Original subtitles

ÞÁTTARÖÐ ÚR SMIÐJU NETFLIX

Takk.

Fjöldi stungusára, skorin augun.

Þetta virðist vera sami morðinginn.

-Dánartími? -Það er erfitt að segja.

Kuldinn flækir málið. Ég myndi skjóta á nokkra daga.

Hún gæti verið fyrsta fórnarlambið okkar.

Miðað við blóðið frammi og förin aftan á skónum

þá hefur hann dregið hana hingað niður lifandi.

Fyrsta stungan var gerð þarna frammi.

Eins og þið sjáið þá dreifist blóðið

yfir talsvert stærra svæði en í hinum morðunum.

Hann stingur hana frammi

og dregur hana blæðandi á milli herbergja.

-Til hvers? -Það lítur út fyrir

að hann hafi sest þarna eftir að hafa stungið hana.

Til þess að horfa á hana deyja?

Nei.

-Það er herbergið. -Ha?

Hún átti að deyja hérna inni.

Þetta herbergi hefur einhverja sérstaka merkingu fyrir hann.

[sími hringir]

Kata.

Já.

Við þurfum að flytja líkið til Reykjavíkur.

Fá Miro með morgunfluginu frá Osló.

Er ekki kominn tími til

að Ísland eignist sinn eigin réttarmeinafræðing?

Hún þarf að þiðna svo við þurfum hvort eð er að bíða.

Þetta var Hákon. Hann er með vitni á næsta bæ.

Guð minn góður, hvað er eiginlega í gangi?

-[Arnar] Þekktirðu Brynju persónulega? -Nei ekki persónulega.

Hún keyrði svolítið fram hjá bænum

þegar hún var á leið upp á Valhöll,

fór þangað í labbitúra og svona.

Geturðu sagt okkur eitthvað um Valhöll?

Nei, ég veit ekkert mikið

en ég held að þetta hafi ekki verið góður staður.

Ég held þetta hafi verið algjört helvíti

fyrir þessi strákagrey.

Dóttir mín sagðist hafa séð hérna tvo bíla

keyra fram hjá um daginn.

Veitti því svo sem enga athygli

fyrr en bara þarna ég frétti hvað gerðist.

Pálína er aðeins á eftir í þroska

þannig að við þurfum að gefa henni smá tíma.

Já.

Ég fer til Brynju, sé ykkur þar.

-Ókei. -Pálína mín...

það eru komnir gestir.

Þau heita Kata og Arnar

og eru komin alla leið frá Reykjavík

og þau langar svolítið að spyrja þig út í það

sem þú sagðir mér um daginn.

Manstu eftir því sem þú sást?

Hún er stundum svolítið feimin við ókunnuga.

-Er þér sama þótt ég-- -Já, auðvitað.

Hæ, Kata heiti ég. Ertu svona flink að teikna?

Ertu búinn að teikna allar þessar myndir?

Langar þig til að segja mér

hvað þú sagðir mömmu um daginn?

Það sem þú sást?

Langar þig að teikna fyrir mig það sem þú sást?

Vá, takk.

Er þetta jeppi?

Flott. Sástu eitthvað meira?

Er þetta líka jeppi?

Nei, þetta er lítill bíll.

Bíll morðingjans.

Kannski, en þú getur ekki notað

myndina til að láta lýsa eftir bílnum.

Þú segir ekki.

Hvað heldurðu að séu margir litlir gráir bílar á götunum?

Það er samt skárra en ekkert.

-Ef krakkinn er að segja satt. -Já, þú ert svona hress.

Fjarvistarsönnun Ragnars stenst.

Hann var á Spáni þegar Brynja hvarf.

-Ragnar er saklaus. -Ókei, ég fer á bæjarskrifstofuna.

Hvernig gengur með Valhallar-strákana?

Við erum að byrja.

Ég ætla að athuga hvort ég finn eitthvað inni á LÖKE.

-[Erlingur] Er þetta Arnar? -Já.

-Má ég heyra aðeins í honum? -Erlingur vill fá að tala við þig.

Hæ, Arnar. Ég kemst bara í eina vél þarna uppfrá.

-Og? -Og, ekkert.

Bara, ég verð að komast í einkareknu vélarnar.

Bíddu aðeins.

Hákon, geturðu hjálpað Erlingi að finna

allar prívat öryggismyndavélar í bænum?

Að sjálfsögðu.

-Hann Hákon hringir í þig á eftir. -Kúl. Takk.

Hvernig gengur?

Það sá enginn gráan bíl.

Þeir eru bara að halda áfram að leita.

Ég bara skil þetta ekki.

Brynja, kurteis og ljúf. Fór aldrei neitt fyrir henni.

Það er heilt bæjarfélag í áfalli. Fólk er bara dauðhrætt.

Ég meina. Hver drepur gamla konu?

Já... Fyrirgefðu.

Gjörðu svo vel.

Hef svo bara samband við kollega þinn þarna.

Passar. Bærinn rak Valhöll fyrir ríkið

en ég er ekki viss um að gögnin séu til á rafrænu.

Það gæti verið niðri í kjallara. Lof mér að sjá hérna.

-Jú. Rekki fimm. -Get ég fengið að sjá þau?

Já, það ætti að vera hægt.

Þekktirðu Brynju?

Það þekkja allir alla hérna í Borgarnesi.

-Voruð þið vinkonur? -Vinkonur? Nei.

-Nú? -Við áttum okkar sögu.

Ég hótaði að kæra hana til lögreglunnar

þegar hún vann hérna á elliheimilinu.

Af hverju?

Hún var sjúkraliði á deildinni hans pabba

og vanrækti hann og aðra sjúklinga hræðilega.

Endaði á spítala hann pabbi.

Ég hefði átt að fara með þetta lengra.

Hérna er þetta, rekki fimm.

Kassinn um Valhöll er horfinn.

Öll gögnin um Valhöll

voru send niður í dómsmálaráðuneyti.

[Arnar] Já, ókei.

[Kata] Ég ætla að biðja Helgu að hafa samband við ráðuneytið.

Við þurfum að fá þessi gögn.

-Arnar? -Já.

Á ég ekki að pikka þig upp?

Heyrðu, ég tala betur við þig þegar þú kemur.

Heyrðu, hann er hérna hjá mér eigandinn.

Hvað á ég að segja við hann?

[Erlingur] Ég þarf að vita hvernig þjöppunarstaðla hann var að nota.

Ég þarf að fá hann á bak við og spyrja hvort hann sé

að nota H.264 eða MPEG-4 eða Motion JPEG.

Þú verður að tengja þetta við serverinn

af því ég er ekki að fá þetta í gegn.

Þú getur líka opnað þetta inn á USB-lykil.

-Bíddu-- -Ertu ekki með hann?

Ég skil ekki orð af því sem þú ert að segja.

Er ekki best að þú talir bara beint við hann?

Ókei.

-Bíddu... Fyrirgefðu. -Já.

Hann vill tala við þig um öryggismyndavélarnar.

Já, allt í lagi.

-Blessaður. -Halló.

Félagi minn hérna er ekki alveg að ná þessu.

Þú ert örugglega að nota H.264, MPEG-4

eða Motion JPEG sem þjöppunarstaðal, er það ekki?

-Nei. -Nú?

Þá verðurðu að fara á bak við og tengja mig inn í kerfið.

-Ég skil ekki-- -Þú getur notað USB-lykil

og ættir að finna fælinn á C-drifinu...

Hann vill tala aftur við þig. Ég held hann sé svolítið bilaður.

Sæll aftur.

Hákon, þú verður að fara á bak við og finna fælinn.

Ég er ekki að fá þetta í gegn hérna.

Hann ætti að vera á C-drifinu...

Er ekki bara best að þú komir vestur?

-Koma vestur? -Já.

-Nei, ég hef ekki tíma í það. -Ókei.

-Haltu hurðinni. -Ertu viss um þetta?

-Það er einhver að koma. -Hvað á ég að gera?

-Haltu bara. -Þetta er allt í góðu lagi.

-Hvað eruð þið að gera? Sleppið mér! -Þegiðu.

Gætirðu endurtekið þetta?

[Helga] Já, myndin er greinilega lykillinn.

Hugrún er að vinna í því

að leita að fingraförum á myndinni sem fannst hjá Ómari.

En okkur vantar myndina ykkar strax.

Halló! Ertu þarna? Kata? Arnar?

Eruð þið þarna? Svarið þið mér. Halló!

-Halló? -Já, við erum á leiðinni.

Er búið að tékka hvort Þór hafi fengið mynd?

Við erum að vinna í því.

Við erum að kanna það hjá Írisi.

Hvað segir dómsmálaráðuneytið?

Skjölin um Valhöll eru þar.

Það var gerð skýrsla um öll drengjaheimili landsins

fyrir nokkrum árum.

Fáum við þessa skýrslu líka?

Já, já. Hún á að koma í hús seinna í dag.

Ég talaði við manninn sem leiddi gerð hennar.

Það er sem sagt Pétur Alfreðsson,

núverandi ríkissaksóknari,

og hann ætlar að taka þetta allt saman...

Afskaplega mikilvægt að núna--

Já, við tölum bara betur við þig þegar við komum í bæinn.

Nei, Kata. Ég er ekki búin.

Eins og ég...

-Katrín, geturðu talað við mig? -Ég hef ekki tíma--

Núna, Katrín.

Hvað?

-Þú ákveður ekki hvenær samtöl okkar enda. -Ha?

Þú veist nákvæmlega hvað ég er að tala um.

Þessi rannsókn er á mína ábyrgð. Þú veist það.

Ég vil fá að vita allt, sama hvað.

Og ég vil ekki þurfa að segja þetta við þig aftur.

-Er það skilið? -Já.

Gott.

-Pétur er á leiðinni. -Pétur hver?

Ríkissaksóknari, Katrín.

[Arnar] Þú stýrir þessari skýrslugerð eða hvað?

Já, já. Ég var formaður rannsóknardeildarinnar á sínum tíma.

Annars held ég að titill skýrslunnar lýsi innihaldinu best.

Það voru öll drengjaheimili á landinu skoðuð.

Öll... Líka Valhöll.

Og hver var niðurstaðan um Valhöll?

-Já, bara fyrirmyndarheimili. -Engar athugasemdir?

Nei, í rauninni ekki.

Er það ekkert óeðlilegt svona í ljósi sögu þessara heimila?

Nei, ég held að fólk gleymi því stundum

að flest þessara heimila voru býsna vel rekin

og það á líka við um Valhöll

enda kemur það fram í skýrslunni.

[Arnar] Kaflinn um Valhöll er styttri en aðrir kaflar í bókinni.

Hvernig stendur á því?

Valhöll var bara starfrækt frá hvað...

byrjun árs 1936 til 1988. Þannig að...

Önnur heimili voru rekin í marga áratugi.

Við erum með ljósmynd sem var tekin á Valhöll,

sýnir tólf stráka

samt voru fjórir menn teknir tali fyrir skýrsluna.

Ég held að flestir hafi ekkert viljað tjá sig um málið.

Finnst þér það ekkert óeðlilegt?

Ég er bara ekki rétti maðurinn til að spyrja að því.

-Hvað meinarðu? -Ég var bara fenginn hingað

til að gefa ykkur innsýn í þessa skýrslu

þar sem ríkislögreglustjóri gefur í skyn

að Valhöll tengist þessum morðum.

Þú sérð enga tengingu?

Ég hef bara engar forsendur til þess að fjalla um morðrannsókn

sem ég bara veit ekkert um.

-Djöfulsins kjaftæði. -[Helga] Katrín.

Það er búið að fremja þrjú morð

og það þarf enginn að segja mér

að þau tengist ekki Valhöll beint þrátt fyrir þessa skýrslu.

Kata, er ekki allt í lagi?

Jú.

Ertu nokkuð að taka þetta of mikið inn á þig?

-Nei. -Gott. Ekki gera það.

Þú stendur þig vel.

Við erum öll að gera okkar besta.

[stelpan í myndbandinu öskrar]

-[Egill] Hæ. -Hæ.

Þetta er svakalegt, maður.

Vitið þið eitthvað hver þessi brjálæðingur er?

-Þú veist ég má ekki tala um þetta. -Nei, ég veit.

Þetta er bara eitthvað svo bilað.

Mamma þorir ekki lengur út úr húsi, sko. [hlær]

Ha?

-Ég talaði við Kára. -Og... Ókei. Og?

Við þurfum ekkert að hafa neinar áhyggjur af þessu.

Ókei, en hvað með þessi slagsmál og þetta vídeó?

Slagsmálin, það var ekkert og vídeóið...

Hann kannaðist ekkert við það.

Ég held að við höfum verið með óþarfa áhyggjur.

Ókei, það er gott að heyra.

-Takk fyrir að láta mig vita af því. -Það var ekkert.

-Við heyrumst. -Já, við gerum það.

-Gangi ykkur vel. -Já, takk.

-Bæ, bæ. -Bæ.

-Svenni. -Já.

-Geturðu hringt á leigubíl fyrir mig? -Ókei.

Ég ætla að fá einn bíl fyrir utan lögreglustöðina við Hverfisgötu.

Hvað viltu, Eyja?

Mig langaði bara til að hitta þig.

-Veit Leifur hvar þú ert? -Þú last bréfið frá mér.

Ég frétti að þú hafir heimsótt pabba.

Ég sakna þín

og ég held að Jóna hefði gaman af því

að kynnast frænda sínum.

Ég hef ekkert við ykkur að segja.

Fyrir fimm dögum?

Já, ég var hér. Ég sigldi út um morguninn.

-Eru kamerur á bátnum? -Auðvitað.

Snýr einhver þeirra þangað?

Já.

-Ég þarf að fá að sjá myndefni úr henni. -Ókei.

Þetta er úr kamerunni sem snýr út að bryggju.

Ókei.

-Geturðu spólað aðeins til baka? -Já.

-Stopp. -Ókei.

Geturðu ýtt á play?

Hann er að ráðast á hann.

-Bíddu... Geturðu spólað aðeins til baka? -Já.

Stopp.

Missti hann eitthvað?

-Hæ. -Hæ.

[Arnar] Þetta sýnir að Þór þekkti morðingjann.

-Alveg eins og Ómar og Brynja? -Einmitt.

[Kata] Það eina sem tengir þau saman er Valhöll, þar sem þau unnu.

Já, lítur út fyrir það.

Ég held að næsta skref sé að tala við alla drengina

sem voru á Valhöll.

Já.

Hugrún.

[Arnar] En hvað með Interpol gagnagrunninn?

[Hugrún] Nei, ekkert match.

Ókei, en hnífurinn passar við stungusárin?

Já, lengd og breidd samsvara stungusárunum.

Ertu viss um að það séu engin nothæf fingraför á myndunum?

Já, því miður.

-Fékk Þór enga mynd senda? -Ekki samkvæmt Írisi.

Hann gæti hafa fengið póst frá fyrrverandi.

Ég get alveg kallað á þig þegar niðurstaðan liggur fyrir.

Ég bíð bara.

Hvað er þetta?

Við byrjuðum nýlega að safna í DNA-banka,

æðstu ráðamenn og löggur og þannig.

Ef við skyldum þurfa á því að halda.

Fyrrverandi hennar Kötu vinnur hjá fyrirtækinu sem sér um þetta.

Blóðið á hnífnum er mennskt.

Við þurfum að bera þetta saman við fórnarlömbin.

Ókei, hvenær fæst niðurstaðan úr því?

Ég kem þessu strax í flug til Osló.

Ef þú hringir, þá er aldrei að vita

nema þetta verði tilbúið í dag eða á morgun.

Tala við þá.

Hvar er Kata annars?

[Helga] Sko, þetta verður að vera skýrt.

Það gengur ekki að þú sýnir því fólki

sem er að aðstoða okkur við rannsóknina vanvirðingu.

-Vanvirðingu? -Já.

Þú sást skýrsluna.

Þetta eru bara léleg vinnubrögð.

Allt sem stendur í henni er bara tón þvæla.

Það skiptir engu máli.

Þú hagar þér ekki svona, Katrín.

Ég hringdi í Pétur og baðst afsökunar

fyrir þína hönd og deildarinnar

og þakkaði honum fyrir hjálpina, Katrín.

Katrín!

Ef svona lagað gerist aftur

þá læt ég Arnar taka yfir rannsóknina.

Fyrirgefðu, Helga--

Veistu það, við megum bara ekki við því

að rannsóknin klúðrist

vegna þess að þú getir ekki haft stjórn á skapi þínu.

Er það skilið?

Já.

Gott. Það var ekki fleira.

Hver er staðan hérna?

Jóhann Arnarson, lést úr ofneyslu fyrir níu árum.

Bjarni Oddur Kjartansson hengdi sig fyrir 15 árum.

Ekki séns að Valhöll var venjulegur staður.

Það eru fjögur nöfn, tveir dánir.

Af hverju gengur svona erfiðlega að finna drengina

á þessari mynd?

Bara ekki komin lengra með það.

-Ertu með kontaktana á þessa tvo? -Já.

Hafðu upp á þeim. Ég þarf að tala við þá.

Já, ég geng í það.

-Hérna er vatnið. -Takk.

Komdu, elskan.

Ég er að reyna að finna út úr þessu.

Já, ekkert mál.

Hugrún, ég er búinn að hafa samband við Noreg.

Þeir eiga von á þessu.

Já.

Halló?

Þetta er lögreglan. Esther Jónsdóttir?

Er hún heima?

-Ert þú Fannar? -Já.

Sæll.

Arnar heiti ég,

einn af rannsóknarmönnunum í máli föður þíns.

-Mamma þín heima? -Hún er sofandi.

Geturðu vakið hana?

Ég þarf að tala aðeins við hana.

Já.

Mamma.

Vaknaðu. Löggan er hérna, vill tala við þig.

Mamma.

Þegar mamma sefur er ekki hægt að vekja hana.

Ókei.

Heyrðu...

Geturðu beðið hana að bjalla í mig þegar hún vaknar?

Ókei.

Heyrðu, ein spurning...

-Fékk pabbi þinn póst sendan hingað? -Já.

Já, ókei.

Gæti ég nokkuð fengið að sjá hann?

-Hey... Hvernig er Valkyrie? -Bara fínt, sko.

-Ég spilaði EVE heillengi. -Ókei, viltu prófa?

Nei, takk.

-Kannski seinna. -Kúl.

Spilaðirðu stundum við pabba þinn?

Hérna er þetta.

-Má ég? -Já.

-Hvenær kom þetta bréf? -Fyrir nokkrum vikum.

Þetta er ljósmynd.

-Skoðaðirðu hana? -Já.

-Þekktirðu pabba þinn á henni? -Já.

-Þekkirðu fleiri á myndinni? -Nei.

Veistu hvort pabbi þinn hafi átt einhverja óvini?

-Nei, ég held ekki. -Nei.

Það var einn náungi sem að...

réðst á pabba á Stjörnutorgi samt.

Hvernig þá réðst á hann?

Bara öskraði á hann og hótaði honum.

Já. Langt síðan?

Nei, svona tvær, þrjár vikur, eitthvað þannig.

Jú, heyrðu. Sýndu mér hvernig þetta virkar.

Ókei.

Sjáðu.

Síðan notarðu þennan til að byrja með,

Þú notar þennan takka,

heldur honum svona uppi og ferð svona áfram.

-Ef þú ferð niður... -Já.

-Prófaðu bara. -Ókei.

Síðan ferðu hraðar hérna.

Þá fer hann svona til baka. Prófaðu.

Þú verður líka að halda þessum uppi svo þú farir áfram.

Já.

Hæ.

Skoðaðu öryggismyndavélar á Stjörnutorgi fyrir þrem vikum.

plús mínus vika, og leitaðu að Þór.

Láttu Barnavernd tékka á aðstæðum Fannars Þórssonar fyrir mig.

Takk. Heyrumst.

-Kata, allt í lagi? -Ha? Já.

-Ertu viss? -Já, bara smá time out.

Þú ert ekkert að ofkeyra þig, er það nokkuð?

Þetta eru bara langir dagar.

Kata, það er eitthvað að bögga þig. Ég sé það.

Hvað myndirðu gera

ef Óli litli myndi lenda í slæmum félagsskap?

-Þú veist, seinna meir? -Hvað meinarðu?

Ef þú vissir að hugsanlega væri eitthvað...

-Æ, ég veit það ekki. -Kata, kom eitthvað fyrir Kára?

Nei.

Eða... æi.

Hann lenti í slagsmálum í skólanum

og ég veit ekki alveg hvernig ég á að tækla það.

Ég var næstum því búin að fá hjartaáfall.

Ég hélt að eitthvað hræðilegt hefði gerst.

Ekki hafa áhyggjur af honum, hann er frábær strákur.

Þetta er bara eitthvað sem strákar ganga í gegnum,

kallast hormónar.

En þú mundir gera allt til þess

að hjálpa barninu þínu, er það ekki?

-Ekki spurning. -Einmitt.

Þarna eruð þið.

Fann aðra mynd heima hjá fyrrverandi hans Þórs.

Ókei.

Frábært.

Úr því ég er með ykkur bæði. Komið þið.

Öll þrjú bréfin voru send frá pósthúsinu upp í Mjódd

-fyrir þrem vikum. -Ókei.

Það er einhver að fara í gegnum CCTV efnið þaðan.

Sjáið þetta.

Grár bíll hefur bakkað á grindverkið við Valhöll.

Bíddu... stelpan teiknaði mynd af gráum bíl, var það ekki?

Brotið afturljósið.

Ef Brynja hefur verið fyrsta fórnarlambið

Þá getum við leitað að gráum bíl með brotið afturljós.

Heimilisföng og símanúmer hjá Benedikt og Viðari eru komin.

Hvað segirðu? Hvernig eigum við að hafa þetta?

Hafa hvað?

Hvorn eigum við að tala við fyrst, Viðar eða Benedikt?

-Tala við sitthvorn. -Já.

-Hvorn viltu taka? -Bara Viðar.

Ókei.

Sæll Viðar, við töluðum saman í símann áðan.

Ég er frá rannsóknardeild lögreglunnar.

Eins og ég nefndi við þig

þá þarf ég að spyrja þig nokkurra spurninga

varðandi eitt mál.

Geturðu lýst Valhöll fyrir mig

og hvernig var komið fram við ykkur þar?

Ég veit það er langt um liðið og erfitt að rifja það upp

en það myndi hjálpa okkur mjög mikið.

Hvernig komið var fram við okkur?

Það fór nú bara eftir deginum hvernig skapi þau voru í.

Sumir voru barðir mikið, aðrir lítið.

Er þetta það sem þú vilt heyra?

Eða viltu heyra frá skiptinu þegar þau handleggsbrutu mig

fyrir að hella niður?

Eða þegar mamma og pabbi komu í heimsókn

á afmælinu mínu og ég var læstur inni.

Þeim sagt að ég væri í reiðtúr.

Eða kvöldið þegar einhver strákur var tekinn og...

[Viðar andar djúpt]

Hvar var lögreglan þá eða barnaverndaryfirvöld?

-Hvar voruð þið? -Ég var náttúrlega ekki--

Já, og allt í himnalagi núna, er það ekki?

Ég sagði þessum skýrsluhöfundum ykkar allt

og hvað var gert? Ekkert.

Má ég sýna þér eina mynd?

Þarna erum við, allir sem einn...

svo ungir og vitlausir.

Manstu nöfnin á einhverjum á myndinni?

Tommi. Hann var alltaf að strjúka.

Ég hefði átt að strjúka með honum.

Ertu í einhverju sambandi við hann í dag?

-Tomma? Hann hvarf. -Hvenær?

-Af Valhöll. -Manstu nokkuð hvers son hann var?

Nei, hann var bara kallaður Tommi.

Sumir strákarnir héldu að hann hefði komist í bæinn.

Ég veit það ekki.

Hann hefur bara horfið ofan í sprungu.

Hann bara gufaði upp.

Ég hringdi niður á stöð fyrir nokkrum dögum.

-Hringdirðu? Hvað meinarðu? -Já, já. Ég hringdi.

Beið og svo slitnaði sambandið. Svo að ég hringdi aftur. Beið.

Og þá var einhver kona sem tók niður rúmerið mitt.

Ekkert mjög skilvirkt kerfi hjá ykkur.

Það tók ykkur viku að koma hingað.

Ég hringdi og sagðist vera með upplýsingar um Valhöll.

Ertu til í að deila þessum upplýsingum með mér núna?

Viltu vita sannleikann?

Það eru allir á nálum út af þessu í kringum mig.

En ég er feginn að einhver tók að sér

að drepa þetta fólk, í alvöru.

Getur þú kannski sagt mér hvar þú varst 8., 14. og 15. nóvember síðastliðinn?

-Hérna. -Og getur einhver staðfest það?

Já, já. Kollegar mínir geta staðfest

að ég var hér alla þessa daga.

Ókei.

Hefurðu séð þessa mynd áður?

Valhöll.

Algjört helvíti á jörðu.

Manstu nöfnin á strákunum?

Jói.

Hlynur.

Tommi.

-Manstu full nöfn? -Nei.

Við vorum bara krakkar.

Og hvað með starfsfólkið?

Þór.

Ómar.

Og Brynja.

Já, svo var það Gummi.

-Gummi? -Já.

Hann vann þarna í nokkra mánuði.

Gummi var sá eini

sem kom vel fram við okkur strákana.

Og hann er ekki á myndinni eða...?

Nei, það var hann sem tók myndina.

[Hugrún] Ég er ekki búin að ná að fara almennilega í gegnum þetta.

Það er allt í lagi.

Segðu mér, var hann ekki í grænni úlpu

-þegar hann fannst? -Jú, passar.

Heldurðu að beinagrindin sé af þessum strák?

Hæ, þú átt ekki eftir að trúa þessu.

Kata. Það var annar starfsmaður.

Það var annar starfsmaður á Valhöll.

Við þurfum að finna hann strax.