Original subtitles

Victor har vore borte i ni dagar. Han er nevøen min.

- Nokon har behandla ein skadd person her. - Kva er dette? Frø?

Lona-frøet. Det var mi oppfinning.

- Dei fann ut kvar meldinga blei send frå. - Ostende i Belgia.

- Kvifor byter dei ut frøa? - BSG greidde -

å utvikle frø som gav gode avlingar utan bruk av plantevernmiddel.

Det ville ha skada verksemda deira.

- Nyrene mine slutta å fungere for eitt år sidan. - Eg tar meg av han utan kuler.

- Og det går framleis bra? - Ja då, fint.

- Ingen smerter? - Nei.

Vi har fått svar på prøvane. Det var avgjerande at du fekk han hit.

Det er éin ting som er merkeleg. Han seier han alltid tok medisinen og ikkje drakk alkohol?

- For sju månader sidan hadde han... - Ein transplantasjon, ja.

Han har ein alarm på telefonen for å hugse å ta medisinen. Og han drakk ikkje alkohol.

Blodprøvane tyder på noko anna. Kreatinin-nivået er altfor høgt.

Dei andre verdiane tyder på at han ikkje får i seg immunsupprimerande medisin.

Men han ville ikkje overlevd i sju månader utan.

Vil det seie at det er noko gale med tablettane?

Er det ein grunn til at du går ut ifrå det?

Vent litt.

Det er desse her. Kan du få dei sjekka?

For å vere på den sikre sida.

- Kor mykje? - Ti millionar.

- Har Said nokon bevis? - Eg er redd for det, ja.

Så gi han det han vil ha.

Samanlikna med forventa overskot av oppkjøpet er ti millionar...

- Det er mindre enn 0,1 %. Betal han. - Så han kan be om meir? Nei takk.

Det er ikkje første gongen Said har fått pengar for å halde munn. Han gjorde det fram til no.

Det var far din som gav si og Saids forsking til Ian Ramis.

Fordi forskinga skulle skjulast. Det var sjølvforsvar. Far min tok aldri pengar frå nokon.

Og han var sjuk på det tidspunktet. Dødssjuk.

Greitt. Vil du ikkje betale, har du to val.

Du kan satse på at Said mister motet, at han bløffar.

Kjem dette ut, blir det ikkje noko oppkjøp.

Då har du berre eitt val.

Å bringe han til tausheit.

- Høyrest ut som du vil rydde han av vegen. - Eg vil ikkje det. Vil du?

Han set alt eg har bygd opp, i fare. Det må han forstå.

- På den harde måten? - Om nødvendig.

Perlington og advokatane hans er på veg. Blandar Said seg inn, blir det katastrofalt.

Så kva blir det til?

Vi er så nær, Jon.

- Eg kan ikkje tape. - Du må ta ei avgjerd.

Norske tekstar: Britt Høyland

- Kvar skal du? - Ut herifrå.

Nei, det skal du ikkje! Max, du k...

- Han bør verkeleg ta vare på seg sjølv. - Herregud!

Han er ikkje vel bevart, den mannen.

Her er telefonnummeret mitt. Ring meg når du får svar på prøvane, OK? Flott.

- Den nye medisinen hans. - Tusen takk! Beklagar alt rotet.

God morgon. Har du sove godt? Victor!

- Nei, ikkje no igjen. - Kaffi?

Ja, det skal du få. Men skru av kameraet.

- Kva? Nei! - Av med kameraet først.

Når vi får born, må dei jo få sjå kor godt vi såg ut då vi var unge.

Vakker.

Det var ikkje det eg leitte etter.

Dette var det eg leitte etter.

India. Bønder tar livet av seg fordi dei ikkje kan betale stadig høgare pris for såkornet.

I India tar bønder livet av seg pga. dårlege avlingar som gjer dei ute av stand til -

å kjøpe nytt såkorn. Kontrakten lét dei ikkje dyrke andre variantar.

Det må du ha med i videoen.

Den kvinna i videoen... Kven er det?

Eksen min.

- Kva jobbar ho med? - Doktorgraden i biokjemi.

Veit ho kva du researcha? Kven si side er ho på?

Ingenting. Ho veit ikkje noko som helst.

OK.

- Gi deg, eg greier det. Det går fint. - Du ser elendig ut.

- Eg treng berre litt søvn, sa legen. - Ikkje den eg snakka med.

- Eg fekk nye medisinar til deg frå legen. - Kvifor det?

Ifølgje blodprøvane har du ingen aktive ingrediensar i blodet.

- Eg tok dei regelmessig. - Sjukehuset sjekkar dei gamle.

Dersom nokon ville stoppe deg, og visste at du trong desse tablettane...

Du trur at nokon bytte dei ut. Det ville eg ha sett.

Desse er iallfall heilt OK.

Eg må finne den journalisten, Ramis. Hugsar du...?

- Boka. - Max Grosz, du har éi oppgåve: å kvile.

Eg tar meg av dette.

Thea...

Takk.

Dette er Thea Koren frå norsk politi. Eg er i Brussel med min tyske kollega Max Grosz.

Vi vil gjerne snakke med deg. Kan du vere snill og ringje meg?

Ja?! De vil psyke meg ut, kva?

Kom igjen, då! Køyr meg ned, for faen!

Kva faen ventar du på? Kom igjen, køyr meg ned!

Faen!

Kom igjen, køyr! Køyr meg til han. Eg vil snakke med han!

- Velkomen, Mr. Ramis... - Kvar er han?

Ned trappa og til venstre.

Eg veit kva som går føre seg her! Kvifor heldt du meg under oppsyn?

Burde eg det? Eg er ikkje like interessert i deg som du er i meg. Du verkar veldig opprørt.

- Kan eg tilby deg litt... vatn? - Kvar er Victor Vegener? Du veit kven han er!

OK, kva med dette: Kvifor byter BSG ut frø?

- Eg aner ikkje kva du snakkar om. - BSG tar frø frå verdas frøbankar -

og byter dei ut med døde frø, kryssar dei for å lage eit superfrø...

Lona! Lona-frø blir presenterte som ein innovasjon av Sven Benjamin.

Ja. Eg veit alt om Lona-frøa.

Kor mange søksmål fekk du mot deg for 20 år sidan då du hevda at BSG hadde eit superfrø?

Ian, Ian, Ian... Mange har feila slik som du.

Men dei fleste greier å kome seg på beina att i staden for å velte seg i offerrolla.

Kor mange gonger om dagen googlar du namnet ditt?

Eg skal ta deg, Hoffman. Og då er du ferdig.

Skriv nett kva du vil, Ian. Men hald deg til fakta, takk.

- Dra til helvete! - Eg har andre alternativ.

Omar Said: 48 timar. Deretter stig prisen kvar dag.

- Ja? - Bli kvitt Said.

Eg jobbar med ei løysing.

Kom igjen...

Går det bra?

- Kva held du på med? - Har du noko meir smertestillande?

Ja visst. Vi bør skifte bandasjane. Kom.

Og det er ingen tvil om det?

Det er... urovekkjande.

Ja. Eg skal seie det til han. Takk.

Legen ringde. Dei andre tablettane dine er placebo. Difor var blodsukkeret ditt så høgt.

Det er drapsforsøk.

Nokon må ha vore inne på rommet mitt på pensjonatet og bytt dei ut.

- Vi kom for nær. - Vi må ha blitt overvaka på Svalbard.

Kanskje her òg.

Frøa blir frakta herifrå til Agadir. Men berre dersom Kronberg godkjenner oppkjøpet snart.

Viss ikkje får verken Marokko eller Vest-Sahara frø, som du lova i fredsavtalen.

- Ho kjem til å signere. - Godt! For fred og karrieren din.

Perfekt.

- Kva var det for noko? - Det er assistenten min Gilles og ei reiseveske.

- Skal du på ferie? - Nei.

Veska skal fyllast med kontantar. Ti millionar euro.

Og deretter vil ho bli frakta til München i eit privatfly.

- Kvifor? - Smørjing.

- Du kan ikkje fortelje meg det. - Då burde du ikkje ha spurt.

- Du spøkjer no, ikkje sant? - Vel, du kjenner meg.

- Hoffman står bak. - Kutt ut konspirasjonsvåset.

Same kva Hoffman grunngir oppkjøpet med...

Har du noko handfast - fakta, bevis, noko som støttar mitt syn på oppkjøpet, lyttar eg.

Har du det?

Så diverre er det berre ein teori.

Kan du vere snill og la meg vere i fred?

Ver så snill.

"I 'Greed for seed' skildrar Ian Ramis ei reise gjennom fire kontinent" -

"for å avsløre framferda til multinasjonale agroselskap."

Dei tomme sidene i kapittel 7 var nok mest interessant.

"Merknad: Innhaldet i kapittel 7 blei fjerna like før boka kom ut, "-

- "etter pålegg frå BSG si juridiske avdeling."

Det var den Ramis-fyren som drog Victor inn i dette.

- Det veit vi ikkje, Max. - Jo, det gjer vi.

Dei besøkjer Ramis.

Vi veit ikkje kva slags forhold Victor hadde til Ramis, så ver roleg og høfleg.

Eg drit i om du er tysk politi. Du kjem ikkje heim til meg og snakkar til meg på den måten.

Det var ei skulding. Eg har ingenting med forsvinninga til nevøen din å gjere.

- Når møttest de sist? - Har vi faktisk møtst?

Ian, gi deg no. Her.

"Til Victor, min medsamansvorne!"

Mange unge folk vil redde verda. Dei les boka mi, og ho blir ein slags bibel for dei.

- Og du utnyttar det? - Ikkje faen!

Nei. Nett som Victor vil mange av dei vite meir om kapittel 7.

Eg blei dømd for offentleggjering av opphavsrettsleg beskytta forsking -

og forretningshemmelegheiter. Dritsekkane ville forby heile boka.

Eg bestemde meg for å publisere kapittel 7 med blanke sider.

BSG har vore etter meg sidan. Gjorde meg til ein paria i min eigen bransje.

Hindra meg i å skrive for seriøse aviser, og øydela tilmed ekteskapet mitt.

Adriaan Smit, kjenner du han? Han er med i Riot.

Å, fantastane? Alltid ute etter den heilt store skandalen.

Men kva har dei oppnådd? Ingenting.

Anna enn å gi selskapa dei kritiserte, sjansen til -

å sjå på seg sjølve som rolege og imøtekomande.

Han lyg.

- Han vil hemne seg på BSG. - Brukar alt og alle for å gjere det.

- Hei, Eivind. - Eg har pløgd gjennom overvakingsvideoane -

frå 8. august. I ein video frå pensjonatet ser vi Smit i samtale med ei dame.

Ein lang samtale. Ho heiter Tess Brouwer og driv med import av ekspedisjonsklede -

som ho sel til sportsbutikkane her. Ho drog med same flyet som du.

Men eg har sjekka litt, og ho har eit firma som ligg i...

- Brussel? - Det stemmer faktisk.

Eg pingar deg adressa med det same.

- Korleis går det med Max, forresten? - Han er udøyeleg.

- OK. Takk skal du ha. - Takk, Eivind.

Eivind spora opp ei kvinne som hadde kontakt med Smit, og ho er òg i Brussel.

- Har vi adressa? - Ho er på veg.

Den utsegna frå kona til Laszlo... Han lurte meg i ei felle.

Og du? Visste du om det?

Har du lest denne? Då veit du at ingen forskarar kan fortelje -

verdas bønder kva dei treng for å sikre matforsyninga i framtida.

Vi treng ein meir robust matproduksjon. Ingen veit når neste katastrofe inntreffer.

BSG har brukt milliardar på forsking. Og utvikla ein ny type kveitekorn.

Frø som trivst i alle slags klima og miljø. Særleg i tørre regionar.

Fantastisk! Så la dei selje det og tene masse pengar.

Du veit kor hardt eg har jobba for å få til ein fredsavtale mellom Vest-Sahara og Marokko.

Og eg vil vite kva slags avtale du inngjekk med BSG og dei to landa.

Vi er veldig nær ei underskriving av avtalen. Veldig nær.

Kva slags avtale?

Avtalen er at EU skal levere store mengder av det nye såkornet.

- BSG blir eineleverandør av frø? - Ja.

Frøa vil hindre hungersnød. Og stanse nye flyktningstraumar til Europa.

Så du og Laszlo lova BSG å godkjenne oppkjøpet av den største konkurrenten deira?

Er du verkeleg så naiv? Sjå på fakta.

For å kunne produsere nok, treng BSG større anlegg, og difor må dei kjøpe opp Holymon.

Du meiner ikkje dette alvorleg? Det er ikkje mogleg.

Eg byrjar verkeleg å lure på kven du er.

Alvorleg talt? Eg er politikar, nett som du.

Og dersom ein vil ha endringar, må ein vere pragmatisk.

- Få det inn i den idealistiske skallen din. - Du har ført meg bak lyset.

Ingen har ført deg bak lyset. Du blei berre ikkje informert. Ta deg saman.

- Og dersom eg ikkje skriv under? - Då blir du bytt ut.

Slik er det i Brussel, elskling.

... har vi visst at berekraft er nøkkelen.

Vi må sikre ei berekraftig verd for komande generasjonar.

Vi ligg alltid i t...

Falske nyhende

Holymon og BSG er ikkje ærlege.

Dei lovar oss ei vedunderleg framtid der ingen lenger vil svelte.

Eg har bevis for at lokale frø blir bytte ut over heile verda, og at BSG står bak.

- Det kom folk. - Kva gjorde dei med frøa?

Dei bytte dei ut. Dei ville at eg skulle erstatte dei.

Desse selskapa er ikkje akkurat uskuldsreine.

Dei "trygge" plantevernmidla deira har bidratt til utrydding av artar, til sjukdom og død.

Helsefaren er blitt halden skjult, studiar forfalska -

og kontrollorgana førte bak lyset eller smurde for å forlengje bruken av dei.

München i Tyskland

Hallo?

Hallo?

Hels far din

Ei skriftleg utsegn frå 55 % av aksjonærane i Holymon. Dei vil ikkje selje, uansett pris.

Dei støttar styret og meg som adm. dir. i vår kamp mot eit fiendtleg oppkjøp.

Mr. Perlington, kjenner desse 55 prosentane til Afrika?

- Kva meiner du? - Tanzania.

For sju år sidan testa Holymon ut eit nytt patentert bomullsfrø. Avlinga var fenomenal.

Diverre hadde frøet utan tvil ein uheldig effekt på den lokale geitebestanden.

Vi trekte tilbake frøet. Vi måtte gjere nokre justeringar. Noko vi gjorde.

Og no sel vi ganske mykje av det.

Vil det halde fram om folk visste -

at dei sjuke geitene smitta over 300 uskuldige born, og at 176 av dei døydde?

- Det finst det ikkje bevis for. - Fordi de heldt det skjult.

Får dei 55 prosentane av aksjonærane lese dette, vil dei nok revurdere støtta.

De har visst nokre varslarar blant dykk.

Denne interne rapporten kan valde stor skade for Holymon og deg.

Du har 18 timar. Kontakt advokatane dine.

Informer styret og hovudaksjonærane om at du går med på oppkjøpet.

- Suverent. - Det er det du betalar meg for.

- Ja? - Dei har funne lageret.

Det er ikkje bra. Slett ikkje bra.

Gå og prat med dei. Ver offensiv.

Kva?

Greitt.

Postkasseselskap.

Polar Adventure.

Kan eg hjelpe dykk?

Så du pendlar mellom Brussel og Svalbard? Eg har aldri sett deg der.

Eg var der lite under pandemien. Då skjedde det ikkje mykje. Det går betre no.

Så bra. Kva kan du fortelje oss om Adriaan Smit?

Aner ikkje.

Du hadde ein lang samtale med han den 8. august.

Å, han. Heiter han Smit? Han trong varme klede, og vi prata litt.

- Han er òg frå Brussel? - Ja, stemmer. Han nemnde det.

Nei, han bur i Brugge, trur eg.

Har du ei adresse? Eller eit telefonnummer?

Vent litt.

Nummeret hans... Adriaan. Eg skal skrive det ned.

Takk.

Så folk kjem hit og kjøper... skiutstyr?

Ja.

- Hjelmar? - Til dømes.

- Nummeret er ikkje i bruk. - Då kan eg diverre ikkje hjelpe dykk.

Takk.

Dersom de skulle trenge noko som verkeleg held dykk varme.

- Ja? - Dei ser etter Smit.

BSG vil kjøpe Holymon. Adm. dir. Sven Benjamin kjem med fagre lovnader -

om ein ny æra, om openheit, om at BSG har forstått.

Vi forstår...

Hald fram. Straks tilbake.

- Framgang? - Han legg alt materialet sitt inn i videoen.

- Og? - Det kan heilt klart stanse avtalen.

Eg trur han prøvde å sende ein e-post.

Til onkelen kanskje. Han er politi og er i Brussel og leiter etter han.

Og stiller spørsmål om Adriaan Smit.

Eg tenkte du burde vite om det.

Ver klar til å forsvinne utan spor på kort varsel. Kor mykje meir tid treng du?

- Eg veit ikkje. Ein dag, kanskje. - Bra.

Vi treng alt materialet hans og alle han har snakka med.

Du avsluttar dette roleg og profesjonelt.

Det er vel ikkje sannsynleg at vi får Victor over på vår side? Som deg.

- Kjøpe han, meiner du? - Vi kjøpte deg ikkje.

Du var smart nok til å vilje det. Det heldt deg unna fengsel, og du blei kvitt gjelda di.

Han vil gjere noko viktig.

Bidra til meir rettferd. Ei betre verd.

Det vil vi alle.

- Få det gjort kjapt. Pete! - Når vi er ferdige her, kva då?

Sjølv om vi får all informasjonen hans, er han framleis...

Ein trugsel?

La oss vere fleksible.

Møtte du nokon? Kvifor tok du dei ikkje med inn?

Ja. Beklagar det. Det var for din eigen tryggleik.

Det var nokre av dei som finansierer arbeidet vårt. Dei treng ikkje å vite om deg.

- Dei gir deg pengar, men du stoler ikkje på dei? - Velkomen til den verkelege verda.

Beklagar. La oss få jobben gjort.

Denne organisasjonen, Riot... Ingenting. Ingen kontaktar. Dei er som spøkelse.

Dei har eit hemmeleg kommunikasjonssystem for å avtale møte. Og dei ber alltid maske.

- Kva med Ostende? - Hamnevesenet veit ingenting.

Lastebåten er på veg til Tromsø. Ingen veit om det var passasjerar om bord.

Han forsvinn 8. august. Og ti dagar seinare sende han videoen. Frå Ostende.

Ja. Det var iallfall nokon som sende han.

- Kanskje Smit. - Det kan ha vore han som lappa saman Victor -

og fekk han bort frå Svalbard, så han var trygg.

Dei har gått i skjul her fordi dei føler at nokon framleis er etter dei.

Kanskje. Men det er... Vent...

121 med namnet Adriaan Smit som bur i eller utanfor Brussel.

Ifølgje kollegaene våre her. Som ikkje er særleg hjelpsame.

Dei vil ikkje eingong køyre biletet av Smit gjennom systemet fordi "det finst inga sak".

Då får vi plage dei litt.

Kan ikkje du slappe av litt? Politiets tryggings- teneste i Noreg jobbar framleis med saka.

Dei burde ha sendt meg noko for lenge sidan. Eg må berre...

Dei bruker deg for å setje meg under press. Nett som sist gong.

- Det er ti millionar euro! Kva er det som skjer? - Ikkje noko farleg. Pengane er berre...

Det er komplisert. Meir kan eg ikkje seie.

Det var nokon i huset mitt!

- Her inne! Mens eg var her! - Ikkje skrik til meg.

Klart eg gjer! Du kjem hit og seier at det er komplisert, men ikkje farleg?!

Ikkje skrik til meg!

Pengane skal gå til å byggje opp att Sycarda, i Aleppo.

Og difor legg dei pengane frå seg heime hjå meg? Det er idiotisk.

Og du vil byggje opp att Sycarda i eit politisk ustabilt Syria?

Kjære Faiza. Situasjonen i Syria blir snart slik han var. Då byggjer vi det opp att.

Eit eige syrisk agrarinstitutt.

Kven er dei søkkrike folka som avgjer at du fortener så mykje pengar? Kva må du gjere?

Pengane kjem frå ein framtidsorientert og ærleg organisasjon.

Trur du eg er dum?

Ti millionar, i ei veske, kontant. Frå ein ærleg, framtidsorientert organisasjon?

Det der er svarte pengar, for pokker!

Har du? No nettopp? Beklagar, eg har ikkje sjekka.

Ja, her er det. Perfekt. Tusen takk! Ja, dei har allereie...

Adriaan Smit, Thijs von Forde, Freddy Derwahl, Luc Gevers, Pieter Neeskens.

- Fem namn? - Éin mann. Adriaan Smit. Dei er same fyren.

Alle bustadregistrerte i ein liten tettstad utanfor Brussel.

Victor?

Her. Puben. Stopp her.

God dag. Orsak, kjenner du desse namna?

- Ingen av dei? - Nei.

Og denne mannen?

- Nei. - Nei?

Takk.

Orsak at eg forstyrrar, men kjenner de denne mannen?

- Nei. - Ikkje? OK.

Det var nokre utlendingar her i forgårs. To lastebilar på det gamle fabrikkområdet.

Det var mange unge folk. Eg trur dei har leigd ein av hallane.

Victor, kvar er du?

Kva driv du med, Victor? Kva er det du innbiller deg?

Kom igjen, no, gi meg pistolen.

Du gjer ein tabbe. Ein stor tabbe.

Bli der. Bli der!

Roleg no. Du kjem ikkje til å skyte meg.

Du kan ikkje flykte. Ikkje på eiga hand.

Du jobbar for dei. Du vil berre stele alt eg har funne ut.

Kva pokker snakkar du om? Du er vårt beste kort mot BSG.

- Alt står og fell med deg. - Hald deg unna!

Stopp! Rygg tilbake.

Eg trur eg såg noko der.

Er det ein varebil?

Max. Forsiktig!