Original subtitles

എംസോണ്‍ റിലീസ് - 1462 www.malayalamsubtitles.org www.facebook.com/msonepage

പരിഭാഷ : സ്മിത പന്ന്യൻ

എക്സ്ക്യൂസ് മീ..

പറയൂ.

എനിക്ക് നിങ്ങളോട് സംസാരിക്കാനുണ്ട്.

എന്തിനെപ്പറ്റി?

നിങ്ങളെപ്പറ്റിത്തന്നെ.

എനിക്കൊരു കൗൺസിലറിന്റെ ആവശ്യമില്ലെന്ന്..

ഞാൻ ഡോക്ടർ ഷോമിനോട് പറഞ്ഞിട്ടുണ്ടല്ലോ.

അതെന്തേ?

ഈ കൗൺസിലർമാരെന്നു പറഞ്ഞാൽ, നിങ്ങളോടൊന്ന് മിണ്ടാൻ പോലും കൊള്ളാത്ത..

വിചിത്ര ജീവികളാണെന്നാണോ, നിങ്ങളുടെ വിചാരം?

എനിക്കൊരു നിബന്ധനയുണ്ട്.

എന്താണത്?

എനിക്ക് താത്പര്യമില്ലാത്തതൊന്നും ഞാൻ പറയാൻ പോകുന്നില്ല.

ശരി.

ഞാനും മിണ്ടാതെ ഇരുന്നോളം...

വേണമെങ്കിൽ ഒരു പുസ്തകം വായിച്ചോളൂ.

എന്തെങ്കിലും എഴുതുകയോ, വായിക്കുകയോ..

എന്തുവേണമെങ്കിലും…

അത് അടുത്ത അവകാശിയായിരിക്കണം,

അച്ഛന് അതു മാത്രമേ അറിയൂ.

കുടുംബത്തിന്റെ പേരും..

പെരുമയും നിലനിർത്താൻ..

അതോടെ,

പരിശീലനം തുടങ്ങിക്കഴിയും.

പക്ഷേ, കുഞ്ഞോ?

ആണാവണോ, പെണ്ണാവണോ?

ആരെങ്കിലും ചോദിക്കുമോ,

അഥവാ, അതാർക്കെങ്കിലുമറിയണോ?

രക്ഷിതാക്കളുടെ പ്രതീക്ഷകൾക്കപ്പുറത്ത്, കുഞ്ഞുങ്ങൾക്ക് ചില സ്വപ്നങ്ങളുണ്ട്.

നക്ഷത്രങ്ങളെയും കൺപീലികളെയുമൊക്കെ കൂട്ടുപിടിച്ച്,... അവർ തങ്ങളുടെ ആഗ്രഹം നിറവേറുമോന്ന് ശ്രമിച്ച് നോക്കും.

ചിലപ്പോ, ആ ആഗ്രഹങ്ങൾ സാധിച്ചേക്കാം.

തികച്ചും അപ്രതീക്ഷിതമായി ജീവിതം വിജയകിരീടമണിയും..

ദിവസങ്ങളൊക്കെ തകിടം മറിഞ്ഞുപോകും...

ഇതാണോ, ആമുഖഭാഷണം?

നാടകം തുടങ്ങും മുമ്പ് പറയാനുള്ളതാണോ?

ഉം. അങ്ങനെ തോന്നുന്നു.

അവർക്കത് നൃത്തനാടകമായ 'ചിത്രാംഗദ'യുമായി ബന്ധിപ്പിക്കാനാവുമോ?

ആ കഥ ആദ്യം മുതൽ പറയുന്നുണ്ടോ?

അവർ അത് കാണും,

അല്ലേ?

ചെറിയ തോതിൽ ആത്മകഥാപരമാണല്ലോ, ഇത്.?

അല്ലെങ്കിൽ അതു തന്നെയാണോ നിങ്ങളുടെ ഉദ്ദേശവും?

നിങ്ങൾക്ക് കാര്യങ്ങളെപ്പറ്റി, അറിയാവുന്നതു കൊണ്ടാണത്.

ഓക്കേ.

എന്നെങ്കിലും ഞാനൊരു ആത്മകഥ എഴുതുകയാണെങ്കിൽ..

അത് നിങ്ങൾക്കാണ് സമർപ്പിക്കുക.

“ശുഭോയ്ക്ക്, എന്റെ കൗൺസിലറിന്..”

ബൈ.

മഴ പെയ്യാൻ പോകുന്ന പോലുണ്ട്.

ഞാനിവിടെ കുടുങ്ങിപ്പോയേക്കും.

മണിപ്പൂർ രാജാവിന്റെ ഭക്തിയിൽ സന്തുഷ്ടനായ ഭഗവാൻ ശിവൻ..

രാജവംശത്തിൽ പുത്രൻമാർ മാത്രമേ…

ജനിക്കൂ, എന്നനുഗ്രഹിക്കുകയുണ്ടായി.

എന്നിട്ടും ചിത്രാംഗദയാണ് പിറന്നത്. അതിനാൽ രാജാവ്…

അവളെ, മകനെപ്പോലെ വളർത്താൻ തീരുമാനിച്ചു.

രാജകുമാരി, ആയുധവിദ്യയും

യുദ്ധകലയും പരിശീലിച്ചു വളർന്നു.

അക്കാലത്ത്, പന്ത്രണ്ടു കൊല്ലത്തെ സന്യാസജീവിതത്തിനും അലച്ചിലിനും ശേഷം...

അർജ്ജുനൻ മണിപ്പൂരിലെത്തിച്ചേരുന്നു..

ഇവിടെ വച്ചാണ് നമ്മുടെ നാടകം ആരംഭിക്കുന്നത്.

ഉയർന്ന കൊടുമുടികൾക്കുമേൽ അലറും കരിമേഘങ്ങളേ, ഉറക്കെ മുഴങ്ങൂ..

കരിനിഴലുകൾ നിറഞ്ഞുപൊങ്ങും കാട്ടിൽ...

പെൺകുട്ടികളെ, ഉഷാർ പോരാ!

വെള്ളച്ചാട്ടങ്ങളുടെ ഉഗ്ര ഗർജ്ജനങ്ങൾക്കിടയിലൂടെ...

വേട്ടക്കാരന്റെ ഭീതിദമായ ചുവടുകൾ..

പേടിച്ചരണ്ട മാൻപേടയുടെ കാതുകളിലേക്ക് കുതിക്കുന്നു.

കസ്തൂരീ, അത്രയ്ക്കങ്ങ് ലാസ്യം വേണ്ടാ..

കുറച്ചു കൂടി അകലമിട്ടു ചെയ്യൂ! ഇടകലർന്നു പോവരുത്!

അർജ്ജുൻ, നിന്റെ സ്ഥാനം ശരിയാണോന്ന് നോക്ക്!

ദേവൂ, 1,2,3 സ്റ്റാർട്ട് !

നിർത്തൂ!

നിർത്ത്!

നീയാരാ, ഹോളി കളിക്കുന്ന രാധയാണോ!

അതോ, വേട്ടയ്ക്കിറങ്ങിയ ചിത്രാംഗദയോ?

അത് ഞാൻ.. സാരിയുടുത്തതുകൊണ്ടാണ്.

വേഷമിട്ടാൽ ശരിയായിച്ചെയ്തോളാം.

സാരിയോ പാന്റോ എന്നതിൽ അല്ല, കാര്യം!

ചിത്രാംഗദ, ആണാവാൻ ശീലിച്ചവളാണ്.

കാരണം, അവളങ്ങനെയാണ് വളർത്തപ്പെട്ടത്.

അവൾ സാരിയുടുത്താലും, ആണായാണ് പെരുമാറേണ്ടത്.

അവൾ ഒരു ദിവസം അർജ്ജുനനെ കാട്ടിൽ വെച്ചു കണ്ടുമുട്ടുന്നു,

പിന്നീട് പെണ്ണായി ജീവിക്കാനാഗ്രഹിക്കുന്നു.

നീയിതുവരെ അവനെ കണ്ടുകഴിഞ്ഞിട്ടില്ല,

പിന്നെയിങ്ങനെ ആടിക്കുഴയുന്നതെന്തിനാ..?

ഓക്കേ, സോറി!

ഗുഡ് ഈവനിംഗ്, സാർ.

ഗുഡ് ഈവനിംഗ്!

സിസ്റ്റർ, സമയമെന്തായി?

8:30 സാർ.

ഭക്ഷണത്തിനും മരുന്നിനുമുള്ള സമയമായി.

സിസ്റ്റർ, ദയവായി നിങ്ങളവരോട്..

എനിക്ക് കുറച്ച് ഉറക്കഗുളികകൾ കൂടി തരാൻ പറയുമോ?

ശരി സാർ.

സിസ്റ്റർ,

ഞാനെന്തിനാണിവിടെ വന്നിട്ടുള്ളതെന്ന്, നിങ്ങൾക്കറിയാമോ?

അറിയാം സാർ. നിങ്ങൾ ചികിത്സയിലാണ്.

ഒരു പെണ്ണായി തിരാനാണ് ഞാനിവിടെ വന്നത്.

ഒരുപാട് സർജറികളിലൂടെ കടന്നുപോയി..

എന്റെ സ്തനം വെച്ചുപിടിപ്പിക്കുന്ന ഘട്ടവും കഴിഞ്ഞിട്ടുണ്ട്.

നിങ്ങൾക്കതറിയാമോ?

അതിന്..

മാനസികമായി ഒരുപാട് തയ്യാറെടുപ്പുകൾ വേണം.

ഇനിയും നിങ്ങളെന്നെ 'സാർ' എന്നു വിളിച്ചുകൊണ്ടിരിക്കുകയാണെങ്കിൽ..

അതെനിക്ക്,

സ്വയം തയ്യാറെടുക്കാൻ..

ഒന്നു കൂടി ബുദ്ധിമുട്ടാവുകയേയുള്ളൂ.

സോറി, സാർ...

അല്ല,..മേം..

എന്നെ രുദ്രയെന്ന് വിളിക്കൂ.

ചിത്രാംഗദയുടെ കഥ നിങ്ങളറിഞ്ഞിരിക്കേണ്ടതാണ്.

ഇനി, നിങ്ങൾക്കറിയില്ലെന്നാണെങ്കിൽ, ഞാനതൊരിക്കൽക്കൂടി പറയാം.

അവളുടെ പിതാവായ മണിപ്പൂർ രാജാവ്,

ഒരു മകനു വേണ്ടിയാണാഗ്രഹിച്ചത്.

പക്ഷേ, ജനിച്ചത് ഒരു പെൺകുഞ്ഞായിരുന്നു.

അതിനാൽ, അദ്ദേഹം അവളെ മകനായി വളർത്തി.

പിന്നീട് അവൾ കാട്ടിൽ വെച്ച് അർജ്ജുനനെ കാണാൻ ഇടയാകുന്നു..

പിന്നെ അവനാൽ മോഹിതയായി, ഒരു സുന്ദരിപ്പെണ്ണാവാൻ കൊതിക്കുന്നു.

അത് മറ്റൊരു പ്രശ്നമാണ്.

ഇവിടെ പ്രത്യേകം ശ്രദ്ധിക്കേണ്ട കാര്യമെന്താണെന്നുവെച്ചാൽ..

ചിത്രാംഗദ, ആഗ്രഹങ്ങളുടെ കഥയാണ്.

അവളുടെ പിതാവിന്റെയും, അവളുടെയും ആഗ്രഹങ്ങൾ തമ്മിലുള്ള സംഘർഷത്തിന്റെയും.

മറ്റൊരു തരത്തിൽപ്പറഞ്ഞാൽ, ഇച്ഛകളുടെ ആഖ്യാനമാണത്.

അതായത്, നിങ്ങളുടെ ലിംഗപദവി, നിങ്ങൾക്കു തന്നെ തെരഞ്ഞെടുക്കാനാവണം.

ഈ പിരിയൻ ഗോവണിയ്ക്കെന്താണ് ഇംഗ്ലീഷിൽ പറയുന്നത്?

എന്താ?

ഈ ചുറ്റി വളഞ്ഞ് മുകളിലേക്കു പോകുന്ന പടികൾക്ക്.?

'സ്പൈറൽ സ്റ്റെയർകെയ്സ്'

ആഹ്! നിങ്ങൾ തോറ്റു!

'സ്പൈറൽ സ്റ്റെയർകേസ്'!

വീണ്ടും തോറ്റു.

ആരോടു വേണമെങ്കിലും ചോദിച്ചോ, ഇങ്ങനെ തന്നെ കാട്ടും.

ഞാൻ കരുതി, നിങ്ങൾ വ്യത്യസ്തനാണെന്ന്.

എങ്ങനെ?

ഞാനെങ്ങനെ വ്യത്യസ്തനാകും?

നിങ്ങളിടപഴകുന്ന രോഗികളൊന്നും

ഇതു പോലെ ചെയ്യില്ലേ?

ചിലപ്പോൾ, നിങ്ങൾ ചെയ്യില്ലായിരിക്കും.

പക്ഷേ, എനിക്ക് നൃത്തമറിയുന്ന ഒരു രോഗി ഒരിക്കലും ഉണ്ടായിരുന്നിട്ടില്ല.

അവർക്ക്, ആംഗ്യവിക്ഷേപങ്ങളോടെയേ, സംസാരിക്കാനാവൂ.

നോക്കൂ, ഇത് രസകരമായിട്ടുണ്ട്.

'മദ്യപിച്ചുള്ള ഡ്രൈവിംഗ് തെറ്റാണെങ്കിൽ,

നമ്മുടെ ബാറുകൾക്ക്, ഇത്രമാത്രം പാർക്കിംഗ് സ്ഥലമെന്തിനാണ്?'

അതാരാ?

അറിയില്ല. പരിചയമില്ലാത്ത നമ്പരാണ്.

98315 56004.

ഭാഗ്യമില്ല.

കണക്ഷൻ കിട്ടുന്നില്ല.

പാർത്ഥോ വിളിച്ചിരുന്നോ?

ഇല്ല. വിളിച്ചില്ല.

നിങ്ങളയാളെ വിളിച്ചോ?

വിളിക്കണമെന്നു തോന്നുന്നില്ലേ?

വരൂ.

വന്ന്, ഇവിടെയിരിക്കൂ.

എനിക്കവനെ കാണണമെന്നുണ്ട്.

എന്റെ കണ്ണുകളിലേക്ക് നോക്ക്.

നോക്കിക്കൊണ്ടേയിരിക്കണം.

ഇതാണ് നിന്റെ ലക്ഷ്യമെന്ന് വിചാരിക്കൂ.

നിങ്ങളാരാ?

സോറി.

ആ കസേര നേരത്തേ പൊട്ടിയിരുന്നതാണ്.

രുദ്ര സാർ, ഇതാണ് പാർത്ഥോ,

ഞാൻ പറയാറുള്ള ഡ്രമ്മർ.

എങ്കിൽ, ദയവായി വേറൊരു കസേരയിലിരിക്കൂ.

എന്നിട്ട് നിശബ്ദനായിരിക്കണേ, ഞങ്ങളിവിടെ റിഹേഴ്സൽ ചെയ്യുകയാണ്.

നമുക്കെത്ര സമയം കിട്ടും?

ഇപ്പോ സെപ്തംബറല്ലേ.

ഹലോ!

നീ!

ഞാനോ?

നിങ്ങൾ മെയ് എന്നാണോ പറഞ്ഞത്?

സോറി. എന്റെ ബ്രേസ് ലെറ്റ് താഴെപ്പോയി.

നിങ്ങൾക്കെന്നെ അറിയാമോ?

എനിക്ക്..എനിക്കറിയാം.

കസ്തൂരി പറഞ്ഞിട്ടുണ്ട്.

എന്നെ ഓർക്കുന്നുണ്ടോ?

ഇല്ല.

നമ്മളിതിനു മുമ്പ് കണ്ടിട്ടുണ്ടോ?

എക്സ്ക്യൂസ് മീ!

സോറി.

വലിയ ഉപകാരമായി.

ഓക്കേ, സീറ്റിലിരിക്കൂ.

നിങ്ങളുടെ താരപ്പൊലിമയ്ക്ക് നാണക്കേടായിപ്പോയല്ലോ.

അയാൾ നിങ്ങളെ, തിരിച്ചറിഞ്ഞതുപോലുമില്ല.

ദേഷ്യം വന്നിരുന്നോ?

ഇല്ല.

ചെറുതായിട്ട്?

ഇല്ല, ഒട്ടുമില്ല.

അയാളൊരു നല്ല ഡ്രമ്മറാണെന്ന് കസ്തൂരി പറഞ്ഞിട്ടുണ്ടായിരുന്നു.

നന്നായി ഡ്രംസ് വായിക്കും.

പക്ഷേ, അവൻ ഹെറോയിന് അടിമയായിരുന്നു.

പല തവണ ചികിത്സിച്ചു മാറ്റി വിട്ടിട്ടുണ്ട്.

ശരിയായെന്ന് പറയും.

പക്ഷേ, അവനങ്ങനെ ശരിയാകുന്ന തരമൊന്നുമല്ല.

അവൻ പൂർണമായും ലഹരിക്ക് കീഴ്പ്പെട്ടിരുന്നു.

എന്നിട്ടും, നിങ്ങളയാളെ ഗ്രൂപ്പിലേക്കെടുത്തു.

വേണമെങ്കിൽ ഒരവസരം കൊടുത്തതാണെന്ന്, നിങ്ങൾക്ക് പറയാം.

അവസരമോ?

അതോ, ആപത്തോ?

ശരിക്കും, ആദ്യമൊക്കെ ഞാനും,

ചില തടസ്സവാദങ്ങൾ ഉന്നയിച്ചിരുന്നു.

ഞാൻ കേൾക്കാതെ അവരെന്നെ, ഭീരുവെന്ന് പരിഹസിക്കുകയും ചെയ്തു.

ഒരല്പമെങ്കിലും എനിക്കവനെ സഹായിക്കാൻ കഴിഞ്ഞാൽ,

അവൻ മാറിയേക്കുമെന്ന് എനിക്കു തോന്നി.

പാർത്ഥോ മജുംദാർ,134C ലെയ്ക്ക് ഗാർഡൻസ്, കൽക്കട്ട 45.

എനിക്കയാളെ കാണാമോ?

അവനിപ്പോ എവിടെയാണെന്ന് എനിക്കറിയില്ല.

അവനെയിപ്പോ വിളിക്കണ്ട.

എനിക്ക് അയാളുടെ നമ്പർ വേണം.

എനിക്കത് ഓർമ്മയില്ലെന്ന് ഞാൻ പറഞ്ഞാൽ..

നിങ്ങൾ വിശ്വസിക്കുമോ?

നാശം!

മതി!

നിങ്ങളെന്താ ചെയ്യുന്നേ..?

ഇതെന്തിനുള്ള പുറപ്പാടാണ്?

മനീഷ്, വാ പോകാം!

ഒന്ന് വന്നുനോക്കിയാട്ടെ.

എന്താണിത്?!

അതെനിക്കു താ.

അയാളവിടെത്തന്നെ ഇരിക്കുകയാണ്, പോകുന്നേയില്ല.

ഞാൻ സെക്യൂരിറ്റിയെ വിളിക്കട്ടേ?

കസ്തൂരിയോട് പറയൂ.

അവളുടെ ഉത്തരവാദിത്തമാണത്. അവളാണവനെ കൊണ്ടു വന്നത്.

അവൻ പോയി.

അമ്മാ, ബിർളാ ഓഡിറ്റോറിയത്തിൽ ശനിയാഴ്ചയാണേ.

നീ അഭിനയിക്കുന്നുമുണ്ടോ?

ഉണ്ട്. യവനകാമദേവന്റെ വേഷത്തിൽ.

- ഇതാദ്യമായാണ് ടാഗോറിനെ വേദിയിലെത്തിക്കുന്നത്.

സംവിധാനത്തിൽ ശ്രദ്ധിച്ചാൽ പോരേ, നിനക്ക്?

അഭിനയം കൂടിയെന്തിനാ?

-എനിക്കാഗ്രഹമുണ്ടായിട്ടാണ്.

എന്തെങ്കിലും പ്രശ്നം?

അങ്ങനെ പറയരുത്, മോനേ.

അച്ഛൻ നിന്റെ നല്ലതിനു വേണ്ടിയാണ് പറയുന്നത്.

ഇതാ, ഇത് കഴിക്ക്.

എന്നിട്ട് പറയൂ.

അതു കൊണ്ട് മാത്രമല്ലെന്ന് അമ്മയ്ക്ക് നന്നായറിയാമല്ലോ..

ഞാൻ വേദിയിൽ നൃത്തംചെയ്യുന്നത് അച്ഛനിഷ്ടമല്ല.

അത്രയേയുള്ളൂ.

പിന്നെ നീ എഞ്ചിനീയറിംഗ് പഠിച്ചതെന്തിനാണ്?

നിങ്ങളത് ചെയ്യാൻ നിർബന്ധിച്ചതുകൊണ്ട്.

അങ്ങനെയാണെങ്കിൽ...

പിന്നെ നിന്റെ മാർക്ക് ഷീറ്റുകളൊക്കെ കെട്ടി പുട്ടി വെച്ചിരിക്കുന്നതെന്തിനാ?... കത്തിച്ചു കളഞ്ഞേക്ക്.

നിങ്ങൾക്ക് എത്ര ടിക്കറ്റുകൾ വേണം, അമ്മാ?

രണ്ടെണ്ണം ഞങ്ങൾക്ക്. പിന്നെ വേറാരെങ്കിലുമുണ്ടെങ്കിൽ..

രണ്ടെന്നു വെച്ചാൽ?

എനിക്കും അച്ഛനും.

അച്ഛനും വരുമെന്നാണോ?

ഉറപ്പായും.

ടാഗോർ ഓപ്പറയാണ്. നിങ്ങളും പോവും. അല്ലേ?

എങ്കിൽ എത്ര ടിക്കറ്റെന്ന് പറയൂ.

അല്ലെങ്കിൽ വേണ്ട, ഞാൻ രണ്ടെണ്ണം കൂടി തന്നേക്കാം.

പക്ഷേ നിങ്ങൾക്കതാവശ്യമില്ലെങ്കിൽ, എന്നെ നേരത്തേ തിരിച്ചേല്പിക്കണം.

ആദ്യ ഷോയാണ്. ടിക്കറ്റ് പാഴാക്കുന്നതെനിക്കിഷ്ടമല്ല.

പക്ഷേ, അച്ഛൻ വരുമെന്നൊന്നും, പറയണമെന്നില്ല.

നിനക്കെന്താ അദ്ദേഹത്തോടു നേരിട്ടു ചോദിച്ചാൽ?

ഞാൻ എന്താ ചോദിക്കേണ്ടത്?

അദ്ദേഹത്തോട് ചോദിക്ക്.

ഓക്കേ.

അച്ഛാ, ഞാൻ അപേക്ഷിക്കുകയാണ്..

ദയവായി വരണം.

വന്നാൽ, എനിക്കൊരു പാട് സന്തോഷമാവും.

അങ്ങയ്ക്കത് വലിയ സങ്കടമാവില്ലെങ്കിൽ, തീർച്ചയായും വരണം.

ചോദിക്കുന്നതു കൊണ്ട് കാര്യമൊന്നുമില്ലെന്ന് എനിക്കറിയാം. കാരണം നിങ്ങൾ വരില്ല.

എപ്പോഴും ഞാൻ, നിങ്ങൾക്ക് ഇരുവർക്കും ആയീ ടിക്കറ്റുകൾ കരുതിവയ്ക്കാറുണ്ട്.

തേർഡ് ബെല്ലിനുശേഷം കർട്ടനിടയിലൂടെ ഞാൻ എത്തിനോക്കുമ്പോഴൊക്കെ,

അമ്മയ്ക്കൊപ്പം എന്റെ ഏതെങ്കിലും ആന്റിയാണുണ്ടാവാറുള്ളത്.

ഒരിക്കലും അച്ഛനുണ്ടാവാറില്ല.

എന്നിട്ടും ഞാൻ ഇപ്പോഴും ചോദിക്കുകയാണ്..

പക്ഷേ, വിഷമിക്കണ്ട, ഞാൻ നിങ്ങളെ പ്രതീക്ഷിക്കുകയൊന്നുമില്ല.

അതുകൊണ്ട് കാര്യമൊന്നുമില്ലെന്ന് എനിക്കറിയാം.

ശരിക്കും, ഞാൻ നിങ്ങളെ മിസ് ചെയ്യാതിരിക്കാൻ ശീലിച്ചു, അച്ഛാ..

ഒരാൾ കാണാൻ വന്നിട്ടുണ്ട്.

മോനേ, അദ്ദേഹം നിന്നോടാണ് സംസാരിക്കുന്നത്.

അതാരാ?

ഞാൻ ചോദിച്ചു, നിങ്ങളുടെ ഗ്രൂപ്പിലുള്ളതാണെന്നാണ് പറഞ്ഞത്.

ക്ഷമിക്കൂ, അച്ഛാ..

നീയെന്താണിവിടെ?

ഈ പാതിരയ്ക്കെന്താ വന്നത്?

ഇരിക്ക്.

എന്നോടിതിന് മറുപടി പറയണം.

നീ എന്തിനെയെങ്കിലും വിശുദ്ധമായി കരുതുന്നുണ്ടോ?

ഉം..

എന്താണത്?

അത് നിങ്ങളാണ്.

ഇപ്പോ, നിനക്കെന്താ വേണ്ടത്?

ഞാൻ ഇനി നിങ്ങളെ 'രുദ്ര സാർ' എന്നു വിളിക്കില്ല.

സോറി, നിനക്കതിൽ ഒരു തെരഞ്ഞെടുക്കലിനുള്ള അവസരമുണ്ടെന്ന് തോന്നുന്നില്ല..

നീ ഗ്രൂപ്പിലുണ്ടെങ്കിൽ, മറ്റുള്ളവരെപ്പോലെ..

എന്നെ 'രുദ്ര സാർ' എന്നുതന്നെ വിളിക്കേണ്ടി വരും.

അല്ലെങ്കിൽ കളഞ്ഞിട്ടു പോവാം.

ഞാൻ നിന്നെ 'റൂഡീ' എന്നു വിളിക്കും.

എന്താ?

റൂ..ഡീ..

എടോ, ചെറുപ്പക്കാരാ!

ശ്ശ്..!

നേരം വല്ലാതെ വൈകി. നീയിപ്പോ വീട്ടിലേക്കു പോ..

ദയവായി പോകൂ.

വേണ്ട…വേണ്ട. എന്തു കിറുക്കാണിത്?

നീയിതെന്താ ചെയ്യുന്നെ?

റൂഡീ, നിനക്ക് ഞാനൊന്ന് കൊണ്ടു വന്നിട്ടുണ്ട്.

ഇഷ്ടമായോ?

നല്ല ഭംഗിയുണ്ട്.

മനോഹരമായ ഡിസൈൻ.

നീയതണിയുമെന്നുറപ്പാണോ?

ഇല്ലാതെ പിന്നെ?

ഇല്ലെങ്കിൽ നീയിത് മറ്റാർക്കെങ്കിലും കൊടുക്കുമോ?

എപ്പോഴും ഇതണിയണമെന്നാണോ?

നിന്റെ ഇഷ്ടം പോലെ.

ഇല്ല രോഹിത്, ഇതെന്റെ എല്ലാ വേഷത്തിനും ചേരില്ല.

അതങ്ങനെയല്ല കെട്ടേണ്ടത്.

ഞാൻ ചെയ്തോളാം.

ഈ ദിവസങ്ങളിൽ ഞാൻ എളുപ്പമൊന്നും സങ്കടപ്പെടില്ല കേട്ടോ..

നിനക്കതറിയാമോ?

എന്തു വെളിച്ചമാണോമലേ, നിന്റെയീ മിഴിയിണകളിൽ..!

നീ എന്നെ സഹിക്കാൻ പോവുകയാണ്, അല്ലേ?

ഓക്കേ, കാണാം.

ഷോ കഴിയുന്നതു വരെ ഞാൻ കാത്തിരിക്കണോ?

യുഗയുഗാന്തരങ്ങളായി, രാപകലില്ലാതെ..

എന്റെ ഹൃദയം നിനക്കു വേണ്ടി തുടിക്കുകയാണ്..

എന്തു വെളിച്ചമാണ് ഓമലേ നിന്റെയീ മിഴിയിണകളിൽ..!

പാർത്ഥോയെ കാണുന്നില്ല.

എന്നുവെച്ചാൽ..?

എല്ലാ മ്യുസീഷ്യന്മാരും സ്റ്റേജിലുണ്ട്,

നിങ്ങൾ വാഷ്റൂമിലും നോക്കിയോ?

ഹായ്!

യെസ്..

നിങ്ങളെ ടിക്കറ്റുമായി ചിലർ കാത്തിരിപ്പുണ്ട്.

മനീഷ്!

സമീരനോട് ചെന്ന് ഡ്രം വായിക്കാൻ പറയൂ.

ഇയാളിന്ന് വേദിയിൽ കയറുന്നില്ല.

ശരി.

വാതിൽ തുറക്ക്, എനിക്ക് പുറത്ത് പോണം.

വാതിൽ തുറക്കാനല്ലേ പറഞ്ഞത്? എനിക്ക് സ്റ്റേജിൽ കയറാറായി.

ഇതെന്റെ ഗ്രൂപ്പാണ്, പാർത്ഥോ.

നിന്നോട് വാതിൽ തുറക്കാനാ പറഞ്ഞത്.

ഗ്രൂപ്പോ?

എന്ത് ഗ്രൂപ്പ്?

നമ്മളൊക്കെ ഒരു കുടുംബമാണെന്നാണല്ലോ പറയാറുള്ളത്!

സ്വന്തം ജോലിയെ ആദരിക്കാത്തവരൊന്നും, എന്റെ കുടുംബത്തിൽ വേണമെന്നില്ല.

ഇങ്ങോട്ട് നോക്കൂ..

റൂഡീ..

ഈ 'റൂഡീ' വിളി നിർത്ത്.

നിനക്ക് പറ്റില്ല-

ശ്ശ്...

സോറി, റൂഡീ...

എന്നോട് ക്ഷമിക്കൂ.

പ്ലീസ്....

എന്റെ നേരെ നോക്ക് റൂഡീ, പ്ലീസ്..

എനിക്കിത് മതിയായി.

ഇത്ര പെട്ടെന്നോ?

നീ എന്നെ സഹിക്കേണ്ടി വരുമെന്ന് ഞാൻ പറഞ്ഞല്ലോ..നീ സമ്മതിച്ചതുമാണ്.

അങ്ങനെയല്ലേ?

എന്റെ കലയ്ക്ക് നിന്നെ സഹിക്കാനാവില്ല..

എന്റെ ഗ്രൂപ്പിനും നിന്നെ സഹിക്കാനാവില്ല.

***ര്!!

നീ പറഞ്ഞതുപോലെ, എന്റെ കുടുംബമാണത്.

സോറി റൂഡീ..

എന്നെ വിശ്വസിക്ക്..

എന്റെ സ്റ്റഫൊക്കെ ഞാൻ ടോയ്ലറ്റിലിട്ട് ഫ്ളഷ് ചെയ്തു.

നീ തന്നെ നോക്കിക്കോ. ഇത് നോക്ക്..

എനിക്ക് സ്റ്റേജിലേക്ക് പോവാറായി.

ഇല്ല. ഞാനതൊക്കെ എറിഞ്ഞുകളഞ്ഞു.

നോക്ക്, ഇവിടെങ്ങും ഒന്നുമില്ല. നോക്ക്..നോക്ക്.

ഓക്കേ, തിരിഞ്ഞു നീൽക്കു...

എനിക്ക് നിന്റെ ഹിപ് പോക്കറ്റ് പരിശോധിക്കണം.

അങ്ങോട്ട് തിരിയ്.

എന്നെ വിശ്വസിക്ക്, എന്റെ പക്കലൊന്നുമില്ല.

ക്ഷമിക്കൂ.

അത് തിരിച്ചെടുക്കാൻ ഞാനനുഭവിച്ച കഷ്ടപ്പാടുകളെക്കുറിച്ചെന്തെങ്കിലും, നിനക്കറിയാമോ?

വെറും ഭാഗ്യം കൊണ്ടുമാത്രമാണ് അയാളത് വിറ്റുകളയാതിരുന്നത്.

ദൈവമേ, ഞാനതിനെന്തു മാത്രം വില പേശിയെന്നറിയാമോ?

എന്നെക്കാണാനിപ്പോ എന്തൊരു ചന്തമാണല്ലേ?

മിണ്ടരുത്!

സോറി.

നീ 'സോറി' പറയുമ്പോൾ അത് ശരിക്കുള്ളതും,

ഞാൻ 'സോറി' പറയുമ്പോ, അത് നിസ്സാരവുമാണല്ലേ..?

ഈ ഇൻജക്ഷനൊക്കെ എന്തിനാ, പാർത്ഥോ?

അത് മുറിവുണ്ടാക്കില്ലേ?

നിനക്കത് വേദനിക്കുന്നുമില്ലേ?

വേദന ആനന്ദമായിത്തീരുന്നതിനെപ്പറ്റി..

എന്തറിയാം നിനക്ക്?

എങ്കിൽ, എന്നെയും അത് പഠിപ്പിക്കൂ..

അംഗമോരോന്നിലും, ഒഴുകിപ്പരക്കുമീ ഗീതമേതായിരിക്കും !

ഇപ്പോ, എനിക്ക് നല്ല ഭംഗിയാണല്ലേ?

ഉടലിൽ നിന്നുടലിലേക്ക്.. ഒഴുകി നിറയുകയാണീയഴകെല്ലാം..

അന്നാദ്യമായാണ് ഞാൻ ഹെറോയിൻ രുചിച്ചത് .

എന്താ?

ഹെറോയിന് ഒരു ഗന്ധമുണ്ടെന്ന് അവർക്കറിയില്ല.

അതു കൊണ്ടവർക്ക് എളുപ്പം തടിയൂരാം.

ശരിക്കും അതിനൊരു മണമുണ്ട്.

ഒരു പ്രത്യേക തരം മണം.

വിശദീകരിച്ചു തരാൻ കഴിയാത്തത്..

ചുണ്ട് ചുണ്ടോടു ചേരുമ്പോൾ മാത്രമേ, നിങ്ങൾക്കതനുഭവിക്കാനാവൂ..

എനിക്ക് തോന്നുന്നത് നിങ്ങൾ ഒരു റീഹാബിറ്റേഷൻ സെന്ററുമായി ബന്ധമുണ്ടാക്കുന്നത് നന്നായിരിക്കുമെന്നാണ്.

അവിടെ നിങ്ങളുടെയീ വൈദഗ്ധ്യം പ്രയോജനപ്പെട്ടേക്കും. 'ടീ ടെയ്സ്റ്ററി'നെപ്പോലെ ഒരു 'ഹെറോയിൻ ടെയ്സ്റ്റർ' ആവാം.

അപ്പോ നിങ്ങൾക്ക് ഒരു പാട് പാർത്ഥോമാരെ പരിചയപ്പെടാം, ഒരു പാട് ഉമ്മകളും രുചിച്ചുനോക്കാം.

തമാശയായിപ്പറഞ്ഞതല്ല,

ശരിക്കും അതങ്ങനെയായിരുന്നു..

എനിക്കെപ്പഴെങ്കിലും ചില പന്തിയില്ലായ്മകൾ തോന്നുമ്പോഴൊക്കെ..

'വാ, വന്നെന്നെ ഉമ്മ വെയ്ക്ക്' എന്നു പറയും.

എന്തോന്ന്?!

ഉമ്മ വെയ്ക്കാൻ..

എനിക്കിപ്പോ മനസ്സില്ല.

എനിക്കുമില്ല.

പക്ഷേ, നീയിപ്പോഴെന്നെ ഉമ്മ വെച്ചേ പറ്റൂ.

എനിക്കിപ്പോ വേണ്ടെടോ. ഞാൻ ചെയ്യില്ല.

എനിക്കിപ്പോഴറിയണം..

എന്താ നിനക്കറിയാനുള്ളത്?

ഞാൻ നേരത്തെ പറഞ്ഞുകഴിഞ്ഞല്ലോ,

എനിക്കിപ്പോ, നിന്നെ ഉമ്മ വെയ്ക്കാൻ തോന്നുന്നില്ലെന്ന്. അതു തന്നെ.

എനിക്കിപ്പോ നിന്നെ ഉമ്മ വെയ്ക്കണ്ട.

ഒരു നിമിഷം..

ഇതെല്ലാം എവിടെ വെച്ചാണ് നടന്നത്?

ഓക്കേ. അപ്പോ നിനക്കെന്നെ ഉമ്മ വെയ്ക്കണം. അല്ലേ?

എന്നിട്ട് ഹെറോയിൻ മണത്തറിയണം?

കടൽത്തീരത്തു വെച്ച്.

അപ്പോ, കടൽത്തീരത്ത് നിങ്ങളെന്തു ചെയ്യുകയായിരുന്നു?

ഞങ്ങൾ കൊൽക്കത്തക്കു, വെളിയിൽ പോയ ഒരേയൊരവസരം അതായിരുന്നു.

ഒഴിവുകാലമാണോ?

അങ്ങനെയല്ല. ശരിക്കും അതൊരു ഷോയ്ക്കു വേണ്ടിയുള്ള യാത്രയായിരുന്നു.

ഒരു ഡാൻസ് ഫെസ്റ്റിവലിൽ ഞങ്ങളുടെ പ്രകടനവുമുണ്ടായി.

ഷോ നന്നായി നടന്നതിനാൽ, മനീഷ് ഒരു ചെറിയ യാത്ര സ്പോൺസർ ചെയ്തതായിരുന്നു.

നമ്മള് കണ്ട ആ വീട് നീ ശ്രദ്ധിച്ചോ?

ഹ്ഉം..?

ആ വെള്ള വീട് …നീല ജനാലകളുള്ളത്.

ഓഹ്, കടലോരത്തെ ആ ഭംഗിയുള്ള വീടോ?

നമുക്കത് വാങ്ങിക്കൂടേ?

ഏയ്, നിന്റെ കൈയിൽ ഒരുപാട് കാശില്ലേ, അത് വാങ്ങ് റൂഡീ..

നിനക്കെന്താ വട്ടാണോ?

അതെന്താ?

കടൽത്തീരത്ത് കുറച്ചു ദിവസങ്ങൾ ചെലവഴിക്കാൻ വേണ്ടി മാത്രം അവിടെ ഒരു വീട് വാങ്ങാനോ?

എന്തിനാ കുറച്ച് ദിവസമാക്കുന്നത്?

നമുക്കിവിടെ സ്ഥിരമായി താമസിക്കാം.

സത്യം.

ശരി, മറ്റൊരു ജന്മത്തിൽ.

അപ്പഴേക്കും, എന്നെ മാറ്റിത്തീർക്കാൻ കെല്പുള്ള ഒരു കാമദേവനെ ഞാൻ കണ്ടെത്താം.

റൂഡീ…ഏയ് റൂഡീ...

ഇദ്ദേഹം, നമ്മുടെ ഒരു ഫോട്ടോ എടുത്തു തരാമെന്ന് സമ്മതിച്ചിട്ടുണ്ട്.

ഇവിടെ നിന്നാ മതിയോ?

അതെ, അതു മതി.

കുറച്ചു കൂടി ചേർന്നു നിൽക്കുമോ?

കുറച്ചു കൂടി.

ഓഹ്, ആ കമ്മലൊന്ന് ശരിയാക്കൂ.

ഞാൻ ചെയ്യാം.

ശരിയായി, അങ്ങനെ മതി.

ശരി.

ഓക്കേ, എടുക്കുകയാണേ.

എടുത്തു.

താങ്ക്സ്.

താങ്ക് യൂ.

എക്സ്ക്യൂസ് മീ, നിങ്ങൾ ഒരു ടൂറിസ്റ്റാണോ?

എന്താ, നിങ്ങളെന്തെങ്കിലും അന്വേഷിക്കുകയാണോ?

കൌതുകവസ്തുക്കളോ, കരകൌശല വസ്തുക്കളോ വിൽക്കുന്ന കടകൾ..

ഇദ്ദേഹത്തിന് കുറച്ച് ആഭരണങ്ങൾ വാങ്ങണമെന്നുണ്ട്.

ഇവിടങ്ങനെ ചിലതുണ്ട്. പക്ഷേ, നിങ്ങൾക്ക് അവിടേക്കുള്ള വഴിയറിയാമോ?

ഞാനെന്റെ ഡ്രൈവറെ വിളിച്ചാലോ? മൂപ്പർക്ക് പറഞ്ഞുകൊടുത്താ മതി.

ശരി. ഈ ഫോട്ടോഗ്രാഫുകൾ അയച്ചു തരാൻ എനിക്കൊരു ഇമെയിൽ- ഐഡി തരാമോ?

മുദ്ര&മൈൻഡ്സ്@വിഎസ്എൻഎൽ.നെറ്റ്.ഇൻ

മുദ്ര ആൻഡ് മൈൻഡ്സ്… ആൻഡ് എന്നത് 'ഏംപസെന്റി'(&)ലാണ്.

ഡ്രൈവറെ വിളിച്ചോളൂ.

ഏതെങ്കിലും ഒരു അപരിചിതനെ പിടിച്ചുകൊണ്ടന്നോളും, അയാളൊരു കടയും കാട്ടിത്തരും. മുടിഞ്ഞ വില തന്നെ.

ആ സൂര്യദേവന്റെ കുഞ്ഞുപ്രതിമ നിനക്കൊരുപാടിഷ്ടമായല്ലേ?

എന്നിട്ടെന്ത് കാര്യം? അതിന് 3000 രൂപയല്ലേ വില?

ഒന്ന് കണ്ണടച്ചു നിന്നേ.

എന്തിനാ?

ഞാനൊരു കാര്യം കാട്ടിത്തരാടോ. കണ്ണു തുറക്കല്ലേ..

അടച്ചല്ലോ.

പറ്റിക്കരുത്.

അതിന് ഞാൻ നിന്നെപ്പോലെയല്ലല്ലോ.

ഞാൻ പറയുന്നതു വരെ തുറക്കരുത്.

ഒന്ന് നേരെ നിൽക്കെടോ..

കണ്ണടച്ചിട്ട്.

ഇനി നോക്കിക്കോ.

താങ്ക്യൂ..

വെൽകം..

അപ്പോ നിന്റെ കൈയിൽ കുറേ കാശൊക്കെയുണ്ടല്ലേ?

ഏയ്, നീയിത് അടിച്ചു മാറ്റിയതാണോ?

എന്റെ ദൈവമേ!

നീയെന്തിനാ ഇത്...

പാർത്ഥോ, വേണ്ട..

പോ, കൊണ്ടു പോയി തിരിയെ കൊടുക്ക്..

നിനക്കെന്താ വട്ടാണോ?

നീയെന്തിനാ ഇത് കട്ടെടുത്തത്?

നിനക്കതിഷ്ടപ്പെട്ടു.

ആണോ, അല്ലയോ?

ഓക്കേ. ഞാൻ തന്നെയിത് തിരിച്ചു കൊടുത്തോളാം.

ശരി കൊണ്ടുപോയി കൊടുക്ക്, ഇങ്ങോട്ടു നോക്ക്..

നിന്നെ പോലീസ് പിടിക്കുന്നതുവരെ ഞാനിവിടെ നിന്നോളാം.

നീയെന്തിനാ ഇത് മോഷ്ടിച്ചത്, പറയ്?

നീയിതാഗ്രഹിച്ചു, ശരിയല്ലേ?

എന്റെ സൺഗ്ളാസ്സ് തരൂ.

എന്തിനാ?

സൂര്യനെ നോക്കാനാണല്ലോ, ഒരാൾ 'സൺ ഗ്ലാസ്സ്' ധരിക്കേണ്ടത്.

കുറച്ചു കൂടി താഴെ. അല്ല, അത്ര താഴെയല്ല.

കുറച്ച് മുകളിൽ. അവിടെത്തന്നെ..

നീയെന്താ ഡിന്നറിന് ഓഡർ ചെയ്യാത്തത്?

- വിശക്കുന്നില്ല.

-എനിക്കുറക്കം വരുന്നു..

നമുക്കു പോകാം?

എങ്ങോട്ട്?

പുറത്ത്. ബീച്ചിൽ..

എന്തിനാ ബീച്ചിൽ?

ഈ രാത്രി മുഴുവൻ നമുക്കവിടെ കൂടാം.

പിന്നെ സൂര്യോദയവും കാണാം.

ഇപ്പോ വേണ്ട ...

വേറൊരിക്കലാവട്ടെ. ഇപ്പോ ഡിന്നറിന് പറയ്.

- ഇതെന്താ ഡിന്നർ ഇത്ര നേരത്തെ?

- എനിക്കുറങ്ങണം.

ഏയ്, ഇങ്ങോട്ടു നോക്ക്. നീയിപ്പോ ഉറങ്ങണ്ട. നമുക്ക് പോകാം..

- ഞാനാകെ ക്ഷീണിച്ചു. എനിക്കുറങ്ങണം.

വിശ്വസിക്ക്. സത്യം.

എന്താത്?

സിഗരറ്റ് തീർന്നു പോയി.

ഉം?

ഞാൻ പുറത്തു പോയി സിഗരറ്റ് വാങ്ങി വരാം.

റൂം സർവീസുകാരോട് പറഞ്ഞൂടേ? അവർ കൊണ്ടു വന്നോളും.

ഇല്ല, എനിക്ക് ഇനിയും ഇ മുറിയിലിങ്ങനെ അടച്ചിരിക്കാനാവില്ല.

എന്തിനാ അസ്വസ്ഥനാവുന്നത്, ഞാൻ ഇല്ലെന്ന് പറഞ്ഞിട്ടാണോ?

ഞാൻ ഡിന്നർ ഓഡർ ചെയ്യും കേട്ടോ. വൈകാതെ വന്നോളണം.

സോറി, നമുക്ക് വേറൊരു ദിവസം പോവാം.

ഞാൻ പെട്ടെന്ന് വരാം.

ആരാ?

-ഞാനാണ്.

- ഓ!

ഒരു മിനിറ്റ്.

തിടുക്കമില്ല.

ഞാനിവിടെയുണ്ടെന്ന് ഒന്നറിയിച്ചതാ.

അല്ലെങ്കിൽ നിങ്ങൾ ഉടുപ്പിടാതെ ഇറങ്ങിവന്നാലോ.

ഇത്ര വൈകി?

ഈ സമയത്ത് കുളിക്കുമോ?

ഉം,

കുറച്ചുറങ്ങണമെന്ന് വിചാരിച്ചു.

നിങ്ങളുടെ പുസ്തകം തിരിച്ചു തരാനാ വന്നത്.

താങ്ക്സ്.

കുറച്ചു നേരമിവിടെ നിൽക്കുന്നോ?

ഉം..പക്ഷേ അധികനേരം പറ്റില്ല.

ഞാനൊരു സഹായം ചോദിക്കട്ടേ?

ചോദിക്ക്.

എന്റെ ഉറക്കഗുളികകളുടെ ഡോസ് കൂട്ടിത്തരാൻ ഒന്നവരോട് പറയുമോ?

ഞാൻ കുറേ തവണ ചോദിച്ചു, അവരാരും ശ്രദ്ധിക്കുന്നേയില്ല.

ഉറങ്ങാൻ പറ്റുന്നില്ലേ?

ഉറക്കഗുളികകളെന്താ മിഠായികളാണോ, വെറുതെ ഒരു രസത്തിന് തിന്നാൻ?

നിങ്ങൾ ഡിന്നർ കഴിച്ചതാണല്ലോ, അല്ലേ?

അതെ.

അപ്പോ, നിങ്ങളിപ്പോ ഉറക്കഗുളികകളും കഴിച്ചു കഴിഞ്ഞിട്ടുണ്ട്.

അതെ അറിയാം, പക്ഷേ, അതു കൊണ്ടൊന്നും ഒന്നുമായില്ല. എനിക്കിനിയും വേണ്ടി വരും.

അതുകൊണ്ടാണ് നിങ്ങളോട് ചോദിക്കുന്നത്. നിങ്ങളവരോട് പറയില്ലേ?

ശരി. കിടക്കൂ, കണ്ണടച്ചാട്ടെ.

എന്നെ വിശ്വസിക്കെടോ.

അപ്പോ നിങ്ങളവരോട് പറയില്ല. അല്ലേ?

ശ്രമിച്ചു നോക്ക്. ഉറങ്ങാൻ പറ്റും.

നിങ്ങൾക്ക് പറ്റുമോ, ഇല്ലയോ?

ഉറങ്ങാൻ കഴിയുമെടോ.

ഇതെന്തിനുള്ള പുറപ്പാടാ?

- അത് നിങ്ങളന്വേഷിക്കണ്ട കാര്യമില്ല.

- ഡോക്ടറുടെ നിർദ്ദേശമില്ലാതെ, നിങ്ങൾ ഉറക്കഗുളികകൾ കഴിക്കാൻ പാടില്ല.

- അതെനിക്ക് വിട്ടേക്കൂ.

- അവർ സമ്മതിക്കില്ല.

- ആ പണ്ടാരങ്ങൾ സമ്മതിച്ചോളും.

ശുഭോ!

നോക്ക്. മെല്ലെ മെല്ലെ. നിൽക്ക്! പിടിച്ചിട്ട്...

രാത്രി മുഴുവൻ ഞാൻ ഉറങ്ങാൻ പോകുന്നില്ല,

എന്നിട്ട്, ആ ഒരു നിമിഷത്തിൽ എനിക്ക് താഴേക്കെടുത്തു ചാടാൻ തോന്നും.

നിങ്ങളതിന്റെ ഉത്തരവാദിത്തം ഏറ്റെടുക്കുമോ?

- അതെ, അതെ. ഞാൻ ഏറ്റെടുക്കും.

എല്ലാം ശരിയാവുമെടോ. എന്നെ വിശ്വസിക്കൂ.

ശുഭോ, ഞാൻ നിങ്ങളോട് ഉറക്കഗുളികകൾക്കാണ് ചോദിക്കുന്നത്. അല്ലാതെ പൊട്ടാസ്യം സയനൈഡിനല്ല.

എനിക്കതെത്ര ആവശ്യമുണ്ടെന്ന് എനിക്കേ അറിയൂ.

വരൂ.

പ്ലീസ്. ശുഭോ..

അവരോടൊന്ന് പറയൂ.

- നിങ്ങൾക്ക് ഉറങ്ങാൻ കഴിയും.

-പ്ലീസ്....

- ഉറങ്ങാൻ പറ്റുമെന്നേ, വിശ്വസിക്ക്.

- ഒരേയൊരുറക്കഗുളിക കൂടി..

ഒരേയൊരെണ്ണം..

പ്ലീസ്, ശുഭോ, ഒരെണ്ണം മാത്രം.

പാർത്ഥോ!

പാർത്ഥോ!

കണ്ണടയ്ക്കൂ.

ഗുഡ് ഈവനിംഗ് സർ..

- ഗുഡ് ഈവനിംഗ്..

- സർ, ഞങ്ങൾ ജോലി കഴിഞ്ഞു വീട്ടിലേക്കു പോവാൻ തുടങ്ങുമ്പോ..

ഇദ്ദേഹം തെരുവിൽ കിടക്കുന്നതു കണ്ടു.

വളരെ നന്ദി.

ഞാൻ മുമ്പത്തെപ്പോലെ അത്ര പരുക്കനല്ലെന്ന് തോന്നുന്നു..

ഫോട്ടോസ് മതിയാക്കെടോ.

എന്തേ?

ദൈവമേ! നിങ്ങളുടെ താടി നരച്ചിരിക്കുന്നു.

മുടിയോ?

അവിടെയുമിവിടെയും ചില വെള്ളിവരകളുണ്ട്.

അവ കറുപ്പിക്കണ്ട.

എനിക്കിങ്ങനെ കാണാനാണിഷ്ടം..

പക്ഷേ, എത്ര കാലം?

നോക്ക്, ഇതോർമ്മയുണ്ടോ?

എന്താത്?

നിങ്ങൾ സമ്മാനിച്ച മോതിരം.

അതേ ഡിസൈനിൽ, സ്വർണ്ണത്തിലുണ്ടാക്കിയതാ..

ഒരു കറുത്ത സ്റ്റോണും വെപ്പിച്ചു.

ഇപ്പോ, നിനക്കിത് എല്ലാ ഡ്രസ്സിന്റേം കൂടെ അണിയാമല്ലോ. അല്ലേ?

നീയാഗ്രഹിച്ചതും അതാണല്ലോ.

- ഹലോ. റൂം 206ൽ നിന്നാണ്. അതെ. എനിക്ക് റൂമൊഴിയണം..

എന്റെ ലഗ്ഗേജെടുക്കാൻ ഒരാളെ പറഞ്ഞയക്കുമോ? ബില്ലും റെഡിയാക്കിവെക്കൂ.

നോക്ക്, എന്ത് മനോഹരമായ കാഴ്ചയാണ്!

ചിത്രാംഗദയെ ഇത്തരത്തിൽ അവതരിപ്പിച്ചത് ശരിക്കും അത്ഭുതകരമായിട്ടുണ്ട്.

നന്നായി.

നമ്മുടെ പിള്ളേർക്കെല്ലാം ഒരു ട്രീറ്റ് കൊടുക്കണം..

അവരൊരുപാട് പരിശ്രമിച്ചതാണ്. അതു പോലെ,

കാമദേവനെ ഒരു കോസ്മെറ്റിക് സർജനായി ആവിഷ്കരിക്കാനുള്ള ആശയം തീർത്തും മൌലികമാണെന്ന അഭിപ്രായമുണ്ട്.

- അപ്പോ, എനിക്കും ട്രീറ്റ് വേണമല്ലോ.

- തർജ്ജമയുടെ പണികൾ തുടങ്ങിക്കോളൂ,

ഇനിയും കുറേ ആശയങ്ങൾ ഉണ്ടായി വരട്ടെ.

വിദേശത്തു നിന്നൊക്കെ ഒരു പാടന്വേഷണങ്ങളുണ്ട്..

നമുക്ക് അവയ്ക്കൊക്കെ മറുപടി കൊടുക്കണം.

നിർത്ത്, നിർത്ത്.

ഇതെന്താണിത്?

ഇയാൾ പോയില്ലേ?

പോയെന്നാണല്ലോ കേട്ടത്..

ഏയ് നോക്ക്! അതാണാ വീട്.

ഞാനിന്നലെ അവിടെ പോയിരുന്നു. പക്ഷേ, അവരത് വിൽക്കുന്നില്ല പോലും!

നിങ്ങൾക്കവരെ അറിയുമോ?

ഇല്ല. അവർക്കിയാളെ അറിയാം.

എന്നെയങ്ങ് വിഡ്ഢിയാക്കിക്കളഞ്ഞു.

നീയാണ് പോയതെങ്കിൽ അവർ തന്നേനെ.

താങ്കളിവിടെ സ്ഥലം വാങ്ങാൻ പോകുവാണോ?

ഇല്ല, പാർത്ഥോയാണ്.

നിങ്ങൾക്ക് മാലയോടൊന്ന് സംസാരിക്കാൻ പറ്റുമോ?

അവളിപ്പോ എന്തു ചെയ്യാണ്?

കുട്ടികളെ വളർത്തുന്നു. വേറെന്താ? അവൾ സുഖമായിരിക്കുന്നു.

ഞങ്ങളൊരു ദിവസം ഫോണിൽ സംസാരിച്ചിരുന്നു.

നമ്മൾ തിരിച്ചെത്തിയാലുടനെ അവളെയൊന്ന് വിളിക്കണം.

അവളോട് എന്നെയൊന്ന് കാണാൻ പറയൂ.

റൂഡീ, നോക്ക്. ആ വീടിന് വില കുറവായിരിക്കും.

ഇവിടെ വസ്തുവൊന്നും വാങ്ങാതിരിക്കുന്നതാണ് നല്ലത്.

കൽക്കട്ട വിട്ട് ഇവിടെ താമസമാക്കാൻ പോകുകയാണോ?

പാർത്ഥോവിന് വാങ്ങണമെന്നുണ്ട്. നിങ്ങളെന്തിനാണയാളെ, നിരുത്സാഹപ്പെടുത്തുന്നത്?

ചില നേരത്ത് ഞാനത്ഭുതപ്പെടാറുണ്ട്..

ഞാനെന്താണീ ചെയ്തുകൊണ്ടിരിക്കുന്നത്?

ഇതിനെ ശരിക്കും എന്ത് പേരിട്ടാണ് വിളിക്കേണ്ടത്?

പക്ഷേ, പിന്നീട്..

എല്ലാ ബന്ധങ്ങൾക്കും ഒരു തരം..

നിങ്ങളെന്താണതിനെ വിളിക്കുക?

ജഡത്വമെന്നാണോ?

-അതെ, ജഡത്വം.

അവിടവിടെയായി പരുക്കൻ പാടുകളുണ്ടായിരുന്നു..

പിന്നെ, ഓരോന്നായി പതുക്കെ മയപ്പെട്ടു വന്നു.

താങ്ക്സ്.

നോക്ക്.

ഇങ്ങടുത്തു വാ.

- ആളുകളുണ്ട് ചുറ്റിലും.

അടുത്തേക്ക് വാ.

വരാൻ..!

- ഇപ്പോ എന്തിനാ? ഈ ആൾക്കൂട്ടത്തിന് നടുവിൽ..

പോയ്ക്കോ.

താങ്ക്യൂ. പോയ്ക്കോളൂ.

ഞങ്ങളെത്തി രണ്ടു ദിവസം കഴിഞ്ഞപ്പോ, മാലയെന്നെ കാണാൻ വന്നു.

മാല എന്റെ ഗ്രൂപ്പിലെ നർത്തകിയായിരുന്നു.

അവൾക്കിപ്പോഴും എന്നെ വലിയ കാര്യമാണ്.

അവൾ രണ്ടു കുഞ്ഞുങ്ങളെയും കൂട്ടിയാണ് വന്നത്.

ചിലപ്പോ ആ സന്ദർശനമാവും എന്റെ ജീവിതം തന്നെ മാറ്റിക്കളഞ്ഞത്..

ഞാൻ നിന്നോടാണ് സംസാരിക്കുന്നത്.

- എന്താ?

- ഞാൻ വിളിക്കാതെ നിനക്ക് വരാൻ കഴിയില്ലായിരുന്നോ?

ഇനി മേലിൽ അങ്ങനെ ചോദിക്കരുത്.

- എനിക്ക് സമയമേ കിട്ടിയില്ല.

- ഒലക്ക!

അത്ര തിരക്കാണോ? നീ വീട്ടിലിരുന്ന് തടിച്ചുപോയല്ലോ.

- വിശ്വസിക്കൂ, എനിക്ക് സമയം കിട്ടിയില്ല.

എന്നാ, ഞാനൊരു സത്യം പറയട്ടെ?

- എന്താ?

- നൃത്തം എന്നെ എത്ര ദൂരം കൊണ്ടെത്തിക്കുമായിരുന്നു?

ഒന്നു രണ്ടു തവണ വിദേശത്തുപോയി. അതിന് അങ്ങയോട് നന്ദിയുമുണ്ട്.

ഞാനില്ലാതെ തന്നെ അങ്ങേയ്ക്കത് ചെയ്യാൻ പറ്റും.

അങ്ങേയ്ക്ക് പറ്റും.

പക്ഷേ, എന്റെ കുടുംബത്തിന് പറ്റില്ല. എന്റെ രണ്ട് കുഞ്ഞുങ്ങൾക്കും ഞാനില്ലാതെ പറ്റില്ല.

- ഇങ്ങോട്ട് വന്നോളൂ.

- ഇതാരുടെ കുഞ്ഞാ?

- മറ്റെയാളെവിടെ?

- മഹാദേവിനൊപ്പമുണ്ട്.

- ഇതാരൊക്കെയാ?

- എന്റെ മക്കളാണ്.

- അവരിത്ര നേരമെവിടെയായിരുന്നു?

- കാറിലിരിക്കയായിരുന്നു.

- അദ്ദേഹത്തിന്റെ കാലിൽ തൊട്ടു വന്ദിക്കൂ.

- എന്തു പറ്റി?

- നീയെന്താ കാറിലൊളിച്ചിരുന്നത്?

- എന്താ നിന്റെ പേര്?

വാ, നമ്മക്ക് പുറത്തേക്ക് പോവാലോ.

- ഇത് സായന്തൻ. ഇതിന്റെ മൂത്തയാൾ സ്യമന്തക്.

- ഇതെന്തിനാണിത്ര വായിൽക്കൊള്ളാത്ത പേരുകൾ?

- പാരമ്പര്യത്തനിമയുള്ള പേരുകൾ അങ്ങേയ്ക്കിഷ്ടമാവുമെന്ന് കരുതി.

- നോക്ക്, നീയെന്തൊരു ഭയങ്കരിയാണ്!

ഇവിടെ വാ..

- നമ്മള് ആ ചെടികൾ ലേശം നനച്ചു കൊടുക്കാൻ പോവാണല്ലോ..

- ഏയ് വേണ്ടെടോ! അവനെ വാഷ് റൂമിലേക്ക് കൊണ്ടു പോ..

പക്ഷേ, അയാൾക്ക് നിങ്ങളുടെ പകുതി വയസ്സേയുള്ളു, രുദ്ര സർ!

പാർത്ഥോ ഒരു നല്ല മനുഷ്യനാണ്.

അവൻ എന്നെ സ്നേഹിക്കുന്നുണ്ട്.

എനിക്കറിയാം.

മനീഷ് എന്നോടെല്ലാം പറഞ്ഞിട്ടുണ്ട്.

അയാൾ ഒരു ഡ്രഗ്ഗ് അഡിക്ടാണ്!

- അവൻ അങ്ങനെയായിരുന്നു.

പക്ഷേ, ഇപ്പോ മെച്ചപ്പെട്ടു വരുന്നുണ്ട്.

- ശരി, അയാൾ നല്ലവനായിരിക്കും,

പക്ഷേ, അയാൾ അങ്ങയുടെ മൂല്യമറിയുന്നവനാണോ ?

അത് സാരമില്ല. അറിയുന്നവർ പലരുണ്ടാവും.

പക്ഷേ, അവർക്കാർക്കെങ്കിലും എന്നെ സ്നേഹിക്കാനുള്ള തന്റേടമുണ്ടായോ?

ഹ്ഉം.. അങ്ങ് കൈവിട്ടുപോയെന്നുതോന്നുന്നു.

നീ നിന്റെ കുടുംബത്തോടൊപ്പം എപ്പഴേ കൈവിട്ടുപോയതാണല്ലോ. പിന്നെ എനിക്കായാലെന്താ?

- അയാൾക്ക് അങ്ങേയ്ക്കൊരു വീടോ, കുടുംബമോ തരാനാവുമോ?

ജീവിതകാലം മുഴുവൻ അങ്ങയുടെ കൂടെ നിൽക്കുമോ?

അയാളങ്ങനെയോ മറ്റോ ചെയ്താൽ, ഞാനയാളുടെ അടിമയായിരിക്കാം..

നീ നിന്റെ മക്കളെ സ്നേഹിക്കുന്നു, അല്ലേ?

- എല്ലാരുമങ്ങനെയാണ്.

അതിലെന്താണിത്ര പ്രത്യേകത?

എന്താ കുഴപ്പം?

-എന്നെ പോകാനനുവദിക്കണം, പാർത്ഥോ..

-എവിടെ?

- നീ നന്നായിരിക്കണം,

വിവാഹം കഴിച്ച് കുഞ്ഞുങ്ങളൊക്കെയുണ്ടാവണം...

എനിക്കതിൽ റോളൊന്നുമില്ല.

ശ്ശ്...

നീ പിന്നീടിതിനെപ്പറ്റി പശ്ചാത്തപിക്കേണ്ടി വരും.

ഓക്കേ, കല്യാണം കഴിഞ്ഞ് കുഞ്ഞുങ്ങളൊക്കെയാവട്ടെ!

ഓക്കേ. അങ്ങനൊക്കെയാണെങ്കിൽ,

നമുക്കൊരു കുഞ്ഞിനെ ദത്തെടുത്താലോ?

- കളി പറഞ്ഞതാ?

-അല്ല, ഞാൻ സീരിയസാണ്.

നിനക്കു വേണ്ടിയാണോ അത്?

- അല്ലാതെ പിന്നെ?!

ഒരു കുഞ്ഞെന്തായാലും കുഞ്ഞാണ്.

- ഇല്ല, അത് നടക്കില്ല.

- എന്തു കൊണ്ടില്ല?

അതിനു സമയമുണ്ടല്ലോ?

- എന്തസംബന്ധമാണിത്!

അതാണ് സത്യം.

രാജ്യത്തിന്റെ നിയമം.

നമ്മൾ 'എൽറ്റൻ ജോണി'ന്റെ നാട്ടിലൊന്നുമല്ലല്ലോ.

അത് ശരി.

ഒരു കുഞ്ഞില്ലാതെ തന്നെ നമുക്ക്..

സന്തോഷമായിട്ടോ?

- അത്ര എളുപ്പമല്ലത്.

നീ ഉയർന്നു ചിന്തിക്കുന്നതു കൊണ്ടു തോന്നുന്നതാണ്..

- അങ്ങനെയാണോ അത്?

അല്ല, ഞാൻ കാര്യമായിപ്പറഞ്ഞതാണ്.

- നിനക്കത് പറ്റില്ല. അത് നിന്നെ വേദനിപ്പിക്കുകയേയുള്ളൂ.

- ഞാനൊരൊറ്റ അടി വെച്ചു തന്നാലും,

...നിനക്കു വേദനിക്കും .

-ഇതതു പോലെയല്ല, പാർത്ഥോ..

മോനേ!

അമ്മാ!

നിങ്ങൾ…രണ്ടാളുമിവിടെ ഇരുട്ടത്ത്?

നല്ല ഭംഗിയുണ്ട് കാണാൻ..

- റെഡിയായോ?

- വരുന്നു!

- പൊട്ട് ഞാൻ ശരിയാക്കിത്തരാം.

നിൽക്ക്.

കണ്ണട..

- നടുക്കല്ലേ?

-കുറച്ച് മോളിലായിപ്പോയി.

ബാക്കിയൊക്കെ ശരിയാണോ?

ഉം.

- ഡിന്നർ റെഡിയാണ്. പാർത്ഥോ, കഴിച്ചിട്ടേ പോകാവൂ.

-കണ്ണട ബാഗിൽ..

എനിക്ക് ഒരു ഐഡിയ തോന്നുന്നു.

നീ ബഹളമുണ്ടാക്കില്ലല്ലോ?

- പറയ്.

ഞാൻ ലിംഗമാറ്റം നടത്തിക്കോട്ടേ ?

ശരിക്കും.

ഒന്നു മനസ്സിലാക്കൂ, സാങ്കേതികമായി ഞാൻ ഒരു സ്ത്രീയാവുകയാണെങ്കിൽ..

- നമ്മൾ സാധാരണ ദമ്പതിമാരായിത്തീരും.

നമുക്കൊരു കുഞ്ഞിനെ ദത്തെടുക്കാനും പറ്റും.

ഒരു കിറുക്കൻ അതൊരിക്കലും മേത്തെഴുതി വെക്കാറില്ല.

ഞാൻ തമാശ പറയുകയല്ല, പാർത്ഥോ. ഒന്ന് ശ്രദ്ധിക്ക്.

ഇതൊരു പ്രായോഗികമായ ഐഡിയയാണ്.

ശരിക്ക് കേൾക്ക്.

എനിക്കുമൊരൈഡിയ തോന്നുന്നു.

വേണ്ട, വേണ്ട, ശ്രദ്ധിക്ക്.

വാ, ഇവിടിരിക്ക്.

- പറയ്.

നിനക്കൊരു കാര്യമറിയാമോ,

ഞാൻ നിന്നെ ദത്തെടുക്കാൻ പോവ്വാണ്.

അങ്ങനെ നീയെന്റെ കുഞ്ഞാകും.

കുഞ്ഞേ, കുഞ്ഞേ..

അതോ, നിനക്കെന്റെ വാവയാവണോ?

വാവയാവണോ കുഞ്ഞാവണോ?

കുഞ്ഞായാൽ ഞാൻ നിന്നെ, ഇതു പോലെയോമനിക്കും.

വാവേ, നമുക്ക് കാപ്പി കുടിച്ചാലോ.

അതവിടെ വെയ്ക്ക്.

ഞാൻ നിന്നെ കെട്ടിപ്പിടിച്ചോട്ടെ കുഞ്ഞേ..

വാവയാണോ പട്ടിക്കുഞ്ഞാണോ?

- പാർത്ഥോ ഞാൻ കാര്യമായാണ്.

ഞാൻ അങ്ങനെയല്ല.

പാർത്ഥോ, പറയുന്നത് കേൾക്ക്!

- എല്ലാം മാറ്റിവെയ്ക്കേണ്ടിവരില്ലേ?

അപ്പോ നിന്റെ നൃത്തമോ?

- എന്റെ നൃത്തത്തിന്റെ കാര്യത്തിലെന്താണ്?

- അതിൽ നിന്റെ ശരീരമാണല്ലോ എല്ലാം..

അതുപയോഗിച്ചല്ലേ, നീ ആടിത്തകർക്കുന്നത്?

- നിർത്ത്.

ഞാനെന്റെ ഉടലുകൊണ്ടല്ല നൃത്തം ചെയ്യുന്നത്, പാർത്ഥോ..

ഞാനെന്റെ ഉള്ളുകൊണ്ടാണ് നൃത്തം ചെയ്യുന്നത്..

മാത്രമല്ല, ഭാഗ്യവശാൽ..

ലിംഗേതരമായ ഒരു കലാരൂപത്തിലാണ് ഞാൻ ഇടപെട്ടുകൊണ്ടിരിക്കുന്നത്..

എന്റെ നൃത്തത്തെ എന്റെ ലിംഗപദവി ഒരിക്കലും പരിമിതപ്പെടുത്തില്ല.

അതല്ല എന്റെ ഐഡന്റിറ്റി..

- നിന്റെ അച്ഛനമ്മമാരെക്കുറിച്ച് ചിന്തിക്കൂ, റൂഡീ...

-ഇതെന്റെ ജീവിതമാണ്, പാർത്ഥോ.

-എങ്കിൽ അത് അഗീകരിക്കു...

- എന്ത്?

- നിന്റെ സ്വാഭാവികസ്വത്വത്തിൽ നീ സന്തോഷിക്കുന്നില്ല എന്ന്.

നീ നിർബന്ധമായി ഒരു സ്ത്രീയാവാൻ ശ്രമിക്കുന്നു.

-നമ്മൾ ജന്മനാ എന്താണോ, അതിൽ നമ്മളിൽ പലരും തൃപ്തരല്ല.

അങ്ങനെയെങ്കിൽ ആൺകുട്ടികളൊന്നും സിക്സ് പാക്കുണ്ടാക്കി ആണായിത്തീരാൻ... ജിമ്മിലേക്ക് പോകുമായിരുന്നില്ല..

പെൺകുട്ടികൾ ത്രെഡ് ചെയ്തും, വാക്സ് ചെയ്തും പെണ്ണായിത്തീരുകയുമില്ല.

- ഇതതുപോലെയല്ല.

ഒരുപാട് പാർശ്വഫലങ്ങളുണ്ടാകും.

കാര്യങ്ങൾ കുറേയേറെ സങ്കീർണ്ണമാകും.

നീയിത് ചെയ്യരുതെന്റെ കുഞ്ഞേ..

നീ എങ്ങനെയാണോ, നിന്നെ അങ്ങനെതന്നെയാണെനിക്കിഷ്ടം.

- ഞാനൊരു പെണ്ണായാൽ നിനക്കെന്നോടുള്ള ഇഷ്ടം കുറഞ്ഞുപോകുമോ?

നീയെന്നെ ഇതിൽക്കൂടുതൽ സ്നേഹിക്കണമെന്നില്ല..

നീയെന്നെ സഹിക്കും, അല്ലേ?

എത്ര കാലമെടുക്കും ഇത് പൂർത്തിയാവാൻ?

കൗൺസിലിംഗടക്കം ഒരു വർഷം .

-അതു കൊണ്ടെന്താണ് പ്രയോജനം?

- സ്വന്തം 'ഫിനോടൈപ്പ്' മാറാൻ നിങ്ങൾ തയ്യാറായിക്കഴിഞ്ഞോ എന്ന് ഞങ്ങൾക്കറിയേണ്ടതുണ്ട്.

- മനസ്സിലായില്ല!

- നിങ്ങളുടെ ലിംഗപദവി.

ഞങ്ങൾക്കത് വിലയിരുത്തേണ്ടതുണ്ട്.

- ഡോക്ടർ ഷോം,

ഞാൻ നിങ്ങളോട് വളച്ചുകെട്ടില്ലാതെ കാര്യങ്ങൾ തുറന്നുപറയാം..

എന്നെ സംബന്ധിച്ച് ഇത് സാങ്കേതികമായ ഒരനിവാര്യതയാണ്.

ഞാൻ സ്ത്രീയാണെന്ന് തെളിയിക്കുന്ന ഒരു സർട്ടിഫിക്കറ്റാണ് എനിക്ക് നിങ്ങളിൽ നിന്ന് വേണ്ടത്.

മറ്റു വ്യത്യാസങ്ങളൊന്നുമില്ല.

ഞാൻ സാരിയോ ഗൌണോ മറ്റോ ധരിക്കാനും പോകുന്നില്ല.

അതുകൊണ്ട്, എന്നെ സംബന്ധിച്ച് ഇതൊരു കോസ്മെറ്റിക് സർജറി പോലെയേയുള്ളൂ.

എനിക്ക് നിങ്ങളോട് ചിലത് പറയാനുണ്ട്.

മനസ്സ് ശാന്തമാക്കി ശ്രദ്ധിച്ച് കേൾക്കണം.

-പറയൂ.

- ഞാൻ വേറെവിടെയെങ്കിലും പോയി ജീവിക്കുകയാണെങ്കിൽ നിങ്ങൾ എതിർക്കുമോ?

- എന്തിന്! നീയെവിടെപ്പോകുന്നു?

- അത് പ്രധാനമല്ല. പറയൂ, എവിടെയാണെങ്കിലും..

എന്തെങ്കിലും പ്രശ്നം?

- എന്തു ചെയ്യുന്നതിൽ നിന്നും ഞങ്ങൾ ഇതുവരെ നിന്നെ വിലക്കിയിട്ടില്ലല്ലോ.

പിന്നെ ഇപ്പോഴെന്താണ് പ്രശ്നം?

- എനിക്കൊരു പ്രശ്നവുമില്ല.

നിങ്ങൾക്കുണ്ടായേക്കാം, അതുകൊണ്ട് ചോദിക്കുന്നതാണ്.

- ഞങ്ങൾക്ക്, പുതുതായി എന്തു പ്രശ്നമാണ്?

- ഉണ്ടാവും, അച്ഛാ.

- പാർത്ഥോയെ ഉദ്ദേശിച്ചാണോ?

അയാളുടെ കൂടെ പോയി താമസിക്കുകയാണോ?

- ചിലപ്പോൾ..

അതിനു വേണ്ടിയാണ് ഞാൻ.. മാറി നിൽക്കാനാഗ്രഹിക്കുന്നത്.

- അതെ. എങ്ങനെ മനസ്സിലാവും നിനക്ക്?

വിവാഹം ചെയ്തിട്ടില്ല, കുടുംബം നോക്കേണ്ടതില്ല...

ഞങ്ങൾ അച്ഛനമ്മമാർ കടന്നുപോവുന്ന ആധിയെക്കുറിച്ച് നീയെങ്ങനെയറിയാനാണ്?

നിങ്ങൾ എനിക്കു വേണ്ടി എന്തൊക്കെ സഹിക്കുന്നുവെന്ന് അറിയാഞ്ഞിട്ടല്ല..

ഞാനൊരു തീരാത്ത അസ്വസ്ഥതയിലാണ്.

അതുകൊണ്ടാണ് ദൂരേയ്ക്കു പോവാനാഗ്രഹിക്കുന്നത്.

നിനക്കതു മനസ്സിലാവുന്നില്ലേ..?

ചുരുക്കത്തിൽ, നിന്റെ ഏകാന്തതയെ മുതലെടുത്ത്..

അയാൾ നിന്നെ ഉപയോഗിക്കുകയാണ്.

നിനക്കത് മനസ്സിലാവുന്നില്ലേ മോനേ?

ഏതാണ് ഭേദം, പറഞ്ഞു താ..?

ജീവിതകാലം മുഴുവൻ ഒറ്റയ്ക്കാവുന്നതാണോ?,

അതോ കുറച്ചുകാലമെങ്കിലും ഒരു കൂട്ട് കണ്ടെത്തുന്നതോ?

മുമ്പുണ്ടായിരുന്നവരെപ്പോലെ,

അയാളും നിന്നെ വലിച്ചെറിയും.

ഇത് നിലനിൽക്കുന്നതാണെന്ന് നിനക്ക് തോന്നുന്നുണ്ടോ?

എന്താണ് നിലനിൽക്കുക, അമ്മാ?

പറയ്, ഈ ശരീരം നിലനിൽക്കുമോ?

ചെലപ്പോ അവൻ മരിച്ചുപോയേക്കും. അപ്പോ ബാക്കി ജീവിതത്തിൽ, വീണ്ടും ഞാൻ ഒറ്റയ്ക്കാകും.

എന്തിന് ഒറ്റയ്ക്കാവണം?

ഞാൻ നിന്നോട് എത്ര തവണ പറഞ്ഞു, ഒരു ഡോക്ടറെക്കാണാൻ..

നീ തന്നെ പോയി ചികിത്സ തേടൂ.

ആവശ്യമെങ്കിൽ കൗൺസിലിംഗും ചെയ്യണം.

ചിലപ്പോൾ, സ്വാഭാവികജീവിതത്തിലേക്ക് മടങ്ങാൻ ഒരു പ്രയാസവും കാണില്ല.

ഞാൻ ഇന്ന് ഡോക്ടറെ കണ്ടിരുന്നു അച്ഛാ..

അടുത്താഴ്ച എന്റെ ചികിത്സ ആരംഭിക്കും.

അവർ കൌൺസിലിംഗും നിർദ്ദേശിച്ചതാണ്. ഞാൻ വേണ്ടെന്നു പറഞ്ഞു.

എന്നാലും ഞാൻ ചികിത്സ തുടരാൻ തന്നെ തീരുമാനിച്ചു.

ദൈവത്തിന് നന്ദി.

നിനക്ക് ബോധം വെച്ചല്ലോ.

അങ്ങനെയാണെങ്കിൽപ്പിന്നെ, എന്താണ് നിന്റെ പ്രശ്നം?

എനിക്ക് കുറച്ചുകാലം ഹോസ്പിറ്റലിൽത്തന്നെ നിൽക്കേണ്ടി വരും.

ഏകദേശം ആറുമാസത്തോളം.

ഹോസ്പിറ്റലിൽ എന്തിനാണ്?

- തുടർച്ചയായ ചില സർജറികളുണ്ട്.

- ഏത് തരത്തിലുള്ള സർജറിയാ, മോനേ?

ലിംഗപുനർക്രമീകരണ സർജറി.

എന്നുവെച്ചാലെന്താണ്?

ഞാൻ ഒരു ലിംഗമാറ്റത്തിന് തയ്യാറാവുകയാണ്. എല്ലാം ശരിയായി നടന്നാൽ,

ആറുമാസത്തിനകം ഞാനൊരു സ്ത്രീയായിത്തീരും.

അതുകൊണ്ട് തൽക്കാലം താമസം മാറ്റുകയാണ് നല്ലതെന്ന് തോന്നി.

നീയാരെന്നാണ് നിന്റെ വിചാരം?

എപ്പോഴും തോന്നിയ പോലൊക്കെ ജീവിക്കാമെന്നായോ?

ഞങ്ങൾ പറഞ്ഞതൊന്നും നീ ശ്രദ്ധിക്കുന്നേയില്ലേ?

ഇത് വെറും കുട്ടിക്കളിയാണോ?

-ഇത് കേൾക്ക്. നിനക്കെത്ര കാലവും ഞങ്ങളുടെ കൂടെ നിൽക്കാം.

- സമൂഹത്തെ ഞങ്ങളാണ് നേരിടേണ്ടത്, നീയല്ല.

നീ ഒരിടത്തേക്കും പോകുന്നില്ല.

ഒരിക്കൽ, ഒരേയൊരു തവണ...

ഒരു പൂവിന്റെ മനോഹാരിതയാൽ..

എന്റെയീ ദേഹം വിശുദ്ധമാവട്ടെ.

സ്വർഗ്ഗത്തിൽ പോലും അമൂല്യവും..

ഭൂമിയിൽ അനുപമവുമായ.. ഒരു പൂവിന്റെ..

- സർജറി സമയത്ത് നിങ്ങളവിടെ ഒറ്റയ്ക്കായിരുന്നോ ?

- അല്ല.

അവന്റെ ട്രൂപ്പ് മാനേജർ…

- മനീഷോ?

- അതെ,

അയാളവിടെയുണ്ടായിരുന്നു.

മാലയുമുണ്ടായിരുന്നു, അവൾ നേരത്തെ പോയി. മനീഷ് അവസാനം വരെ നിന്നു.

- രുദ്ര സാറിനെങ്ങനെയുണ്ട്?

- കുഴപ്പമില്ല.

നാളെ നിങ്ങൾ, എന്നെ അവിടേയ്ക്ക് കൊണ്ടുപോകുമോ ?

- നീയല്ലേ പറഞ്ഞത് പോകുന്നില്ല,സഹിക്കാൻ പറ്റില്ല എന്നൊക്കെ?!.

നിങ്ങളവനെ പോയി കാണുന്നുണ്ടോ?

അവരവനെ വ്യാഴഴ്ച്ച രാവിലെ വിട്ടയയ്ക്കും.

അപ്പോ ഞാൻ പോയി അവനെ തിരിച്ചുകൊണ്ടുവരാം.

- പോവുന്നതിനു മുമ്പ് അവൻ പല തവണ പറഞ്ഞതാണ്, ഇവിടേക്ക് മടങ്ങിവരില്ലെന്ന്.

- അവനങ്ങനെ പറയട്ടെ.

നിനക്കും അതാണോ ആഗ്രഹം?

കഴിക്കൂ.

അവനെ മാത്രം കുറ്റപ്പെടുത്താനെളുപ്പമാണ്...

കുറ്റം..കുറ്റം നമ്മുടേതുകൂടിയാണ് .

നമുക്കത് മുമ്പേ അറിയാമായിരുന്നു.. പക്ഷേ, നമ്മളംഗീകരിച്ചില്ല.

ആൺകുട്ടിയായി ജനിച്ചതുകൊണ്ട് ഒരാൺകുട്ടിയായി പെരുമാറണമെന്ന് നമ്മളവനെ നിർബന്ധിച്ചു.

നിർബന്ധിക്കുന്നതെന്തിന്?

അത് സ്വാഭാവികമാണ്.

അവന്റെ സ്വഭാവം അവനോട് നിർദ്ദേശിക്കുന്നതെന്തോ, അതാണ് അവന് സ്വാഭാവികം..

പ്രകൃതിക്ക് അതിന്റേതായ സ്വാഭാവികതകളുണ്ട്.

അവന് സ്വാഭാവികമായിത്തോന്നിയത് നമ്മളന്നംഗീകരിച്ചിരുന്നെങ്കിൽ,

ഇന്നവന് ഒരു സർജന്റെ കത്തിക്കു താഴെ കിടക്കേണ്ടി വരില്ലായിരുന്നു.

കഴിക്കൂ.

-സർജറിക്കുശേഷം, അവരവനെ കൊണ്ടുപോവുന്നതിനുമുമ്പേ..

അവൻ അബോധാവസ്ഥയിലായിരുന്നു. ഉറക്കത്തിലെന്നപോലെ.

വളരെക്കാലമായി ഞാനവനെ അടുത്തുനിന്ന് കണ്ടിട്ട് എന്നെനിക്ക് തോന്നി.

ഒന്നരികിലേക്ക് ചെന്നാലെന്തെന്ന് ആലോചിച്ചു പോയി!

എന്നിട്ട് പോയോ?

ഒരു നിമിഷത്തേയ്ക്ക്, കിടക്കുന്നത് നീയാണെന്നെനിക്ക് തോന്നി.

അവൻ ജനിച്ചശേഷം ഒരു സ്ട്രെച്ചറിൽ, അവർ നിന്നെ ദൂരേയ്ക്ക് കൊണ്ടുപോയിരുന്നു.

ഞാൻ അവനെ നോക്കി നിന്നു..

നിന്നെ വളരെക്കാലം മുമ്പെന്നപോലെ..

എന്നോടെന്തെങ്കിലും പറയൂ.

രൂപമാറ്റം സംഭവിച്ചതിന് ശേഷം..

ചിത്രാംഗദ ഒരിക്കലെങ്കിലും കൊട്ടാരത്തിലേക്ക് മടങ്ങിയിട്ടുണ്ടാവില്ലേ?

രാജസദസ്സിലേക്ക് പോയോ?

സ്വാഭാവികമായും.

അതിന്റെ പ്രത്യാഘാതമെന്തായിരുന്നിരിക്കും?

ചിത്രാംഗദയെ വീണ്ടും അരങ്ങിലെത്തിക്കണമെന്ന് തോന്നുന്നുണ്ടോ?

ഇല്ല. പക്ഷെ, ഇനി ചെയ്യുന്നെങ്കിൽ നല്ല മുന്നൊരുക്കത്തോടെ ചെയ്യണം.

അപ്പോ നേരത്തെ, അത്ര തയ്യാറെടുപ്പുണ്ടായിരുന്നില്ലേ?

-അങ്ങനെയല്ല.

നല്ല ഭംഗിയുണ്ടായിരുന്നു, നല്ല ദൃശ്യാനുഭവമായിരുന്നു..

പക്ഷേ, ചിത്രാംഗദയുടെ ആത്മാവിനെ അത് എത്ര മാത്രം പ്രതിഫലിപ്പിച്ചിരുന്നെന്ന് എനിക്കറിയില്ല.

ഞാനിപ്പോഴും വിചാരിക്കുന്നത്..

എനിക്കവളെ ശരിക്ക് ഉൾക്കൊള്ളാനായിട്ടില്ല എന്നാണ്.

പിതാവ് മകനാക്കി വളർത്തിയെടുത്ത രാജകുമാരി..

സ്ത്രീയാവാനാഗ്രഹിക്കുന്നു.

അവളാഗ്രഹിച്ചു.

പക്ഷേ അവളുടെ മാറിയ പുതിയ അസ്തിത്വത്തെ, അവളുടെ അച്ഛൻ സ്വീകരിക്കുമോ?

അവൾ അയാളുടെ മുമ്പിൽ നിൽക്കുമ്പോൾ…

സങ്കല്പിച്ച് നോക്കിയിട്ട് പറഞ്ഞാൽ,,

രാജസദസ്സിൽ രാജാവിരിക്കുന്നു,

ഇവിടെ അവളുണ്ട്. അതായത്..

അയാളെങ്ങനെ പ്രതികരിച്ചിട്ടുണ്ടാവും?

“നീയാരാ, പുതിയ രാജദാസിയാണോ?..

“എങ്കിൽ നിന്റെ വില പറയൂ.." എന്ന്,

അയാൾ ചോദിച്ചിട്ടുണ്ടാവുമോ?

നോക്ക്, അവൾ തീർത്ഥാടനത്തിലായിരുന്നെന്ന് എല്ലാവർക്കുമറിയാം.

കുറഞ്ഞത്, നിങ്ങളുടെ ടാഗോറെഴുതിയതും അങ്ങനെയായിരുന്നല്ലോ.

പക്ഷേ, ആ കിംവദന്തി പ്രചരിപ്പിച്ചതാരാണ്?

ഏതായാലും ചിത്രാംഗദയല്ല.

രാജവിളംബരമായിരുന്നിരിക്കണം.

രാജാവിന് അവളെ അംഗീകരിക്കാനാവാത്തതുകൊണ്ട്,

ഒരു വർഷത്തേക്ക് നാടുകടത്തിയതാണെങ്കിൽ?

നിങ്ങളുടേതല്ലേ?

- നിങ്ങളുടേതാണ്.

'എല്ലാവരും സ്വർഗ്ഗത്തിലേക്ക് പോവാനാഗ്രഹിക്കുന്നു,

പക്ഷേ, ആരും മരിക്കാനാഗ്രഹിക്കുന്നില്ല. എന്തുകൊണ്ടാണത്?’

നിഗൂഢം തന്നെ!

അതേ നമ്പറാണോ?

ഉം.

അതെനിക്ക് തരുമോ?

98315

56004.

ഉം.

കിട്ടുന്നില്ല.

ഏയ്, എങ്ങനെയുണ്ട്? എണീറ്റോ?

എന്താ കാര്യം?

-നിൽക്ക്.

അടുത്ത് വാ..

നോക്ക്.

നീയത് ധരിക്കൂ.

- ശരിക്ക് നോക്കൂ, പ്ലീസ്...

ഹൌസ് കോട്ട് ഇടൂ.

എന്ത് പറ്റി?

കുറച്ച് വെള്ളം കുടിക്കൂ.

പതുക്കെ, പതുക്കെ.

ഇത് കുടിക്കൂ.

അമ്മയോട് വന്നുനിൽക്കാൻ പറയണോ?

-വേണ്ട.

എന്റെ തൊണ്ടയിലെന്തോ വല്ലായ്മ പോലെ. അനസ്തേഷ്യ ചെയ്തപ്പോമുതലാണ്.

തൊണ്ട ശരിയാവാനുള്ള ഗുളികകളോ മറ്റോ കിട്ടുമോ?

- ഉറപ്പായും.

അതിന് നല്ല വേദനയായിരുന്നോ?

-അനസ്തേഷ്യ ട്യൂബിന്റെയാണ്.

- അതിന് ശേഷമോ?

- എന്റെ തൊലിയൊക്കെ വലിഞ്ഞുപിടിക്കുന്ന പോലെ..

- ഉറക്കം വരുന്നുണ്ടോ?

കിടന്നോ..

പതുക്കെ, പതുക്കെ..

അവരെന്താ ചെയ്തത്?

അവരെന്നുവെച്ചാൽ..?

-സർജന്മാർ.

- കൊറച്ചേറെ സർജറികൾ ചെയ്തു.

-എനിക്കറിയാം. ഇത്തവണയേതാണ്?

- അതൊക്കെ എന്തിനാണറിയുന്നത്?

ഇതൊരു വലിയ പ്രക്രിയയാണ് അമ്മാ. അവരതിനെ ചുരുക്കി ചെയ്യുന്നു എന്ന് മാത്രം.

വിശദാംശങ്ങളൊക്കെ അറിയുന്നതെന്തിനാ?

- അതെ, എനിക്കറിയണം.

നീ എന്നിൽ നിന്നാണ് ജനിച്ചത് മോനേ...

ആ ശരീരത്തിനുമേൽ എനിക്കൊരവകാശമുണ്ട്.

ഞാനതിനെ എണ്ണ തേപ്പിച്ചു, കുളിപ്പിച്ചു, പൌഡറിടുവിച്ചു..

പിന്നെ, ഒരുപാട് സ്നേഹവും കരുതലും കൊടുത്തു.

ഒരാവേശത്തിന് നീയത് വെട്ടിമുറിക്കാൻ പോവുമ്പോ,

അപ്പോ, എനിക്കതറിഞ്ഞേ പറ്റൂ.

അത് സാരമില്ല,

വേദനിക്കുന്നുണ്ടെങ്കിൽ പറയണേ...

..ശരിക്കും ആ മുറിവുകളെവിടെയാണെന്നുപോലും എനിക്കറിയില്ല.

ഓ!

നീയിവിടെ?

നീയുമുണ്ടോ?

നിങ്ങളെപ്പഴാ വന്നത്?

- അങ്ങയെ കാണാൻ വന്നതാ.

എല്ലാ ദിവസവും..വരേണ്ടതായിരുന്നു.

- നീ, മുമ്പായിരുന്നു വരേണ്ടത്.

കുറച്ചു ദിവസമായി ഞാൻ വീട്ടിലുണ്ടായിരുന്നു. റിഹേഴ്സലുണ്ടായിരുന്നു, എല്ലാ ദിവസവും.

- ഞാൻ നാളെ കഴിഞ്ഞ് തിരിച്ചുപോകും.

അപ്പോ വീട്ടിൽ വരൂ.

-വരാം.

നീ സുന്ദരിയായിട്ടുണ്ട്.

നല്ല വേദനയായിരിക്കുമല്ലേ?

നീയും നന്നായിട്ടുണ്ട്.

മാലയും മനീഷും വന്നപ്പോ, കുറച്ച് സ്വീറ്റ്സ് കൊണ്ടന്നിരുന്നു .

അവ ഫ്രിഡ്ജിലുണ്ട്. എടുത്തോളൂ.

-വേവലാതിപ്പെടണ്ട, രുദ്ര സർ..

- ഉറങ്ങാൻ പറ്റിയോ?

-ശ്രമിച്ചിരുന്നു.

- സ്ലീപ്പിംങ് പിൽസ് കഴിച്ചിരുന്നോ?

- അതെ. എന്നിട്ടാണ് ഡിന്നർ കഴിച്ചത്.

- ഓ, ഡിന്നർ കഴിച്ചോ?

സമയമെന്തായി?

- 9 മണി.

അധികം സംസാരിക്കണ്ട. ഉറങ്ങിക്കോളൂ.

ഞങ്ങൾ പോവുന്നതാണ് നല്ലത്.

- മഴയത്ത് പോവണ്ട.

തോർന്നിട്ട് പോവാം.

എനിക്കൊന്ന് ടോയ് ലറ്റിൽ പോണം.

-സാവകാശം.

പതുക്കെ പതുക്കെ..

മെല്ലെ മതി.

അല്ലയോ, പ്രണയാനുഭൂതികളുടെ ദേവാ..

എന്ത് കഠിനമായ പൈശാചികതയെയാണ് എന്റെ ഉടലിൽ നീ കെട്ടിയിട്ടിരിക്കുന്നത്?...

ഏത് മയക്കത്തിന്റെ അഭിശപ്തമായ മായയിലേക്കാണ് നീയെന്നെ എറിഞ്ഞുകളഞ്ഞത്?!

യൗവനലഹരികളുടെ, വിദ്യുത്പ്രവാഹം..

സിരകളിലൂടെ പടർന്നൊഴുകി.. എന്നെ നിയന്ത്രണാതീതനാക്കുന്നു..

അവർ ഇത് ചെയ്യാനനുവദിച്ചോ?

-വെറുതെ ഒന്ന് ശ്രമിച്ചുനോക്കിയതാണ്.

ഇവിടെ പുകവലിക്കാമോ?

- അവർ പ്രത്യേകിച്ചൊന്നും പറഞ്ഞിട്ടില്ല.

ആഷ്ട്രേ ഇതാ.

ഇനിയെത്ര സർജറികളുണ്ട്?

- എണ്ണി നോക്കിയിട്ടില്ല.

സർജനോട് നേരിട്ട് തന്നെ ചോദിക്കൂ.

- നീയിനി എണ്ണിത്തുടങ്ങണം.

ഇനിയെത്ര കാലം കൂടിയുണ്ടാവും ഈ നാടകങ്ങളൊക്കെ?

-നീയിങ്ങനെ ചൂടാവാൻ മാത്രം എന്തെങ്കിലും കാരണമുണ്ടെന്ന് എനിക്ക് തോന്നുന്നില്ല.

-ഞാൻ ചൂടാവുകയല്ല.

എനിക്കറിയാവുന്ന റൂഡി ഊർജ്ജസ്വലയും,

ഉത്സാഹിയുമായ,

അസാധാരണമാം വിധം..

സർഗാത്മകവ്യക്തിത്വമുള്ള ഒരാളാണ്.

ഏത് കാര്യത്തിനും എനിക്ക്, ആശ്രയിക്കാനിഷ്ടമുള്ള ഒരാൾ.

- ഇപ്പോൾ ഞാൻ നിന്നെയാണാശ്രയിക്കുന്നത്.

- നിർത്ത്, ഈ വിഡ്ഢിത്തം!

തമാശ പറയുകയാണോ!

എനിക്ക് കുറച്ച് ദിവസങ്ങൾ കൂടി വേണം.

ഈ ഘട്ടവും കടന്നുപോവാനുള്ളതാണ്.

ഞാൻ ഉഷാറാവും.

അതുപോട്ടെ, നമ്മളെന്തിനാണിങ്ങനെ വഴക്കിടുന്നത്?

- എനിക്കറിയില്ല.

ഞാനിപ്പോ, ഓക്കേയാണ്.

നിന്റെ ക്ഷമ ഒടുവിൽ ഫലം കണ്ടിരിക്കുന്നു.

ഞാൻ നിർത്തി.

- വൌ!

അപ്പോ, നമ്മളിരുവരും പരസ്പരം അഭിനന്ദിക്കണമല്ലോ..

- എന്തിന്?

നിന്റെ രക്തസാക്ഷിത്വത്തിന്റെ പേരിൽ?

അതോ, എന്നെ സാധാരണജീവിതത്തിലേക്ക് മടക്കിക്കൊണ്ടുവരാൻ സഹായിച്ചതിനോ?

- മാത്രമല്ല.നമുക്കൊരു കുഞ്ഞിനെ കിട്ടാൻ വേണ്ടി ഞാൻ കടന്നുപോയ വേദനകൾക്കും..

- എനിക്കറിയാം.

ഒരു തരത്തിൽ അതൊരനിവാര്യതയാണ് .

നീയത് പറഞ്ഞേക്കും, ഇപ്പോഴല്ലെങ്കിൽ പിന്നീട്.

-അതൊരനിവാര്യതയാണെങ്കിൽ, നിനക്കതൊഴിവാക്കാനാവില്ലല്ലോ.

- ഒഴിവാക്കുകയല്ലല്ലോ..

എനിക്ക് കുഞ്ഞുങ്ങളെ ഇഷ്ടമാണെന്ന് നിനക്കറിയാമല്ലോ.

എനിക്കൊരു കുഞ്ഞു വേണമെന്നുണ്ടെങ്കിൽ,

എനിക്കെന്റെ സ്വന്തമായുണ്ടാവും.

എന്റെ സ്വന്തം ചോരയിൽ..

ആഗ്രഹങ്ങളിലൊന്നു മാത്രമാണോ അത്?

അതോ, നേരത്തേ തീരുമാനിച്ചിട്ടുണ്ടോ അതും?

ഞാൻ കസ്തൂരിയെ കണ്ടിരുന്നു.

ഞങ്ങൾ വിവാഹിതരാവാൻ തീരുമാനിച്ചു.

ഇനിയിതൊരു രഹസ്യമൊന്നുമല്ല.

ഗ്രൂപ്പിലുള്ളവർക്കൊക്കെയറിയാം.

നീയുമറിഞ്ഞിരിക്കുമെന്ന് എനിക്കറിയാം.

കുറേ പാദസേവകരുണ്ടല്ലോ, കാര്യങ്ങൾ ചെവിയിലെത്തിക്കാൻ !

- നിർത്ത്!

അവരെ പാദസേവകരെന്ന് വിളിക്കാൻ നിനക്കാരാണ് അധികാരം തന്നത്?

അവരെന്നെ സ്നേഹിക്കുന്നു.

-എന്നെ വെറുക്കുകയും. അല്ലേ?

ഓക്കേ.

എന്നെ നീയിനി അധികകാലം സഹിക്കേണ്ടി വരില്ല.

-പാർത്ഥോ...

കുറച്ച് നേരമെങ്കിലും നമുക്കീ വഴക്കിടലൊന്ന് നിർത്തിക്കൂടേ?

നീ പറ, എന്തിനാണ് ഞാനീ യാതനകളിലൂടെയൊക്കെ..

എന്തിന്?

ആർക്കു വേണ്ടി?

- നിന്നോടുതന്നെ ചോദിക്കൂ, റൂഡീ.

നീയിങ്ങനെയാവണമെന്ന് ഞാനൊരിക്കലും ആഗ്രഹിച്ചിട്ടില്ല.

ഞാൻ സ്നേഹിച്ചിരുന്നയാൾ, ഈ…

പാതി ജീവിയല്ല.

എനിക്കൊരു സ്ത്രീയെ വേണമെന്നുണ്ടെങ്കിൽ, എനിക്കൊരു യഥാർത്ഥ സ്ത്രീയെത്തന്നെ കിട്ടുമായിരുന്നു.

ഇതുപോലെ കൃത്രിമമായതല്ല..

- വളരെ വളരെ നന്ദിയുണ്ട്.

ഞാനീ പറയുന്നത് ക്രൂരതയാണെന്ന് എനിക്കറിയാം കുഞ്ഞേ..

പക്ഷേ, അതാണ് സത്യം.

എനിക്ക് നിന്നോട് കളവു പറയാനാവില്ല,

നിനക്കതറിയാം.

എന്റെ പൂർവ്വകാലം മാറ്റിയെടുക്കാൻ വേണ്ടി ഞാൻ ഒരുപാട് മെനക്കെട്ടു.

ഇപ്പോ സിഗരറ്റിനോട് മാത്രമേ എനിക്ക് അഡിക്ഷനുള്ളൂ.

ജ്വലിക്കുന്ന തീനാളങ്ങളെ ചാരത്താൽ മൂടി വെച്ചുകൊണ്ട്,

അഭിനിവേശങ്ങളുടെ തമ്പുരാനേ..

ഏത് ക്രീഡയിലാണ് നീ!

ഇതെത്ര കാലം?!

പാർത്ഥോ..

കസ്തൂരി എന്നെങ്കിലും ഹോസ്പിറ്റലിൽ പ്രവേശിപ്പിക്കപ്പെട്ടാൽ,

ദൈവത്തെയോർത്ത്,

അവളുടെ കിടക്കയ്ക്കരികിൽ അവളുറങ്ങിയെന്നോർത്ത്…

വേറൊരാളെ താലോലിക്കരുത്.

അവളറിയില്ലെന്നാവും നിങ്ങളുടെ വിചാരം...

ശരിക്കും, അത് വളരെ അപമാനകരമാണ് പാർത്ഥോ.

സർ,

കുറച്ച് വെള്ളം തരട്ടേ?

മഹാദേവ്...

എന്നെ കാണാൻ ആരെങ്കിലും വന്നിരുന്നോ?

-ഇല്ല.

ഗ്രൂപ്പിലെയോ?

- അല്ല. എങ്കിൽ എനിക്കറിയുമല്ലോ..

മോനേ..

വാ.. ടി.വി.കാണാം.

- മാലയുടെ കുട്ടികളെ എന്തൊരു ഭംഗിയാണ്.

-നമുക്ക് പുറത്തേക്ക് ഒന്നുപോയാലോ..

ദിവസം മുഴുവൻ മുറിയിൽ അടച്ചിരിക്കുകയല്ലേ.

-മാലയോട് അവരെക്കൂടി കൊണ്ടുവരാൻ പറഞ്ഞാലോ?

- വാ, പോയി ഒരു കാപ്പിയൊക്കെ കുടിച്ചിട്ടുവരാം.

- നിങ്ങൾ രണ്ടാളും പോയ്ക്കോളൂ, ഞാനത്ര നല്ല മൂഡിലല്ല.

'വജൈനൽ റീകൺസ്ട്രക്ഷൻ' ശരിക്കും, 'ബ്രസ്റ്റ് ഇംപ്ളാന്റി'നെക്കാൾ സങ്കീർണ്ണമാണോ?

- ടെൻഷനുണ്ടോ?

- പേടിയോ?

ഡോക്ടർ ഷോമിനോട്, ഞാനത് മാറ്റി വെയ്ക്കാൻ പറഞ്ഞാലോ?

- ഉം. അല്ലേൽ വേണ്ട.

ഇപ്പോത്തന്നെ ഞാനദ്ദേഹത്തെ ആവശ്യത്തിലധികം ബുദ്ധിമുട്ടിച്ചുകഴിഞ്ഞു.

ശരിക്കും ഞാനെന്തിനാണ് ഇതൊക്കെ ചെയ്തു വെയ്ക്കുന്നത്?

- ഇപ്പോ പാർത്ഥോയെ കുറ്റപ്പെടുത്താൻ തോന്നുന്നില്ലേ?

- ഇല്ല. എന്തിന്?

ഇത് വേണ്ടെന്ന് അവൻ, പല തവണ പറഞ്ഞതാണ്.

- അപ്പോ കുഞ്ഞിനെ ദത്തെടുക്കുന്ന കാര്യമോ?

- ഇനിയിപ്പോ, ഒറ്റ പാരന്റെന്ന നിലയിൽ..

എനിക്കതിന് കഴിയില്ല.

അല്ലേ?

- ഇതിന്റെ മുഴുവൻ ഘട്ടങ്ങളിലൂടെയും കടന്നുപോയാൽ..

സാങ്കേതികമായി പറഞ്ഞാൽ, പൂർണമായും സ്വയം പൊരുത്തപ്പെടാൻ കഴിയുമോ നിങ്ങൾക്ക് ?

- എന്താണങ്ങനെ?

- ഇതിനോടകം തന്നെ 'സാർ' എന്നു വിളിക്കരുതെന്ന് നേഴ്സിനോട് പറഞ്ഞിട്ടുണ്ടല്ലോ.

അപ്പോ ആലോചിച്ചു നോക്കൂ.

ആ 'സ്പൈറൽ സ്റ്റെയർ കെയ്സി'നെക്കുറിച്ച് ഞാൻ പിന്നീട് പാർത്ഥോയോട് ചോദിച്ചിട്ടേയില്ല.

അവനെങ്ങനെ അത് വിശദീകരിക്കുമെന്ന് അത്ഭുതം തോന്നീട്ടുണ്ട്.

- ഇനിയവനെ കാണുകയാണെങ്കിൽ ചോദിക്കുമോ?

- പല കാര്യങ്ങളും ഞാൻ ഒരിക്കലും ചോദിച്ചേക്കില്ല.

ചിത്രാംഗദയെ ശരിക്ക് മനസ്സിലാക്കിയിട്ടില്ലെന്ന് ഞാൻ പറഞ്ഞിരുന്നില്ലേ..

പക്ഷേ, ശരിക്കും..

ശരിക്കും ഞാൻ.. പാർത്ഥോയെ മനസ്സിലാക്കിയിട്ടുണ്ടോ?

ഞാനെന്റെ അച്ഛനമ്മമാരെ ശരിക്ക് മനസ്സിലാക്കിയിട്ടുണ്ടോ?

എന്റെ ഗ്രൂപ്പിലെ ചെറുപ്പക്കാരെ..

അവരെ എനിക്ക് ശരിക്കറിയുമോ?

- പക്ഷേ, ഇതിന്റെയൊക്കെ മറുവശം നോക്കൂ.

നിങ്ങൾ നിങ്ങളെ മനസ്സിലാക്കിയിട്ടുണ്ട്.

- എനിക്കതും സംശയമാണ്.

വരൂ. ഇങ്ങോട്ട് നിൽക്കൂ..

നീ വീണ്ടും അതടിച്ചിട്ടുണ്ടോ?

എനിക്ക് നിങ്ങളുടെ സഹായം വേണം,റൂഡീ.

എനിക്ക് പണം വേണം.

ഞാനാകെ തകർന്നിരിക്കുകയാണ്.

കടമായിട്ടു മതി,ഞാനത് തിരിച്ചു തന്നേക്കാം.

എന്താണിത്?

ഡ്രഗ്സിനു വേണ്ടി ഞാനൊറ്റ പൈസ പോലും തരില്ല, പാർത്ഥോ.

- ഡ്രഗ്സിനല്ല,

എനിക്ക് പണത്തിന്റെ ആവശ്യം വല്ലാതെയുണ്ട്.

- എന്റെ കൈയിൽ ഒറ്റ കാശില്ല.

- കസ്തൂരി ഗർഭിണിയാണ്, റൂഡീ.

- നിന്റെയോ?

അഭിനന്ദനങ്ങൾ.

-അവൾക്ക് അബോർഷൻ വേണമെന്ന്.

- എന്തിന്?

നിങ്ങൾ വിവാഹം ചെയ്യാനുള്ള ഒരുക്കത്തിലല്ലേ?

- അവൾക്ക് ജോലി വിട്ടുകളയാൻ താത്പര്യമില്ല.

അവളുടെ ഏറ്റവും വലിയ ആഗ്രഹം ഒരു നല്ല നർത്തകിയാവുകയെന്നതാണ്.

- അവളോട് പറയൂ, എപ്പോ വന്നാലും അവൾക്കെന്റെ കൂടെ ചേരാമെന്ന്.

അവളുടെ സ്ഥാനം എപ്പോഴും ഒഴിഞ്ഞു തന്നെയിരിക്കും.

- ഞാൻ പറഞ്ഞു,

‘കുഞ്ഞുങ്ങളുള്ള നർത്തകരെ നീയിതു വരെ കണ്ടിട്ടില്ലേ?’

പക്ഷേ, അവൾ നശിച്ച വാശിയിലാണ്.

- മറ്റെവിടെയെങ്കിലും പോയന്വേഷിക്ക്.

പ്ലീസ് റൂഡീ.

വാ. ഇരിക്ക്.

എത്ര വേണമെന്ന് നീ പറഞ്ഞിട്ടില്ല.

2000 മതിയാവുമായിരിക്കും.

ഞാൻ നിങ്ങളെ സ്നേഹിക്കുന്നു,റൂഡീ.

നന്ദി എന്ന് പറയൂ.

എല്ലാറ്റിനും നന്ദി.

ഞാനിടയ്ക്കൊക്കെ ഒന്ന് വന്നു കണ്ടോട്ടെ?

പ്ലീസ് റൂഡീ..

ശ്ശ്..! പോ!

ഞങ്ങൾ വക്കീലിനോട് സംസാരിച്ചിരുന്നു.

നീ ഒരു സത്യവാങ്മൂലം തയ്യാറാക്കേണ്ടതുണ്ട് .

- എന്തിന്?

- നീ നിന്റെ പേരും മാറ്റാനാഗ്രഹിക്കുന്നുണ്ടോ?

-ഇല്ല.

- ഉറപ്പിച്ചോ?

ഒന്നു കൂടി ആലോചിക്കൂ.

അതായത്, നീ നിന്റെ 'ഐഡന്റിറ്റി' മാറ്റണം.

അത് നിയമപരമായി രജിസ്റ്റർ ചെയ്യപ്പെട്ടില്ലെങ്കിൽ,

എനിക്കെന്റെ സ്വത്തുമായി ബന്ധപ്പെട്ട കാര്യങ്ങൾ മാറ്റാൻ പറ്റില്ല.

- വേണ്ട.

നിങ്ങൾ ഒന്നും മാറ്റേണ്ടതില്ല.

- അതിൽ വ്യക്തമായിപ്പറയുന്നത്, ‘എന്റെ ഒരേയൊരവകാശിയായ മകൻ’ എന്നാണ്.

ഞാനത് പുതുക്കിയില്ലെങ്കിൽ, നീ പിന്നീട് ബുദ്ധിമുട്ടും.

- ഏത് എന്നെക്കുറിച്ചാണ്, നിങ്ങൾ സംസാരിക്കുന്നത് അച്ഛാ?

ആ സ്വത്തവകാശപ്പെടാൻ ഞാനിപ്പോ,

നിങ്ങളാഗ്രഹിക്കുന്ന ഞാനല്ലല്ലോ?

പറഞ്ഞു മനസ്സിലാക്ക് നിന്റെ മോനെ..മ്..

“മോൻ” എന്നാണ് പെട്ടെന്ന് വരുന്നതെങ്കിൽ,

ഇത് കുട്ടിക്കളിയല്ല, മോനേ.

മനസ്സിലാക്കാൻ ശ്രമിക്കൂ..

- ഒരിക്കൽ എന്നോട് ചോദിച്ചിരുന്നതോർമ്മയുണ്ടോ,

"ഇതൊക്കെ അനശ്വരമാണോ എന്ന്?"

ഞാൻ ചോദിച്ചു, "എന്താണ് അനശ്വരം?"

ഇപ്പോ എനിക്ക് തോന്നുന്നു,

നാമെപ്പഴും സ്ഥിരമാണെന്ന് കരുതുന്ന ഈ ഉടലുണ്ടല്ലോ..

അതുപോലും മാറ്റത്തിന് വിധേയമാണ്.

അതുകൊണ്ടെന്താ, നിന്റെ അച്ഛനമ്മമാരായ ഞങ്ങളും എന്നേക്കുമുള്ളവരല്ല.

അതുപോലെ, ബന്ധങ്ങളും അനശ്വരമാണ്...

- പിന്നെ എന്തിനാ, ഈ സത്യവാങ്മൂലവും മറ്റും ?

ആർക്കുവേണ്ടി?

നിങ്ങളുടെ കുഞ്ഞായി ജനിച്ചവനു വേണ്ടിയോ?

അതോ, ഇനി നിങ്ങളുടെ മേൽവിലാസത്തിൽ ഇറങ്ങാൻ പോകുന്ന ആ വിചിത്രജീവിക്കു വേണ്ടിയോ?

- മോനേ, ഇനിയിതിനെപ്പറ്റി തർക്കിക്കണ്ട.

അച്ഛൻ ഒരു ഫോം കൊണ്ടുവന്നിട്ടുണ്ട്. നീയതിൽ ഒപ്പിടുകയേ വേണ്ടൂ.

- പ്രധാന സർജറി ഇപ്പഴും ബാക്കിയാണ്.

നാളെ അത് നടക്കുന്നതുവരെ ക്ഷമിക്കൂ.

ശരിക്ക് നോക്കിക്കോളണം ,

എന്നിട്ട് തീരുമാനിച്ചോ.

എനിക്കറിയാം.

നമുക്ക് പോകാം.

കാണാം..

അച്ഛനെ ഒന്ന് ഇങ്ങോട്ട് വിളിക്കാമോ?

നോക്കൂ!

മോന് നിങ്ങളോട് സംസാരിക്കണമെന്ന്..

നീയവനോട് പറഞ്ഞില്ലേ?

- എന്താ?

-ഞങ്ങൾ നിന്റെ മുറി തയ്യാറാക്കി വെച്ചിട്ടുണ്ട്.

അമ്മ ഭംഗിയുള്ള കുറച്ച് കർട്ടനുകളുമിട്ടു.

നിനക്ക് അത് ഇഷ്ടപെടും.

വീട്ടിലേക്ക് വരണം.

സമയമെന്തായി?

നിങ്ങളെങ്ങോട്ടേക്കാണ് പോകുന്നത്?

സർജറി സമയത്ത് കൂടെയുണ്ടാവില്ലേ?

-ഞാൻ വരും.

എന്റെ കൂടെ വരുന്നോ?

പോകാം..

- എനിക്കെങ്ങനെ പറ്റും?

അവരെന്നെ വിടില്ല.

- ആ പേടി വേണ്ട, ഞാനവരോട് പറഞ്ഞോളാം.

വരൂ..

- ഞാനോ?

ശരിക്കും?

സൂര്യോദയത്തിന് തൊട്ടുമുമ്പുള്ള സമയത്തെ എന്താണ് പറയുക?

- ഉഷസ്സെന്നല്ലേ?

-സ്വപ്നനേരമെന്നു പറയുമോ?

ഇപ്പോ, കാമദേവൻ നിന്റെ മുമ്പിൽ പ്രത്യക്ഷപ്പെട്ടാൽ,

നീയെന്തു വരമായിരിക്കും ചോദിക്കുക?

- എനിക്ക് തിരിച്ചുപോകാൻ തോന്നുന്നു.

ഇതാണാ വീട്.

ഓർമ്മയുണ്ടോ?

- ഏത് വീട്?

- പാർത്ഥോയും നീയും ചേർന്ന് വാങ്ങാനാഗ്രഹിച്ചത്.

അവിടെ ഒരുമിച്ച് താമസിക്കാൻ.

അകത്തേക്ക് പോണോ?

നീയോ?

-അകത്തേക്ക് വരൂ.

- എന്നോട് ക്ഷമിക്കൂ. സോറി..

- എന്തിന്?

നീയെന്താ ചെയ്തത്?

-ഞാനെപ്പഴും നിന്റെ കാര്യങ്ങളൊക്കെ നശിപ്പിച്ചിട്ടല്ലേയുള്ളൂ?

- അങ്ങനല്ല, റൂഡീ.

- ഞാൻ നിന്റെ ഇരുട്ടുമുറിയിലേക്ക് ലേശം വെളിച്ചം കടത്തിവിടാൻ ശ്രമിച്ചതാണ്.

നിനക്ക് ബുദ്ധിമുട്ടായോ?

നീയും എന്നെ കളിയാക്കുകയാണോ?

- ഞാനെപ്പഴെങ്കിലും അങ്ങനെ ചെയ്തോ?

- എന്തേ ചെയ്യാഞ്ഞത്?

-ആ മോതിരമെവിടെ?

ഊരിക്കളഞ്ഞോ?

- ഹോസ്പിറ്റലിൽ അവരത് അനുവദിക്കാറില്ല.

നിങ്ങളെങ്ങനെയിവിടെത്തി?

-ഇവിടെയാണ് ഞാൻ താമസിക്കുന്നത്.

ഇങ്ങോട്ടേക്ക് വരുന്നോ?

പേടിക്കണ്ട.

ഇവിടെ ഇനിയൊന്നും നാശമാവാനില്ല.

- ഇല്ല.

എന്റെ അച്ഛനുമമ്മയും എനിക്കുവേണ്ടി ഒരു മുറി ഒരുക്കി വെച്ചിട്ടുണ്ട്..

അമ്മ ഭംഗിയുള്ള കർട്ടൻ പോലുമിട്ടുവെച്ചു.

എനിക്ക് തിരിച്ച് വീട്ടിലേക്ക് പോണം.

നാളെ ഓപ്പറേഷൻ ടേബിളിൽ വെച്ച്, ഞാൻ മരിച്ചുപോവാനിടയുണ്ടോ?

- ഇടയുണ്ടെന്നല്ല. ഉറപ്പായും മരിക്കും.

നിങ്ങൾ ഒരു പുതിയ ജീവിതം തെരഞ്ഞെടുത്തുകഴിഞ്ഞല്ലോ..

ഒരാൾക്ക് ഒരിക്കലും ഒരേസമയം രണ്ടു ജീവിതം ജീവിക്കാൻ പറ്റില്ല.

അപ്പോ, ഒന്നുപേക്ഷിക്കേണ്ടി വരും.

ഇപ്പോ, നിങ്ങൾക്കു തീരുമാനിക്കാം,

നിങ്ങൾക്ക് എങ്ങനെ ഓർമ്മിക്കപ്പെടാണാനാഗ്രഹം?

ചുറുചുറുക്കും,

മിടുക്കും,

പിന്നെ ലേശം കിറുക്കുമുള്ള,

ആ ക്രിയേറ്റീവ് നർത്തകനായോ...

- അതോ, രൂപപരിണാമം സംഭവിച്ച സുന്ദരിയായ ചിത്രാംഗദയായോ?

- എങ്കിലും ഇവ പോലും സ്ഥിരമല്ല കേട്ടോ,

അനശ്വരവുമല്ല.

എന്നെ കുഴക്കിക്കളയല്ലേ.

ആരങ്ങനെ ചെയ്താലും.

നിങ്ങളെങ്കിലുമെന്നെ, ആശയക്കുഴപ്പത്തിലാക്കരുത്.

ഗുഡ് മോണിംഗ് സാർ...

നിങ്ങൾക്ക് ഭക്ഷണം കഴിക്കാറായെന്ന്,

ഡോ. ഷോം പറയുന്നു.

ഇപ്പോ ആറു മണിയായി.

ഇനി ഓപ്പറേഷന് നാല് മണിക്കൂറേയുള്ളൂ.

- ഒരു മിനിറ്റ് നിൽക്കൂ.

എന്താ വേണ്ടത്?

- ഞാൻ ഡോ.ഷോമിനെ ഒന്ന് ഫോൺ ചെയ്യട്ടെ.

പണി പൂർത്തിയായിക്കഴിഞ്ഞാലും, ഒരു 'ബിൽഡിംഗി'നെ നമ്മൾ 'ബിൽഡിംഗ്' എന്നു തന്നെ വിളിക്കുന്നതെന്താ?

എന്താ?

കാരണം, ഒരു പരിണാമവും ഒരിക്കലും പൂർണമാവില്ല..

അത് ഒരു തുടർപ്രക്രിയയാണ്.

ഹലോ. ഡോ. ഷോം?

ഇത് രുദ്രയാണ്. രുദ്ര ചാറ്റർജി.

ഈ സമയത്ത് വിളിക്കുന്നതിന് ക്ഷമിക്കൂ.

ഒരു കാര്യം..അതു പിന്നെ..

ഒരു കാര്യം ചോദിച്ചോട്ടെ?

ഇതാണ് ചോദിക്കാനുള്ളത്..

എനിക്ക് എപ്പോഴാണ് വീട്ടിൽ പോവാനാവുക?

അതെ, എനിക്ക് വീട്ടിൽ പോണം.

വേണ്ട,

ദയവായി, കേൾക്കൂ.

നമുക്ക് നാളത്തെ സർജറി വേണ്ടെന്ന് വെച്ചാലോ?

പറ്റുമോ? മാറ്റിവെയ്ക്കുന്നതിനെക്കാൾ നല്ലത്…

...ദയവായി ഞാൻ പറയുന്നത് കേൾക്കൂ.

നമുക്ക് സർജറി നടത്താം പക്ഷേ,

ഈ കൃത്രിമസ്തനങ്ങൾ നീക്കം ചെയ്യാൻ കഴിയുമെങ്കിൽ..?

കഴിയുമോ?

നന്നായി!

സിസ്റ്റർ,

എന്നെ ഒന്ന് സഹായിക്കൂ.

ശ്രദ്ധിച്ച്.. വേദനയുണ്ട്.

നമ്മുടെ മാന്യനായ ആ കൌൺസിലറുണ്ടല്ലോ?.. മൂപ്പർക്ക് ഓപ്പറേഷൻ സമയം അറിയവല്ലോ, അല്ലേ?

- ആര്?

- എന്റെ കൗൺസിലർ.

- നിങ്ങളുദ്ദേശിച്ചതെന്താണെന്ന്,

എനിക്ക് മനസ്സിലായില്ല.

- നിങ്ങൾക്കറിഞ്ഞൂടേ, എന്നും എന്നെ- കാണാൻ വരുന്ന ആ മനുഷ്യനെ?

എപ്പഴും സംസാരിക്കും, ചിത്രങ്ങളെടുക്കും.

നിങ്ങൾ ഫോട്ടോയെടുക്കുകയാണോ?

- അതെ.

- ഇതെന്നോട് പറഞ്ഞിട്ടില്ല.

വെറുതെ സംസാരിക്കാമെന്നല്ലേ, പറഞ്ഞത്?

- പറഞ്ഞതൊക്കെ ക്യാമറയിൽ റെക്കോർഡാവും.

- മുഴുവനും?

- താത്പര്യമുണ്ടെങ്കിൽ മെയ്ക്കപ്പിടാം.

-അതനുവദിച്ചതാണോ? -അതനുവദിച്ചതാണോ?

- വേണ്ട! - വേണ്ട!

ഇത് എടുക്കേണ്ട. അടച്ചുവെയ്ക്കൂ.

ഞാനൊരുങ്ങുന്നതിന്റെ ചിത്രങ്ങൾ നിങ്ങൾക്കാവശ്യമില്ല. ഞാനൊരുങ്ങുന്നതിന്റെ ചിത്രങ്ങൾ നിങ്ങൾക്കാവശ്യമില്ല.

അതുപോലെ കൂടുതൽ താഴേയ്ക്ക് ഷൂട്ട് ചെയ്യണ്ട.

ശരി!

താങ്ക് യൂ.

-ഓക്കേ. -ഓക്കേ.

നിങ്ങൾക്ക് തെറ്റുപറ്റിയെന്ന് തോന്നുന്നു.

- നിങ്ങൾക്കാണ് തെറ്റുപറ്റിയത്, സിസ്റ്റർ..

നിങ്ങൾക്കറിഞ്ഞുകൂടെങ്കിൽ, നിങ്ങളുടെ സഹപ്രവർത്തകരോടു ചോദിക്കൂ.

-ശരി, എന്താണദ്ദേഹത്തിന്റെ പേരെന്ന് പറയൂ?

ഞാനെന്താണ് നിങ്ങളെ വിളിക്കേണ്ടത്?

-നമുക്കതൊഴിവാക്കിക്കൂടേ?

മറ്റുള്ളവരെ വിശ്വാസത്തിലെടുത്ത് രഹസ്യങ്ങൾ പങ്കിടാൻ നിങ്ങൾക്ക് ജാള്യതയാണെങ്കിൽ…

അതേ ചമ്മൽ പേര് പറയാൻ എനിക്കുമുണ്ടെന്ന് വെച്ചോളൂ.

- എനിക്ക് മനസ്സിലാവുന്നുണ്ട്.

പക്ഷേ, കുറച്ചേറെക്കാലം നീളുന്ന ഒരു ബന്ധമെന്ന നിലയിൽ..

ഞാനുദ്ദേശിച്ചത്, മേൽവിലാസമെന്ന നിലയ്ക്കെങ്കിലും..

- നിങ്ങളെന്താ എനിക്കൊരു പേര് തരാഞ്ഞത്?

തോന്നുന്നതെന്തോ, അതുപോലെ വിളിക്കൂ.

ഞാനയാളെ 'ശുഭോ' എന്നാണ് വിളിച്ചിരുന്നത്. ഞാനയാളെ 'ശുഭോ' എന്നാണ് വിളിച്ചിരുന്നത്.

- സോറി, ആ പേരിൽ ഇവിടാരുമില്ലല്ലോ.

എനിക്ക് നല്ല ഉറപ്പുണ്ട് മി.ചാറ്റർജീ..

നിങ്ങൾക്കങ്ങനെ ഒരു കൗൺസിലറെ ഇല്ലായിരുന്നു.

ഡോ. ഷോമിന്റെ കർശനനിർദ്ദേശമുണ്ട്.

- അപ്പോ?

- കാര്യമാക്കണ്ട, മി.ചാറ്റർജീ.

എനിക്ക് തോന്നുന്നത് താങ്കൾ ഏതോ മിഥ്യാഭ്രമത്തിലായിരുന്നെന്നാണ്.

ചെലപ്പോ..

തീവ്രമായ വൈകാരികസമ്മർദ്ദത്തിലൂടെ കടന്നുപോവാറുള്ള ആളുകൾ,

…മറ്റുള്ളവരോടാണെന്ന പോലെ സ്വയം സംസാരിക്കാറുണ്ട്.

- കണ്ണടച്ചേക്കൂ,

ഉറങ്ങാൻ തയ്യാറായിക്കോളൂ.

നിങ്ങളുടെ അച്ഛൻ..

പുറത്ത് കാത്തിരിപ്പുണ്ട്.

നിങ്ങൾക്ക് ഓർമ്മിക്കാൻ പറ്റുന്നുണ്ടോ, ഒരു ഫോൺ നമ്പറോ മറ്റോ പറയുമോ?

ഏതെങ്കിലും ഒരു നമ്പർ.

98 3-1-5 5-6-0-0-4

ഹലോ..

ഹലോ...

ഹലോ...

ഹലോ..

ഹലോ. ഡോ.ഷോം ആണ് സംസാരിക്കുന്നത്.

ഹലോ..

ഞാൻ രുദ്ര ചാറ്റർജിയുടെ സർജനാണ്.

ഇതാരാണ്?

അല്ല, അദ്ദേഹം തന്ന നമ്പറാണ്.

ഇത് പാർത്ഥോയാണ്.

ഉറക്കെ പറയൂ. ലൈൻ ക്ലിയറല്ല.

ഹലോ...

ഹലോ..

ഞാനയാളോട് ഫോണിൽ സംസാരിച്ചിരുന്നു.

അയാൾ പറയുന്നത്,

നിങ്ങളെന്തായിത്തീരാൻ ആശിക്കുന്നോ, അതാവൂ എന്നാണ്.

ഇത് നിങ്ങളുടെ തീരുമാനമാണ്.

ഓക്സിജൻ കൊടുത്തോളൂ.

സിസ്റ്റർ, തുടച്ചെടുത്തോ.

റെഡി? ഓക്കേ.

അനുഗ്രൃഹീതമായ ഈ നവപ്രഭാതത്തിൽ,

ജീവദായകനായ പ്രഭോ, എനിക്കൊരു പുതുജീവിതം തന്നാലും..

ആഹ്ലാദഭരിതമായ ഈ നവനിമിഷങ്ങളിൽ നിന്ന്, ആതുരതകളൊക്കെ ഒപ്പിയെടുക്കൂ.

ഇനി ഈ പുതുപുലരിയിൽ നിന്ന്, കഴിഞ്ഞ രാത്രിയുടെ അടയാളങ്ങളോരോന്നായി മായ്ച്ചുകളയൂ..

പരിഭാഷ : സ്മിത പന്ന്യൻ

മലയാളം പരിഭാഷകൾക്ക് സന്ദർശിക്കുക www.malayalamsubtitles.org www.facebook.com/groups/MSONEsubs

Info: 739163562555242CBADB84D5874A5E40C43EE8F9