Original subtitles

Salamat, a?

Kahit papaano, naramdaman kong espesyal 'tong okasyon na 'to.

Pinagbantaan ka, tinakot.

Hindi kita puwedeng pabayaan. Poprotektahan kita.

May nananakot sa akin.

Cancelled ang buong campaign.

Pero hindi tayo dapat tumigil sa paghahanap

ng kung sino man ang nag-leak ng campaign na 'to.

Gusto mong alisin ang taong nagpoprotekta sa 'kin mula sa lahat.

Tiwala.

Ms. Diana Aragon.

Kuhang-kuha ko na ang loob ni Diana.

Mahuhulog na rin ang loob niya sa 'kin,

at hindi na siya makakawala.

- Teddy. - Ano'ng ginagawa mo dito?

May gusto lang akong tanungin sa inyo.

Bakit mo naman naisip na makikipagtulungan ako sa 'yo?

No.

No. Hindi ko kinausap 'yang reporter na 'yan.

Hindi ko sinagot 'yong mga tanong niya.

Ba't naman ako magbibigay ng impormasyon na makakasira sa sarili kong pamilya?

May isa pa kaming ebidensya laban sa 'yo.

Suspendido ka simula ngayon

dahil sa pagle-leak mo ng confidential information

sa kalabang kumpanya.

Gusto kong makausap ang kapatid ko.

Isa itong setup.

Ipapatawag na lang kayo para sa administrative hearing.

- Ikaw?! - Puwede mo depensahan sarili mo.

- Ikaw! Bitawan mo 'ko! - Sir! Huminahon kayo!

Alam ko, ikaw lahat ang may pakana nito!

Sinet up mo 'ko! Magbabayad ka!

Magbabayad ka!

Bitiwan n'yo 'ko! Ano ba! Ano ba!

Ano ba! Magbabayad ka.

Ricardo, bumalik ka dito!

Ano ba!

Magbabayad ka sa 'kin, ha! Magbabayad ka!

Ano ba!

Uy, Patricia, akin na 'yan.

- O. - Thank you.

Sabi naman sa 'yo e,

kani-kaniyang photocopy na lang tayo, e.

Mas makakamura kayo kung do'n kayo sa may computer shop sa may amin.

Nakakabilib ka naman, Patricia.

Ang dami mong ganap.

Di ba may trabaho ka pa pagkatapos ng klase natin?

Nakakapagpahinga ka pa ba?

Oo naman! Ay.

- Pakibigay na lang sa kanila. - Opo.

Hindi naman araw-araw pasok natin, di ba?

Kaya 'yong mga kaya kong gawin, ginagawa ko na.

Uy, mamayang break ha, bili kayo ng toasted siopao.

- Oo naman. Sige, sige. - 'Yon!

Okay. Dinamihan ko na 'yan.

Good morning.

- Good morning po. - Good morning, ma'am.

Buti naman, may mga handout na kayo.

Nakakatuwa ka, Patricia.

Leader talaga 'yong tingin sa 'yo ng mga kaklase mo.

Naku, ma'am. Basta makakatulong ho.

At saka pang-extra din.

Nakikita ko na magaling ka sa pag-o-organize.

Kaya baka puwedeng ikaw na rin ang mag-head

sa student committee para sa ating paparating

na entrepreneurship week?

At may karagdagang grades ka dito.

Sure, ma'am. Sige po.

Hmm… Meron lang sana akong gustong ipakiusap.

Magpapadala sana kami ng invitation letter

para kay Ms. Diana Aragon.

At sana mapaunlakan niya kami

para maging speaker sa event na 'yon.

At sana makumbinsi mo siya.

Sige po, ma'am.

Magaling na negosyante ang nanay mo.

Isa sa pinakamahusay. Isa sa pinakanagbibigay ng inspirasyon.

Kaya maraming matututunan 'yong mga estudyante

sa kaniya dito.

- Okay po. - Okay.

Okay, magsimula na tayo.

Gusto ko makuha lahat ng deck n'yo ngayong hapon.

Walang magiging pareho doon sa dating campaign. Okay?

Kahit pa ang pinakamaliit na detalye.

Yes, Ms. D.

Iche-check ko 'yong trabaho n'yo mamaya, ha.

Yes, sir.

- Enzo. - Yes, ma'am?

Nasa'n si Patricia? Lagi ba siyang late?

No, Ms. D. A… Ngayon lang 'yon.

Hindi pa ba niya nasasabi sa 'yo?

Ang ano?

A…

Patricia, ba't ngayon ka lang?

Sorry po, hindi na po mauulit.

Sige. Ayusin mo na lang 'yong lahat ng kailangang ayusin, ha?

Yes, Ms. D.

A… Ma'am, nakita n'yo na po ba 'yong slides na pinadala ko?

Paki-print na lang.

- Okay po. - Sige.

Excuse me.

Enzo.

May pinagdadaanan ba si Patricia?

Gusto ko sana, siya 'yong magsabi sa 'yo, Ms. D.

Enzo. Sabihin mo na.

Galing siya sa klase niya.

Mukhang ayaw niya sabihin sa 'yo, Ms. D.

Pero sa tingin ko, kailangan mong malaman.

Bumalik na sa pag-aaral si Patricia.

Uy! Uy! Uy!

- A… Ayos lang ako. - Okay ka lang?

Mm-hmm. Wala 'to.

Parang mainit ka.

Hindi, wala 'to.

Sure ka?

Ba't ka ba kasi nandito?

May tinapos kasi ako, e.

Tapos nagpahinga sandali.

A…

Uy, huwag mo nang sabihin 'to kay Ms. D, ha.

Baka magalit na naman sa 'kin 'yon. Minus points na naman ako sa La Familia.

Kung sana kasi, di ba, sinabi mo na na nag-aaral ka na ulit,

maiintindihan ka naman no'n, e.

Baka nga siya pa mismo tumulong sa 'yo sa pag-aayos ng schedule mo.

Ayoko ng special treatment.

Tsk.

O, bakit?

Kailangan daw ni Ms. D 'yong mga document para sa Burger City.

Dadalhin daw sa bahay niya para sa pirma niya.

May mga gagawin pa 'ko, e.

Ako na ang gagawa.

- Hmm. Hindi na. - Ako na. Ako na.

- Hindi na. Magpahinga ka. - E, para mabawi ko na rin

'yong nabawas na points ko sa La Familia.

- Hmm. Oo. - Sure ka?

- Uy, ingat ka, ha. - Mm-hmm.

Ay! Patricia! Halika, halika. Pasok, pasok ka.

Mm.

Tamang-tama, luto na 'yong hapunan.

Kumain ka rito, ha?

- Hindi ho dalaw 'to, Yaya Cora. - Ha?

Trabaho pa rin ho. Hindi rin ako magtatagal.

Bakit naman?

Ahm…

Pinapadala lang po 'to ni Ms. D dito.

- Pakibigay na lang po. - Ay.

Bakit hindi na lang ikaw ang magbigay sa kaniya niyan?

- E… - Ha?

Ay. Okay ka lang ba, ha?

Oho. Ayos lang ho ako. Baka nahilo lang ako sa biyahe.

Naku, hindi ka okay. Halika. Umupo ka dito. Halika.

Halika. Umupo ka dito. Sige na. Sige na. Ay! Ay!

A! Ma'am Patricia!

Pat… A… Tulong!

Tulong! Patricia! Tulong!

- Si Patricia! Patricia! - Ano'ng nangyari?

- Patricia! - Ano'ng nangyari?

- Ano'ng nangyari? - Hindi ko alam.

- Basta na lang hinimatay, e. - Patricia. Pat…

- Patricia! - Ang taas ng…

Ang taas ng lagnat niya! Benjie! Benjie!

- Be… Benjie. - Ms. D?

Sa… sa guest room muna. Sa guest room.

Ako na ho.

Ilang beses ko nang sinabi sa 'yo.

Itigil mo na 'yang football!

Wala na 'kong ginawa kundi magtrabaho dito

para buhayin ka.

Ma.

Ano'ng nangyari?

Gusto ko na pong bumalik diyan.

Gusto ko na po kayong makasama.

Sinaktan ka na naman ng papa mo?

Ma, di ba sabi n'yo sa 'kin, babawiin n'yo 'ko sa kaniya?

Wag kang mag-alala, ha?

Gagawin ni Mama lahat ng paraan para mabawi ka sa papa mo.

Pero, anak, hindi… hindi pa ngayon, e.

Konting tiis pa, ha?

Ma, di ko na kaya.

Kapag buo 'yong loob mo, lahat kaya mong gawin.

Breathe in.

Breathe out.

Ricardo.

I miss you.

Ba't ka umuwi?

Bumiyahe ako mula Indonesia papunta dito.

Hindi mo 'ko sinundo. Tapos, 'yan ang sasalubong mo sa 'kin?

Akala ko naiintindihan mo 'yong sitwasyon.

Naiintindihan ko.

Pero siyempre gusto kitang makasama, e.

Mula ngayon, dito muna 'ko sa Pilipinas

para magkasama tayo.

Pero alam mo kung ano ang mga plano ko, di ba?

Wag kang mag-alala. Hindi ako magiging sagabal.

Gamitin mo 'ko sa kahit na anong paraan.

Malaki ang utang na loob ko sa 'yo.

Tutulungan kita.

Nakuha ko na 'yong loob niya.

Kahit may problema siya, napapasaya ko siya.

Parang wala siyang sinirang mga buhay.

Hindi niya alam kung ano'ng naghihintay sa kaniya.

Kukunin ko sa kaniya ang lahat.

Pagbabayaran niya ang ginawa niya kay Mama.

Hindi madaling matibag si Diana.

Pero konti na lang, makukuha ko na siya.

Tinrabaho ko kung pa'no ako pumasok sa buhay ni Diana Aragon.

Kahit si Patricia, napapaamo ko na.

Kaya ko silang paikutin sa palad ko

habang unti-unti kong pinapahirapan si Diana.

Katulad din ba ng pagpapahirap nila sa inyo ng mama mo?

Mas higit pa do'n.

Anak, may maganda akong ibabalita sa 'yo.

Nakapasok ako ng trabaho do'n sa malaking kumpanya,

sa La Familia.

Talaga, Ma?

Congrats, Ma.

Naku, anak, ito na 'yong simula ng pagbabago ng buhay natin.

Alam mo, pag nakaayos na 'ko dito,

kukunin na kita diyan.

Magkakasama na tayo, anak.

Ma, gustong-gusto na kitang makasama.

Medyo komplikado lang kasi 'yong sitwasyon ko dito, anak, e.

Pero hayaan mo, pag-iipunan ko.

Mama!

A… Anak, may… may kailangan lang akong gawin, ha?

Aasikasuhin ko muna 'yong mga kapatid mo.

Darating na kasi 'yong asawa ko, e.

Anak…

Makakabawi din ako sa 'yo.

Malapit na.

Konting tiis na lang, anak, ha?

So that's it. Thank you for today, guys.

Congratulations ulit, Ricardo.

Ito ang pinakamagandang trabaho mo so far.

Thank you.

Sigurado akong mapo-promote ka ulit.

Celebration mamayang gabi?

A… Thank you, pero baka sa susunod na lang.

- Una na kami. - Sige.

- Thank you. - Thank you.

Hello, Ma.

Ito po ba ang anak ni Cecilia Pineda?

Sa Saving Grace hospital po ito.

May nangyari po sa kaniya.

Kung hindi ho isa sa pamilya n'yo ang nagsunog, sino?

Si Cecilia Pineda, isang empleyado na may hinanakit

laban sa aming kumpanya.

Maraming tao ang nakakaalam nito.

At marami ring tetestigo laban sa kaniya.

Anak, tulungan mo 'ko.

Ipapakulong nila 'ko.

Ma, wala kang kasalanan.

Pagkatapos ng… ng ginawa ko, ako pa ang magdudusa.

Hindi ako papayag na makukulong ka, Ma.

Itatakas kita, Ma.

Aray! Ang sakit! Ang sakit!

Ma. Konting tiis na lang, Ma.

Bayad na ang kapitan, sir.

Natimbrehan na din namin 'yong mga contact namin

sa Indonesia.

Pero baka manghingi ng dagdag. Hindi kasi kadalian.

Kahit magkano,

ilabas mo lang kami dito sa bansang ito.

Ito nga pala 'yong mga ni-request mong pekeng medical transfer papers.

Nandiyan na rin 'yong mga ibang papeles, sir.

Malinis na lahat. Nakahanda na rin 'yong bangkay na ililibing

para palabasin natin na nanay n'yo.

Para hindi na kayo mahabol.

Ma, inaayos na ni Sandra 'yong kailangan n'yo, ha.

Kailangan ko nang pumasok sa trabaho.

Ang tagal na ng panahong lumipas,

pero wala pa ring natutupad sa mga pangako mo sa 'kin.

Akala mo ba, madali ang buhay ko dito?

Ilang taon na 'kong naghihirap, Ricardo.

Pero sila, nagpapatuloy pa rin ang buhay nila.

Ma, may inaayos lang ako.

At saka pinagtutuunan ko ng pansin ang paggaling n'yo

kasi may sakit kayo.

Gusto kong humaba pa ang buhay n'yo, Ma.

Ano'ng silbi pa ng buhay ko?!

Nabubuhay nang maginhawa ang mga taong gumawa sa 'kin nito.

Ma, gagawin ko ang lahat para sa inyo.

Siguraduhin mong susunod ka sa usapan.

Alam mo na 'yong gagawin mo.

Ilagay mo 'to sa mga bote ng Cala Soda

na dadalhin sa feeding program.

Gawin mong malinis ang trabaho mo. Naiintindihan mo?

Opo, sir.

Nakikita ko na 'yong pagbagsak niya.

Sisiguraduhin ko na magdudusa siya kung paano kami nagdusa.

At higit pa sa lahat ng sakit na dinaanan namin.

- Uy, Enzo. - Yaya Cora.

- Si Patricia po ba, nandiyan pa? - Tuloy ka.

Ay, a… Inaapoy ng lagnat, e.

Hindi nakauwi kagabi.

E, nasa taas, nagpapahinga.

- Gano'n po ba? - Oo, e.

O, Enzo, ano'ng ginagawa mo rito?

- Ms. D, good morning. - Good morning.

Hinahanap po si Patricia sa kanila.

Pumunta lang po ako dito para kumustahin siya.

Ayos lang ba ang lahat?

Sinabihan ko na 'yong tatay niya.

A… May maitutulong po ba 'ko? Puwede akong lumabas.

Puwede po akong bumili ng gamot, pagkain… kahit ano.

Hindi. Okay na, Enzo.

Kami na ang bahala kay Patricia.

Puwede ka nang bumalik sa La Familia.

Ako ba ang pinuntahan mo dito o si Patricia?

Nag-aalala lang po ako kay Patricia, Ms. D.

Dahil?

Dahil may sakit siya.

Dahil?

Dahil…

Well, Ms. D, a…

nagmamalasakit ako sa anak n'yo.

At bakit?

Gusto ko siya, Ms. D.

Gusto ko si Patricia.

Hindi ito ang tamang panahon.

Maraming kailangang ayusin si Patricia sa buhay niya.

Wag mo itong gawing komplikado.

Wag mo nang ituloy 'yan.

Hmm?

With all due respect, Ms. D…

Sinasabi ko lang po ito sa inyo para malaman n'yo.

Sa palagay ko po, nasa tamang edad na po kami.

At sa tingin ko, si Patricia dapat ang magdesisyon

sa mga bagay na 'yan.

Bumalik ka na sa La Familia.

Cellphone po ni Patricia. Nakalimutan niya sa opisina.

Have a great day, Ms. D.

O, Martin. Sa'n ka pupunta?

Sa mansyon. Nando'n si Patricia, may lagnat daw.

Ano ka ba naman. Hindi naman batang paslit si Patricia.

At saka isa pa,

sigurado akong mag-aaway lang kayo ni Diana pag nagkita kayo.

Alangan naman hindi ko asikasuhin 'yong anak ko.

Bakit? Agaw-buhay na ba?

Wag mo 'kong simulan.

Si Patricia ba talaga 'yong pupuntahan mo do'n?

O, si Diana?

Ano 'to? Family reunion kayo?

Tapos sabay n'yong aalagaan 'yong unica hija n'yo?

'Yon ba 'yon, Martin?

Ano? Martin!

Patricia.

Bakit bumangon ka? Baka mabinat ka.

Ayos na ho ako.

Ano ho'ng nangyari?

Nawalan ka ng malay.

Ang taas ng lagnat mo kagabi.

Grabe. O.

Alam mo, pinaghanda ka namin ng almusal. Kumain ka muna.

Tapos, magbihis ka, ha? Mm.

Halika, kain na.

Naku.

- Halika na. - Hindi na kayo dapat nag-abala, yaya.

Mm-hmm.

Naku.

Siguradong magagalit sa inyo si Ms. D.

Kilala n'yo naman 'yon.

Ayaw niyang nakakaamoy ng mga ganito, di ba?

Inabala ko na nga kayo kagabi, e.

Ano 'yong sinasabi mong bata ka?

E, si Diana nag-request niyan.

Magluto raw para sa 'yo

dahil alam niyang 'yan ang paborito mo, e.

Sige na, kain na.

Hmm.

Mmm.

Kayo ho ba ang nag-alaga sa 'kin kagabi?

Pasensya na ho sa abala, ha?

Pero salamat ho.

Wag kang magpasalamat sa 'kin.

Kay mama mo.

Siya talaga ang nag-alaga sa 'yo.

Nakatulog pa nga siya sa tabi mo, e.

Buong magdamag, binabantayan ka.

May ipapakita ako sa 'yo, ha.

Halika.

Mauna 'ko.

Kahit ilang taon na 'yong lumipas,

wala siyang pinabago rito.

Kahit na katiting na bagay.

Kasi gusto niyang manatili 'tong kuwarto

na kung papa'no mo siya huling nakita.

Baka may makita kang gusto mo.

Iuwi mo.

Sa 'yo naman 'yong mga 'yan, e.

Ako na'ng bahala sa mama mo.

Bakit nandito ka?

Si Yaya Cora, nasa'n?

Hindi ho nagbago 'yong kuwarto ko.

Wala akong binago.

Baka sakaling bumalik ka.

'Yon nga lang, hindi ko inasahan na…

matagal tayong magkakahiwalay.

Matagal na rin akong hindi nakakapasok dito.

Sayang 'yong space.

Sana ginawa n'yo na lang opisina sa bahay n'yo.

Gusto ko may mauuwian ka.

A…

Kayo raw ho ang nag-alaga sa 'kin kagabi?

Pasensiya na ho, nakaabala ako, ha?

Pero salamat ho.

Alam ko…

naging malaki ang pagkukulang ko sa 'yo bilang ina.

Pero sana maniwala ka na…

sinubukan ko.

Baka hindi naging sapat.

Pero hindi ibig sabihin no'n na hindi kita pinaglaban.

Nasaan ang anak ko, Cora?

Tawagin mo ang amo mo.

Martin, hintayin mo lang.

- Pababa na sila. - Wag ka nang maraming sinasabi.

Tawagin mo ang amo mo!

- Pa. - Patricia.

Ano ho'ng ginagawa n'yo rito?

Hinatid mo na lang sana si Patricia sa bahay.

Kaya ko siyang alagaan.

Kaya ko siyang ipagamot.

Hindi na natin kailangang pagtalunan 'to.

Ang sabihin mo,

gusto mo na namang ipamukha sa akin

na hindi ko kayang alagaan si Patricia.

Di ba?

Anong palabas 'to?

Gagawin ko ang ginawa ko kahit ilang beses kung para kay Patricia.

Baka nakalimutan mo na.

Kaya kami nasadlak sa ganitong klaseng buhay, dahil sa 'yo.

Dahil pinabayaan mo kami.

Nagmakaawa si Patricia sa 'yo noon, di ba?

Pero ano'ng ginawa mo?

Pinagtabuyan mo siya.

Pati anak natin, dinamay mo sa galit mo sa akin.

Tapos ngayon, magpapanggap ka

na ulirang ina?

Hindi mo alam ang totoo, Martin.

Anong hindi ko alam?

Pagmumukhain mo pa akong sinungaling sa harapan ni Patricia.

Tinulungan kita, Martin,

dahil hiningi ng anak ko.

Ano ho'ng ibig n'yong sabihin?

Diana, si Martin, naaksidente!

- 'Nay, tayo na! - Yaya Cora…

- Ayaw nila sa 'tin dito! - Sandali lang.

Ayaw nila sa 'tin!

Diana!

- Umalis na kayo, Carlota. - 'Nay, tayo na!

Diana, parang awa mo na!

'Nay, tayo na!

Diana.

Ano'ng kailangan niya?

Naaksidente daw si Martin.

Aagawin niya ang asawa ko, tapos sa akin siya lalapit?

Hindi mo man lang naharap si Patricia.

Si Patricia?

- Nandiyan siya? - Nakaalis na sila.

Carlota Cervantes?

Pinabibigay po ni Ma'am Diana Aragon

para kay Sir Martin, para po sa operasyon niya.

- Kay Diana galing? - Yes po.

- Salamat. - You're welcome.

Hindi totoo 'yan.

Nahihibang ka na.

Si Carlota ang gumawa ng paraan para tulungan ako.

Tanungin mo siya.

Halika na, anak. Umalis na tayo.

Patricia!

Salamat po.

Carlota.

O?

Buti nakauwi na kayo.

Patricia, may sakit ka pa ba?

Jena, iwan mo muna kami.

Mag-uusap tayo, Carlota.

Ano'ng gusto n'yong pag-usapan?

Ha?

Ano? Gusto mong pag-usapan kung…

kung paano kayo nagkaayos ni Diana?

Ha? Ha? 'Yon ba 'yon, Martin?

- Sige nga, sabihin mo sa 'kin… - Kanino…

at saan mo ba talaga nakuha 'yong pera

noong naospital ako?

Bakit ba natin binabalik-balikan 'yan?

Di ba sinabi ko naman na sa 'yo dati?

Nangutang ako sa lahat ng kakilala ko.

Ginapang ko 'yan.

Pumila ako. Nag… Nanghingi ako ng tulong sa gobyerno.

Sino 'yong inutangan mo?!

Ano ba 'yan!

Ano? Ano'ng gusto mo? Pangalan? Gusto mo ng listahan?

Gusto mong isa-isahin ko 'yong pangalan?

- Ang sabi ni Diana… - Ha? Ano?

Siya raw ang nagbigay ng pera.

Pinaniwala n'yo kami na hindi niya tinulungan si Papa.

Oo na!

Oo na!

Sige na, sa kaniya galing 'yong pera.

Pero hindi no'n mabubura kung gaano siya kasama.

Pinabayaan niya kayo.

Pero ako?

Halos buong buhay ko, binuhos ko sa inyo.

Inalagaan ko kayo.

Maraming taon 'yong sinakripisyo ko,

tapos ito 'yong igaganti n'yo sa 'kin, ha?

Susumbatan n'yo ako?

Hindi naman sana lalaki 'yong gulo

- kung sinabi n'yo sa 'min 'yong totoo! - O di, sige! O di, sige!

Magkampihan kayo!

Magsama-sama kayo kung gano'n pala kalaki 'yong mali na ginawa ko!

Ano? Wala na akong nagawang tama?

Sige, ako na 'yong pinakamasamang tao!

Ate. Ano ba'ng nangyayari?

Hindi ko alam kung ano'ng mga binibintang n'yo sa akin, e.

Ano ba? Wala akong kasalanan.

Malinaw ang ebidensiya laban sa 'yo, Teddy.

Humarap ka sa imbestigasyon.

- Doon mo patunayan na wala kang kasalanan. - Bakit ba hindi ka naniniwala sa 'kin?

Kapatid mo 'ko. Pamilya mo 'ko.

Bakit mas matimbang ang sinasabi ng ibang tao para sa 'yo?

Pamilya? Bakit? Kailan pa naging importante sa 'yo 'yon?

Hindi mo nga pinapakinggan 'yong side ko, e!

Ano ba?!

Binigyan kita ng maraming pagkakataon.

At bawat pagkakataon, pinapatunayan mo sa 'kin na mali ako!

Kailan ka ba nagtiwala sa 'kin? Ha?

Kahit noon pa, kahit ano'ng gawin ko, pinagdududahan mo ako.

Isang pagkakamali ko, parang napakalaking kasalanan para sa 'yo.

Parang gugunaw 'yong mundo mo.

Ano ba? Kahit ni minsan ba,

may ginawa akong tama para sa 'yo? Wala naman, di ba?

Huwag mo akong binabaliktad, Teddy, ha.

Wala kang pinagkaiba kay Papa.

Kaya siya iniwan ni Mama, e.

Ubod ng sama.

Ano? Hindi ka ba natatakot? Magiging katulad ka rin niya.

Oh, wait! I'm sorry.

Katulad ka na niya!

Mas masahol pa!

Mula pagkabata, ako na ang nag-alaga sa 'yo.

Pero hindi mo nakita 'yon.

Dahil hindi kapatid ang tingin mo sa 'kin.

Kakompetensiya!

Ano ba 'yang iniisip mo?

Kanina pa 'yang malalim na iniisip mo, ha?

Akala ko kasi, tuluyan niya na akong binura sa buhay niya, e.

Ang tagal kong nagalit sa kaniya, Enzo.

Pero 'yon pala…

hinihintay niya lang pala akong umuwi.

Minsan, kailangan mo lang talagang maging bukas, Patricia.

Ibig sabihin ba no'n…

Okay na kayo?

Hindi agad-agad.

Pero susubukan ko.

- Good morning po. - Good morning.

Para sa 'yo.

Ano ho 'to?

Vitamins.

Salamat ho.

Kumusta na ang pakiramdam mo?

Okay na ho ako. Hindi n'yo na kailangang mag-alala.

Nag…

Nag-aaral ka na ulit?

Pa'no…

Sinabi sa 'kin ni Enzo.

Kaya mo bang pagsabayin?

Sabihan mo lang ako.

Puwede tayong gumawa ng special schedule

para maisingit mo ang pag-aaral mo.

Naku, hindi na ho kailangan.

Kinakaya ko naman, e.

A…

Alam ko hong delayed na 'to, pero…

gusto ko pong magpasalamat sa pagtulong kay Papa.

Siguro ho tuluyan na siyang nabaldado

kung hindi n'yo siya tinulungan.

No, Patricia.

Kalimutan na natin 'yon.

Mag-move on na lang tayo.

Tama po kayo. Move on na.

Kung may maitutulong ako o may kailangan ka,

sabihin mo lang.

A…

Ang totoo ho niyan, meron, e.

Buti ho pinaalala n'yo.

Ano? Sabihin mo sa 'kin.

Ano ho, e…

May school activity ho kasi na in-assign sa 'kin.

Entrepreneurship Week po namin.

- A. - E…

Gusto ho sana kayong maimbitahan para doon.

Sabihan mo lang ako kung kailan. Aayusin ko ang schedule ko, ha.

Talaga po?

Oo.

- Thank you po. - You're welcome.

I'll see you later?

- Yes po. - Okay.

Tito Teddy?

Gusto lang kitang makausap.

Makinig ka sa 'kin.

Kausapin mo si Ate.

Sabihin mo sa kaniya, wala akong kasalanan.

Tito Teddy, kung hindi siya naniniwala sa 'yo,

wala akong magagawa doon.

Si Ricardo ang may gawa ng lahat.

Siya ang may kasalanan.

Sinisiraan niya ako. Pine-frame up niya ako.

Sine-set up niya ako. Siya ang may kasalanan!

Hindi ako.

Bakit ako maniniwala sa 'yo?

At saka bakit gagawin sa 'yo ni Sir Ricardo 'yon?

Hindi ko alam. Basta ang alam ko, may plano siya.

Gusto mong kausapin ko si Ms. D dahil sa hinala mo?

Ang alam ko lang, gusto niya akong mawala sa La Familia.

Patricia, wala akong kasalanan.

Papaano kung mali 'yong pagkakakilala n'yong lahat kay Ricardo?

Alam mo, desperado na siguro talaga si Sir Teddy, 'no?

Para kausapin ka niya.

Tsk. Pero bakit si Sir Ricardo ang sinasabi niyang nagse-setup sa kaniya?

Hindi, e. Nakakapagtaka naman 'yon.

Bakit naman gagawin ni Sir Ricardo 'yon?

Bago siya pumasok dito sa La Familia,

binackground check namin siya ni Ms. D.

Wala naman akong nakitang questionable sa pagkatao niya.

Alam ko, na kay Tito Teddy ang lahat ng rason para magsinungaling.

Pero, Enzo, ipagwawalang-bahala na lang ba natin 'yong hinala niya?

Ikaw, Patricia…

- Hmm? - Halika nga.

Upo ka dito. Akin na 'yan.

Kailangan mong magpahinga.

Ito naman.

Idadagdag mo pa ba 'yan sa to-do list mo?

Kakagaling mo lang sa sakit. Magpahinga ka rin.

Wala akong oras magpahinga.

Ang dami kong trabaho.

Ang daming school work na naghihintay sa 'kin.

Kahit paano, nakakasama mo si Ms. D na hindi kayo nagtatrabaho.

'Yong vitamins mo ba, iniinom mo?

Huwag ka na masyadong magpagod, ha?

Lalo na para sa pag-aaral mo.

Tawagan mo lang ako.

Puwede kitang tulungan doon sa Entrepreneurship Week n'yo.

Ang OA mong mag-alala.

May dalawang kamay at paa pa ako, o.

Kaya ko pa. Ito naman.

Masama bang mag-alala para sa 'yo?

Hindi naman.

Vitamins. Okay?

At sabihan mo ako kung kailangan mo ng tulong.

Melody, aagahan ko ang punta, ha?

Oo, dapat ready na lahat para sa Entrepreneurship Week.

A, may konti pang kulang?

O, sige, kaya na 'yan. Basta bukas babalikan kita ulit, ha?

O, sige, sige. Salamat. Ba-bye.

Ay, wala.

Hindi na kinaya ng kape, 'no?

Medyo cute ka pala, 'no.

May pagka-OC lang talaga.

Pero maaasahan.

Gentleman.

Nasasandalan.

Gets mo nga topak ko, e, 'no.

Para bang alam mo lagi 'yong tamang sasabihin sa akin

kapag nagdadrama na ako.

Ano 'yon?

Hindi, wala. Ano 'yon, a…

Mga line ko 'yon.

Ineensayo ko para doon sa audition ko.

- Lines? - Mm-hmm.

- Ang ganda no'ng lines, a. - Mm-hmm.

Baka puwede rin akong mag-audition diyan.

Bilang ano?

Bilang jowa mo.

Talaga…

Sir Enzo.

Jowa?

Pero seryoso.

Gusto mo bang subukan?

'Te, mauna na ako.

- Late na ako, e. - O, sige na, sige na.

Ikaw naman, Jena. Kagabi ko pa binilin sa 'yo ang mga grocery.

Ako na nga namili no'n, aayusin mo na lang.

- Sige na naman, ayusin mo na. - Ate, papasok na ako.

Hindi ko na maaasikaso 'yon.

Ako din, may pasok ako. May event nga kami sa school.

Importanteng nandoon ako nang maaga.

Sige na. Mahirap sumakay ngayon.

- Rush hour na, Jena. - May kikitain akong kaibigan.

Kaya bawal akong ma-late.

Lagot tayo kay Nanay pag nakita niyang nakatiwangwang

'yong mga grocery diyan. Sige na naman, Jena.

- Nagmamakaawa ako sa 'yo. - Hello.

- Si Patricia? - Mahihirapan akong sumakay, e.

- Mamaya aayusin ko. - Nando'n.

- Ako na'ng magliligpit. - Ate, mukhang hindi mo na…

kailangang mag-commute.

Parang may sundo ka, o.

Ate!

May bulaklak!

Pogi, 'te. Punta ka na do'n. Pogi!

Hi.

Hello.

Para saan 'yan?

Wala lang.

Gusto ko lang pasayahin ang araw mo.

Thank you.

Tara?

- Uy! Baka naman puwede kaming sumabay. - Ate…

- Oo naman. Tara. - Dali, dali!

- Isara mo. - Hay naku.

- Sandali. - Hmm?

Para sa 'yo.

Ano 'to?

Buksan mo.

- Yes? - Yes.

- Yes? - O, o!

'Yan na muna 'yong TF mo.

A.

A… Ako nga pala si Enzo.

Hi, Kuya Enzo. Ako si Jena.

April po.

Hello.

'Yong sa inyo ni Patricia? Mukhang okay na kayo.

Alam mo, masaya ako kasi kahit paano, pinapakinggan na niya ako.

Ay! Kailangan ko nang umalis.

I'm so sorry, wala akong oras makipag-usap, Ricardo.

Kailangan kong puntahan si Patricia.

Okay.

Kailangan kong pumunta do'n sa talk sa school niya.

Mm.

- Diana? Bakit? - Ahm…

Ang mga walang-hiya! Tinatakot na naman ako.

Tatawag ako ng pulis.

No, no. Kailangan ko nang umalis.

Kailangan kong puntahan si Patricia.

Teka. Paano kung hindi lang basta tawag 'yan?

Paano kung may nag-aabang sa 'yo?

Hintayin natin 'yong pulis para masuri nila ang banta.

Hindi. Kapag naghintay ako, baka ma-late ako.

Hindi ko puwedeng biguin si Patricia, Ricardo.

Hindi sa pagkakataong ito.

Enzo, aabot ba siya?

Sabi naman ni Ms. D, papunta na siya.

May 30 minutes pa naman, e.

Alam mo namang maaga lagi ng isang oras si Ms. D

sa mga events niya, di ba?

Baka naman may tinapos lang.

Enzo…

Uy, uy, uy, uy, uy.

Relax. Darating 'yon. Okay?

O, teka. Aabangan ko na siya sa labas, okay?

O, sige, sige.

Benjie, bakit ang tagal? Ano ba?

Ms. D, mukhang may nagbanggaan po, e.

Ano?!

Ms. D!

Ikaw na nga 'tong nakabangga, e!

- Ms. Dela Cruz. - Ma'am.

Parating na ba si Ms. Aragon?

A, susubukan ko pong tawagan ulit.

- Sige. Thank you. - Sorry po.

Hi. Okay na tayo?

- Tingnan mo 'to. Ano, ayos ba? - Oo.

Patricia.

Nandito na ako.

Nandito na ako. Nakarating ako. I'm sorry, na-late ako.

A…

Ms. D, si Professor Connie po.

Maraming salamat po sa pagpunta.

- I'm sorry po, late ako. - Okay lang po.

- Ikinagagalak kitang makilala. - Gano'n din ako.

Sa murang edad,

alam ko na kung ano ang gusto ko

at 'yon ay ang maging isang matagumpay na negosyante

para maipagmalaki ako ni Papa.

Kaya no'ng ipasa sa akin itong napakalaking responsibilidad,

hindi ako natinag.

Napakarami kong isinakripisyo

para maitayo at maprotektahan ang negosyong 'to.

Kaya siguro "Chairmom" ang tawag sa akin.

Kung bibigyan ka ng pagkakataong pumili

sa pagiging CEO at pagiging ina,

ano po'ng pipiliin n'yo?

Hindi ko pinagsisisihang nagsumikap ako.

Kasi hindi lang naman para sa sarili ko 'yon.

Para 'yon sa pamilya ko at sa mga taong umaasa sa akin.

Sa perpektong mundo,

hindi mo kakailanganing mamili

sa pagitan ng pagkakaroon ng career…

at pagiging isang ina.

Puwede mong pagsabayin. Puwede mong gawin pareho.

At hindi mo kailanman kailangang humingi ng tawad

sa pagnanais na magtagumpay.

Sa negosyo, nilulutas ko ang bawat maliit na problema.

Tulad din sa negosyo at sa pagiging ina,

marami kang magagawang pagkakamali.

Pinag-aral ako ng aking ama sa pinakaprestihiyosong

mga paaralan ng negosyo.

Pero sa kasamaang-palad,

walang manual na binigay sa akin

sa pagiging mabuting ina.

At…

may mga panahon

na hirap na hirap akong pagsabay-sabayin

ang pagiging mahusay na lider, mabuting asawa,

at ina na kailangan ng aking anak.

Sa mundong napakarami nang hinihingi sa 'yo,

gawin mo 'yong nagbibigay sa 'yo ng purpose.

Alam mo, na-realize ko 'yon

medyo huli na.

Na 'yong mga mahal ko sa buhay,

hindi pala nila kailangan na ayusin ko ang lahat

o solusyunan ko ang bawat problema nila.

Minsan, ang kailangan lang nila ay 'yong nandiyan ako para sa kanila.

Na unawain at mahalin ko sila.

Sa dami po ng mga narating mo,

kung may payo kang maibibigay sa mga kabataan,

ano ito?

Ang payo ko?

Sundin mo kung ano ang gusto mong maging sa mundong 'to.

Pero…

sa pagbuo mo ng buhay mo, 'yong buhay na gusto mo,

huwag mo ring bibitawan

'yong mga bagay na bumubuo ng pagkatao mo.

Nalaman namin na dito rin nag-aaral 'yong anak ninyo.

Yes, yes. Nando'n siya.

Aw. May gusto ka bang sabihin sa kaniya?

A… Gusto n'yo po bang maging katulad niya kayo?

Gusto kong mas maging mahusay siya kaysa sa akin.

Higit pa sa akin.

Sa totoo lang, ang gusto ko lang para sa kaniya ay 'yong…

maging buo siya.

Maging masaya siya.

At sana, sa lahat ng…

pagkapanalo niya,

kahit pagkatalo niya,

alam niyang… nandito lang ako.

- Thank you po. - Thank you. Si Patricia?

- Thank you po. - Thank you.

Mama.

Dumating ka.

Kayo ang pinagbabantaan dahil kayo ang sinisisi.

Sa tingin ko, bagong kalaban 'to.

Ano ho ang alam n'yo

tungkol sa nangyaring sunog noon?

Ilang beses ko bang sasabihin sa 'yo,

hindi mo na kailangang balikan 'yong nangyari noon.

Wala ka bang naaalala do'n sa sunog?

Puwede nating itama 'yong nangyari.

Madalas na kayong magkasama.

May namamagitan na ho ba sa inyo ni Mama?

Gusto ko si Diana.

Gusto kong maging masaya para kay Mama.

Pero parang may mali, e.