaizun?

Izugarri gustatu zitzaidan Laetitia Pujol.

A zer kontrola duen…

Bera bezala dantzatu nahi nuke noizbait…

Oso neska bizkorra da, gainera.

Baina oso teknika ederra du, baita ere.

Zeure kasa aritu behar duzu. Bide onetik zoaz.

-Ez duzu beldurrik izan behar. -Hobetu beharra daukat.

Bai, noski.

Baina azterketa gainditu nuenetik muga bat zeharkatu dudalakoan nago.

Dantzatzen jarraitu nahi dut.

-Ez duzu beldurrik izan behar. -Ez, ez.

"Ezin…" "ezin"… "Egin" egin behar da, batez ere.

Ondo ari zara. Begiratuko dut pixka bat gehiago.

Ez dut ondo begiratzeko betarik izan.

Ez naiz asko joaten eskoletara.

Baina ikusten zaitut noizean behin, eta pentsatu nuen:

"Ondo dagoela dirudi".

Tira, ez dut igarlearena egin nahi.

Primeran. Pozten naiz zurekin hitz egin izanaz.

-Utziko zaitut… -Ez, ez. Gustura egon naiz zurekin.

-Esan beharrekoak esan ditugu. -Nik ere zurekin egon nahi nuen.

Ederki. Argaldu egin zara, ezta?

-Asko zaintzen dut jatekoa. -Bistan dago.

-Baina lanagatik ere izango da… -Hala uste dut nik ere.

Ondo da.

-Egun ona pasa. -Zuk ere bai. Eskerrik asko.

Tira, ba.

ITZULPENA - AZPITITULUAK: Jon Muñoz