Original subtitles

Nawawala?

Nagsabi sa 'min si Georgia

na hindi pa umuuwi si Sir Teddy.

No'ng gabing naghapunan po tayo dito,

nakausap ko si Tito Teddy.

Ang sabi niya, pupunta siya dito.

Pero hindi siya nakarating.

No'ng gabing nawala siya, nakita ko kayo sa labas.

Patricia, ano ba'ng gusto mong palabasin?

Wala kang sinasabi, pinagbibintangan mo 'ko.

Nasa'n si Sir Teddy?

Nawawala ho siya.

At may kutob kami na may nangyaring masama sa kanya.

Ate, makinig ka sa 'kin. Layuan mo na si Ricardo.

Mapanganib siya. Anak siya ni Cecilia Pineda.

Gusto niyang pagbayarin tayo sa nangyari sa nanay niya.

Wag kang mag-alala.

Isusunod ko kaagad ang anak mo.

Nandito na 'ko.

Paalam, Diana.

Anak, bakit?

Dis-oras na ng gabi.

Bakit mo tinatawagan si Ricardo?

Napa'no ho 'yong pasa n'yo, Pa?

A... Ito?

Wala. Nadulas ako sa labas.

Bakit mo ba tinatawagan si Ricardo?

May problema ba sa nanay mo?

Hindi po namin makontak si Mama, e.

Sila ni Sir Ricardo ang magkasama.

Pero kahit siya, hindi siya sumasagot.

Hindi rin naman namin alam kung nasa'n silang dalawa.

Nawawala din po si Tito Teddy.

Teka. Nagsabi na ba kayo sa mga pulis?

Ayan na naman kayong dalawa, e.

Masyado kayong nag-aalala.

E, di ba ginawa na 'to dati ni Diana at saka ni Ricardo?

Naglaho sila, tapos pagbalik nila, ano?

Kasal na sila.

Tapos 'yang Tito Teddy mo,

sigurado akong nagtatago na 'yan sa batas.

Iba ho 'yong kutob ko, Pa.

Ilang araw nang nawawala si Tito Teddy.

Pero bago mangyari 'yon, nagkausap pa kami.

Ang sinabi niya sa 'kin,

may importante siyang sasabihin kay Mama.

Ta's bigla siyang nawala.

At ngayon, saktong wala rin si Mama at si Sir Ricardo.

Teka. Ang ibig sabihin...

posibleng konektado 'yan.

Martin, ha.

Kung ano man 'yang naglalaro sa utak mo,

tigil-tigilan mo 'yan.

Diyos ko, mas marami tayong problema.

At kung hindi natin masosolusyonan 'yon,

pasensyahan tayo, Martin, ha.

Ano'ng ginagawa mo dito?

Ano talaga ang kailangan n'yo kay Sir Teddy?

Pumunta kasi kayo ng La Familia, hinahanap n'yo siya.

Pero wala siya do'n.

Hindi ba talaga kayo nagkikita?

Di ba, sabi ko naniningil lang ako?

Pero nagkausap kayo ni Ricardo, di ba?

Mukhang seryoso nga 'yong usapan n'yo, e.

Sige na, umalis ka na.

Sandali lang.

- Umalis ka na! - Ano koneksyon mo kay Ricardo?

Alonzo Police Station.

Sir, kailangan ko ng tulong.

Ano po'ng nangyari?

Sino po sila?

Ako 'yong asawa ni Diana Aragon, sir.

Sir. Nawawala siya, sir.

O, Jun.

- A... Bakit po? - Lalabas lang ako saglit.

- O, sige po. - Pag may dumating,

- papasukin mo sa loob. - Sige po, sir.

Boss.

- A... Bakit po? - Hello.

- Ito 'yong Agila Silva, 'no? - Opo, sir.

May appointment ako.

A... Umalis si sir, e. Pero babalik din daw po agad.

A... Gano'n ba?

Sige, pasok na lang po kayo.

- A, sige. Sige. - Sige po.

Sa loob na lang ako maghihintay, ha?

Sige po.

Bingo.

Ano'ng ginagawa mo diyan?

A... Sir, sandali lang.

A... Gusto ko lang ho makipag-usap, sir.

Akin na 'yan.

Hello?

Hello, Patricia?

Sir Ricardo, ano ba talaga ang nangyayari?

Bakit hindi ko kayo makontak ni Mama?

Sir Ricardo.

Patri... Patricia, may nangyari sa nanay mo.

Ano'ng nangyari kay Mama?

Sa kasalukuyan, nagaganap ang search party

sa paghahap sa CEO ng La Familia na si Diana Aragon.

- Ayon sa mga pulis, - Ma!

- Mahigit 24 oras - Mama!

Na siyang nawawala mula nang tumawag

- ang asawa nitong - Mama!

Si Ricardo Salvador.

Patricia.

Pahinga ka muna.

Diana!

Diana!

Sir, hanggang dito lang kayo.

Hindi ho kayong puwede pumapasok, sir.

Papasukin n'yo 'ko. Nandiyan 'yong anak ko.

Sir, pasensya na po. Hanggang dito lang kayo talaga.

- Hindi puwede. Papasok ako. - Sir, dito lang. Sir.

- Patricia! - Sir, dito lang. Sir. Sir.

Paalam, sir. Salamat po. Ingat.

'Nay, buti po nakauwi na kayo.

- 'Nay. - Bakit?

Nasa'n... Nasa'n ba tatay n'yo?

Umalis po si Tatay, 'Nay.

Pinuntahan si Ate Patricia.

Sumama po si Tatay para hanapin 'yong nanay niya.

- Andiyan 'yong anak ko. - Pasensya na, sir.

- Patricia! - Pasensya na.

- Sir, dito lang kayo. Sir. - Pa!

Patricia.

Ano? Ano'ng balita sa nanay mo?

Wala pa ho.

Puro na lang si Diana!

E, 'Nay, ano po'ng gagawin natin?

Hindi naman po sumasagot si Ate 'tsaka si Tatay

sa mga telepono nila.

Mag-impake kayo.

Bakit, 'Nay? Sa'n tayo pupunta?

Wala nang mahalaga sa tatay n'yo kundi si Diana at si Patricia.

Hindi n'yo ba nakikita 'yon?

Binigyan ko na siya ng maraming pagkakataon.

Pero mukhang namili na 'yong tatay n'yo.

Pero, 'Nay, sa'n tayo pupunta?

Huy, Jena. Wag ka nang dakdak nang dakdak.

Mag-impake na kayo! Bilis na!

Carlota.

Naiwan mo 'to sa kotse ko.

O.

O?

Ano'ng nangyari?

Salamat, sir.

Sir, sa tingin n'yo po, ano ba talaga ang nangyari?

May kinalaman po ba dito 'yong taong nagbabanta sa kanya?

Kaya nga, tama.

Alam naman natin na maraming gustong magpabagsak

o sirain si Diana.

Pero iniimbestigahan ng mga pulis ngayon

ang mga suspects.

At ako mismo ang nakatutok sa imbestigasyon na 'to.

Kaya humihingi ako ng tulong sa inyo

sa kung sino man ang nakakaalam kung nasaan si Diana.

Sana makipag-ugnayan kayo sa 'min.

Kung sakaling nakikinig

si Ma'am Diana Aragon, may gusto po ba kayong sabihin sa kanya?

Diana.

Mahal na mahal kita.

Hindi kami titigil sa paghahanap sa 'yo.

At sana bumalik ka na sa 'min.

Sa ngayon, hanggang dito na lang ang impormasyon.

- May mga katanungan pa po kami. - Babalikan namin kayo.

Hanggang do'n na lang.

Sir, pakiusap. Kahit ngayon lang po.

Sir! Para lang po sa mga impormasyon, sir.

- Babalikan kayo. - Parang-awa n'yo na po. Sige na.

Ma'am, sir.

Mahigit 48 na oras na mula no'ng nagsimula ang search operation.

Dahil malakas na malakas ang ulan,

nagkaro'n ng malaking landslide.

Sa ngayon, kailangan munang itigil 'yong paghahanap.

Sir, hindi pa natin nahahanap ang asawa ko.

Pasensya na po.

Mula ngayon po magfo-focus ang grupo

sa mga ligtas na lugar.

Sir, ngayon natin kailangang halughugin ang buong lugar!

Pa'no pag napahamak 'yong asawa ko

dahil sa nangyaring landslide?!

Tutunganga na lang tayo dito?!

Naiintindihan ko po.

Hindi n'yo naiintindihan

dahil hindi n'yo naman asawa 'yon!

Sir, hindi namin puwedeng isugal ang buhay

ng search team ko.

Delikado.

Kailan n'yo itutuloy ang paghahanap?

Kapag ligtas na.

Titingnan namin ang paligid sa mga ligtas na lugar.

Hindi puwedeng wala tayong gawin, sir,

habang nawawala 'yong asawa ko!

Hanapin n'yo siya, sir!

Ma!

Mama!

Ma!

Patricia.

Mas mabuti siguro kung umuwi na lang muna kayo.

Babalitaan na lang kita kung may impormasyon na

sa search operation.

Saan n'yo dinala si Mama?

Anong ginawa n'yo sa kanya?

Bakit ako ang sinisisi mo?

Dahil ikaw ang huli niyang kasama!

Una, si Tito Teddy.

Tapos ngayon, si Mama.

Sige.

Sisihin mo 'ko.

Oo, kasalanan ko 'to!

Kung sana hindi ko siya pinabayaan,

kung sana mas iningatan ko siya,

sana hindi siya nawala!

Patricia, hindi mo lang alam kung gaano ko sinisisi

sarili ko.

Nangako ako sa nanay mo na poprotektahan ko siya.

Hindi uubra sa 'kin ang palabas mo.

Mahahanap ko sina Mama.

At kung ano man ang binabalak mo,

sisiguraduhin kong hindi ka magtatagumpay!

Dahil naman sa landslide,

pansamatala munang itinigil ng mga awtoridad

ang paghahanap sa nawawalang negosyante na si Diana Aragon.

Sa kabila nito, patuloy namang inaalam

kung aksidente nga ba ang nangyari o may foul play

- Uy. Ano ba. Tama na 'yan. - Sa pagkawala ng CEO

- ng La Familia. - Niyaya na nga tayo kumain

sa labas ni G. Smith.

'yan pa 'yong pinagkakaabalahan n'yo.

Ano ba. Parang wala lang sa inyo, ha.

Nakakahiya kayo. Tama na 'yan.

E... Ito, 'Nay, o.

May panayam 'yong asawa ni Ma'am Diana.

Ano po kaya ang nangyari sa kanya?

Wala akong pakialam.

Sigurado ako pinagsisisihan na ni Martin

ang ginawa niya sa 'kin.

Carlota!

- Tatay. - Carlota!

- Sir, bawal kayo dito. Sir. - Papasukin mo 'ko.

- Kukunin ko 'yong mag-ina ko. - Kuya.

- Bitiwan mo 'ko! - Huy!

Ano'ng ginagawa mo dito, ha?

Halika na, umuwi na tayo.

- Halika na. - Bitiwan mo 'ko!

Hindi ka na ba nahihiya?

Pati 'yong mga anak ko dinala mo dito,

sa bahay ng ibang lalaki.

Ang kapal ng mukha mong magselos.

Ano? Kasal ba tayo?

Do'n ka! Do'n ka kay Diana mo!

Kung mahahanap mo siya.

Bakit dinadamay mo na naman si Diana?

Dahil matagal mo nang sinasalampak

'yong babaeng 'yan sa buhay natin.

Alam mo, kahit hindi mo sabihin,

sigurado ako, pag may nangyari diyan kay Diana at kay Patricia,

iikot 'yang tumbong mo at lalayasan mo kami.

O, hihintayin ko pa ba 'yon?

Tingin mo ba hahayaan ko

na makasama mo pa 'yong mga anak ko?

Ano ka ba! Mag-isip ka nga.

- Ano'ng nangyayari dito? - Mag-isip...

Carlota?

Isasama ko na pauwi ang pamilya ko.

- Hindi kami uuwi sa 'yo. - Halika na.

- Ano ba! - Umalis ka na

bago ako tumawag ng pulis.

Hoy, wag kang makialam dito, ha.

Pamilya ko 'to.

Ngayon, kung ayaw mong sumama, bahala ka.

Pero itong mga anak ko, kukunin ko sila.

- Halika na. - 'Tay.

Subukan mo. Subukan mo. Lalabanan kita.

Di ba, sinabi mo may kasalanan tayo?

Pag lumabas 'yon, tingin mo, ano'ng iisipin

ng pinakamamahal mong Patricia?

Bitiwan mo!

Babalikan ko kayo, mga anak.

Tabi!

Ricardo.

Attorney. Pakiusap, maupo ka.

Hinihintay kitang ipadala mo sa 'kin

ang napirmahang prenup.

Kakausapin ka sana namin ni Diana.

Kaya lang, ang daming nangyayari nitong mga nakaraang araw.

Napagdesisyunan namin noon ni Diana na bawiin ang prenup.

At habang hindi pa siya nakikita,

gusto ko lang siguraduhin na protektado

ang mga ari-arian niya.

May karapatan ako galing sa kanya.

Special power of attorney, pinirmahan ni Diana 'yan.

Gusto mong iproseso ko 'to?

Gusto ko lang makasiguro na ayos ang ari-arian niya

habang wala siya.

May problema ba?

Mas maigi siguro na hintayin muna nating mahanap si Diana.

Sige.

Wala namang problema do'n.

'Yon ay kung...

gusto mong malaman ng asawa mo ang tungkol sa lalaki mo.

Nangako ang mga awtoridad

na hindi sila titigil sa paghahanap

sa asawa ko na si Diana.

Napakabigat ng nararamdaman ko ngayon,

na nakikita kayong ganyan.

Nag-aalala kayo sa babaeng itinuring n'yo na ring ina.

Dobleng hirap ang nararanasan ko ngayon bilang asawa.

Pati na rin si Patricia, ang anak niya.

Sa pamangkin niyang si Georgia.

Pero nagpapasalamat kami sa inyong lahat.

Sana ipagpatuloy n'yo 'yong...

'yong dasal n'yo.

At alam nating lahat

kung nandito lang si Diana ngayon...

isa lang...

isa lang ang gusto niya.

At 'yon ang magpatuloy tayo.

Sinungaling!

Walang magpapatuloy hangga't hindi mo nilalabas

ang nanay ko!

Patricia, pakiusap, wag dito.

Bakit hindi?

Sabihin mo sa harap naming lahat!

Saan mo dinala ang nanay ko?

Ano'ng ginawa mo sa kanya? Ano'ng ginawa mo kay Tito Teddy?

Gawin natin maayos ang pagpupulong na 'to.

Bb. Dela Cruz, pakiusap, kumalma ka.

Kalma.

Patricia, umupo ka muna.

Patricia. Pakiusap.

G. Salvador, salamat.

At ngayon, may gustong kumausap sa buong La Familia.

Isang taong matagal na nating hindi nakikita.

Nakipag-ugnayan siya kanina,

at humiling siya ng isang pagpupulong.

Tatay?

G. Aragon, nakikinig na ang lahat sa 'yo ngayon.

Magandang hapon sa inyong lahat.

Pasensya na at hindi ako makakapunta diyan ngayon.

At patawad

sa hindi ko pagpaalam sa anak ko at sa pamilya ko.

Sa dami ng nangyari sa buhay ko kamakailan lang,

kinailangan kong umalis ng bansa.

Kailangan ko makapag-isip.

Pag-isipan ang mga ikinilos ko

at sa mga kasalanan ko.

Pasensya na talaga

sa lahat ng ginawa ko sa kumpanya.

Lahat ng binibintang sa 'kin,

pati na rin ang palihim na paglipat ng pera ng kumpanya,

totoo ang ginawa ko.

Pero hindi ko ginawa 'yon nang mag-isa.

Ang totoo...

sumunod lang ako sa utos sa 'kin.

Si Sir Ricardo.

Galit sa kanya si Tatay.

Hindi niya susundin si Ricardo.

Teddy, pakiusap!

Sabihin mo sa 'min kung sino'ng nag-utos sa 'yo!

Para mapanagot namin!

Ang totoong nag-utos sa 'kin...

ay si Ate Diana.

Siya ang nagpagawa sa 'kin noon.

Ang utak ng lahat ng ito ay si Diana Aragon.

Hindi totoo 'yan.

Hindi 'yon magagawa ni Mama sa La Familia.

Tito Teddy.

Alam mo kung gaano nagpakahirap si Mama para dito!

Para sa 'yo!

Para sa ating lahat dito sa La Familia!

Tatay, pakiusap!

Magsabi ka ng totoo.

Hindi Georgia! 'Yon ang totoo!

Teddy!

Huminahon ka sa mga bintang mo!

Hindi.

Matagal nang palugi ang La Familia

at matagal na tayong niloloko ni Diana.

Nasa 'kin ang lahat ng mga ebidensya.

Unti-unti niyang nililipat ang pondo sa operasyon

sa personal accounts niya.

Kinukuha niya lahat ng pera

bago pa tuluyang bumagsak ang kumpanya.

Hindi ko na kaya.

Kinukuha niya ang lahat sa La Familia.

At hindi ko na masikmura ito.

Hindi ko maatim na ginagamit niya 'ko,

at hindi na kaya ng konsensya ko.

Sige. Hanggang sa muli.

Sir Ricardo.

Hindi ko alam kung bakit nasabi ni Teddy 'yon.

Pero aalamin ko 'yon lahat.

Hindi ako naniniwala sa kanya.

Parang may pumipilit sa kanya, e.

Tinatakot siya.

Patricia, parang alam ko kung sa'n papunta 'to.

Pero hindi na ako papayag na pagbibintangan mo ako ulit.

Nakita mo kung sa'n 'yong Tito Teddy mo, di ba?

Nasa ibang bansa, nagpapakasarap.

'Yon ba ang tinatakot?

Hindi ko alam kung paano.

Maraming hindi nagtutugma sa mga nangyayari.

Pero lahat ng 'yon, konektado sa yo.

Alam mo Patricia, mahaba ang pasensya ko sa 'yo

dahil anak ka ni Diana.

Pero wag mo akong sagarin.

Dahil nauubos din 'yon.

Nagbabanta ka ba?

Ano'ng gagawin mo sa 'kin pag naubos ang pasensya mo?

Mawawala rin ba 'ko?

'Nay, puwede ba tayong mag-usap?

Wala tayong dapat pag-usapan.

Siguro tayo, wala.

- Pero kayo ni Papa... - Ano ba'ng kailangan mo?

Kailangan ba talagang umabot sa ganito?

Anak pa rin ni Papa sina April at Jena.

Baka naman puwede n'yo pang ayusin.

E, pa'no kung ayoko na?

O.

Ayaw ko kasing iwan 'yong mga anak ko

sa pabayang ama.

Alam kong maraming pagkakamali si Papa.

Buti alam mo.

- Marami siyang pagkukulang. - Hmm.

Pero alam din natin na mahal na mahal niya

'yong mga kapatid ko.

At sigurado akong gusto nilang makasama si Papa.

Diyan ka magaling, e.

Ano'ng pinapalabas mo? Ako na naman 'yong masama?

Ang sa akin lang,

kailangan rin kayo ni Papa sa tabi niya ngayon.

E, pa'no ako?

Wala siya sa tabi ko no'ng kailangan ko siya.

G. Smith.

Ricardo.

Gusto kitang makaharap

para pag-usapan ang ilang mga bagay.

At tungkol saan 'yon?

Bale, iniisp ko, baka interesado ka

na makakuha ng shares ng kumpanya.

Bakit ko naman gagawin 'yon?

Bale, magkakaroon ka at ang Burger City

ng malaking kalamangan sa Pilipinas sa hinaharap.

Ibig kong sabihin, isipin mo na lang na isa kang shareholder

ng isa sa mga pinakamalaking kumpanya sa bansa.

E pa'no na ang nangyayari sa kasalukuyan?

Ang mga tao sa likod ng pagbagsak ng La Familia

ay wala na sa eksena.

Ang ibig kong sabihin, nakita mo na kung pa'no ako magtrabaho.

Alam mong kaya kong paangatin muli ang La Familia.

Ang kailangan ko lang ay ang shares mo

at ang kooperasyon mo.

At ano ang makukuha ko mula rito?

Sinisuguro ko sa 'yo na kaya kitang payamanin pa.

Ano'ng masasabi mo do'n?

Pag-iisipan ko.

Ayos.

Mama!

Enzo!

Alam mo ba kung nasaan si Patricia?

Kanina ko pa siya hinahanap.

Ano'ng kailangan n'yo sa kaniya?

Alam mo ba kung ano'ng ginagawa niya ngayon?

Bukod sa pagtatrabaho niya dito?

Nag-aaral. Wala, 'yon lang.

Sigurado ka?

Wala kayong ginagawa laban sa akin?

Mag-ingat ka sa tinutulungan mo, Enzo.

Sino?

Si Patricia?

Sa kaniya ba talaga dapat ako nag-iingat?

Bibigyan kita ng tsansa para suportahan ako.

Magtulungan tayong dalawa para iligtas ang La Familia.

Iligtas?

Iligtas o pabagsakin?

Ang bulag na katapatan ay nagkukubling katangahan.

Bakit? Kilala mo ba talaga si Diana?

Kilala mo ba talaga ang nobya mo?

Sisiraan mo talaga sila sa akin?

Hindi na gagana 'yan.

Dahil kilala ko na kung sino ka talaga.

Anak ka ni Cecilia Pineda.

Marami kang hindi alam sa totoong nangyari.

Ano'ng sinasabi mo?

Ano 'to?

Bakit kayo nagsinungaling?

Bakit? Bakit? Sabihin n'yo sa 'kin!

Para protektahan ka!

Maghahanap at maghahanap sila ng sisisihin sa nangyari.

At dahil Aragon ka,

ikaw ang pinakamadaling target.

At hindi ko puwedeng hayaan na sirain ka nila

para lang maisara nila ang kaso.

Anak, ayaw kitang mapahamak.

Sinira nila ang buhay ng nanay ko.

Biktima rin siya.

Siya ang tinuro ni Diana na nagsimula ng sunog sa La Familia

para pagtakpan ang anak niyang si Patricia.

Sa tingin mo,

wala akong karapatang maghangad ng hustisya

para sa nanay ko?

Kung tutuusin,

wala pa ring hustisya ang mga magulang mo

hanggang ngayon.

At lahat 'yan pakana ni Diana

para protektahan si Patricia.

Nanay! Nanay!

Enzo.

May nangyari ba?

Pasok ka.

Nakita mo ba 'yong mga file ng imbestigador ni Tito Teddy?

May nalaman ka ba?

Enzo?

Sabihin mo nga sa akin ang totoo, Patricia.

Ano 'yong hindi mo sinabi sa akin noon?

'Yong dating empleyadong kausap mo...

Ano ang sinabi niya tungkol sa sunog sa pabrika?

Enzo...

Alam mo ang ginawa ni Miss D.

Alam mo 'yong ginawa niya sa imbestigasyon ng sunog.

Nagsinungaling ka ba sa 'kin, Patricia?

Bakit hindi ka makasagot?

Hindi ko ginustong itago sa 'yo, pero...

Pero nagsinungaling ka na lang sa 'kin? Ha?

Bakit?

Dahil kay Mama.

Gusto niya akong protektahan.

Protektahan?

Ikaw ang sumunog sa pabrika?

Ayaw niyang ako ang mapagbintangan.

Pero hindi.

Enzo, hindi.

Sigurado akong hindi ako ang nagsunog ng pabrika.

Maniwala ka sa 'kin.

Kung totoo nga 'yan...

at kung naniwala sa 'yo si Miss D,

bakit niya kailangan manipulahin 'yong imbestigasyon?

Dahil natakot si Mama.

Alam niyang ako ang pagbubuntunan ng sisi

kapag nalaman ng lahat na nasa pabrika ako.

Ayaw niyang masira 'yong buhay ko.

Ginusto ko munang malaman

kung sino ang totoong nasa likod ng sunog

kaya hindi ako nagsalita.

O baka dahil wala ka talagang tiwala sa akin?

Alam kong masasaktan ka.

Alam kong magagalit ka kay Mama.

Alam kong pamilya na ang turing mo sa kaniya.

Alam ko kung gaano siya kaimportante sa 'yo.

Pamilya, Patricia?

Wala na akong pamilya!

Namatay 'yong mga magulang ko sa sunog na 'yon!

Buong buhay ko,

akala ko may hustisya na ako para sa pagkamatay nila,

pero wala, wala pa pala!

Karapatan ko ring malaman ang totoo, di ba?!

Patawad.

Patawarin mo ako.

Buong buhay ko, binigay ko sa La Familia!

Pero hindi pa pala sapat 'yon.

Wala...

Kasinungalingan lang 'tong lahat!

Naiintindihan ko 'yong reaksyon mo.

Pero hindi ko kayang mapahamak si Mama nang dahil sa 'kin.

Narinig ko 'yong usap n'yo ni Mr. Smith.

No'ng inalok mo siya na maging shareholder siya ng La Familia.

Hindi pa siya sumasagot, di ba?

Puwede kitang tulungan.

Bakit?

Mukhang kailangan mo ng tulong, e.

Baka hindi mo naitatanong,

malapit kami ni Mr. Smith sa isa't isa.

Ano'ng mapapala mo?

Gusto mong makaganti kay Diana? Hmm?

Sabihin na nating pumapayag ako.

Paano mo ako matutulungan, e, sekretarya ka lang?

Baka itong sekretarya na 'to

ang solusyon mo sa mga problema mo.

Pag-isipan mo, sir.

Paakyat?

Enzo...

Ma?

Carl.

Rob, ano'ng ginagawa n'yo dito?

Inutusan na po kami, ma'am.

Ako ang nag-utos sa kanila.

Bakit?

Sa tingin n'yo ba, hindi na babalik si Mama?

Iwan n'yo muna kami.

Sige po, sir.

Bakit parang siguradong-sigurado na kayo?

Mukhang alam na alam n'yo 'yong nangyari sa kaniya, e.

Imbes na hanapin siya, ito ang inaatupag n'yo?

Nahihirapan lang ako kapag may nakikita akong mga bagay na...

nagpapaalala sa kaniya.

Patricia, hindi madali para sa akin 'to.

Pero kailangan kong kumilos.

Kailan n'yo pa naging kargo ang La Familia?

Ginagawa ko 'to dahil alam ko kung gaano kaimportante

kay Diana ang La Familia.

Hindi naman ako puwedeng magmukmok na lang sa isang tabi.

May kompanya na kailangang asikasuhin.

Kinonsulta ko na rin sa board 'to at...

pumayag na sila.

At oras-oras, Patricia,

humihingi ako ng balita sa mga pulis tungkol sa kaniya.

Puwede mo itong ikumpirma sa mga pulis.

Galingan n'yo pang umarte.

May pag-uusapan pa tayo.

Ito ang liham ng pagbibitiw mo.

Pirmahan mo na lang.

Pagbibitiw?

Pinapaalis n'yo ako?

Patricia, huwag mo sanang mamasamain 'to.

Hinahanapan lang kita ng paraan para makaalis.

Wala ka sa tamang pag-iisip para magtrabaho.

Iniisip ko lang ang kapakanan mo.

Hindi ko kailangan ng mag-aalala para sa akin.

At lalong hindi pagbibitiw ang kailangan ko.

Hinding-hindi ako aalis sa kompanya ng mama ko.

Sa kompanya ng pamilya namin.

Bilang anak,

ipaglalaban ko 'to hanggang sa huli.

At para sa pamilya din natin kaya ko 'to ginagawa.

At hindi nakakatulong

'yong harap-harapan mo akong kinakalaban sa harap nila.

Natutunan ko ito kay Diana.

Ganito mag-ayos ng gulo.

Bilang pamilya, dapat nagkakaisa tayo.

Kailan lang kayo pumasok sa buhay namin,

kapamilya na agad kayo?

Inaayos ang gulo?

Tumutulong ba talaga kayo

- o baka may kinakatakutan kayo? - Hello!

Ay, pasensya na.

Nakakaabala ba ako? Babalik na lang ako.

Sino ka?

Si Sandra.

Bagong sekretarya ko.

Enzo.

Puwede ba tayong mag-usap?

Huwag muna ngayon, Patricia.

Totoo nga 'yong sinabi mo.

Mukhang palaban 'yong Patricia.

Alam natin pareho na walang pupuntahan ang galit niya.

Lalo na ngayong may problema sila ni Enzo.

Mababawasan ang mga taong tutulong sa kaniya.

Mag-ingat ka lang.

Alam mo naman ang pakiramdam ng galit na anak.

Wala kayong pinagkaibang dalawa.

Kailan mo ako balak kausapin?

Hindi ikaw ang magdedesisyon niyan.

Iwan mo muna kami, Sandra.

Enzo, natanggap ko ang mensahe mo.

Ano'ng pag-uusapan natin?

Gusto ko rin ng hustisya.

Para sa pamilya ko.

Gusto kong gumanti.

At alam kong makakatulong ka sa akin.

Mabuti naman kung gano'n.

Pero gusto kong malaman kung sigurado ka na.

Dahil mahirap kalaban ang puso.

Nawalan ako ng mga magulang dahil sa pamilya nila.

Nagpaalipin ako kay Miss D

dahil sa utang na loob.

At higit sa lahat,

pinagkatiwalaan ko si Patricia,

pero matagal niya na pala akong niloloko.

Hindi ho puso ang kalaban ko dito.

Sila.

Marami akong plano.

Pero unang-una, gusto kong makuha

ang mga importanteng shareholder ng kompanya.

Kilala mo sila, di ba?

Mhm. 'Yon lang?

Mas pinipili kong paniwalaan ka, Patricia.

Hindi ikaw ang mga pagkakamali mo.

Hindi ko nakuha 'yong hustisya ko para sa mga magulang ko.

Pero alam kong hustisya lang din naman ang hinahanap mo.

Kaya para kay Miss D...

Para sa kompanyang 'to...

At para sa 'yo...

May plano ako.

Tungkol kay Ricardo.

Halika, sumama ka sa akin.

May kailangan kang malaman.

Patricia.

Nalaman ko...

na lahat ng sinasabi ni Sir Ricardo

tungkol sa pamilya niya,

pati na rin lahat ng dokumentong binigay niya sa La Familia...

Lahat 'yon peke.

Bakit niya ginawa 'yon?

Dahil anak si Ricardo ni Cecilia Pineda.

'Yong empleyadong may hinanakit at galit na galit sa mga Aragon.

Siya 'yong tinuturong nagsunog ng pabrika.

Gusto niyang gumanti.

Siya mismo ang nagsabi sa akin

tungkol sa pagtatakip na ginawa ni Miss D.

Patricia, matagal niya nang minamanmanan si Miss D.

Kailangan nating maisiwalat 'tong lahat.

Wala pa rin tayong patunay

na may ginawa siyang masama kay Mama.

Kailangan natin ng matibay na ebidensiya laban sa kaniya.

At 'yon ang wala pa tayo.

Kung gusto nating malamangan si Sir Ricardo,

kailangan natin ng taong makakalapit sa kaniya.

Ako.

Ako ang lalapit sa kaniya.

Magpapanggap akong kakampi niya.

Hanggang sa makakuha ako ng sapat na ebidensiya

para malabanan natin siya.

Alam natin na hindi basta-basta sumusuko si Patricia.

Gusto ko alamin mo lahat ng alam niya,

ang bawat kilos niya,

at lahat ng plano niya.

Mukhang kumagat naman siya.

Pero kailangan pa rin nating mag-ingat, ha?

Sigurado ako,

sinusubukan na niyang agawin ang pamamahala sa La Familia.

Gumagalaw na siya, Patricia.

Naghahanap na siya ng paraan para makuha ang loob

ng mga shareholder ng kompanyang ito.

Hindi puwedeng mangyari 'yon.

Kailangan natin siyang maunahan.

Pirmahan mo.

"Kasunduan sa paglilipat ng mga sapi"?

Hindi ako pipirma diyan.

Hoy! Hoy! Hoy!

Hoy, ano'ng ginagawa n'yo?!

Hoy! Pakawalan n'yo ako!

Ano'ng gagawin mo diyan?

Sampung mga daliri

- Kamay at paa - Sira ulo ka.

Bitiwan n'yo 'ko! Ano ba! Hoy!

Isa, dalawa, tatlo, apat...

Oo! Pipirma na! Pipirma na!

Pipirma na!

Pipirma na!

Madali ka pa lang kausap, e.

Saan ka pupunta?

Dito ka na matulog sa kuwarto ko ngayong gabi.

Am, pasensya na, sir.

Sa tingin ko, pareho tayong nadala ng damdamin.

Boss kita, tapos...

sekretarya mo lang ako.

Maaaring hindi mo maintindihan 'to, pero...

Sinusubukan kong unawain

kung bakit ganito ang nararamdaman ko para sa 'yo.

Iniligtas mo ako sa kalungkutan.

May ibinigay ka sa 'kin

na hindi ko na inaasahang matatanggap pa kaninuman.

At nitong mga nakaraang araw, pinaramdam mong espesyal ako.

Sir, ginawa ko ang lahat ng 'yon

dahil naging mabuti ka sa akin

at naging mabuti ka sa mga anak ko.

Pero pinaramdam mo sa 'kin na hindi na ako mag-iisa kailanman.

Kaya...

Mahal kita, Carlota.

Carlota...

pakasalan mo ako.

Gusto kita, Carlota.

Kailangan kita.

Pag-uusapan tayo ng mga tao, sir.

Hayaan mo sila. Wala akong pakialam sa kanila.

Gusto kita. Kailangan kita, Carlota.

Hmm?

Iminumungkahi kong suriin natin

ang kasalukuyang pamunuan ng kompanya,

pati na rin 'yong mga tao na may access

sa mga kumpidensiyal na impormasyon nito.

Kailangan din nating patatagin ang pananalapi ng kompanya.

Magtanggal tayo ng ibang empleyado.

Sang-ayon ako.

Hindi natin puwedeng hayaang malagay na naman

sa isa pang iskandalo ang La Familia.

Pero, Ricardo, matatagal nang bahagi ng kompanya ang mga...

Kaya nga kailangan nilang maintindihan

na ginagawa natin 'to para sa kompanya.

Isa lang naman ang gusto natin, di ba?

Ang protektahan ang La Familia.

Ricardo?

Ayos ka lang?

Oo.

Tama na ang paglalaro, Patricia.

Ano ho?

Alam kong ikaw ang nagpapadala ng mensahe sa 'kin.

Bakit n'yo ba kinukuha 'yong telepono ko?

Akin na 'yan.

Nasasaktan ako, sir!

Huwag kang sumigaw. Nag-uusap lang tayo.

Sir Ricardo...

Ano ho bang nangyayari sa inyo?

Sir Ricardo. May problema po ba, sir?

Patricia, ayos ka lang?

Uy.

- Patricia, ayos ka lang? - Ayos ka lang?

Patricia.

Hindi mo na dapat ginawa kay Ricardo 'yon.

Dapat hindi ka na gumawa ng eksena kanina.

Pinapalabas ko lang ang tunay na pagkatao niya, Enzo.

Sa harap ng ibang tao.

Para kapag kinausap na sila ng mga pulis,

babalikan nila ang araw na 'to na sinaktan ako ni Ricardo.

Pero...

Ayoko lang na may mapahamak pa.

Kailangan nating mag-ipon ng bala laban sa kaniya

habang naghahanap pa tayo ng matibay na ebidensiya.

Gagawin ko kung ano ang kaya kong gawin.

Wala akong mapapala kung matatakot ako.

Huwag kang mag-alala.

Nag-iingat ako.

Hello?

Si Patricia Dela Cruz ba ito?

Oho. Sino ho sila?

Tungkol po kay Diana Aragon.

Ano'ng nangyari?

Tarantadong Patricia 'yan.

Carlota.

Ricardo.

Papakasalan na ako ni Mr. Smith.

Sabihan mo ako kung tatanggapin mo 'yong alok ko.

Sige, mag-uusap tayo.

Enzo.

Sir Ricardo, may kailangan kayong malaman.

Tungkol ito kay Miss D.

Ano 'yong tungkol kay Diana?

Magkasama kami ni Patricia kanina.

May tumawag sa kaniya.

Nahanap na raw nila ang katawan ni Miss D.

Patay na siya.

Nasaan ang bangkay?

Nandito kami ni Patricia sa morgue ngayon.

Ite-text ko na lang po ang eksaktong address sa inyo.

Naku, Ricardo.

Delikado ka.

Di ba, sinaksak mo si Diana?

Paano kapag nalaman nila na 'yon ang ikinamatay niya?

Nasaan 'yong urn ng asawa ko? Nawawala.

Buong buhay ko,

kahati ko ang La Familia kay Mama.

Bakit ako? Wala akong karapatan?!

E di makiramay ka.

Pinaghahandaan niya pa rin kung paano niya kayo mapapabagsak.

Hindi ako titigil hangga't hindi ko nabubura

ang bakas niya sa La Familia.

Ito 'yong nakasulat sa huling habilin ni Diana.

Bitiwan n'yo sabi ako!

Hindi mo mabubura ang karapatan ko dito sa La Familia!

Ano bang alam mo dito?

Naging asawa ka lang.

Huwag na huwag mong mamaliitin

ang kayang gawin ng isang Aragon.