Original subtitles

Wala ho sa usapan nating papasok ako sa La Familia.

Isipin mo na lang,

ang gagawin mo sa La Familia ay parang training,

masasandalan mo para sa pamilya mo.

E, gusto nga makipag-areglo.

Pero hanggang kailan ba kami tatanggi?

Ang laki-laki no'ng ano, 'yong alok nilang danyos, a.

Bakit ka nakipag-usap sa mga biktima?

Wag kang magdesisyon nang mag-isa.

Puwede nitong ilagay sa panganib ang buong kompanya.

Kung hindi n'yo ako kayang respetuhin sa sarili kong kompanya, umalis na kayo.

Pero tingnan n'yo nga naman.

May paraan ang nakaraan para bumalik.

Ano'ng ibig mong sabihin?

Kung paano n'yo ako pinagbintangan

sa nangyaring sunog noon.

Ganiyan ba talaga ang tingin mo sa akin?

Ang alam ko lang, kaya n'yong gawin

at isakripisyo ang lahat para sa La Familia.

Pa, tama na 'yan.

Mm. 'Nak.

Napanood n'yo po ba 'yong video?

Oo.

Inakusahan ako ni Mama.

Tayo daw may pakana no'ng video na 'yon.

Sabi ko na, e.

Hindi ka na dapat bumalik do'n.

Anak, wala kaming kinalaman do'n.

Alam ko ang pinagdaanan mo dahil sa sunog na 'yon.

Hindi ko 'yon magagawa sa 'yo.

Dapat ang mama mo ang nakakaintindi no'n.

Alam ko naman po 'yon, Pa.

Iniisip ko lang din.

Sino'ng gagawa nito?

Napanagot po ba talaga 'yong totoong may kasalanan?

Kasi kung oo, bakit? Bakit uungkatin pa 'to?

Hindi ko alam. Pero, anak,

hindi makakabuting pinag-iisipan mo pa 'yan.

Ano ba'ng kailangan mo?

Sino'ng nagpapagalaw sa 'yo?

Hindi ko alam kung ano'ng sinasabi mo.

Biktima kami rito.

Sinusundan n'yo ako?

Magkano ba binibigay sa 'yo?

Baka puwede kong higitan.

Kung matalino kang tao,

alam mo dapat kung sino'ng kakampihan mo.

Bakit ako magtitiwala sa 'yo?

Hindi mo ako dapat pagkatiwalaan.

Baka mas dapat,

matuto kang matakot sa 'kin

dahil ayaw mo akong maging kalaban.

Maniwala ka sa akin.

Bibigyan kita ng pagkakataon para mag-isip.

At saka wag ka nang mag-abalang magtago

dahil mahahanap kita.

Sir, hindi ako tinitigilan ni Ricardo.

Tinatanong niya ako, sino'ng nagpapaharang sa settlement.

Ano'ng sinabi mo?

Wala akong sinasabi, sir, pero…

hindi ganito usapan natin.

Gulo 'to. Ayokong mapahamak.

O. Para sa kaba mo.

Wag ka ngang masyadong praning.

Lumayo ka muna.

At wala kang kakausapin kahit sino.

Sige, sir.

Ito na ang huling usap natin. Sige na.

Ikaw na naman?

Wala na 'yong mga nagra-rally.

Nakumbinsi ko na rin 'yong lider nila na umalis na muna.

- E, 'yong settlement? - Inaayos ko na.

Wala na rin 'yong press. Pinaalis ko na.

- Hi, sir. - Good morning, Ms. D.

- Good morning. - Good morning, Ms. D.

Ms. D, statement lang ho tungkol do'n sa lumabas na video.

- Ano 'to? - Ano'ng masasabi n'yo…

na may kinalaman kayo sa pagsunog ng La Familia noon?

- At sino ka? - Jonathan Martinez. Citizen journalist.

Baka nabasa n'yo na 'yong page ko, Online Exposé.

Katulad ng sinabi ko noon, walang basehan ang laman ng video na 'yon.

Bakit hindi kayo ang sumagot, Ms. Aragon?

Kailangan ng mga biktima ng kasagutan.

O baka naman dahil wala na kayong pakialam?

Matagal na naming sinagot ang mga alegasyon na 'yan.

Nag-research ka ba?

Kasi kung ginagawa mo ang trabaho mo,

sana nakita mo

na biktima rin ang pamilya ko ng trahedyang 'yon.

Ano ho ang ginagawa ng tatay n'yo sa factory?

Kung natatandaan ko,

anak n'yo mismo ang nagbigay ng statement

na sinadya ang pagsunog.

Namatay ang tatay ko sa sunog na 'yon!

Ngayon, kailangan ko pa bang patulan ang mga paratang mo?

Nakuha mo na ang gusto mo. Pakihatid na 'to sa labas.

- Sige na. - Sige na po, sir. Sige na, sir.

Hindi po kayo puwede dito, sir. Sige na po.

Wala siyang karapatan. Wala!

Wag mo nang pansinin 'yan. 'Yan naman ang gusto niya, e.

'Yong makakuha ng reaksiyon mula sa 'yo.

Wag n'yong papapasukin ang reporter na 'yon.

Ipapa-blacklist ko siya.

Pero, Diana, hindi lang siya ang magtatanong sa 'yo.

Kaya ngayon, higit kailanman, ang importante,

makita na magkasama kayo ni Patricia.

Kailangan n'yong magpakita ng united front.

Lalo na't damay si Patricia sa nangyari.

Nagkausap na ba kayo?

Babalik pa ba siya?

Ms. D.

Ito na ho 'yong files galing Finance.

Nagawan ko na rin ho 'to ng digital copy.

May ipag-uutos pa ho ba kayo?

Yes.

Aware ka naman sa Burger City, di ba?

'Yong partnership na hindi natuloy?

Alamin mo ang lahat ng puwede mong alamin tungkol sa Burger City International,

lalo na 'yong mga board member.

Bigyan mo ako ng magagamit ko.

Hanapan mo ako ng alas.

Kailangang bumalik sila sa La Familia.

Naiintindihan mo?

Mabuti pumasok ka na.

Usapan natin.

Marami pa kayong kailangang bayaran sa akin.

Hindi ako aalis nang hindi ako nakakakubra.

A… Ms. D.

Ito po 'yong tseke.

Unang suweldo mo mula sa La Familia.

Simula ngayon, mas mataas na ang inaasahan ko sa 'yo.

Diana.

Puwede ba kitang makausap?

Makakabalik ka na sa trabaho.

Nandito na ako!

Ate! Wow! Pasalubong!

- O. - Ayan! Donut!

- Saan ito? - Mm.

- Donut! - Sige, lagay mo na lang diyan.

O, April, nabili ko na 'yong kailangan mong libro.

Ate, thank you.

Siyempre, meron ka din.

O, ayan. Blouse, pang-eskuwela.

Bagay sa 'yo 'yong kulay.

Wow! Ate, balot na balot, a.

Oo. Para hindi puro panyo 'yong suot mo.

A… Bakit may paandar?

Ay, unang suweldo ko, 'Nay.

A…

Pa! Pa!

Ano ba 'yan?

- Nagkakagulo kayo diyan. - Pa, o. Para sa 'yo.

- Uy! - Binilhan kita ng bagong polo.

Wow!

Uy! Ang ganda nito. Wow! Bigatin na 'yong anak ko, a.

Naku. Hindi po! Tiyangge lang ho 'yan.

Kasi luma na 'yong mga sinusuot n'yo, e.

Salamat, ha? Ay. Teka.

- Susubukan ko. - Sige! Oo.

Sandali, ha.

Ito, ano 'to? Ito.

- Ay, ito ho. - 'Yan.

- Ay. - Binili ko po para sa sarili ko.

Sapatos pang-opisina.

Masakit na po kasi sa paa 'yong pinapagamit nila sa akin, e.

- Hmm… - Bakit, 'Nay? Pangit ba?

A, ang dami lang kasing gastusin dito sa bahay.

Ahm, may… binili din ako para sa 'yo.

Bagong bag, o.

- Sa akin 'to? - Oho.

Napansin ko kasi na sira na po 'yong zipper

no'ng bag na ginagamit n'yo sa trabaho.

- 'Nak. - Salamat, ha?

- Wow! - Ano? Okay ba?

- Ganda, 'no? Bagay na bagay sa 'kin, e. - Oo, saktong-sakto.

- Tamang-tama. - Ang pogi naman ng papa ko.

Thank you, anak. Salamat. Salamat talaga.

- O, siya. Sige na, kumain na kayo. - O, sige, sige.

Ikaw, a.

'Nak.

- Okay ka lang ba? - Oho.

E…

Mukhang pagod na pagod ka na, e.

Galing ka sa trabaho sa La Familia

tapos rumaraket ka pa.

- Nakakatulog ka pa ba? - Oo naman ho. Nakakatulog ako.

- Sa jeep. - Shh!

- Ay, sorry po. - 'Nak.

Kung nahihirapan ka na sa La Familia,

puwede kang umalis doon, any time.

Ay, sandali, Martin.

Ba't mo naman papaalisin si Patri…

Hayaan mo na si Patricia doon.

Buti nga ngayon, medyo nakaraos na tayo, e.

Alam n'yo ho…

- mag-celebrate na ho muna tayo. - O, sabi ko sa 'yo, e.

- Sige na. - Kain na.

- Sige, sige, sige. - Sige na.

- Sabi na, e. - Upo na.

So, ano'ng gagawin natin?

Hindi na tayo makaalis sa number two.

Hindi naman puwedeng mag-magic tayo para maging number one ulit.

Gusto kong matuloy ang partnership sa Burger City.

Ayon sa mga source ko,

nasa Manila ngayon ang executives nila.

Ate, tingin mo ba, ngayon ang tamang oras?

Inaayos pa natin 'yong kaso ng food poisoning.

Inaayos pa rin natin 'yong settlement ng mga biktima, hindi ba?

Tingin mo, makikinig sa atin ang Burger City?

Iniuugnay ng mga tao

ang nangyaring sunog at poisoning.

Di ba? Halos lahat ng comments na 'yon, galing sa social media.

Pero alam nating nakakasira

ang pananaw ng publiko.

Naniniwala ako na magkakaroon ng settlement sa mga biktima

sa lalong madaling panahon.

Pero kailangan n'yo ring malaman

na merong humaharang sa usapan ng settlement sa mga biktima.

Merong gustong magpabagsak ng kompanya.

O. Ayos, a.

So, ibig sabihin, inside job 'tong nangyayaring 'to?

- Gano'n ba? - Ongoing pa lang ang imbestigasyon.

Hindi magtatagal, malalaman na 'yong resulta.

"Ongoing."

So, ibig sabihin, nagbibigay ka sa 'min ng mga impormasyon

na hindi naman kumpirmado?

Ate, ano ba?

Napaka-unprofessional naman niyan.

Naglalabas ka ng mga impormasyon na hindi naman kumpirmado.

Ano'ng gusto mo, Ricardo?

Maghinala kami sa isa't isa at mag-away-away kami dito?

Ate.

Tama si Teddy.

Bakit ka nga naman naglalabas ng ganiyang impormasyon dito?

Siguraduhin mong mapapatunayan mo ang lahat ng sinasabi mo, Ricardo.

At binabalaan ko kayong lahat.

Hinding-hindi ko hahayaang may magpabagsak sa La Familia.

Sinisigurado ko sa inyo, kung sinuman ang gumagawa nito,

magbabayad ang taong 'yon.

Ibig sabihin, Dad, alam niya na kayo…

- ang nananabotahe ng settlement? - Ano ba?

Wag kang maingay!

Baka may makarinig sa 'yo, e.

Ano, nakausap n'yo na ba 'yong Carlo?

Pinalayo ko muna.

Huling beses kaming nag-usap, praning na praning.

Sinundan daw siya ni Ricardo.

Pero kung talagang may alam 'yong Ricardo na 'yon,

bakit hindi pa rin siya nagsusumbong kay Tita?

O, sa tingin mo, may binabalak sila?

Hindi. Wala silang binabalak at walang alam 'yang si Ate.

Dahil kilala mo 'yan.

Kung may alam talaga 'yan,

matagal niya na 'kong pinugutan.

E, ano? A… Ano sa tingin mo

- ang balak ni Ricardo? - Hindi ko alam! Hindi ko alam!

Ang alam ko lang ay hindi ako puwedeng mawala dito.

Walang puwedeng makaalam ng mga ginagawa ko

dahil deserve ko ang La Familia.

Nag-research ka ba?

Kasi kung ginawa mo lang nang tama ang trabaho mo…

- sana nakita mo na biktima rin… - A, sir.

Ang pamilya ko ng trahedyang 'yon!

Ano 'yan?

May nag-iwan ho para sa 'yo.

- Sige, salamat. - Sige ho.

Pakipirmahan na lang po 'tong huling document.

Thank you!

- Ms. D. - Mm?

Ito na ho pala 'yong pinapagawa n'yo para sa Burger City.

Mm-hmm.

Teka.

Nasaan ang bagong information tungkol kay Mr. Smith?

Lahat ng nakasulat dito, matagal ko nang alam, e.

Sinubukan ko naman hong kunin sa lahat ng sources, e.

- Pero… - Pero hindi mo ginalingan.

Importante si Mr. Smith.

Walang desisyon sa Burger City na hindi dumadaan sa kaniya.

Naiintindihan ko naman ho 'yon.

E, kaya nga tsinek ko na ho sa lahat ng departments dito,

sa lahat ng sources, tsinek at binasa ko na ho 'yan,

tiningnan ko pa ho sa Internet.

- Ginawa ko ho lahat! - Hindi palusot ang hinihingi ko.

Resulta ang kailangan ko.

Alam mo, pag-aaksya lang siguro ng oras 'to para sa 'yo.

Pero magtatagumpay ka lang kung nauunawan mo mismo ang sitwasyon,

hindi 'yong ginagawa mo, 'yon lang…

pinakasimpleng inaasahan sa 'yo.

Nasa surviving pa lang ho ako.

Wala pa ako sa success.

Kung gano'n…

kailangan nating baguhin ang ganiyang pag-iisip.

Mahal ko ang buhay ko.

Mahal ko ang buhay ko.

Patricia, pinapabigay ni Ms. D.

Bakit? Ano daw meron?

Baka napansin niyang hindi ka pa kumakain.

- Una na 'ko. - Salamat, Lara.

Mukhang di naman masarap.

Hindi.

Hindi tayo patitinag.

Sanay tayong magutom, di ba?

- O, nandiyan ka pa, Patricia. - Ate Tess.

E, kayo, bakit nandito pa kayo?

E, kasi naman, may mga opisinang pinapa-general cleaning.

Ang dami ko pang linisin.

Di pa nga ako naghahapunan, e.

Sakto, may sandwich ako. Sa inyo na lang po.

Ay, hindi na. Sa 'yo 'yan.

Ate Tess, tanggapin mo na.

Sige na. Busog pa naman ako, e.

A, e… naka-diet kasi ako. Fasting.

Sige. Salamat, a.

Ano'ng update kay Patricia?

Nasa table pa rin po niya.

Gusto n'yo po bang tulungan ko na siya?

A… No, no, no.

Kailangang matutunan niya na kailangan niyang gawin ito mag-isa.

Hayaan mo siyang lumangoy.

Dapat siyang matuto.

Pero, Ms. D, sobrang importante…

- no'ng pinapagawa mo sa kaniya. - Enzo…

Alam kong kayang-kaya mo 'to.

Napatunayan mo na ang sarili mo.

'Yon din ang gusto kong gawin ni Patricia.

Naintindihan ko po, Ms. D.

Napakaarte naman nito!

Lord!

Alam kong marami Kang inaasikaso ngayon,

pero sige na naman, tulungan Mo na 'ko!

Kailangan kong magkape, e.

Bulungan Mo na ako, pa'no ba gamitin 'to, Lord?

Sige na… Lord! Lord!

Patricia, ilagay mo ang beans sa grinder.

A, talaga, Lord?

Madali lang 'yan.

O, turuan kita.

Kuha ka muna ng tubig.

Konti lang, ha? Wag masyadong marami.

Buksan mo lang 'tong taas.

Ilagay mo 'yong tubig do'n sa likod.

Okay. Tapos on mo na para uminit.

Tapos iga-grind mo na 'yong beans.

Maglagay ka ng tatlong takal.

Press down.

Mabilis lang 'yan. Ipapasok mo na siya dito.

Dito sa harap. Di ba? Ang dali lang.

Wow! Ang komplikado kaya!

Sa amin, naka-sachet lang 'yan, tinitimpla namin, e.

Instant 'yon. Ito, totoong kape 'yan.

Sagada beans pa.

Heto na po ang kape n'yo, ma'am.

Buti naman.

Ang bango!

Mm, tikman mo.

Sagada pa 'yan.

Mm…

Tulong!

Ano 'yon?

Si Ms. D! Si Ms. D!

Ms. D! Sino ka?!

Ano'ng ginawa mo?!

Hoy!

Ayos lang kayo?

- Ms. D! Ms. D… - Habulin mo siya!

- Habulin… - Ms. D…

- Ayos lang ako. - Patricia, ikaw?

Ayos lang ako. Ikaw?

- Ayos lang ho. - Tatawag ako ng pulis.

Sigurado po kayo?

- Oo. - Security?

Kailangan namin ng pulis dito.

Tumawag kayo. Bilisan n'yo!

Magkasama lang kaming dalawa ni Patricia no'n.

Pagdating namin dito, inatake na siya no'ng lalaki.

Bakit? Ano'ng nangyari?

May umatake kay Diana.

Papa'no nangyari 'yon? Nasa'n siya?

Tinitingnan na siya ng medic.

Patricia!

Patricia!

Okay ka lang ba?

- Ano, nasaktan ka ba? - Hindi ho, hindi ho.

Sino'ng gumawa nito?

Si Carlo Lozano, siya 'yong lider ng mga poisoning victim.

Pero bakit niya gagawin 'yon?

Sa simula pa lang, ito 'yong tao na ayaw makipag-cooperate sa settlement.

Siguro matindi ang galit.

Pero may hinala ako

na may nagpapagalaw sa taong 'to.

Well, kung sinuman 'yon…

dapat siyang managot.

E, siya naman pala 'yong target.

Ano ba'ng ginawa niya? Ba't siya nandadamay ng iba?

Pero paano 'yon nakapasok dito?

Hindi ho siya basta-basta makakapasok dito.

Maliban na lang kung may tumulong sa kaniya.

- Sir. - Yes?

Na-send na po sa inyo 'yong copy ng CCTV footage.

Okay, copy. Thank you.

Diana.

- Ate. - Ayos lang ho kayo?

Ayos lang. Ikaw? Okay ka?

Sanay na ho akong matulak ng mga goon sa taping.

Ms. D, ready na po ang CCTV footage.

Si Carlo Lozano,

'yong leader ng mga poisoning victim.

E, 'yon naman pala, e.

Iniwan mong bukas 'yong pinto?

O may usapan na talaga kayo?

Hindi ko siya pinapasok. Malay ko bang nasa likod ko siya!

Wag ka nang magmaang-maangan, di ba kilala mo 'yan?

Di ba nag-usap na kayo no'ng kinausap mo 'yong food mga poisoning victim?

At alam naman natin, may galit ka kay Ate.

Ano, nagkuntsaba kayo?

Hindi ko nga siya pinapasok!

Hindi mo pinapasok, pero hinayaan mo lang.

Isipin mo nga naman…

ikaw na lang ang empleyadong naiwan dito.

Baka naman nagpapanggap ka lang na overtime sa trabaho

para magawa n'yo 'yong pinaplano n'yo kay Tita Diana.

Teka nga.

Bakit n'yo pinagdidiskitahan ang anak ko?

Pinagdidiskitahan? Ano ba naman, o?

Lahat tayo, nakita 'yong video, o.

Hindi ko pinagdidiskitahan si Patricia.

Napansin ko lang, simula no'ng pumunta siya dito,

nagsunod-sunod na 'yong kalokohan dito sa La Familia.

- Ano ba naman 'yan? - Tama ka, Dad.

Lagi n'yo na lang pinapalabas na masama si Tita Diana?

Oo nga, No'ng una, no'ng pinaalis kayo sa mansiyon.

Kasunod no'n 'yong video tungkol sa sunog.

- Wala kaming kinalaman do'n! - Tapos ito naman!

Dati, reputasyon lang niya 'yong tina-target.

Ngayon, siya na mismo. Ano ba naman 'yan?

At kasalanan agad ng anak ko?

Hindi mo naman maaalis sa amin na magsuspetsa.

Kung nasaan siya, nandoon ng gulo.

Ngayon, buhay naman ni Ate ang nanganib.

Aba, e, hanggang saan ba talaga 'yong galit n'yo sa kaniya?

Naghihiganti ba kayo?

Alam mo, posible 'yan, Dad.

Kasi alam naman namin kung paano mo tratuhin si Tita Diana, e.

Boss lang siya para sa 'yo.

Na tingin mo, lagi ka lang niyang pinahihirapan.

Di tulad namin.

Kahit boss si Tita Diana, sa huli,

para sa amin, pamilya pa rin siya.

Di ba, Tita?

Tama na, tama na.

Mga pulis na ang bahala rito, okay?

Sila ang makakaalam kung ano ang totoo.

Halika na, anak. Halika na.

Halika na.

Diana.

Hmm.

Hatid na kita.

Ayos lang. Nandito na si Benjie.

Alam mo, dahil sa nangyari, hindi magandang mag-isa ka.

Alam mo, buti na lang, nandito pa ako.

Oo nga.

Ba't nandito ka pa sa oras na 'yon?

May tinatapos lang akong trabaho.

A… Gano'ng ka-late?

Mabuti na lang, sobrang higpit ng boss ko.

Alam mo, kailangan mong magpahinga.

Kaya ko ang sarili ko.

Ganiyan ka ba talaga? Inatake ka na't lahat…

hindi ka pa rin nagpapatinag?

'Yon ang gustong makita ng gumawa sa akin nito.

Ang maapektuhan ako, ang maging mahina.

Hindi ako papayag na maging biktima.

Hindi kahinaan ang pagiging vulnerable.

At wala naman masama

kung aaminin mo na kailangan mo ng tulong.

Hindi mo kailangang dalhin lahat nang mag-isa.

Good night, Ricardo.

Sino'ng tinatawagan mo?

Wala kang pakialam.

Siyanga pala…

Nalaglag no'ng Carlo no'ng tumatakas siya, e.

Madali lang ayusin 'to, di ba?

O…

Gumagana pa pala, e.

Kailangan lang i-on.

Ano kaya ang password nito?

Para malaman ko kung sino'ng nag-uutos sa kaniya.

Bakit di mo nilabas 'yan kanina?

Hindi ko pa kasi alam kung ano'ng gagawin ko, e.

Depende.

Depende saan?

Sa pangangailangan ko.

Ayos ka lang ba?

Parang namumutla ka.

Alam mo, magpahinga ka na.

Wag kang mag-alala.

Sasabihan kita kung ano'ng kailangan ko sa 'yo.

Walang-hiya ka!

Sabi mo abangan ko lang si Diana tapos patulugin ko!

Bakit nagkagulo nang gano'n?!

Siguradong wanted na ako!

Sapat na 'yan para makapagbagong-buhay ka.

Wag ka nang magpapakita ulit, ha?

Kung hindi mo lang ako binlackmail…

Carlo, hindi mangyayari sa 'yo 'to

kung hindi ka nakipagtulungan kay Teddy.

Pero bakit?

Bakit mo 'to ginagawa?

Di ba tauhan ka ni Diana? Bakit mo ginawa 'yon sa kaniya?

Para makita niya ako bilang tagapagligtas niya.

- At ako ang ginamit mo! - Mm.

Ikaw naman.

Sobra-sobra na nga 'yong binigay ko sa 'yo, e.

Hindi ba pera lang naman ang kailangan mo?

Kaya kung ako sa 'yo…

isipin mo na lang na suwerte ka pa rin.

At mananahimik na ako habambuhay.

Dahil kapag bumalik ka pa…

…pagsisisihan mo.

Hindi mo alam kung ano'ng puwede kong gawin sa 'yo.

- O, di ba, bitin? - O, di ba? Nabitin ako.

- Uy! Toasted siopao. - Sige lang. Thank you.

- Bili ka na dito. 25 lang 'to. - Masarap dito 'yan.

- Masarap? Masarap? - Sobrang sarap.

Patricia, totoo ba na may nangyari daw dito kagabi?

May nanloob daw, a.

Totoo ba 'yon?

Alam mo, ikaw, Harvey…

Toasted siopao ang binebenta ko, hindi tsismis.

- Nagtatanong lang. - Alam mo, nahahawa ako sa 'yo.

Uy, baka naman may magbi-birthday sa inyo.

- 'Yong kapatid ko. - A, talaga? Kontakin mo 'ko.

- Tumatanggap ako ng bulk orders. - Sige, kokontakin kita.

O kasal, lamay, binyag.

- Masarap, 'no? - Masarap.

Gusto n'yo? Pambaon sa table n'yo? Sandali.

- Ang galing mo, a. - Ang sarap.

Di ba? Uy, bumili na kayo.

- Patricia. - O, Enzo, bibili ka rin?

Pinapatawag ka ni Ms. D.

O, sige. Ubusin ko lang 'to.

Ang totoo…

'yan ang rason kung ba't ka niya pinapatawag.

May nagsabi sa kaniya ng ginagawa mong pagtitinda na 'yan.

Hindi siya natutuwa.

Lagot.

A…

May balita na ho ba 'yong mga pulis?

Ayos lang ako.

Gusto n'yo ho ba ng toasted siopao?

Ito 'yong usapan natin.

Ayos! Bale, walo na lang.

Kulang pa ba ang kinikita mo?

Di ba ume-extra ka pa rin?

Hindi naman ho natatapos ang gastusin, e.

At saka maliit na negosyo lang naman 'to, e.

Marangal pa rin naman.

Malinis na kita.

Gusto n'yo ho ba? May natira pa.

Gano'n mo kakailangan ng pera?

Matagal ko na hong tinanggap na sarili ko lang ang maaasahan ko.

Dahil alam ko ang pakiramdam ng walang-wala

at walang tumutulong.

Bakit ho ba hindi n'yo na lang ibigay sa akin nang buo

'yong pinag-usapan natin?

Parang ayaw n'yo naman ako dito, e.

Sino ba ang may sabi sa 'yo na ayaw kita dito?

Ano ba'ng balak mo pag nakuha mo na lahat?

Ipambabayad ko ho sa utang namin.

Pag natapos ko na 'yon,

magagawa ko na 'yong matagal ko nang pangarap.

Maging isang sikat na artista.

Pag nangyari 'yon balang-araw,

gusto ko dahil tinrabaho ko.

Dahil pinaghirapan ko.

Hindi dahil isa akong Aragon.

May ipag-uutos pa ho ba kayo?

Ako ho ang gumawa niyan.

A… Makinig ho muna tayo.

Sandali lang ho.

Dahil po sa sinapit ni Carlo,

napagdesisyonan po namin na kausapin kayo nang magkakasama-sama.

Handa naman kaming makipag-areglo.

Pero may hihilingin lang sana kami.

Ano ho 'yon?

Gusto naming makausap 'yong totoong makikinig sa 'min.

'Yong makikinig sa 'min.

Meron na ba kayong naisip kung sino 'yon?

'Yong nakausap nina Elsa, 'yong nagligtas sa anak niya.

Di ba? Di ba, be? Di ba?

Walang-hiya ka!

Akala mo hindi ko malalamang nagnakaw ka, ha?!

- Ma'am, wala po akong ninakaw. - Humarap ka sa 'kin!

- Nawala lahat ng pera ko dito! - Wala po akong ninakaw.

- Akala mo di ko malalaman?! - Tama na po.

- Tumingin ka sa 'kin! - Wala po.

Wala kang alam?! Sinungaling ka!

- Cut! - Wala…

Halika rito.

- Galing naman ng Patricia. - Okay ka lang?

- Okay lang. - Practice pa lang, bigay na bigay na.

Thank you, 'neng, ha?

- O, Andi, gano'n na gano'n ang gagawin mo. - A, sige po, direk.

- Thank you, 'neng. - Sige po. Dito po kayo.

- Ang galing mo. - So, Kaori, gano'n lang ulit.

- Andi… - Aray ko.

Grabe ang iyak mo do'n, bessy.

Talo mo pa 'yong bida.

Ay! Shh! Baka marinig ka.

Pero siyempre, para mapansin tayo ni Direk.

E, alam ko namang may pinaglalaban tayo.

Pero masyado mo namang ginagalingan, 'no?

May pinapatunayan ka ba?

Meron.

Ano?

Na kaya kong mag-isa.

Na magiging bida ako, sisikat ako.

Matutupad ang pangarap ko.

Hulaan ko.

Dahil sa nanay mo 'yan, 'no?

- Oo. - Mm.

Ayoko kasi 'yong pakiramdam na may kailangan ako sa kaniya.

Kaya sana talaga, maging bida na ako, bessy.

Gusto kong ipamukha sa kaniya,

hindi ko kailangan 'yong apelyido niya.

Basta, bessy, a,

wag mo akong kakalimutan sa pangarap mo, ha?

Oo naman!

Aray, aray, aray.

- Patricia. - Po? Ay.

Good morning po.

May kailangan ho kayo?

Yes.

At ano'ng nangyari diyan sa mukha mo?

Ay. Wala ho 'to.

May sinubukan lang akong bagong skin care product.

Ano ho ba 'yon?

Ikaw ang hinihiling ng mga biktima na kumausap sa kanila

para sa settlement negotiations.

Ako? Bakit ako?

Napalapit na ang loob nila sa 'yo no'ng kinausap mo sila.

Siguro humanga sila sa tapang mo.

At mukhang ikaw lang din ang pinagkakatiwalaan nila.

So, pumayag nang pumirma ang mga biktima ng poisoning.

O, magandang balita 'yan.

O, cheers, cheers, cheers!

Balita ko malaki ang tulong ni Patricia

para makipag-areglo ang mga biktima.

Mukhang naaalagaan at nagagabayan mo siya, Diana.

Ang ibig sabihin ba nito, wala nang makakapigil

sa pag-pursue natin sa Burger City?

Alam n'yo kung gaano kalaki ang deal na 'to para sa La Familia.

Oo, inaasikaso ko na 'yan.

- Good. - Sorry, Ate,

pero mukhang hindi pa tapos ang problema natin.

Ano'ng ibig mong sabihin?

A, nakita n'yo na ba 'to?

Ayon sa mga dokumentong hawak ko,

matagal nang nalulugi ang La Familia

bago pa nangyari ang sunog.

Bumababang kita,

patong-patong na utang,

mga palpak na expansion project.

Muntikan na raw magdeklara ng bankruptcy.

Pagsunog ba ang naisip n'yong solusyon?

Sinadya ba ang sunog sa factory

dahil desperado kayong isalba ang kompanya?

Saan niya nakuha ang papeles na 'yan?

Aalamin ko.

Gawin mo na ngayon!

Ms. D.

Nasa'n ang tatay mo?

Ano? Hinihintay mo 'yong boyfriend ko?

Sorry, ako 'yong nandito ngayon.

Ang kapal…

Cut!

Diyos ko. Ano'ng nangyari?

Wala naman tayong pinag-usapan na gano'n.

Direk, sorry. Nadala ako sa emosyon ko, Direk.

- Kaori, diyos ko. - Pero maganda naman.

O, sige na, do'n ka muna.

- Next setup tayo. - Direk.

- Okay ka lang? - Opo, okay lang.

- Sigurado ka, ha? - Oo, kayang-kaya.

Alam mo, may kilala akong producer

na balak mag-produce ng indie film.

Ngayon, 'yong pelikula na 'yon,

iikot sa mga film festival sa abroad.

Parang suwak ka do'n sa role no'ng bida.

- Bida? - Yes.

'Yong ganiyan, 'yong marupok pero matapang.

'Yong malambot 'yong puso pero palaban.

'Yan! Ganiyan!

At game na game sa lahat.

A! Ako po 'yon!

Gusto mo bang mag-audition mamaya?

Gustong-gusto po!

Sige. For formality na lang 'yon, a.

Pero ikaw na talaga 'yong ire-reco ko, ha?

Pero maliit 'yong budget nito, ha?

Kasi nga indie.

At kailangan na naming mag-start mag-shoot,

so, kailangan may bida na kami.

Okay ka ba do'n?

Opo, walang problema. Gustong-gusto ko po 'yan.

Sige, i-text ko sa 'yo 'yong detalaye mamaya, ha?

- Okay po, Direk. Salamat po. - O, sige, diyan ka muna.

Next setup!

- Bessy! - Bessy, magpunas ka muna.

- Basang-basa ka, o. - Salamat.

- Ano 'yong kanina? - Bessy, magiging bida na ako!

Hala!

Parang ito na ang simula ng pagsikat ko.

Kapag nangyari 'yon, alam mo na.

- Anong alam ko na? - Makakawala na ako sa nanay ko.

- Mm. - Hindi ko na kakailanganin…

'yong perang binabayad niya sa akin.

Kasi kikitain ko na 'yon,

at higit pa do'n pag sumikat na ako.

Patricia Dela Cruz, superstar.

Nabasa ko na lahat ng articles tungkol sa kaniya.

Nakita ko na rin lahat ng pictures.

At ito, itong lintik na resume na 'to.

E, kung 'yan lang pala ang ibibigay mo sa akin,

sana hiningi ko na lang sa HR.

'Yan ang mga initial materials na nakuha ko…

Initial?

Ibig sabihin, may iba pa?

Ano ka ba? Gusto ko 'yong hindi ko pa alam!

Lalo na sa baho't kasiraan ng Ricardo Salvador na 'yan.

Lahat ng tao, may tinatagong sekreto.

'Yan! 'Yan ang kailangan kong malaman.

Hindi ito.

- Sige na. - Okay, sir. Excuse me.

Patricia.

- Sir Victor! - Ako nga.

Naku!

- Kumusta ka na, ha? - Okay naman po.

Kumusta ka na?

Nakatrabaho ko kayo sa ano, a… Dalawang Mukha ni Eva.

Yes, Dalawang Mukha ni Eva.

- Ang saya do'n, di ba? - Buti naman naalala n'yo pa ako.

- Oo naman. Pumayat ka, ha. - Buti… Ay, thank you. Thank you.

- Buti naalala n'yo pa ako. - Oo.

- Kumain ka na? - Ayos lang ho.

Kasali din ho kayo dito?

Oo. Ako 'yong producer ngayon dito.

- Di ba? - Big-time!

At ako rin ang co-director.

Kaya samahan mo ako.

Upo, upo.

A, waiter!

Order ka muna, nag-aayos pa naman sa taas, e.

- A, okay. Sige ho. - Oo.

- Ano ba? - Kahit ano.

Ano lang, a…

A, sige, ano na lang ho, 'yong iced coffee na may gatas.

Thank you.

- Kumusta ka na? - Ito. Nag-o-opisina na ako.

- Talaga? Kumusta naman? - Mm-hmm.

E, okay naman. Medyo maraming ginagawa.

Pero nagbebenta pa rin ako ng toasted siopao.

Wow.

Kaya baka gusto n'yo pong um-order sa 'kin.

Sige, sige, sige, mamaya.

Si Direk po?

- Papunta na. Na-late lang. - Ay. O, sige po.

Magbabanyo po muna ako.

Ay, dito. Diretso ka lang diyan.

- Sige. Thank you. - Sige.

A, kuya, palagay na lang dito.

Thank you.

O!

- A… Salamat ho. - Dumating na 'yong order mo.

E, ano ho ba 'yong ano, detalye no'ng character ko dito?

- Para ma-internalize ko na. - Ay.

Maganda 'yong character mo dito.

Napaka-challenging.

Pero mamaya ko na ibibigay 'yong mga detalye.

Relax ka lang muna.

Sige na, inumin mo muna 'yang ano, order mo.

- A, sige. - Kape ba 'yan?

Oo.

'Yan.

Hmm.

Yes po?

Magre-renew sana ako ng business permit.

Mga gaano katagal po?

Hay, naku. 'Yong mga ganiyan, mga two to three days

kasi maraming nagpapa-renew.

E, kailangan ko na kasi ASAP.

Ito lang 'yong libreng oras ko, e.

Alam mo naman, marami kasing pumipila talaga.

Baka naman puwedeng gawan ng paraan?

A… O, sige. Tingnan nga natin.

Ano ba 'to?

Kailangan ko na talaga kasi, e.

E, 'yong ganito…

ma… mabilis talagang maproseso 'to.

Wag ka… Wag kang mag-alala. Ako'ng bahala.

Siya si Patricia, ha?

Siya ang magiging ka-partner mo rito.

- Si Jaymark. - Jaymark.

- Ako si Patricia. - O.

- Ayos ka lang? Ha? - A…

Kinakabahan lang ho siguro.

Ngayon lang ako magbibida, e.

Nasaan po si Direk?

A… Male-late lang.

Bakit cellphone ho 'yong gamit?

A… 'yan ang uso ngayon sa mga indie film.

Love story 'to. Kikiligin dito ang mga tao.

Kayo na'ng bahala sa mga dialogue ninyo.

Ho? Bakit ho?

'Yan ang uso. Improv.

Ikaw si Cindy rito.

Galit ka sa boyfriend mo.

Darating siya, susuyuin ka niya.

At pagkatapos no'n, makikipagbati ka.

Ipapakita mo kung ga'no mo siya kamahal. Kaya?

Ipapakita? Papa'no ipapakita?

Siya na'ng bahala sa 'yo. Di ba? Ha?

- Ako na'ng bahala. - O, puwesto ka na do'n.

Kaya mo 'to, Patricia. Kaya mo 'to.

Five, four, three, two… Action!

Babe.

- Babe. - Ano'ng… Niloko mo 'ko!

Hindi ko mahal 'yon.

Alam mo namang ikaw lang ang mahal ko, e.

Ano?

Layuan mo 'ko!

Babe, pag-usapan natin 'to.

Diyan ka lang!

Hoy, makinig ka muna sa 'kin.

Ay… Ayoko na. Maghiwalay na tayo.

Babe, ano ba'ng puwede kong gawin para patawarin mo 'ko?

Alam mo namang lahat gagawin ko

para patunayan ko sa 'yo ang pagmamahal ko, e.

- Sanda… Sandali. - Babe.

Ako'ng bahala sa 'yo.

Ano…

Teka lang! Teka lang!

Sandali. Sandali, sandali.

- Cut, cut, cut. - Walang cut, ituloy mo.

Gusto mong sumikat, di ba?

- Easy ka lang. - Wag ka nang mag-inarte.

Ano? Teka, wala 'to sa usapan. Tama na!

Direk!

Ituloy mo lang! Isa ka pa, e.

- Kadiri, e. - Ituloy mo!

- Babe. - Ayoko. Ayoko…

Tama na!

- Ang sakit. - Ayan! Sinarado na 'yong pinto!

Patricia, buksan mo 'to!

Buksan mo 'to!

Hello, Patricia?

Enzo. Tulungan mo 'ko, Enzo.

Bakit? Nasa'n ka?

Tulungan mo ako. Nandito 'ko sa The Meridian Hotel.

- Room… Hello? Enzo? - Ano ba!

- Enzo? - Patricia?

- Patricia! - Hello, Enzo?

Ms. D! Ms. D!

Buksan mo sabi 'to!

Tigilan mo na 'ko!

Lumabas ka diyan.

Mag-uusap lang tayo.

Misunderstanding lang 'to.

Sige na, lumabas ka. Mag-usap tayo.

- Sige na, lumabas ka na diyan. - Anong misunderstanding?

Manyakis! Pinapa-rape mo 'ko!

Carlota.

Ay… Ay, sir. Po?

Mag nagsumbong sa 'kin na tumatanggap ka raw ng suhol.

Sir, sigurado po ba kayo na ako?

Kasi hindi ko po gagawin 'yan.

Matagal nang may suspetsa sa 'yo

na gumagawa ka ng milagro dito sa opisina.

Wag mo nang ikaila. Kasi…

A, sir, kasi…

Kasi po kanina nang… nanghihingi po ng tulong si madam.

- Tinutulungan ko lang po. - Pasensiyahan tayo ngayon, Carlota.

Miss, gusto kong malaman kung saang kuwarto dinala ang anak ko.

A… Po? Anong room number po?

Miss, nakatanggap kami ng tawag.

Nasa panganib ang anak niya. Kailangan namin ng tulog mo.

Sinabi ba niya sa 'yo kung sino'ng kasama niya?

Hindi niya po nasabi, Ms. D.

Pakibilisan!

Diyos ko, nagsasayang ka ng oras.

Patingin ako ng CCTV n'yo. Sige na.

A… Hindi po kami basta-basta nagbibigay ng access sa CCTV.

Protocol po namin para sa privacy ng mga guest.

Protocol?! Nililigtas namin ang buhay ng anak ko!

Ngayon, sino ang susundin mo?

'Yong protocol ninyo o ako?

Dahil sinasabi ko sa 'yo,

pag may nangyari sa anak ko, pagbabayarin ko kayong lahat!

Akala mo, di ako makakapasok diyan, ha.

Ayaw mong lumabas, ha.

Akala mo hindi ako makakapasok diyan, ha?

- Akala mo hindi ako… - Bitawan mo 'ko!

Makakapasok dito, ha?!

- Bitiwan mo 'ko! - Ha? Ha?!

- Ituloy mo. - Tama na.

Please, tama na. Nagmamakaawa ako.

Tama na, Jaymark.

Alam kong naiintindihan mo 'ko.

- Wag mong gawin 'to, please. - Pasensiya ka na.

Pasensiya ka na talaga.

Tama na.

Tulong!

Tulong!

Wag kang maingay.

Nasa'n ang anak ko?

- Patricia! Patri… - Ano 'to? Ano'ng problema dito?

Ako ang direktor dito.

Ano'ng ginawa n'yo kay Patricia?

Nag-usap na kami ni Patricia.

Gusto niyang maging bida kaya siya nandito.

Tulong!

Ano ba'ng pakialam mo?

Ako lang naman ang nanay niya!

Nakatanggap kami ng tawag galing sa kaniya.

Humihingi siya ng tulong!

Wag kang maingay!

Nasa'n ang anak ko? Ha?

Anong tawag ang pinagsasasabi mo?

Aray!

Tulong!

- Patricia! - Patricia!

- Habulin mo! - Tama na! Tama na! Shh!

Takpan mo nga bibig niyan!

Shh. Wag kang maingay.

Keycard. 'Yong keycard. Akin na 'yan.

Akin na!

- Manahimik ka na. - Patricia!

Ano ba! Ano'ng ginagawa mo sa anak ko!

- Hayop ka! - Ms. D!

Walang-hiya ka! Ikaw ang…

- Walang-hiya! Walang-hiya ka! - Ms. D! Ms. D!

- Enzo! - Hoy!

Enzo! Enzo! Enzo! Enzo.

Walang-hiya ka!

Ano'ng ginagawa mo sa anak ko, ha?!

Ma'am, sumusunod lang po ako sa utos nila.

Maniniwala ako sa 'yo, ha?!

Ma'am, totoo po ang sinasabi ko. May malaking utang po ako sa kanila.

Ito daw po 'yong pambayad!

Ang bababoy n'yo!

Diyan ka lang. Diyan ka lang.

Hulihin n'yo ang mga 'yan! Mga hayop na 'yan!

Patricia.

Ayos ka lang ba? Ha, anak?

Enzo.

Patricia!

Siguraduhin n'yo lang maimbestigahan n'yo sila nang mabuti.

- Yes, ma'am. - Mabigat, e.

- Okay, ma'am. - Salamat.

Papunta na rin 'yong mga attorney sa istasyon.

Sisiguraduhin kong mananagot sila sa ginawa nila sa 'yo.

Kakasuhan ko 'yong mga 'yan.

Hindi na ho.

Ayoko nang palakihin 'to.

Ano?

Hahayaan mo na lang silang di panagutan 'to?

Ayoko na ho silang harapin.

No, no. Ang mga abogado na ang bahala do'n.

Wag kang mag-alala.

Naku.

Pag nagkaso pa tayo,

e di, magiging topic pa ako ng mga tsismosa.

Sakit lang sa ulong magpaliwanag sa kanilang lahat, e.

At saka…

Ayoko hong mag-alala sa 'kin sina Papa.

Puwede ho bang wag n'yong ipaalam kina Papa 'yong nangyari?

Ano?

Kung ano-ano na ang pinagdaanan mo,

tatay mo pa rin ang iniisip mo?

Ayoko po kasing maging pabigat.

Pabigat?

'Yan ba ang tingin mo?

Kailan…

hindi ka magiging pabigat.

Muntik ka nang mapahamak, ha,

dahil kung kani-kanino ka na lang sumasama.

Hindi mo naman gano'ng kakilala.

Kung hindi kami dumating ni Enzo,

baka kung ano ang nangyari sa 'yo!

Naintindihan mo?

Hindi ko naman alam na gano'n 'yong mangyayari, e.

Matagal ko nang katrabaho 'yong direktor na 'yon.

- Akala ko… - O! Hindi! Mali 'yon!

Mali pa rin 'yong basta-basta ka nagtitiwala.

Tandaan mo 'yan!

Pasensiya na po. Pasensiya na po.

Alam ko pong kasalanan ko 'yong nangyari.

Pasensiya na po sa abala.

- Pasensiya na naabala ko kayo. - Anong aba…?

Hindi ka abala.

Hindi ka magiging abala.

Tama po kayo.

Hindi ako nag-iisip.

Ang tanga-tanga ko.

Tingin n'yo po ba, hindi ko 'yon sinasabi sa sarili ko?

Ang tanga-tanga ko! Ang tanga-tanga ko! Ang tanga-tanga ko!

Tama na, anak.

Anak.

Nandito na si Mama. Nandito na si Mama, anak.

Shh. Tama na.

Tapos na. Tapos na, wala na.

Wala na sila.

Wala na sila, anak.

Wala na sila.

Wag kang mag-alala. Wag kang mag-alala.

Wag kang mag-alala. Wala na sila, anak.

Pa'no kung di ko siya nailigtas?

Hindi ko mapapatawad ang sarili ko.

Wala ka bang planong ipaalam sa pamilya mo ang nangyari?

Para ano? Indahin pa nila 'yon?

Wala na akong trabaho.

Pa'no na tayo?

Ako ang may hawak sa buhay ko.

Ako ang magdedesisyon kung ano ang gusto ko para sa sarili ko.

Wala na akong ginawang tama pagdating sa anak ko.

So, 'yon pala ang plano mo?

Ang maging susunod na Mr. Aragon?

Mahal na mahal ni Diana ang La Familia.

Ano sa tingin mo ang gagawin niya

sa taong gustong sumira nito?