Original subtitles

- Hortxe! - Piztia da!

Azkar! Zatozte!

Piztia da!

Ikusten dut!

- Hor dago! Azkar! - Mugi!

Ez dezala ihes egin!

Goazen!

Jo diozu!

Ez utzi alde egiten!

Haluzinazio bat izango da, ez dakit.

Auskalo medikuak zer droga eman dizkigun.

Ez. Munstro sudur-urdin hori hitz egiten ikusi dut, zin degizut.

E!

Esan zerbait.

Zer zara?

Zenbat urte dituzu?

Ez diguzu hitz egingo?

Berezia zela uste nuen,

baina animalia arrunta bada, gisatu egingo dugu?

Ño, Sanji.

A zer ideia bikaina.

Tipula eta azenarioarekin,

erromero pixka bat...

Hartza ala pertsona zara?

Mapatxea edo izango da. Mapatxeek hitz egingo balute.

Hankak eta kapela baditu, ez da pertsona bat?

Baina adarrak eta ilea ere baditu. Beraz, animalia bat da.

Eta biak bada?

Ez. Biologia ebolutiboa.

Kontxo!

Begira honi.

- Pirata bandera polita. - Utzi hori!

Ez ukitu hori, aditu?

Eta ez naiz mapatxea!

Elur-oreina nintzen.

Egia. Hitz egiten du.

Inoiz jan dudan platerik goxoena da.

Zer da?

Oilasko salda.

Errezeta sendagarria.

Gazteluan bizitzen geratu nahi, ilehori?

Nire chefa izendatuko zaitut.

Eskerrik asko.

Ongi nago.

Aizu, doktore.

- Txakur hori... - Elur-oreina?

Chopper?

Zergatik haserretu da bandera ukitzean?

Ez zaio batere gustatu.

Ume horrek...

zauri handia dauka bihotzean.

Bakarrik eman du bizitza osoa.

Ez du familiarik ezta lagunik ere,

uharteko medikurik kaskarrena izan ezik, Chopperrek asko estimatzen zuena.

Mediku Ehizaldi Handiaren garaian izan zen.

Wapol malapartatuak Drumgo Erresumako mediku guztiak harrapatu

eta gazteluan preso zituen.

Zubian harrapatuko dugu!

Medikuren batek aurka egiten bazion,

hil egiten zuen.

Laster, bi mediku besterik ez ziren aske geratzen.

Ni neu...

Txantxa izango da.

...eta Hiriluk doktorea.

Ospa.

Errege Guardia hortxe dago.

Ozta-ozta libratu naiz.

Bistengatik etorri naizelakoan? Guardia saihestu nahian nabil.

Eta ez didazu ezkutalekua hondatuko.

Hemendik joan da. Aurkitu ezazue!

Azkar! Mugi!

Goazen!

Elkarri lagundu behar genioke.

Harrapatu ez dituen mediku bakarrak gara.

Bai. Zeure burua medikutzat baduzu.

Zer da ba jendearen sufrimendua arintzen saiatzen den norbait?

Saiatu, bai. Zeuk esan duzu.

Azken pazientea igel bihurtu zenuen.

Absurdoa.

Igel-estraktuak hanketako gaitzak sendatzen ditu.

Agian zainetatik eman behar nion?

Beste esperimentu bat beharko.

Bai, ederki.

Zoaz asmatzera

inork atsegin ez dituen botika bitxi gehiago.

Porrot noblea deitzen da. Zientzialari guztiei gertatzen zaie.

Gaur igela, bihar printzea.

Mediku ezgaia baino okerragoa da

zientzialari txar bat.

Ez dut sorgin dirugose baten aholkurik behar, aditu?

Petrikilo traketsa.

Atso sorgin zikoitza.

- Hortxe! - Hemendik joan da. Goazen!

Errege Guardia izango da.

Edo hain maite dituzun herritarrak.

Onartu ezazu, Hiriluk.

Herrialdea erabat gaixorik dago.

Eta medikurik gabe, jendea hain etsita dagoenez,

Heriotzaren Ibarra miatzen dute

orotarako onddo sendagarri baten bila.

Onddo sendagarria!

Ez du merezi sufritzeak edota hiltzeak

existitzen ez den zerbaitengatik.

Minutuero inozo bat jaio da.

Beharrezko da hain krudela izatea?

Itxaropena galdu dutelako sinesten dute gauza horietan,

baina herria salbatuko duen

sendagaia lantzen ari naiz.

Berdin dio zer asmatzen duzun.

Drumgo Erresuma ez dago salbatzerik.

Hori ikusiko dugu.

Arrastorik ez. Itzuli zubira.

- Bai, jauna! - Alde egiteko unea.

Ez naute bizirik harrapatuko.

Ikusi arte, petrikilo.

Ez nik lehenago ikusten bazaitut, atso zahar.

Salbu azkenean.

Ergel halakoak.

Oinatz handiak.

Eta gero...

txikiagotzen dira.

Kaixo.

Zer duzu, txiki?

Zorionekoa zara.

Aurreko astean

hezur hautsientzako ukendua asmatu nuen.

Tiro egin dizute!

Lasai.

Ez da ezer gertatzen.

Hori da.

Bai, lasai.

Ez kezkatu.

Ongi.

Oso ondo.

Ez! Hemorragia moztu ezean, hilko zara.

Lasai.

Ez kezkatu.

Ez dizut tiro egingo.

Ez daukat armarik. Begira.

Ikusten?

Ez daukat ezer ezkutatua. Batere armarik ez.

Hiriluk doktorea naiz.

Medikua.

Nik ez nizuke inoiz

minik emango.

Arratsalde on.

Arratsalde...

Kaka.

Hitz egiten duzu.

Eta ahozikina zara.

Zergatik ez duzu orain arte ezer esan?

Tira.

Ez dut jendea epaitzen.

Beste gizakiei hitz egin nien eta tiro egin zidaten.

Arraroa da elur-orein batek hitz egitea.

Bai, entzunak ditut herritarren istorioak

basoan bizi den elurretako gizon izugarriari buruz.

Eta bart tiroak entzun nituen.

Elurretako gizon izugarria hori zu izango zara.

Gizakiak oso krudelak izan daitezke.

Axola zaizu

hesgailuak aldatzen badizkizut?

Ikus dezagun zauri hori.

Zer da elurretako gizon izugarri bat?

Munstro bat.

Eta zu ez zara hori.

Ongi.

Eta zer hitz egiten baduzu? Ez da hain arraroa.

Nik ere hitz egiten dut.

Gehiegitxo, batzuen ustez.

Zauriak ongi sendatzen ari dira.

Guztiz sendatzean,

zure familiarekin itzuli ahalko duzu.

Ez daukat familiarik.

Eta elur-oreinek ihes egiten didate sudurra urdina dudalako.

Gizakiak ez dira izaki krudel bakarrak.

Gauza bat esango dizut.

Dudarik gabe, bakarra zara...

eta paregabea.

Hara, orduan,

jaiotzean...

Elur-orein jaio zinen, ezta?

Galderatxo bat.

Fruitu bitxiren bat jan duzu inoiz?

Jan behar ez zenuen zerbait?

Goseak nengoen.

Horixe izan zen.

Bada deabruaren fruitua izeneko zerbait.

Ez da batere arrunta.

Horietako bat jan zenuela uste dut,

eta horrexek bihurtu zintuen...

orain zarena.

A, goseaz ari garela...

Bueno...

ez da janaririk bikainena, baina...

Gustatzen zaizu, Chopper?

Zergatik deitu didazu Chopper?

Adakera horiekin txopoak adarkadaz botatzeko gai zarelako.

Tony Tony Chopper.

Izen polita da.

Horrelaxe deituko dizut.

Chopper.

Gustatzen zait.

Eskerrik asko.

Sekulako plazera da.

Chopperrek

urtebete igaro zuen Hirilukekin.

Eta aldez aurretik...

Harekin lanean.

Harengandik ikasten.

HERBOLOGIA

Bere zauriak sendatzen.

Arrotzak biak, bi ur-tanta bezalakoak ziren.

Baina, harreman guztietan bezala,

eztabaida kartsuak zituzten.

- Hilzorian egon naiz! - Zer diozu?

Bizia salbatu nizun.

Zergatik hilko zintuzket orain, sudur-urdin baboa?

Ez deitu "sudur-urdin baboa"!

Geldi.

Doktore?

Zer?

Nire lehen borroka izan da.

Ez nau harritzen ba.

Aurkaria behar da borrokatzeko.

Bueno,

hau ere berria izango da.

Tori.

Horra...

gauzatxo bat zuretzat.

Elkartasun-opari bat.

Eskerrik asko.

Ez horregatik.

Bale.

Apatxak gurutzatu, Chopper.

Hamar aldiz lehertu egin da.

Zergatik jarraitu probatzen?

Nire botika miragarria bukatzean,

herri osoa sendatuko dudalako.

Jendea salbatu nahi duzu?

Elurretako gizon izugarriari tiro egiten dion jendea?

Eta niri?

Entzun, Chopper.

Ez izan erresuminik.

Urteak tirano baten pean bizi ondoren,

Drumgo jendea etsita dago.

Galdu egin dute gauzak hobetuko diren itxaropena.

Eta itxaropena galtzen duzunean,

beldurrak hartzen zaitu eta munstroei tiro egiten diezu.

Eta Chopperrei.

Itxaropena eman behar diegu.

Eta nola egingo dugu?

Haiengan sinesten segituz.

Eta botika honetan.

Mendebaldeko urrutiko lurralde batean,

bazen lapur ospetsu bat

bihotzetik gaixotua zegoena.

Zorionez, aberatsa zen

eta bazter guztietako mediku ospetsuengana jo zuen,

baina inortxok ere ezin izan zion gaitza sendatu.

Inortxok?

Sendaezina zen.

Eta egun batean, etsipenaren erdian,

burua galtzeko zorian egon ondoren,

mendian zehar zihoala,

zerbait ikusi zuen...

txundituta utzi zuena.

Zer zen?

Gereziondoen loreak.

Ez zuen inoiz ikusi hain gauza...

Hain gauza ederrik?

Bueno, ba hurrengo egunean,

lapurrak beste mediku batengana jo zuen,

eta zein izan zen bere harridura sendagileak esan zionean

sendatua zegoela.

Zera izan zen...

Zera...

Mirari bat?

Mirari bat!

Bai.

Sendatze miragarria.

Halako emozio indartsua

sentitu zuen

gereziondoen loreak ikustean,

sendatu egin zela.

Begira honi.

Bandera hau konbikzioaren sinbolo da.

Ezinezkorik ez dagoela esan nahi du,

ez direla gaitz sendaezinik existitzen.

Neu izango naiz herri gaixo hau salbatuko duen medikua.

Horregatik astintzen ditut burezurra eta bernazakiak

gaitz guztien aurka.

Burezurra eta bernazakiak?

Bai!

Fedearen ikur dira.

Ezinezkoaren ukapena.

Astindu bandera

eta borrokatu piratak bezala!

Zer da pirata bat?

Demontre.

Pirata bat abenturak bizi dituen pertsona da,

ametsak dituena,

eta sekula amore ematen ez duena.

Chopper, uharte hau puska ñimiño bat baino ez da

irudika ezin duzun mundu batean.

Benetan?

Egunen batean, itsasoratu,

eta zure arazoak zein txikiak diren konturatuko zara.

Gogoan izan, txiki...

zure patua

itsasoaz harago dago.

Baina garai onek ez dute luze irauten.

Gutxitan egiten dute.

Bide batez,

Chopper, pozten nau esateak zure tratamendua amaitu dela.

Benetan?

Eskerrik asko, doktore.

Bueno...

Zaindu zeure burua.

Joan zaitezke.

Zure zauriak sendatu dira.

Aske zara zure bizitza nahi duzun bezala bizitzeko.

Zoaz! Lanpeturik nago.

Baina...

ez nago sendatua!

Tripako mina daukat.

Sukarra daukat.

- Adarrak apurtuko zaizkit! - Ondo zaude.

Ja ez zaitut zaindu behar, Chopper. Zeure burua zaintzeko gai zara.

Ez ni utzi, mesedez.

Ez daukat lagunik. Ez dut nora joanik.

Ez dizut molestatuko, zin degizut.

Ospa!

Itsasoratu edo, baina ez zaitez sekula itzuli!

Baina...

Amaitu da!

Sudur-urdin baboa!

Ez! Zergatik?

Doktore, zergatik?

Zer egin dut?

Doktore!

Doktore, mesedez! Arren, ireki atea, doktore!

Doktore, zer egin dut?

Mesedez, ireki atea! Mesedez!

Doktore! Mesedez!

Zer egin dut?

Barkaidazu.

Barkaidazu, Chopper.

Ez.

Ez!

Chopper.

Horregatik ez ditu gizakiak gogoko.

Bere ezaugarririk onena, nire ustez.

Chopper eta Hiriluken istorioa ez zen hor amaitu.

Hilko zara.

Ez.

Ez horixe.

Egon behar du ba

moduren bat nire bizitza apur bat luzatzeko.

Erabili zure ezagutzak!

Onartzen duzu, beraz.

Ez naiz sorgin diruzale huts bat.

- Ezagutzak ditut. - Eta ez da beste medikurik geratzen.

Ezin dut

jasan

30 urteko ikerketa alferrik galduko dela pentsatzea.

Denbora gehiago behar dut nire bizitzako lana amaitzeko.

Itzuli ba gereziondo loratuak ikusi zenituen leku hartara.

Badakit ez didazula sinesten, baina sendatze miragarria bizi izan nuen.

Bigarren bat beharko duzu.

Herritarren orotarako onddo sendagarri hura...

Ez da existitzen.

Eta existituko balitz,

Heriotzaren Ibarretik ez da inor bizirik irteten.

Eta zure maskota?

Chopper ez da maskota bat!

Ezagutu duen lagun bakarra naiz.

Eta horregatik...

Horregatik bota dut etxetik.

Zer?

Zergatik?

Jasanezina izango zitzaiolako

bere aurrean hilko banintz.

Ez dauka hori bizi beharrik. Oso...

Chopper eta biok antzekoak gara oso.

Baldarrak zarete biak.

Azken...

Azken opari bat egin nahi nion.

Ezinezkorik ez dagoela erakutsiko zion azken gauza bat.

Baina...

ondotxo dakit denbora

ez dagoela nire alde.

Kureha.

Mesedez.

Mesedez,

amaitu nire bizitzako lana.

Eta...

zaindu ezazu Chopper.

Altxa hortik.

Benetan espero duzu nik ikerketa lelo hori bukatzea

eta zure maskota zaintzea?

Hiltzen ari zarelako nire errukiaz baliatzen zara.

Ongi ezagutzen nauzu.

Eta erantzuna ezezkoa da.

Prestakizunak egin, petrikilo.

Gutxi geratzen zitzaionez,

lanean buru-belarri eman zituen

bere azken egunak.

Posible dela erakutsiko dizut. Ikusiko duzu!

Ai, ene.

Funtzionatu du.

Funtzionatu du!

Chopper, lortu dugu!

Espero genuen erreakzioa!

Chopper!

Cho...

Aurkitu... dut.

Chopper?

Chopper, baina...

Zer demontre gertatu zaizu?

Baina...

Chopper,

non ibili zara?

Heriotzaren Ibarrean.

Perretxikoa aurkitu dut.

Baina, baina...

Orotarako onddo sendagarri ospetsu hori?

Zer...?

Aurkitu duzu.

Niretzat.

Bizi, doktore, mesedez.

Nik ere medikua izan nahi dut.

Nire lehen pazientea zu izatea nahi dut.

Irakats iezadazu.

Elur-orein batek ezin du medikua izan?

Jakina ba, Chopper.

Baldintza garrantzitsuena daukazu.

Bihotz handi bat.

Ai, ene txikitxo hori.

Onddo saldak funtzionatu du?

Nazkagarria zegoen.

Baina botika onenek zapore txarra dute.

Horrelaxe dakigu eragina dutela.

Milesker, Chopper. Joan beharra daukat orain.

Nora zoaz?

Bueno, Chopper,

entzun egin dut Drumgo gazteluan preso dauden medikuak

gaixotu egin direla.

Hobeto nagoenez,

sendatu egingo ditut.

Hori botika bat da?

Lehergailuak.

Gaztelua zorrotz zaindua dago.

Beharbada

sartzeko borrokatu beharko dut.

Zurekin noa.

Ez. Ni baino askoz okerrago zaude.

Geratu hemen eta deskantsatu.

Mediku handia izango zara, Chopper.

Ni ikusi besterik ez dago.

Hiriluk!

Non dago?

Hobeto dago eta gazteluko medikuak sendatzera joan da.

Hobeto?

Ez dago hobeto. Bere gaitza sendaezina da.

Ez, benetan.

Liburuko onddo sendagarria aurkitu eta salda prestatu diot.

Zer onddo? Erakutsi.

Ikusten?

Burezurrak eta bernazakiek dena posible dela esan nahi dute.

Gaitz guztiek sendabidea dute.

Memelo halakoa!

Ikur horrek hilgarria dela esan nahi du.

Onddoa jan eta ordubetera hiltzen zara.

Gezurra!

Nik ez dut gezurrik esaten.

Bazekien pozoitsua zela eta halere edan zuen.

Zergatik?

Kuttuna zintuelako oso.

Bere bihotz galdu eta handian.

Orotarako sendagairik ez da existitzen.

Horregatik behar dira medikuak.

Onginahiak ez ditu bizitzak salbatzen.

Jendea salbatu nahi baduzu, Medikuntza ikasi behar duzu.

Ezagutza horiek gabe

ez duzu inor salbatuko-eta.

Baina doktoreak esan zuen...

Agure inozo hori...

Hiriluk doktorea ez da itzuliko.

Drumgo gaztelua bere hilobi izango da.

Azken arnasa bota arte...

Ez!

...ahal dudan guztia egingo dut

gaixoen sufrimendua arintzeko.

Eutsi gogor, lagun medikuok.

Zuek salbatzera etorri naiz.

Zure osasuna kontrolatzen segitu behar dugu, maiestate.

Errege apetitu aseezina daukazu

eta gaixotzen bazara, auskalo zer gertatuko litzateke erreinuarekin.

Zure prestasuna goresgarria izan arren,

zure kezka lekuz kanpo dago.

Sasoi betean nago.

Zezena bezain indartsu.

Estuegi jarri didazu.

Barkatu, Wapol erregea.

- Eraman ezazue. - Bai, jauna.

Eta gogor zigortu dezaten

erregearen gorputza ia desitxuratzeagatik.

Jauna.

Gorentasuna.

Mediku iheslaria etorri da.

Non dira pazienteak?

Mediku gaixoak sendatzera etorri naiz.

Gaixoak?

Hemen ez dago inor gaixorik.

Eskerrak!

Nire aurkako amarrua besterik ez zen.

Pailazo halakoa.

Medikua izateko, ez duzu argia izan behar?

Doktore iheslari hau berehala exekutatzeko agintzen dizuet.

Arriskua ezagutzen zenuen.

- Zergatik etorri zara? - Medikua naiz.

Baten bat gaixorik badago,

sendatzen saiatuko naiz.

Larrialdia balitz ere,

ez nuke zu bezalako petrikilorik nahi.

Dalton!

Erreboltaria akabatu.

Ezin nauzu hil.

Noiz hiltzen da gizon bat?

Bala batek bihotza zeharkatzen dionean?

Gaitz sendaezin batek hartua duenean?

Ez.

Beharbada...

onddo pozoitsuez eginiko salda jan duenean?

Ez, ezta ere!

Gizona hil egiten da

munduak ahaztu duenean.

Ni joanik ere,

nire ametsak

bizirik jarraituko du!

Eta Drumgo herritar gaixoberak sendatuko dira.

Hori herriei ere aplika daiteke?

Drumgo Erresuma

salbatzerik badago?

Suspertuko duen norbait badago, bai.

Zer txatxukeriak dira horiek?

Akabatu ezazue!

Laster...

munstro bat etorriko da.

Arren, ez mindu.

Nire semea da.

Bizitza

zoragarria izan dut.

Tiro!

Eskerrik asko, Chopper.

Zuregatik, petrikilo.

Inozo ergela!

Zoaz!

Orain!

Akabatu ezazu munstro-semea!

Ez!

Kendu!

Ezin banauzu garaitu, jai duzu besteen aurka.

Ez sakrifikatu zeure burua herri honen alde.

Bizi.

Mesedez.

Zoaz etxera.

Horixe nahiko luke zure aitak.

Eta piztia?

Ez didazu bere burua ekarri?

Ez ikusiarena egin dut

denbora luzez.

Zure aita zerbitzatu nuen,

baina orain badakit herria nora doan.

Hondamenera.

Eta ez dut bide beretik jarraituko.

Erronka egiten didazu?

Niri?

Zure erregeari?

Bai.

Atxilotu traidorea!

Bai interesgarria.

Zertan ari zara?

Mediku bihurtuko naiz.

Medikua izango naiz.

Gaitz guztien sendagarria izango naiz.

Ez dut amore emango.

Mesedez.

Erakuts iezadazu dakizun guztia.

Zergatik egingo nuke?

Deitu iezadazu Doktorina.

Nora doa?

Egun on, lagunok.

Luffyren berririk ez.

- Oraindik ez. - Igo behar genuke.

Bai.

Barkatu bart haserretu izana.

Niri ere presioa handiegia egin zitzaidan.

Baina gosaria ekarri dizut.

Ondo gaude.

Zer da?

Kea.

Kanpalekuren bat.

Ez dut ontzirik ikusi.

Begiratzera noa.

- Ni ere bai. - Ez.

Geratu hemen. Mesedez.

Agian ez da ezer, baina...

Alabastako printzesa zuekin fidatzen bada,

ni ere fida naiteke.

Vivirena zenekien?

Hasieran ez.

Elkar ezagutu genuen.

Aspaldi.

Gazte aparta da.

Geratuko gara.

Guardiako kapitaina izateko eskaini duzu zeure burua?

Zerbait egiteko esan zenidan.

Aizu!

Ez ukitzeko esan nizun.

Pirata bandera guztiak estimatzen ditut.

Ez luke kutxa batean egon behar.

Zintzilikatua baizik.

Harrotasunez.

Bereziki bandera hau.

Ipini dezagun dagokion lekuan.

Kaka.

Bai.

Ni ere munstroa naiz.

Ez al da itzela?

Traidorea bizirik dago.

Ez luzerako.

Azpitituluak: Loinaz C. A.