Original subtitles

Victor har vore borte i ni dagar. Og dei avbryt søket etter éin dag?

Han ville inn dit. Kvifor?

- Kvifor skulle han til Spitsbergen? - Der ligg det globale frøkvelvet.

Han er redd dei tre største såkorn-konserna i verda -

gjennom lokale frøbankar får tilgang til urgamle sortar.

- Deriblant BSG? - Mine damer og herrar: Lona-frøet.

- Kva kan du seie om Holymon-oppkjøpet? - Det ville gitt BSG monopol.

Sven, ring meg. Laszlo har fått slag.

- Dette er meir for deg enn berre ei sak? - Victor er nevøen min.

Dette er svararen til Victor. Du kjenner opplegget: melding etter pipetonen.

Dette er svararen til Victor. Du kjenner opplegget: melding etter pipetonen.

Victor, eg er på Spitsbergen. Gi lyd frå deg.

Det gjer meg trist å sjå han slik, Judith. Men han kjem til å greie seg. Han er sterk.

Dei sa dei fann kokain i blodet hans. For noko tull, Jon.

Sven, ring meg. Laszlo har fått slag.

Vi må vere budde på at han ikkje vil vere i stand til å signere noko meir nokosinne.

Alle mann til pumpene, Gilles. Sest om 30 min. på kontoret mitt. Ja, det er eit nødsfall.

Norske tekstar: Britt Høyland

Bonetti er ute. Han går over til næringslivet neste år.

Gilles, Kreuzer er òg ute av dansen. Eg har dei siste blodprøvane hans her.

Barbiturat og speed? Kvar fekk du dette?

Eg snakka med dei austerrikske partivenene hans.

Ta han ned.

Då står vi att med Sanchez og Kronberg - medlem av Dei grøne og kvinne.

- Ser ut som det blir Kronberg. - Ser slik ut.

- Snakka nokon med russiske styresmakter? - Ja, Jorunn. Men utan hell, er eg redd.

- Han er ikkje registrert om bord i nokon båt. - Kva med cruiseskip?

Han ville blitt registrert. Dei har vore nøye på det sidan pandemien.

- Så han burde framleis vere på øya. - Han kan ha dratt med ein privat båt.

Eg har gitt beskjed til hamnevesenet.

- Kan dei sjekke telefonloggen hans? - Hei. Vi er her. Kan du opne?

Ja. Takk.

Nei, vi kan ikkje triangulere, vi har berre éi mobilmast her ute.

- Kvifor er tysk politi interessert i frølageret? - På grunn av innbrotsforsøket.

Ja, så klart.

Ja... Denne vegen.

Ta til venstre.

Opna i 2008. 220 meter inne i fjellet.

Svalbard blei valt pga. liten tektonisk aktivitet og permafrosten.

Temperaturen er konstant -18 grader.

- Men ikkje så mykje lenger, visstnok. - Pga. klimaendringane.

Vi må ruste opp. I enden av tunnelen er 850000 ulike typar frø lagra i ulike rom.

Heile 200000 av dei er ulike typar ris.

- Kva er det du er interessert i? - Rom 4. Der kveitefrøa er lagra.

Du er godt orientert.

- Kven betalar for alt dette? - Opphavleg den norske staten.

No får vi donasjonar frå ulike selskap. Eit programvarefirma i USA, ei bedrift i Mexico.

Tyske òg? BSG?

Ja, dei donerte nettopp ti millionar til opprusting av anlegget. Men eg veit ikkje nøyaktig...

Eg berre jobbar her.

Ver så god.

Frø frå heile verda fredeleg lagra på same stad.

Nord-Korea ved sida av Sør-Korea. Ukraina ved sida av Russland. Ikkje noko hierarki.

Om vi sprengjer kvarandre i lufta med atombomber, er desse frøa bakcupen?

Til dømes. Ja.

Eg høyrde at de var på puben i går. Fått deg ein ny besteven?

- Ver så snill, gi deg. - Endeleg ein du kan snakke om følelsar med?

- Dei der er frå... - Frå Aleppo.

Dei blei lagra her i byrjinga av borgarkrigen.

Kvifor støttar private selskap ein frøbank?

Inga aning. Skattefordelar?

BSG, til dømes.

Dei produserer frø.

Desse er fleire hundreår gamle. Dei ville vore interessante for ein frøprodusent.

Kanskje er det grunnen til at BSG donerte dei ti millionane.

Finansiering, ja. Men tilgang til frøa? Det er umogleg.

OK. Så kven har tilgang til anlegget?

Jorunn. Og Petter, sjefen min.

- Og du. - Ja. Og eg.

Eivind sa at overvakingsvideoen blir sjekka ein gong kvart døgn.

Kven er det som gjer det? Du?

Ja. Eg og... eller Petter.

- Og de såg ikkje noko mistenkjeleg? - Nei.

Ikkje anna enn den fyren som prøvde å kome seg inn hit.

- Kva er det? - Kvifor er du så nervøs?

- Eg er ikkje nervøs. - Jo.

Du berre...

Kva? Han der bekreftar absolutt alle fordomar eg har mot tyskarar. Ein skikkeleg kuk.

Er han ikkje litt for gammal for deg? OK. Ha det. Hyggjeleg å treffe deg.

- Han er OK. - Sikker?

De to høyrest ut som eit par som kranglar.

Vi er ikkje eit par. Ikkje no lenger.

Dessutan angår det ikkje deg. Hei, Eivind.

Kvar då?

OK. Inn i bilen! Ja, vi kjem.

Kva er det som skjer?

- Takk for at du orka å ta toget. - Pressa på stasjonen var ganske pågåande.

Ikkje overraskande dukka Ramis opp for å stille irriterande spørsmål om turen.

Viktig for imaget. Vi har kontroll på Ramis.

Han er sur fordi han ikkje blir bombardert med søksmål.

Kor stor er sjansen for at vår venn Laszlo kjem tilbake?

- Null. - Kronberg, altså.

- EU-presidenten har allereie ringt henne. - Korleis veit du det?

Akkurat. Det er jobben din.

Jule Kronberg... Er ho god? Kvar står ho?

Partiet hennar har alltid vore opptatt av miljøvern.

Dei har medvind, og ho har vore medlem sidan ho var 16.

- Lidenskapeleg birøktar. Så søtt! - Som barn, og i ungdomen.

Det kan representere draumen hennar: ein hær av små menn som jobbar for éi mektig kvinne.

- Ho vil aldri godkjenne oppkjøpet. - Ho har ikkje høyrt alle argumenta enno.

Kor stor påverknad har eksmannen hennar?

Kronberg har eit forhold til EUs høgrepresentant for utanrikssaker.

Mel O'Connor? Vår Mel?

Det var eit underleg samanfall.

Det er vel eit samanfall?

- Du planla det? - Det er i alle tilfelle nyttig.

Ja? Nei, avtalen er ferdigforhandla. Vi ventar berre på grønt lys frå EU.

Det er pissprat! Send meg tala og ordne eit telefonmøte med Perlington. Berre oss to.

- Og det er masse blod nede ved døra. - Sekken låg slik?

Eg har ikkje rørt noko her. Det er nokre spor der nede.

Høyr etter: Isbjørnen kan framleis vere i området.

OK. Definitivt eit isbjørnangrep. Andreas såg to unge menn her tidlegare i dag.

Og då han sjekka utanfor gruva no, fann han ei avbiten hand og blodspor.

Ifølgje ID-kortet er ein av dei tysk, men det er ikkje Victor.

Vi veit ikkje kven eller kvar den andre er.

- Du kan vel bruke ein slik? - Ja. Takk.

- Går det bra med deg? - Ja då. Eg har berre sove dårleg.

OK, folkens, kom igjen!

De blir med meg inn i mina. Andreas, du tar den vegen, Simen andre vegen.

Ja.

Max!

Går det bra med deg?

Tankane mine går til Imre Laszlo og familien hans.

Og eg håper han vil vere tilbake i jobben om ikkje lenge.

I mellomtida skal eg gjere mitt beste for vise meg tilliten verdig -

og skjøtte embetet i Laszlo si and. Takk.

Gratulerer, EU-kommissær for konkurranse. Eit stort steg opp, endeleg.

- Sjalu? Det er berre midlertidig. - Laszlo kjem ikkje tilbake.

La oss halde intervjuet formelt. Kvar står Holymon-oppkjøpet?

BSG ventar på grønt lys frå EU, men du sa i eit intervju for to år sidan at du var uroleg for -

at slike oppkjøp kan føre til at eitt stort selskap dominerer den globale frømarknaden.

Eg meiner at verdas biologiske mangfald og frøbankar vil sikre matvareberedskapen.

Vi gjer alt vi kan for å sikre god plantehelse og matvarekvalitet i Europa.

Dropp banalitetane. Du ville jo vere annleis.

Vi skulle jo halde det formelt. Fleire spørsmål?

Det ryktast at Laszlo ville godkjenne oppkjøpet.

Så dersom du skal skjøtte embetet i hans and, som du sa, må du gå imot dine eigne prinsipp.

Beklagar, Ian. Du må ha høyrt feil. Du får sjekke kjeldene dine.

- Laszlo ville stanse avtalen? - Noko anna eg kan gjere for deg?

Sam, avtalen var i boks. Når dukka desse tala opp? Du kan ikkje...

- Det er uprofesjonelt. - Det er uprofesjonelt å selje til underpris.

- Den nye taksten må leggjast til grunn. - Med eit ess i ermet? Verkeleg?

Dette er det Holymon er verdt. Vi må reforhandle nokre punkt. Det er vilkåret.

Du er ein forbanna dritsekk, Sam.

- Det er best at du blir her i natt. - Nei, det er berre kulden og lite søvn og mat.

Og eg gløymde å ta tablettane mine. Takk.

Den andre unge tyskaren blei òg funnen i gruva. Bjørnen tok seg inn der òg.

- Skota? - Bjørnen hadde allereie gjort skade.

Kvar er han?

Det er bord nummer to.

- Nei, det er ikkje han. - Eg må berre...

Øyane, havet, stillheita under vatn — eg elskar det.

Det er så vakkert. Stille.

Det er vi som er inntrengjarane her.

Eg har ikkje lyst til å dra herifrå nokon gong.

Men naturen seier meg at eg burde.

Du såg etter eit arr på overkroppen, ikkje sant?

Ja.

Arret ditt... Eg såg det i stad. Det er etter ein transplantasjon?

Nyrene mine slutta å fungere for eit år sidan.

- Normale folk tar seg ein sigarett etterpå. - Eg gjer begge delar.

- Politikjærasten din finn ut av det igjen. - Ho er ikkje kjærasten min lenger.

Aner ho uråd? Prøv å vinne henne tilbake. Det er nyttig å vere tett på politiet.

Minn henne om gode, gamle dagar. Her, til frøboksen. Kvar er han?

Lag ein god middag til henne. Noko ho liker godt.

Mimre litt om då alt var fryd og gaman. Det funkar alltid.

- Korleis gjekk det med tyskaren? - Det var berre småprat.

- Spurde han etter Vegener? - Eg sa berre det politiet allereie veit.

- Har han mistanke om noko? - Ikkje veit eg.

Nei. Eg trur ikkje det.

Du er ikkje sikker, er du vel?

Kva har du tenkt å gjere med han?

Skyte han.

Kom igjen, ikkje ver så pysete.

Ta det med ro. Eg tar meg av han utan kuler.

Og du tar deg av eksen din.

Det var berre Victor. Ingen andre.

Eg kunne aldri ha spurt han. Aldri.

Ein dag kom legen min og sa at nevøen min hadde tilbydd seg å vere donor.

Victor hadde visst sagt til legen: "Det går fint. Eg har jo to."

Det eksisterer inga offisiell etterforsking om Victor, gjer det vel?

Nei.

Han er den einaste familien eg har.

- Av og til går det fort. - Hei. Takk for støtta.

Alltid. Det veit du.

Ver så god. For ein ny æra i EU.

- På ordentleg denne gongen. - Takk.

Kva er det neste på agendaen? BSG-Holymon?

- Ikkje nemn det. - Eg synest det er bra.

Det hjelper fredssamtalane mine i Vest-Sahara.

Du veit kva eg meiner om det. Fred må ikkje bety monopol på frø.

Sjå på det igjen. BSG kan bli banebrytande med det nye frøet sitt.

Og den nye leiaren har gitt selskapet ein meir humanitær profil.

Det er berre marknadsføring, ein strategi. Som berre gir dei endå større makt.

Det er opp til deg. Berre sjå på det igjen.

- Lotte, har du Victors DNA-profil? - På veg. Kan du seie kva som skjer?

Blodspor. Kanskje hans. Det er ikkje så beint fram her. Eg fryktar det har hendt han noko.

Du veit at eg ikkje kan dekke for deg i det uendelege.

Det verkar som han var redd nokon ville bryte seg inn på rommet hans.

- Kven venta han på? - Han dreiv og undersøkte nokre frøselskap.

Sjå her. BSG.

Det forklarar kvifor han absolutt ville inn i frølageret.

Sjå her. 6. august, 16.46.

Då gjekk batteriet tomt.

Det kan bety at han tenkte å kome tilbake før det.

Ja, men kvifor var kameraet framleis her?

Det verkar som han aldri kom tilbake hit.

Max, eg...

Du hadde rett. Eg burde ha sett alvorlegare på dette. Eg er veldig lei for det.

Dersom han tenkte å kome tilbake tidlegare, var det han som returnerte leigebilen?

Karl, har du opptaka?

- Sjefen er ikkje her enno. - Du har ikkje tilgang til opptaka?

Nei. Dei er på hans datamaskin, heime hos han...

Kan du gi oss beskjed så snart vi kan sjå på dei? Det er hastar.

- Eg skal ta meg av det i morgon tidleg. - Ja.

- Går det bra med deg? - Det går fint.

Eg tenkjer eg går tilbake på kontoret og skriv rapport og slikt...

- Vi sest i morgon. - Sest i morgon.

Ta-da! Vil du ha?

- Alkoholfri. Eller du kan få vin... - Kva held du på med? Kaviar òg, ja.

Ekte beluga. Kjøpte det av ein russar. Og så kjem det pizza med sardinar.

- Som på den første daten. - Lennart...

Kan ikkje du berre setje deg ned, så koser vi oss? Et og pratar, som før.

Det er ikkje sånn som før. Og du må slutte å gå inn i huset mitt. Du bur ikkje her lenger.

- Kan du vere snill og gå? - Kom igjen. Vi skal berre ete, ikkje noko anna.

- Vi kan vel vere vener? - Nei, vi kan ikkje det. Det er slutt mellom oss.

Og du må gå!

OK.

Om du ikkje trur at eg òg sørgjer, er det greitt for meg, men det gjer eg.

Men eg sørgjer på min eigen måte.

Ho var ikkje berre di, veit du.

BSG kan antakeleg sjå langt etter oppkjøpet av Holymon.

Ifølgje informasjon frå EU-krinsar vil ny kommissær for konkurranse, Jule Kronberg, -

- sjå på saka på nytt.

Han får ikkje bli ein trussel. Det gamle gravearbeidet hans...

- Eit rettsleg pålegg stoppa det. - Det ville ha endra verda.

No, derimot, ville det vore svært lite hensiktsmessig.

Eg har det under kontroll. Kronberg må berre overtydast.

Men det ordnar seg.

Oppkjøpet har førsteprioritet.

Uansett kostnad?

Godt å vite.

Vi er i ferd med å sleppe opp for tid. Holymon-forhandlingane held fram i morgon.

Og eg veit kva som må gjerast.

Du har slik sinnsro, Jon. Korleis greier du det?

Eg går i kyrkja.

Hei! Dette er telefonsvararen til Victor. De kjenner opplegget: melding etter pipetonen.

Kvar pokker er du?

Er det mogleg?!

Faen!

Ian? Kva er det for noko?

- Ro deg ned. Kva er det for noko? - Eg veit ikkje.

Nokon følgde etter meg, og så... Det var rett før han køyrde meg ned.

Kven har du terga på deg denne gongen? BSG? Igjen?

Dei sende ein hær av advokatar etter deg sist gong. Ligg unna dei store selskapa.

Noko er i gjære. Benjamin er i Brussel. Hoffman handplukkar folk.

Dei vil presse gjennom oppkjøpet, men kvifor er dei ute etter deg?

- Kva veit du? - Researcharen min har forsvunne.

Han skulle finne ut noko om eit frø.

Kanskje han oppdaga noko. Og dei trur at han fortalde meg det.

- Kva heiter kollegaen din? - Victor Vegener.

Dei har fått han til å forsvinne, meiner du.

Det er Hoffman.

Hoffman. Eg liker ikkje å bli kontakta på mobilen. Kva gjeld det?

- Eg ville ikkje forsøme å gratulere deg. - Takk, men du kunne berre sendt ein e-post.

Eg må snakke med deg. I dag.

Det tek ikkje lang tid. Kan eg treffe deg om ein time på ditt nye kontor?

- Å, hei. - Hei. Får du heller ikkje sove?

Nei, ikkje nemneverdig. Og du?

Eg måtte ha litt frisk luft. Eg såg at du gjekk inn hit.

Takk.

Notata til Victor? Forresten, Jorunn og Eivind...

Dei likte ikkje å høyre at det ikkje finst noka offisiell etterforsking.

Men eg sa til dei: Offisiell etterforsking eller ei, eg synest vi skal halde fram, og finne Victor.

- Kva er den nøkkelen til? - Ein stad der du kan ha diskré møte.

Med kven som helst og når som helst du måtte ønskje.

- Rue Marianne 46... - Marokko og Vest-Sahara...

Det var der fredssamtalane kom i gang. Og mange andre avgjerande ting.

Det er ikkje difor du er her, Det gjeld BSG og Holymon.

Og eg vil aldri gi eit føretak som i årevis har øydelagt naturen, -

- monopol på å brødfø verdas befolkning.

Det nye Lona-såkornet frå BSG kan bidra til å utrydde hungersnaud for alltid.

Var det berre så enkelt. Og samstundes får BSG kontroll over verdas matvareforsyning.

Eg snakkar om utrydding av hungersnaud, du snakkar om makt.

Er du klar over at desse frøa kastar dobbelt så mykje av seg?

Dei treng knapt gjødsel og ingen plantevernmiddel.

I regionar med vanskelege klimaforhold kan dei gi svært etterlengta avlingar.

Igjen: Frå meg får du ikkje fritt leide til noko som vil føre til ei styrking av monopolet.

Har du lese rapporten til dine eigne klima- og landbruksekspertar?

Les han på nytt. På side 127 finn du det estimerte talet på flyktningar dei neste ti åra.

Først og fremst frå dei landa som blir hardast ramma av klimaendringar.

Og vi veit begge kvar dei flyktar til. For å hindre dette bør BSG få produsere mest mogleg frø, -

- med hjelp frå Holymon. - Herr Hoffman...

Nøkkelen din.

Mens vi har sete her og småprata, -

kor mange born trur du har svolte i hel i løpet av desse få minutta?

Eitt barn kvart tiande sekund.

Det vil seie om lag 24.

Ha ein fin kveld, fru Kronberg.

Du har kome til prof. Said. Legg att ei melding etter pipetonen. Takk.

Hei, pappa. Eg treng å rådføre meg med deg. Det gjeld eit bestemt såkorn. Ring meg. Takk.

Vink, onkel Max. Om to timar er vi nyrebrør. Kan du sjå litt gladare ut?

- Legg vekk den fordømde greia. - Eit lite smil, ver så snill.

Ja, men...

Han er herleg.

Ja, han gav meg ein ny fødselsdag.

Victor hadde store smerter etter operasjonen.

Eg klandra meg sjølv då eg såg kor vondt han hadde det på grunn av meg.

Det er det vi har familie til. Å ta oss av kvarandre.

Eg trur eg treng litt frisk luft. Har du noko imot å gå ut ein tur?

- Det er framleis lyst ute. - Ja. Det fordømte lyset.

Kvifor kom du hit?

Eg...

Lennart fekk seg jobb på frølageret. Vi hadde nett møtt kvarandre, så eg blei med.

Då vi kom opp hit, byrja han å drikke... meir.

Eg ville veldig gjerne stifte familie.

Og etter kvart blei eg gravid.

Det var den beste dagen i livet mitt.

Men Lennart heldt fram med å drikke, og... Han var utru med eit par turistar.

Og eg mista... barnet mitt.

I femte månaden.

Hjartet hennar slutta berre å slå.

Det var leitt å høyre.

Eg hadde litt...

Eg måtte lære meg å kontrollere pusten min.

Og så byrja eg å dykke.

Under vatn er det... ein augneblink...

... der eg kjenner meg vektlaus. Lett.

Og då er det som om ho er der, saman med meg.

Med sjøen.

Og alt er bra.

Det er frå Victor.

Hei! Hurra for deg! Til lukke med 55-årsdagen, onkel Max. I dag frå Spitsbergen.

Kos deg masse på dagen, og så... håper eg vi snart sest igjen.