Original subtitles

MAX, nire maitea

-Nelson. -Bai, aita?

Erantzungo al duzu?

Amona baldin bada, esaiozu ez nagoela.

Esan?

Bai, kaixo.

Ez, ama ez dago… Ez dakit.

-Nor da? -Amarentzat da.

-Hélèneren etxean dago. -Hélène da eta!

Kaixo, Hélène? Margaret ez dago zure etxean?

Zure etxera joatekoa zen.

Iritziz aldatuko zuen.

Esango diot, bai. Agur.

Kaixo, Nelson.

Kaixo, zer moduz?

Ondo, eta zu?

-Non egon zara? -Hélèneren etxean.

Oso kontu sinplea da.

Zure emazteak etxebizitza txiki bat alokatu du.

Helbidea hemen daukat.

Nire emazteak etxebizitza bat alokatu?

Bai.

Auzo xume batean. 4. solairua, igogailurik gabe.

Tori.

Eta egunero joaten da hara.

Bi ordu arratsaldero.

Batzuetan, bi ordu eta erdi; gehiago, sekula ez.

Ia egunero, igandeetan izan ezik.

Maitale bat duela uste duzu?

Gure esperientziaren arabera…

…bai, baliteke maitale bat izatea.

Nor da?

Hor dago koska. Ez dakigu nor den.

Duela 10 egun ikertzen hasi ginenetik…

-…ez da etxebizitzatik irten. -Behin ere ez?

Behin ere ez, Jones jauna.

Nola egon daiteke norbait 10 egun etxean, sekula atera gabe?

Etxezuloa izango da, beharbada.

Arrazoi onak izan ditzake: edo poliziaren beldur egon…

…edo oso gaixorik egon edo oso ospetsua izan.

Bai?

Kantari baten kasua izan genuen.

Idolo bat zen, eta ez zen inoiz etxetik ateratzen.

Zu diplomatikaria zara. Ez dizut irakatsi beharrik…

…bizi dugun mundua gero eta arriskutsuagoa dela.

Aterpe bila gabiltza denok.

Giltzaren kopiarik eduki dezaket?

Teorian, horrelako gauzak debekatuta daude.

-Behar dena ordainduko dut. -Izan ere…

Hona gure fakturatxoa.

Ondo datorkizunean.

Ondo da.

-Zerbait esan nahi didazu? -Erregina etortzekoa da.

Orain?

Ez. Hiru hilabete barru, bisita ofizialean.

Sekretua da oraindik, baina jakin behar zenuela pentsatu dut.

Kultura-egitarau osoa prestatu behar duzu.

Ederki. Eskerrik asko.

-Lagundu diezazuket? -Oso atsegina zara. Mila esker.

-Asteburuan elkartuko al gara? -Ezin dizut ziur esan.

-Zer moduz Margaret? -Oso ondo dago.

-Zure baimenarekin… -Bai, noski.

-Ez esan ezer erreginaz. -Ez, jakina.

Misterioa argitzea lortzen badugu…

Bai, noski.

-Zer misterio? -O, ezer ez.

Margaret? Ni naiz, Peter.

Margaret? Entzuten didazu? Ireki!

Ireki, ez dago giltzatuta.

Jauna, andre honen senarra naiz. Zutitu, mesedez.

Ez izan beldurrik, ez dugu drama bat egingo.

Altxa zaitez. Ez dut armarik.

Non duzu arropa?

Jantzi zaitez eta hitz egin dezagun.

Nongoa da?

Nora zoaz, Peter?

Bakarrik zaudete biak?

Bai, noski.

-Eta beste egunetan ere bai? -Bai, beste egunetan ere bai.

Ezin dut sinetsi.

Guk noiz alde egingo zain daude.

Irreala iruditzen zait. Ondo ezagutzen zintudala uste nuen…

…eta bat-batean hau…

Kontua eskatuko duzu?

Gauza bakarra esadazu. Egiaz. Tximu hori zure maitalea al da?

Bai.

Baina hori pentsaezina da!

Margaret, zer gertatu zaizu? Zeharo erotu al zara?

Nekatuta nago, Peter. Goazen ohera.

Tximu baten maitalea zarela jakin, eta lotara joateko esaten didazu?

Ulertu egin nahi dut. Jar zaitez une batez nire lekuan.

Den-dena jakin nahi dut, hasiera-hasieratik!

Zer, adibidez?

Zure sexu-bizitza. Zer egiten duzu berarekin?

Nik ez dizut galdetzen Camillerekiko zure sexu-bizitzaz.

-Ez da gauza bera! -Bai da.

Zergatik aukeratu duzu tximu bat?

Berak ere ni hautatu ninduen.

Joango al gara?

Ez al duzu ezer utzi behar?

-Zenbat ordaintzen duzu hilean? -Zer?

-Etxebizitza. -Askorik ez: 2.000 libera.

Gelditu.

Ekar ezazu etxera.

Ez zara serio ariko.

Ez gara umeak. Konponbide bat aurkitu beharrean gaude.

Eta Nelson zer?

Gustatuko zaio! Ezin seriago ari naiz.

Denok elkarrekin bizi gaitezke.

Ezta pentsatu ere.

Zer egiten du gauez bakarrik?

Lo egiten du.

-Ziur nago ahal izango dugula. -Zer?

-Denok elkarrekin bizi? -Bai.

Jelosia inork kontrola ez dezakeen gaixotasun bat da.

Benetan jeloskortu nahi banauzu, uztazu hura dagoen lekuan.

Egunen batean, hara joan, eta eskopetaz tiro egingo diot.

Arrazoi izango duzu, beharbada.

Saia gintezke, beharbada.

Nelson!

Max! Poliki…

Zer moduz?

Zertxobait beldurduta dago.

Orain, atera. Poliki.

Ez izan beldurrik. Ez noa, Max.

-Max du izena? -Bai, Max du izena.

-Nor da? -Ni naiz, Maria.

-Kaixo… -Kaixo.

Egon lasai, egon lasai.

Maria! Hemendik.

Itxaron hor, atea irekiko dut.

Orain sar ezazue.

Tira, Max, mugi.

Tira, Max, atera. Max!

Ni joango naiz.

Kontuz ibili. Txinpantzeek oso gihar indartsuak dituzte.

Bai, badakit.

Zatoz, Max, zatoz!

Zatoz. Ez izan beldurrik.

Zatoz nigana.

Zer da? Gorila bat?

Ez, Maria, txinpantze bat da. Ez izan beldurrik.

Zatoz.

Bai, zatoz.

Hori da, Max, zatoz.

Sartu da!

Horra! Agur, jauna.

Maria, hobeto al zaude?

Kaixo, aita.

-Zer moduz zaude? -Ondo, eta zu?

Ondo nago.

-Gaur ez zara enbaxadara joan? -Ez.

-Ama non dago? -Gelan oraindik.

Maxekin?

Ondo al dago dena?

Itxaron pixka batean.

Margaret, ni naiz. Ondo al dago dena?

Bai, dena ondo dago, Peter.

Ez sartu orain.

-Ez duzu nire beharrik? -Ez.

-Laster aterako zara? -Bai, berehala.

Utz gaitzazu bakean.

Ez nuen uste hemen egongo zinenik.

-Zer dugu? -Margaretengana etorri naiz.

-Berriketa pixka bat egitera. -Berriketa… zertaz?

Zutaz.

Margaret ez dago etxean.

Sar naiteke, hala ere?

Norbaitekin nago.

Norekin? Detektibearekin?

Ez, detektibearekin, ez.

-Zer izan da zarata hori? -Ezer ez, sukaldeko zerbait…

Zertarako kontratatu duzu detektibe bat? Zer jakin nahi duzu?

Garrantzirik gabeko kontu bat.

-Kaixo, Nelson. -Kaixo, Camille.

-Zer ordutan etorriko da Margaret? -Ez dakit. Non dagoen ere ez dakit.

Emaiozu hau amari.

-Zerbait ezkutatzen didazu? -Ez, noski. Zer ba?

-Ikusiko al zaitut egunen batean? -Jakina! Bihar ikusiko dugu elkar.

Zer gertatzen ari den jakingo dut. Zin dagizut.

Agur.

Zergatik esan diozu ama ez dagoela etxean?

Nelson?

Nelson?

Nelson!

Non zaude?

Hemen!

Zer ari zara hor? Zatoz hona berehala!

-Begira nago. -Esan dizut horra ez joateko.

-Etorri hona! -Ez! Hemen geratuko naiz.

Gaur esperimentu txiki bat egingo dugu.

Hirurok gosalduko dugu.

Egia al da? Hona etortzen utziko diogu?

Bai.

Baina itxi itzazu egongelako ate guztiak.

Eta mugitzen ikusten baduzu, ez urduri jarri eta ez mugitu.

Beraren bila noa.

Max?

Max, zatoz. Hemendik aterako zara.

Zatoz.

Kaixo, Max.

Zatoz hona!

Nelson.

Eseri eta jan.

Max, zatoz!

Etorri gurekin mahaira.

Ondo, ondo.

-Max… -Begira.

Jan ezazu.

Zergatik?

Zer gertatzen da? Nork giltzatu du atea?

Nelson, ireki atea.

Esperimentu txiki bat egiten ari gara.

Kaixo, Max.

Bostekoa emaiozu, Max.

Zer moduz gaur goizean?

10 egun daramatza gure artean. Badu otorduak gurekin egiteko garaia.

Ez omen zaizkie umeak gustatzen.

Ez izan beldurrik. Ez da arriskutsua. Emadazu hori.

Maria, zer duzu aurpegian?

Ez dakit. Bat-batean atera zait.

-Medikuarengana joan zara? -Ez, jauna.

Joan behar zenuke.

-Ekzema bat dirudi. -Eta handitua du aurpegia.

Mugi, Nelson. Azkar, berandu iritsiko zara eta.

Zoologikora joan nintzen behin lagun batekin. Ez dakit zergatik.

Atentzioa eman zidan eta bera begira-begira egon zitzaidan.

Luzaroan egon zitzaidan begira.

Jaten eman nion eta oso ederra iruditu zitzaidan.

Biharamunean, bakarrik itzuli nintzen.

Eta ezagutu ninduen, eta berriz begira egon zitzaidan luzaroan.

Zaindari batek esan zidan kiebra jotako zirku bati erosi ziotela.

Baina zooan ez zegoen zoriontsu. Bakarti zegoen.

Ez zuen beste tximuekin harremanik izan nahi.

Zaindariak esan zidan merke eros nezakeela tximua.

Hori da dena.

Bat-bateko maitemina?

Harramazka txiki bat duzu hor.

Ez da ezer.

Ezin zuen beste egun bat aukeratu urtebetetzerako!

Ez ahaztu loreak.

Etxera joan nahi duzu?

Hélène, zenbat denbora! Ez zaizu ondo gelditzen?

Bai, ondo daukat.

Etorriko al zara? Bechteltarrak iritsi dira.

Nire etxera zatozela diozunean, noren etxera joaten zara?

Archibald itzuli da?

Ez.

Orduan, berri-berria da? Ezagutzen al dut?

Ez.

Peterrek ba al daki?

Barkaidazu, Hélène.

Esan?

Bai, ama. Ez, orain ezin dut hitz egin, gonbidatuak ditut.

Bai, bihar deituidazu. Musu bat. Agur.

-Goxoa dago? -Oso goxoa.

Hara! Collie bat dirudi.

Eta hori?

Hori kale-txakur bat da, nik uste.

Eraso didan piztia izugarri hori izango da.

Colliea gure bizilagunena da.

Aspaldi ez zaitugula ehizan ikusi.

Bai, oso lanpetuta nabil.

Erreginaren bidaia prestatzen?

Bai, baina…

Buldog bat ere badago.

Zer da garrasi hori?

Hori… izan liteke…

Maria!

Irekiko al duzu?

Gabon, jauna.

-Gabon. Zu al zara, Maria? -Sartu, mesedez.

Zer gertatu zaizu aurpegian?

Archibald jauna da!

Archibald?

Kaixo. Zure urtebetetze-afarira etorri nahi nuen.

Mila esker, Archibald. Oso atsegina zara.

-Noiz iritsi zara? -Aireportutik etorri berria naiz.

-Libanotik zatoz? -Bai. Kaixo.

Archie, blai zaude. Ez duzu arropaz aldatu nahi?

Ez, ondo nago.

Jaka, behinik behin, aldatu. Zerbait ekarriko dizut.

-Afaldu duzu? -Tira…

Bai, hegazkinean. Horri jatea dei badakioke.

Hegazkinetako janaria hobea izaten zen lehen.

-Kaixo. -Kaixo.

Kaixo, Archibald.

Postrea nahi duzu?

Zuekin batera egoteko, bai, nahi dut.

Maria, ekarri aulki bat eta beste plater bat.

-Bai, andrea. -Jantzi ezazu hau.

Lehenago iritsi behar nuen, baina eguraldi honekin…

…hegazkina atzeratu egin da, batera eta bestera ibili ondoren.

Astinaldi ederrak hartuko zenituen, ezta?

Bai, izugarriak.

Horra, Archibald.

-Eramazu hau. -Maria?

Zer gertatzen zaizu? Zer duzu aurpegian?

Ez dakigu zer den. Ez zaio gustatzen hori aipatzea.

Zer dira oihu horiek?

Animalia bat da.

Zein?

Asmatu.

Kanitxe zahar bat? Edo japoniar txakur bat?

Ez da piztia bat izango?

Ez. Max da.

Nor da Max?

Max da.

Tximu bat da. Txinpantze bat.

Ekaitzak eta txakurrek izutu egin dute, besterik ez.

Kafea orain aterako dizuet?

Tximu bat daukazue etxean?

Bai.

Ikusi egin nahi nuke.

Ez, mila esker.

Nik ere bai; jakin-min handiz nago.

Zergatik esaten didazu beti kontrakoa?

-Hona ekarri behar zenuke. -Ziur al zaude?

Zergatik ez?

Abisatzen dizuet handi samarra dela.

Sumatran, duela 10 urte, orangutan bat eduki genuen.

Ez egin bat-bateko mugimendurik eta ez oihukatu.

Egizue beste gonbidatu bat balitz bezala. Ez izan beldurrik.

Hor dator.

Max! Emadazu hori.

Ez mugitu, mehatxu bat dela usteko du. Eseri.

Max! Entzuidazu.

Orain egon lasai.

Bestela, gelara joango zara. Lasaitu!

Max, zatoz esertzera.

-Gabon, Max. -Gabon, Max.

Ez jolastu, Max.

Gizajoa, gelan giltzapetuta beti!

-Zenbat urte ditu? -Ez dakigu. Heldua da.

Txinpantzeak gizakiaren oso hurbilekoak omen dira…

Gure lehengusuak, nolabait esateko.

Sentitzen dut, baina ni ez naiz familia horretakoa.

Hara, ahaztu zait!

Goseak dago.

Hala uste al duzu?

Max, jan nahi duzu?

Hori ez. Geldi!

Garbia da? Esaten zaion tokian egiten du?

Oso garbia da.

Zuretzat da. Indusketa batean aurkitutakoa da.

Kristo Aurreko 2.000. urtekoa. Gustatzen zaizu?

Eskerrik asko, Archibald. Oso ederra da.

Urduri dago. Ez dago hainbeste jenderekin ohitua.

Eta ekaitza, gainera.

Zer ari da, ba?

Max, ez!

Nahitasun handia dio Margareti.

Bai, hala da.

Ez, Max.

Ez, Max.

Horrela al dago beti?

Arra izango da, noski.

Geldi.

Geldi!

Max, geldi. Nahikoa da!

Gelara eramazu, bestela afalondoa hondatuko digu.

Horra berriz ere txakurrak!

Urduri jartzen zaituzte azkenean.

Liluragarria da beti tximuei begira egotea.

Ez esan?

Gure iraganaren isla ispiluan ikustea bezala da.

Tximuak larrua jotzen ikustera etorriko da hona jendea.

-Bai zera! -Ziur nago.

Nire lagun dibortziatu bat bakarrik bizi da zakur handi batekin.

Horri buruz esamesaka dabil jendea.

-Txakurra bere maitalea dela diozu? -Ez da ezinezkoa.

Eta tximu batekin, zer?

Tximu batekin zer, zer?

Ezagutzen duzu tximuarekin larrua jotzen duen emakumerik?

Ez. Hori izugarria da!

Zergatik? Txakur batekin jotzea baino okerragoa al da?

Bai. Oso bizkorra da. Bizpahiru segundo eta kitto.

Benetan? Hain azkarra?

Begiraiozu zeure buruari.

Zuk larrua jo ahal izango zenuke tximu batekin?

-Zergatik galdetzen didazu? -Jakin egin nahi nuke.

Emakumeek sekretu pila izaten duzue.

Gustatuko litzaizuke ni tximu batekin txortan zu begira egotea?

Ez dut hori esan.

Zergatik ekarri nauzu hona?

Maria?

Zer esan dizu medikuak?

Alergia bat omen da.

Alergia zeri?

Tximu-ileari.

Ziur dago?

Medikuak hori esan dit.

Eta hortaz?

Banoa. Maletak prestatu eta banoa, gaur bertan.

Hain goiz?

Tximua botatzen ez baduzue, ezin naiz egun bat gehiago gelditu.

Oso larria omen da eta ilea galtzeko arriskuan nago.

Ulertzen didazu?

Entzun, Maria. Ezin naiz Maxengandik banandu.

Hain zakar, ez. Ulertzen duzu hori?

A ez? Orduan, banoa.

Gauean senarrarekin irten behar dut, hartu astebeteko atsedenaldia.

Dena konponduko da.

Nik irekiko dut. Baina gera zaitez gaur gauean, gutxienez.

Mesedez.

-Archibald? -Kaixo.

Kalera joatekoa zara?

Bai. Peter bulegoan zain daukat.

Hau Mischler doktorea da.

Urte askotarako.

Mischler doktorea psikia… psikoneurologoa da.

Hara!

Lagundu diezazukeela pentsatu dut.

-Niri lagundu? -Bai ba.

Mediku bat behar al dut?

Luzaroan egon naiz kanpoan. Hau dena nire errua da.

Zer esaten ari zara?

Mischler doktoreak gauza asko uler ditzake.

Oso kasu bitxiak ezagutu ditu.

Eta senarrak zaintzen ez zaituenez, nik zainduko zaitut haren ordez.

Zu kanpoan egon zarelako behar ote dut nik neuropsikologo bat?

Gauzak ez dira hain sinpleak.

Egia esadazu, gutxienez. Hainbeste ere zor didazu!

-Zergatik? -Adiskidetasunagatik!

Edo gure artekoa bukatu bada, esadazu!

-Esan dizut ba! -Zer duzu?

Indusketak luzatu egin zaizkit, baina zuk ere ez didazu idatzi.

-Berandu nabil. -Entzun!

Ulertzen dut bakarrik dagoen emakumeak gutizia bat izatea.

Zuk ez duzu zerikusirik horretan.

Ez dut zure jarrera ulertzen, eta zure senarrarena, gutxiago.

Tratamendu bat egin behar zenuke!

Saio gutxi batzurekin aski izango duzu!

Esan dizut ez zuela lorerik ekartzea merezi.

Bai, arrazoi zenuen.

Txakurra lasaitu da, nonbait.

Maxen presentziak urduri jartzen omen du.

Ohituko da.

Maria, hor al zaude?

-Peter, azkar etorri! -Zer gertatzen da?

Max desagertu egin da.

-Nork ireki dio leihoa? -Ez niri begiratu. Ni ez nengoen.

-Mariak, beharbada? -Edo Maxek berak.

Ikusi dut! Berehala etorriko naiz.

Zatoz, Max. Mutil txintxoa izan.

Ezin zara desordu hauetan kalean ibili.

Margaret kezkatu egingo da.

Mesedez, Max. Margaretengatik egizu.

Ez da txinpantzerik ageri, ez Parisen eta ez aldirietan.

Piztia handi bat da.

Benetan galdu bada, aurkituko dugu.

Nora joan daiteke tximu bat bakarrik dagoenean?

Jendea non galtzen den jakitea zaila izaten da; eta tximu bat…!

-Barkaidazu. -Eskerrik asko.

Beste norbait ezagutuko zuen, beharbada.

Ez.

-Kaixo, andrea. -Kaixo, Maria.

-Sendatuta dirudizu. -Bai. 3 egunetan dena joan zait.

Itzul al naitekeen galdetu nahi nizun.

Badakizu Maxek ihes egin duela?

Bai, atezainak esan dit. Horregatik etorri naiz.

Zuk ireki al zenion leihoa?

Ez, jauna.

Zatoz, Maria.

Agur, Nelson.

-Agur, laztana. -Agur.

Dena amets bat izan da.

Utopia moduko bat.

Dena ahaztea eta biziera normalera itzultzea izango da onena.

Badakit zaila dela.

Zerbait behar baduzu, hemen edukiko nauzu beti.

Maxekin ohituta nengoen.

Bera ere hasia zen zu maitatzen.

-Zerbait nahi duzu, andrea? -Ez, mila esker, Maria.

Itzuli da!

Max!

Non sartu zara?

Argaldu egin zara.

Dardarka zaude.

Gogotik hoztuko zinen!

Tori.

Sekula ez nauzu horrela maitatu.

Arratsalderako, Pompidou Zentroa bisitatzea proposatu dugu.

Baina erreginak nahiago izan du Compiègneko zalditokira joatea.

Gorentasun hori, jaun-andreok, hori da dena. Eskerrik asko.

Ondo al zaude?

Gero eta nekatuago dirudizu, urrundua.

Batzuetan alde egiteko gogoa izaten dut.

Etorri nire etxera. Han ez dizute trabarik egingo.

Beharbada, joango naiz.

Zatoz gaur gauean. Ezusteko bat prestatu dizut.

-Azkenean! -Barkatu, berandu nator.

-Sar naiteke? -Jakina. Sartu.

-Jan duzu? -Ez, baina ez naiz gose.

-Zerbait berotuko al dizut? -Ez, eskerrik asko.

-Edaten aritu zara? -Bai, pixka bat.

Peter, hau nire adiskide Roger da. Zoologoa da.

Benetan?

"Amorruz betetako animalia hori"

Liburu bikain bat idatzi du otsoei buruz.

Eta bi urte pasatu ditu Afrikako oihanean.

Bi urte eta erdi.

Berari zer galdetua izango duzu, noski.

Nik? Zer galdera?

Nik, behinik behin, badut bat.

Egon al da maite konturik emakumeen eta animalien artean?

-Bai, gerta daiteke. -Adibidez?

Txakurrekin gertatzen da; maiz samar, gainera.

Japonian, garai batean, maitasun historia eder bat kontatzen zuten…

…zaldi baten eta neska gazte baten artekoa.

Zaldi batekin? Eta animalia basatiekin?

Hori bakanago gertatzen da.

Kanadan, gerran, hartz batek bi emakumerekin egiten zuen maitasuna.

Eta tximuekin?

Tximuen eta emakumeen arteko benetako maitasun-historiak?

Bai.

Oso gutxi ezagutzen dira.

Gorilek bahitutako emakume erdi biluziena europar melodrama da.

Baina maitasun-konturik gerta daiteke?

Zaldiaren eta gaztearen artekoa bezala?

Tximu batekin gerta al daiteke horrelako zerbait?

Ez naiz sexuaz edo txakurrari zaion nahitasunaz ari.

Maitasunaz ari naiz.

Espezie berekoen artean bakarrik da maitasuna posible?

Zaldi bat maitemindu ote daiteke suge batez edo gereziondo batez?

Nik dakidanez, ez.

Baina emakume batekin gertatuko balitz, a zer liburu aparta!

Ezagutzen duzu horrelako harremanik? Tximu batekin-edo?

Ez, kasu berezirik, ez.

Izugarrizko gertaera izango litzateke.

Mikrofonoak jar litezke emakume horren logelan…

…eta kamera bat ere bai; haren baimenarekin, noski.

Best-seller ziurra.

Emakume batek izan lezake tximu batekin umerik?

Ezezko biribila.

Eskerrik asko, Roger. Oso interesgarria izan da.

Berandu da. Joan beharra daukat.

Laster arte.

Mila esker berriz afari goxo horrengatik. Agur, Jones jauna.

Zergatik ez didazu egia esaten?

Oraindik ez duzu hitz egin nahi zeure zeregin pribatuez?

Peter, Jainkoarren!

Gauzak nola dauden ikusita, benetan pozik al zaude?

Baliteke.

Zer esango zenuke…

…haren eta nire artean aukeratzea eskatuko banizu?

Biak maite zaituztet.

Eta aukeratzera behartuko bazintut?

Ezin nauzu behartu. Badakizu.

Zertan pentsatzen ari zara?

Zugan pentsatzen ari naiz.

Esan zenuen bezala, aise hil zenezakeen Max.

-Nik Max hil? -Inork ez lizuke kargu hartuko.

Inork ez zintuzke akusatuko.

Lehenik, nire maitalea delako.

Baina, baita ere, animalia bat delako.

Hona Maxen gelako giltza.

Hemen utziko dut.

Badakit ez duzula Max hilko niri min emateagatik bakarrik.

Baina hil nahi baduzu, hil dezakezu batere arriskurik gabe.

Urratu bat dut galtzerdian. Begira.

Etxera joan behar dut aldatzera. Lagunduko al didazu?

Ez, eskerrik asko, andereño.

Baina zu nire etxera etor zaitezke, beharbada?

Zergatik ez? 600 libera dira.

Hemendik.

Beti egin izan dut amets estilo honetako apartamentu batekin.

Non dago logela?

Itxaron pixka bat. Nola duzu izena?

-Françoise. -Françoise.

Eskatu behar dizudana bitxia irudituko zaizu…

Bai? Ez duzu halakoaren itxura.

Ez, ez, ez da niretzat…

Zatoz…

Giltza! Itxaroidazu hemen.

-Barkaidazu… -Ez horregatik.

Hona…

Max.

Kaixo, Max.

Berarekin maitasuna egitea nahi duzu?

Bai, horixe nahi dut.

-Eta zu begira egongo zara? -Bai.

-Begiratzea gustatzen zaizu? -Ez dakit, inoiz ez dut hori egin.

Horregatik begiratu nahi dut, hori nola den jakiteko.

Gorila bat da?

Ez, txinpantze bat da.

Eta txinpantze batek maitasuna egin dezake emakume batekin?

Bai.

Doblea kostako zaizu, ba.

Ondo da.

Max, poliki.

Oparitxo bat ekarri dizut.

Zehatz-mehatz zer egin behar dut?

Ez dakit.

Arropa erantzi eta etzan zaitez.

-Segundo gutxi batzuko kontua da. -Benetan?

Bai, nonbait.

Egin al du noizbait emakumeekin maitasuna?

Bai horixe.

-Behin baino gehiagotan? -Askotan!

Txintxoa da? Ez dit kosk egingo?

Oso txintxoa da.

Eta oso zoriontsua dirudi.

Nola dakizu hori?

Ondo ezagutzen dut.

-Jantzita utziko ditut galtzerdiak? -Zer iruditzen zaizu zuri?

Nolanahi ere, hondatuta daude.

Kaixo, Max.

Ikusten? Biluzik nago, zu bezala.

Itxaron, Françoise. Hartu hau.

-Frantsesez edo ingelesez? -Elebiduna da.

Ikusten? Hau zuretzat da.

Sagar batekin seduzitu beharra ez zait gaur arte inoiz gertatu.

Bai!

Oso ondo.

Utziko al didazu niri ere kosk egiten?

Uste dut ez nauela gustukoa.

Bai. Sentitzen dut.

Agur, Max. Gorrotorik gabe.

Nor da emakume hori?

-Camille? -Ez.

Puta bat zen. Maxentzat ekarri dut, ez niretzat.

Zer gertatu da?

Min emango lizuke Max beste emakume batekin oheratzeak?

-Oheratu al da? -Bai.

Ez dizut sinesten.

Ez, arrazoi duzu. Ez da halakorik gertatu.

Zer duzu, Peter?

Jakin egin behar dut, ziur egon behar dut.

Badakizu zer nahi nukeen? Badakizu zerk lasaituko nindukeen?

Maitasuna egiten duzuenean zuei bioi begira egoteak.

Inoiz ez!

Gaur gauean maitasuna egin nahi nuke zurekin.

Hala nahi baduzu…

Zer moduz zaude?

Ondo.

Ondo pasatu duzu?

Bai.

Berarekin bezain ondo?

Peter, ez!

Jakin egin behar dut! Bestela, erotu egingo naiz.

Ezin dut beste ezertan pentsatu!

-Nora zoaz? -Atzeko gelara.

-Zurekin joango naiz! -Ez!

Zergatik tematzen zara gu ikusten?

Ziur egoteko, ezin baitut sinetsi benetan jotzen duzuenik.

Zergatik? Zergatik ez didazu sinesten?

Niri min emateko esaten didazu hori…

…ni jeloskortzeko, baina ez da egia!

Berez, tximu hori ez da emakume batekin maitasuna egiteko gauza!

Katu edo txakur batekin bezala, elkar laztanka aritzen zarete!

Zin dagizut oker zaudela.

Utzidazu ikusten, ba. Behin bakarrik! Arren!

Giltza-zulotik begiratu, horrek berotzen bazaitu.

Oker geunden, ulertzen? Erabat oker!

Libreagoak, toleranteagoak eta zentzudunagoak izan gintezkeela?

Bai zera! Txorakeriak! Ergelak izan gara!

Jendeak niri barre egiten dit eta zu erotuta zaudela uste du!

Alegia, zeharo erotuta.

Dirua aipatu gabe!

Badakizu zenbat kostatzen ari zaidan tximuarekiko zure harremana?

Apartamentuko errenta, burdin hesia, garraioa…

…detektibea, albaitaria, jana: dirutza da!

Maitalerik garestiena baino garestiagoa da!

Beraz, adi entzuidazu.

Tximu hori pikutara joan dadila nahi dut. Argi dago?

Bera joaten bada, ni ere bai.

Ondo da! Zoaz nahi duzun lekura zure Max baliotsuarekin!

Baina adi-adi entzuidazu, hau garbi gera dadila nahi baitut.

Gaur gauean, bulegotik etortzean, ez dut haren aurpegia ikusi nahi!

Ulertzen? Ez dut haren aurpegia berriz ikusi nahi!

Ulertzen? Ez dut haren aurpegia berriz ikusi nahi!

Esan? Ama, zu zara! Mesedez!

Bai, ondo nago. Eta zu?

Lau sarrera eskatu nituen eta bi besterik ez dizkidate eman!

Non daude libre dauden sarrerak? Merkatu beltz bat dago ala?

Ixo, mesedez!

Beti gauza bera! Ziur nago berriz saltzen dituzuela.

Aspergarria izango da; hobe duzue telebista aurrean etxean geratzea.

Beraz, etxera joan, eta han ikusi erregina eta haren tximua.

Tximua? Zer esaten ari zara?

Zer? Zer esan nahi duzu?

Joan zaitezte. Ez dago leku librerik. Bulegoa itxita dago.

Baduzu tarte bat? Rogerrek zerbait esan nahi dizu.

Bai, zer?

Camillek zure emaztearena kontatu dit, den-dena.

Zure lekuan jartzen naiz. A zer aztoramena!

Ez diot, jakina, inori ezer esango…

Baina, beharbada, lagundu diezazuket.

Tximu hori interesatzen zait…

…eta haren ardura har dezaket, zuri traba egiten badizu.

Egoitza batera eraman dezaket, han zaindu dezaten.

Han ondo tratatuko dute, eta beste tximu batzuekin egongo da.

Eta nik tximua aztertuko dut, besterik gabe.

Oso baliagarria izango zaigu zure emaztea noizbehinka bisitan joatea.

Guri laguntzeko…

Zer esan nahi duzu?

Tximu horren jokabidea zehatz-mehatz aztertu nahi badugu…

…nire ustez, zure emazteak astean bitan…

-Ospa hemendik, putakumea! -Peter, oker zaude!

Ospa!

Tximu bat da…

Margaret?

Nelson?

Ba al dago norbait etxean?

Zer ari zara hor?

Margaret!

Noiz arte geldituko zara hor?

Gela honetan pasatuko duzue bizitza osoa?

Nelson, hemen betirako geratu nahi duzu?

Kalera atera gabe? Lagunekin egon gabe? Telebista ikusi gabe?

Eta eskola bihar?

Margaret, ireki ate hau!

Afaria sukaldean prest daukazu. Jan, eta kitto.

Gogoan duzu gaur goizean esan dizudana?

Bai.

Baina hemen geratuko gara, Nelson eta ni.

Zuk iritziz aldatu arte.

Ederki. Aski da!

Peter, erotu egin al zara?

Esan dizut zer nahi dudan: tximu alu horrek alde egitea.

Eta zuk bera joatea nahi ez duzunez, tiro egingo diot.

Ez!

Max!

Aita, ez ezazu hil!

Baztertu zaitez!

Max! Zatoz hona! Agerian jar zaitez!

Max, geratu hemen! Hil egin nahi zaitu!

Ez ezazu hil, aita!

Kendu erditik!

Ezkutatu, Max!

Peter, ez!

Gera zaitez hor. Ez hurbildu!

Max, bota eskopeta!

Zatoz hona.

Margaret, kenduiozu arma.

Eskopeta emadazu.

Ez ukitu!

Max, zer ari zara?

Utzi jolasak. Emadazu hori, tira!

Nelson, kendu erditik!

Giltza! Azkar!

Azkar! Bota ezazu!

Peter, kontuz!

Max, ez!

Giltza, azkar!

Max, nahikoa da!

Eskopeta emadazu! Emadazu!

Bala bat geratzen da!

Atera! Azkar!

Ireki, polizia!

Max, nahikoa da! Emadazu eskopeta!

Eskopeta emadazu.

-Jones jauna? -Bai?

Zutaz galdezka deitu digute.

Zergatik ez diguzu esan diplomatikoa zarela?

Hemendik, mesedez.

Ez. Nahiago dut hemen gelditu.

Zergatik?

Merezi dudalako.

Ondo al zaude?

Ondo nago.

Egun on, jauna.

Archibaldek Mischler doktorea bidali dit, neurologoa da.

Barkatu.

-Kafe bat nahi duzu? -Ez.

Nola dago Max?

Oso beldurtuta zegoen. Dardarka pasatu du gau osoa.

-Nelson eskolara joan al da? -Bai.

Max hil nahi nuen, horixe baietz.

Konturatu nintzen.

Baina bukatu da. Burua garbi daukat.

Hitz ematen dizut.

Ziur zaude?

Ez dut gehiago hori egingo. Zin dagizut.

Hartu eskopeta.

-Bota ezazu, nahi baduzu. -Ez.

Max ikusi nahi nuke. Ikus dezaket?

Zer iruditzen zaizu hau dena?

Nik? Ba…

Ezer berezirik, ez.

Barkatu, baina berandu nabil.

-Ba al zoaz? -Bai.

Oso ideia ona.

Joan beharra daukat.

Zergatik?

-Ama erori egin da. -Berriz?

Bai, baina oraingoan ospitalean dago.

Nik zainduko dut Max. Ez izan beldurrik.

Hobe du nirekin etortzea.

Ospitalera? Ez zara benetan ariko!

Fio al naiteke zutaz?

Lo dago.

Ez, garondoan ez du hausturarik.

Kolpearen aztoramena besterik ez da.

Hiruzpalau eguneko kontua izango da…

Nola daude hor gauzak? Nola dago Max?

Ondo dago.

Bai, dena ondo dago.

Orain jaten ari da, hain zuzen ere. Ez kezkatu.

Deituidazu bihar. Musu bat. Agur.

Ez du ezer jan.

Max, begira.

Zure herriko fruituak. Jan.

Zergatik ez didazu hitz egiten?

Behin bakarrik.

Oraindik haserre zaude nirekin?

Hau da zu eta ni bakarrik gauden lehen aldia.

Gu biok bakarrik.

Zer egin dezaket?

Zer egin dezaket zugatik?

Bai, ondo; jan eta lo egin du.

Dena ondo dago. Zoriontsua dirudi.

Bai, gaur da egun handia. Eguerdian iritsiko da aireportura.

Horixe joango naizela.

Zer moduz dago zure ama?

Gaur askoz hobeto dago.

Hemen oso ondo zaintzen dute.

Goraintziak bere partetik.

Bai, esango diot. Gaur gauean deituko dizut.

Erreginari harrera egitera doa.

-Bera da? -Bai.

Zergatik ekarri duzu hona?

Ezin zenion ezertan lagundu, eta…

-Ez al da arriskutsua? -Ez. Ikusten duzu.

Ez ahaztu inoiz animalia animalia dela.

Zertxobait suspertuko dut. Bitaminak emango dizkiot.

Baina zuhaitzak, ibaia, txoriak, basoa… hori ikusteko premia du.

Landara joateak on handia egingo lioke.

Eta zuei ere bai.

Jones andrea! Telefonoa zuretzat.

Esan? Bai, ni naiz.

Zer? Zer gertatzen zaio?

Tira ba…

Egia esan, ez du jan zu joan zinenetik.

Ez, ez dago gaixorik, baina ez du jaten.

Ez, dena probatu dugu. Ez du ezer jan…

Utzidazu berarekin hitz egiten.

Ondo da. Itxaron pixka bat.

Nelson, lagunduidazu Max eserarazten.

Telefonoa emango diot. Hitz egizu berarekin.

Zer ari zaio ama esaten?

Kantari ari da.

Kaixo, Nelson.

Gaixo dago.

Badakizu gaur gauean operara joan behar duzula?

-Opera? -Badakizu zer ordu den?

-Berdin dio. Ez naiz joango. -Zer?

Max gaixorik dago. Ezin naiz operara joan.

Erotu egin al zara? Erregina han egongo da!

Margaret? Ni naiz berriz.

Operako gaua ez al da gaur gauean?

Mugi, bagoaz!

-Orain? -Bai. Oraintxe bertan.

-Nora? -Amonarengana.

-Maxekin? -Bai, berarengatik joango gara.

Oker zaude, jauna. Hemen ez dugu abererik sendatzen.

Ez nator inor sendatzera, emaztearekin hitz egin nahi dut.

Bere amarekin dago: Ravel andrea.

-122. gela. -Eskerrik asko.

Ez! Ezin zara animalia batekin sartu!

Etxekotua dago. Oso-oso txintxoa da.

Ez, arautegia oso zorrotza da. Zure emazteari deituko diot.

-Nola du izena? -Jones andrea.

Itxaron hemen.

Jones andrea? Zure senarra hemen dago.

Bai, sarreran.

Ez, ezin da igo.

Ondo da.

Badator.

Eser naiteke? Astun samarra da.

Jar zaitez hor.

-Ez dezala ezer ukitu. -Ederki.

Lasai, Max. Margaret badator.

Lasai, lasai.

Hori da.

Horrela, Max.

Hemen naukazu.

Ez dut sekula ahaztuko egin duzuna.

Eta zure lana?

Oso ondo moldatzen dira ni gabe.

Horrela oporraldi labur bat izan dut, ezustekoa eta zoragarria.

On egin dit.

-Ateratzen utziko diogu? -Zergatik ez?

Zatoz. Ez izan beldurrik.

Zer polita den!

Etxean dago eta.

Animaliak askoz ederragoak dira libre daudenean.

Max! Nora zoaz?

Zatoz hona!

-Ondo zaude? -Bai.

Zer gertatu zaizue?

Zer ba?

Ez da inoiz libre egon. Inoiz ez!

Hori zer den ez daki.

Hemen naukazu…

…eta lagundu egingo dizut.

Amak jakingo ote du?

Jakin zer?

Maxen eta nire artekoaren egia.

Eta horregatik askatu ote du?

Nork daki egia, zuk izan ezik?

Eskerrik asko, hirurak etortzeak sendatzen lagundu dit.

Eta barkatu tximuarena.

-Noizbait itzultzen bada… -Berehala deituko dizut.

-Agur -Agur, ama.

Agur, amona.

Agur, Peter.

Eta eskerrik asko.

Zer dabilkizu buruan?

Max dabilkit buruan.

Hilda egongo da, beharbada.

Isilik egon.

Aita, zergatik ehizatzen du jendeak?

Zer gertatzen zaie? Zer esan nahi digute?

Zer gertatzen zaio Maxi?

Max sabaian dago.

-Autoko sabaian? -Peter, gelditu.

Ezin naiz autopistan gelditu!

Polikiago joan zaitez!

-Ez al da eroriko? -Dagoen tokian ondo egongo da.

Kaixo, Max. Zer moduz? Ezagutzen nauzu?

-Ezagutzen duzu? -Bai.

Maxek ere ezagutzen du, baina ez zen bere gustukoa.

-Maria. -Gabon, andrea eta jauna.

Ikusten? Erabat sendatuta nago.

Berriz hartuko nauzue?

Ez al diozu tximu-ileari alergia?

Ez. Medikuak esan dit ez dela Maxen errua.

Zuri dizut alergia.

Barkatu, jauna, baina zu urduri eta umore txarrez egoteak…

…eragin zuzena du nire azalean.

Begira, Max ukitu dezaket.

Musu ere eman diezaioket. Ez diot jadanik beldurrik.

Nola jakin, ordea, beti umore onez egongo ote naizen?

Noren partetik? Camille andereñoa da.

Barkatu, baina ez dago etxean.

Bai, bulegoan dagoela uste dut.

Bai, esango diot. Agur.

Gehiago?

Nahikoa jan duela uste dut.

-Nelson, ez al zaizu berandutu? -Bai, aita.

Zertan pentsatzen ari zara?

Txirrin-hotsa entzuten ari nintzela imajinatzen ari nintzen.

Atea ireki, eta polizia zen.

Maxen bila etorriak ziren.

Bizilagunen kexengatik.

Max giltzapetu nahi zuten.

Ez omen neukan Max nirekin edukitzeko eskubiderik.

Zaharregia da.

Arriskutsuegia.

Behin ihes egina da.

Eta zer egin duzu zuk?

Max nirekin edukitzen saiatu naiz.

Erregu egin diet…

…baina alferrik.

Beraz, eskopeta hartu…

…eta hil egin dut Max.

ITZULPENA - AZPITITULUAK: Jon Muñoz