Original subtitles

Anong alam mo sa nangyari kay Walter?

Wala.

Walang imposible sa desperadong tao.

Desperado ako, pero hindi ako masamang tao.

- Hindi 'yan ang kailangan ko. - Ano?

Kailangan kong linisin 'yung pangalan ko.

Suspek ako sa isang kaso ng pagpatay.

Kailangan kita bilang alibi ko.

Paano mo nagawang idamay ang pamilya natin

sa kababuyang ito?

'Wag ka ngang magmalinis!

Alam kong may relasyon kayo ni Walter!

Girlfriend ka ba talaga ng anak ko?

Oo, madam.

Hindi mo kami kilala.

Hindi mo rin ako kilala.

'Yang si Stella Morales,

hindi siya karapat-dapat na makasama ni Vincent.

Kailangan siyang mawala sa buhay natin.

Ano ba? Anong kailangan niyo sa 'kin?

Sino ba kayo? Palabasin niyo 'ko!

Mga bastos kayo!

- Hello. - Hello, Kuya?

Asan ka?

Nasa bahay.

Kailangan mong pumunta dito ngayon.

Bitiwan mo ako! Ano ba? Kanina ka pa!

Ano-- Aray ko, ano ba!

Aray ko!

Ikaw na naman?

Ikaw?

Ano ba 'to?

Gusto niyo lang pala akong makausap,

e, nag-abala pa kayo!

Hindi 'yung pinapadukot-dukot niyo ako sa gilid ng daan.

Akala ko, mamamatay na ako! Sana tinext niyo na lang ako!

O hindi kaya, gayahin niyo 'yung ginawa ng asawa niyo.

Dumalaw siya sa bar.

Sigurado akong maraming magpapaligaya sa 'yo doon.

Okay, seryoso na ang usapan.

Seryosong usapan? Ano ba kailangan niyo?

Napag-alaman ko na ikaw pa rin ang nag-aalaga

sa mga kapatid mo. Nasaan ang nanay mo?

Ano pakialam mo sa nanay ko?

Bakit ba nag-uungkatan tayo ng buhay dito?

Ano ba gusto niyo talaga?

Hihiwalayan mo si Vincent. Magkano?

Babayaran niyo ako para hiwalayan ko 'yung anak niyo.

Oo, bigyan mo ako ng presyo kahit magkano.

Teka! Teka, teka! Anong ibig sabihin ito?

Hoy, kumalma ka nga.

Nag-uusap lang kami.

Sirang-sira na ang pangalan mo. Inaayos lang namin ng lahat.

Humingi ba ako ng tulong sa inyo?

Hindi magiging parte si Stella ng kalokohan ninyo.

Ginagamit ka lang niya, pineperahan,

nagpapatanga ka naman?

Mahal ko si Stella!

Grabe! Mahal?

Paano mo kinakayang mahalin ang isang tulad niya?

Itigil niyo nga ang kabastusang 'yan.

Masagwang tingnan!

Masagwa?

Alam pala ng pamilya 'yang salitang 'yan?

E, anong tawag sa ginagawa niyo kay Stella ngayon?

'Wag na 'wag na kayong lalapit kay Stella,

at walang puwedeng gumalaw sa kanya, kahit sino!

Tara.

Bakit mo 'ko hinalikan? Wala sa usapan 'yun, a?

Stella, kinailangan kong gawin 'yon.

Naghihinala na sila sa relasyon natin.

At dinaan ko na lang sa gulatan

para wala na silang masabi, okay?

Wala akong pakialam sa sinasabi nila.

Dahil kahit anong gawin ko, babayaran naman nila ako, e.

Paldong-paldo na sana ako doon sa tatay mo,

pinigilan mo pa ako.

Bakit mo ba ako pinapakialaman?

- Sige na, babalik na ako dun. - Stella!

Ano ba? Pangarap ko 'yun!

Anong pangarap?

'Yung masampal ng pera!

Napapanood ko sa mga teleserye 'yun, e!

Pero hindi ko gagawin 'yung ginagawa ng bida dun

na tinatanggihan 'yung pera!

Puwes, tatapatan ko 'yung offer nila.

Stella, 'wag mong balewalain ang usapan natin.

Inuusisa pa ako ng mga pulis dahil sa pagkamatay ni Walter.

- Kailangan pa rin kita. - Kailangan ko ng pera!

- Puro pera na lang ba sa 'yo? - Oo!

Dahil hindi naman ako katulad niyo na mayaman, e!

Para sa inyo, walang halaga sa inyo 'yung pera.

Pero para sa amin na ginagawa ang lahat,

kahit magbenta pa ako ng katawan,

mahalaga ang pera.

Mabigyan ko lang ng magandang buhay 'yung pamilya ko.

Mas maraming bagay ang mas mahalaga kaysa sa pera.

Leche!

Nasasabi mo lang 'yan kasi nasa inyo na ang lahat.

Nasa rurok kayo, 'di ba?

Kaya 'wag na 'wag mo akong pangaralan tungkol sa buhay ko

dahil hindi mo pinagdadaanan kung ano 'yung pinagdadaanan ko.

At hindi mo rin alam kung anong pinagdadaanan ko.

Hindi mo 'ko kilala.

Daddy! Na-miss kita, Daddy.

Na-miss din kita, baby!

Sino po siya?

A, siya si... Stella, kaibigan ko.

So...

Ikaw pala si Stella.

Mabuti't nakilala na namin ang kaibigan ni Vincent.

Claudia...

Huwag sa harap ni Bea.

Stella.

Stella!

Buo na nga 'yung desisyon ko. Ayoko na nga!

Stella, kapag tumigil tayo ngayon,

lalo nila akong paghihinalaan.

E 'di, sabihin natin, naghiwalay na tayo!

Huwag ka mag-alala.

Papanindigan ko pa rin na magkasama tayo nung gabing 'yun

pero hanggang doon na lang 'yun. Ayoko na magsinungaling.

- Alam ko pero... - Nagpapanggap na nga ako

sa loob ng bar, pati ba naman paglabas,

magpapanggap pa rin ako na kabit mo?

Ang tingin na nga sa akin ng lahat ng tao,

masamang babae dahil nanira ako ng pamilya, e!

Pero hindi naman ako gano'ng kasamang tao,

dahil hindi ako gano'ng klaseng babae.

Nilagay mo ako sa posisyon na hindi ko naman ginusto.

Oo, sige, maraming salamat

dahil napaoperahan ko 'yung kapatid ko dahil sa tulong mo.

Pero hanggang doon na lang siguro 'yun.

Anong masasabi mo sa relasyon ng ate mo...

at kay Mr. Vincent Cabrera?

Ewan.

Hindi ko naman siya kilala.

Bakit wala kayong alam?

Hindi pa siya pinakilala sa amin ni Ate.

Hindi rin kinukuwento.

Nalaman ko nga lang nung nalaman din ng lahat.

Doon sa video nila.

Katherine?

Ate!

Puntahan mo na si Joseph sa taas. Sige na.

A, sir, ano 'to?

Mawalang-galang lang ho, a, pero hindi na ako papayag

na pati kapatid ko, e, dinadamay ninyo sa mga tanong ninyo.

Kung may tanong ho kayo, e, idiretso niyo na po sa akin.

E...

Ba't wala siyang alam sa relasyon ninyo ni Cabrera?

Hmm?

Nadala.

Kontra talaga 'yun pagdating sa mga lalaki.

Lalo na sa mga jojowain ko.

Alam niya kasi, pagdating sa trabaho ko,

e, hindi naman ako sineseryoso.

Kaya 'pag 'yun 'yung usapin, hindi na namin pinag-uusapan.

Sandali.

Bakit ba sagot ako nang sagot sa lahat ng tanong ninyo?

Akala ko ba nasagot ko na 'yung katanungan ninyo?

Kinukumpirma lang namin ang lahat.

May nakuha kaming impormasyon.

May nakakita kay Mr. Vincent Cabrera

nung gabing 'yun... sa villa ni Cunanan.

Bale, sino sa inyo ang nagsasabi ng totoo?

Tindi naman ng mga pulis na 'yun!

Hindi talaga sila tumitigil?

E, paano sila titigil kung wala pa silang nahuhuli?

E, sa ngayon,

'yung Vincent pa rin ang suspek nila.

Pero naghahanap pa ng ibang witness na nakakita sa kanya.

Kaya nga pinupuntirya ka pa rin nila.

Kasi damay ka. Alibi ka niya, e!

E, paano kung madiskubre ng mga pulis ang pagsisinungaling mo?

Oo nga?

E, 'di ba, bumitiw ka na sa usapan niyo?

Hindi mo na siya jowa!

Parang dapat bawiin mo 'yun, e.

Panindingan niyo ulit 'yung usapan niyo.

Jowain mo ulit!

Lalo lang akong madadamay sa buhay niya!

Ayoko na 'yung...

mangyari ulit sa akin 'yung nangyari noon.

Mahirap ang walang kakampi.

'Yung Vincent, mayaman.

Kayang-kaya nu'n solusyonan ang lahat ng problema.

At kayang-kaya ka rin nu'n protektahan.

Tibay mo rin, a.

Hindi ako gano'n kadaling sumuko.

Makinig ka.

Ayoko na rin patagalin 'tong transaksyon natin.

Gusto ko na rin linisin 'yung pangalan ko

at sa lalong madaling panahon.

Basta...

...manatili ka.

Kailangan din talaga kita makausap nang masinsinan.

Makinig ka mabuti.

'Yung mga pulis, hindi na ako tinatantanan.

'Yung kapatid ko, pinupuntirya na rin nila.

Nagbago na isip ko.

Pumapayag na ako sa gusto mo.

Pero may patakaran ako.

Patakaran?

Unang-una...

Bawal kang magtanong ng kahit na ano

tungkol sa personal kong buhay.

Lalong-lalong na 'pag tungkol 'to sa pamilya ko.

At ano ang ikalawa?

Bawal natin ipahamak ang isa't isa.

Gagawin natin ang lahat...

huwag lang malaglag ang isa sa atin kahit anong mangyari.

Okay. Walang problema.

Sige.

Higit sa lahat,

kailangan ko ng sampung milyong piso.

Buhay ko nakasalalay dito! Buhay ng mga kapatid ko!

Proteksyon ko 'yung pera na 'yan sa laki ng gulong papasukin ko.

Humihindi ba ako?

Payag na ako sa gusto mo.

Sige!

Ano?

Binayaran mo si Stella para maging alibi mo?

Siya lang naman 'yung mapagkakatiwalaan ko.

Sa bagay, para hindi kayo naidiin.

Pero, tol...

Gaano ka kasigurado na mapagkakatiwalaan mo si Stella?

George, wala naman akong pagpipilian.

Para po sa ikakatahimik ng lahat.

Inaamin ko...

- Ano 'to? - ...ang kasalanan ko.

- Ano? - Ako...

...ang totoong pumatay kay Walter Cunanan.

Sino may gawa nito?

Kayo ba may pakana nito?

Inaalam na namin, sir, pero...

pinagpasa-pasahan na 'yung video.

Medyo mahihirapan na matunton. Kalat na sa social media.

Hindi ako 'yan!

Alisin niyo ito ngayon din!

Ngayon na! Bilis!

Dali!

Stella! Paano ba 'yan?

Kahit na peke 'yang video, maraming naniniwalang netizen!

Akala talaga nila, siya ang pumatay!

E, siguro naman, gumagawa ng paraan si Vincent.

E, 'di ba, taga-media sila?

E, anong magiging epekto sa kaso?

Paano 'pag naniwala mga pulis?

Baka madamay ka!

'Di ba, nag-usap na kayo?

Tinanggap mo na naman 'yung offer niya?

Oo, sa malaking halaga.

Huwag na kayong mag-alala!

Napaghandaan ko na 'yung ganitong eksena.

Nung nagdesisyon ako, wala nang atrasan 'to.

E, sana naman, tumupad siya sa usapan.

Lalo na sa sampung milyon.

'Pag 'di siya tumupad,

matitikman niya ang bangis ni Stella!

Matagal ko nang hinahanap ang kapatid ko.

Ayokong mapunta lang 'to sa wala.

Mabubuo din kaming magkakapatid.

At malaking tulong 'yung pera na 'yun

para ipagpatuloy ko 'yung paghanap ko.

Ako... ang totoong pumatay

kay Walter Cunanan.

Mapapatunayan ko na peke 'yang video na 'yan.

May kinausap na akong mga abogado

at eksperto para ayusin ito.

Nangyari na ang nangyari, Vincent.

Sikat ka na sa lahat ng mga plataporma.

Kasinungalinan ang paninirang ito!

Kailangan natin mahanap 'yung gumawa ng video na 'yan!

Mabilis mo bang magagawa 'yun, Vincent?

Ha? Malalaman mo kung sino kaagad ang may pakana nito?

At kahit na mapatunayan mong peke 'yan,

wala na ring kuwenta dahil para 'yang lason...

na ikinalat mo sa dagat.

Hindi mo na 'yan magpipigilang kumalat.

At anong gusto niyong gawin ko? Tumunganga na lang?

- Ipasara mo na! - Sinadya nila 'to!

Sinabi ko na sa 'yo na ipasara mo na 'yan!

Ang tigas ng ulo mo. Wala na ngang kuwenta

ang Cabrera News!

'Yan pa ang sisira sa lahat ng pinaghirapan ko,

sa pamilya ko, sa reputasyon ko.

Hindi ako papayag!

Na masira ang Cabrera, ang pangalan ng Cabrera dahil dito.

Ano ba? Bitiwan mo nga ako!

- May usapan tayo, di ba? - Oo!

Pero hindi kasali sa usapan

na guguluhin mo ako sa trabaho ko.

Dahil hindi mo naman pag-aari 'yong buhay ko.

Lahat ba kayo, tingin niyo lang sa akin,

wala na akong ginawang tama?

Ano ba nangyari?

Tungkol ba ito doon sa...

sa video mo?

Anong video ko?

Anong video ko? Hindi nga ako 'yon!

Wala pa ba sa inyo nakarinig ng deepfake?

Ha?

Ikaw, naniniwala ka doon.

Lahat ng tao, naniniwala doon.

'Yong pamilya ko, naniniwala rin doon,

at gusto na lang nila, ipakulong ko 'yong sarili ko.

Mahirap bang paniwalaan na wala akong kasalanan?

Hoy, hoy, hoy.

Hindi mo naman kailangan laging sumisigaw.

Hindi naman kailangan laging galit.

Ganyan mo ba solusyonan 'yong problema mo?

Matalinong tao ka, Vincent.

Masosolusyonan mo lahat ng problema mo

kung ikakalma mo 'yong utak mo.

Nalaman mo ba

kung sino 'yong may pakana ng video na 'yon?

Naungkat lang naman lahat ng 'to

nang dahil kay Walter

at kung sino 'yong lintik na gumawa noon sa kanya.

Mahahanap ko rin 'yong hayop na 'yon.

Pag nalaman mo kung sino ang totoong pumatay kay Walter,

tapos 'yong problema mo.

Pero sa ngayon, habang wala pang ibang suspek,

hindi mo talaga malilinis 'yang pangalan mo.

Kailangan ka na umalis.

Hoy! Saan ka pupunta?

May kailangan akong puntahan.

- Ngayon na. - Hoy, hoy, saan ka pupu--

Vincent!

Magmamaneho ka talaga na lasing ka?

- Akin na 'yan. - Anong lasing? Kaya ko pa.

Tipsy lang ako.

Ako na magmamaneho. Dali.

Marunong ka bang magmaneho?

Dali na. Sakay.

Dito na tayo.

Hoy, ayos ka lang?

Ah...

Ano bang ginagawa natin dito?

Wala na ba 'yong amats mo?

Ayos na ako.

Saka sinabi ko naman sa 'yo, di ba? Di ko naman...

Hindi mo naman ako kailangang samahan pa dito.

May patakaran tayo, Vincent.

Bawal ipahamak ang isa't isa.

Kung pinagmaneho kita na lasing ka

at may nangyaring masama sa 'yo, kargo pa kita.

Sino 'yon?

Saan?

Sino 'yon?

Saan? Hoy, ba't ka may baril?!

Hoy, Vincent!

Bata pa 'yong mga kapatid ko. Ayoko pang mamatay.

Dito ka lang. Huwag kang lalabas ng kotse, ha?

- Vincent, sandali! - Huwag kang lalabas!

- Diyan ka lang. - Sa-- Vincent!

Diyan ka lang.

Anak ng tipaklong! Ano ba, Vincent?

Hindi nga ako mamamatay sa atake sa puso.

Hindi ba sinabi ko sa'yo--

Delikado dito.

Pasok ka. Dali. Dali.

Pasok ka. Huwag kang lalabas diyan.

Huwag kang lalabas.

- Hoy, Vincent! - Huwag kang lalabas!

Taas ang kamay!

Puputukan kita! Huwag kang gagalaw!

Huwag kang gagalaw, ha?

Sino ka?

Sino ka? Taas ang kamay!

- Claudia? - Vincent!

Ano'ng ginagawa mo dito sa bahay ni Walter, ha?

Ano 'yong nasa likod mo?

Ano 'yong nasa likod mo?

Bigay mo sa akin!

Vincent, pakiusap.

Ibalik mo sa akin 'yan, pakiusap.

Nagdo-droga ka?

Sumagot ka!

Vincent, pakiusap.

Ibalik mo sa akin 'yan, pakiusap.

Matagal mo na bang iniinom ito? Ha?

Nagmamakaawa ako sa 'yo, Vincent.

Ibalik mo sa akin 'yan!

Ibalik mo sa akin 'yan!

Bale, si Walter...

Si Walter ang nagsu-supply sa 'yo nito, ha?

- Alam mo... - Vincent, ano'ng ginagawa mo?

Pakiusap. Huwag, huwag, huwag! Huwag!

Huwag, Vincent! Huwag!

Huwag!

Gusto mo 'to?

- Ayan! - Huwag!

Itigil mo na 'to, Claudia!

Dadalhin kita sa pasilidad, ha?

Hindi! Vincent, sinasabi ko sa 'yo.

Claudia, kailangan mong magpa-rehab!

Hindi na ako babalik sa impiyernong 'yon!

Magpapakamatay ako pag binalik mo ako sa rehab!

Mawawalan ng nanay 'yong anak mo!

At hindi ka patatahimikin ng konsensya mo kahit kailan!

Claudia...

Claudia, ginagawa ko 'to para kay Bea.

Ginagawa ko 'to para sa anak natin!

Isipin mo si Bea, ha?

Isipin mo si Bea!

Vincent, patawarin mo ako.

Patawarin mo ako. Patawarin mo ako.

Isa lang, pakiusap. Bigyan mo ako ng isa.

Claudia, kailangan mo ng tulong.

Bigyan mo ako ng isa.

Hindi. Kailangan mo ng tulong.

Kailangan mong pumunta sa pasilidad, ha?

Claudia.

Claudia.

Claudia!

Uy, Claudia!

Sir, lumabas na ang pagsusuri

sa tama ng bala sa pader ng villa ni Cunanan.

Sabi sa ulat,

posibleng galing daw sa kalibre .45

base sa bakas ng pagtama.

Lumabas na rin 'yong autopsy at toxicology report ni Cunanan.

May nakitang droga sa sistema niya.

At base sa talaan sa pinangyarihan ng krimen,

walang kahit anong bakas ng droga

ang nakita sa villa niya.

Gumamit pala.

O blunt force trauma ang sanhi ng pagkamatay.

Parang ang labo naman.

Kung may baril 'yong pumatay sa kanya,

bakit hindi pa siya pinatamaan?

O baka 'yon ang ginamit na panghampas sa kanya?

Pwede naman.

Alam mo,

ang daming hindi nagtutugma sa kasong ito.

Ayos ka lang?

Claudia!

Claudia!

Claudia! Claudia! Claudia!

Nagwi-withdrawal 'yan.

Ganyan 'yong mga kasama ko sa kulungan.

Mga lulong sa droga.

Claudia!

Tao po! Tao po! Tao po!

Tao po!

- Claudia! - Vincent!

Vincent, may mga tao. Kailangan na nating umalis.

Halika na, bilis!

- Tara na! - Claudia!

- Claudia! - Vincent!

- Tao po! Tao po! - Hindi nila pwedeng malaman

na nandito tayo.

Tara na, bilis! Vincent!

Dahan-dahan.

Halika, Claudia.

Teka. Saan 'yong banyo niyo dito?

Ayan, ayan. 'Yong pinto diyan sa harap.

Sige. Hawakan mo, ah.

Sandali.

Sige.

O, ito.

Stella, hindi mo na kailangan pumunta--

Hindi na, sige na.

- Ako na ang bahala dito. - Sige na.

Basain mo para mahimasmasan nang konti.

Tsaka ilagay mo ito diyan para pag nag--

- sumuka siya... - Sige na. Kaya ko na gawin 'to.

Hindi mo na kailangang gawin ito.

Nanay?

Stella, ikaw na muna ang bahala kay Claudia.

Hindi pwedeng makita ni Bea 'to.

Hindi. Ako na. Ako nang bahala sa bata.

Sige na.

Hi, bata.

Tara.

Sir, wala kaming inabutan.

O, sa susunod ulit, ha?

Maglalaro ulit tayo.

- Sige po. - O, tulog ka na.

Bea?

Ay. Ayan na 'yong tatay mo.

Kamusta siya?

Ayos lang.

Ayos lang po ba si Nanay?

May sakit lang si Nanay pero gagaling din siya, ha?

O, ba't di ka pa natutulog? Gabi na.

Tulog ka na, ha?

- Sige. Matulog nang mahimbing. - Opo.

Matulog ka nang mahimbing, Tatay.

O, ayan. Narinig mo na si Tatay mo.

Ayos lang ang nanay mo.

Natatakot pa rin po ako.

Bakit naman?

Kasi tuwing nagkakasakit si Nanay,

hindi siya nagigising agad.

Akala ko, may masamang nangyari sa kanya.

Ah...

Wala, wala.

Ganoon lang talaga kaming mga nakakatanda.

Minsan, kapag sobrang pagod, mahirap gumising,

o minsan, masama 'yong pakiramdam,

pero huwag kang mag-alala.

Inaalagaan ng tatay mo 'yong nanay mo.

Paano pag wala si Tatay?

Paano pag hindi sumasagot sa tawag ko?

Kasi ganoon po minsan si Tatay.

Um, sige. Ganito na lang.

Pag hindi sumasagot ang tatay mo,

ibibigay ko sa 'yo 'yong numero ko.

Ako na lang 'yong tawagan mo. Ayos ba 'yon?

Opo.

O, ayan. Basta huwag ka na matatakot, ha?

Nandito naman ako.

Sasamahan kita hanggang sa makatulog ka.

Ha?

Sandali.

Kape.

Salamat.

Salamat doon pala sa...

pagtulong sa akin kay Claudia.

Pati rin sa pag-aliw kay Bea.

Wala 'yon.

Ang daming nangyari.

Ang sarap huminga.

Kaya nga huwag mo na akong ihatid.

Ibaba mo na lang ako do'n sa sakayan.

Ako na'ng bahala.

Alam kong pagod ka.

Babalik ka pa sa inyo.

Hindi na ako do'n nakatira.

Ha?

No'ng nalaman ni Claudia 'yong tungkol sa 'tin,

pinalayas niya ako.

E, bakit ka pumayag? E, bahay mo din naman 'yon.

Dahil nga ayoko na ng gulo.

At isa pa, ayokong nakikita ng anak namin

na nag-aaway kami lagi.

A...

Ikaw ang nag-adjust.

Paano 'yong bata?

Uy, matanong 'yong anak n'yo, ha?

Alam niya ba kung ano'ng nangyayari sa nanay niya ngayon?

Hangga't maaari,

sinusubukan kong ilayo siya sa lahat.

Ginagawa ko naman lahat para maprotektahan siya.

Uy, pasensya na, ha.

Bakit?

Nagkamali ako.

Akala ko makasarili ka.

Hindi pala.

Hindi mo na ako kailangang puriin.

Ginagawa ko lang naman lahat para sa anak ko.

Ayoko kasing maranasan niya 'yong naranasan ko.

Tulad ng?

Na lumaking mag-isa.

Ampon ako, Stella.

Kaya pala.

Kasi iniisip ko talaga, ang yaman ng pamilya n'yo, e.

Bakit hindi kayo tulungan?

Madali lang 'yon sa inyo, di ba?

'Yon pala 'yon.

Pero buti na lang, mayaman ka.

Tsk.

Kung alam mo lang.

Alam mo,

kahit papa'no, nakaka-relate din naman ako diyan sa buhay mo.

Kasi lumaki din naman ako

na parang wala din akong magulang, e.

Tatay ko, hindi ko siya nakilala.

'Yong nanay ko naman,

nawala na lang siya na parang bula.

Kaya naiwan sa 'kin 'yong mga kapatid ko.

Hindi ko nga alam kung naaalala ko pa no'ng...

nakapaglaro ba ako no'ng bata ako.

E di wala pala tayong pinagkaiba.

Teka lang, nilabag mo 'yong rule mo.

Bawal ang mga personal na tanong, di ba?

Ito naman, nadala lang. O.

Cheers.

Masarap 'yan sa kape, nakakagising.

'Yong mga nalaman mo pala,

sana itago mo na lang muna.

Na ano?

Na adik si Claudia?

Hm, cheers.

Ano ba? Sagutin mo!

Bakit ba nando'n si Claudia sa bahay ni Walter?

Ibig sabihin,

si Walter 'yong supplier ni Claudia ng droga?

Habang nagpapanggap siyang kaibigan namin.

At hindi lang siya nagsu-supply ng droga kay Claudia.

May relasyon din sila.

Talaga?!

E, ba't ko ba kinukuwento sa 'yo 'to?

Bawal tayong mangialam sa personal nating buhay, di ba?

Hindi. Hindi bawal.

Hindi sa pagmamarites 'to, Vincent, a.

Kasama talaga 'to.

Kailangan kong malaman ang tungkol dito

dahil konektado 'to sa kaso mo.

Pero...

Sandali.

Kung si Walter 'yong kalaguyo ng asawa mo,

ibig sabihin,

may posibilidad na...

na i-ikaw 'yong pumatay kay Walter?

'Yon ba ang tingin mo sa 'kin?

Hindi pa ba sapat na sinabi ko sa 'yo

na hindi ako ang pumatay sa kanya?

Sana...

Sana maintindihan mo rin ako.

Sa panahon ngayon,

hindi na ako basta-basta nagtitiwala kahit kanino.

Sa dami ng pinagdaanan ko,

ilang beses na akong pinahamak ng tiwala kong 'to.

Kaya hinding-hindi ako magtitiwala kahit kailan.

Pero sana sa 'kin, magtiwala ka.

Iba ako sa kanila.

Dito muna ako nakatira pansamantala.

Okay dito, tahimik.

Malayo sa gulo ng siyudad.

Kailangan kong bumalik ng bar mamayang gabi, a.

May usapan na tayo, di ba?

Ba't kailangan mo pang bumalik diyan sa trabaho mo?

Pag umalis ako ng club, uuriratin ako ng mga 'yon.

Magtatanong sila kung saan nanggaling 'yong pera ko.

Siyempre, ayoko na ng mahabang paliwanagan

dahil ang liliit ng mga utak ng mga 'yon.

At isa pa, wala pa sa palad ko 'yong pera.

Hindi ko nakakalimutan 'yong usapan natin.

At isa pa, magulo.

Lumayo ka na muna.

Alam mo namang delikado diyan sa pinagtatrabahuhan mo, e.

Wala akong pake.

Marami akong binabayaran at may mga binubuhay ako, okay?

Umalis ka na muna diyan sa club na 'yan

para makaiwas ka sa gulo.

At huwag kang mag-alala. Sagot kita.

Ano? Libre?

O, e di babayaran ko 'yong oras mo.

Ipagkakatiwala ko sa 'yo 'yong buhay ko?

Stella, kailangan mo akong pagkatiwalaan.

Aba'y pasensya! Hindi ako gano'n kabilis magtiwala sa isang tao,

lalo na sa dami ng nalaman ko tungkol sa 'yo.

Hindi ko nga alam kung pagkakatiwalaan pa kita, e.

Dahil kapag nagkalintikan tayo dito,

di mo naman ako ipagtatanggol, di ba?

Siyempre, uunahin mo 'yong sarili mo.

Ganyan ba talaga 'yong tingin mo sa 'kin?

Oo! Ganyan naman kayong mga mayayaman, e.

Makasarili.

Baka 'yan na 'yong order ko.

Sama 'ko.

Ano'ng ginagawa n'yo dito?

Alam ko kung nasa'n si Vincent.

Nakita ko sa cellphone ng sekretarya niya.

Sinusundan n'yo ba ako?

May kailangan lang kaming tanungin.

Ano?

May baril ka raw, Mr. Cabrera.

Meron.

Matagal na.

Rehistrado at may permit to carry.

Pero nawawala.

Pinapaayos ko na 'yong report.

Inaasikaso ng abugado ko.

May nakita kaming bala sa bahay ni Cunanan.

Galing kwarenta'y singko.

O, tapos?

Sandali.

Ano ang gusto mong palabasin?

Pahahabain pa ba natin 'to, Mr. Cabrera?

Saan mo ba tinago?

Sumama kayo sa 'kin.

Ninakaw 'yong baril ko.

Sino namang kukuha no'n?

Hindi ko alam.

Baka kinuha 'yong baril ko para ibintang sa 'kin ang lahat.

Hindi ba napaka-convenient?

Na sa oras na nasangkot ang kaparehas na kalibre ng baril

na nakarehistro sa pangalan mo sa krimen...

...bigla lang nawala?

Hindi ko na alam kung ano'ng sasabihin ko sa inyo.

Oo, alam ko, responsibilidad ko 'yon.

Pero saang krimen ba ginamit 'yong baril ko?

May patunay ba kayo?

Bakit? Baril ba ang sanhi ng pagkamatay ni Walter?

Maaaring 'yong baril ang ginamit sa paghampas sa kanya.

Makikita mo rito na nakapagsampa na kami ng ulat sa pulis

bente-kwatro oras matapos naming matuklasang nawawala ang baril.

Nakapagsampa na rin kami ng affidavit of loss.

Sinunod namin ang tamang proseso

at nakipagtulungan kami sa mga pulis simula umpisa.

Ngayon, parang harassment ang ginagawa ninyo.

Wala namang harassment na nagaganap.

Sumusunod lang naman kami

kung saan kami dinadala ng ebidensya.

Ano ngang ebidensya?

Sir.

Ito na 'yong resulta ng dugong nakita natin sa bahay ni Walter.

At 'yong dugong nakuha namin sa T-shirt mo noon,

nagtugma sa dugong nakita namin sa bahay ni Walter.

Kung saan namin nakita ang bala

na kaparehas sa kalibre ng baril mo.

Ano ang nangyari sa bahay ni Walter, Vincent?

Sabihin mo sa akin.

Ikaw ang nanloob sa bahay ni Walter.

Ano ba?

Sinabi nang wala akong alam doon sa baril ni Vincent.

E, sa panloloob sa bahay ni Walter Cunanan?

Aba malay ko.

May nakausap kami.

No'ng gabing 'yon, nasa club n'yo si Cabrera.

Magkasama nga kayo, e.

Aba, siyempre, diyowa ko siya.

Dinalaw niya ako sa trabaho ko.

Maglalambingan kami, gano'n, halikan.

May nakakita nga. Magkasama kayong umalis ng club.

Saan kayo nagpunta?

Sa...

May dapat kayong malaman tungkol sa asawa ko.

O, ano, Vincent?

Oo.

Pumasok ako sa bahay ni Walter.

Inaamin mo?

Pagkatapos namin maghiwalay ni Stella no'ng gabing 'yon,

tinawagan ako ng katiwala ni Walter.

Pinapa-check sa 'kin 'yong bahay kung may nawawala ba o ano.

Puwede n'yo namang beripikahin sa kanila.

Bakit sa lahat ng tao,

ikaw ang uutusan nila?

Nakalimutan n'yo na ba?

Best man ko si Walter. Ninong siya ng anak ko.

O, gano'n ka kagaling magmanipula?

Sabi nga nila, e,

magaling ka nga magmanipula ng balita.

Naalala mo 'yong landslide, ha? Napanood ko 'yon.

Nag-viral. Kaantig-antig.

Alam mo, nakausap namin 'yong isang reporter n'yo, e.

Pinapa-acting mo daw 'yong ibang biktima.

Para may maipalabas kayo.

Walang kaugnayan 'yan sa kaso!

Ano'ng kinalaman ng ginagawa ni Vincent sa trabaho niya

sa kaso ni Walter?

Pero maraming sinasabi 'yon sa pagkataon niya.

Sir, kumpirmado.

Tinawagan daw si Vincent.

Sabihin mo sa akin ngayon.

Bakit ka nagpaputok ng baril?

No'ng pumasok ako sa bahay,

may mga nanloob, mukhang mga magnanakaw.

May baril sila at nanlaban ako.

Bakit hindi ka humingi ng tulong sa mga pulis?

E, kasi nga, nanganganib na nga 'yong buhay ko.

At isa pa, pinag-iinitan n'yo na 'ko.

Maraming pinagdadaanan 'yong kliyente ko.

Nabigla siya sa nangyari.

Batay sa Revised Penal Code,

walang obligasyon ang mga pribadong indibidwal

na mag-ulat.

Ang pananahimik ay karaniwang hindi pinarurusahan.

Sir, may dumating sa presinto.

Gusto kayong makausap.

Ano 'yan?

Laruan ng anak ko.

May camera.

Galing 'yan kay Vincent.

Nanny Cam?

Sa tingin ko, nilagay niya 'yan...

para manmanan ako.

Bakit naman niya gagawin sa 'yo 'yon?

Para mapatunayan...

na meron kaming relasyon ni Walter.

Meron nga ba?

Oo.

Pinabayaan ako ni Vincent.

At si Walter ang sumalo sa 'kin.

Natukso ako.

Marupok ako no'n.

May nangyari sa 'min.

At nakunan pa niya ng video?

Hmm?

Malamang.

Chineck ko,

wala nang naman 'yung SD card.

Mukhang tinago na ni Vincent.

So, bago pa namatay si Walter,

alam na ni Vincent na may nangyayari sa inyong dalawa?

Sa palagay ko.

'Yun ang motibo.

Kaya meron akong fingerprint sa villa.

Hindi lang dahil pinuntahan ko

si Walter sa villa.

May nangyari sa amin.

At si Vincent...

Alam mo kung anong sinabi niya sa akin?

Nakita niya kaming dalawa ni Walter.

Bakit ngayon mo lang sinasabi ito?

Sa tingin mo...

Ha? Madali para sa'kin aminin

na nagtataksil ako sa asawa ko?

Papaano ako nakakasiguro

na wala kang kinalaman sa nangyari kay Cunanan?

May...

nangyari sa amin

nung gabing 'yon.

Paano mo sasabihin

na ako ang pumatay?!

Gulong-gulong ako.

Takot na takot ako nung nalaman ni Vincent.

Hindi ko alam ang gagawin ko.

Hindi ko alam...

kung anong kayang gawin

ni Vincent.

Dala ng asawa mo.

Siya 'yung pumunta kanina.

Pamilyar ba?

Dito mo raw nahuli ang kabit ng asawa mo.

Alam mo kung sino?

- Anong sinasabi mo? - Sino pa?

Walang iba kundi ang iyong best man,

si Walter.

Ano?

Nakunan mo ba ang pagtatalik nilang dalawa sa bahay ninyo?

Sobra ba ang galit mo?

May nangyari sa kanilang dalawa sa villa ni Walter

nung gabing 'yun.

Hindi ka na nakapigil.

Kinuha niya lahat sa'yo.

Ang promosyon mo, ang asawa mo.

Huwag ka na mag maang-maangan pa.

Bakit sabi mo dati magkaibigan lang sila?

May nakitang .45 caliber sa lugar ng krimen

at sa bahay ni Walter.

At may testigong hardinerong nakakita sa'yo,

sumusugod sa villa niya.

Matagal mo na rin palang alam

na may kaugnayan ang asawa mo at si Walter.

Meron kang motibo

at oportunidad para patayin siya.

Ngayon, Vincent Cabrera,

tatanungin kita ulit.

Ikaw ba

ang pumatay

kay Walter

Cunanan?

Umamin ka na hanggang maaga pa, Vincent,

para sa ikakatahimik ng lahat.

Sa sarili mo,

sa kumpanya mo,

at higit sa lahat,

sa anak mo.

Ngayon,

ano ba talaga ang nangyari noong gabing 'yun?

Mr. Cabrera!

Pinatay ko siya!

'Yun ba ang gusto n'yong marinig?

Ha? 'Yun ba?

Sinabi n'yo, 'di ba, nahuli ko si Claudia sa akto.

At alam niyo 'yung batas.

Kapag nahuli ko sila sa akto,

pwede ko silang patayin...

nang wala akong pananagutan.

Pero hindi ko ginawa.

Hindi ko ginawa

dahil inosente ako!

At hindi ako mamamatay-tao.

Ngayon, kung may kongkreto kayong ebidensya,

e 'di hulihin niyo ako!

Pero kung wala kayong mapapakita sa amin,

e 'di tapos na tayo!

Vincent.

Attorney, kayo na ang bahala sa mga detalye.

Claudia,

mag-usap tayo.

Ano 'yung ginawa mo?

Sinabi ko lang 'yung alam ko,

dahil hindi na kaya ng konsensya ko.

O ayaw mong malaman ng lahat ng tao

'yung tungkol sa inyo ni Walter,

kaya inunahan mo ako?

Vincent...

wala na akong tinatago.

Pagkatapos nito, sirang-sira na ako!

Dahil lang ayaw mong umamin kung anong ginawa mo kay Walter.

Aminin mo na kung anong totoo!

Bakit mo ba ako pinipilit

akuin 'yung kasalanan na hindi ko naman ginawa?!

At hindi ko magagawa 'yun dahil hindi ako katulad mo.

Iniisip ko 'yung anak natin.

Ano ka ba, Vincent.

Kahit anong gawin mo,

lagi akong mas magaling sa'yo.

At sa akin pa rin, kakampi 'yung pamilya mo.

Ano?

Naisip mo ba kung anong traumang ibibigay nu'n kay Bea?

Kapag nalaman niya na 'yung nanay niya

nakikipagkalantari sa Ninong niya?

Sinungaling ka!

Alam mong, mahal na mahal ka ni Bea.

Mataas 'yung tingin niya sa'yo bilang nanay.

Mawawasak siya kapag nalaman niya lahat ng pinaggagawa mo.

At wala akong sinabihan na kahit sinong tao

dahil pinoprotektahan kita!

Kaya lang, wala pala akong mapapala sa'yo.

Ang kapal mo!

Gusto mo isa-isahin ko lahat ng kalokohan mo?

Nagiging nanay ka lang kapag may pakinabang sa'yo.

Dahil lagi mong iniisip

kung anong sasabihin ng mga tao sa'yo.

Di ba? Tingin mo sa mga tao pag-aari mo.

Hindi totoo 'yan.

Pinapatunayan mo lang na naging tama 'yung desisyon ko.

Tama lang na ituloy ko 'yung annulment.

Claudia, hinding-hindi ko hahayaang

magdusa si Bea kasama mo.

Hindi mo ba napapansin?

Parang sinasadya ang lahat ng ito.

Parang nga.

Parang meron talagang dumidiin sa akin.

Parang...

may kumokontrol sa lahat ng nangyayari sa akin.

At malaki ang posibilidad

sa kung sino man ang gumagawa nito sa'yo

ay may kinalaman sa pagpatay kay Walter.

Sa tingin mo...

sa tingin mo, si Claudia 'to?

Posible, pero

nakita mo naman 'yung lagay ni Claudia.

Paano kung, paano kung sobrang high?

O hindi kaya may kasabwat 'yun?

Nakakapagod ang araw na ito.

Pero sa tingin ko, sulit naman ang lahat.

Mukhang si Vincent ang mananagot.

Salamat,

Claudia.

Ako...

ang totoong pumatay kay Walter Cunanan.

Hello?

Oo. Nakita ko na.

Sobrang nakakatawa.

Bilis, ipakalat mo ito online,

ASAP.

Kapag ako na ang CEO ng Cabrera News,

bibigyan kita ng mataas na posisyon.

Shit!

Shit!

- Diyos ko... - Uy, uy.

Tingnan mo ang sarili mo.

Parang wala ka nang kinukuhaan ngayon, ah.

Umalis ka rito!

Oh, grabe ka naman, Claudia.

Huwag ka naman ganyan.

Hindi mo pa alam ang sasabihin ko.

Anong gusto mo? Anong gusto mo?!

Sabihin na lang nating,

alam ko 'yang pinagdadaanan mo.

Halata sa'yo 'yung mga sintomas.

Sabi ko,

lumayas ka rito!

Okay, pero kaya kitang tulungan.

Kaya kitang tulungan,

pero dapat tulungan natin ang isa't isa.

Kailangan pa ba talaga nating umabot sa puntong 'to?

Oo.

At maganda na 'yung umpisa natin.

Hindi na ako makapaghintay sa mga susunod na mangyayari.

Ganyan ka ba ka-desperado makuha ang Cabrera News?

Kahit ang mismong kapatid mo ang makulong

sa krimen na hindi naman niya ginawa?

Mali ka.

Hindi ko siya kapatid.

Isa siyang sampid na nakikihati

sa lahat ng meron ako mula noon pa.

Ito ang pinakaperperktong pagkakataon

para mawala siya sa amin.

Para naman makuha ko lahat ng dapat para sa akin.

Pero maraming binuksan na problema

ang pagkamatay ni Walter.

Claudia,

parang bago ka sa pamilyang 'to, no?

Magaling magtakip ng mga problema

ang mga Cabrera.

At 'yun ang mangyayari kay Vincent.

Mukhang maswerte ako ngayong gabi.

Anong nakakatawa?

Stella,

ano? Hindi mo ba ako na-miss?

Parang wala tayong pinagsamahan, eh.

Sabi mo dati, 'di ba?

Mahal mo ako?

Na hanggang ngayon, pinagsisisihan ko!

Gago ka! Hayop ka! Siraulo ka!

Aray ko!

Bitawan mo 'ko!

Ayoko!

Ayo-- Bitiwan mo ko!

Hayop ka! Demonyo ka!

Ayoko! Hindi!

Bitiwan mo ko! Hayop ka!

Gago ka!

Nakumpirma namin, dalawa 'yung babae niya

nung gabing 'yon.

Walang kahit na sino ang dapat makaalam

na may koneksyon ako kay Walter.

Sigurado na ako,

kakuntsaba nga ni Claudia at ni Walter si Matthew.

Imbitasyon para sa Investors' Ball.

Ba't 'di mo ipakita sa pamilya namin

kung anong klaseng tao ka talaga?

Ikaw ay sumali sa isang laro

na alam mong sa una palang, talo ka na.

'Di nakakatulong 'yung pagpunta mo rito.

Umuwi ka na.