Original subtitles

مقتبس من رواية Hidden Love للكاتبة تشو يي

بس مو قادرة أقاوم هالشعور.

أي شعور؟

لما حدا

يحب ويعشق قدامي،

بصير بدي أحب أنا كمان.

شو، حاضرة مسلسلات رومانسية زيادة عن اللزوم؟

مين هاد اللي بحب؟

حدا قريب.

حدا جنبي.

قصدك عني أنا؟

يا صغيّرة.

ليش أنانية هيك؟

أنتي ما بتقدري تحبي،

وما بدك تخلي غيرك يرتبط كمان؟

يعني لما تشوفي غيرك بحب قدامك

بتغاري وبدك تقلدي؟

ماشي،

بتوقع معك حق بهالنقطة.

ع قصة المستقبل،

ما رح أجادلك فيها.

بس بخصوص

حبيبك الختيار هاد،

اللي طالب تروحيله على ييهه،

للمصادفة،

أنا كمان من ييهه،

مشان هيك،

إذا بعرف إنك

رحتي لعنده قبل ما تصيري

بالغة وسنك قانوني،

بخاف إنه

ما تلحقي تشوفي حالك

وأنتي واصلة لسن الرشد أصلاً.

خلينا نبلش بالدرس.

كيف كان الامتحان الأخير؟

تقاطع الضلعين أ-ب عند النقطة م.

هاد السؤال شرحتلك إياه من قبل،

زي هيك، وبعدين القانون اللي بيخطر ببالك.

بشرحلك الكهرباء السكونية بالأول.

هاد صح.

هاد.

بالبداية كنت بدي أختار ج.

ج صح يعني؟

لكان د.

د هي الصح.

انتبهي المرة الجاي.

غلطانة بسؤال واحد بضع دائرة،

97 علامة.

مش عاطل بالمرة.

متطورة كثير.

وهيك،

صارت الفيزياء عندك

مش مشكلة أبداً.

وما عاد في داعي آجي أعطيكي حصص بعد اليوم.

إذا استصعبتي إشي بعدين،

بتقدري تسألي أخوكي، أو أستاذك، أو تسأليني.

صوري المسألة اللي مش عارفتيها وابعثيها،

وبس أشوفها بجاوبك.

ساحبين مني التلفون.

أخوكي رح يساعدك ويترجى أهلك يرجعوه.

روقي.

انبسطي.

هيكي عملتي تقدم كثير ممتاز.

شفتي كيف بعرف أدرّس؟

تمام لكان،

عندكم امتحانات بس يبلش الدوام؟

آه.

بوقتها، بتبعثيلي علامة كل امتحان بتمتحنيه.

وياريت تجيبي علامات أعلى بالامتحان.

وطول ما أنتي عم تتحسني،

رح أهديكي هدية.

هيك بنكون خلصنا لليوم.

عم تشتغلي بالبيت؟

خلصتوا الحصة؟

تعال تعال، تعال كل فواكه.

يسلمو يا خالة، صحتين.

كنت عم بحكي مع أبو سانغ،

شو رأيك تسهر معنا بكرة بليلة رأس السنة؟

بنحتفل سوا.

تسلموا يا رب، شكراً إلكو.

بس بفضل أرجع احتفل بالسكن.

الوضع بالجامعة أحسن هسا،

مجهزينلنا عشا فاخر،

ورح يوزعوا عديات علينا.

لا ترجع لهناك،

شو بدك بالقعدة لحالك، ملل!

يعني...

ماشي الحال لكان.

بساعدك.

تمام، تمام.

ناوليني يا صغيّرة.

هاي؟

هون.

لافتة البركة هاي لازم تتعلق بالمقلوب.

يا روحي، هاي منيحة هيك؟

هاي أكبر شوي.

ببين الإشي غريب

إذا أعطيته عيدية أنا،

وأكيد ما رح يقبل يوخذها.

جياشو،

كل عام وأنت بخير بمناسبة رأس السنة!

سانغ يان بحكي،

إنك ناوي تضل بـ نانوو بعد ما تتخرج،

لقيت شغل؟

آه.

ناوي أشتغل

بشركة ألعاب فيديو

تدربت عندهم من قبل.

ممتاز.

بالتوفيق، شد حيلك.

يلا هاتها.

هات، ناولني إياها.

فوق، لفوق أحسن.

فوق، ارفع كمان.

أعلى، أعلى شوي.

تشي.

تمام، تمام.

رتبي الأغراض اللي عالطاولة.

خلص كنس،

بلّي فوطة وامسحي الطاولة.

حاضر.

يسلمو.

تمام، شكراً.

العفو.

شو؟

تمام، تمام، تمام.

بكفي هيك.

بكفي، بكفي هيك، يسلمو.

يلا، إجا وقت المعايدة ونبارك لبعض.

كل عام وانتو بخير!

كل عام وانتو بخير!

* حبيبتي، كل سنة وانتي سالمة! * بصحتك!

اشربها شفة وحدة إذا بتقدر.

* كاسك بالأول. * طير من هون.

* مش راضية تعايدني. * بقنينة هالكبر!

وهسا،

إجت اللحظة الحلوة.

حبيبتي، هي عديتك.

وأنا كمان إلي عيدية؟

يا عيني!

يسلمو يا حبيبي.

بحبك.

كل عام وانتو بخير يابا ويما!

وإن شاء الله كل أموركم تمام!

وكل...

صحة وسلامة!

لازم تحكي "كل يوم"...

صحة وعافية!

احكي "كل يوم" بالأول.

حاضر.

كل يوم تكونوا مبسوطين،

وبأتم الصحة والعافية!

يسعد قلبك.

تعال يا يابا.

يسلمو يابا.

تعالي يا بنتي.

يسلمو يابا، يسلمو يما.

يابا،

مش كأنك ظالمني ومميز بيناتنا؟

ما أنت قربت تتخرج من الجامعة.

منيح مني إني لسا معطيك.

يا بنتي،

شو رح تعملي بهالتلفون؟

بمسح كل الألعاب.

وشو كمان؟

وحبيب النت تبعك؟

مسحته من زمان.

ورقم تلفونه؟

معييش رقمه.

كيف بده يكون معي رقمه وهو حب نت؟

عنجد معييش.

عنجد؟

فتش التلفون إذا مش مصدقني.

البنت طفرانة ومعهاش تعيد،

ومش قادرة حتى تشحن باللعبة،

فكيف بدها تحب عالنت؟

اخرس عاد اليوم!

* خلص تمام. * خلصنا، لا تضلوا تتناقروا.

يلا ناكل.

قبل الأكل، عندي كلمتين بدي أحكيهم.

بتمنى إنه

ولادي الحبايب بالسنة الجديدة

يكونوا هاديين ومطيعين أكثر، وأنتي...

* تعقلي وتكبري. * وأنت كمان.

* يلا، سموا بالرحمن وكولوا. * يلا ناكل.

اسمعي يا تشي،

مش كان بدك تشتري

مجسمات أنمي مميزة من قبل؟

هسا أخوكي صار معه مصاري،

اطلبي منه يشتريلك إياهم.

ليش بالله؟ ما بدي!

يسلمو يا خوي، شكراً كثير!

أخوكي كريم وما في منه.

تعال يما كل.

عايدي ع أخوكي.

* كل سنة وانت سالم! * وانتي سالمة!

خدي.

مبينة مخلصة شوي.

* مش كثير يعني. * بتحبي السمك.

* زاكي. * زاكي؟

بدي من هاي.

جياشو: بتمنى لـ سانغ تشي تضل مبسوطة كل يوم،

وتلاقي حلمها عن قريب!

كل عام وانتي بخير!

جياشو.

حبيبي شو شاطر، كل كمان.

* يسلمو يما. * وين بدنا نطلع ننبسط ونغير جو؟

بتمنى لـ سانغ تشي تضل مبسوطة كل يوم،

وتلاقي حلمها عن قريب!

كل عام وانتي بخير!

* بنفع. * تشي،

شو رأيك نروح نتزلج بعد كم يوم؟

تزلج؟ أكيد طبعاً!

تمام لكان، رتبي خطة للرحلة لنشوف وين بدنا نروح.

حاضر.

بكون في زحمة كثير برأس السنة، لازم نحجز من بكير.

مزبوط.

* جنب رقم 3. * ما بستفيد إشي من الأرقام.

بس ملح وخل، صح؟

في صوت خطوات.

اسمع الشطر الثاني من البيت.

البيت اللي عندي ممتاز.

خير قصاد منع.

* شو اللي منع؟ * ورا الجسر.

منع محكم.

يعني توقف حدا وتمنعه.

تمام.

وإذا الشطر هاد فيه جندي...

* تحرك. * الجندي قصاد المدفع.

ليش الجندي قصاد المدفع؟

أنت بتحط جندي، وأنا بحرك المدفع.

سانغ تشي: الجندي قصاد المدفع.

زي الشطرنج، شفت كيف؟

لأشرحلك إياها هيك،

هالخمس كلمات بس ينربطوا سوا بيطلعوا صح.

شكراً يا خوي.

كل عام وأنت بخير يا خوي!

دار رعاية المسنين في ييهه

ألو.

مرحبا، حضرتك السيد دوان جياشو؟

نعم، مزبوط.

والدك صابه استسقاء رئوي حاد نتيجة التهاب بالرئة،

ولازم ينقل فوراً عالمستشفى لسحب السوائل.

الوضع طارئ ومستعجل شوي،

ياريت تيجي توقع الموافقة بأسرع وقت ممكن.

تمام، فهمت عليك، شكراً.

الفصل السادس: المسافة

سيد سانغ، وصلتك طلبية.

تمام، يسلمو.

هالكلب الأهبل.

إله اسم، اسمه وينر.

تعال يا أهبل، تعال.

تعال بحكيلك، تعال هون.

بقلك، تطلع،

بتشبهه كثير.

طبق الأصل عن بعض أنتو الاثنين.

استني، استني شوي.

هاد دوان جياشو باعتلك إياه.

حكالي إنه

طلعتي العشرين على الدفعة وجبتي 95 بالفيزياء،

وهاي هي الهدية اللي وعدك فيها.

ليش ما أعطاني إياها بإيده؟

ما حكالك إشي؟ رجع على بلده.

رجع على ييهه.

تردد كثير قبل ما يروح،

وحكى إنه عنده ظرف عائلي لازم يحله.

وعنه هو، ليش ما تسأليه دغري لحالك؟

استنى.

يعني رح يرجع ع حفلة التخرج؟

عشان التخرج أكيد رح يرجع.

ليش سافر بدون ما يحكيلي؟

مدرسة شو ري الثانوية إلى جامعة نانوو بالسيارة

ساعتان و33 دقيقة

يا خوي، مروّح ع البيت اليوم؟

كلب أهبل؟

شو هالقصة هاي!

شو في؟

خلصت الحصة، مالك ماشي ع مهلك هيك؟

أختي أكيد هببت مصيبة جديدة،

وبتسالني إذا بدي أروح ع البيت.

كمان مصيبة؟

والله كنت طالع مرتب قبل شوي، وقفتك ولعبك بالسلة.

بالذات اليوم ما لعبت منيح بالمرة.

ألو.

يا خوي، اليوم الجمعة، مروّح ع البيت؟

اليوم بالدكانة،

اللي بشتري حبة حلاوة بوخذ الثانية ببلاش،

واشتريت وحدة، ومستعدة أقسمها معك.

يعني إذا بدي حلاوة، مش قادر أشتري لحالي؟

احكيلي من الآخر، شو بدك؟

ولا إشي، بس بسأل.

معناته ما في داعي أجاوبك، صح؟

قصدي إنه سعرها رخيص،

وبتقدر تجيب صاحبك يتغدى عنا بالبيت.

يا دوان جياشو!

وين رايح؟

وين رايحين؟

مروّح ع الدار.

أصلاً رايح جنب بيتكم بالزبط.

خلينا نروح سوا.

تمام، وإذا فاضي تعال تغدى عنا.

تمام.

لكان مش رايح،

لازم أخلص واجباتي بالسكن.

* يلا، يعطيك العافية. * مع السلامة.

ألو، يا صغيّرة.

يا ساتر شو حركاتها!

شو في؟

* سكرت الخط بوجهي. * يلا مشينا.

ليش ما أرن وأسأل وين صار سانغ يان؟

لأ، هسا بكونوا واصلين.

ع مهلك، روق! شو القصة؟

* تشن جون ون. * وأخيراً وصلوا.

كم مرة نسيت المفاتيح أنت؟

مش رح أقدر أجبلك إياهم!

إذا بدك إياهم، تعال خذهم بنفسك!

أنت مخك مسكر، ولا مصدي؟

هيني صرت بالبيت، كيف بدي أفتحلك؟

ليش أخوي جاي لحاله؟

يا صغيّرة، ليش فاتحة الباب هيك؟

بهجم علينا الباعوض.

دوان جياشو كان بده ييجي عالبيت،

بس رنوا عليه من المكتبة وراح يشتغل هناك.

بتعرفي إنه ما بهمه غير تجميع المصاري.

يلا بكفي حكي، بدي أسكر الخط.

مع السلامة.

يا صغيّرة، ليش مرجعتيني ع البيت؟

أبوي وأمي حكوا إنه بدنا نتعشى سوا بعطلة نهاية الأسبوع.

نتعشى سوا؟

ما كان بتقدري تحكيلي ع التلفون؟

يابا، يما.

يان، حبيبي روّح!

ليش مروّح اليوم؟ مش المفروض بكرة تروّح؟

عطلة نهاية أسبوع، لنتعشى سوا.

صاير تفهم بالواجب أكثر.

أنا وأبوك كنا برا طول اليوم،

وهلكنا من الشغل وعرقنا كثير.

خلينا نتحمم بالأول.

تمام، تمام.

* بس نخلص حمام بنطبخلكم. * ماشي.

يما، شو رأيك أخوي يطبخ؟

هو يطبخ؟

بنفع، ليش لأ.

انقع الرز واغسل الخضرة بالأول.

أصلاً الطبيخ أسهل منه ما في.

تمام، هو يفلفل الرز وأنا بعمل باقي الأكلات.

يا خوي،

جياشو... بأي مكتبة بشتغل؟

مكتبة جامعتكم؟

ليش بتسأليني هيك؟

هيك، ولا إشي.

حابة أعرف طلاب الجامعة اللي زيكم بشو ملخومين كل يوم.

بشو ملخومين يعني؟

ملخومين عشان ما نشوف وجوه الصغار،

وملخومين بالنوم بالمحاضرات.

يعني زيكم زي طلاب المدارس، صح؟

كيف زي بعض يعني؟

احنا طلاب الجامعة ورانا شغلة ثانية بنعملها:

بنحب وبنعشق.

تحبوا؟

آه طبعاً،

وحدة صغيّرة زيك،

شو بفهمها بهالقصص؟

مستحيل!

مين البنت اللي بدها تعجب فيك أنت؟

بقلك في طوابير بنات ميتات علي،

كثار لدرجة قطار سريع كامل ما بوسعهن!

شو بتعملي؟

صارلي زمان ما سمعت حدا بفشر وبشوف حاله

بهالروقان هاد.

مش مصدقتيني يعني؟

تعالي أقلك،

بتعرفي ليش الشباب اللي معي بالسكن

ما عندهم حبيبات؟

الشباب اللي معك بالسكن ما عندهم حبيبات؟

لأنه كل البنات

واقفات بالدور عشان يرتبطوا فيي أنا!

شو هالهبل هاد!

المرسل: دوان جياشو

وصلتني هدية جديدة من جياشو عشان الامتحان.

ألو.

ألو، أخي جياشو.

وصلني الطرد اللي بعثته.

لقيت فيه هالكلب الأهبل.

شو، عجبك؟

بحس شكله مألوف.

صح؟

مش بشبه سانغ يان؟

* متذكر موضوع التعبير تبعي؟ * أكيد.

مرة شفت هالكلب بالشارع،

واتذكرت الرسمة اللي رسمتيها هداك اليوم.

وخطر ببالي أشتريه وأهديكي إياه.

مبروك!

المرة هاي جبتي 95 بامتحان الفيزياء.

طب يا أخي جياشو، اعطيني عنوانك.

بدي أبعثلك شغلة.

بدك تبعثيلي إشي؟

وحدة بوحدة، والهدية بترد بهدية.

ما في داعي تغلبي حالك.

ليش؟ هالشغلة كثير مهمة.

قديش بيطلعلك مصروف بالشهر؟

بتقدري تخلي هالمصاري معك وتصرفيهم ع حالك؟

مش بحاجة تهديني أي إشي.

رح أبعثلك إياها.

ما في داعي تغلبي حالك.

بكفيني ومبسوط إنه خطر ببالك.

طب أخوي حكالي إنه بحفلة التخرج

رح ترجع، عنجد هالحكي؟

آه.

رح تيجي؟

آه باجي.

تمام،

بنشوفك وقتها لكان.

بدي أسكر الخط هسا لكان.

مع السلامة.

مع السلامة.

لكان رح تكون هديتك للتخرج.

مين؟

زمان عنك، عاش من شافك.

شو جابك أنتي؟

مش رح تعزمني أقعد شوي؟

مش وقته ومش مناسب.

بعتذر منك.

خذي.

هداك الزلمة وضعه مش منيح بالمرة.

لا تستعجل

ترجعلي مصاري هالشهر.

بسيطة، عادي.

بدبر حالي لحالي.

كل اللي بدي إياه

إنك ما تنزنق.

عنجد ما في داعي.

شكراً إلك.

طب،

تحدد موعد حفلة تخرجك ولا لسا؟

بقدر أحضر؟

ما في داعي.

بسيطة، حصل خير.

أصلاً هيك هيك رجعت ع ييهه.

بكون معنا وقت نلتقي ونتشاوف.

لكان مبارك التخرج سلف.

شكراً.

بحكي معك بعدين لكان.

ثلاث، اثنين، واحد!

يلا ابتسموا!

ابتسموا!

نزلوها شوي.

تمام، يلا، ابتسموا!

ثلاث، اثنين، واحد!

زملائكم؟

أصلاً ما بنعرف بعض بالمرة.

تعال يا سانغ يان!

هياتهم هناك.

* يعطيكم العافية يا عمي. * أهلاً عمي.

مبارك! كلكم تخرجتوا.

الله يبارك فيك يا عمي.

عمي، خالتي ما إجت معك؟

مرضانة ومسخنة شوي.

حكتلها ترتاح بالدار.

* هالكم يوم كثير ناس مسخنين. * آه والله مزبوط.

سانغ يان، متأخر حضرتك.

ما صورتني ولا صورة لسا.

تعال نتصور.

يلا تعالوا نتصور.

تعالوا بصوركم أنا.

يسلمو يا عمي، شكراً إلك.

* يسلمو يا عمي. * يلا.

يلا، طلعوا علي هون.

واحد، اثنين، ثلاث.

حركة ثانية.

يلا، واحد، اثنين، ثلاث.

تمام، تفرجوا.

* يسلمو. * تشيان فاي!

* تشيان فاي، تعال اتصور! * يلا يلا جاي.

* استعجل بسرعة. * يابا تعال نروح هناك.

وانتو كمان يا جيا!

تعالوا.

حكالي إنك ناوي تضل ببلدك وتشتغل هناك.

آه مزبوط، لقيت شغل.

مش غلط تشتغل ببلدك، فكرة ممتازة.

ع كل حال، مكان بتعرفه وبترتاح فيه.

بس تيجي على نانوو،

تنساش تمر عنا وتتغدى بالدار.

* إن شاء الله، أكيد. * تمام.

يلا نتصور صورة مع أخوكي.

* نتصور سوا. * تمام.

زمان عنك يا صغيّرة.

هاي إلك.

إلي أنا؟

فكرتها لأخوكي.

هو أخذ حصته وخلص.

هاي لأستاذ الفيزياء الخصوصي تبعي.

بتمنالك تنبسط بتخرجك وتضل فرحان كل يوم.

يسلمو إيديكي.

كثير عجبتني.

وأنا كمان بتمنى

لطالبتي مستقبل بجنن ودراسة موفقة.

حفلة التخرج رح تبلش هسا!

كل الخريجين

يرجى التجمع بالمسرح فوراً!

أخي جياشو، روح أنت.

بدور ع أخوي لحالي، ولا تاكل هم.

عادي بوصلك لعنده.

هيني ببعث مسج لأخوكي.

يلا نمشي.

دوان.

* دوان. * دوان.

حفل تخرج دفعة 2016

* نتصور سوا صورة؟ * يلا تمام.

بدي ألقط صورة.

دوان، مين هاي؟

أختي الصغيّرة.

يا أختنا.

بتقدري تصورينا صورة؟

حاضر.

* يسلمو إيديكي، بس اكبسي هون. * تمام.

يلا، كلكم سوا.

كلكم مع بعض، يلا.

يلا يلا يلا.

تعالوا هون، هون.

تمام.

ثلاث.

اثنين.

واحد.

ممتاز.

تمام، يسلمو إيديكي.

جياشو.

دكتور تشانغ، شكراً كثير إلك.

بتمنى أشوفك مبدع ولامع بمجال ألعاب الفيديو.

* رح أشد حيلي بالشغل. * بتمنالك مستقبل باهر.

شكراً إلك.

يلا يا شباب، أنا داخل لجوا.

* تمام. * تفضل دكتور.

دوان،

شغلي معك بالمسابقات ومشاريع الجامعة

كان أصعب وأحلى إشي

عشته بهالأربع سنين.

حلو ومر بنفس الوقت، ها؟

* بالزبط. * قصة معقدة هاي.

متذكر لما

كنا نسهر لنصاص الليالي كل يوم

وما نلاقي نوكل غير نودلز بس نجوع؟

ياي شو كانت أيام صعبة!

رح نوصل وننجح.

بكرة مروّح ع بلدي.

مسافر بكرة؟

* وانتو؟ * يمكن بكرة كمان.

مش عارف إذا بنلتقي بعدين ولا لأ.

عادي، ولا تاكل هم.

أكيد رح تجينا فرص ونتلاقى.

لكان أنا فايت بالأول.

* تمام، بنشوفك. * يلا مع السلامة.

أخي جياشو،

يعني بعد التخرج،

هدول الزملاء ما عاد يشوفوا بعض بالمرة؟

وارد كثير.

كيف بدي أحكيلك؟

مع إنا بنفس الكلية وبندرس نفس التخصص،

بس لما ننزل ع معترك الحياة،

كل واحد بياخذ طريقه وخياراته،

وشوي شوي بيمشي كل واحد فينا بمسار غير.

وممكن يصير صعب نرجع نتلاقى.

طب وأنا؟

أنتي؟

أكيد وضعك غير.

هدول مش رح يعملوا زي أختي الصغيّرة،

اللي برأس السنة

خبتلي عيدية،

وبيوم تخرجي،

أهدتني ورد.

لا تقلقي،

بس أرجع،

بمر أشوفك بس أفضى.

ومتى يعني؟

بس تفضى؟

قبل ما آجي،

بعطيكي خبر.

ماشي؟

يا تشو،

بالله ساعدني.

حاضر.

صورني صورة أنا وأختي.

من عيوني.

خذ هاي.

تعالي.

يلا، طلعوا ع الكاميرا.

أيوا، ابتسموا.

مبارك التخرج!

يا زلمة خفف شرب شوي.

وأنت مش قد الشرب،

خفف عاد.

رجعتوا ملزقين ببعض أنتو الاثنين!

اليوم لازم أفهم القصة ع بلاطة.

دايماً مع بعض،

وما حدا فيكم مرتبط.

سانغ يان مع هالطبع تبعه مستحيل يرتبط،

ما حدا رح يطيقه.

وأنت يا شو؟

بالزبط، أنت ليش مش مصاحب؟

شو بدي أحكيلك؟

آه مزبوط.

مشان هيك احنا إخوان وصحاب روح بالروح.

شو، مش عاجبك؟

يا دوان جياشو!

وأنا مش أخوكم يعني؟

كيف بتهون عليك العشرة هيك؟

أخونا ونص، طبعاً أخونا.

تطلع عليه، دايماً بعيط بدون سبب.

مش معبرني بالمرة.

معبرك وسامعك، تعال هون تعال.

عنجد بتعيط؟

كيف بتعيط يا زلمة؟

صرت شحط وقاعد بتعيط!

تعال، افتحلي قنينة.

هات، ناولني إياها.

يسلمو.

شو، تعال نشرب سوا.

* يلا، كاسك. * بصحتك! بصحتك!

مبارك التخرج!

اليوم تخرجنا، ومش شارب غير كولا؟

* اشرب بيرة. * ما بشرب كحول أنا.

مش معقول شو إنك ممل!

تعال هون تعال.

هات، هات عنك.

يلا، بصحتك!

يلا يلا.

رجعنا لنفس القصة.

إذا بتشرب عنه كأنه هو اللي شرب، صح؟

اخرس عاد فكنا!

* يلا، اشرب. * يلا.

يلا، بصحتكم! بصحتكم!

تعال يا شو.

شو مخلي الكاس مربي فيه سمك؟ اشرب!

شو، حوت ولا قرش اللي مربيه؟

بضل كاس بذمتك يعني؟

بشرب أنا بالأول.

استناني لا تشرب لحالك!

* قبل ما تشرب، بدي أسألك. * أنا بسألك أول.

* معجب فيها؟ * أنا...

بتحبها؟

معجب فيها ولا لأ؟

بخلص هالكاس بالأول.

اليوم آخر يوم.

آخر يوم، صح؟

اليوم آخر يوم.

إذا ما حكيت الصدق هسا، ما عاد تجيك فرصة ثانية!

مبسوطة إنك رح ترجع ع ييهه،

مبارك التخرج!

شو مالك يا شو؟

ما بيهون علي تروح وتسيبنا!

سكرت أنت؟

لأ.

ليش قاعد لحالك هون؟

شكله شارب كثير.

مش سكران والله.

* شارب زيادة عن اللزوم... * بكفي تمثيل عاد!

تعال، تعال نشرب كاس سوا.

مين فيكم اللي عمل هيك بـ تشيان فاي؟

يلا يلا، اشرب اشرب!

يا تشيان فاي، يلا!

لأ، لا تعطوه بعد، هاي آخر مرة.

* تعالوا، يلا يلا! * مبارك التخرج! مبارك التخرج!

* يلا، ارفعوا! * كاسكم جميعاً!

سكران حضرتك؟

يا خوي بدي أسألك،

إذا أنا مش جنبك،

مين بده يدير باله عليك ويحميك؟

روق،

في كثير ناس ميتين علي.

يا دوان جياشو،

إذا أنت وتشن جون ون مروّحين ع بلادكم،

ما بضل معي بـ نانوو غير سانغ يان.

ومش فاهم شو في بـ ييهه حتى ترجعلها؟

تمام تمام، يلا مشينا!

هلكتنا صراخ وهواش،

تطلع ع حالك كيف صرت هسا.

مزبوط.

وصلنا.

يا خوي،

رح تكون أمورك تمام بـ ييهه؟

اوعدني إنه أمورك تكون بخير بـ ييهه.

أكيد رح أكون بخير.

اقعد.

يا خوي،

ضلك زورنا كثير،

عشان نتشاوف.

رح أضل آجي وأشوفكم.

سانغ يان،

روّحت؟

* يعطيكم العافية يا عمي. * أهلاً دوان، نورت.

شو ماله؟ شارب كثير؟ شو ماله؟ شارب كثير؟

اليوم تخرجنا عشان هيك.

* ليش هالقد شارب؟ * يسلمو إيديك لأنك روّحته.

شربيه مي.

* حاضر. * بدي أعمله شوربة تصحصح راسه.

* تمام. * مش قد الشرب ولا شو مشربه كل هاد!

تعال يما، اشربلك شوية مي.

* ع مهلك، شوي شوي. * لكان أنا بستأذن.

استنى شوي، وين بدك تبات اليوم؟

في فندق قريب من هون.

لا تصرف مصاريك ع الفنادق، بتنام بغرفة سانغ يان.

ما في داعي والله.

أبداً.

تشي، نزلتي.

دوان رح يبات عنا الليلة،

طلعيلي منشفة وفرشاة أسنان جديدة.

ما في داعي تغلبي حالك يا خالة، بدبر حالي.

لا تغلب حالك ولا إشي، اطلع بسرعة.

عادي، اعتبر البيت بيتك.

صرت أحسن؟

هيك غلبتكم كثير معي، ما كان في داعي.

طلعيها لفوق.

حاس حالك منيح؟

اطلعي يا مفرعنة.

تمام، تمام، ولا يهمك.

سيبي عنك، أنا بسويها.

* تمام. * تشي، طلعيه لفوق.

شو مشربك هالقد عاد؟

جهزت يا روحي؟

استنى عليها شوي.

شربه شوية مي.

هيك منيح؟

طبعاً.

يسلمو إيديكي.

أخي جياشو، بدك تشرب من الشوربة عشان تصحصح؟

أنا ما شربت كحول أصلاً.

لأ، يسلمو.

الوقت تأخر، روحي نامي.

بنام بعد ما آخذ شاور.

طب يا أخي جياشو،

أنت... المنشفة وهالقصص...

حضرات السيدات والسادة،

يرجى من المسافرين

المتوجهين إلى ييهه على متن الرحلة NW413

التابعة لخطوط نانوو الجوية التوجه إلى البوابة رقم 8

والاستعداد للصعود إلى الطائرة.

يرجى من المسافرين

المتوجهين إلى ييهه على متن الرحلة NW413

التابعة لخطوط نانوو الجوية التوجه إلى البوابة رقم 8

والاستعداد للصعود إلى الطائرة.

جياشو.

كل عام وأنت بخير!